ხაიშის მიწები და აღებული კომპენსაციები _ ეკონომიკის სამინისტრო დუმილის უფლებას იყენებს...

მთავარი თემა

ხაიშის მიწები და აღებული კომპენსაციები _ ეკონომიკის სამინისტრო დუმილის უფლებას იყენებს...

2014 თებ 3 12:02:23

 

საქართველოს ტექნიკური უნივერსიტეტის სამშენებლო ფაკულტეტის დეკანი, პროფესორი ზურაბ გედენიძე: "რუსეთმა მაგ პერიოდში იგრძნო, რომ საბჭოთა კავშირი იშლებოდა. ეს საშიშროება რომ არ ყოფილიყო, გამორიცხულია, რუსეთს ხუდონჰესის მშენებლობა გაეჩერებინა. ტურბინა-გენერატორები უკვე გამზადებული იყო და როსტოვში შემოდიოდა დასამონტაჟებლად. როცა რუსეთი მიხვდა, რომ საბჭოთა კავშირი დაშლას აპირებდა, 11 უდიდესი მშენებლობა გააჩერა სხვა რესპუბლიკებშიც და მათ შორის მოხვდა ხუდონიც.

აწ გარდაცვლილი ვახტანგ გრძელიშვილი მეუბნებოდა, რომელიც ჟინვალის მთავარი ინჟინერი იყო, როდესაც მინისტრთან შევედით და მორიდებით ვუთხარით, საქართველოში ძალიან მძიმე მდგომარეობაა და უნდა შევაჩეროთ მშენებლობაო, მაშინვე გადმოგვიყარა საბუთები და გვითხრა, თუ არ გინდათ, მიბრძანდითო.

ანუ, ერთის მხრივ არ დახარჯეს ფული და მეორეს მხრივ, "იზრუნეს" იმაზე, რომ ჩვენ არ გავმხდარიყავით ენერგოდამოუკიდებლები."

 

ხელისუფლებაში მოსვლის შემდეგ ქვეყნის ენერგოდამოუკიდებლობასა და ხუდონჰესზე ფიქრი ამ პროექტის ისეთმა მოწინააღმდეგემაც კი დაიწყო, როგორიც ზურაბ ჟვანია გახლდათ. ამის შესახებ ის 2002 წელს  გაზეთ "ვერსიისთვის".  მიცემულ ინტერვიუში იხსენებს:

 

ზურაბ ჟვანია:"როდესაც პარლამენტის თავმჯდომარე ვიყავი, აშშ-ში და ევროპაში, ბიზნესმენების ჯგუფებთან შეხვედრებისას, ხშირად შემითავაზებია, რომ სერიოზულად ეფიქრათ ინვესტირებაზე  საქართველოს ენერგეტიკაში, მათ შორის ხუდონჰესის პროექტის განახლებაში, ოღონდ რა თქმა უნდა, ეკოლოგიური მოთხოვნების გათვალისწინებით. არის რამდენიმე ვარიანტი, თუ როგორ შეიძლება გამოვიყენოთ იქ არსებული ქვაბული. ძალიან დიდი სამუშაოები იყო ჩატარებული და  ასე მიგდების წინააღმდეგნი ვიყავით მწვანეთა პარტიაში ყოფნის დროსაც. ჩვენ კონსერვაციის მომხრენი ვიყავით, მაგრამ არავითარ შემთხვევაში ასე მიგდების. მოკლედ, დაუშვებელია ხელაღებით იმის თქმა, რომ იქ არაფერი არ უნდა გაკეთდეს. იქ ჩატარებული სამუშაოები საშუალებას იძლევა  ძალიან სერიოზული ობიექტი შეემატოს ქართულ ენერგოსისტემას."

 

130 კომლზე გაცემული კომპენსაციები _ "ამას არავის უარყოფს...მეც ავიღე კომპენსაცია..."

 

მართალია, დაშლის პირას მყოფმა საბჭოთა კავშირმა, სხვა 11 ობიექტთან ერთად ხუდონჰესის მშენებლობაც გააჩერა, მაგრამ 1988 წელს მაშინდელმა მთავრობამ საკმაოდ დიდი თანხა გაიღო კომპენსაციის სახით, რომელიც მაშინ ხაიშში მცხოვრებმა 130-მა ოჯახმა სოფლის დატოვების სანაცვლოდ აიღო. ამას ხაიშის მოსახლეობის გარკვეული ნაწილი არც დღეს უარყოფს.

პასიკო გულედანი, ხაიშის საჯარო სკოლის დირექტორის მოვალეობის შემსრულებელი: "კომპენსაციები გასცეს, მეც ავიღე კომპენსაცია, მაგრამ ის თანხა შევიტანე შემნახველ სალაროში და იქ დამეკარგა ეს ფული. სალაროს წიგნაკი დღემდე მაქვს და როგორც მე დამეკარგა ის ფული, ასევე დაეკარგათ სხვებსაც. ყველა შემნახველ სალაროში ვინახავდით, მაგრამ სახელმწიფომ უკან წაიღო ის ფული. აბა, სახლის საფასურად "საროჩკას" ხომ არ ვიყიდიდი?"

 

ნანა აფციაური, ხაიშის საჯარო სკოლის სამეურნეო ნაწილის გამგე: "ეს კომპენსაციები რომ დარიგდა, მაშინ მე ბავშვი ვიყავი და მის შესახებ ბევრი არაფერი ვიცი. მაგრამ ავიღოთ თუნდაც ქალბატონ პასიკოს ნათქვამი, რომ მან აიღო კომპენსაცია. მაშინ ის ახალგაზრდა იქნებოდა. 30–35 წლის წინ აღებული თანხა ახლა ვის რაში გამოადგება?"

 

კომპენსაციების აღებას არც გარემოს დაცვის სამინისტროს თანამშრომელი, მეტყევე ოლეგ ჭკადუა უარყოფს, რომელიც გაფიცული ხაიშელების ერთ-ერთ მეთაურად ითვლება. მისი "არგუმენტიც" სწორედ ისეთივეა, როგორიც პასიკო გულედანის _ ფული აიღეს, მაგრამ შემნახველ სალაროში დაეკარგათ.

 

"მწვანე ალტერნატივის" წარმომადგენელი, მანანა ქოჩლაძე "გურია ნიუსთან" საუბრისას, ხაიშელების მხრიდან,  კომპენსაციის აღებას არ უარყოფს და ასეთ განმარტებას აკეთებს:

"რაც შეეხება კომპენსაციების აღებას საბჭოთა კავშირის დროს, ამას არავინ უარყოფს, მათ შორის ის ოჯახებიც, რომლებმაც აიღეს. თუმცა, საქართველოს მინისტრთა კაბინეტის 1898 წლის გადაწყვეტილებით, ხუდონჰესის პროექტი არა მარტო უნდა შეჩერებული იყო, არამედ განხორციელებულიყო სალიკვიდაციო და საკონსერვაციო სამუშაოები, რომლებიც არ შესრულდა.  შესაბამისად, თუ ახლა კომპანიას უნდა გამოაჩინოს რომ ამ ადამიანებმა ერთხელ უკვე აიღეს კომპენსაცია, ეს არ არის სწორი. ეს ადამიანები ერთხელ უკვე გადაასახლეს სვანეთიდან, და ისინი დაუბრუნდნენ თავიანთ საცხოვრებელ ადგილს მას შემდეგ, რაც შეჩერდა სრულად მშენებლობა."

 

კახა კალაძე: "ხუდონჰესის განხორციელება ჩვენი ქვეყნისთვის სასიცოცხლოდ მნიშვნელოვანია!"

 

"ჩვენ პრინციპულად ვემხრობით იმას, რომ ჩვენს ქვეყანაში ასეთი მნიშვნელოვანი პროექტი განხორციელდეს. ჩვენ გვაქვს ასეთი მიდგომა: გვინდა ვიყოთ კონსტრუქციულები, მაგრამ ამავდროულად არ დავუშვებთ იმას, რომ ჩვენი ასეთი მიდგომები ზოგიერთმა ადამიანმა და ზოგიერთმა დაჯგუფებამ გამოიყენონ. ქვეყანაში არსებობს კანონი და ჩვენ ვიმოქმედებთ კანონის ფარგლებში. ხუდონჰესის პროექტის განხორციელება ჩვენი ქვეყნისთვის სასიცოცხლოდ მნიშვნელოვანია" _ აცხადებს ენერგეტიკის მინისტრი, კახა კალაძე.

მისივე თქმით, კომპენსაციები იქნება საკმაოდ მაღალი: "მე დაახლოებით ვიცი, რა რაოდენობის თანხებზეა საუბარი, საკმაოდ სოლიდურ თანხებზეა, მაგრამ უფლება არ მაქვს ამასთან დაკავშირებით გავაკეთო განცხადება, რადგანაც ეს კონფიდენციალური საკითხია. მინდა დავარწმუნო ადგილობრივი მოსახლეობა, რომ არც ერთი მათგანი არ დარჩება მოტყუებული."

 

ერთხელ უკვე მიღებული კომპენსაციის შემდეგ, ითვლებიან თუ არა კომპენსაციის მიმღებები კვლავ მესაკუთრეებად და რა უფლებები აქვს ამ შემთხვევაში სახელმწიფოს და იმ ინვესტორ კომპანიას, რომლის სახელზეცაა დაკანონებული აღნიშნული ტერიტორია?

 

ამის შესახებ "გურია ნიუსთან" განმარტებას იურისტი ლევან ალაფიშვილი აკეთებს.

ლევან ალაფიშვილი: "განსახილველ შემთხვევაში, სავარაუდოდ, ეს იყო არა მიწის, არამედ საცხოვრებელი სახლების გამოსყიდვა. ასეთ შემთხვევაში, სახლების გამოსყიდვა იმდროინდელ ტექბიუროში ან აღმასკომში უნდა დარეგისტრირებულიყო, ასეთი გახლდათ იმ დროს მოქმედი სამოქალაქო კოდექსის მოთხოვნა, თუკი რეგისტრაცია არ მოხდებოდა გარიგება ითვლებოდა ბათილად. გარიგების ბათილობა კი ორივე მხარეს ავალდებულებს აღადგინოს საწყისი მდგომარეობა, ანუ დააბრუნოს ყველაფერი სრულად რაც გარიგებით მიიღო - ანუ სახელმწიფოს ჰქონდა მოთხოვნის უფლება, ხოლო სახლების მესაკუთრეებს უნდა დაებრუნებინათ კომპენსაციის თანხა.

საკუთრების უფლება კონსტიტუციით დაცული უფლებაა. თუმცა ეს სულაც არ ნიშნავს, რომ ეს არის აბსოლუტური, შეუზღუდავი უფლება. კონსტიტუცია ამბობს, რომ ამ უფლების შეზღუდვაც შესაძლებელია საჯარო ინტერესებისათვის, კანონით გათვალისწინებული წესითა და შემთხვევებში, სასამართლოს გადაწყვეტილებითა და შესაბამისი კომპენსაციით.

რეალურად, დღეს, ხაიშის მაცხოვრებელთა გარკვეული ნაწილი უარს ამბობენ, იყვნენ მესაკუთრეები.  თუკი ეს ქონება არ არის რეგისტრირებული როგორც კონკრეტული მოქალაქის ქონება, მაშინ ჩვენი კანონმდებლობის შესაბამისად, შესაძლებელია ძალიან მარტივად დადგეს საკითხი, რომ ეს არის სახელმწიფო საკუთრება შესაბამისი თანამდევი შედეგებით. ისე არ აღმოჩნდეს, რომ როდესაც მათ სურვილი გაუჩნდებათ გამართონ მოლაპარაკება ინვესტორთან, ინვესტორმა უთხრას, რაზე მელაპარაკებით, როდესაც მესაკუთრე არ ხართო. სხვათაშორის, ამის ანალოგები ჩვენ არაერთი მოგვეპოვება და დაზარალებული დარჩა მოსახლეობა, რადგან მათ არ ჰქონდათ დაკანონებული მიწები. ჩემი რჩევა იქნება ამ ეტაპზე, აშენდება ხუდონჰესი თუ არ აშენდება, მიწა მფლობელებმა უნდა დაიკანონონ."

შეიძლება თუ არა საქმე მივიდეს ექსპოპრიაციამდე, ანუ საზოგადოებრივი საჭიროებისათვის ქონების ჩამორთმევამდე?

ამ კითხვაზე ვიცე-პრემიერის კახა კალაძის კომენტარი ასეთია: "მე ვფიქრობ, რომ ამ შემთხვევაში ჩვენ ამ კანონის გამოყენება არ დაგვჭირდება!"

ლევან ალაფიშვილი: „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ" კანონის შესაბამისად აუცილებელი საზოგადოებრივი საჭიროებისათვის ქონების ჩამორთმევა ანუ ექსპროპრიაცია ხორციელდება საქართველოს ეკონომიკისა და მდგრადი განვითარების მინისტრის ბრძანების საფუძველზე და სასამართლოს გადაწყვეტილებით.

 

ეკონომიკის სამინისტრო  _ ხელშეკრულების ხელმომწერი დუმილის უფლებას იყენებს

 

2011 წელს საქართველოს მთავრობამ ენერგეტიკის სამინისტროს სახელით გააფორმა ხელშეკრულება ხუდონის პროექტის განხორციელების შესახებ.

2012 წლის იანვარში საქართველოს ეკონომიკის სამინისტრომ გააფორმა ხელშეკრულება კომპანია "Trans Electrica"_სთან ხუდონჰესის მშენებლობისათვის საჭირო სახელმწიფო საკუთრებაში არსებული მიწის გადაცემის შესახებ. პროექტისთვის დამატებითი კერძო მიწის ნაკვეთების შეძენა გათვალისწინებულია პროექტის განხორციელების სამოქმედო გეგმით.  მიწა პირობადადებული და მის გადასახადს კომპანია იხდის.

2013 წლის 2მაისის მთავრობის სხომაზე მთავრობამ ერთხმად მიიღო გადაწყვეტილება ხუდონის პროექტის განხორციელებაზე. ახალმა მთავრობამ 4 თვის განმავლობაში თავიდან შეისწავლა აღნიშნული პროექტი და ახალი ხელშეკრულება გააფორმეს კომპანიასთან.

პროექტის ძირითადი ზემოქმედება მიწაზე ხუდონის პროექტის კაშხალი და რეზერვუარი მოიცავს 528 ჰექტარ მიწას, რომელიც არის სვანეთის ტერიტორიის 0.12%.  პირველადი აღწერის მიხედვით, რომელიც 2012 წელს ჩატარდა ზემოქმედების ქვეშ მოექცევა 184 ოჯახი- 769ადამიანი.

რაც შეეხება განსახლებას, განსახლების საერთაშორისო (მსოფლიო ბანკის) პოლიტიკის მოთხოვნებით განსაზღვრულია შემდეგი:

 

ზემოქმედების ქვეშ არსებული მოსახლეობის ცხოვრების ხარისხი არ უნდა გაუარესდეს, პირიქით გაუმჯობესდეს; კომპენსაციისა და განსახლების პროგრამის შემუშავება მოხდეს პროექტის ზემოქმედების ქვეშ მოქცეულ მოსახლეობასთან კონსულტაციების მეშვეობით;  მიწის გამოსყიდვა განხორციელდება მოლაპარაკებების შედეგად გაფორმებული ხელშეკრულებების გზით, სადაც ეს შესაძლებელი იქნება; ყველა სახის კომპენსაციის შეფასება მოხდეს სანაცვლო ღირებულებით; განსაკუთრებული ყურადღება მიექცეს მოწყვლად ადამიანებს; შემუშავდეს საჩივრების მექანიზმი.

 

ინვეტორი კომპანია აცხადებენ, რომ ისინი მზად არიან შეასრულონ ყველა ზემოთჩამოთვლილი პირობა, ასევე დაგეგმილია ზემოქმედების ქვეშ არსებული სასაფლაოებისა და საფლავების გადატანა. კომპანია მზადაა, განიხილოს განსახლების უბნის განვითარების შესაძლებლობა და მოსახლეობას შესთავაზოს ნაღდი ფულისა და ნატურით კომპენსაციის სხვადასხვა კომბინაცია.

რაც შეეხება ეკონომიკის სამინისტროს, რომელიც 2012 წელს გაფორმებული ხელშეკრულების სამართალმემკვიდრეა, მიაჩნია, რომ მიწებთან დაკავშირებული საკითხი ენერგეტიკის სამინისტროს პრეროგატივაში შედის. თავად მინისტრის, გიორგი კვირიკაშვილის კომენტარი კი ასეთია:

"ამ საქმის მასალებს გაცნობილი არ ვარ და აქედან გამომდინარე, ვერანაირ კომენტარს ვერ გავაკეთებ."

კითხვაზე:"მიწა ხომ ქონებას წარმოადგენს და ქონების მართვის სააგენტო თქვენი სამინისტროს დაქვემდებარებაშია, _  მინისტრმა საერთოდ არ ისურვა პასუხის გაცემა.

ეკონომიკის სამინისტროსთან გარკვეული პრეტენზიები აქვს სახალხო დამცველს, უჩა ნანუაშვილსაც. მისი თქმით, სამინისტროსა და ინვესტორ კომპანიას შორის გაფორმებულ ხელშეკრულებაზე დაინტერესებულმა მხარეებმა არაფერი იცოდნენ.

თუმცა, აქვე უნდა აღვნიშნოთ, რომ ჩვენ აღნიშნული ხელშეკრებულება ეკონომიკის სამინისტრომ უთხოვნელადაც მოგვაწოდა.

 

"შპს "ტრანს ელეკტრიკა ჯორჯიას" ნაკისრი ვალდებულებების შესასრულებლად უსასყიდლო აღნაგობის ფორმით გადაეცა სახელმწიფო საკუთრებაში არსებული ქონება. გიგზავნი ჩვენს ხელთ არსებული დოკუმენტაციის ასლს." _ მხოლოდ ეს მოგვწერეს ქონების მართვის სააგენტოდან ჩვენი 4 კითხვის პასუხად.

 

კითხვები  მდგომარეობდა შემდეგში:

1.თუ შეიძლება გაგვიმარტეთ, ერთ-ერთი მსხვილი ინფრასტრუქტურული პროექტის, ხუდონჰესის  განხორციელების პროცესში როგორ და რა ფორმატით მონაწილეობს ეკონომიკის სამინისტრო და კონკრეტულად რა ღონისძიებების განხორციელება წარმოადგენს ეკონომიკის სამინისტროს კომპეტენციას.

2.1988 წელს, მესტიის აღმასკომთან შეიქმნა ხუდონჰესის დირექცია. ჩვენს ხელს არსებული დოკუმენტების თანახმად,  ხაიშის თემის 130-მა ოჯახმა ხელი მოაწერა და სახელმწიფოსგან მიიღო კომპენსაციები. იმის გათვალისწინებით, რომ სახელმწიფოს თავის დროზე გამოსყიდული აქვს და შესაბამისი კომპენსაციები გადახდილი აქვს ადგილობრივი მოსახლეობისთვის, ამავდროულად საქართველო წარმოადგენს საქართველოს საბჭოთა სოციალისტური რესპუბლიკის სამართალმემკვიდრეს, შეიძლება თუ არა განხილულ იქნას, რომ აღნიშნული მოქალაქეების კუთვნილი მიწა გამოსყიდული აქვს სახელმწიფოს და წარმოადგენს მის კუთვნილებას?

3.ხუდონჰესის ინვესტორი კომპანია, "ტრანს ელექტრიკა" აცხადებს, რომ ის მზად არის კომპენსაცია გადაუხადოს ადგილობრივ მოსახლეობას. იმ შემთხვევაში, თუ აღნიშნული ქონება უკვე სახელმწიფოს კუთვნილებაა და მას გადახდილი აქვს შესაბამისი კომპენსაცია, ხომ არ გვაქვს საქმე იურიდიულ კაზუსთან?

4.ქონების მართვის სააგენტოს მონაცემებით, იხდის თუ არა ხაიშის თემის მოსახლეობა ქონებისა და მიწის გადასახადს?

არაერთი მცდელობის მიუხედავად,  ამ კითხვებზე პასუხი ვერ მივიღეთ...

 

ვისია მიწა და ვინ უნდა გადაწყვიტოს სახელმწიფოს მიერ უმნიშვნელოვანეს პროექტად აღიარებული ხუდონჰესის საკითხი _ სახელმწიფომ თუ სვანეთის უხუცესებმა?

 

პასუხი არც ამ კითხვაზე გვაქვს. თუმცაღა, სასჯელაღსრულების მინისტრი, სოზარ სუბარი, უმრავლესობის წარმომადგენელი ვიქტორ ჯაფარიძე და მესტიის გამგებელი კახა ჟორჟოლიანი აცხადებენ, რომ ისინი 6 თებერვალს, სვანეთის უხუცესების შეკრების შემდეგ გააკეთებენ კომენტარს...




 ახალი ამბები
  • "დააბი პრეზიდენტი" _ აქცია-პერფორმანსი პრეზიდენტის რეზიდენციასთან ახალგაზრდული მოძრაობა „შეცვალეს“ წევრებმა პრეზიდენტის რეზიდენციასთან აქცია-პერფორმანსი „დააბი პრეზიდენტი“ გამართეს. აქციის მონაწილეების განცხადებით, ისინი პრეზიდენტ ზურაბიშვილის მიერ მსჯავრდებულებთან დაკავშირებით მიღებულ გადაწყვეტილებებს აპროტესტებენ. აქციის მონაწილეებმა პრეზიდენტის რეზიდენციის კარზე სიმბოლურად ბოქლომი დაამაგრეს და სტიკერები მიაკრეს #შეცვალე. მათი თქმით, პრეზიდენტი „დასაბმელია“, ამასთან, აცხადებენ, რომ სალომე ზურაბიშვილი იღებს ქვეყნისთვის საზიანო გადაწყვეტილებებს. როგორც აქციის მონაწილეებმა განაცხადეს, აქციებს მომავალშიც გააგრძელებენ. საქართველოს პრეზიდენტმა, სალომე ზურაბიშვილმა 27 აგვისტოს, მარიამობის ბრწყინვალე დღესასწაულთან დაკავშირებით, 34 მსჯავრდებული შეიწყალა, მათ შორის აღმოჩნდენენ მკვლელობისთვის გასამართლებული სამი პირი და ერთი ძებნილი. ... ...
  • ბახმაროში სამაშველო ოპერაცია მიმდინარეობს _ დიდთოვლობის გამო დამსვენებლები ბარში ჩამოსვლას ვერ ახერხებენამ წუთებში, ბახმაროში სამაშველო ოპერაცია მიმდინარეობს _ წუხელ მოსული თოვლის საფარი 30 სანტიმეტრს აღემატება, რის გამოც, დამსვენებლები ბარში წამოსვლას ვერ ახერხებენ. _ დაახლოებით 35 ოჯახი ისვენებს კურორტზე. გამოსვლას ვერ ახერხებენ ის ადამიანები, რომლებიც კურორტზე დაბალი გამავლობის მანქანებით არიან ამოსულები. უკვე დაწყებულია გზების გაწმენდა და მალე, ყველა ადამიანი სამშვიდობოს იქნება, _ აღნიშნა "გურია ნიუსთან" საუბრისას ჩოხატაურის მერმა ირაკლი კუჭავამ, რომელიც შესაბამის სამსახურებთან ერთად ბახმაროში იმყოფება. მისივე თქმით, სპეცტექნიკით დღესვე გაიწმინდება ცენტრალური გზა იმისთვის, რომ ბახმაროში გადაადგილება ყველასთვის შესაძლებელი ... ...
  • "დედა ჩემს შიშველ გადაღებებს ესწრებოდა!" _ ექსკლუზიური ინტერვიუ სექსუალურ ტრეფიკინგში ჩართულ არასრულწლოვნათანდედა მაფრთხილებდა, რომ იმის შესახებ, თუ როგორ მიღებდნენ, არავისთვის მეთქვა, _ ამბობს გოგონა, რომელსაც, ბებიის თქმით, დედის ძალიან ... ...
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს.  ოზურგეთის მუნიციპალიტეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...

არქივი

ზაფრანი

ყველაზე საშიში ფეხსაცმელი

„შლოპანცები“ შეიძლება საზაფხულო, სრულყოფილ ფეხსაცმელად...

როგორ გამოვფხიზლდეთ ალკოჰოლური თრობისგან

თუ ბევრი დალიეთ,  პირველი, რაც...

ის, რაც არასწორად იცოდით

აუცილებელია 8 ჭიქა წყალი დღეში...

ქალის სილამაზის 10 საიდუმლო

როგორ დავფაროთ დაღლილი და ჩაწითლებული...

სამკურნალო სასმელი

უამრავი ადამიანი სვამს ყოველდღიურად ყავას,...

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...