არის თუ არა პენსიონერისთვის შეღავათი 20 ლარი

მთავარი თემა

არის თუ არა პენსიონერისთვის შეღავათი 20 ლარი

2011 სექ 16 00:00:12
მისი პენსია 90 ლარს შეადგენს, თუმცა, იცის, რომ უახლოეს მომავალში 10 ლარით მოიმატებს და 100 ლარამდე გაიზრდება. დასძენს, რომ პენსიით, საარსებო საშუალების მხოლოდ 10-%-ს იკმაყოფილებს და 10 ლარით დიდი ვერაფერი შეღავათი იქნება.

"სოფელი რომ არ მქონდეს, მშიერი დავრჩებოდი. ჩემი პენსიის ძირითად ნაწილს წამლებში და კომუნალურ გადასახადებში ვხარჯავ, იმ წამლებში, რომლის ფასმაც ბოლო სამ წელში 15-ჯერ მოიმატა. დარჩენილი თანხით კი შაქარს, ზეთს, ბოსტნეულს და პურს ვყიდულობ. სამი წლის უკან, პირველადი მოხმარების პროდუქტების ყიდვის უნარიანობა ორჯერ მეტი იყო, ამდენჯერვე ნაკლები პენსიით", _ გვითხრა 72 წლის პენსიონერმა.

მას ყოველდღიურად საკვებისთვის, მინიმუმ, ხუთი ლარი სჭირდება. ანუ 100 ლარი, ისიც გაჭირვებით, მხოლოდ ოც დღეს ეყოფა: "ხორცი თხუთმეტი ლარი ღირს, თევზი _ 12 ლარი, ყველი თევზზე ოთხი ლარით ნაკლებია. ტკბილეულზე არაფერს ვამბობ, რომლის ყიდვას მხოლოდ სადღესასწაულო დღეებში თუ ვახერხებ. ამაში არ იგულისხმება მედიკამენტებისა და სამედიცინო მომსახურების ღირებულება".

საქართველოს სტატისტიკის ეროვნულ სამსახურში ირწმუნებიან, რომ შრომისუნარიან მამაკაცს სრულფასოვანი კვებისთვის ყოველთვიურად 158 ლარი და 60 თეთრი სჭირდება, თუმცა, რამდენი სჭირდება პენსიონერს საარსებო მინიმუმისთვის, აღნიშნულ სამსახურში არ აკონკრეტებენ.

ხელისუფლების წლების წინანდელი დაპირების მიხედვით, 2011 წლის 1 სექტემბრიდან, საქართველოს მუნიციპალიტეტებში მცხოვრები პენსიონერების და თბილისელი პენსიონერების კუთვნილი პენსია უნდა გათანაბრებულიყო. თუმცა, როგორც საქართველოს პრემიერ-მინისტრმა ნიკა გილაურმა და ჯანდაცვის მინისტრმა ანდრია ურუშაძემ სახელმწიფო კანცელარიაში, 13 სექტემბერს გამართულ პრესკონფერენციაზე განაცხადეს, გაზრდილი პენსიების გაცემა 15 სექტემბრიდან დაიწყება.

როგორც ნიკა გილაურმა აღნიშნა, თბილისის მასშტაბით პენსია 10 ლარით გაიზრდება, რეგიონებში კი _ 20 ლარით. გარდა ამისა, შენარჩუნდება ყველა სოციალური შეღავათი.

პრემიერ-მინისტრის თქმით, ეს რეფორმა 670 000-ზე მეტ პენსიონერს და 24 000 მკვეთრად შეზღუდული შესაძლებლობის პირს შეეხება.

"გაზაფხულის შემდეგ 25 მილიონი ლარის მობილიზება მოხდა ბიუჯეტში, ამას კიდევ დაემატება 13 მილიონი და სექტემბრიდან უკვე გაზრდილ პენსიებს მიიღებენ საქართველოს მასშტაბით", - თქვა მან.

"რესპუბლიკური პარტიის" ოზურგეთის რაიონული ორგანიზაციის თავმჯდომარეს მარინე სუნგულიას მიაჩნია, რომ პენსიის ას ლარამდე გაზრდა არჩევნების მოახლოებას უკავშირდება: "ეს მორიგი პიარ-აქციაა და მოსახლეობა დარწმუნებული უნდა იყოს, რომ ფასი ყველა პროდუქტზე, მედიკამენტებზე გაიზრდება და ამ თანხას ათმაგად ამოიღებენ. არ მჯერა, რომ პირველადი მოხმარების პროდუქტებზე დღეს არსებული ფასები შენარჩუნდება, თუ სასწაული მოხდა და ჩემი ვარაუდი არ გამართლდა, მაშინ ან სამედიცინო მომსახურების ხარჯი ან მედიკამენტების ფასი მოიმატებს. უარეს შემთხვევაში, ყველა ერთად", _ ვარაუდობს სუნგულია.

მას მიაჩნია, რომ ხელისუფლება ადამიანების კეთილდღეობაზე კი არა, საარჩევნო ქულების დაწერაზე ფიქრობს: "წინააღმდეგ შემთხვევაში, რეალურ სამუშაო ადგილებს შექმნიდა და არა ისეთს, როგორიც არაკომერციული, არამომგებიანი იურიდიული პირებია, რომელთა რიცხვი დღითიდღე მატულობს და სადაც ხელოვნურადაა გაზრდილი თანამშრომელთა რაოდენობა იმის მიხედვით, თუ ვინ როგორ დაეხმარა ნაციონალებს არჩევნებში. ისინი ხომ ყველა "ერთგულს" აჯილდოებენ" გარკვეული დროით. ასეთი სამუშაო ადგილები სახელმწიფოსთვის არაფერს ქმნის, ბიუჯეტიდან კი ძალიან დიდი თანხები იხარჯება ხელფასზე, რაც თავისთავად მოსახლეობას აკლდება. გაზრდილ პენსიას წინ უნდა უსწრებდეს სამუშაო ადგილების და შემოსავლების ზრდა. სხვა შემთხვევაში ყველა ეს მომენტი ინფლაციას და კიდევ მეტ გაჭირვებას გამოიწვევს".

ექსპერტი ლევან კალანდაძე "გურია ნიუსთან" საუბარში აცხადებს, რომ პენსიის ას ლარამდე გაზრდას, თვეში 9-დან 10-მილიონამდე ლარი სჭირდება: "სამწუხაროდ, 2011 წლის სახელმწიფო ბიუჯეტის პროექტის განხილვის და მიღების ეტაპზე, პენსიის 100 ლარამდე გაზრდისთვის საჭირო თანხები გათვალისწინებული არ იქნა. საქართველოში პრაქტიკულად არ არსებობს ინდიკატური განვითარების გრძელვადიანი გეგმები, რომელიც ბიუჯეტს საფუძვლად უნდა ედებოდეს და რომლის საფუძველზეც წინასწარ უნდა იყოს ცნობილი მომდევნო წლებისთვის საბიუჯეტო ხარჯვის უკლებლივ ყველა პრიორიტეტი. სამწუხაროდ, ჩვენს ქვეყანაში დაგეგმვის ამგვარი, თანამედროვე პრაქტიკა მიღებული არ არის და სახელმწიფო ბიუჯეტის ხარჯვითი ნაწილის ყოველი კორექტირება, ისევე როგორც, ზოგადად ეკონომიკის სხვა დარგებში, ფრაგმენტული ხასიათისაა და წინასწარი გათვლების და პროგნოზების გარეშე ხდება", _ გვითხრა ექსპერტმა. მისი თქმით, პენსიის 100 ლარამდე გაზრდის კამპანიას, ბუნებრივია, სახელმწიფო ბიუჯეტის ხარჯვით ნაწილში გარკვეული კორექტირება სჭირდება და ეს დაახლოებით, თვეში 9-10 მილიონ, ხოლო წლიურად დაახლოებით 110 მილიონ ლარს შეადგენს: "ბუნებრივია, ამ აქციას მკვეთრად გამოკვეთილი პოლიტიკური, განსაკუთრებით კი, წინასაარჩევნო ხასიათი აქვს. ფასების ზრდა, რომელზეც დღეს აპელირებს ხელისუფლება, აგვისტოში არ დაწყებულა და გასული წლის ბოლოდან და მიმდინარე წლის დასაწყისიდან საგრძნობლად დააზარალა პენსიონერების და არა მხოლოდ მათი ბიუჯეტი. სამწუხაროდ, ხელისუფლებას ამ მიმართულებით მაშინ არანაირი ანტიინფლაციური ნაბიჯები არ გადაუდგამს და არც შესაბამისი ანტიინფლაციური და ანტიკრიზისული სტრატეგია არ შეუმუშავებია, პენსიის განაკვეთის ინდექსაციის პრაქტიკის დანერგვაზე რომ აღარაფერი ვთქვათ", _ მიიჩნევს ლევან კალანდაძე და დასძენს, რომ "ბუნებრივია, პენსიონერებისთვის პენსიის ნებისმიერი ზრდა ძალიან მნიშვნელოვანი და კარგია, მაგრამ რამდენად ადეკვატურია ეს ზრდა იმ სიტუაციასთან შედარებით, რაც დღეს ქვეყანაშია, ეს მეორე საკითხია. ბუნებრივია, 100 ლარამდე პენსიის გაზრდა მხოლოდ ნომინალურ ხასიათს ატარებს. მითუმეტეს, თუ გავითვალისწინებთ, რომ ნომინალური საარსებო მინიმუმი ქვეყანაში 160 ლარია, ხოლო რეალური საარსებო მინიმუმი კი, გაცილებით მეტი. ამასთან, პენსიის 10%-იანი ზრდა, ძნელი სათქმელია, რამდენად ადეკვატურია, როცა პირველად სასურსათო პროდუქტებზე, ბოლო წლის განმავლობაში, საშუალო ფასების ზრდა 40%-ია, ტრანსპორტზე და კომუნალურ მეურნეობაზე მოსახლეობის დანახარჯების ზრდა კი, საშუალოდ, 60%-ს შეადგენს".




 ახალი ამბები
  • “პოლიტიკური სარეველა ცეცხლთან თამაშს ნუ გაბედავს!”_ ლადო კახაძე„რადგან შალვა ნათელაშვილმა ჩემზე თქვა მოღალატეაო, მეც ვიტყვი, რომ ეს ადამიანი ჩემთვის პოლიტიკური სარეველაა, რომელსაც მოვლა არ სჭირდება. მასზე ისეთი რაღაცების თქმა შემიძლია, რომ დედამიწაზე თავი არ ექნება გამოსაყოფი, ამიტომ ცეცხლთან თამაშს ნუ გაბედავს“, _ აღნიშნა „გურია ნიუსთან“ მთაწმინდის ოლქში „ქართული ოცნების“ მაჟორიტარობის კანდიდატმა ვლადიმერ კახაძემ. კახაძე პაატა ბურჭულაძის პარტიის დატოვების შესახებაც საუბრობს და აცხადებს, რომ პარტია „ნაციონალურ მოძრაობასთან“ ასოცირდებოდა, რაც მისთვის მიუღებელი იყო. _ ბატონო ვლადიმერ, პაატა ბურჭულაძის ბლოკი „სახელმწიფო ხალხისთვის“, რომლის სახელით 2016 წელს მთაწმინდის ოლქში კენჭი იყარეთ და შემოწირულობის სახით 60 000 გადაურიცხეთ, რატომ დატოვეთ? _ თავდაპირველად არსებობდა საქართველოს განვითარების ფონდი, სადაც  ვმუშაობდი და ვაკეთებდი იმ საქმეს, რომელიც პოლიტიკური ანგაჟირების სფეროს არ წარმოადგენდა. შემდეგ აღნიშნულმა მოძრაობამ  ტრანსფორმირება განიცადა, როგორც პოლიტიკურმა ორგანიზაციამ. პოლიტიკაში ჩართვის შემდეგ ვიფიქრე, რომ ჩემი აქტიურობა იმ პოლიტიკურ მოძრაობაში, რომელიც წინა ხელისუფლებასთან ასოცირდებოდა, არ ივარგებდა. _ 2016 წელს მთაწმინდის ოლქში  გამართულ არჩევნებში მხარი ამომრჩეველთა 2.65%-მა დაგიჭირათ, „ქართული ოცნების“ კანდიდატობის პირობებში გაქვთ არჩევნებში გამარჯვების იმედი? _ რა თქმა უნდა, მაქვს. პაატა ბურჭულაძის ბლოკში ჩემი აქტიურობა აბსოლუტურად ნული იყო, თუმცა ამ პერიოდს ძალიან წარმატებულად ვთვლი. ქალბატონი სალომე ზურაბიშვილისთვის, რომელიც მაშინ ჩემი კონკურენტი იყო, ხელი არ შემიშლია. ტელეეთერით მის წარსულს, ისტორიულ ღვაწლსა და საგვარეულოს მადლობაც გადავუხადე, რაც პარტიის შიგნით კარგად აღქმული არ იყო. მიხარია, რომ დღეს სალომე ზურაბიშვილი პრეზიდენტი და მე „ქართული ოცნების“ მაჟორიტარობის კანდიდატი ვარ. ჟურნალისტები ხართ ადამიანები, რომლებმაც პოლიტიკაში ჩემი დაბრუნება განაპირობეთ. იქამდე, სანამ „ქართული ოცნება“ მაჟორიტარ კანდიდატად დამასახელებდა, ქვეყანაში და მის ფარგლებს გარეთ მიმდინარე თემებზე ჩემს აზრს ვაფიქსირებდი და ოჯახმა, რომელსაც „ქართული ოცნება“ ჰქვია, მოინდომა, რომ ასეთი პოზიციების მქონე ადამიანი მათი გუნდის წევრი გამხდარიყო, რაც დიდი სიხარულით აღვიქვი. _სალომე ზურაბიშვილმა, რომლის წინასაარჩევნო კამპანიაში აქტიურად იყავით ჩართული, პრეზიდენტის რანგში განაცხადა, რომ ცხინვალი ქართულმა მხარემ  დაბომბა, ზურაბიშვილის აღნიშნულ პოზიციას იზიარებთ? _საქართველოს ომი არასდროს დაუწყია. არა მარტო ამ შემთხვევაში, არამედ ისტორიულ წარსულშიც კი. პირადად სულ სხვა პრეტენზიები მაქვს „ნაციონალურ მოძრაობასთან“ _ ცეცხლის ჩასაქრობად წყალი უნდა დაასხა და არა ნავთი. _ მას შემდეგ, რაც „ქართულმა ოცნებამ“ მაჟორიტარობის კანდიდატად წარგადგინათ, „ლეიბორისტული პარტიის“ ლიდერმა შალვა ნათელაშვილმა გაგაკრიტიკათ და „მოღალატე ლეიბორისტი“ გიწოდათ.  „ყველას გამოექცა და კიდევ გამოექცევა, „ოცნებას“ ღმერთმა მშვიდობაში მოახმაროს“, _აღნიშნა ნათელაშვილმა. მის ბრალდებებს რას უპასუხებდით? _პირველ ყოვლისა, ვიტყვი, რომ არ ვარ ადამიანი, რომელიც ხალხის გულის ტკენისთვისაა დაბადებული. საკრებულოში შალვა ნათელაშვილი 12 კაცით შევიდა, რაშიც მე და ჩემს მეგობრებს ძალიან დიდი წვლილი მიგვიძღვის. ნათელაშვილმა თქვა, კახაძე მე დავნიშნე საკრებულოს თავმჯდომარედო, სირცხვილი მატყუარას! „ლეიბორისტულ პარტიაში“ არ შევსულვარ, ნება მივეცი, რომ ჩემი თავი სიაში ჩაეწერათ. საკრებულოს თავმჯდომარის ასარჩევად შალვა ნათელაშვილის თორმეტკაციან სიას ოპოზიციის მხარდაჭერაც სჭირდებოდა. ოპოზიციურმა ფლანგმა ჩემი სახით მხარი დაუჭირა იმ კანდიდატს, რომელსაც ალტერნატივა არ ჰქონდა. ნათელაშვილს სხვა კანდიდატს არავინ გააყვანინებდა. ასევე, მან თქვა, კახაძე „ლეიბორისტული პარტიიდან“ გაიქცაო, მის 12-კაციან ფრაქციაში ორი კაცი დარჩა. პარტიიდან ათი კაცი რომ გავა, ეს ლადო კახაძის ბრალია?! რადგან მან ჩემზე თქვა მოღალატეაო, მეც ვიტყვი, რომ ეს ადამიანი ჩემთვის პოლიტიკური სარეველაა, რომელსაც მოვლა არ სჭირდება. მასზე ისეთი რაღაცების თქმა შემიძლია, რომ დედამიწაზე თავი არ ექნება გამოსაყოფი, ამიტომ ცეცხლთან თამაშს ნუ ... ...
  • საქართველოს ბანკის ფინანსური მხარდაჭერით ახალი ციფრული პლატფორმა შეიქმნა (R)საქართველოს ბანკის, ქვეყნის წამყვანი ბანკის, ფინანსური მხარდაჭერით უძრავი ქონების ახალი ონლაინპლატფორმა Area.ge ყველასთვის ხელმისაწვდომია. Area.ge-ის მიზანია, მომხმარებელს მიაწოდოს სრულყოფილი და მუდმივად განახლებადი ინფორმაცია საქართველოს ბაზარზე არსებული გასაყიდი თუ გასაქირავებელი უძრავი ქონების შესახებ. Area.ge სამშენებლო კომპანიებს აძლევს შესაძლებლობას, კიდევ უფრო ახლოს იყვნენ საკუთარ მომხმარებლებთან, შესთავაზონ მათ საინტერესო წინადადებები და განავითარონ საკუთარი ბიზნესი. ასევე, Area.ge საუკეთესო შესაძლებლობაა აგენტებისთვის (ე.წ. მაკლერებისთვის), რადგან ისინი მუდმივად იქნებიან ინფორმირებულნი უძრავი ქონების ბაზარზე არსებული ვითარებისა და ფასების შესახებ. რაც შეეხება მომხმარებელს, რომელიც დაინტერესებულია უძრავი ქონებით, შესაძლებლობა აქვს სწორედ Area.ge-ზე იხილოს ინფორმაცია, ისეთი უძრავი ქონების შესახებაც კი, რომელიც აქამდე ონლაინრესურსებზე არ იყო ხელმისაწვდომი. Area.ge-ზე მნიშვნელოვნად არის გამარტივებული უძრავი ქონების ძებნის, გაყიდვისა და გაქირავების პროცესი. პლატფორმის უპირატესობაა დაზუსტებული, ხარისხიანი და სანდო ინფორმაცია, რაც ხელოვნური ინტელექტის სისტემებითა და განცხადებების პროაქტიული მოდერაციით გახდა შესაძლებელი. „საქართველოს ბანკი განაგრძობს ციფრული პლატფორმების განვითარების ფინანსურ მხარდაჭერას და მომხმარებლებისთვის კიდევ უფრო საინტერესო და უახლეს ტექნოლოგიებზე დაფუძნებული შესაძლებლობების შექმნას. Area.ge არის სწორედ ის ონლაინსივრცე, რომელიც უძრავი ქონების სფეროთი დაინტერესებული ნებისმიერი მხარის ინტერესს დააკმაყოფილებს - იქნება ეს დეველოპერი, აგენტი თუ ფიზიკური პირი“, - განაცხადა საქართველოს ბანკის გენერალურმა დირექტორმა არჩილ გაჩეჩილაძემ. „Area.ge მომხმარებელს სთავაზობს სრულიად ახალ სტანდარტს, ქონების ძებნისა და განთავსების პროცესის სრულ ციკლს, რაც უპირველესად გამოიხატება პლატფორმის თანამედროვე და დახვეწილი დიზაინით, ასევე, მარტივი და მოსახერხებელი საძიებო სისტემის ფუნქციონალით. ჩვენ ვამარტივებთ კავშირს უძრავი ქონების მაძიებლებსა და განმთავსებლებს შორის. ამით პლატფორმა პასუხობს მომხმარებლის ნებისმიერ მოთხოვნას, რაც მათ უკეთესი გადაწყვეტილების მიღებაში და თავისი AREA-ს პოვნაში დაეხმარება. მინდა მადლობა გადავუხადო „საქართველოს ბანკს“, რომელმაც დიდი ნდობა გამოგვიცხადა ამ პროექტის განხორციელებისთვის“, − განაცხადა ლევან კობახიძემ, Area.ge-ის გენერალურმა დირექტორმა. ... ...
  • გაერო: ციკლონის შედეგად მოზამბიკში 1.85 მილიონი ადამიანია დაზარალებულიციკლონის შედეგად მოზამბიკში 1.85 მილიონი ადამიანია დაზარალებული. აღნიშნულ ინფორმაციას REUTERS გაეროს მონაცემებზე დაყრდნობით ავრცელებს. გაეროს ჰუმანიტარული სააგენტოს თქმით, მუშაკები განსაზღვრავენ რა სახის დახმარების აღმოჩენაა სასწრაფოდ საჭირო. გავრცელებული ცნობით, გარდაუვალია ისეთი დაავადებების გავრცელება, როგორიცაა მალარია და ქოლერა. ... ...
  • ხანძარს მსხვერპლი მოჰყვა საცხოვრებელ სახლში გაჩენილ ხანძარს ქალბატონის სიცოცხლე ემსხვერპლა. შემთხვევა ცოტა ხნის წინ, თბილისში, გორგასლის ქუჩაზე მოხდა. ხანძარი ამ დროისთვის ლოკალიზებულია. წინასწარი ინფორმაციით, დამწვარია 30 კვ/მ ფართობი. ადგილზე მუშაობს 3 სახანძრო-სამაშველო ... ...
  • "ვიდრე გადაწვავს პარლამენტს იქნებ უშველოს ბიძინა ივანიშვილმა და ხელჩაკიდებულმა იარონ"ეკა ბესელია პარლამენტის თავმჯდომარის იმ განცხადებას გამოეხმაურა, სადაც ირაკლი კობახიძე ამბობს, რომ ბესელია რუსთავი2-თან ტანდემშია და მას მძიმე მდგომარეობიდა გამოსასვლელად ხელის გაწოდება სჭირდება. ბესელიას თქმით, ირაკლი კობახიძე, როგორც პარლამენტის თავმჯდომარე იმ სხდომაზე დაასრულა, როდესაც ბიძინა ივანიშვილმა მასთან მიიყვანა და ბოდიშის მოხდა მოსთხოვა.  "მე დავასრულე უკვე კობახიძე, როგორც პარლამენტის თავმჯდომარე დიდი ხანია და ეს მოხდა სწორედ იმ სხდომაზე, სადაც ხელჩაკიდებული მოიყვანა პარტიის  თავმჯდომარემ და მე არ მივიღე მისი ბოდიში ვიდრე საჯაროდ არ გახდა საჭირო მისგან ბოდიშს მოხდა და ისიც იმიტომ მოიხადა ბოდიში, რომ მაშინ თანამდებობა უნდა დაეტოვებინა. აი ასეთი პარლამენტის თავმჯდომარე ჰყავს დღეს ქვეყანას და კიდევ ერთხელ ვამბობ, მე იმ სხდომაზე დავასრულე კობახიძე უკვე. ეხლა დარჩენილია ფორმალური გაფორმება მისი წასვლის და ვიდრე გადაწვავს ამ პარლამენტს იქნებ უშველოს მისმა პატრონმა და ბიძინა ივანიშვილმა ისევ ჩაკიდოს ხელი, ოღონდ სხვასთან მიიყვანოს, არა ჩემთან და ასე ხელჩაკიდებულმა იარონ", _ განაცხადა ... ...

არქივი

ზაფრანი

მეცნიერებმა დედამიწის ზედაპირზე ოქროს გაჩენის საიდუმლო ამოხსნეს

ამერიკელი მეცნიერების აზრით, ოქრო დედამიწის...

როგორ გავზარდოთ ჭკვიანი ბავშვი

ყველა მშობელს სურს, რომ გაზარდოს...

საინტერესო ფაქტები ფაუნის სამყაროდან

ყავისფერი პანდა. ის ამ შეფერილობის...

ყველაზე იღბლიანი ზოდიაქოს ნიშნები

1. ვერძი ვერძებს ყველაფერში უმართლებთ,...

ეს „მახინჯი“ ეიფელის კოშკი

პარიზში ეიფელის კოშკის მშენებლობის დაწყებისას...

ლონდონური „ექსპერიმენტი“

ცოტა ხნის წინ, ქალაქ ლონდონის...
კარმიდამო ჩემი

ჟოლო გახდომაში დაგეხმარებათ

ჟოლოს ერთდღიანი დიეტა ორგანიზმს შლაკებისა...

თაფლი მხედველობას აუმჯობესებს

დღეისათვის კომპიუტერთან მუშაობა ჩვეულებრივ ამბად...

თხილის მცენარის დაავადებათა აფეთქება

თხილის დაავადების აფეთქებას ჩვენში მოსახლეობა...

მეფუტკრე და ადრიანი გაზაფხული

გაზაფხულის დადგომისთანავე განსაკუთრებული ყურადღება უნდა...

თხილის დამღუპველ დაავადებას წლევანდელი თბილი ზამთარი ეხმარება

თხილის კულტურას რომ ყოფნა-არყოფნის საფრთხე...

მოვამზადოთ სათესლე მასალა და დახურულ გრუნტში დავთესოთ

სხვადასხვა ბოსტნეულის დათესვა, უმჯობესია, თებერვლის...

სანამ გაგრძელდება მშრომელი ხალხის აბუჩად აგდება?

საქართველოში, დამოუკიდებლობის გამოცხადების შემდეგ, ჩვენ,...

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...