ვინ აძლევს ბანს ავტობანისთვის მსხვერპლთშეწირვას?

მთავარი თემა

ვინ აძლევს ბანს ავტობანისთვის მსხვერპლთშეწირვას?

2011 სექ 28 00:28:52

თვალებს რატომ მიბრმავებს? ამიტომ მინდოდა ბატონ პრეზიდენტს მისვლოდა ჩემი ამბავი, _ ამბობს იონა გელაშვილი, რომელსაც სახელმწიფო ინტერესების საბაბით, საკუთარ ინტერესებზე უარის თქმას აძალებენ.

 

ვარდების რევოლუციის შემდეგ მოსული ხელისუფლება ყოველდღიურად მონდომებით ირჯება, მოსახლეობის მეხსიერებიდან ამოშალოს ე.წ. "საბჭოური გადმონაშთები", რისთვისაც მობილიზებულია მასმედია, მზადდება სათანადო გადაცემები, მაგრამ ყველა ეს ღონისძიება თეორიული ხასიათისაა, რადგან ჯერ თვით ხელისუფლება არ გათავისუფლებულა იმ "ჭირისგან", რომლისგანაც მოსახლეობის მორჩენას ცდილობს. ესაა ობიექტის ვადაზე ადრე ჩაბარება, გეგმების შესრულებისკენ მისწრაფება და თან, საზოგადო კეთილდღეობის ლოზუნგით, კერძო საკუთრების ინტენსიური ხელყოფა. ქვეყანაში მიმდინარე ნებისმიერი მშენებლობა სახელმწიფო მნიშვნელობის სტატუსს იძენს, დგება ობიექტის ვადამდე ჩაბარების გეგმები და დამთავრებული ობიექტის გახსნასა და პიარს "შემოქმედებით გვირგვინს", როგორც წესი, მთავრობა ადგამს. ადამიანი, პიროვნება, მოქალაქე და მისი კანონიერი ინტერესები, კონსტიტუციური უფლებები კი, პრაქტიკულად ყოველ ნაბიჯზე იგნორირებულია.

აზიის განვითარების ბანკი აფინანსებს პროექტს, რომლის მიხედვით, საავტომობილო გზების დეპარტამენტი ავტობანის მშენებლობას ახორციელებს შეკვეთილი-ბათუმის მიმართულებით. იქ, სადაც ავტობანმა "გაიარა", დაუნდობლად "გაჭყლიტა" თითქმის ნახევარსაუკუნოვანი შრომითი ბიოგრაფიის მქონე გლეხიკაცი _ იონა გელაშვილი. "მისი ლანდი არსებობის მანძილზე, რიჟრაჟი რომ მოატანს, ბაღ-ბოსტანში დაცოცავს, იქაურობას ხევს, ფქვავს, ჰკორტნის, გაშმაგებული ბარი დევის კბილივით კრიალებს და ჭახუნით ახრამუნებს შავ მიწას" _ დიახ, 73 წლის მოხუცს იონა გელაშვილს, "დამპატიჟეს" თევდორესავით შრომით წელგათრეულს, ახალი დროის "დამპატიჟეები" მიადგნენ და ჩაყოლა გიჯობს, თორემ ჩაგითრევთო, "ურჩევენ". არ თანხმდება საკუთარ სიმართლეში დარწმუნებული და ამიტომ გაჯიუტებული, უსაზღვროდ მშრომელი კაცი და უსამართლო ქვეყანაში "იმპერატორამდე ჯოხით მისვლას" აპირებს. მან თავის გულისტკივილზე საუბარი "გურია ნიუსთან" ასე დაიწყო:

_ ძალიან მინდა, ბატონ პრეზიდენტს მისვლოდა ჩემი ამბავი, მე მთავრობას კი არ ვებრძვი, სიმართლის დადგენას ვითხოვ, დატაცებას რომ აქვს ადგილი ჩემი კუთვნილი ქონების მიმართ, რატომ უნდა წამართვან ასე ყაჩაღურად მიწა? ერთ-ერთმა პიროვნებამ მათი მხრიდან ასე თქვა: "ღმერთმა ნუ ქნას, აქანე ათასი მეტრო მიწა რომ არ დევითრიოო, ედემის ბაღი ყოფილაო"... _ რა-მეთქი? _ ვკითხე. შეცბა, გააღო მანქანის კარები და გველნაკბენივით გამეცალა. მოწადინებული ვარ, მივაწვდინო ხმა ბატონ პრეზიდენტს. მითხრეს, შენ ამდენი ფული შენს ცხოვრებაში არ გექნება ნანახიო, შეირგე და გეყოსო. რატომ გგონიათ, მასე-მეთქი, ვკითხე. დეპარტამენტშიც ვიყავი, მოვუყევი ყველაფერი და ვუთხარი, რომ სხვას სხვანაირად გადაუხადეს და მე არა-მეთქი, სხვებს დამატებითი თანხა მისცეს, ჩემ გარდა-მეთქი. რატომღაც მიბრიყვეს და ჩალის ფასად მიპირებენ საკუთარი ნაკვეთიდან გადმოგდებას. თხინვალში მცხოვრები 73 წლის კაცი ვარ, 46 წელი აქ, ლეკიანში გავატარე, ფერმერი ვარ, ფერმის გამგე ვიყავი. სათეს ფართობზე, აზიის განვითარების ბანკიდან მოსული საბუთის საფუძველზე, 8 ლარად არის შეფასებული 1 კვ. მეტრი მიწა. ჩემი მიწა კი საძოვრად შეაფასეს. იქ მქონდა მრავალწლიანი ნარგავები, ახლაც ავიღე 400 კილო თხილი, მალე მოვკრეფ 700 კილო ყურძენს, ისეთი მოვლილი ეზო მაქვს, ბაღნარი გეგონებათ, რომ შემოხვალთ შიგ, იმდენი ლეღვი მაქვს, ექვს სოფელს ეყოფა. არაფერზე ხელს არ მაკარებინებენ, ჩვენია და ჩვენიაო, _ იძახიან. მიმდინარე წლის გაზაფხულზე მივმართე იურისტებს _ მე მთავრობას არ ვებრძვი, პირიქით, თუ დასჭირდება, იქეთ მივცემ მიწას, მაგრამ რატომ მატყუებს? თვალებს რატომ მიბრმავებს? მე თუ ბევრი მიწა მაქვს, ვიყიდე და ბევრი გადავიხადე, რა, მაჩუქეს თუ? ყველაფერი კანონიერად მაქვს. პროკურატურა რომ მოსულიყო ჩემთან, ყველაფერს მოვუყვებოდი და ვეტყოდი. თქვენ რომ ნახოთ, რანაირ მოვლილ ბაღს მატოვებინებენ, გული მოგიკვდებათ, კაპიკსაც არ მაძლევენ, დენი გადამიჭრეს, უშუქოდ ვარ. ასე უპასუხისმგებლობა როგორ შეიძლება? იქ წერს აზიის განვითარების ბანკი, რომ გასახლება ხდება ჩვენი ძალებითო, მისი ძალებით კი არა, ჩემსას არ მანებებენ. შენობა-ნაგებობა ჩვენ ვიყიდეთ და ხელი არ მოკიდოთო. მივმართე გია ტაკიძეს, მაგრამ აწი რა აზრი აქვს?

სპს იურიდიული კომპანია "თოიძე და პარტნიორების" იურისტი, აკაკი თოიძე, რომელიც დაზარალებულ იონა გელაშვილის ინტერესებს იცავს, "გურია ნიუსთან" საუბარში აღნიშნავს: _ ამ ადამიანს შეკვეთილში, კონკრეტულად კი ლეკიანში, გააჩნდა სასოფლო-სამეურნეო სავარგულისთვის მიწის ნაკვეთი. აქვს მსხვილფეხა რქოსანი პირუტყვის ფერმა. ამ საქმიანობას ათეული წლების განმავლობაში ეწევა. ჯერ იჯარით ჰქონდა მიწა, შემდეგ კი შეიძინა, დაარეგისტრირა საჯარო რეესტრში, როგორც კერძო საკუთრება. ახლა აღმოჩნდა, აღნიშნული ნაკვეთი საავტომობილო გზის მოქმედების არეალშია. მოვლენები ასე განვითარდა: ადამიანი არის მესაკუთრე, დარეგისტრირებული ქონებით საჯარო რეესტრში, აქვს გამართული მეურნეობა, ვაზი, ხეხილის ბაღი მრავალწლიანი ნარგავებით გაშენებული. მოჰყავდა ერთწლიანი კულტურები. როცა იგეგმება ცენტრალური საავტომობილო გზის მშენებლობა და როცა სახელმწიფო ინტერესია, სახელმწიფო კანონი ითვალისწინებს საზოგადოებისთვის აუცილებელი საჭიროებისთვის ქონების კონფისკაციას, ექსპროპრიაციას. ამ შემთხვევაში კი ექსპროპრიაცია არ გახორციელებულა, ელემენტარულად, რამდენიმე ეტაპად იყო დაყოფილი ამ მიწის ნაკვეთების შეძენა ბატონი იონა გელაშვილისაგან. ეს ადამიანი, ჩვენ ვთვლით, რომ არის დაზარალებული ამ გარიგების საფუძველზე. ჩვენ საკმაო მასალები დავაგროვეთ, გამზადებული გვაქვს სარჩელის სახით და ოფიციალურად სასამართლოს მივმართავთ, თუ მხარეები ვერ შეთანხმდებიან. ჩვენ საავტომობილო გზების დეპარტამენტიდან და აზიის განვითარების ბანკიდან ვითხოვთ სრულ ინფორმაციას, ჩვენი მოთხოვნის კანონიერებასთან დაკავშირებით, ანუ ჩვენ გვინდა, რომ სარჩელი წარვადგინოთ სასამართლოში, რომელიც იქნება დასაბუთებული. თუ მხარეები ვერ მორიგდებიან, დავას გადაწყვეტს სასამართლო, _ ამბობს ადვოკატი აკაკი თოიძე.

_ ბატონო აკაკი, რას მოიცავს ეს მასალები?

_ იონა გელაშვილს არ უანგარიშეს უძრავი ქონების ღირებულებები სრულად, რასაც ითვალისწინებდა აზიის განვითარების ბანკის მიერ შედგენილი გეგმა. ამ ქონების შესყიდვასთან დაკავშირებით, არსებობს განსხვავება: თუ მიწის ნაკვეთი საძოვარია, რომელიც ჩვეულებრივად დაუმუშავებელია, ფასი შედარებით ნაკლებია. ბუნებრივია, როცა მყიდველობით ფასზე მიდგება საკითხი, ნაკლებად შეფასდება. არსებობს მიწის ნაკვეთი, რომელზეც არის მრავალწლიანი ნარგავები გაშენებული და მისი ფასი მეტია. არის მიწის ნაკვეთი, რომელიც შენობა-ნაგებობებით არის დაკავებული და ესეც მეტად ფასობს. ეს თვითონ აზიის განვითარების ბანკმა თავის სამოქმედო გეგმაში ჩადო.

_ რას ითხოვთ?

_ ჩვენ რაიმე პრეტენზია უშუალოდ მშენებელ ორგანიზაციასთან არ გვაქვს, რადგან ის მუშაობს უშუალოდ დაგეგმილი პროექტის მიხედვით. მას ეუბნებიან, შენ ამ მიმართულებით უნდა გაიყვანო გზა, ხე შეგხვდება? _ უნდა აიღო, გორა შეგხვდება? _ გააპე და გაასწორე, გვირაბია? _ საჭირო გვირაბი შეიყვანე. გამომდინარე იქედან, რომ სრულად არ მოხვედრილა ამ საავტომობილო გზის არეალში ბატონი იონა გელაშვილის კუთვნილი ფართი, შედგა ნასყიდობის ხელშეკრულება. როგორც ხელშეკრულებიდან ირკვევა, განსაზღვრული იქნა კვადრატული მეტრი ფართის ფასი 6 ლარი. დეპარტამენტმა განაცხადა, რომ ჩვენ ჩავატარეთ ექსპერტიზა და ფასიც განვსაზღვრეთო. თუმცა საექსპერტო დასკვნიდან ირკვევა, რომ ეს მიწის ნაკვეთები არ არის შეფასებული იმ კუთხით, როგორი კვალიფიცირებაც აქვს საკანონმდებლო წესებიდან გამომდინარე. არ არის განსაზღვრული, სახნავი რამდენია და საძოვარი _ რამდენი. ასევე, მრავალწლიანი ნარგავები სადაც არის, გაუშვეს ეს ტერიტორია მთლიანად საძოვარში. დაზარალებულისთვის, რაც შეიძლებოდა მინიმალური ფასი იქნა გადახდილი.

კიდევ ერთხელ ვიმეორებ, კანონი თუ გეუბნება, კი, ბატონო. სახელმწიფო ინტერესი ყველასთვის მისაღები უნდა იყოს, მაგრამ კანონი ამბობს, რომ ამ შემთხვევაში, უნდა მოხდეს ქონების სათანადო კონფისკაცია. ეს იმას ნიშნავს, რომ ადამიანმა, ვისი საკუთრებაც მოხვდა ამ არეალში, მალევე უნდა მიიღოს შესაბამისი ანაზღაურება,

_ ვის მიმართეთ კონკრეტულად და რას მოითხოვთ?

_ პირველ რიგში, ჩვენ მივმართეთ საავტომობილო გზების დეპარტამენტს, რომელიც შედის ინფრასტრუქტურისა და რეგიონული განვითარების სამინისტროში. ჩვენ კი არ ვდავობთ იმაზე, რომ სახელმწიფო სტრუქტურა ამ შემთხვევაში კერძო ინტერესებს ლახავს, მაგრამ ილახება, იქედან გამომდინარე, რომ რაც ეკუთვნის და რაც გაწერილია თვითონ აზიის განვითარების ბანკის მიხედვით, ამ შემთხვევაში ბატონ იონა გელაშვილს არ მიუღია. მივმართეთ დეპარტამენტს, მივმართეთ ასევე აზიის განვითარების ბანკსაც. მოგვივიდა მასალებიც, მიიჩნევენ, რომ ჩვენი მოთხოვნა და დავა ამ შემთხვევაში, არ არის არგუმენტირებული, ეს ყველაფერი მოხდა ექსპერტიზის დასკვნის საფუძველზეო.

ჩვენ იმაზე ვდაობთ, რომ მიწა მიჩნეულია საძოვრად, აუთვისებელ ნაკვეთად არის შეფასებული, რომელიც თითქოს ბატონ იონა გელაშვილს ჰქონდა გამოუყენებელი.

_ რა მოგწერათ საპასუხოდ საგზაო დეპარტამენტმა?

_ საგზაო დეპარტამენტმა გვითხრა, რომ კი, ბატონო, თქვენ დაობთ იმ მიმართვაში, რომ გაცილებით მეტი ღირდა კვადრატულ მეტრობაში თქვენი ფართი, მაგრამ ჩვენ ეს პირადად არ შეგვიფასებია, შეაფასა ექსპერტიზამ და სპეციალისტებმა განსაზღვრესო.

სანამ საავტომობილო დეპარტამენტი ამ მიწის ნაკვეთს იონა გელაშვილისგან შეიძენდა, საჯარო რეესტრში რეგისტრირებული იყო საკუთრების უფლებით. ამ საკუთრების უფლებაში მიწის დანიშნულება ისე არის მითითებული, რომ იგი სასოფლო _ სამეურნეო დანიშნულების სახნავ-სათესია და არა _ საძოვარი.

_ რა სტადიაშია საქმე?

_ ჩვენ ერთხელ მივმართეთ საგზაო დეპარტამენტს, ორჯერ კი აზიის განვითარების ბანკს ინფორმაციისთვის. მოვითხოვეთ დოკუმენტაცია, როგორ მოხდა ფასების ნიხრის დადგენა. გამოგვიგზავნეს დოკუმენტაცია, დამუშავებული გვაქვს საბოლოო სახით ეს ყველაფერი და ისევ საგზაო დეპარტამენტს გავუგზავნით, თუ ეს საბოლოო ვარიანტი მათთვის იქნება მისაღები და თუ მოხდება მხარეებს შორის შეთანხმება, გადაწყვეტილება თავად უნდა მიიღოს ბატონმა იონამ. თუ ეს დამატებითი შეთანხმება არ მოხდა, მეტი რა გზაა _ მივმართავთ სასამართლოს.




 ახალი ამბები
  • "დედა ჩემს შიშველ გადაღებებს ესწრებოდა!" _ ექსკლუზიური ინტერვიუ სექსუალურ ტრეფიკინგში ჩართულ არასრულწლოვნათანდედა მაფრთხილებდა, რომ იმის შესახებ, თუ როგორ მიღებდნენ, არავისთვის მეთქვა, _ ამბობს გოგონა, რომელსაც, ბებიის თქმით, დედის ძალიან ... ...
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს. მათ ჯილდოები ზურაბ ნასარაიამ და კოტე შარაშენიძემ გადასცეს. ოზურგეთის მუნიციპალიეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...