დაანონსებული გათავისუფლების ქრონიკა

მთავარი თემა

დაანონსებული გათავისუფლების ქრონიკა

2014 ივლ 10 20:04:02

კოალიცია "ქართული ოცნების" მერობის კანდიდატის დავით ნარმანიას განცხადებას, თბილისის მერიიდან არაკვალიფიციურ კადრების გათავისუფლების შესახებ, პიარ-ტექნოლოგები დადებითად აფასებენ. მათი თქმით, ნარმანიას ამომრჩეველზე დაანონსებული გათავისუფლება დადებითად იმოქმედებს, თუმცა გარკვეულწილად, განცახდებას უარყოფითი დამოკიდებულებაც შეიძლება მოჰყვეს.

როგორც ნარმანიამ სასტუმრო "შერატონ მეტეხი პალასში" გამართულ დებატებზე განაცხადა, "ერთიანი ნაციონალური მოძრაობის" წევრები და ყოფილი მაღალჩინოსნები დასაქმებულები არიან სხვადასხვა სამეთვალყურეო საბჭოებში და გაფორმებულები არიან მძღოლებად და დამლაგებლებლად. 

"დედაქალაქის მერიაში აუცილებლად განხორციელდება სტრუქტურული ოპტიმიზაცია. ეს გულისხმობს ერთი მიმართულებით იმ სტრუქტურების დამატებით შექმნას, რომელიც აუცილებელია ჩვენი პროგრამის უზრუნველყოფისთვის.

არ გამოვრიცხავ, რომ ცალკეული სტრუქტურული ერთეულების შეკვეცა მოგვიწიოს. ჩვენი მთავარი ამოცანა იქნება, რომ ამ სტრუქტურული ოპტიმიზაციის შედეგად არ დაზარალდნენ კვალიფიციური კადრები. ჩვენ შევინარჩუნებთ ყველა კვალიფიციურ კადრს. მაგრამ არსებობს სხვადასხვა სამეთვალყურეო საბჭო, სადაც დასაქმებულები არიან "ნაციონალური მოძრაობის" მომხრეები.

თვეები ისე გადის, რომ ეს ადამიანები არაფერს აკეთებენ. ძალიან ბევრი ყოფილი მაღალჩინოსანი მძღოლად, დამლაგებლად არის გაფორმებული და ათასობით ლარს ღებულობენ შრომის ანაზღაურების სახით. ცალკეული თანამდებობის პირები ერთის ნაცვლად ორ ადგილზე არიან გაფორმებულნი. ასეთი ადამიანების გაშვების შემდეგ მათ ადგილზე შევარჩევთ იმ ადამიანებს, რომლებიც არიან გარეთ და არიან კვალიფიცირებულები", _ აღნიშნა ნარმანიამ. 

საზოგადოებრივი კომუნიკაციების მართვის სპეციალისტი, ანალიტიკოსი არჩილ გამზარდია "გურია ნიუსთან" საუბრისას ამბობს, რომ "ნარმანიას განცხადება იმ ბუნებრივი პროცესის დეკლარირებაა, რაც, სამწუხაროდ, საქართველოში ჩვეული პროცესია“.

"ნარმანია იქნება თუ ნებისმიერი სხვა, მნიშვნელოვანი ცვლილებებისას წამყვან ადმინისტრაციულ თანამდებობებს საკუთარი გუნდით ცვლის. ეს ერთი მხრივ, ნორმალური პროცესია, მართვის გუნდის ცვლის უფლება ძირითადი ლიდერისთვის, მეორე მხრივ, ამ უფლების არასწორად გამოყენება მიდის ლამის ყველა სეგმენტზე, რაც ჩვენს ორგანიზაციებს ან კლანიზმში გადაზრდის ან პოლიტიკურ ინტერესთა ჯგუფებში.

სხვა მხრივ, თავად განცხადების ფორმაში, სადაო მოცემულობა პირდაპირად არ მოჩანს, ორგანიზაციებისთვის ჩვეული სტრატეგია უნდა იყოს კვალიფიკაციაზე ზრუნვა, თუმცა, საქართველოში "კვალიფიციური თანამშრომლების" ძიება, როგორც წესი, პოლიტიკურ ანგარიშსწორების ინსტრუმენტს უფრო წარმოადგენს. რამდენად სანდოდ ისმის ნარმანიას განცხადება ამომრჩევლისათვის, ეს მისდამი პოლიტიკურ განწყობაში გამოვლინდება. ვფიქრობ, მსგავსი განცხადებები მეტი სიფაქიზითა და გააზრებით უნდა კეთდებოდეს, მაგრამ მეორე მხრივ, დღევანდელ მოცემულობაში ამ ფაქტორს განსაკუთრებული მნიშვნელობა, არა მგონია ჰქონდეს", _ აცხადებს გამზარდია.

საზოგადოებასთან ურთიერთობის მარკეტინგული კომუნიკაციების სპეციალისტ ელდარ პირმისაშვილს კი მიაჩნია, რომ "ეს განცხადება იმ ადამიანებზე იმოქმედებს, რომლებიც მერიიდან ხელფასს დაუმსახურებლად იღებს. მაგრამ ნარმანიას განცხადება გათვლილი იყო მის ამომრჩეველზე, რომელიც უფრო რადიკალურია. მათთვის ეს კარგი მესიჯი იყო".

"ვფიქრობ, რომ აქ ორი ტიპის მიდგომაა. ერთი ის, რომ საზოგადოება მთავრობისგან რადიკალურ ზომებს ითხოვს. ეს ზომებია გათავისუფლება, დაჭერა და ა.შ. ეს მათ ამომრჩეველში უარყოფით დამოკიდებულებას არ აჩენს. მეორე მიმართულებაა ის ადამიანები, ვინც მეტნაკლებად დაუკვალიანებლები არიან და პირდაპირ ნარმანიას მხარს არ უჭერენ, მათზე, მსგავსი განცხადებები, რა თქმა უნდა, იმოქმედებს.

მოტივი თავიდანვე ნათელია, რომ დავით ნარმანია ძველი ხელისუფლების მომხრეებს მერიიდან გაათავისუფლებს და თავის კადრებს მიიყვანს.თუმცა, ვფიქრობ, რომ ტოტალურ გათავისუფლებაზე საუბარი არ ყოფილა და ძირითადად, მან ყურადღება მმართველ რგოლზე გაამახვილა. თუმცა, არა მგონია, ნარმანიას ან მელიას ამომრჩეველს მოეწონოს, ვინმე ხელფასს დაუმსახურებლად თუ იღებს. ამ ადამიანების მიმართ საზოგადოებას ძალიან მაღალი ინტერესი აქვს, რადგან მათი ფული იხარჯება. შესაბამისად,  მერიის დანახარჯებზე უფრო მკაცრი მონიტორინგი უნდა არსებობდეს", _ აცხადებს პირმისაშვილი "გურია ნიუსთან" საუბრისას. 




 ახალი ამბები
  • რას ამბობენ პრეზიდენტის ადმინისტრაციაში ზურაბიშვილის განცხადებაზე„საქართველოს პრეზიდენტის სიტყვა კიდევ ერთხელ დამახინჯდა და კონტექსტიდან ამოვარდნილი სხვა ინტერპრეტაციით გავრცელდა“,_ აღნიშნული ტექსტი პრეზიდენტის ადმინისტრაციის განცხადებაში წერია. „პრეზიდენტის გამოსვლა ღონისძიებაზე ეძღვნებოდა საქართველოს ეროვნულ იდეოლოგიას, კულტურას, მეცნიერების გაძლიერებას და გულისხმობდა ჩვენი კულტურით მსოფლიოში მნიშვნელოვანი ადგილის დაკავებას. სწორედ ამ გაგებით ჩვენ მსოფლიო შეგვიძლია დავიპყროთ კულტურით. პრეზიდენტი კიდევ ერთხელ ხაზგასმით აღნიშნავს, რომ ეს არანაირად არ ეხებოდა საქართველოს თავდაცვის ძალებს და მათი ღირსების დაკნინებას. ასეთი ყალბი ინტერპრეტაციის გავრცელება არა მხოლოდ პრეზიდენტის დისკრედიტაციის მცდელობა და ბულინგია, არამედ ეს უპირველესად აზიანებს ქვეყნის ინტერესებს და უსაფრთხოებას“,_ წერია გავრცელებულ ... ...
  • გენერალ-ლეიტენანტი: "თავდაცვის ძალები არის ერთ-ერთი სერიოზული ძალა რეგიონში"საქართველოს პრეზიდენტის მიერ გაკეთებულ განცხადებას არ ეთანხმება გენერალ-ლეიტენანტი, ვლადიმერ ჩაჩიბაია. ჩაჩიბაიას განმარტებით, რეგიონში საქართველოს თავდაცვის ძალები შეიარაღებითა და მოდერნიზაციით ერთ-ერთი სერიოზული ძალაა, პრეზიდენტმა კი გაკეთებულ განცხადებაზე განმარტება უნდა გააკეთოს. „რა იგულისხმა პრეზიდენტმა თავის განცხადებაში, ამაზე ვფიქრობ, თვითონ გააკეთებს განცხადებას. თავდაცვის ძალები არის ერთ-ერთი სერიოზული შეიარაღებით და მოდერნიზაციით რეგიონში, მინდა ავღნიშნო, რომ მოდერნიზაციის პროცესი მიმდინარეობს. ამის ნათელი მაგალითია, თუნდაც, ის,  რომ უახლოეს წარსულში შევიძინეთ ჯავანის ტიპის ტანკსაწინააღმდეგო საშუალებები. უახლოეს მომავალში კიდევ ახალ ამბებს გავიგებთ, რომელიც დაკავშირებულია ჩვენი ჯარის გადაიარაღებასა და შეიარაღებასთან“,_ განაცხადა ... ...
  • ღარიბაშვილი: "მიუღებელია მთავარსარდლის მხრიდან მსგავსი განცხადება"საქართველოს თავდაცვის მინისტრი, ირაკლი ღარიბაშვილი პრეზიდენტის მიერ გაკეთებულ განცხადებას, კატეგორიულად მიუღებელს უწოდებს. „ქართული ჯარი არის ძლიერი და ჩვენ გვყავს გმირი სამხედროები- ეს მინდა ვუთხრა საქართველოს პრეზიდენტს. ყოვლად მიუღებელია საქართველოს მთავარსარდლის მხრიდან მსგავსი განცხადების გაკეთება. არ ვიცი რას გულისხმობდა პრეზიდენტი, ალბათ, საჭიროებს მეტ კონკრეტიკას და ახსნა-განმარტებას. როგორც თავდაცვის მინისტრი გავაკეთებ ყველაფერს, რომ ქართული ჯარი კიდევ უფრო გაძლიერდეს“,_განაცხადა ... ...
  • 20 წლის წინ საზოგადო მოღვაწე აკაკი ბაქრაძე დაკრძალესქართველი კრიტიკოსი, ხელოვნებათმცოდნე, პუბლიცისტი, საზოგადო მოღვაწე აკაკი ბაქრაძე1999 წლის 11 დეკემბერს დიდუბის პანთეონში დაკრძალეს. ოზურგეთელი ნინო კუკულაძე, რომელიც ახლოს იცნობდა აკაკი ბაქრაძეს საინტერესო ამბავს წერს სოციალურ ქსელში.  “12 დეკემბერს, დილით, პანთეონში მისულ ჭირისუფალს აკაკი ბაქრაძის საფლავი ყვავილებით დეკორატიულად მორთული დაგვხვდა. მესაფლავეებმა გვაუწყეს, რომ ეს ვიღაც ქალბატონმა გააკეთა, რომლისთვისაც ვინაობა მათ არ უკითხავთ. სამი თვის შემდეგ შემთხვევით შევიტყვეთ, რომ ეს ქალბატონი ნანა კაჩუხაშვილი ყოფილა, რომელმაც აგვიხსნა, რომ ეს ყოველივე დიდი მწერლის სიყვარულითა და მადლიერების ნიშნად გააკეთა. მოგვიანებით აკაკი ბაქრაძის საფლავზე მარმარილოს დიდი თეთრი წიგნი დაიდგა (არქიტექტორი - ილო ყავლაშვილი, მოქანდაკე - ზაურ ჯოხაძე), რომლიდანაც მზის სხივები შავი მარმარილოს ორნამენტების მეშვეობით იშლება. მარმარილოს დიდ თეთრ წიგნს აკაკისეული წარწერა ამშვენებს : " მე იმ ადამიანთა რიცხვს ვეკუთვნი, ვისაც სწამს სულის უკვდავება და მტკიცედ მჯერა, რომ ჩვენი შეხვედრა ისევ მოხდება". აკაკი ბაქრაძე 6 დეკემბერს დილის 7 საათსა და 45 წუთზე გარდაიცვალა. სიკვდილამდე მან რამდენჯერმე მთაწმინდის წყალი მოითხოვა და სულმობრძავმა სიამოვნებით დალია. მე ვფიქრობ, რომ აკაკი ბაქრაძის სამუდამო განსასვენებელი მაინც მთაწმინდის პანთეონში უნდა იყოს... “- წერს ნინო ... ...
  • ძველი ქვევრები სოფელ ზემოხეთშისოციალურ ქსელში ლექსო ნასუაშვილმა გამოაქვეყნა ძველი ქვევრების ფოტოები, რომელიც სოფელ ზემოხეთში არის ... ...

არქივი

ზაფრანი

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...

2020 წლის ჩინური ჰოროსკოპი

ჩინური ჰოროსკოპი ცხოველთა 12 ნიშანს...

იცით თუ არა, რომ...

ადამიანები, რომლებიც დიდი რაოდენობით ტესტოსტერონს...

რა გავლენას ახდენს მოწევა ტვინზე

მოწევა არა მხოლოდ ფილტვებს, არამედ...

რატომ უნდა მიირთვათ ვაშლი ყოველდღე

ვაშლი დაბერებას აფერხებს; ვაშლი უჯრედისით...

შეიძლება თუ არა სველი თმით დაძინება

სახლში სამსახურიდან დაქანცული ბრუნდებით, აბაზანას...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს