"უსუსური" პროკურორები თუ რეპუტაცია - რა შეუშლის ხელს სააკაშვილის ინტერპოლით ძებნას

მთავარი თემა

"უსუსური" პროკურორები თუ რეპუტაცია - რა შეუშლის ხელს სააკაშვილის ინტერპოლით ძებნას

2014 სექ 2 18:11:12

საერთაშორისო რეპუტაცია და იმიჯი, "უსუსური" პროკურორები, პროცესების სწორად მართვა, სუსტი არგუმენტები - ეს ის ჩამონათვალია, რაც სპეციალისტების აზრით, ექსპრეზიდენტის  წითელი ცირკულარით ძებნის გამოცხადებას, ჩანაფიქრშივე აბსურდულს ხდის.

სამ საქმეში ბრალდებულმა, 7 ნოემბრის ეპიზოდზე  პატიმრობაშეფარდებულმა და ქვეყნის შიგნით ძებნილმა ყოფილმა პრეზიდენტმა, მიხეილ სააკაშვილმა, რამდენიმე დღის წინ, საქართველოს საზღვართან ახლოს, სარფში, თანაგუნდელებთან ერთად ჩაი მიირთვა.

როგორც "ნაციონალური მოძრაობის" წევრები ამბობენ, სწორედ ამან განაპირობა ქვეყნის მთავარი საგამოძიებო უწყების მხრიდან, სააკაშვილის ინტერპოლით ძებნასთან დაკავშირებით საუბრების გააქტიურება.

თუმცა, ჯერჯერობით მთავარი პროკურატურა ვერ აზუსტებს ნამდვილად გადაეცემა თუ არა მიხეილ სააკაშვილის საქმე ინტერპოლს.

იმისთვის, რომ  მთავარმა საგამოძიებო უწყებამ მიხეილ სააკაშვილზე საერთაშორისო ძებნა გამოაცხადოს, საჭიროა ინტერპოლს მიმართოს, ანუ  დოკუმენტები ინტერპოლის ცენტრალურ ოფისში, ლიონში გაგზავნოს, ხოლო გადაწყვეტილება, საერთაშორისო ბიუროს ხელმძღვანელმა უნდა მიიღოს, რომელიც შეისწავლის თუ რითია პირის ძებნა გამოწვეული - წმინდა სამართლებრივი მოტივით, თუ არსებობს სხვა - პოლიტიკური, რელიგიური და ა.შ. მოტივებიც.

ინტერპოლის მხრიდან დადებითი პასუხის შემთხვევაში, ძებნა ყველა იმ ქვეყანაში გამოცხადდება, რომელიც ინტერპოლის წევრია. დაკავების შემთხვევაში კი, ექსტრადირებაზე გადაწყვეტილება, კონკრეტული ქვეყნის სასამართლომ უნდა მიიღოს.

თუმცა, იმას რომ საქართველოს მთავარი საგამოძიებო უწყება ინტერპოლთან შეთანხმებას შეძლებს და ექსპრეზიდენტზე საერთაშორისო ძებნა გამოცხადდება, დასაწყისშივე განწირულს უწოდებს "ანტიკორუფციული პალატის თავმჯდომარე" და იურისტი პაატა შავაძე.

როგორც იგი "გურია ნიუსთან" ამბობს, მართალია მიხეილ სააკაშვილის მიმართ წაყენებული ბრალდებები აბსურდული არაა, თუმცა საეჭვოა "უსუსურმა" პროკურორებმა მისი ისეთ არგუმენტაცია შეძლონ, რითაც ინტერპოლს საერთაშორისო ძებნის გამოცხადებაზე დაარწმუნებენ.

"ძალიან დიდი დასაბუთება და არგუმენტაცია მოუწევს პროკურატურას,რომ ინტერპოლთან შეთანხმებას მიაღწიოს და მიხეილ საკაშვილზე   საერთაშორისო ძებნა გამოცხადდეს.

აქ საქმე არ მიდის იქით, რომ ეს ყოფილი პრეზიდენტი იყო, ინტერპოლი ასეთ რამეებს არ აქცევს ყურადღებას. მთავარია პოლიტიკური მოტივები იყოს გამორიცხული.

შესაბამისად, სამართლებრივი დასაბუთება იმდენად სამართლიანი და ძლიერი უნდა იყოს, რომ ინტერპოლს სხვა გზა არ დაუტოვონ. 

ვერ გეტყვით, რომ პროკურატურის მიერ სააკაშვილისთვის წაყენებული ბრალდებები აბსურდულია, მაგრამ რამდენად შეძლებს ზოგიერთი უსუსური პროკურორი ეს ბრალდებები არგუმენტირებული გახადოს, საკითხავია.

არ უნდა გამოვრიცხოთ სააკაშვილის საერთაშორისო ავტორიტეტიც. მას ჰყავს ძალიან ბევრი მხარდამჭერები. ბარაკ ობამას არაერთხელ განუცხადებია, რომ მიხეილ სააკაშვილთან მიმართებაში ბრალდებები პოლიტიკურადაა მოტივირებული.

იმაზე ფიქრი, რომ მიხეილ სააკაშვილზე ინტერპოლით ძებნა გამოცხადდება, ჩანასახშივე მკვდრად შობილია. ინტერპოლთან შეთანხმებას ვერ მივაღწევთ და სააკაშვილზე  წითელი ცირკულარით ძებნა ვერ გამოცხადდება", _ ამბობს "გურია ნიუსთან" შავაძე.

რამდენად შეიძლება კავშირში იყოს ექსპრეზიდენტ სააკაშვილის საერთაშორისო იმიჯი ინტერპოლის გადაწყვეტილებასთან, თუ რა თქმა უნდა, საქართველოს მთავარი პროკურატურა მას ამ მოთხოვნით მიმართავს, საზოგადოებრივი კომუნიკაციების კვლევისა და განვითარების ცენტრის ხელმძღვანელი, ანალიტიკოსი არჩილ გამზარდია ამბობს, რომ "რეპუტაცია არ მუშაობს საერთაშორისო დონეზე" და ამ შემთხვევაში მთავარია საგამოძიებო უწყების არგუმენტაცია.

ანალიტიკოსი თვლის, რომ ექსპრეზიდენტის საერთაშორისო რეპუტაცია მხოლოდ იმ შემთხვევაში გამოჩნდება, თუ იგი პოლიტიკურ თავშესაფარს მოითხოვს.

"ინტერპოლთან რეპუტაცია და იმიჯი კავშირში არაა, თუ ეს სწორად მართვადი პროცესი იქნება. მისი რეპუტაცია გამოჩნდება იქ, თუ მას პოლიტიკური თავშესაფარი დასჭირდება და ამ შემთხვევაში, ვფიქრობ, მისი საერთაშორისო იმიჯი საკმარისიც იქნება. თუ ოქრუაშვილს მისცეს თავის დროზე პოლიტიკური თავშესაფარი, სააკაშვილიც მიიღებს".




 ახალი ამბები
  • "გაუფრთხილებლობით სიცოცხლის მოსპობა" _ თბილისში 4 წლის გოგონა გარდაიცვალადღეს დილით, თბილისში, 4 წლის გოგონა გარდაიცვალა. თუმცა, რა ვითარებაში უცნობია. ამ ეტაპზე ცნობილია, მხოლოდ ის, რომ მცირეწლოვანი სახლში გარდაიცვალა. შსს-ს ინფორმაციით, საქმეზე დანიშნულია სასამართლო-სამედიცინო ექსპერტიზა და მიმდინარეობს გარდაცვლილის მშობლების, ოჯახის წევრების, მოწმეების გამოკითხვა. უწყების ცნობით, გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს. აღნიშნული მუხლი ისჯება თავისუფლების შეზღუდვით ვადით ხუთ წლამდე ან თავისუფლების აღკვეთით ვადით ორიდან ოთხ ... ...
  • „უარეს სიას მივიღებთ, თუ იუსტიციის საბჭო პოლიტიკურად ანგაჟირებული დარჩა“_ გია ხუხაშვილი „პრობლემის ძირი პარლამენტში წარდგენილ მოსამართლეებში კი არ არის,  მოსამართლეთა შერჩევის ალგორითმშია. თუ იუსტიციის უმაღლესი საბჭო პოლიტიკურად ანგაჟირებული ორგანო დარჩა, შესაძლოა, უარესი სია მივიღოთ“, _ აღნიშნა „გურია ნიუსთან“ პოლიტოლოგმა გია ხუხაშვილმა. მისივე თქმით, სასამართლო სისტემაში სამართლიანობის აღდგენისთვის ბრძოლა ბოლომდე არის მისაყვანი. „მხოლოდ ბრძოლის მოგება პრობლემას არ წყვეტს. კრიტერიუმები, რომლებიც პარლამენტში გაიწერება, არა მხოლოდ უზენაესი სასამართლოს მოსამართლეებს უნდა შეეხოთ, არამედ ყველა ინსტანციის მოსამართლეებს. სიის ფორმირებასთან დაკავშირებით,  ფაქტია, რომ პოლიტიკური შეკვეთის სუნი ტრიალებდა. არავინ ჩათვალოს, რომ ბრძოლა მოგებულია, ამ თემასთან დაკავშირებით თავშეკავებულად ოპტიმისტები უნდა ვიყოთ“, _ აღნიშნა ... ...
  • გაზგაყვანილობის კონტროლი მერიის კომპეტენცია არ არის - კალაძე"გაზგაყვანილობის კონტროლი მერიის კომპეტენცია არ არის", _ აღნიშნული განცხადება თბილისის მერმა კახა კალაძემ გააკეთა. კალაძე მოსახლეობას მოუწოდებს, სახლებში კუსტარული გამათბობლების დამონტაჟებისგან თავი შეიკავონ.  „მერიის კომპეტენცია ეს ნამდვილად არ არის, ეს არის მარეგულირებელი კომისიის და ცენტრალური ხელისუფლების განკარგულებით არის დადგენილი. თუმცა, აქვე ძალიან მნიშვნელოვანია ჩვენ, ადამიანები ვიყოთ მაქსიმალურად ყურადღებით. იმიტომ რომ ხშირია შემთხვევები, როდესაც კუსტარულად ხდება გამათბობლის დამონტაჟება,“ - განაცხადა კახა ... ...
  • ნაქერალას უღელტეხილზე მისაბმელიანი ავტოტრანსპორტის მოძრაობა აიკრძალანაქერალას უღელტეხილზე მისაბმელიანი ავტოტრანსპორტის მოძრაობა აკრძალულია. საგზაო დეპარტამენტის ინფორმაციით, თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ35-კმ62 (ნაქერალას უღელტეხილი) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. მათივე ინფორმაციით, გზის დანარჩენ მონაკვეთებზე ავტოტრანსპორტის მოძრაობა ... ...
  • წითელას ეპიდემია_ რა ევალებათ საბავშვო ბაგა-ბაღებს და დასაქმებულ პერსონალსწითელას ეპიდემიის გამო ბაგა-ბაღებში დასაქმებული პირების აცრა სავალდებულო ხდება. ამის შესახებ  თბილისის საბავშვო ბაგა-ბაღების მართვის სააგენტოს მიერ გავრცელებულ განცხადებაშია ნათქვამი. განცხადების მიხედვით, სააგენტო მოსახლეობაში წითელას მასობრივი გავრცელების პრევენციის მიზნით, კონკრეტული ღონისძიებების გატარებას იწყებს. „საქართველოს მთავრობის განკარგულების შესაბამისად, რომლითაც ადგილობრივ თვითმმართველობებს მათ ტერიტორიაზე, ამ კუთხით კონტროლის მექანიზმის გაძლიერებისთვის კონკრეტული ნაბიჯების გადადგმა დაევალათ, სააგენტოს დირექტორის ბრძანება გამოიცა, რომლითაც ბაგა-ბაღების ადმინისტრაციები დღეიდან იხელმძღვანელებენ. დოკუმენტის მიხედვით, საბავშვო ბაგა-ბაღებს არასრულად აცრილი ან აუცრელი პირების გამოვლენის მიზნით, მიმდინარე წლის 31 იანვრის ჩათვლით, ბენეფიციარების გეგმური აცრის შესახებ სააგენტოსთვის ინფორმაციის მიწოდება, მშობლებისთვის (ბავშვთა კანონიერი წარმომადგენლისთვის) და პერსონალისთვის საქართველოს მთავრობის განკარგულების გაცნობა და ინფორმაციის ხელმისაწვდომობის უზრუნველყოფა დაევალა. ამასთანავე, აცრის სტატუსის მიუხედავად, ერთი თვის ვადაში, სავალდებულო ხდება დასაქმებული პირების აცრა წითელას შემცველი კომპონენტის ვაქცინით, ხოლო ბრძანების გამოცემიდან ორი თვის ვადაში, ბენეფიციარების აუცრელობის შემთხვევაში, მისთვის სტატუსის შეჩერების საკითხი განიხილება. წითელას ეპიდემიის წინააღმდეგ გასატარებელი ღონისძიებების შესახებ ინფორმაცია თბილისის ყველა საჯარო ბაგა-ბაღს უკვე მიეწოდა“,_ნათქვამია ... ...

არქივი

ზაფრანი

მეცნიერებმა სამუშაო დღის დაწყების დრო დაადგინეს

სამუშაო დღის დაწყება 10 საათამდე,...

რატომ ვანიჭებთ უპირატესობას ბრენდულ პროდუქციას?

ბრენდინგი არის ცნობილი მარკეტინგული სტრატეგია,...

30 ფაქტი ტყუილზე, რომლის შესახებაც უნდა იცოდეთ

"ყველა იტყუება" – ამტკიცებდა ექიმი...

ყველაზე ძვირფასი ღვინო

საფრანგეთში არსებული მამულის, რომელსაც სახელად...

ის, რაც გურმანებმა აუცილებლად უნდა იცოდნენ

მდოგვი ასტიმულირებს საკვების მონელებას. მას...

კონიაკი მილიონერთათვის

კონცერნ LVMH-ის ფრანგული კომპანია Moet...
კარმიდამო ჩემი

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...

მოახლოებული ზამთარი და პირუტყვის მოვლა-დაბინავება

ზამთრის მოახლოებისას, შინაურ მსხვილფეხა თუ...

როგორ მოვსპოთ ზამთრის განმავლობაში ნიადაგში მავნებლები

დეკემბრიდან, ჩვენს ბაღ-ბოსტნებში, როცა უკვე...