რეპორტაჟი სურებიდან

მთავარი თემა

რეპორტაჟი სურებიდან

2014 სექ 29 14:18:39

დიდივანი, შუა სურები, ზემო სურები, ტობახჩა-თავსურები, შველაურ-ციციბაური, ჩაკიტაური, წითელგორა, ჭალა-ქადაგაური _ ეს სურების ხეობის სოფლებია.

ჩოხატაურის ცენტრიდან 25 კილომეტრით დაშორებულ სოფლებამდე მისვლას ერთ საათზე მეტი აგვიანდება. ავარიულ გზაზე სიარული საშიშია, განსაკუთრებით წვიმიან ამინდში და ღამით _ ამ დროს მთიდან მეწყერის ჩამოწოლის ალბათობა საკმაოდ დიდია, გზა კი ისეთია, რომ ჩქარა გავლას ვერ შეძლებთ, ვერც საპირისპირო მხრიდან მომავალ ავტომობილს აუქცევთ გვერდს...

ამ გზას მსხვერპლიც ახსოვს _ ღამით, სურებიდან მომავალი სატვირთო მანქანა ხრამში ბევრჯერ გადაჩეხილა...

ყველა, ვისაც კი ერთხელ მაინც უნახავს ეს გზა, ამბობს, რომ აუცილებლად უნდა გაკეთდეს. თუმცა, სიტყვას საქმე არასდროს მოსდეს _ წლების განმავლობაში ამ მიმართულებით ხეობაში არაფერი გაკეთებულა...

ხეობის მცხოვრებლებს სხვა პრობლემებიც ბევრი აქვთ, თუმცა ისინი, საერთო პრობლემამ _ უგზოობამ 25 სექტემბერს გააერთიანა.

ზემოსურების ცენტრში ამ დღეს ასობით ადამიანი შეიკრიბა _ მათ შორის, ხეობიდან წასული ადამიანებიც იყვნენ, რომლებისთვისაც სურები და სურებლობა საამაყოა:

_ ჩვენ გვინდა აქ დაბრუნება, გვინდა აქ ცხოვრება, მაგრამ ამ პირობებში ეს შეუძლებელია. აქ საცხოვრებელი პირობები არ არის. უგზოობა და უშუქობაა სწორედ ის მიზეზი, რის გამოც სოფლიდან ძალიან დიდია მიგრაცია, _ აღნიშნეს თბილისში მცხოვრებმა სურებლებმა, რომელთა ნაწილი მზადაა, გზის გაკეთების შემთხვევაში, სოფელში დაბრუნდეს.

მოსახლეობასთან შეხვედრას ჩოხატაურის მუნიციპალიტეტის საკრებულოს თავმჯდომარე ზაალ მამალაძე, გამგებელი ირაკლი კუჭავა, საკრებულოს წევრები და სხვადასხვა სამსახურის წარმომადგენლები ესწრებოდნენ.

_ სამწუხაროდ, სურები არჩევნების წინ ახსენდებათ. სწორედ არჩევნების დროს ისმენენ აქაურები უამრავ დაპირებას, რაც მერე ყველას ავიწყდება. მე მიხარია და ბედნიერი ვარ, რომ დღევანდელი დღე გამონაკლისია და საარჩევნო დაპირების შესასრულებლად _ ჩვენი საერთო პრობლემის გადაწყვეტის გზების მოსაძებნად დღეს ხელისუფლების პირველი პირები აქ არიან.

სურების პრობლემის შესახებ მე, როგორც ამ სოფლის დეპუტატს, საკრებულოს სხდომაზე ბევრჯერ მისაუბრია. ეს ჩემი პირდაპირი მოვალეობაა, თუმცა დღევანდელი შეხვედრა სულ სხვაა და მე ძალიან მიხარია, რომ პირველად ამ სოფელში, მთელი ხეობის ხალხს უსმენს ადგილობრივი ხელისუფლება, _ აღნიშნა სოფლის დეპუტატმა ოთარ სოროზანიშვილმა.

მისივე თქმით, გარდა უგზოობისა, პრობლემაა ხე-ტყით სარგებლობა: _ სოფელში, რომელიც მაღალმთიანია, ვერ ახერხებენ შეშის, სამასალე მორის მოჭრას. ადამიანი სახლს ვერ ააშენებს და აშენებულს ვერ შეაკეთებს _ ამის ნებას არ აძლევენ, საზვინეს ვერ ჭრის სურებელი კაცი. ამაში გვინდა ხელისუფლების დახმარება და გვერდით დგომა, _ დასძინა სოროზანიშვილმა.

მოსახლეობის თქმით, სწორედ უგზოობის ბრალია, რომ სურებში ცხოვრება არავის უნდა:

_ 29 მოსწავლე სწავლობს სურების სკოლაში. წლეულს პირველკლასელიც კი არ გვყავს. აქ გაჩერება არავის უნდა. შვილი და შვილიშვილი რომ არ გაგიჩერდება აქ, რა უნდა ვაკეთოთ? _ აღნიშნეს სურებლებმა.

მათ ყურადღება ელექროენერგიის არქონაზეც გაამახვილეს:

_ შუქი რომ მოდის, ახალი წელი გვგონია, ისე გვიხარია. დიდი ხანია, სოფელს საკუთარი ჰესი აქვს, თუმცა, მწყობრიდან არის გამოსული და წელიწადში სულ ერთი თვის განმავლობაში გვაქვს შუქი. არ მგონია, ასეთ მდგომარეობაში მყოფი სოფელი იპოვოთ. რა გახდა ელექტრო ხაზების გამოყვანა ჩვენს სოფელში?! _ თქვეს სურებლებმა.

სურებლების ამ პრეტენზიას არ დაეთანხმა "ენერგო პრო ჯორჯიას" ჩოხატაურის სერვისცენტრის მმართველი ვანო ჭარბაძე. მისი თქმით, სოფელში ჯერ კიდევ 2008 წელს გაკეთდა ელექტროგადამცემი ბოძები და ხაზების არარსებობაში დიდი წვლილი სოფლის მცხოვრებლებს მიუძღვით: _ სოფელმა ერთობლივი განცხადება უნდა შემოიტანოს და აბონენტად დარეგისტრირება მოითხოვოს. დღემდე ასეთი განცხადება "ენერგო პრო ჯორჯიას" არ მიუღია. ჩვენ არანაირი პრობლემა არ გაქვს სოფლის გამრიცხველიანების, მთავარია, სოფელში იყოს ამის მზაობა, _ აღნიშნა ჭარბაძემ.

როგორც გავარკვიეთ, სურებლების ნაწილს "ენერგო პრო ჯორჯიას" მომსახურებით სარგებლობა იმ მიზეზით არ სურს, რომ დენის ტარიფი საკმაოდ მაღალია, ხოლო სოფლის ჰესის მომსახურებაში ისინი თვეში 6 ლარს იხდიან.

ხეობის ყრილობაზე, სურებლები საბოლოოდ შეთანხმდნენ, რომ კომპანიას წერილით მიმართავენ და მომავალი წლიდან მათ 24-საათიანი ელექტრომომარაგება ექნებათ.

სურებლებმა ადგილობრივ ხელისუფლებას საექიმო ამბულატორიის მოწყობაც სთხოვეს: _ ალბათ, ნახეთ, როგორი ამბულატორია გვაქვს. შენობა, სადაც საექიმო პუნქტია განთავსებული, ავარიულია. არც საჭირო ინვენტარია. იქნებ, დაგვეხმაროთ და სასიცოცხლოდ მნიშნელოვანი ოთახი მოგვიწყოთ, _ თქვეს შეხვედრაზე.

ჩოხატაურის მუნიციპალიტეტის გამგებელმა ირაკლი კუჭავამ ვრცლად ისაუბრა გახორციელებულ და გასახორციელებელ პროგრამებზე, რომელიც სურების ხეობას ეხება. კუჭავას თქმით, ამბულატორიის მოწყობა შესაძლებელია სოფლის პროგრამის ფარგლებში მოხდეს, ოღონდ ეს სოფელთან შეთანხმებით უნდა გაკეთდეს:

_ გვესმის, რომ სოფელში შეშის ჭრასთან დაკავშირებით პრობლემაა, რადგან ტყეკაფები საკამოდ შორ მანძილზეა გამოყოფილი. ჩვენ შევეცდებით, უმოკლეს ხანში გამოვყოთ საწვავი, ტყეკაფებთან მისასვლელი გზები ჩამოვწმინდოთ და მოვაწესრიგოთ, _ აღნიშნა კუჭავამ.

რაც შეეხება გზას, ჩოხატაურის მუნიციპალიტეტის საკრებულოს თავმჯდომარის ზაალ მამალაძის თქმით, ეს საკმაოდ ძვირადღირებული პროექტია და ამას ადგილობრივი მუნიციპალიტეტის ბიუჯეტი ვერ შეძლებს:

_ ჩვენ ვიშუამდგომლებთ ცენტრალურ ხელისუფლებასთან, რომ მოხდეს თანხების მოძიება და თავდაპირველად გაკეთდეს გზის პროექტი. არ გვინდა, ვინმეს ტყუილი დაპირებები მივცეთ. ჯერ ყველაფერი სამუშაო პროცესშია, თუმცა, მინდა დაგარწმუნოთ, რომ ადგილობრივი ხელისუფლება, საკრებულო, გამგეობა ძალებს არ დაზოგავს, რომ პრობლემების მოგვარებაში დაგეხმაროთ, _ აღნიშნა მამალაძემ.

საერთო სახალხო ყრილობა სურებში იმ იმედით დასრულდა, რომ დაპირებები გაზეთის თუ ტელევიზიების არქივს, იმ დღეს შედგენილ ოქმს არ შერჩება.

იმედი _ იმედად, ახლა კი სურებში ასეთი რეალობაა _ უგზოობა, უშუქობა, უმუშევრობა და წინ დიდი და რთული ზამთარი, რომელიც ზღვის დონიდან 640 მეტრზე მდებარე სოფელში 5 თვეზე მეტ ხანს გრძელდება.




 ახალი ამბები
  • დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს (R)ლიბერთის ბარათების მფლობელები, აღნიშნული აქციით მხოლოდ ლიბერთის პოსტერმინალებით გადახდისას ისარგებლებენ. აქციის ფარგლებში მაქსიმალური ქეშბექის რაოდენობა 50 ლარია. ლიბერთის მომხმარებლები, Apple Pay-ს მარტივი, უსაფრთხო და კონფიდენციალური გადახდის სისტემით მთელი ქვეყნის მასშტაბით, ლიბერთი ბანკის პარტნიორ ორგანიზაციებში 3 სექტემბრიდან უკვე სარგებლობენ. Apple Pay-ს გამოყენება და მასში ბარათების დამატება მარტივია. მაღაზიებში, Apple Pay-ს გამოყენება შესაძლებელია iPhone SE, iPhone 6 და მის შემდეგ გამოშვებული მოდელების, ასევე Apple Watch მოწყობილობების ... ...
  • პრემიერი: მძიმე დანაშაულის ჩამდენი პირების ასე შეწყალება მიუღებელიასაქართველოს პრეზიდენტის, სალომე ზურაბიშვილის მიერ მკვლელობაში მსჯავრდებული სამი ადამიანის შეწყალება პრემიერმინისტრმა გიორგი გახარიამაც გააკრიტიკა. როგორც მან ჟურნალისტებთან განაცხადა, ამ მხრივ საკანონმდებლო ცვლილებები აუცილებელია. „შეწყალება პრეზიდენტის დისკრეციაა, თუმცა ჩემთვის აბსოლუტურად მიუღებელია პოლიციელის მკვლელის და საერთოდ მკვლელის, მძიმე დანაშაულის ჩამდენი პირების ასე შეწყალება. რა თქმა უნდა, აქ საჭიროა საკანონმდებლო ცვლილებებიც, რაც დასტურდება იმ ნაბიჯით, რაც ქალბატონმა პრეზიდენტმა გადადგა - გამოაცხადა მორატორიუმი. უნდა იყოს საერთო მსჯელობა პარლამენტთან ერთად და რა თქმა უნდა, რაღაც ფილტრები უნდა გაჩნდეს იმისთვის, რომ მძიმე დანაშაულში, განსაკუთრებით მკვლელობისთვის მსჯავრდებული ადამიანები, ასეთი ფორმით არ შეიწყალონ“, - განაცხადა გიორგი გახარიამ. პრეზიდენტმა სალომე ზურაბიშვილმა დღეს, 18 სექტემბერს პრეზიდენტის ადმინისტრაციაში საპარლამენტო მდივან დიმიტრი გაბუნიას ნაცვლად ბრიფინგი თავად გამართა და განაცხადა, რომ წესების ცვლილებამდე პატიმრების შეწყალებაზე მორატორიუმს აცხადებს. ბოლო დღეების განმავლობაში პრეზიდენტ ზურაბიშვილს 28 აგვისტოს, მარიამობის დღესასწაულთან დაკავშირებით მსჯავრდებულების შეწყალებასთან, კონკრეტულად კი რამდენიმე მსჯავრდებულის შეწყალებასთან დაკავშირებით აკრიტიკებენ. საუბარია 2014 წელს პოლიციელ თარაშ მუკბანიანის მკვლელობისთვის, 2004 წელს დავით ოთხმეზურის მკვლელობისა და 1994 წელს გიორგი ქოიავას მკვლელობისთვის მსჯავრდებულების შეწყალებაზე. მმართველი გუნდი და ოპოზიცია პრეზიდენტის ადმინისტრაციისგან ამ საკითხის ირგვლივ დამატებით განმარტებებს მოითხოვენ. მარიამობის დღესასწაულთან დაკავშირებით პრეზიდენტმა სულ 34 მსჯავრდებული, მათ შორის 1 არასრულწლოვანი და 8 ქალი შეიწყალა. მოგვიანებით ცნობილი გახდა, რომ შეწყალებულთა შორის ერთ-ერთი პოლიციელის მკვლელობაში მსჯავრდებულიც იყო, რასაც საზოგადოების ნაწილის უკმაყოფილება მოჰყვა. 29 აგვისტოს პრეზიდენტმა განაცხადა, რომ ამ ფაქტის განმარტებას არ აპირებს, რადგან შეწყალება მისი დისკრეციული უფლებაა. სალომე ზურაბიშვილის გაპრეზიდენტების შემდეგ, პრეზიდენტის ადმინისტრაციასთან მოქმედი შეწყალების კომისია რამდენიმე წევრმა დატოვა. მაშინ ადმინისტრაციაში განაცხადეს, რომ კომისიის დაკომპლექტებაზე მუშაობა დაიწყეს, თუმცა ჯერჯერობით კომისია არ მოქმედებს. კრიტიკის ფონზე 6 სექტემბერს სალომე ზუაბიშვილი გამოვიდა ინიციატივით, რომ შეწყალების გამოყენების უფლება დროულად დაიხვეწოს. 2019 წლის მარტში ცნობილი გახდა, რომ შეწყალების კომისია იუსტიციის სამინისტროში ... ...
  • იუსტიციის მინისტრი გლდანის პენიტენციურ დაწესებულებაში პატიმრების მიერ მოყვანილი მოსავლის აღებას დაესწრო (R)„ჩვენ მიერ გლდანში გაზაფხულზე შემოტანილი პროექტის შედეგად, მსჯავრდებულები უკვე მოსავალს იმკიან და ფინანსურ შემოსავალსაც იღებენ“, _ ასე დაიწყო საქართველოს იუსტიციის მინისტრმა, თეა წულუკიანმა N8 პენიტენციური დაწესებულების მსჯავრდებულებთან შეხვედრა.  მინისტრი გლდანის N8 პენიტენციური დაწესებულების ტერიტორიაზე 2019 წლის გაზაფხულიდან მოქმედ სასოფლო-სამეურნეო პროექტის ფარგლებში, მსჯავრდებულების მიერ მოყვანილი მოსავლის აღების პროცესს დაესწრო. დღეს პატიმრებმა  შემდეგი მოსავალი აიღეს - ორ-ორი სახეობის ლობიო და ჭარხალი, კიტრი, პომიდორი, რეჰანი, შაშკულავი და ოხრახუში, ასევე ჟოლო.   პროექტში 7, გრძელვადიანი საპატიმრო სასჯელის მქონე პირია ჩართული. აღსანიშნავია, რომ აღებული მოსავლის რეალიზაციას, საფრანგეთ-საქართველოს სავაჭრო და სამრეწველო პალატის მხარდაჭერით, პატიმრები  ერთ-ერთ დიდ სუპერმარკეტში ახორციელებენ. გარდა ამისა, მსჯავრდებულების მიერ მოყვანილ პომიდორსა და იისფერ ლობიოს კერძების დასამზადებლად კაფე "ლიტერა” ყიდულობს. პროდუქციის რეალიზაციიდან მიღებული თანხა პროექტში დასაქმებული პატიმრების შემოსავლის წყაროა. დღეისათვის, პროექტის ფარგლებში პატიმრებს 2000 ლარამდე შემოსავალი აქვთ მიღებული. თანხის ერთი ნაწილი მათ პროექტის დაფინანსებას დაუთმეს, ხოლო დანარჩენი თანხა მათ ბარათებზე შემოსავლის სახით დაირიცხა. დღესვე,  მინისტრმა პროექტში მონაწილეობისთვის მადლობის სიგელები გადასცა პროექტის  მხარდამჭერი სსიპ "სოფლის მეურნეობის სამეცნიერო-კვლევითი ცენტრი"-ის აგრონომებს, ზვიად ბობოქაშვილს, ირმა ირემაშვილს და ფრიდონ სანაიას, რომლებიც მსჯავრდებულებს პროდუქციის მოყვანაში უწევენ დახმარებას. ღონისძიებას იუსტიციის მინისტრის მოადგილე, ალექსანდრე ტაბატაძე, სოფლის მეურნეობის მინისტრის პირველი მოადგილე, გიორგი ხანიშვილი, საფრანგეთ - საქართველოს სავაჭრო და სამრეწველო პალატის პრეზიდენტი, ანტუან ლორენ ბარდონი, „არასაპატიმრო სასჯელთა აღსრულებისა და პრობაციის ეროვნული სააგენტოს“, "სოფლის მეურნეობის სამეცნიერო-კვლევითი ცენტრი"-სა და ევროკავშირის წარმომადგენლები დაესწრნენ. მინისტრის თქმით, მსგავსი ტიპის პროექტში მონაწილეობა ე.წ. დახურული ტიპის დაწესებულების მსჯავრდებულებისათვის საუკეთესო საშუალებაა ჯანმრთელობის შენარჩუნებისა და პატიმართა რეაბილიტაცია - რესოციალიზაციისათვის. პროექტი, რომლის ფარგლებშიც N8 პენიტენციური დაწესებულების მსჯავრდებულები სოფლის მეურნეობის სფეროში დასაქმდნენ, გაზაფხულზე, საქართველოს იუსტიციის მინისტრის, თეა წულუკიანის ინიციატივითა და საფრანგეთ -საქართველოს სავაჭრო და სამრეწველო პალატის, ასევე საქართველოს სოფლის მეურნეობის სამინისტროს აქტიური ხელშეწყობით შემუშავდა. პროექტის მიზანია, დაწესებულებაში მყოფი სრულწლოვანი მსჯავრდებულების, მათ შორის, უვადო სრულწლოვანი პატიმრების დასაქმება. პროექტის მხარდამჭერები საფრანგეთ-საქართველოს სავაჭრო და სამრეწველო პალატასთან ერთად არიან საქართველოს იუსტიციის სამინისტროს მმართველობის სფეროში მოქმედი სსიპ არასაპატიმრო სასჯელთა აღსრულებისა და პრობაციის ეროვნული სააგენტო, სსიპ "სოფლის მეურნეობის სამეცნიერო-კვლევითი ცენტრი" და შპს "სოფლის მეურნეობის ლოჯისტიკის და სერვისების კომპანია". ... ...
  • მაია მელიქიძის ინიციატივით ენერგო წყაროების ლაბორატორია დაფუძნდა (R)საქართველოში პირველად, ბიზნესისა და ტექნოლოგიების უნივერსიტეტში განახლებადი ენერგო წყაროების ლაბორატორია გაიხსნა. RES Lab-ის შექმნის მიზანია საქართველოს ენერგეტიკის სექტორში მოქმედი კომპანიების წინაშე არსებული გამოწვევების განხილვა, შესაბამისი კვლევების განხორციელება და კონსულტაციების გამართვა. ლაბის ფარგლებში შეიქმნება სადისკუსიო პანელი, სადაც კერძო და სახელმწიფო ინსტიტუციები გაერთიანდება. პანელური შეხვედრების ფორმატში მუდმივად განიხილება კვლევების შედეგები, რეკომენდაციები და მისი განხორციელების გზები საქართველოში.  ლაბორატორიის ფარგლებში ეტაპობრივად გაწევრიანდებიან სხვადასხვა ორგანიზაციები, წევრობა არ ითვალისწინებს ფინანსურ კონტრიბუციას და მოიაზრებს მხოლოდ ინტელექტუალურ და აკადმიურ პარტნიორობას. განახლებადი ენერგო წყაროების ლაბორატორიის დაფუძნების ინიციატორია სემეკის წევრი, ბიზნესისა და ტექნოლოგიების უნივერსიტეტის აკადემიური საბჭოს წარმომადგენელი მაია მელიქიძე. ... ...
  • ჩოხატაური-ლეჟაისკი _ დიდი სამომავლო გეგმებიმიმდინარე წლის 4-11 სექტემბერს, ჩოხატაურის მუნიციპალიტეტის დელეგაცია, საკრებულოს თავმჯდომარის ზაალ მამალაძის, მუნიციპალიტეტის მერის მოადგილის მინდია ჟღერიას, საკრებულოს აპარატის სპეციალისტების ჯუმბერ ბერძენიშვილისა და ნაზი ბერძენიშვილის შემადგენლობით, ოფიციალური მიწვევით იმყოფებოდა პოლონეთის ქალაქ ლეჟაისკში. დელეგაციის წევრები დაესწრნენ ყოველწლიურ ტრადიციულ შემოდგომის ფესტივალს, რომელშიც მონაწილეობა იღებს, როგორც ადგილობრივი თვითმმართველობის მუნიციპალური სამსახურები, სოფლების თვითმმართველობები, ასევე, პოლონეთის პარლამენტის წევრები და საეკლესიო პირები. ვიზიტის დროს გახორციელდა რამდენიმე სამუშაო შეხვედრა უშუალოდ ქალაქ ლეჟაისკის თვითმმართველობის ხელმძღვანელ პირებთან, სადაც სტუმრები ადგილზე გაეცნენ თვითმმართველობის მუშაობის წარმატებულ პრაქტიკას. ჩოხატაურის მუნიციპალიტეტის წარმომადგენელები ესტუმრნენ ლეჟაისკის სახელმწიფო პროფესიულ სასწავლებელს. საკრებულოს თავმჯდომარის ზაალ მამალაძის ინიციატივით მოლაპარაკებები ჯერ კიდევ ჩოხატაურის მუნიციპალიტეტში პოლონეთის დელეგაციის სტუმრობისას დაიწყო, მომავალში იმ გამოცდილების გაზიარების შესახებ, რომელიც ქალაქ ლეჟაისკში არსებულ აღმოსავლეთი ევროპის მასშტაბით წარმატებულ სახელმწიფო პროფესიულ სასწავლებელს გააჩნია. ამ ეტაპზე შეთანხმება მიღწეულია, რომ ჩოხატაურის მუნიციპალიტეტში დაგეგმილი პროფესიული სასწავლებლის მშენებლობის დასრულებისა და ფუნქციონირების დაწყების შემდეგ, პოლონეთის მხარე დახმარებას გაუწევს სასწავლებელს, როგორც საგანმანათლებლო კუთხით, ასევე, შესაძლებელი იქნება გაცვლითი პროგრამების გახორციელება. პოლონეთის მხრიდან, ასევე, გამოითქვა მზაობა, მოხდეს ჩოხატაურის მუნიციპალიტეტის და ქალაქ ლეჟაისკის რამდენიმე სკოლის დამეგობრება, გამოცდილების გაზიარება და სამომავლოდ ერთობლივი პროექტების გახორციელება. 2020 წლის ივნისში, ქალაქ ლეჟაისკში გაიმართება კლასიკური მუსიკის საერთაშორისო ფესტივალი, რომელშიც მონაწილეობას მიიღებს ევროპის სხვადასხვა ქვეყნის 20-ზე მეტი მაღალი დონის შემსრულებელი, მათ შორის სპეციალური სტუმრის სტატუსით მიწვეულია ჩოხატაურის მუნიციპალიტეტის კულტურის ცენტრთან არსებული ანსამბლი „ამაღლება, რომლის გამოსვლებს ფესტივალის ერთი დღე მთლიანად ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...