რა კეთდება სოფლის მხარდაჭერის პროგრამით შემოქმედში

მთავარი თემა

რა კეთდება სოფლის მხარდაჭერის პროგრამით შემოქმედში

2014 დეკ 9 18:28:34

ოფიციალური დოკუმენტების თანახმად, ოზურგეთის მუნიციპალიტეტის გამგებელ მერაბ ჭანუყვაძეს და შპს "პლაზმას" დირექტორ გაბრიელ მურადაშვილს შორის ხელშეკრულება #49, 2014 წლის 8 ოქტომბერს გაფორმდა, რომელიც საქართველოს კანონის მე-10 პრიმა მუხლის მე-3 პუნქტის "ბ" ქვეპუნქტის შესაბამისად და საქართველოს მთავრობის 2014 წლის 20 მარტის #471 განკარგულების საფუძველზე, გამარტივებული შესყიდვის საშუალებით დაიდო.

ხელშეკრულების საერთო ღირებულებამ 74 075, 71 (სამოცდათოთხმეტი ათას სამოცდათხუთმეტი ლარი და სამოცდათერთმეტი თეთრი) შეადგინა.

შესყიდვის ობიექტი _ ოზურგეთის მუნიციპალიტეტის სოფელ შემოქმედის ცენტრის კეთილმოწყობა. 

შესყიდვის ობიექტის მიწოდების საბოლოო ვადა _ ხელშეკრულების მიწოდების დღიდან 2014 წლის 25 დეკემბრამდე.

რატომ დაიწყო ოზურგეთის მუნიციპალიტეტის სოფელ შემოქმედში 2014 წელს სოფლის მხარდაჭერის პროგრამის ფარგლებში სამუშაოების შესრულება 2014 წლის 8 ოქტომბერს, მაშინ, როცა აღნიშნული თანხით ცენტრის კეთილმოწყობა ორ თვეში უნდა დასრულდეს?

შემოქმედში სოფლის მხარდაჭერის პროგრამის ფარგლებში კრება 2014 წლის 7 მარტს ჩატარდა. ოფიციალური დოკუმენტების საფუძველზე, შეხვედრას ესწრებოდნენ: "ოზურგეთის მუნიციპალიტეტის ყოფილი გამგებელი კონსტანტინე შარაშენიძე, ადმინისტრაციული სამსახურის ყოფილი უფროსი გიორგი ინწკირველი, გამგეობის არქიტექტურისა და ურბანული დაგეგმარების სამსახურის ყოფილი უფროსი თემურ მურვანიძე, ინფრასტრუქტურის, ეკონომიკისა და საინვესტიციო გარემოს განვითარების სამსახურის ყოფილი უფროსი თემურ გიორგაძე, რწმუნებული ბესიკ ლომინაძე.

კრების თავმჯდომარე _ რწმუნებული ბესიკ ლომინაძე, მდივანი _ ნინო სადრაძე, მომხსენებელი _ კონსტანტინე შარაშენიძე. აზრი გამოთქვეს _ ადმინისტრაციული შენობის რემონტის შესახებ _ ოთარ გეგიაძემ, ცენტრის კეთილმოწყობაზე _ ბესიკ ლომინაძემ, ეკლესიასთან მისასვლელი გზის რემონტზე _ მამუკა შუბლაძემ. სანდრო ერქომაიშვილმა _ სასაფლაოს შეღობვაზე, რომან მგელაძემ კი ერთ-ერთ უბანში შიდა გზების რემონტზე ისაუბრეს."

თუმცა, საბოლოოდ დადგინდა, რომ 2014 წელს , სოფლის მხარდაჭერი სპროგრამით კეთილმოწყობილიყო სოფელ შემოქმედის ცენტრი.

რა იგულისხმება სოფლის ცენტრის კეთილმოწყობაში, რატომ დაიწყო ასე გვიან აღნიშნული პროექტის გახორციელება, ჩაეტევა თუ არა ვადებში შემსრულებელი ფირმა, იყო თუ არა აღნიშნული პროექტის გახორციელება სოფელ შემოქმედის მოსახლეობის მიერ დასახელებული პრიორიტეტი? _ "გურია ნიუსმა" ამ კითხვებით ყველა კომპეტენტურ პირს მიმართა, მანამდე კი შემოქმედში ცენტრის კეთილმოწყობის მიმდინარე სამუშაოები მოვინახულეთ და ფოტოებიც გადავიღეთ.  ჩვენს კადრებში ნათლად ჩანს, რომ ცენტრი, ჯერჯერობით, კეთილმოწყობილი ნამდვილად არ არის, თუმცა, საპირისპიროს ასახავს ოფიციალური დოკუმენტი _  შპს "პლაზმასა" და გამგებლის მოადგილის ალექსანდრე ყველაშვილის მიერ 20 ნოემბერს შედგენილია #49 მიღება-ჩაბარების აქტი.  აქტის შესაბამისად, სამუშაოები ნაწილობრივ შესრულებულია, მიღება-ჩაბარების აქტიც შედგენილია, შესრულებული სამუშაოების ღირებულება 51 770, 69 ლარს შეადგენს, დარჩა ასანაზღაურებელი თანხა _ 20 680, 42 ლარი.

შედგენილია ინსპექტირების აქტიც: "ინსპექტირების ობიექტები ადგილზე იქნა შესწავლილი, მოხდა ვიზუალური დათვალიერება, ჩატარდა აზომვითი სამუშაოები, რა დროსაც დადგინდა შემდეგი:

სოფელ შემოქმედის ცენტრის კეთილმოწყობა _ მოცულობა შეესაბამება ფორმა #2 -ში მოცემულ სამუშაოთა მოცულობებს, შესაბამისად, აღნიშნულ ობიექტზე წარმოებული სამუშაოების საერთო ღირებულება, წარმოებული სამუშაოების საერთო მოცულობებისა და მოცემულ სამუშაოთა ერთეული ღირებულებების გათვალისწინებით, შეადგენს 51 770, 69 ლარს."

ინსპექტირების აქტს ხელს ინფრასტრუქტურის, არქიტექტურისა და ქონების მართვის სამსახურის უფროსი ბადრი გობრონიძე აწერს, ხოლო მიღება-ჩაბარების აქტს ხელს შპს "პლაზმას" დირექტორი გაბრიელ მურადაშვილი და ოზურგეთს მუნიციპალიტეტის გამგებლის მოადგილე ალექსანდრე ყველაშვილი აწერენ.

"გურია ნიუსი"  შპს "პლაზმას"  დირექტორს გაბრიელ მურადაშვილს ესაუბრა:

_ ოზურგეთის მუნიციპალიტეტის გამგეობასა და შპს "პლაზმას" დირექტორს შორის ხელშეკრულება 8 ოქტომბერს გაფორმდა 74 ათას 75 ლარსა და 71 თეთრზე. ჩვენ სამუშაოების შესრულების ბოლო ვადა 25 დეკემბრამდე გვაქვს. დაგიკონკრეტებთ, რა სამუშაოები შევასრულეთ _ მიწის მოწყობა საძირკვლისთვის, რომელიც უკვე გაკეთებულია; ასევე საძირკვლის ჩასხმა, რომელიც,  ასევე, უკვე გაკეთებულია; ბოძების დამაგრება ღობისთვის _ უკვე გაკეთებულია. ღობეც დამზადებულია, მაგრამ ველოდებით კარგ ამინდს, რომ დავამონტაჟოთ; ბალასტი შეტანილია და გზა უკვე მზადაა დასასხმელად; ლამპიონებიც შეძენილი გვაქვს, ამინდს ველოდებით, როგორც ვთქვით და გზის ჩასხმასთან ერთად ამ ლამპიონებსაც დავამონტაჟებთ. ყორეს გაკეთებაც სრულდება, რომელიც მდინარის მხარესაა.

_ ბატონო გაბრიელ, ჩვენ ვხედავთ, რომ აქ ცენტრში, ფაქტობრივად, მხოლოდ ღობეა ჩასხმული, სხვა  შესრულებული სამუშაოები კი არ ჩანს, როგორ აპირებთ ამ ერთი თვის განმავლობაში ნაკისრი ვალდებულების შესრულებას? სამუშაოები ხელშეკრულებით განსაზღვრულ ვადებში დასრულდება?

_ გეთანხმებით, არის რაღაცა პატარა ხარვეზები, არის უამინდობაც, ზამთარია, მაგრამ როგორმე ვეცდებით, რომ სამუშაოები თავის დროზე დავამთავროთ. ამინდზე ვართ დამოკიდებული. მე შემიძლია განახოთ, ჩვენ რა გვაქვს შეძენელი, მაგრამ უამინდობის გამო, ვერ ვამონტაჟებთ. 52 ათას ლარის სამუშაოები გვაქვს შესრულებული. ჩვენი თავის მტრები ხომ არ ვართ? შემდეგ ჯარიმები დაგვეკისრება და ამის სურვილი არ გვაქვს ნამდვილად, _  გვითხრა გაბრიელ მურადაშვილმა.

სოფელ შემოქმედის მცხოვრებლები "გურია ნიუსთან" ამბობენ, რომ  მოსახლეობის უმეტესობა შიდა გზების მოწესრიგებასა და გარეუბნებში გაზის შეყვანას მოითხოვს. მათივე თქმით,  შემოქმედის ცენტრი იყო სამაგალითო, სადაც ფუნქციონირებდა  ერთ-ერთი საუკეთესო კულტურის ცენტრი, რომელიც ისე დაინგრა, რომ არავის ყურადღება არ მიუქცევია: _ კი, ბატონო, სოფლის ცენტრის კეთილმოწყობას მივესალმებით, მაგრამ ამასთანავე სოფლის პრობლემებიც უნდა მოგვარდეს, _ აღნიშნავენ შემოქმედელები.

"გურია ნიუსი" დაუკავშირდა 7 მარტს გამართულ სოფლის კრებაზე მყოფ რამდენიმე მცხოვრებს.

ნინო სადრაძე:  _ კრებაზე  მოითხოვეს  რამდენიმე პრობლემის მოგვარება, დასახელდა სხვადასხვა პრიორიტეტი, მაგრამ, როგორც მახსოვს, უპირატესობა მივანიჭეთ ცენტრის კეთილმოწყობას. ჩვენ გვინდა, რომ ჩვენი სოფელი ინფრასტრუქტურის კუთხით ყველანაირად მოწესრიგებული იყოს.

_ კონკრეტულად, რა პრობლემის მოგვარებას ითხოვდა მოსახლეობა?

_ მაგალითად, გომისმთაზე მეცხოველეობის განვითარებისთვის ფერმის  გაკეთება დაასახელეს, ასევე, გზის მოწესრიგებაზეც იყო საუბარი, მაგრამ გამოიკვეთა, რომ  ეს ერთჯერადი იქნებოდა, რადგან გრეიდერის გადატარება თანხის დახარჯვაა და მეტი არაფერი _ მაინც  არ იქნებოდა  გზა კაპიტალურად გაკეთებული და რაც მთავარია,  ეს არ იყო სოფლის ინტერესი, _ აღნიშნავს ნინო სადრაძე.

ანდრო ვაშალომიძე:  "კი მახსოვს ასეთი  დღე, სოფლის ეზოში ვიყავით შეკრებილი, პრიორიტეტებში ერთ-ერთი იყო ხუთსართულიანი ბინის (ყოფილი ჩაის ფაბრიკის)  გადახურვის საკითხი და გაკეთდა კიდეც".

აღნიშნულ საკითხთან დაკავშირებით კითხვებით მივმართეთ ოზურგეთის მუნიციპალიტეტის გამგებელს მერაბ ჭანუყვაძეს.

_ ბატონო მერაბ, 2014 წელს ოზურგეთის მუნიციპალიტეტის სოფლებში სოფლის მხარდაჭერის პროგრამით გამოყოფილი თანხებით, თითქმის, ყველა სოფელშია სამუშაოები დასრულებული. რატომ გაჭიანურდა სოფელ შემოქმედში ეს პროცესი და რატომ დაიწყო სამუშაოები გვიან? ხელშეკრულება შპს "პლაზმასა" და გამგეობას შორის 8 ოქტომბერს არის გაფორმებული...

_ სოფლის მხარდაჭერის პროგრამით გასახორციელებელი პროექტები წლის განმავლობაში მიმდინარეობს. სამუშაოების გაჭიანურება გამოიწვია მუნიციპალიტეტების გაყოფამ. ამას დაერთო სამშენებლო მასალების შერჩევის პროცესიც.  ფასი და ხარისხი რომ  ყოფილიყო შესაბამისობაში, გარკვეული დრო ამასაც დასჭირდა. სამწუხაროდ, იყო სტიქია, თუმცა, ეს ხელს  არ შეუშლის სამუშაოების შესრულებას.  მთავარია, პროექტი წლის განმავლობაში დასრულდეს. 

_  ვინ მიიღო გადაწყვეტილება, რომ 75 ათასი ლარით კეთილმოწყობილიყო შემოქმედის ცენტრი და  მოსახლეობის მიერ კიდევ რა პრიორიტეტები დასახელდა?

_ გადაწყვეტილება მიიღეს სოფლის საერთო კრებაზე. არსებობს კრების ოქმი, სადაც აღნიშნულია, თუ რომელი პრიორიტეტები გამოკვეთა მოსახლეობამ.

_ ჩაეტევა თუ არა აღნიშნული კომპანია ვადებში?

_ მშენებლობის დასრულების პროცესს არეგულირებს ხელშეკრულება კანონის შესაბამისად. მისი დარღვევის შემთხვევაში, დამრღვევი კანონის წინაშე მკაცრად აგებს პასუხს.

_ შემოქმედში სოფლის განმეორებითი კრება, სოფლის მხარდაჭერის პროგრამის ფარგლებში, 2014 წლის 7 ოქტომბერს ჩატარდა, სადაც გადაწყვიტეს, რომ თემის ცენტრის კეთილმოწყობა და სასაფლაოსთან მისასვლელი გზის რემონტი უნდა მომხდარიყო. რატომ არ დაიწყო სამუშაოები გაზაფხულზე? 

_ ოზურგეთის მუნიციპალიტეტის გამგეობამ საქმიანობა მიმდინარე წლის 2 აგვისტოდან დაიწყო.  ჩვენ დაგვხვდა ასეთი მოცემულობა. ეს იყო განმეორებითი კრება, სადაც ახალი პრიორიტეტები გამოიკვეთა. აქვე გეტყვით იმას, რომ არ აქვს მნიშვნელობა, როდის დაიწყება სამუშაოები, მთავარია, პროექტი  წლის განმავლობაში დასრულდეს.  ასევე,  მნიშვნელოვანია ის, რომ მისი დაწყების  თუ  დასრულების დრო არ აფერხებდეს რაიმე პროცესს კონკრეტულ სოფელში.  სასაფლაოსთან მისასვლელი გზის სარეაბილიტაციო სამუშაოები უკვე  დასრულებულია. რაც შეეხება შემოქმედის ცენტრის კეთილმოწყობას,  მიმდინარეობს შესაბამისი სამუშაოები.




 ახალი ამბები
  • "ასეთი სოფელი რომ გაქვს და შაურმების ქუჩაზე ცხოვრობ"_ ფოტოები აცანადანგურიის თითოეული სოფელი განსაკუთრებული სილამაზით გამოირჩევა, თუმცა, სოფელ აცანას ზღაპრული ხიბლი აქვს. აცანა  მდებარეობს გურიის ქედის სამხრეთით, მდინარე აცაურას ნაპირებზე, ზღვის დონიდან 150 მ-ის სიმაღლეზე ლანჩხუთის მუნიციპალიტეტში. სახელწოდება აცანა არის ლაზურ-ჭანური წარმოშობისაა და  მოიხსენიება ანტიკური ხანიდან. ცნობისთვის, აცანაში აღმოჩენილია უნიკალური, ანტიკური, სპორტული ინვენტარი _ საჯილდაო ქვა, რომელიც სოფლის განაპირად თინა გუგუშვილის ეზოში ინახებოდა, ეს იყო ვაჟკაცთა ქვა. აგრეთვე დავით ქინქლაძის ოჯახში ინახებოდა გოთიკური ტიპის გასაღები, ოქონის ბეჭედი, რომელიც მან გადასცა აცანის მამათა მონასტერს. "ასეთი სოფელი რომ გაქვს და შაურმების ქუჩაზე ცხოვრობ"_წერს სოციალური ქსელის მომხმარებელი ამო ქინქლაძე და აცანის ფოტოებს აქვეყნებს, რომელსაც „გურია ნიუსი“ გთავაზობთ. ... ...
  • ბიომრავალფეროვნების კანონპროექტთან დაკავშირებით არასამთავრობოების მოთხოვნები დააკმაყოფილესგარემოს დაცვისა და სოფლის მეურნეობის სამინისტრომ გარემოსდაცვითი არასამთავრობო ორგანიზაციების - მწვანე ალტერნატივას, „საბუკოსა“ და „ნაკრესის“ მოთხოვნები  „ბიოლოგიური მრავალფეროვნების შესახებ“ კანონპროექტთან დაკავშირებით დააკმაყოფილა. კერძოდ, პროექტის არსებული ვერსია, რომელიც, ორგანიზაციების მითითებით, მნიშვნელოვან ხარვეზებს შეიცავდა, პარლამენტს აღარ წარედგინება. ასევე, ორგანიზაციების მოთხოვნის საპასუხოდ, კანონპროექტზე მუშაობა გაგრძელდება და მისი დამატებითი განხილვებისთვის სამუშაო ჯგუფები შეიქმნება, სამინისტრო საჯარო შეხვედრასაც ჩაატარებს. მეტი გამჭვირვალობისთვის, ასევე ორგანიზაციების მოთხოვნით, სამინისტრო წარმოადგენს დეტალურ განმარტებასაც იმის შესახებ, თუ რომელი შენიშვნები აისახება და არ აისახება კანონპროექტში და - რატომ. 30 იანვარს გარემოს დაცვისა და სოფლის მეურნეობის მინისტრისადმი მიმართვაში გარემოსდაცვითი ორგანიზაციები ითხოვდნენ, კანონპროექტის არსებული ვერსია არ წარედგინათ პარლამენტისთვის, რადგან ის მნიშვნელოვან გადამუშავებას საჭიროებდა. პროექტის გასაუმჯობესებლად ორგანიზაციები სამინისტროს  თანამშრომლობასაც სთავაზობდნენ. განცხადებაში აღნიშნული იყო, რომ მიუხედავად იმისა, რომ პროექტზე მუშაობა რვა წლის განმავლობაში მიმდინარეობდა, სამინისტროს მიერ დასრულებულ ვერსიად წარმოდგენილი დოკუმენტი მაინც გაუმართავი იყო სამართლებრივი და ტერმინოლოგიური თვალსაზრისით. მასში სათანადოდ არ იყო გათვალისწინებული საერთაშორისო ვალდებულებები და პრაქტიკულად არ იყო მოცემული რეგულაციების განხორციელების მექანიზმები. შესაბამისად, კანონპროექტი „ვერ უზრუნველყოფდა ევროპის ბუნების დაცვის პოლიტიკასთან საქართველოს კანონმდებლობის ჰარმონიზებას“. ამის მიზეზი კი, ორგანიზაციების თვალსაზრისით, პროექტის გაუმჭვირვალედ, დაინტერესებული მხარეების არასათანადო ჩართულობით, ექსპერტთა შენიშვნების დიდი ნაწილის გაუთვალისწინებლობით და ფორმალური, ზედაპირული საჯარო განხილვების ფონზე მომზადება ... ...
  • აქცია პარლამენტთან_ "ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის"დღეს დილიდან პარლამენტთან ოპოზიცია მხარდამჭერებთან ერთად საპროტესტო აქციას მართავს. პარლამენტის შენობასთან იმყოფებიან „ევროპული საქართველოს" და „ლელო საქართველოსთვის" წარმომადგენლები, ასევე სამოქალაქო აქტივისტები. „ქართული ოცნების" რამდენიმე დეპუტატს აქციის მონაწილეების შეძახილების ფონზე მოუწია პარლამენტში შესვლა. როგორც ოპოზიცია აცხადებს პარლამენტის პიკეტირების მცდელობები და აქციები მშვიდობიანი ფორმით გაგრძელდება, თუ საჭირო გახდა საპარლამენტო არჩევნების დღემდე. საპარლამენტო უმრავლესობის ლიდერი მამუკა მდინარაძე, ერთ-ერთი პოლიტიკოსია, რომელსაც პარლამენტის შენობაში შესვლა დღეს შეძახილების ფონზე მოუწია.  როგორც მან ჟურნალისტებთან  განაცხადა,  "ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის და ეს უკვე უხერხულია". მდინარაძის თქმით, დღეს პარლამენტში ერთ-ერთი მთავარი თემა არჩილ თალაკვაძის ანგარიშია, ირაკლი შოთაძის კენჭისყრა კი დღეს იქნება თუ ხვალ, ჯერ გადაწყვეტილი არ ... ...
  • ფულადი თანხის მოტყუებით დაუფლების მცდელობის ფაქტზე ერთი პირი დააკავესსაქართველოს ფინანსთა სამინისტროს საგამოძიებო სამსახურის თანამშრომლებმა,  ჩატარებული ოპერატიულ - სამძებრო ღონისძიებებისა და  საგამოძიებო მოქმედებების  შედეგად, მოქალაქის კუთვნილი ფულადი თანხის მოტყუებით დაუფლების მცდელობის ფაქტზე, ერთი პირი დააკავეს.  გამოძიებით დადგინდა, რომ ბრალდებული,  დაუკავშირდა საქართველოს ოკუპირებული ტერიტორიებიდან იძულებით გადაადგილებულ პირს და მოტყუებით დაარწმუნა იგი, რომ შესაბამისი თანხის გადახდის შემთხვევაში, თითქოსდა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წარმომადგენლების მეშვეობით, დაეხმარებოდა მას, ზუგდიდში, საცხოვრებელი ფართის საკუთრებაში გადაცემაში. აღნიშნული თაღლითური განზრახვით,  ბრალდებულმა, მოქალაქეს მოსთხოვა და გამოართვა 10 000 ლარი, რა დროსაც მოხდა მისი დაკავება. გამოძიება მიმდინარეობს  საქართველოს სისხლის სამართლის კოდექსის 180-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ... ...
  • ჩოხატაურში მსუბუქი ავტომობილი ხეს შეეჯახაჩოხატაურში მსუბუქი ავტომობილი ხეს შეეჯახა.  შემთხვევის შედეგად მძღოლმა მსუბუქი დაზიანება მიიღო და საავადმყოფოში გადაიყვანეს.  როგორც „გურია ნიუსს“ შინაგან საქმეთა სამინისტროს პრესსამსახურში განუცხადეს, მომხდართან დაკავშირებით გამოძიება სსკ-ს 276-ე მუხლის მეორე ნაწილით ... ...

არქივი

ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...