“პასუხისმგებლობა ეკისრება ინსპექტირების ჯგუფს“ - ურთიერთგადაბრალებები ოზურგეთში

მთავარი თემა

“პასუხისმგებლობა ეკისრება ინსპექტირების ჯგუფს“ - ურთიერთგადაბრალებები ოზურგეთში

2015 იან 13 23:12:50

ოზურგეთის მუნიციპალიტეტის გამგეობის 2012-2013 წლების საქმიანობა საზოგადოების კრიტიკის საგანი გახდა.

სახელმწიფო აუდიტის სამსახურის მიერ გაცემულ აუდიტორულ დასკვნაში საკმაოდ ვრცლადაა საუბარი დარღვევებზე: სახელმწიფო შესყიდვების გვერდის ავლით ჩატარებული შესყიდვები, დაუმთავრებელი  სპორტული კომპლექსი, სტიქიით დაზარალებულთათვის  სალიკვიდაციო თანხების არამიზნობრივი ხარჯვა , ბიუჯეტიდან არამიზნობრივად გახარჯული თანხები, რესურსების არარაციონალური და არაეკონომიური გამოყენება, ნაკლოვანებები შესყიდვებში, შპს -ების და ა(ა)იპი-ების არასწორად განხორციელებული მენეჯმენტი, შენიშვნები საკადრო პოლიტიკაში და სხვა კრიტიკული მოსაზრებები, რომელიც აუდიტში აისახა გახარჯული 272.1 ათასი ლარის საავტომობილო საწვავი.

"არსებობს მაღალი რისკი იმისა, რომ სახელმწიფო ბიუჯეტიდან გამოყოფილი მიზნობრივი სახსრები გახარჯულ იქნა არადანიშნულებისამებრ" - ასეთია აუდიტის სამსახურის დასკვნა 2012-2013 წლებში ოზურგეთის მუნიციპალიტეტში სტიქიის შედეგების სალიკვიდაციოდ ბიუჯეტიდან გამოყოფილი თანხების შესახებ.
დახმარება გაეწია ისეთ პირებს, რომლებიც არ იყვნენ სტიქიის შედეგად დაზარალებულები.

ოფიციალური დოკუმენტების საფუძველზე 2012 და 2013  წლებში ოზურგეთის მუნიციპალიტეტში სახელმწიფო შესყიდვების შესახებ ხელშეკრულების შესრულების კონტროლის, შესასრულებელი ან შესრულებული სამუშაოების მოცულობის, ხარისხისა და მიწოდების ვადების ხელშეკრულების მოთხოვნასთან შესაბამისობის დადგენის მიზნით სათანადო კონტროლის, ზედამხედველობის განხორციელების და მიღება - ჩაბარების აქტების გაფორმებისა და სახელმწიფო შესყიდვის შესახებ ხელშეკრულების პირობების ანგარიშსწორების პროცესის რეგულრების საკითხებში, მიმწოდებელთან თანამშრომლობის მიზნით შეიქმნას სპეციალური ინსპექტირების ჯგუფი შემდეგი ხელმძღვანელობით:

2013 წელს: გიორგი ღურჯუმელიძე, - გამგებლის მოადგილე, გერმანე ჭანუყვაძე, - ზედამხედველობის სამსახურის უფროსი, თემურ მურვანიძე, - არქიტექტურისა და ურბანული დადგემარების სამსახურის უფროსი, თემურ გიორგაძე, - ეკონომიკის, ინფრასტრუქტურისა და საინვესტიციო გარემოს განვითარების სამსახურის უფროსი.
2013 წელი 11 მარტს შექმნილ  ასევე   ინსპექტირების ჯგუფს ხელმძღვანელობდა მერაბ წივწივაძე, რომელიც მაშინ გამგეობის ეკონომიკის, ინფრასტრუქტურისა და საინვესტიციო გარემოს განვითარების სამსახურის უფროსი იყო.
წევრების თემურ გიორგაძის, გერმანე ჭანუყვაძის და თემურ მურვანიძის შორის არის ასევე კახა გაგუა, რომელიც ა.(ა) ი.პ. "კეთილმოწყობისა და არქიტექტურული დაგეგმარების ცენტრის" დირექტორი იყო.

2012 წელს ინსპექტირების ჯგუფს ხელმძღვანელობდა მიხეილ გოგოტიშვილი, წევრებს წარმოადგენდნენ: შალვა გაბრიჩიძე, რომელიც მაშინ გამგეობის ზედამხედველობის სამსახურის უფროსი იყო, ასევე მერაბ წივწივაძე და კახა გაგუა.

აღსანიშნავია, რომ დღესდღეობით თითოეული  ზემოთ ჩამოთვლილი პირი ქალაქ ოზურგეთის მერიაში საპასუხისმგებლო თანამდებობებზე არიან დასაქმებულები.

"გურია ნიუსი" შეეცადა, აღნიშნულ საკითხთან დაკავშირებით ყველა კომპეტენტური პირისგან კომენტარი მიეღო.
თავდაპირველად ოზურგეთის მუნიციპალიტეტის საკრებულოს ყოფილი თავმჯდომარეს ავთანდილ სურგულაძეს ვესაუბრეთ. ის  „გურია ნიუსთან" ამბობს, რომ აღნიშნულ საქმიანობებზე კონტროლს აღმასრულებელი რგოლი ახორციელებდა და შესაბამისად კომენტარიც მათ უნდა გააკეთონ.

ავთანდილ სურგულაძე: "მე უფლება არ მაქვს აუდიტის დასკვნასთან დაკავშირებით რაიმე შეფასება გავაკეთო, პირველად ვეცნობი აღნიშნულ დოკუმენტს, არავის ამასთან დაკავშირებით ჩემთვის არ უცნობებია, არც განხილვაზე ვყოფილვარ, დარწმუნებული ვარ, რომ საკრებულო, რომელსაც მე ვხელმძღვანელობდი  სინდისიერად უდგებოდა ყველა საკითხს, თუ რაიმე კითხვა გაჩნდება ჩვენ მზად ვართ ვუპასუხოთ, დაზღვეული არ ვართ შეცდომებისგან, რისი გახსენებაც შემიძლია, ეს არის მერია- ლაითურის ხიდის მშენებლობის საკითხი, ვერ ჩაეტია მშენებელი ორგანიზაცია ვადებში და ამის გამო დავაჯარიმეთ კიდეც. სტიქიიდან გამოყოფილი ზარალი ტენდერს არ ითვალისწინებს, ამიტომ პირდაპირ ხდებოდა სამუშაოების შესრულებები, იყო მონიტორინგის ჯგუფი შექმნილი ინფრასტრუქტურის სამსახურიდან, ამ ყველაფერ აღმასრულებელი ორგანო აკონტროლებდა, ხელშეკრულების გაფორმება საკრებულოს პრეროგატივა იყო, მაგრამ მონიტორინგს ახდენდა  აღმასრულებელი რგოლი, ამიტომ ამ ტექნიკურ საკითხებზე უპრიანი იქნებოდა პასუხი გაგცეთ იმ ადამიანებმა ვინც უშუალოდ ასრულებდა ამ მოვალეობებს და აკონტროლებდა შესრულებულ სამუშაოებს, ესენია გამგებელი, მოადგილეები, ინსპექტირების ჯგუფი და ასე შემდეგ, რას ამბობენ ის ადამიანები ვისაც ეს შესყიდვები ეხება, რას ნიშნავს დოკუმენტაციის წარმოდგენის გარეშე გადარიცხული ათასობით ლარი? მგონია რომ უფრო აღმასრულებელ რგოლთან უნდა გქონდეთ კითხვები, ვინც უნდა გაგცეთ ამაზე პასუხი".

ოზურგეთს მუნიციპალიტეტის გამგებლის მოადგილე  გიორგი ღურჯუმელიძე, 2013 წელს ყოფილი გამგებლის კოტე შარაშენიძის მოადგილედ მუშაობდა და ასევე   ინსპექტირების ჯგუფს ხელმძღვანელობდა, მისი კომენტარი აუდისტის დასკვნასთან დაკავშირებით ასეთია:

"რაც აუდიტის დასკვნაში წერია, ეს არის შენიშვნა და არა კანონდარღვევა, აღნიშნულ თემასთან დაკავშირებით ყველა დოკუმენტაცია არის პროკურატურაში წარდგენილი, როგორც ფიქრობთ კრიმინალი და დარღვევა რომ ყოფილიყო, ამდენ ხანს კონკრეტული პირების პასუხისმგებლობის საკითხი არ დადგებოდა? თუ რაიმე დარღევაა  შეისწავლის სამართალდამცავი ორგანოები".

ოზურგეთის მუნიციპალიტეტის გამგეობის შესყიდვების განყოფილების უფროსი ამირან გირკელიძე, რომელიც 2012 და 2013 წლებში შესყიდვების სამსახურს ხელმძღვანელობდა, "გურია ნიუსთან" აუდიტის დასკვნის მიერ გამოვლენილ დარღვევებზე  კომენტარს აკეთებს, მას მიაჩნია, რომ  კითხვის ადრესატი არა თვითონ, არამედ გამგეობაში შექმნილი ინსპექტირების ჯგუფი და მისი წევრებია.

"რაც  შესყიდვებთან არის დაკავშირებული ხორციელდება სახელმწიფო შესყიდვების კანონის შესაბამისად, ყველაფერზე ფორმდება ხელშეკრულება, მართალია ხელშეკრულებას ჩვენ ვაფორმებთ, თუმცა შესრულებაზე კონტროლი დავალებული აქვს  გამგეობაში შექმნილ ინსპექტირების ჯგუფს, რომელმაც უნდა მოითხოვოს ხელშეკრულებაში ჩადებული მუხლების  შესაბამისად სამუშაოს შესრულება, აუდიტის დასკვანაში ის კი არ წერია, რომ დარღვევით არის გაფორმებული ხელშეკრულებაო, არამედ წერია, რომ ხელშეკრულება ითვალისწინებს  ფაქტიური დანახარჯების დოკუმენტაციის წარმოდგენას, ამ კითხვის ადრესატი არ ვარ მე, ეს სცილდება შესყიდვების სამსახურის ფუნქციას და მაგაზე პასუხი უნდა გაგცეთ  ინსპექტირების ჯგუფის უფროსმა და მისმა წევრებმა, რომელსაც ხელმძღვანელობდა სხვადასხვა დროს სხვადასხვა ადამიანები. ინსპექტირების ჯგუფი არის სერიოზული ორგანო, რომელიც პასუხისმგებელია ყველაფერზე.  ჩემი კომპეტენცია არის ხელშეკრულების მომზადება კანონმდებლობის დაცვის შესაბამისად, ხელშეკრულებაში ხარვეზი არ არის, ხარვეზი არის შემდგომ კონტროლში, რაც ევალებოდა ინსპექტირების ჯგუფს"_ აღნიშნავს გირკელიძე.

ოზურგეთის მუნიციპალიტეტის გამგებელი მერაბ ჭანუყვაძე აღნიშნავს, რომ გამგეობაში გამოვლენილ დარღვევებთან დაკავშირებით რომელიც 2012 – 2013 წლებს ეხება კომენტარის გაკეთება მისგან უხერხულია.

"ეს დოკუმენტაცია  არია მომზადებული აუდიტის სამსახურის მიერ, რომელიც  არის ოფიციალური დოკუმენტი და არის საჯარო ყველასთვის, შესაბამისად აუდიტის სამსახურს აქვს პირდაპირ უფლება თუ სადმე რამე დარღვევები შეინიშნება და შეიცავს სისხლის სამართლის დანაშაულს თვითონვე გადასცეს შესაბამის ორგანოებს,  სამართალდამცავებს,  კომენტარს ვერ გავაკეთებ, იმიტომ, რომ  კონკრეტულ დროს, ამ წლების განმავლობაში მუშაობდა ეს ადამიანები, ჰყავდათ სხვა ხელმძღვანელი ამიტომაც ამაზე ჩემგან კომენტარის გაკეთება უხერხულიცაა."

კომენტარები ვთხოვეთ ქალაქ ოზურგეთის მერიის ზედამხედველობის განყოფილების უფროსს შალვა გაბრიჩიძეს, რომელიც როგორც ზევით ავღნიშნეთ  წინა წლებში ზედამხედველობის სამსახურის უფროსი და ინსპექტირების ჯგუფის წევრი იყო.

შალვა გაბრიჩიძე:"მე რა შუაში ვარ? ან ინსპექტირების ჯგუფი რა შუაშია? მე ახლაც ვაკეთებ ამ საქმეებს, თუ ვიყავი ინსპექტირების ჯგუფში ვამოწმებდით შენობის, გზების  მდგომარეობას, თორემ საბუთებთან შეხება არ გვქონია, პასუხისმგებელი არის უფროსი, ინსპექტირების ჯგუფი აკეთებდა მშენებლობების ჩაბარებებს, დოკუმენტაციას არ ვაწარმოებდით, ჩვენ მივდიოდით და ვნახულობდით იყო თუ არა შესრულებული სამუშაო ან როგორ იყო შესრულებული."

_ბატონო შალვა, როცა ნახულობდით სამუშაოები შესრულებული იყო?

_ აბა ისე ტყუილად ხომ არ მოვაწერდით ხელს? არ შეიძლება არ იყოს სამუშაო შესრულებული და ისე მოაწერო ხელი, ეს ტყუილია.

_ აუდიტის დასკვნაში რაც წერია ეს ტყუილია?

_ არა,  მაგას არ ვამბობ, როგორ დავიჯერო რომ საბუთები არ არსებობს, მერაბ წივწივაძე იყო ხელმძღვანელი მაშინ ხომ?  აქ ხომ 200 ათასებზეა საუბარი, გამორიცხულია, ჰაერზე არავინ არავის ფულს არ აძლევდა  ჩვენს დროს, ტყუილია, წინა მთავრობა იყო ვინც იჭერდა ყველას, მაგის გამო, არავის ერთ თეთრს არ პატიობდნენ და ყველანი ციხეშიო ამას ამბობდნენ და რავიცი მე ახლა რა აღმოაჩინეს, ახლა როგორ დავიჯერო, რომ 240 000 ლარი, პირობითად ვამბობ ვიღაცას მივეცი,  არაფრის გარეშე ჰაერზე და ცოცხლები ვართ ყველა? აქ მარტო მე არ ვარ, ბევრია ჩემს გარდა პასუხისმგებელი და დაიჯერებ ახლა მაგას, რომ  ვინმეს ტყუილა ფული მივეცით?

ქალაქ ოზურგეთის მერიის ეკონომიკური განვითარების, ქონების მართვის, ინფრასტრუქტურის, ტრანსპორტისა და კეთილმოწყობის სამსახურის უფროსი მერაბ წივწივაძე, ერთერთი პასუხისმგებელი პირი იყო 2012 – 2013 წლებში, ხელმძღვანელობდა ინსპექტირების ჯგუფს და ერთერთ სამსახურს.  ამავე სამსახურის თანამშრომლები არიან განყოფილების უფროსი თემურ მურვანიძე, სპეციალისტი თემურ გიორგაძე, რომლებიც ასევე წინა წლებში გამგეობაში ინფრასტრუქტურის სამსახურის თანამშრომლები იყვნენ.

მერაბ წივწივაძემ კომენტარისთვის მისულ  "გურია ნიუსს" კატეგორიულად განუცხადა, რომ პრესსამსახურს მიმართოს.

მერაბ წივწივაძე: მიმართეთ პრესსამსახურს, მე კომენტარს ვერ გავაკეთებ, მოგვმართეთ წერილობით.

_ბატონო მერაბ, აუდიტის დასკვნასთან დაკავშირებით, რომელიც თქვენს საქმიანობს ეხება 2013 და 2012 წლებში, ამაზე ქალაქ მერიის პრესსამსხურს უნდა მივმართოთ?

_მე გაცნობილი არ ვარ, აზრზე არ ვარ რა წერია მაგ აუდიტის დასკვნაში, თუ გამოქვეყნდა და იქნება გამოქვეყნებული, ყოველშემთხვევაში ვიცი, რომ ყველაფერი დადებითადაა მაქ ასახული, ჩემამდე არავინ არ მოსულა, არავის პასუხი არ მოუთხოვია, აზრზე არ ვარ.




 ახალი ამბები
  • დამტვრეული ინვეტარი, მიტოვებული, არგახსნილი მუზეუმი და ბალახებში ჩაფლული პარკი შემოქმედშიეს ფოტოები ოზურგეთის მუნიციპალიტეტის, სოფელ შემოქმედის ერთ-ერთ პარკსა და 2 წლის წინ აშენებულ, ჯერ არგახსნილ, ვარლამ სიმონიშვილის ეთნოგრაფიულ მუზეუმში არის გადაღებული. როგორც ფოტოებიდან ჩანს, ახალგარემონტებულ პარკში, ახალაშენებულ საპირპარეშოში საშინელი მდგომარეობა. დამტვრეული ინვეტარი. სოფელ შემოქმედში ახალი პარკი და ეთნოგრაფიული მუზეუმი 2015-2017 წლებში ... ...
  • ხელისუფლების წარმომადგენლები მოსახლეობას შეხვდნენ (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები, ოზურგეთის მუნიციპალიტეტის სოფლებში: ურეკის, შრომის, ნატანების, ზემო ნატანების მოსახლეობას შეხვდნენ და არსებულ საჭიროებებზე ინფორმაცია მიიღეს. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს.შეხვედრაზე ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე გამახვილდა. საუბარი შეეხო მუნიციპალურ და სახელმწიფო პროგრამებს. მოსახლეობამ მთავარ საჭიროებად წყალმომარაგებისა და შიდა გზების პრობლემების მოგვარება დაასახელა. ასევე, ჭაბურღილების, გარე განათების, ტროტუარების მოწყობა და მცირე ბიზნესის ხელშეწყობა. შეხვედრას ესწრებოდნენ პარლამენტის თავმჯდომარე არჩილ თალაკვაძე, პარლამენტის წევრები გიორგი ვოლსკი, თემურ ჭკუასელი, ირაკლი ხახუბია, გია გაჩეჩილაძე, საგარეო საქმეთა მინისტრის მოადგილე ალექსანდრე ხვთისიშვილი, გარემოს დაცვისა და სოფლის მეურნეობის სამინისტროს, სურსათის და სოფლის განვითარების დეპარტამენტის ხელმძღვანელი თენგიზ კალანდაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები. ... ...
  • ბახმაროს დოღის საპრიზო ფონდიუკვე მეორე წელია, რაც ბახმაროში დოღი ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება. „ბახმაროს თასი 2019“ ღონისძიებისათვის კომპანია „წყალი მარგებელმა“ სპონსორებთან ერთად სპეციალური საპრიზო ფონდი და საჩუქრები დააწესა. წყალ მარგებელთან ერთად ღონისძიების გენერალური მხარდამჭერი „საქართველოს ბანკია“, ღონისძიების პარტნიორები არიან ასევე კომპანია გალფი, გლოვო და კროკო-ბეთი. ღონისძიების ფარგლებში შედგება 4 გარბენი: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულაგარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარიI ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი;I ადგილი 1000 ლარი; II ადგილი 500 ლარი; III ადგილი 300 ლარი; მონაწილეობაღონისძიებაში მონაწილეობის მისაღებად, დაინტერესებულმა პირმა უნდა გაიროს რეგისტრაცია 18 აგვისტოს 10:00 დან 18:00 საათამდე, რეგისტრაცია გაიმართება ბახმროში, დოღის სტარტის მიმდებარე ტერიტორიაზე.აუცილებელია პირადობის დამადასტურებელი მოწმობის წარდგენა. რეგისტრაციის დროს სავალდებულოა ცხონოსანი გამოცხადდეს ცხენის ... ...
  • ოზურგეთის ბაზარში ძაღლმა სოფელ მელექედურის მცხოვრები დაკბინადღეს ოზურგეთის აგრარულ ბაზარში ძაღლმა მოქალაქე დაკბინა. მელექედურელი მამაკაცი ბევრს ეცადა, ძაღლი მოეშორებინა, თუმცა, ცხოველის მოსაგერიებლად  ვერც ირგვლივ შემოკრებილი ხალხი აღმოჩნდა საკმარისი და სამაშველო სამსახრური გამოიძახეს. ბაზარში მომუშავე ქალბატონი მანანა ფერცულიანი ამბობს, რომ ახლახან ის დაკბინა მიუსაფარმა ძაღლმა და დღემდე მკურნალობას გადის. _ ამ მიუსაფარ ძაღლებს დღეში რამდენჯერ ვაჭმევ, არ ვიცი. მაინც მე დამკბინეს. რა უნდა ვქნა? ვინმემ თუ არ მოაგვარა ეს საკითხი, კარგად არ დასრულდება ამ ძაღლების პარპაში. ახლახან რომ ბავშვი დაკბინა, მთელმა ოზურგეთმა იცის, _ გვითხრა მანანა ფერცულიანმა. ოზურგეთის სერვისცენტრის უფროსმა თენგიზ ქუტიძემ „გურია ნიუსთან“ თქვა, რომ ძაღლი, რომელმაც მოქალაქე დაკბინა, იდენტიფიცირებულია და მალე გადაიყვანენ თავშესაფარში. _ ბაზარი კერძო ტერიტორიაა  და თუ იქედან ოპერატიულად მოგვმართავენ ასეთ დროს, ჩვენ რეაგიებას არ დავაყოვნებთ, _ გვითხრა მან. ვრცლად ოზურგეთში მოხეტიალე მიუსაფარი ძაღლების, მათ მიერ მიყენებული დაზიანებების და მათზე ზრუნვის შესახებ,  სტატიას უახლოეს საგაზეთო ნომერში ... ...
  • „გალტ ენდ თაგარტმა“ კვლავ წარმატებით განათავსა „საქართველოს სალიზინგო კომპანიის“ 10 მილიონი აშშ დოლარის 2-წლიანი ობლიგაციები...სს „გალტ & თაგარტმა“ კიდევ ერთხელ უზრუნველყო შპს „საქართველოს სალიზინგო კომპანიის“ 10 მილიონი აშშ დოლარის ღირებულების, 2 წლიანი ობლიგაციების წარმატებით გამოშვება. ეს „საქართველოს სალიზინგო კომპანიისთვის“ რიგით მეოთხე ემისიაა, რაც კომპანიის სტაბილურობაზე, ინვესტორების მხრიდან ნდობის მაღალ ხარისხზე და ზოგადად, კომპანიის მზარდ ტენდენციებზე მეტყველებს.  „საქართველოს სალიზინგო კომპანია“ მომხმარებელს უკვე მეოთხედ აძლევს შესაძლებლობას, დააბანდოს თავისუფალი ფულადი სახსრები კომპანიის მიერ გამოშვებულ ობლიგაციებში. ფასიანი ქაღალდის წლიური ფიქსირებული განაკვეთი შეადგენს 7,5%-ს, უახლოეს მომავალში კომპანია გეგმავს აღნიშნული ფასიანი ქაღალდების დაშვებას ადგილობრივი საფონდო ბირჟის სავაჭრო სისტემაში და შესაბამისად, მოხდება დარიცხული პროცენტის გათავისუფლება გადასახადებისაგან, რაც კიდევ უფრო მიმზიდველს გახდის აღნიშნულ ფასიან ქაღალდებს ინვესტორებისთვის. ობლიგაციების ვადა შეადგენს 2 წელს და მისი სრულად დაფარვა მოხდება 2021 წლის 9 აგვისტოს. განთავსების აგენტი, როგორც ყველა წინა შემთხვევაში, აქაც „გალტ & თაგარტია“.  „მოხარულები ვართ, რომ “საქართველოს სალიზინგო კომპანიამ“ კიდევ ერთხელ, უკვე მეოთხედ, წარმატებით განათავსა ობლიგაციები ადგილობრივ ბაზარზე. ობლიგაციებზე მოთხოვნამ ჩვენს მოლოდინს გადააჭარბა, რაც ძალიან სასიხარულოა რადგან ეს, რა თქმა უნდა, ჩვენი კომპანიის ძალიან მაღალ სანდოობაზე და „გალტ & თაგარტის“ მაღალ პროფესიონალიზმზე მეტყველებს. გვემაყება ის ფაქტიც, რომ ჩვენი და „გალტ & თაგარტის“ თანამშრომლობა უკვე წლებია ასე წარმატებულად გრძელდება“ , - განაცხადა საქართველოს სალიზინგო კომპანიის გენერალურმა დირექტორმა, ელდარ ახვლედიანმა.  „მოხარული ვარ, აღვნიშნო „გალტ & თაგარტის“ როლი „საქართველოს სალიზინგო კომპანიის“ ობლიგაციების წარმატებით განთავსებაში. კიდევ ერთი წარმატებული განთავსება მეტყველებს, როგორც „საქართველოს სალიზინგო კომპანიის“ სანდოობაზე, ისე, ზოგადად საქართველოში მსგავს ტრანზაქციებზე ინვესტორების მხრიდან ნდობის ზრდაზე, რაც ქვეყნის ეკონომიკისთვის ძალიან მნიშვნელოვანია, რადგან ეს არის კომპანიებისთვის დაფინანსების კიდევ ერთი მეტად ხელსაყრელი წყარო. მინდა მივულოცო „გალტ & თაგარტის“ მთელ გუნდს, რომელიც საკუთარი  გამოცდილებისა და პროფესიონალიზმის წყალობით, გახდა საინვესტიციო-საბანკო მომსახურების მიმწოდებელი წამყვანი კომპანია ქვეყანაში“, - განაცხადა „გალტ & თაგარტის“ მმართველმა დირექტორმა - ოთარ შარიქაძემ. ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...