ცხრასულიან ოჯახს მალე სახლიდან გამოასახლებენ

მთავარი თემა

ცხრასულიან ოჯახს მალე სახლიდან გამოასახლებენ

2015 იან 22 16:14:37

ოზურგეთში, ლომთათიძის ქუჩის N 28 სახლში მცხოვრები რეზო ვაშალომიძე "გურია ნიუსის" რედაქციის კარს სასოწარკვეთილი მოადგა:

_ მიშველეთ, ბიძია! ორი წლის წინ 3 500 დოლარი ვისესხე ახლობლისგან, თინათინ ერისთავისგან. თავის მხრივ მან მეზობლად მცხოვრებ ნინო ხვადაგიანს გამოართვა ეს თანხა. ჩემთვის ისესხა, უფრო გასაგებად რომ გითხრათ. ძალიან დიდი ოჯახური პრობლემა მქონდა. ეს ცალკე თემაა და ახლა ამაზე ვერ ვილაპარაკებ. დროულად ვერ გადავუხადე.

ხუთი მცირეწლოვანი შვილიშვილი მყავს, ცხრასულიანი ოჯახი ვართ, რა გასაჭირი არ გადავიტანე, ენით არ აღიწერება. რაკი ვერ გადავიხადე ვალი, შევეხვეწე, ნაწილ-ნაწილ დამაფარვინეთ,-მეთქი. ჩვენი გარიგება თუ მორიგება, საჯარო რეესტრში მის სასარგებლოდ, იპოთეკით დავტვირთე ჩემი საცხოვრებელი სახლის მხოლოდ ერთი ოთახი. ეს იყო უძრავ ქონებაში ჩემი წილი. რაკი დროულად ვერ გადავიხადე, ერისთავმა მიჩივლა და სასამართლო ძალით ახლა სახლიდან გამოყრას გვიპირებენ. დაგვეხმარეთ, გვიშველეთ რამე, მოგვცეს ჩვენმა მევალემ შანსი, ნაწილ-ნაწილ დავფაროთ ვალი და ამდენი ბავშვები, შუაგულ ზამთარში, ყინვაში გარეთ არ გამოგვიყარონ, _ ამბოს რეზო ვაშალომიძე.

ჩვენ შინ ვესტუმრეთ ვაშალომიძეებს. ოჯახის გაჭირვება თვალში საცემია _ ორსართულიანი სახლი ნაწილობრივ დაუმთავრებელია. მცირეწლოვანი ბავშვებიდან, შინ ყველა არ იყო. ბატონი რეზოს შვილი, ზვიად ვაშალომიძე და რძალი ნინო თავაძე ამბობენ, რომ ვალის გადახდის წინააღმდეგი არ არიან. პირიქით, სწუხან, რომ დათქმულ ვადაში ვერ გადაიხადეს, რადგან ოჯახი ძალიან გაჭირვებულია.

როგორც რეზო ვაშალომიძე ამბობს, ის ქალბატონი ხვადაგიანის ზეწოლით მომექცა ასე, თორემ ცოტა სულის მოთქმის საშუალება რომ მოეცათ, ვალს გადავიხდიდიო.

ნინო ხვადაგიანი ოზურგეთის წმიდა ნინოს სამრევლო სკოლის პედაგოგია. მან ჩვენთან საუბარში რეზო ვაშალომიძის მოსაზრება უარყო:

_ სისულელეა ეს ყველაფერი. მათ ვიღაც ერისთავის ვალი ჰქონდათ. ვერ გადაუხადეს. ის ვალი მაინც ძალაში რჩება. მე კი აუქციონის წესით შევიძინე ვაშალომიძეების სახლი და დღეს თუ ხვალ მათ მაინც გამოასახლებენ.

_ ქალბატონო ნინო, ეს 3 500 დოლარი თქვენგან ნამდვილად ისესხა თამარ ერისთავმა, რომ მერე ვაშალომიძეებისთვის ესესხებინა?

_ ისინი იტყუებიან და არანაირად არაა საჭირო ამის მედიაში გაშუქება. მათ აქვთ ერისთავის ვალი. არ ენდოთ მაგათ. არც მე დამირეკოთ მათ გამო.

_ ქალბატონო ნინო, ადამიანი დახმარებას გვთხოვს. არ აპირებს ამ ფულის წართმევას, ოღონდ დროში გადანაწილებას ითხოვს.

_ ეს სახლი მე უკვე ნაყიდი მაქვს! ესენი ახლა ათასი ჯურის დაწესებულებას მიმართავენ, მაგრამ არ დაუჯეროთ. არც მე შემაწუხოთ, _ გვითხრა ნინო ხვადაგიანმა.

"გურია ნიუსი" თინათინ ერისთავს ესაუბრა.

_ ქალბატონო თინათინ, რეზო ვაშალომიძე ამბობს, რომ ვალი დროულად ვერ გადაგიხადათ, მაგრამ ეს იმიტომ მოხდა, რომ ძალიან უჭირს. თქვენ პირადად თქვენი თანხა ასესხეთ თუ ნინო ხვადაგიანმა მოგცათ?

_ რაც იცით, ყველაფერი მასეა და პრესაში დაწერა რა საჭიროა?!

_მე ვიცი ვაშალომიძეებისგან, რომ როცა უჭირდა, ეს თანხა ხვადაგიანისგან თქვენ უსესხეთ მას. თუმცა, ქალბატონი ნინო ამას უარყოფს და ამბობს, ეს თქვენი თანხაა, სახლი კი აუქციონზე გაიყიდა იმის გამო, რომ ვაშალომიძემ ფული ვერ გადაიხადა. თუ ეს ოჯახი მაინც უნდა გამოასახლონ, იქნებ, ახლა მაინც გვითხრათ, რა მოხდა სინამდვილეში?

_ მაგათი გასარკვევია, რა იყო და რა _ არა. როგორც იყვნენ მოლაპარაკებული, ვაშალომიძემ ის პირობა ვერ შეასრულა. მე ვიცი, ვალი ჰქონდა და ჩემგან დაიმტკიცა ნოტარიუსით. ისე კი, მირჩევნია, მოვიდე და გელაპარაკოთ. ყველაფრის ტელეფონზე საუბარი არ მინდა ახლა.

_ამას დიდი მნიშვნელობა არ აქვს, თუმცა, რედაქციაშიც მოგისმენთ, მობრძანდით, გელოდებით.

სამწუხაროდ, ქალბატონმა თინათინმა რედაქციაში მოსვლა ვერ მოახერხა.

მოსარჩელე თინათინ ერისთავის წარმომადგენელი, ადვოკატი კახა ჩავლეშვილი "გურია ნიუსთან" ამბობს:

_ მახსენდება ეს საქმე. დაახლოებით, ერთი წლის წინ იყო. მე როგორ ვიცი, მოქალაქე ვაშალომიძემ ისესხა ეს თანხა, გარიგების უზრუნველსაყოფად კი მოსარჩელე ერისთავის სასარგებლოდ, იპოთეკით დატვირთა მის საკუთრებაში არსებული უძრავი ქონების წილი. შემდგომში, სასამართლო პროცესზე, საქმე კანონის შესაბამისად იწარმოება. ეს კი არ ვიცი, ახლა, მაინდამაინც ამ ყინვაში ვის მოაფიქრდა ბავშვების გარეთ გამოსახლება, _ გვითხრა ჩავლეშვილმა.

რეზო ვაშალომიძის ოჯახმა, აღსრულების ეროვნული ბიუროს აღსრულების პოლიციის სამმართველოს ბათუმის განყოფილებიდან მიიღო გაფრთხილება სხვისი მფლობელობიდან და სარგებლობიდან უძრავი ქონების გამოთხოვის თაობაზე, სადაც წინადადება ეძლევათ, გაფრთხილების მიღების დღიდან ათი დღის ვადაში, გაათავისუფლონ ლომთათიძის ქ. #28 -ში მდებარე უძრავი ქონება ან წარმოადგინონ ქონების მართლზომიერი მფლობელობის და სარგებლობის დამადასტურებელი დოკუმენტაცია. წინააღმდეგ შემთხვევაში მოხდება იძულებით გამოსახლება!

 რეზო ვაშალომიძე ამბობს, რომ 2013 წლის 13 თებერვალს სასამართლომ დაუსწრებელი გადაწყვეტილება მიიღო. არ იცის, ვინ და რატომ გაყიდა მისი სახლი: _ 9 იანვარს უნდა გამოვესახლებინეთ აღსრულების პოლიციას, მაგრამ გადადეს. მე შევიტანე სარჩელი ოზურგეთის სასამართლოში. ვითხოვ შეთანხმებას ვალის გადახდის თაობაზე. პირველ რიგში ვითხოვ, გაირკვეს, ვინ შეაფასა ჩემი სახლი ჩემს გარეშე, როდის და რატომ გაყიდეს ჩემს დაუსწრებლად. ან გაყიდულია კი საერთოდ? 22 იანვარს, დილის 11 საათზე შედგება სასამართლო პროცესი და გთხოვთ, მობრძანდეთ, დაესწროთ ამ პროცესს და დარწმუნდეთ ჩემს სიმართლეში. ნუთუ ისეა ეს ქვეყანა ჩალით დახურული, რომ ამ მცირეწლოვანი ბავშვებით ყინვაში გამოგვყრიან? _ გვეკითხება მოხუცი რეზო ვაშალომიძე.

 ჩვენ აუცილებლად დავესწრებით სასამართლო პროცესს.




 ახალი ამბები
  • ჩიჩილაკის კულტურულ მემკვიდრეობის ნუსხაში შეტანის საკითხი ჩქარი ტემპით იწყებაჩიჩილაკისა და კალანდობის კულტურულ მემკვიდრეობის ნუსხაში შეტანის საკითხი ჩქარი ტემპით იწყება. “სალომე ზურაბიშვილმა სურვილი გამოთქვა, მუდმივად იყოს ჩართული პროცესებში და აღგვითქვა დახმარება, მუდმივად იქნება ამ საკითხების მხარდამჭერი, რომ პროცესები უფრო სწორად და სწრაფად წარიმართოს“,_ აღნიშნული განცხადება საქართველოს პრეზიდენტთან შეხვედრის შემდეგ საქართველოს კულტურული მემკვიდრეობის დაცვის ეროვნული სააგენტოს გენერალურ დირექტორმა, ნიკოლოზ ანთიძემ, გააკეთა. პრეზიდენტის ფეისბუქის გვერდზე ვრცელდება ინფომაცია, რომ შეხვედრაზე საუბარი იყო ჩიჩილაკისა და გურული კალანდობის არამატერიალური კულტურული მემკვიდრეობის ძეგლად გამოცხადების საკითხის შესახებ. „პრეზიდენტთან დეტალურად გავიარეთ, თუ როგორ უნდა მომზადდეს საკითხი. ჩვენ დავიწყეთ კიდეც საჯარო განაცხადის შევსება,“ _ აცხადებს ნიკოლოზ ანთიძე. ინიციატივა ჩიჩილაკისა და გურული კალანდას არამატერიალური კულტურული მემკვიდრეობის ძეგლად გამოცხადების შესახებ საქართველოს პრეზიდენტს, სალომე ზურაბიშვილს, ეკუთვნის და 13 იანვარს სოფელ დვაბზუში ... ...
  • სასამართლომ "რუსთავი 2"-ის საქმეზე დვალის და აქიმიძის სარჩელი განუხილველად დატოვათბილისის საქალაქო სასამართლომ დღეს, 17 იანვარს, გაავრცელა ინფორმაცია, რომლის მიხედვითაც, სასამართლომ 2020 წლის 10 იანვარს განუხილველად დატოვა ჯარჯი აქიმიძისა და დავით დვალის (წარმომადგენელი – კახა კოჟორიძე) სარჩელი, მოპასუხეების, ქიბარ ხალვაშისა და პაატა კარსანიძის მიმართ ტელეკომპანია “რუსთავი 2-ის” წილის ნასყიდობის ხელშეკრულების ბათილად ცნობის, საჯარო რეესტრში წილის რეგისტრაციის გაუქმებისა და შპს-ს წილის მესაკუთრედ ცნობის მოთხოვნის თაობაზე. სასამართლომ ზეპირი მოსმენის გარეშე განიხილა საქმის მასალები და მიიჩნია, რომ მოსარჩელე მხარემ ვერ უზრუნველყო სამოქალაქო საპროცესო კოდექსით გათვალისწინებული მოთხოვნის დაცვა, კერძოდ, სარჩელისა და თანდართული მასალების მოპასუხისთვის ჩაბარება და კანონით დადგენილ ვადაში ჩაბარების ან/და ჩაუბარებლობის დამადასტურებელი დოკუმენტების  სასამართლოში წარმოდგენა. როგორც სასამართლო აცხადებს, მოსარჩელის მხრიდან კანონით დადგენილი ნორმის მოთხოვნის შეუსრულებლობის გამო, სასამართლომ  მოცემულ საქმეზე გააუქმა თბილისის საქალაქო სასამართლოს სამოქალაქო საქმეთა კოლეგიის 2019 წლის 18 ოქტომბრის განჩინებით გამოყენებული სარჩელის უზრუნველყოფის ღონისძიება, რომლის საფუძველზეც ყადაღა დაედო შპს “სამაუწყებლო კომპანია რუსთავი 2-ის” პარტნიორის, ქიბარ ხალვაშის კუთვნილ 60% წილს. სასამართლოს განჩინება შეიძლება გასაჩივრდეს კერძო საჩივრით მხარისათვის მისი ჩაბარებიდან 12 დღის ვადაში თბილისის სააპელაციო სასამართლოს სამოქალაქო საქმეთა პალატაში.  ამავე თემაზე: "რუსთავი 2"-ის 60 % დაყადაღებულია _ სასამართლომ აქიმიძის და დვალის სარჩელი წარმოებაში მიიღო ნიკა გვარამიას „რუსთავი 2“-ის საქმეზე ახალი ბრალი წაუყენეს სამხარაულის ექსპერტიზის ბიურო: დოკუმენტზე ქიბარ ხალვაშის ხელმოწერა არაა ... ...
  • თბილისში 1 პირი მაღაზიის გაქურდვის მცდელობის დროს დააკავესშინაგან საქმეთა სამინისტროს საპატრულო პოლიციის ისანი-სამგორის სამმართველოს თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, ქურდობის მცდელობის ბრალდებით, 1987 წელს დაბადებული ჯ.ს. თბილისში დააკავეს. ჩადენილი დანაშაული 3-დან 5 წლამდე ვადით თავისუფლების აღკვეთას ითვალისწინებს. საპატრულო პოლიციის თანამშრომლებმა ბრალდებული იმ დროს დააკავეს, როდესაც მან სამგორის ქუჩაზე მდებარე ერთ-ერთ მაღაზიაში უკანონოდ შეაღწია და სავაჭრო დაწესებულებიდან ფულისა და ლეპტოპის მოპარვას ცდილობდა. ქურდობის მცდელობის ფაქტზე გამოძიება საქართველოს სსკ-ის 19-177-ე მუხლის მე-2 ნაწილის „ა" და „ბ" ქვეპუნქტებით ... ...
  • მიკროავტობუსის მძღოლს 15 წლის გოგოსთან გარყვნილი ქმედებისთვის 6 წელი მიუსაჯესხელვაჩაურში მცხოვრები 29 წლის კაცი 15 წლის გოგოსთან გარყვნილი ქმედებისთვის, ასევე პირადი ცხოვრების ამსახველი საიდუმლოს ხელყოფის მუხლით გაასამართლეს. პროკურატურა მას გოგოს გაუპატიურებასაც ედავებოდა, თუმცა ეს სასამართლომ არ დაადასტურა. განაჩენის მიხედვით, შემთხვევა ღამის საათებში, ჭოროხის სანაპიროზე მოხდა. 29 წლის ბრალდებულმა დაზარალებულად ცნობილი 15 წლის მოზარდი თავის კუთვნილ მიკროავტობუსში გაიცნო და მასთან კომუნიკაცია სოციალურ ქსელში გააგრძელა. დაზარალებული გოგოს ჩვენებით, მას ბრალდებულმა სახლში საღამოს მიაკითხა და დალაპარაკება სთხოვა. მიკროავტობუსი ჭოროხის სანაპიროზე გაჩერდა. დაზარალებულმა გოგომ მოსამართლე ნუგზარ მგელაძეს უთხრა, რომ მას ბიჭი მანქანიდან გარეთ აღარ უშვებდა, კოცნიდა და სექსუალურ კონტაქტს აიძულებდა. მოგვიანებით, გოგოს ხელები ბრალდებულმა მანქანის ღვედით შეუკრა. გოგომ სახლში დაბრუნება დილის 6 საათზე შეძლო. მას მშობლები ეძებდნენ და პოლიციისთვის უკვე მიმართული ჰქონდათ. პროკურატურამ ბრალდებულს გაუპატიურების და გარყვნილი ქმედების ჩადენის მუხლით წაუყენა ბრალი, თუმცა ჩხრეკის შედეგად აღმოჩნდა, რომ ბრალდებულს საკუთარ მობილურ ტელეფონში 15 წლის გოგოსთან კოცნა ვიდეოთი ჰქონდა გადაღებული და პროკრატურამ ბრალდებულს პირადი ცხოვრების საიდუმლოს ხელყოფის მუხლითაც წაუყენა ბრალი. გაუპატიურება ამ საქმეზე სასამართლომ არ დაადასტურა და აღნიშნა, რომ მხოლოდ დაზარალებულად მიჩნეული გოგოს ჩვენება საკმარისი არ არის. „სასამართლოს მიაჩნია, რომ მხოლოდ მისი ჩვენება საკმარისი არ არის გამამტყუნებელი განაჩენის გამოსატანად, რადგან სასამართლო სხდომაზე გამოკვლეული დანარჩენი მტკიცებულებები  ეჭვქვეშ აყენებს მათ უტყუარობას. ბრალდებულის მიერ ძალადობით სხეულში სექსუალური ხასიათის შეღწევის შესახებ სასამართლოს ინფორმაციას აწვდის მხოლოდ თვით დაზარალებული, სხვა რაიმე პირდაპირი მტკიცებულება, ექსპერტიზის დასკვნა, ან სხვა მტკიცებულება, რომელიც ერთმნიშვნელოვნად დაადასტურებდა ძალადობის ფაქტს, საქმეში არ მოიპოვება და მხოლოდ აღნიშნული ჩვენება არ შეიძლება გახდეს გაუპატიურების ნაწილში მსჯავრდების საფუძველი,“ – აღნიშნულია განაჩენში. ბრალდებულმა დანაშაული უარყო. მან მოსამართლეს უთხრა, რომ გოგოს მოეფერა, მაგრამ ეს მისი თანხმობით გააკეთა და ვიდეოც მისი თანხმობით გადაიღო. ბრალდებულმა ასევე თქვა, რომ არ იცოდა, თუ გოგო 16 წლის არ იყო. გარყვნილი ქმედებისთვის და პირადი ცხოვრების საიდუმლოს ხელყოფისთვის ფ.-ს 6 წლით თავისუფლების აღკვეთა მიუსაჯეს. ჯაბა ანანიძე ... ...
  • 20 წლის დედა ახალშობილის მკვლელობისთვის გაასამართლესხელვაჩაურის ერთ-ერთ სოფელში მცხოვრები ქალი ახალშობილის განზრახ მკვლელობის მუხლით გაასამართლეს. მას მოსამართლე ნუგზარ მგელაძემ 4 წლით თავისუფლების აღკვეთა შეუფარდა, რაც ჩაეთვალა პირობით გამოსაცდელი ვადით. შემთხვევა 2018 წლის თებერვალში მოხდა – 20 წლის გოგომ სახლში იმშობიარა. გამოძიების ვერსიით, საძინებელ ოთახში „მშობიარობის შემდეგ უმალვე კისრის ორგანოებზე დაწოლით მან განზრახ მოკლა მამრობითი სქესის ახალშობილი…“, – აღნიშნულია განაჩენში. ადგილზე მისულ პოლიციელებს ახალშობილი უკვე გარდაცვლილი დახვდათ, ქალი კლინიკაში გადაიყვანეს. ბრალდებულმა დანაშაულის ჩადენა აღიარა და უდავოდ მიიჩნია ყველა მტკიცებულება, რაც პროკურორმა მის წინააღმდეგ წარმოადგინა. „სასამართლო მიიჩნევს, რომ ბრალდებული, რომელიც ადრე არ არის ნასამართლევი, აღიარებს, ინანიებს და მძიმედ განიცდის ჩადენილ დანაშაულს, სასჯელი უნდა დაენიშნოს იმ ზომით, რაც შეესაბამება მსჯავრდებულის ქმედების სიმძიმეს, მის პიროვნებას და დანაშაულის შემდგომ ქცევას და რაც არ იქნება მკაცრი და უსამართლო, რაც სასამართლოს აზრით უფრო მეტად შეუწყობს ხელს სამართლიანობის აღდგენას და მის საზოგადოებაში ინტეგრაციას,“ – წერია განაჩენში. 20 წლის ქალი სისხლის სამართლის კოდექსის 112 -ე მუხლის შესაბამისად გაასამართლეს. ეს მუხლი გულისხმობს  „დედის მიერ ახალშობილის განზრახ მკვლელობას მშობიარობისას ან მშობიარობის შემდეგ უმალვე“. დანაშაული ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე. წყარო: ... ...

არქივი

ზაფრანი

იუმორი და ასტროლოგია

ვერძი - მუშაობს პრობლემური სესხების...

ცოცხის „მაგიური“ ძალა

ბევრ ქვეყანაში არსებობს გარკვეული "ცრურწმენები",...

"წიწაკიანი" ქალები ზოდიაქოს ნიშნის მიხედვით

მორიელი _ ქალი მორიელის გამოხედვა ხერხს...

არსებობს თუ არა ერთი ნახვით სიყვარული

ოდესმე თქვენს ცხოვრებაში მომხდარა ისე,...

ყავის მომზადების რეცეპტები მსოფლიოში

ვიეტნამი - ყავის მომზადების დროს...

როგორ შევინარჩუნოთ მამაკაცი

არასდროს უყვიროთ მას - ის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...