გონიოში 271 ოჯახი რამდენიმე საათში წართმეული მიწის დაბრუნებას ითხოვს

მთავარი თემა

გონიოში 271 ოჯახი რამდენიმე საათში წართმეული მიწის დაბრუნებას ითხოვს

24 თებ. 2015, 20:43:09

გონიოს მოსახლეობა იმ მიწების დაბრუნებას ითხოვს, რომელიც მათ მიხეილ სააკაშვილის ხელისუფლებაში ყოფნის დროს ჯერ გადასცეს, შემდეგ კი კვლავ ჩამოართვეს.

სადაო მიწები გონიოს ციხესთან და ზღვისპირა ზოლში მდებარეობს. ნაწილს კულტურული მემკვიდრეობის სტატუსი აქვს, ნაწილზე კი, ხელისუფლება ტურისტული ინფრასტრუქტურის განთავსებას გეგმავს.

მიწების დაბრუნების  მოთხოვნით დღეს გონიოს მოსახლეობამ საპროტესტო აქცია გამართა. აქციის მონაწილეებს აჭარის მთავრობის ხელმძღვანელი არჩილ ხაბაძე შეხვდა, თუმცა მოლაპარაკებები უშედეგოდ დასრულდა. ხაბაძე მოსახლეობას ალტერნატიულ ტერიტორიებს და იქ მიწის თანაბრად გადანაწილებას სთავაზობდა, რაც აქციის მონაწილეებისთვის მიუღებელი აღმოჩნდა. მხარეებმა შეთანხმებას ვერ მიაღწიეს.

პრეისტორია

გონიოში მიწების ჩამორთმევა აჭარაში ერთ-ერთ პოლიტიკურ საკითხად ჯერ კიდევ ასლან აბაშიძის მმართველობის პერიოდში იქცა. ამ პერიოდში რეგიონში მიწის რეფორმა არ ჩატარდა და რეგიონის მოსახლეობამ საქართველოს კონსტიტუციით მინიჭებული უფლებით ვერ ისარგებლა, რომ მიწა საკუთრებაში მიეღო.

"ვარდების რევოლუციის“ შემდეგ, სააკაშვილის ხელისუფლება აჭარლებს დაჰპირდა, რომ მიწის რეფორმას დაასრულებდა. საქართველოს პარლამენტმა ამასთან დაკავშირებით სპეციალური კანონიც მიიღო, რომლის საფუძველზეც, 2006 წლის ბოლომდე აჭარაში, კერძოდ, ხელვაჩაურსა და ქობულეთის რაიონებში მიწის რეფორმა უნდა დასრულებულიყო. აჭარის მთავრობაში კი შეიქმნა სპეციალური კომისია, რომელსაც ავტონომიური რესპუბლიკის პირველი პირი, ლევან ვარშალომიძე თავმჯდომარეობდა. კომისიამ საკადასტრო რუკები შექმნა, დაადგინა ზღვრული ნორმები და განისაზღვრა სარეფორმო ფონდი, საჭირო იყო მხოლოდ ხელმოწერა, რომლითაც კონკრეტულ პირს მიწის ნაკვეთი საკუთრებაში გადაეცემოდა, ეს კი არ გაკეთდა, რისი ოფიციალური მიზეზიც დღემდე უცნობია. როგორც აჭარის მთავრობის აგრარულ და თვითმმართველობის საკითხთა დეპარტამენტის ყოფილი ხელმძღვანელი და ამ კომისიის წევრი თამაზ ცინცაძე აცხადებდა: "ეს დაბრკოლდა ხელოვნურად, ანუ ვიღაც პოლიტიკურმა პირმა მიიღო გადაწყვეტილება, რომ აჭარელ გლეხებს საკუთრებაში მიწა არ გადასცემოდათ“.

2007 წლის დასაწყისში ხელვაჩაურის რაიონის საკრებულომ მიიღო გადაწყვეტილება ტურისტულ ზონებში შეესწავლა იმ პირების საკუთრების უფლება, რომლებმაც გამონაკლისის სახით ასლან აბაშიძის მმართველობის დროს მიწის რეფორმით მიიღეს საკუთრება. ამ გადაწყვეტილების საფუძველზე, გონიოსა და მახინჯაურის თემებში ასობით გლეხს საკუთრება ჩამოერთვა. კომისიის სხდომა 40 წუთის განმავლობაში მიმდინარეობდა. გონიოელებს საკუთრების უფლება ისე ჩამოართვეს, რომ არც ერთი მათგანი სხდომის გამართვის თაობაზე ინფორმირებული არ ყოფილა. 
ამავე წლის შემოდგომაზე საქართველოში პოლიტიკური ვითარება შეიცვალა - რიგგარეშე საპრეზიდენტო არჩევნები დაინიშნა. არჩევნების წინ კი, პრეზიდენტის 2007 წლის 25 სექტემბრის #525-ე ბრძანებულება ამოქმედდა, რომლის მიხედვითაც, კერძო თუ იურიდიულ პირებს საკუთრებაში გადაეცემოდათ კანონიერ მფლობელობაში არსებული ან თვითნებურად დაკავებული მიწის ნაკვეთები. ამ წესით აჭარაში ათასობით ოჯახმა ისარგებლა, მათ შორის, გონიოს მოსახლეობამაც.

საპრეზიდენტო არჩევნების წინ, 2007 წლის 13 დეკემბერს, გონიოს ყოფილი საბჭოთა მეურნეობის დასახლებაში, აჭარის მთავრობის თავმჯდომარე ლევან ვარშალომიძე პირადად მივიდა და საზეიმო ვითარებაში გადასცა კიდეც მიწის საკუთრების უფლების მოწმობა. მან მოსახლეობას უთხრა, რომ ეს პრეზიდენტის საჩუქარი იყო. გონიოს მოსახლეობა დღესაც ფიქრობს, რომ ეს "საჩუქარი“ არჩევნებში ხმების მიღების სანაცვლოდ მიიღეს.

არჩევნებიდან ორი წლის შემდეგ, ვითარება კიდევ ერთხელ შეიცვალა - ხელვაჩაურის რაიონის სოფელი გონიო ქალაქ ბათუმის ადმინისტრაციულ საზღვრებში მოექცა. მანამდე ჯერ ასამდე ოჯახს, შემდეგ კი, 2010 წლის 9 ნოემბერს, ხელვაჩაურის საკრებულოს საკუთრების აღიარების კომისიამ  271 ოჯახს ერთდროულად ჩამოართვა მიწაზე საკუთრების უფლება.

მას შემდეგ გონიოელებსა და სახელმწიფოს შორის დავები სასამართლო ინსტანციებში გაგრძელდა, რომელიც ფაქტობრივად იდენტური შედეგით დასრულდა - გონიოელებმა მიწაზე საკუთრების უფლება დაკარგეს.

არსებული ვითარება

ადვოკატი შოთა ჯიბლაძე, რომელიც გონიოში მცხოვრებთა უფლებებს იცავს, "გურია ნიუსთან“ საუბრისას ამბობს, რომ მიწის დაბრუნების შანსები ჯერ კიდევ არსებობს, თუმცა, ეს სახელმწიფოს კეთილ ნებაზეა დამოკიდებული.

"2010 წლის ნოემბერ-დეკემბერში ხელვაჩაურის საკრებულოს საკუთრების აღიარების კომისიის მიერ დაწყებული პროცესები ზერელედ, გარემოებათა გამოკვლევისა და სამართლებრივი შეფასების გარეშე ჩატარდა. გამოცხადდა ადმინისტრაციული წარმოების საქმის დაწყება, რომელსაც ერთთვიანი გასაჩივრების ვადა ჰქონდა, თუმცა ამ ვადის გასვლამდე, 23-ე დღეს კომისია შეიკრიბა და უკვე განიხილა 271 მესაკუთრისთვის საკუთრების უფლების ჩამორთმევის საკითხი, რასაც სამი საათი მოანდომეს. ამით კი, დაარღვიეს ზოგადი ადმინისტრაციული კოდექსის ნორმები, რისი უფლებაადმინისტრაციულ ორგანოს არ ჰქონდა.

ეს წინასწარ განზრახული გადაწყვეტილება იყო. მაშინდელმა სასამართლოებმა არ გაითვალისწინა მოსახლეობის მოთხოვნა, კანონიერად დასაბუთებული გარემოებები და მხარი დაუჭირეს ხელვაჩაურის საკუთრების აღიარების კომისიის გადაწყვეტილებას. სასამართლოები ძირითადად ორ არგუმენტს ემყარებოდნენ. კერძოდ, მიწის საკუთრებაში გაცემის დროს უნდა მომხდარიყო შეთანხმება საქართველოს კულტურის სამინისტროსთან, არქეოლოგიურ ზონაშიო მდებარე მიწის ნაკვეთების საკუთრებაში განკარგვის წესთან დაკავშირებით და მეორე - უნდა დადგენილიყო თვითნებურად მიწის ფართის დაკავების საკითხი.  ორივე არგუმენტი ფართის ჩამოსართმევად უსუსურია. სრული საფუძველი აქვს დღევანდელ ხელისუფლებას, თუკი მათ სურთ სამართლიანობის აღდგენა, რომ დაუბრუნდეს კომისიის მიერ 2010 წელს მიღებულ გადაწყვეტილებას და მის კანონიერებაზე იმსჯელოს. ერთადერთი სამართლებრივი გზა ეს არის“, _ აცხადებს ჯიბლაძე.

მისივე თქმით, "საქართველოს კანონი ეროვნული მემკვიდრეობის შესახებ, არ კრძალავს არქეოლოგიურ ზონაში არსებული მიწის ნაკვეთების გაცემას“.

"იგი ადგენს, რომ თუ საკუთრებაში გაიცემა ასეთი მიწა, მაშინ კულტურული მემკვიდრეობის სააგენტომ მომავალ მფლობელს უნდა დაუთქვას, თუ რა პირობით უნდა მოხდეს ამ საკუთრების განკარგვა. ეს საკითხი ხელვაჩაურის საკუთრების აღიარების კომისიას უნდა მოეგვარებინა. ეს მოქალაქის ვალდებულება არ იყო. მეორეც, ამ ხარვეზის გამოსწორება ახლაც შეიძლება. რაც შეეხება მიწის თვითნებურად დაკავების ფაქტებს, ადვოკატის თქმით, ესეც ადვილი დამასტკიცებელია.

ცნობისთვის,  კულტურის, ძეგლთა დაცვისა და სპორტის მინისტრისა და ეკონომიკური განვითარების მინისტრის ერთობლივი ბრძანებით, გონიო-აფსაროსის  არქეოლოგიური ზონა 2006 წელს დამტკიცდა. კულტურული მემკვიდრეობის შესახებ კანონით კი, არქეოლოგიური დაცვის ზონაში მიწის ნაკვეთების გასხვისება უნდა გახორციელებულიყო კულტურის სამინისტროსთან შეთანხმებით, მის მიერ წინასწარ განსაზღვრული პირობით. სწორედ ამაზე არ შეთანხმებულან თავის დროზე სამინისტრო და მიწის საკუთრების აღიარების კომისია, რაც იურისტების განმარტებით, საკმარისი პირობაა იმისთვის, რომ ამჟამინდელ კომისიას ძველი მოწმობები ბათილად ეცნო.

"არსებობს საფუძვლიანი ვარაუდი იმისა, რომ გარკვეულწილად აღიარებულ იქნა ისეთი მიწის ნაკვეთები, რომლებიც საქართველოს კანონმდებლობით არ ექვემდებარებოდა საკუთრების უფლებით აღიარებას”, _ ნათქვამია საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ნიკა ვაჩეიშვილის წერილში, რომელიც აწარის ადგილობრივ ხელისუფლებას გადაეგზავნა.

თუმცა, საქართველოს კანონი ამ ნაკვეთების საკუთრების უფლებით აღიარებას არ კრძალავდა და არ კრძალავს. როგორც ადვოკატი შოთა ჯიბლაძე ამბობს,  მიწის კომისიამ საქმეების გადახედვისთვის იურიდიულად უსაფუძვლო, არასწორი არგუმენტაცია მოიყვანა, რითაც განაცხადა, რომ ამ მიწების გასხვისება არ შეიძლებოდა.
არაოფიციალური ცნობით, გონიოს ციხის სიახლოვეს, ხელისუფლება სასტუმროების მშენებლობას გეგმავდა.

როგორც ჯიბლაძე აღნიშნავს, გონიოს მოსახლეობამ 2011 წელს მიწის დაბრუნების მოთხოვნით სტრასბურგის სასამართლოსაც მიმართა, თუმცა საქმეზე გადაწყვეტილება ჯერჯერობით მიღებული არ არის. მხოლოდ ისაა ცნობილი, რომ ევროპულმა სასამართლომ საქმე წარმოებაში მიიღო.

 "სტრასბურგის სასამართლო საკუთრებას ვერ დააბრუნებს, თუმცა მან კომპენსაციის საკითხზე უნდა იმსჯელოს. სასამართლოს 5-წლიანი განხილვის ვადა აქვს, რაც ჯერ ამოწურული არ არის. ჩვენი მხრიდან ზარალი დათვლილია. ბათუმის მერიამ ზონების მიხედვით დადგენილი მიწის ტარიფის შესაბამისად, ამ ტარიტორიაზე არსებული ნაკვეთების ერთი კვადრატული მეტრი 108 ლარად აქვს შეფასებული. საშუალოდ ერთ ოჯახს 2-დან 3-ათასკვადრატულ მეტრამდე აქვს წართმეული, ამიტომ ამის დაანგარიშებაც რთული არ არის. სრული საფუძველი აქვს დღევანდელ ხელისუფლებას, თუკი მათ სურთ სამართლიანობის აღდგენა, რომ დაუბრუნდეს კომისიის მიერ 2010 წელს მიღებულ გადაწყვეტილებას და მის კანონიერებაზე იმსჯელოს“, _ ამბობს ჯიბლაძე.

 გამოსავალი

სტრასბურგის სასამართლოს გადაწყვეტილებამდე და სახელმწიფოს კეთილი ნების გამოჩენამდე გონიოს მოსახლეობას აქციების გამართვის გარდა არაფერი დარჩენია.

გონიოს მოსახლეობის კიდევ ერთი იმედი, 2012 წელს, ხელისუფლების შეცვლის შემდეგ, მართლმსაჯულების ხარვეზების დამდგენი კომისიის შექმნა იყო, თუმცა ეს, როგორც იუსტიციის მინისტრ თეა წულუკიანისთვის, ასევე გონიოს მოსახლეობისთვისაც  აუსრულებელ ოცნებად დარჩა.

2014 წელს აჭარის მთავრობის თავმჯდომარემ არჩილ ხაბაძემ განაცხადა, რომ გონიოს მიწების შესასწავლად კომისია შეიქმნება, თუმცა დღემდე ეს კომისიაც არ შექმნილა.

ჯერჯერობით არც ის არის ცნობილი, განიხილავს თუ არა ცოტა ხნის წინ დაანონსებული და მთავარ პროკურატურაში ჩამოყალიბების პროცესში მყოფი დეპარტამენტი გონიოს მიწების საკითხს.  როგორც "გურია ნიუსს“ მთავარ პროკურატურაში განუცხადეს, დეპარტამენტს ოფიციალურად მუშაობა ჯერ არ დაუწყია, ამიტომ წინასწარ პროგნოზის გაკეთება შეუძლებელია. მათივე ინფორმაციით, დეპარტამენტი მუშაობას სავარაუდოდ, მარტიდან დაიწყებს.




 ახალი ამბები
  • რა ეღირება PCR ტესტირება მათთვის, ვისაც საქართველოში შემოსვლისას შემოწმება საკუთარი ხარჯით მოუწევსPCR ტესტირების ფასი მერყეობს სხვადასხვა ლაბორატორიების ფასების მიხედვით, 150-180-250 ლარის ფარგლებში - ამის შესახებ დაავადებათა კონტროლის ეროვნული ცენტრის ხელმძღვანელმა ონლაინ-ბრიფინგზე განაცხადა. „ტარიფი, რომლსაც დღეს სახელმწიფო PCR ტესტირებისთვის უხდის ლაბორატორიებს, გახლავთ 150 ლარი. მოგეხსენებათ დღეს სახელმწიფო პროგრამით ეს ადამიანებისთვის უფასოა, მათ შორის კარანტინში მყოფებისთვის, მძღოლებისთვის, ყველა კონტაქტირებულისთვის, ექიმებისთვის და ყველა იმ ჯგუფისთვის, რომელიც მთავრობის დადგენილებით განისაზღვრება, სახელმწიფოს ტარიფი გახლავთ 150 ლარი, მაგრამ თუ ჩვენ ცენტრალიზებულად ნაყიდ რეაგენტებს ვაწვდით ლაბორატორიას, მაშინ მომსახურების ფასი არის 50 ლარი. ამაში არ შედის ე.წ. ნაცხის აღების ფასი, ასევე თუ სახლში მიდიან და უღებენ. ამიტომ ამ პრივატული ლაბორატორიების ფასი 150დან 250 ლარამდე განისაზღვრება“,- განაცხადა ამირან ... ...
  • როგორი ამინდია მოსალოდნელი უახლოეს დღეებში _ განახლებული ინფორმაციაგარემოს ეროვნული სააგენტოს ინფორმაციით, დღეიდან საქართველოს მთელ ტერიტორიაზე აგრილდება. დასავლეთ საქართველოში უმეტესად იწვიმებს, ზოგან ძლიერად, მოსალოდნელია ელჭექი, იქროლებს დასავლეთის მიმართულების ქარი. აღმოსავლეთ საქართველოში მაღალი ტემპერატურა შენარჩუნდება. დედაქალაქში დღეისთვის 34 გრადუსია ნავარაუდევი, მომდევნო დღეებში კი ტემპერატურა ... ...
  • თელავის საკრებულოს წევრი დააკავესთელავის საკრებულოს წევრი, მიხეილ გრემელაშვილი დააკავეს. შინაგან საქმეთა სამინიტროს ინფორმაციით, გრემელაშვილს ბრალად ედება  ოჯახის წევრების მიმართ განხორციელებული მუქარა, ოჯახში ძალადობა, ცეცხლსასროლი იარაღისა და საბრძოლო მასალის უკანონო შეძენა-შენახვა. “შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, 1980 წელს დაბადებული მ. გ. ოჯახის წევრების მიმართ განხორციელებული მუქარისა და ოჯახში ძალადობის, ასევე, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ბრალდებით დააკავეს. დანაშაული 4 დან 6 წლამდე ვადით თავისუფლების აღკვეთას ითვალსწინებს. გამოძიებით დადგინდა, რომ მ.გ. თავის სახელზე რეგისტრირებული, „ტეტე“-ს სისტემის ცეცხლსასროლი იარაღის დემონსტრირებით, სიცოცხლის მოსპობით დაემუქრა მეუღლესა და შვილებს, ასევე ფიზიკურად იძალადა მათზე. სამართალდამცველებმა, მ.გ.-ს საცხოვრებელი ბინის ჩხრეკისას, კალაშნიკოვის სისტემის უკანონოდ შენახული ცეცხლსასროლი იარაღი ამოიღეს. გამოძიება ოჯახის წევრების მიმართ განხორციელებული მუქარის, ოჯახში ძალადობის, ასევე, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ფაქტებზე მიმდინარეობს, საქართველოს სისხლის სამართლის კოდექსის 11 პრიმა-151-ე მუხლის 1-ლი ნაწილით, 126-ე პრიმა მუხლის მე-2 ნაწილის „ა“ ქვეპუნქტითა და 236-ე მუხლის მე-3 ნაწილით”,_ წერია უწყების მიერ გავრცელებულ ... ...
  • "გამოძიებამ ახლა დაადგინა" -"კაწროს" გამოკითხვა დასრულდაავთანდილ ბილანიშვილმა იგივე „კაწრომ“ საგამოძიებო უწყება რამდენიმე წუთის წინ დატოვა. მისი გამოკითხვა გარდაცვლილი ფეხბურთელის, გიორგი შაქარაშვილის საქმეზე რამდენიმე საათის განმავლობაში მიმდინარეობდა. მას ჟურნალისტებთან კომენტარი არ გაუკეთებია, უწყება ისე დატოვა. მისი ადოკატის, თამარ აბესაძის განცხადებით, ბილანიშვილმა მოქალაქეობრივი ვალი მოიხადა. „მოიხადა მოქალაქეობრივი ვალი იმ გავრცელებული ამაზრზენი ინფორმაციის გამო, წარადგინა ამონაწერი ტელეფონის და სხვა მტკიცებულებები, რითაც დასტურდება, რომ იმ პერიოდში უბნიდან არ გასულა და იქ არ იმყოფებოდა. გამოძიებამ ახლა დაადგინა ვინ არის პირი, ვინც „კაწრო“ ეგონათ.  ავთანდილ ბილანიშვლმა დაამტკიცა, რომ იქ არ იმყოფებოდა. ცრუ ინფორმაციები იქნა გაჟღერებული“,_ განაცხადა მან. მისივე განცხადებით, ბილანიშვილის ამ საქმესთან მიკვრა პოლიტიკურ ამბიციებს უკავშირდება. შეგახსენებთ, რომ 19 წლის ფეხბურთელის, გიორგი შაქარაშვილის ცხედარი 4-დღიანი უწყვეტი საძიებო სამუშაოების შედეგად, 22 ივნისს მყვინთავებმა  წყალში იპოვეს. როგორც შემდგომ დადგინდა, გიორგი შაქარაშვილი მეგობრებთან ერთად წვეულებაზე იმყოფებოდა, სადაც მომხდარი ჩხუბის შემდეგ თბილისიდან ჩასული ახალგაზრდების ჯგუფმა მცხეთა-თბილისის გზაზე წვეულების მონაწილეთა დევნა დაიწყო. სწორედ ამ ღამეს  გაუჩინარდა გიორგი შაქარაშვილი. ამ დროისთვის დაკავებულია 17 პირი, თუმცა, მკვლელობის კვალიფიკაცია ჯერჯერობით არ არსებობს. შსს-ში აცხადებენ, რომ მუხლები შესაძლოა ექსპერტიზის შემდეგ დამძიმდეს. საქმის დეტალების გამოკვლევას და მათ შორის შეუსაბამობების დადგენას მედიაც ცდილობს. სწორედ ამ მცდელობებისას გაიჟღერა ავთო ბილანიშვილის, როგორც კრიმინალური საქმის ხელის დამფარებლის და ბერა ივანიშვილის უახლოესი მეგობრის სახელმა. ... ...
  • სახანძრო სამსახურის ცრუ გამოძახება ოზურგეთშიამ წუთებში ოზურგეთში თაყაიშვილის 2 ნომერთან სასწრაფოს, სახანძროს და საპატრულო პოლიციის ეკიპაჟები იმყოფებიან. როგორც შემთხვევის ადგილზე, „გურია ნიუსს“ განუცხადეს, მიიღეს ინფორმაცია გაზის ბალონის აფეთქების შესახებ, თუმცა, ადგილზე მისულებმა აღმოაჩინეს, რომ ცრუ შეტყობინება ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...