თუ საქართველო აირჩევს გზას რუსეთისკენ... - დავით ზალკალიანი

მთავარი თემა

თუ საქართველო აირჩევს გზას რუსეთისკენ... - დავით ზალკალიანი

24 თებ. 2015, 21:14:47

თუ საქართველო აირჩევს გზას რუსეთისკენ, ანუ რას დაკარგავს ან/და მიიღებს საქართველო რუსეთთან ალიანსით - "გურია ნიუსი" მასალების სერიას იწყებს, რომლის მიხედვითაც საზოგადოებას საკითხზე პოლიტიკური თუ სამოქალაქო სექტორის წარმომადგენლების მოსაზრებებს სთავაზობს. პირველი რესპონდენტი საქართველოს საგარეო საქმეთა მინისტრის ყოფილი მოადგილე, პარტია "თავისუფალი დემოკრატების" ერთ-ერთი ლიდერი, დავით ზალკალიანია.


იგი ცალსახად უჭერს მხარს ქვეყნის ევროპულ კურსს და სტატიაში საქართველოს ამ მიმართულებით სვლის უპირატესობებზე საუბრობს. მისი თქმით, თუ საქართველო აირჩევს გზას რუსეთისკენ, ყველა იმ სიკეთეს დაკარგავს, რასაც ქვეყნის ევროპასთან ინტეგრაცია სთავაზობს. სტატიის დასკვნით ნაწილში კი, ზალკალიანი ცდილობს, არგუმენტებით გაამყაროს მოსაზრება ქვეყნის რუსეთის გზით სვლის უარყოფითი მხარეების შესახებ.

დავით ზალკალიანი: "მნიშვნელოვანია, რომ საქართველომ ევროატლანტიკური ინტეგრაციის გზაზე აუცილებლად იაროს. ეს ჩვენი ხალხის არჩევანია. ვფიქრობ, ქვეყნის განვითარების, ეკონომიკური მოდერნიზაციისა და დემოკრატიული ინსტიტუტების მშენებლობისთვის უაღრესად მნიშვნელოვანია იმ ფასეულობების დამკვიდრება, რასაც ევროპა გვკარნახობს.


ამისთვის, ერთ-ერთი წინ გადადგმული ნაბიჯია ასოცირების შეთანხმება, რომელიც, რა თქმა უნდა, ევროკავშირში საქართველოს გაწევრიანების ხელშეკრულება არ არის, მაგრამ ევროკავშირთან პოლიტიკური დაახლოების და თანმიმდევრულ ეკონომიკურ ინტეგრაციას გულისხმობს.


ასევე, მნიშვნელოვანია ამერიკის შეერთებულ შტატებთან სტრატეგიული პარტნიორობის განვითარება, რადგანაც ორივე - ევროკავშირიც და ამერიკაც ჩვენი მეგობრები არიან. მიმაჩნია, რომ ეს პროცესი საქართველოს ძალიან ბევრ სიკეთეს მოუტანს. თუნდაც, იმ კუთხით, რომ საქართველოს კანონმდებლობა და ეკონომიკური განვითარება ევროპულთან შესაბამისობაში მოვა. ამდენად, იმ სოციალურ-ეკონომიკურ უპირატესობებს, რაც ევროპაში არსებობს, ქართველი ხალხი საკუთარ თავზე იგრძნობს. ამისთვის კი, ძალიან მნიშვნელოვანი იქნება ევროპასთან ღრმა და ყოვლისმომცველი თავისუფალი ვაჭრობა, რომლის 80 პროცენტი უკვე ამოქმედებულია.


მნიშვნელოვანია, ჩვენმა ხელისუფლებამ, იმის ნაცვლად, რომ ორიენტირი რუსეთთან ვაჭრობაზე აიღოს, აქცენტები ამ მიმართულებით გადმოიტანოს და ჩვენი ეკონომიკის ყველა დარგი ევროპასთან ჰარმონიზაციაში მოიყვანოს. ამისთვის კი, ბევრი რამაა გასაკეთებელი: იგივე სურსათის უვნებელყოფა, საკანონმდებლო ბაზის შექმნა, ევროპისგან ინვესტიციების მოზიდვა. 500 მილიონიანი ევროპული ბაზარი საქართველოს ძალიან ბევრ სიკეთეს მოუტანს. მოსახლეობას საშუალება მიეცემა ცივილიზებული სავაჭრო ურთიერთობები ჰქონდეს ევროპასთან და პოლიტიკურ კონიუნქტურაზე დამოკიდებული არ იყოს. რუსეთი კი ჩემპიონია, როცა ცდილობს პოლიტიკურ მიზნებს ქვეყანაზე ეკონომიკური ზეწოლის გაძლიერებით მიაღწიოს.


ევროპასთან ურთიერთობას უპირატესობა იმ თვალსაზრისითაც აქვს, რომ ქვეყანაში განვითარდება და გამყარდება საერთო ევროპული ფასეულობები, როგორიცაა ვთქვათ, დემოკრატია, კანონის უზენაესობა, კარგი მმართველობა, ადამიანის უფლებები, თავისუფლების ძირითადი პრინციპები.
გარდა ამისა, ევროპა და აშშ გვეხმარება და იმედია, მომავალშიც დაგვეხმარება, ჩვენი ქვეყნის სუვერენიტეტის, საერთაშორისოდ აღიარებულ საზღვრებში ტერიტორიული მთლიანობის განმტკიცებასა და კონფლიქტის მშვიდობიანი გზით მოგვარების ხელშეწყობაში. ეს კი, აუცილებლად გვჭირდება. ასევე, ამ გზით სვლის უპირატესობაა ისეთ საკითხებში ჰარმონიზაცია და თანხვედრა, როგორიცაა მაგალითად, საზღვრის მართვა, ტერორიზმთან, ნარკოტიკებით უკანონო ვაჭრობასთან, ორგანიზებულ დანაშაულთან, ადამიანის ტრეფიკინგის წინააღმდეგ და სხვა გამოწვევებთან ბრძოლაში მხარდაჭერა.


უაღრესად მნიშვნელოვანია, საქართველომ ევროკავშირთან ვიზის ლიბერალიზაციის სამოქმედო გეგმის ეფექტიანი შესრულება უზრუნველყოს და დაასრულოს მეორე ფაზა, რათა საქართველოს მოქალაქეებმა იმ სიკეთით ისარგებლონ, რასაც ევროპასთან თავისუფალი მიმოსვლა და გადაადგილება ჰქვია. დარგობრივი და ეკონომიკური პოლიტიკის სფეროში ისეთი დარგების განვითარება, როგორიცაა ტრანსპორტი, ენერგეტიკა, გარემოს დაცვა, სოფლის მეურნეობა, ტურიზმი, ჯანდაცვა, განათლება, კულტურა, სამოქალაქო საზოგადოება... - ეს ყველა ის სიკეთეებია, რომელსაც ჩვენი ხალხი აუცილებლად იგრძნობს იმ შემთხვევაში, თუ საქართველო ევროპული ინტეგრაციისკენ ივლის.


იმ შემთხვევაში თუ საქართველო წავა რუსეთისკენ, ეს ყველა სიკეთე, რა თქმა უნდა, დაიკარგება, რადგან რუსეთისთვის ეს ყველაფერი უცხოა. ჩვენ გამოვცადეთ საბჭოთა პერიოდი. მართალია, დღეს საბჭოთა კავშირი არ არის, მაგრამ რუსეთის ხელისუფლების მმართველობის დღევანდელი სტილი არაფრით არ განსხვავდება საბჭოური მმართველობის მეთოდისგან. მართალია, იქ საბაზრო ეკონომიკა არის, მაგრამ ჩარჩოებში მკაცრადაა მოქცეული და ძალიან დიდია სახელმწიფოს ჩარევა.


გადახედეთ თუნდაც, დიდ რუსულ კორპორაციებს, როგორიცაა "გაზპრომი", "ლუკოილი" და ა.შ. თითქოს დამოუკიდებლები არიან, მაგრამ რეალურად სახელმწიფო აკონტროლებს. იგივე, კორუფციაც, რომელიც ასე ყვავის რუსეთის ფედერაციაში. ხელისუფლების მმართველობის სტილი ძალიან ახლოს არის კორუფციულ ელემენტებთან. ასევე, კრიმინალთან, რომელიც ასე არის გააქტიურებული; ქურდული სამყარო, რომელიც ძალიან აქტიურადაა ჩართული სახელმწიფო მმართველობის სტრუქტურაში; მედიის თავისუფლებაც - ერთი თავისუფალი მედია გამოცემა არ ფუნქციონირებს რუსეთში. სახელმწიფო მთლიანად აკონტროლებს ამ  სივრცეს. რუსეთში არ არსებობს დემოკრატიული ინსტიტუტები და სამოქალაქო საზოგადოება. არასამთავრობო ორგანიზაციების დაფინანსებას ძალიან მკაცრად აკონტროლებს სახელმწიფო ინსტიტუტები და ყველა გრანტი, რომელსაც ეს ორგანიზაციები მოიპოვებენ, ძალიან სერიოზული სახელმწიფო მარწუხების ქვეშაა.


აი, ეს არის ის, რასაც რუსეთი გვკარნახობს და იმ შემთხვევაში, თუ საქართველო აირჩევს გზას რუსეთისკენ, ეს არის ის რეალობა, რაც საქართველოს მოსახლეობას ელის."




 ახალი ამბები
  • "ადვოკატმა კობაიძემ უარი განაცხადა მის მიერ გამოთქმული ბრალდებების დამადასტურებელი რაიმე მტკიცებულების მოწოდებაზე " (R)სპეციალური პენიტენციური სამსახური განცხადებას ავრცელებს N8 პენიტენციური დაწესებულების დირექტორის შესახებ ადვოკატ ალექსანდრე კობაიძის მიერ გავრცელებულ ინფორმაციასთან დაკავშირებით და განმარტავს, რომ ადვოკატმა არ ისურვა წარმოედგინა მის მიერ გამოთქმული ბრალდებების დამადასტურებელი რაიმე სახის მტკიცებულება. შეგახსენებთ, 2020 წლის 24 სექტემბერს ტელეკომპანია „ფორმულამ“ გაავრცელა ინფორმაცია, თითქოს N8 პენიტენციური დაწესებულების ოთხმა პატიმარმა თვითდაზიანებები მიიყენა იმიტომ, რომ მათ დაწესებულების დირექტორი სექსუალური ძალადობით დაემუქრა. ტელეკომპანია „ფორმულას“ მიერ გავრცელებულ ინფორმაციაში გამოყენებული იყო ადვოკატ ალექსანდრე კობაიძის ინტერვიუ, სადაც მან განაცხადა: "ნასვამ მდგომარეობაში მყოფი ბატონი ქინქლაძე (დაწესებულების დირექტორი) ეჩხუბა პატიმრებს იმის გამო, რატომ არ მოსწონდათ ჩაი და ამის გამო უთხრა, რომ მას გააუპატიურებდა. რაზეც ადეკვატური პასუხი ჰქონდათ პატიმრებს". ინფორმაციის გავრცელებისთანავე სპეციალური პენიტენციური სამსახურის მონიტორინგის დეპარტამენტმა დაიწყო სამსახურებრივი შემოწმება ადვოკატის მიერ გამოთქმულ ბრალდებებთან დაკავშირებით. სამსახურებრივი შემოწმების ფარგლებში მონიტორინგის დეპარტამენტი დაუკავშირდა ადვოკატ კობაიძეს და მიიწვია იგი იმისთვის, რომ თუკი მას გააჩნდა მის მიერ დაწესებულების დირექტორის მისამართით გამოთქმული ბრალდებების დამადასტურებელი რაიმე მასალა, მოეწოდებინა ეს ინფორმაცია მონიტორინგის დეპარტამენტისთვის. ადვოკატს შეეთავაზა 25 სექტემბერს 11:00 საათზე გამოცხადებულიყო სპეციალურ პენიტენციურ სამსახურში, რაზეც მან განაცხადა უარი მოუცლელობის მიზეზით და ამის სანაცვლოდ შესთავაზა მონიტორინგის დეპარტამენტის წარმომადგენელს, რომ 25 სექტემბერს საღამოს საათებში მივიდოდა პენიტენციურ სამსახურში, ხოლო ადგილზე მისვლის ზუსტ დროს შუადღისას დაასახელებდა. დღეს, 25 სექტემბერს ადვოკატმა კობაიძემ, იმ დროს, როდესაც ვერ მოიცალა მონიტორინგის დეპარტამენტში გამოცხადებისთვის, აქცია გამართა N8 პენიტენციურ დაწესებულებასთან. აღსანიშნავია, რომ ადვოკატის ორგანიზებულ აქციაზე მხოლოდ თავად კობაიძე და კიდევ ორი ადამიანი იმყოფებოდა, თუმცა ამან არ შეუშალა ადვოკატს ხელი, რომ პენიტენციური დაწესებულების დირექტორის მისამართით კვლავ გაეკეთებინა ცილისმწამებლური განცხადებები. 25 სექტემბერს, დაახლოებით 14:00 საათზე, როდესაც მონიტორინგის დეპარტამენტის წარმომადგენელი კვლავ დაუკავშირდა ადვოკატ კობაიძეს, რათა მისი პენიტენციურ სამსახურში მისვლის დრო დაეზუსტებინა, ადვოკატმა მისვლაზე უარი განაცხადა, რაც აბსოლუტურად გაუგებარია, ვინაიდან თუკი იგი ფლობს რაიმე მტკიცებულებას, როგორც თავად აღწერს, ასეთი საგანგაშო ფაქტის შესახებ, მისი, როგორც უფლებადამცველის ინტერესში უნდა იყოს, რომ ამაზე ჭეშმარიტება დადგინდეს. ადვოკატთან მონიტორინგის დეპარტამენტის წარმომადგენლის ორივე საუბარზე შედგენილია შესაბამისი ოქმები. ეს ოქმებიც და მონიტორინგის დეპარტამენტის ხელთ არსებული სხვა დოკუმენტაციაც გადაეგზავნება სახელმწიფო ინსპექტორის სამსახურს. სპეციალური პენიტენციური სამსახური იმედს გამოთქვამს, რომ სახელმწიფო ინსპექტორის სამსახური დაადგენს ჭეშმარიტებას და ამ თემაზე ერთხელ და სამუდამოდ დასრულდება ყოველგვარი სპეკულაციები. ... ...
  • რომან გოცირიძე - მთავრობას ლარიც გაექცა და ვირუსიცპარლამენტის ფრაქცია „ნაციონალური მოძრაობის" თავმჯდომარე, რომან გოცირიძე ეკონომიკასთან მიმართებით ხელისუფლების პოლიტიკას აკრიტიკებს და მთავრობას მოუწოდებს, ქვეყანაში არსებული მძიმე ეკონომიკური ვითარებიდან გამოსასვლელად ქმედითი ნაბიჯები გადადგას. „მთავრობამ ყველაფერი გააკეთა იმისთვის, რომ წინასაარჩევნოდ გამოეყენებინა 5 მილიარდი ფული საარჩევნო მანიპულირებისთვის, ნაცვლად ხალხის მხარდაჭერისა. მთავრობას, რომელსაც დიდი დრო და რესურსი ჰქონდა უცხოეთის დახმარების სახით, ვერც ლარს მოუარა და ვერც პანდემია აიცილა თავიდან, ლარიც გაექცა და ვირუსიც. ეს არის ხელისუფლების მიერ გადადგმული პოლიტიზირებული ნაბიჯების შედეგი. დღეს, თუ სასწრაფოდ არ მიიღებს მთავრობა რადიკალურ ზომებს, თუ არ შეკვეცს კორუფციულ და უსარგებლო ხარჯებს, რომელიც „ქართულ ოცნებასა" და მასთან მიტმასნილ ბიზნესს ემსახურება, თუ არ გამკაცრდება პოლიტიკა, ამ შემთხვევაში, ლარი მიაღწევს ისეთ ნიშნულს, როდესაც ეკონომიკა გაჩერდება და მოქალაქეების შემოსავალი კატასტროფულად დაიკლებს. პირველ რიგში, მოვუწოდებთ მთავრობას, შეწყვიტოს ფულის ფლანგვა მათი პოლიტიკური ინტერესების შესაბამისად. მოვუწოდებთ ეროვნულ ბანკს, დაანებოს თავი უსაზღვრო ოდენობით რეფინანსირების სესხის გაცემას, მართოს ჯერ კიდევ მის ხელთ არსებული ბერკეტით ეს პროცესი“, - განაცხადა ... ...
  • „დავასახელებთ მომსყიდველების ვინაობას“ : " ჩვენი საქართველო, სოლიდარობის ალიანსი"-ს ბრიფინგი ოზურგეთშიოზურგეთში „ჩვენი საქართველო- სოლიდარობის ალიანსი"-ს  შტაბში , ბრიფინგი გამართეს. ბრიფინგის წამყვანმა, შტაბის წარმომადგენელმა ლელა ნაცვალაძემ განაცხადა, რომ გურიის მაჟორიტარი დეპუტატობის კანდიდატი ნინოშეწირული-გობრონიძე იქნება და სწამს, რომ ის გამრჯვებას მიაღწევს ამ საპარლამენტო არჩევნებში. __ჩვენ ვაპირებთ პატიოსან საარჩევნო კამპანიას. არ გვაქვს ფუფუნება, ვინმეს დავურიგოთ   კარტოფილი ან კვერცხი, თუმცა ჩვენ მზად ვართ, ვიბრძოლოთ ადამიანების პრობლემების მოსაგვარებლად და ჩვენი ხმა  გვქონდეს პარლამენტში, - თქვა ბრიფინგის წამყვანმა, შტაბის წარმომადგენელმა ლელა ნაცვალაძემ. მან თქვა, რომ ადგილი აქვს ამომრჩეველთა მოსყიდვის მცდელობას, როცა მათ პირდებიან ფულს, ასევე ოზურგეთის სპორტის სახლში ახლახან შეიტანეს დიდი ტრაილერით ბურღულეული, მათთვის დასარიგებლად, _ თქვა ნაცვალაძემ. ჟურნალისტების კითხვაზე, დაესახელებინა კონკრეტული პირები, ვინ ვის სთავაზობს ქრთამს, ნაცვალაძემ თქვა, რომ ამჯერად თავს იკავებს, თუმცა მალე დაასახელებს მათ ვინაობას. დეპუტატობის კანდიდატმა,    ნინო შეწირულმა ისაუბრა საარჩევნო კამპანიის თაობაზე, რომ  ამომრჩევლებს, კერძოდ, მის ნათესავებს და  ოჯახის წევრებს, ახლობლებს, „ქართული ოცნების“ წარმომადგენლები   ფულით მოსყიდვას უპირებენ, ჰპირდებიან თანხას, ოღონდაც კი  მათ მხარეს გადავიდნენ. _დღეს არ ვასახელბ მათ  გვარებს, თუმცა ამ ბრიფინგით  ვაფრთხილებთ   მათ. თუ კვლავ   გაგრძელდება მათი მხრიდან ასეთი საქციელი, აუცილებლად გადმოგცემთ   მათ სიას, სათანადო მტკიცებულებით, - უთხრა მან ... ...
  • სამტრედიაში ახალი სპორტული მოედანი საზეიმო ვითარებაში გაიხსნასამტრედიაში, კოსტავას ქუჩაზე, მრავალბინიანი კორპუსების მიმდებარედ ხელოვნურსაფარიანი სპორტული მოედანი მოეწყო. ახალი სპორტული მოედანი საზეიმო ვითარებაში დღეს გაიხსნა. ადგილობრივი მოსახლეობის თხოვნის საფუძველზე სამუშაოები მუნიციპალიტეტის მერიამ დააფინანსა. "მუნიციპალიტეტის მერია ინტენსიურად ახორციელებს სპორტული მოედნების მოწყობა-რეაბილიტაციას, რაც ხელს უწყობს ჯანსაღი ცხოვრების წესის დანერგვას, პოპულარიზაციას და განვითარებას", _ განაცხადა ,,გურია ნიუსთან" კომენტარში სამტრედიის მუნიციპალიტეტის მერის მოადგილემ, დავით ... ...
  • საზოგადოებრივი მაუწყებლის დირექტორად თინათინ ბერძენიშვილი აირჩიესსაზოგადოებრივი მაუწყებლის სამეურვეო საბჭომ გენერალურ დირექტორად თინათინ ბერძენიშვილი ღია კენჭისყრით აირჩია. ბერძენიშვილის კანდიდატურას სამეურვეო საბჭოს რვა წევრმა დაუჭირა მხარი. საზოგადოებრივი მაუწყებლის გენერალური დირექტორის თანამდებობა ვაკანტური მას შემდეგ გახდა, რაც ვასილ მაღლაფერიძემ თანამდებობა დატოვა. მაღლაფერიძის მტკიცებით, გადადგომის მიზეზი ის არის, რომ არ სურს წინასაარჩევნო პერიოდში გაჩნდეს კითხვები არხის მიკერძოებულობასთან დაკავშირებით. კონკურსის მეორე ტურში გადავიდნენ თინათინ ბერძენიშვილი, ირმა სოხაძე, ხათუნა ლაგაზიძე და ალექსანდრე ვახტანგოვი. თუმცა, ვახტანგოვმა კანდიდატურა მოხსნა და მხარი ბერძენიშვილს ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ყველაზე, ყველაზე...

იცი თუ არა გეოგრაფია

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls