"მეამბოხე მოსამართლე" უზენაესი სასამართლოს თავმჯდომარედ - რის შეცვლას აპირებს ნინო გვენეტაძე

მთავარი თემა

"მეამბოხე მოსამართლე" უზენაესი სასამართლოს თავმჯდომარედ - რის შეცვლას აპირებს ნინო გვენეტაძე

23 მარ. 2015, 22:18:24

მიუკერძოებელი, სამართლიანი სასამართლოს დამკვიდრება, მოსამართლეებისთვის გარანტიების შექმნა, რეფორმები, რომლებიც სასამართლოსა და იუსტიციის უმაღლეს საბჭოში განხორციელდება, - დღეს, უზენაესი სასამართლოს ახალმა თავმჯდომარემ ყურადღება რამდენიმე მნიშვნელოვან საკითხზე გაამახვილა, თუმცა, კონკრეტულად საუბრისგან თავი შეიკავა.

უზენაესი სასამართლოს თავმჯდომარე ნინო გვენეტაძე დიპლომატიური კორპუსსა და მოსამართლეებს დღეს პრეზიდენტმა გიორგი მარგველაშვილმა წარუდგინა.

როგორც პრეზიდენტმა წარდგენისას აღნიშნა, "ქართული სასამართლოს ისტორიაში იდგმება ძალიან მტკიცე ნაბიჯი, რომ სასამართლო ემსახურებოდეს მთავარს ერთეულ ადამიანს, მის ინტერესებს და ამ სახელმწიფოში მისი ცხოვრების, მისი არსებობის, მისი სამართლიანი განცდის მთავარი გარანტი იყოს".

"ვდგამთ კიდევ ერთ ძალიან მტკიცე ნაბიჯს იმისთვის, რომ საქართველოში სამართლიანი სასამართლო დაფუძნდეს. სასამართლო, რომელიც არ არის ვალდებული, ძალიან ბევრი რამის გასასწორებლად, რაც ჩვენი, პოლიტიკოსების ინტერესებშია. ლარის კურსის დაჭერა, საქართველოს იმიჯის განმტკიცება, ყოველდღიური დასაქმების პრობლემები, კრიმინალთან ბრძოლა ჩვენი საქმეა, სასამართლო კი, ამ ყველაფერზე მაღლა დგას. ერთადერთი ინტერესი, რომელიც სასამართლოში არის წარმოდგენილი, კანონი და სამართალია და მჯერა, რომ დღეს ჩვენ ამ მიმართულებით ვდგამთ ნაბიჯს", _ განაცხადა მარგველაშვილმა და დასძინა, რომ ქართული სასამართლოს და მართლმსაჯულების წინაშე ისტორიული პერიოდია, რომელსაც  თავისი გამოწვევები და დიდი შესაძლებლობები აქვს.
საქართველოს პრეზიდენტმა უზენაესი სასამართლოს ყოფილ თავმჯდომარეს კოტე კუბლაშვილს, რომელიც გვენეტაძის წარდგენას ესწრებოდა, მადლობა გადაუხადა და აღნიშნა: "ერთი თავმჯდომარე მიდის, მეორე მოდის, მაგრამ ინსტიტუტი რჩება და ეს არის უმნიშვნელოვანესი".

წარდგენის შემდეგ, ნინო გვენეტაძემ ჟურნალისტებთან საუბრისას აღნიშნა, რომ კანონის ფარგლებში რეფორმები აუცილებლად განხორციელდება, თუმცა სისტემაში მიმდინარე პროცესების გაცნობამდე დაკონკრეტებისგან თავი შეიკავა.

"დამოუკიდებელი სასამართლოს შესაქმნელად აქამდეც ვიბრძოდი და ბუნებრივია, ამ ბრძოლას გავაგრძელებ. ვიქნები ყველა იმ მოსამართლის გვერდით, ვისაც რაიმე ზეწოლა დაემუქება ან პრობლემა შეექმნება ხელისუფლებისაგან ან მათ გაკეთდება არასწორი და არაკორექტული განცხადებები. თუმცა, როგორც მათი კოლეგა, ვთხოვ თითოეულ მათგანს თვითკონტროლს და თვითანგარიშგებას საკუთარ საქმიანობასთან დაკავშირებით იმისთვის, რომ სასამართლოს საზოგადოების ნდობა დავუბრუნოთ. კანონის ფარგლებში განხორციელდება ისეთი ცვლილებები, რომლებიც დამოუკიდებელ და მიუკერძოებელ სასამართლოს დასჭირდება. რას შეეხება კონკრეტულ ცვლილებებს, ამას შემდგომში გაცნობებთ. ამ ეტაპზე აღნიშნული მიმართულებით კონკრეტული გეგმა არ მაქვს, მაგრამ დამოუკიდებელი სასამართლოს ფუნქციონირებისთვის საჭირო და აუცილებელი ცვლილებები განხორციელდება", _ განაცხადა გვენეტაძემ.

უზენაესი სასამართლოს თავმჯდომარემ სასამართლო სისტემაში არსებულ პრობლემებზეც ისაუბრა და აღნიშნა, რომ განსახილველ საქმეთა დიდი რაოდენობა, გაჭიანურებული სასამართლო განხილვის ვადები და სპეციალიზაციასთან დაკავშირებული პრობლემები პირველი რიგის გადასაჭრელი საკითხებია.

"პრობლემებია განსაკუთრებით იუსტიციის უმაღლეს საბჭოს მუშაობასთან დაკავშირებით, უნდა განვაახლოთ და გავაეფექტუროთ საქმიანობა. ეს არის დისციპლინარულ საქმეთა სამართალწარმოების გააქტიურებაზე ზრუნვა. ყველა იმ საჩივარზე რეაგირება და დროული პასუხი, რომელიც ჩვენს მოქალაქეებს აქვთ. სხვა უამრავი საკითხია, რომელიც დაუყოვნებლივ გადაწყვეტას საჭიროებს. დრო არ ითმეს, ამიტომ ვალდებული ვარ ძალიან აქტიურად და მყისიერად ჩავერთო ამ პროცესში. გარკვეულწილად ნაფიქრი მაქვს საერთო სასამართლოების მატერიალურ-ტექნიკური დეპარტამენტის საქმიანობაზეც და თუ ჩემი კოლეგები იუსტიციის უმაღლესი საბჭოდან დამეთანხმებიან, ძალიან ღია და გამჭვირვალე კონკურსით მივიღოთ გადაწვეტილება (თუმცა, ეს ამგვარად ფორმულირებული არ არის "საერთო სასამართლოების შესახებ" ორგანულ კანონში), ეს იქნება ჩემი ერთ-ერთი პირველი წინადადება და ინიციტივა.  ეს იქნება კიდევ ერთი წინგადადგმული ნაბიჯი, დავაკომპლექტოთ როგორც სამოსამართლ კადრი, ასევე აპარატი და სხვა მომსახურე პერსონალი, რომლებმაც დიდი წვლილი უნდა შეიტანონ მართლმსაჯულების ევროპული სტანდარტის შექმნაში", _ აღნიშნა გვენეტაძემ.

გვენეტაძის წარდგენას დღეს უზენაესი სასამართლოს ყოფილი თავმჯდომარე კონსტანტინე კუბლაშვილიც ესწრებოდა, რომელიც პრეზიდენტისგან განსხვავებით, ძალიან მოკლე მისალოცი სიტყვით შემოიფარგლა და აღნიშნა, რომ სასამართლო სისტემაში დაწყებული რეფორმების ღირსეულად გაგრძელება ახალი თავმჯდომარის გამოწვევა იქნება.

"ვულოცავ, ქალბატონ ნინო გვენეტაძეს და წარმატებებს ვუსურვებ", _ აღნიშნა კუბლაშვილმა ღონისძიებაზე და იმედი გამოთქვა, რომ შენარჩუნდება ის მიღწევები, რაც სასამართლოს ბოლო 10 წლის განმავლობაში ჰქონდა.

"საქართველოში უზენაესი სასამართლოს თავმჯდომარეს სხვა ქვეყნების თავმჯდომარეებისგან განსხვავებით უდიდესი პასუხისმგებლობა აქვს. 1995 წლიდან, როდესაც პირველი კონსტიტუცია მივიღეთ, საქართველოში დემოკრატიის სისტემის 20 წელი სრულდება აგვისტოში. სასამართლო ხელისუფლებამ ამ ხნის განმავლობაში გაიარა ურთულესი გზა და მივუახლოვდით იმ სტანდარტს, რასაც ჰქვია დამოუკიდებლობა და ობიექტურობა, ასევე მიუკერძოებლობა. მიუხედავად იმისა, რომ ბევრი რამ გაკეთდა და ბევრი პრობლემა გადალახეს, ჯერ კიდევ არ არის საქმე ბოლოში მისული. მინდა ვუსურვო სასამართლო ხელისუფლებას იმ ხარვეზების აღმოფხვრა, რომელიც ჯერ კიდევ არსებობს და ასევე იმ მიღწევების შენარჩუნება, რომელიც ამ ხნის განმავლობაში განვითარდა. 2015 წლისთვის ჩვენ დავინახეთ, რომ სასამართლო მნიშვნელოვნად წინ წავიდა. ყველამ ვიცით, ჩვენი ქვეყნის მთავარი მიზანი არის ევროპული სტანდარტები და ევროპული სტრუქტურები. ეს ვერ იქნება მიღწეული, თუკი აღნიშნული სტანდარტების სასამართლო სისტემაში არ იქნება განხორციელებული, ამიტომ აქვს სასამართლოს მუშაობას ამხელა მნიშვნელობა", _ განაცხადა კონსტანტინე კუბლაშვილმა და დასძინა: "უცვლელობა და სტაბილურობა - ეს არის მთავარი და ვუსურვებდი, რომ სწორედ ასე წასულიყო სამომავლოდ სასამართლო ხელისუფლების საქმიანობა".

უზენაესი სასამართლოს ყოფილმა თავმჯდომარემ იმედი გამოთქვა, რომ ნინო გვენეტაძის განცხადებები სისტემაში გარკვეული ცვლილებების გატარების შესახებ მოსამართლეების შეცვლას არ გულისხმობს. 

"სტაბილურობა პირველ რიგში სწორედ იმას ნიშნავს, რომ მოსამართლეები შეუცვლელები არიან. ეს კონსტიტუციური პრინციპი ერთხელ და სამუდამოდ უნდა დამკვიდრდეს. კიდევ ერთხელ აღვნიშნავ იმას, რომ წარმატება იქნება ყველა შემთხვევაში, თუკი, ის ხარვეზები, რაც  სისტემაში გვაქვს, აღმოიფხვრება და მიღწევები კიდევ უფრო გაძლიერდება, განვითარდება. ეს არის ძალიან მარტივი ფორმულა, თუმცა რთულად შესასრულებელი. ის, რომ სასამართლო გვჭირდება ჩვენ - ხალხს და ქვეყანას, არის "ორჯერ ორი ოთხი". ასე რომ, ნინო გვენეტაძეს ვუსურვებ წარმატებას. ვინც არ უნდა ყოფილიყო ჩემი შემცველი, ყველასთან იგივე სურვილები მექნებოდა", _ აღნიშნა კუბლაშვილმა. 

შეგახსენებთ, რომ უზენაესი სასამართლოს ყოფილი და მოქმედი თავმჯდომარეები ერთმანეთს "ვარდების რევოლუციის" შემდეგ დაუპირისპირდნენ, რასაც სასამართლო სისტემიდან გვენეტაძის გაშვება მოჰყვა.

სწორედ ნინო გვენეტაძე, დავით სულაქველიძე და მერაბ ტურავა  იყვნენ პირველები, რომლებიც, 2005 წლის 21 ნოემბერს, უზენაესი სასამართლოს თავმჯდომარე კოტე კუბლაშვილი და იუსტიციის საბჭოს თავმჯდომარე ვალერი ცერცვაძე მოსამართლეებზე განხორციელებულ ზეწოლაში ღიად დაადანაშაულეს. კუბლაშვილმა და ცერცვაძემ ბრალდებები უარყვეს, თუმცა, სამივე მოსამართლე, რომელთაც ქართულმა მედიამ "მეამბოხე მოსამართლეები" უწოდა, აცხადებდა, რომ ყოველთვის, როდესაც უზენაესი სასამართლო აპირებდა განიხილოს საქმე, რომელიც ხელისუფლების ინტერესს წარმოადგენდა, უზენაესი სასამართლოს თავმჯდომარე, გენერალური პროკურატურის ზეწოლის ქვეშ, მითითებებს აძლევდა მოსამართლეებს, თუ როგორი განაჩენი უნდა გამოეტანათ.   

ამასთან, მათივე თქმით, საქართველოს უზენაესი სასამართლოს შესახებ კანონში შეტანილი ცვლილებები, რომელსაც პრეზიდენტმა სააკაშვილმა 2005 წლის 23 ივნისს ხელი მოაწერა და ხელფასის ოდენობის პენსიის დანიშვნის სანაცვლოდ, მოსამართლეებს თანამდებობების დატოვებას "ურჩევდა" (2005 წლის 31 დეკემბრამდე დატოვებენ თანამდებობას, ხელფასის ოდენობის პენსიას მიიღებენ, რომელიც მაშინ 1000 ლარს შეადგენდა), მოსამართლეებზე ზეწოლის იარაღად იყენებდნენ და თავად მათაც ჰქონდათ შეთავაზება საკუთარი განცხადების საფუძველზე სასამართლო დაეტოვებინათ.

ზეწოლის კიდევ ერთი ბერკეტი სასამართლო დისციპლინარული კომისია იყო, რომელიც იმ პერიოდში  15 მოსამართლის წინააღმდეგ აღძრულ საქმეს განიხილავდა, მათ შორის, იყვნენ ნინო გვენეტაძე, მერაბ ტურავა და დავით სულაქველიძეც. მათ ბრალი პროცესუალურ დარღვევებში ედებოდათ. ყველა ეს საქმე კონფიდენციალური იყო და საზოგადოებამაც არაფერი იცოდა.

გადაწყვეტილების მიღების შემდეგ გვენეტაძე და ტურავა სასამართლო სისტემიდან გაუშვეს, დავით სულაქველიძე კი, სასტიკი საყვედურის შემდეგ, პენსიაში გასვლამდე კიდევ რამდენიმე წელი აგრძელებდა სამოსამართლეო საქმიანობას.

ცნობისთვის, "მეამბოხე მოსამართლეები" ნინო გვენეტაძე და მერაბ ტურავა სასამართლო სისტემას 20 მარტს დაუბრუნდნენ. ნინო გენეტაძე უზენაესი სასამართლოს თავმჯდომარე (88 ხმით), ტურავა კი, საკონსტიტუციო სასამართლოს წევრი გახდა.




 ახალი ამბები
  • აფეთქება თურქეთში _ დაღუპულია საქართველოს მოქალაქეთურქეთში, ერთ-ერთ საწარმოში აფეთქების შედეგად საქართველოს მოქალაქე დაიღუპა, _ აღნიშნულის შესახებ ინფორმაციას თურქული მედია ავრცელებს. მედიის ცნობით, დაღუპული 45 წლის მამაკაცია. როგორც თურქული მედია იუწყება, აფეთქება გუშინ, ადგილობრივი დროით დილის თერთმეტ საათზე, სტამბოლის ერთ-ერთ სამრეცხაოში მოხდა. ფაქტს საქართველოს საგარეო საქმეთა სამინისტროში ადასტურებენ და ამობენ, რომ საკონსულო კონტაქტზეა ოჯახის ... ...
  • გიორგი ვაშაძე: „ქართულ ოცნებას“ საბოლოო ბილეთი უნდა გამოვუწეროთ და სახლში გავუშვათ„ქართულ ოცნებას“ ჩვენ უნდა აუცილებლად გამოვუწეროთ საბოლოო ბილეთი და გავუშვათ სახლში", _ ამის შესახებ „ახალი საქართველოს“ ლიდერმა გიორგი ვაშაძემ განაცხადა. „29 ოქტომბერს ჩვენ მოვისმინეთ, რომ ბიძინა ივანიშვილი თავის თავზე იღებს წყალტუბოს პროექტს და სამწუხაროდ, ეს არის კიდევ ერთი ბლეფი, რომელიც ყველამ მოვისმინეთ. ჩვენ უნდა გავაკეთოთ ერთი არჩევანი, ან საქართველო - რეგიონის ლიდერი, ან ივანიშვილის საქართველო, რომელიც არის მუდმივად გაჭირვებული, მუდმივად გვატყუებენ, მუდმივად ვართ უკიდურეს სიღარიბეში და ქვეყანას არანაირი პერსპექტივა არ აქვს. ეს სასტუმრო არის ივანიშვილისა და „ქართული ოცნების“ სახე და ასეთი სასტუმრო ათობით არის აქ, ასეთი გაჩერებული პროექტი ათობითაა. იმასაც გეტყვით, რომ თავის დროზე, 350 მილიონი დოლარი უნდა დახარჯულიყო წყალტუბოს რეაბილიტაციისთვის, გააჩერეს ეს პროექტი. ახლა მითხრეს, რომ საკრებულოს ყოფილი თავმჯდომარე, საერთოდ, ციხეში ზის იმიტომ, რომ ინვესტორებზე მუშაობდა და გადაკვეთა მან, როგორც ჩანს, პირადად ივანიშვილის ინტერესები და დასაჯეს, 11 წელის მიუსაჯეს თურმე ამ ადამიანს. ეს ბლეფი ხომ უნდა დამთავრდეს ქვეყანაში? ეს კატასტროფაა, რაც აქ ხდება! მინდა საზოგადოებას ვუთხრა, რომ „ქართულ ოცნებას“ ჩვენ უნდა აუცილებლად გამოვუწეროთ საბოლოო ბილეთი და გავუშვათ სახლში იმიტომ, რომ ამხელა პოტენციალის ქვეყანა არ შეიძლება, ასეთი ღარიბი და მშიერი იყოს,“- განაცხადა გიორგი ... ...
  • უმძიმესი საყურებელია კომპეტენციისა და შინაარსისგან დაცლილი, დეგრადირებული ოპოზიცია _ უმძიმესი საყურებელია, კომპეტენციისა და შინაარსისგან დაცლილი, სასოწარკვეთილი და დეგრადირებული ოპოზიცია, - ამის შესახებ საქართველოს პრემიერ-მინისტრმა გიორგი გახარიამ განაცხადა. „პირველ რიგში, მინდა ჩვენს მოქალაქეებს მივმართო, აბსოლუტურად გულწრფელად გეუბნებით, რთულია ახლა რაღაც დასკვნის გაკეთება. უბრალოდ, მესმის ადამიანების, რომლებიც ამ ყველაფერს უყურებენ, რომლებმაც იცოდნენ, რომ დღეს იყო ინტერპელაცია ორი ოპოზიციური პოლიტიკური გუნდის. ეს ადამიანები მოელოდებოდნენ, რომ ჩვენ დღეს ვისაუბრებდით ეპიდემიაზე, ეკონომიკაზე, კიდევ ბევრ რაღაცაზე და დღეს ყველას აბსოლუტურად დაავიწყდა ეს კითხვები, ყველა გადავიდა პოლიტიკური განცხადებების რეჟიმში. გავიგე და ყველას გვესმის, რომ ეს პარლამენტია, გავიგეთ, რომ პოლიტიკური პროცესი დაწყებულია, ეს ყველაფერი გასაგებია, მაგრამ ყველა შემთხვევაში, მაშინ, როდესაც ქვეყანა საგანგებო მდგომარეობის პირობებში იმყოფება და იბრძვის რამდენიმე ფრონტზე ერთდროულად და დღესაც 8 ინფიცირებული გვყავს, როდესაც გლობალურ კონკურენციაში ხვალ და ზეგ გამოწვევები გვექნება უამრავი, ამ პერიოდში ერთმანეთზე დაბრალება რთულია. უმძიმესი საყურებელია, დარწმუნებული ვარ, არა მხოლოდ ჩემთვის, იმ ადამიანებისთვის, იმ მოქალაქეებისთვის, ვინც ამ ყველაფერს უყურებენ, კომპეტენციისა და შინაარსისგან დაცლილი, მორალზე საერთოდ არ ვსაუბრობთ, სასოწარკვეთილი და დეგრადირებული ოპოზიცია, რომელიც ცდილობს გაჭირვება, ბავშვების გაჭირვება, თითოეული ჩვენი მოქალაქის სიღარიბე გამოიყენოს,“- განაცხადა ... ...
  • მომავალ კვირას საკონსტიტუციო ცვლილებების პირველი საჯარო განხილვა იწყებამომავალ კვირას საკონსტიტუციო ცვლილებების პირველი საჯარო განხილვა იწყება. ქვეყნის მასშტაბით პროცესის პირდაპირი ეთერით გაშუქებას საზოგადოებრივი მაუწყებელი უზრუნველყოფს. საყოველთაო სახალხო განხილვის დასრულების შემდეგ, პროცესი პარლამენტში გადაინაცვლებს. მმართველი გუნდი ვარაუდობს, რომ კონსტიტუციაში შესატანი ცვლილებები ივლისის ბოლომდე დამტკიცდება. „მას შემდეგ, რაც დასრულდება საყოველთაო სახალხო განხილვის პროცესი, დაიწყება პარლამენტში პლენარულ სხდომაზე კონსტიტუციური პროექტის განხილვა და ჩვენ ვფიქრობთ, რომ ივლისის ბოლოს ცვლილებები უკვე შევა კონსტიტუციაში. „ქართული ოცნება“ იქნება ერთგული იმ შეთანხმების, რაც საზოგადოების წინაშე დავდეთ. ბუნებრივია, ჩვენ სრულად დავუჭერთ მხარს ამ ინიციატივას. იმედი მაქვს, რომ „პატრიოტთა ალიანსის“ და დამოუკიდებელი დეპუტატების უმეტესობის მხრიდან ამ ინიციატივას ექნება მხარდაჭერა და, სავარაუდოდ, პროექტის მისაღებად საჭირო ხმები „ნაციონალური მოძრაობის“ ჯგუფების გარეშეც შეგროვდება, თუმცა თუ ისინი მხარს არ დაუჭერენ ამ ინიციატივას, ეს მათი პოლიტიკური პასუხისმგებლობის საკითხი იქნება“, - აცხადებს პარლამენტის ვიცე-სპიკერი გიორგი ... ...
  • 15-24 ივნისს საქართველოში ბიზნესებისთვის პირველი მონაცემთა ანალიტიკის კონფერენცია ჩატარდება (R)თიბისის მხარდაჭერით 15-დან 24 ივნისამდე, საქართველოში პირველად ბიზნეს მონაცემთა და ანალიტიკის კონფერენცია ჩატარდება. TIDA (Tbilisi International Data Analytics) რვა დღის განმავლობაში, საერთაშორისო მასშტაბით, მონაცემთა ანალიტიკის პროფესიონალებსა და ანალიტიკის გამოყენებით დაინტერესებულ ბიზნესის წარმომადგენლებს გააერთიანებს. კონფერენციის მიზანია შეიქმნას საქართველოში დაფუძნებული საერთაშორისო მონაცემთა ანალიტიკის კომუნა, რომელიც განიხილავს, თუ როგორ და რისთვის შეიძლება ერთი მხრივ ბიზნესმა გამოიყენოს ანალიტიკა სწორად, ხოლო მეორე მხრივ,  ბიზნესისთვის რეალურად გამოსადეგი ანალიტიკა გაკეთდეს. TIDA ონლაინ სივრცეში გაიმართება და არ შეიზღუდება სტანდარტული გრაფიკით. კონფერენცია ყოველდღიურად საღამოს საათებში ჩატარდება და თითოეულ დღეს სამი მომხსენებელი წარადგენს საკუთარ თემას. “ჩვენ ვფიქრობთ, რომ ასეთი კომუნის არსებობა მნიშვნელოვნად დააჩქარებს მონაცემთა ანალიტიკის სფეროს განვითარებას საქართველოში. სიხარულით აღვნიშნავ, რომ ბოლო რამდენიმე წელია, ქვეყანაში გვაქვს კარგი კონფერენციები, რომლებიც მონაცემების თემას ფარავენ. თუმცა, არ გვაქვს კონფერენცია, რომელიც მონაცემთა ანალიტიკის ბიზნესში გამოყენებაზეა ფოკუსირებული. ეს არის TIDA-ს მთავარი განმასხვავებელი რეგიონში არსებული სხვა მონაცემთა კონფერენციებისგან.” - მიშა ნადარეიშვილი, კონფერენციის ორგანიზატორი „მონაცემთა ანალიტიკა და მისი ბიზნეს შედეგებში ასახვა უკვე წლებია თიბისისთვის პრიორიტეტული მიმართულებაა. ვფიქრობ, ბიზნესებისთვის განსაკუთრებულად მნიშვნელოვანია  ქვეყანაში ამ სფეროს განვითარება, TIDA კი დიდი  წინ გადადგმული ნაბიჯია ამ გზაზე.“  - ვახტანგ ბუცხრიკიძე, თიბისის გენერალური დირექტორი. TIDA-ს სპიკერები კონფერენციის ფარგლებში ისაუბრებენ შემდეგ თემებზე: მაიკლ რუკმანი - ლიდერობა ციფრულ ერაში ვალერი ბაბუშკინი - მანქანური დასწავლა Python-ში; მონაცემთა მეცნიერება X5-ში კოტე ხოფერია - როგორ ვაქციოთ კომპანია მონაცემებზე დაფუძნებულ ორგანიზაციად სერჰატ კეჩიჯი - შესავალი ნეირონული ქსელებში; ნეირონული ქსელები, ანალიტიკის ახალი ტალღა კარლო ჯოვინე - TBC მატია ბონი სფორცა - CausalNex: მიზეზ-შედეგობრიობის დადგება კევინ სილიანო - ციფრული ტრანსფორმაციის ROI; მონაცემებზე დაფუძნებული ციფრული ტრანსფორმაციის გზამკვლევი მარიამ მელიქაძე - New York Times-ის მილიონობით მკითხველის დახასიათება იმის მიხედვით, თუ რას კითხულობენ ისინი ნინო მასურაშვილი - თიბისი ბანკის ანალიტიკური ტრანსფორმაცია ნუცა აბაზაძე - შესავალი R-ში რუდრადებ მიტრა - როგორ შევქმნათ წარმატებული ხელოვნური ინტელექტის პროდუქტები ალექსანდერ დიურკა - TBC ვიოლეტა მიშევა - მანქანური დასწავლის მოდელების ახსნადობა ანდრეას გალატულასი - ანალიტიკის დირექტორთა საბჭოსთვის წარდგენის მეთოდები ირაკლი მენაბდე - ანალიტიკის გამოყენება მოგების გაზრდისა და ხარჯების შემცირებისთვის Neiron AI - ხელოვნური ინტელექტის გამოყენება ხარისხის კონტროლისა და ხარვეზების პროგნოზირებისთვის.  ბილეთები: ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ ყველაზე, ყველაზე...

იცი თუ არა გეოგრაფია

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?