პოლიტმეხსიერება _ "ალბათ, დაგღალეს ამ უნამუსო პოლიტიკოსებმა!"

მთავარი თემა

პოლიტმეხსიერება _ "ალბათ, დაგღალეს ამ უნამუსო პოლიტიკოსებმა!"

2015 მარ 30 15:19:36

"ეს პიროვნება არის საშიში მოვლენა!" _ ასე აფასებდა საქართველოს იმჟამინდელი პრეზიდენტი ედუარდ შევარდნაძე 2003 წელს ოპოზიციის ერთ-ერთ გამოკვეთილ ლიდერს მიხეილ სააკაშვილს.

აღნიშნული განცხადება შევარდნაძემ 2003 წლის 2 ნოემბრის საპარლამენტო არჩევნებამდე ორი თვით ადრე გააკეთა _ ამ პერიოდში, ქვეყნის მასშტაბით დაძაბული საარჩევნო კამპანია მიმდინარეობდა.

შევარდნაძის და, შესაბამისად, მმართველი პოლიტიკური პარტიის _ "მოქალაქეთა კავშირის" ძალები შესუსტებული იყო.

"ლეიბორისტულ პარტია" "ნაციონალური მოძრაობა" და "ახალი მემარჯვენეები", პარტიები, რომლებმაც 2002 წლის თვითმმართველობის არჩევნებში წარმატებას მიაღწიეს, აქტიურ კამპანიას ატარებდნენ, რეგიონებში მცხოვრებ მოსახლეობას ხვდებოდნენ და ბევრ წინააღმდეგობასაც აწყდებოდნენ.

ასე მოხდა ლანჩხუთში, სადაც მიხეილ სააკაშვილთან და მის თანაგუნდელებთან შეხვედრის შესაძლებლობა რაიონის იმდროინდელმა ხელმძღვანელობამ მოსახლეობას არ მისცა. ყველაზე აქტიური, აღნიშნული ინციდენტის დროს გია გოგუაძე იყო, რომელიც დღეს ლანჩხუთის მუნიციპალიტეტის საკრებულოს დეპუტატია "ნაციონალური მოძრაობიდან", ხოლო "ნაციონალური მოძრაობის" ხელისუფლებაში ყოფნის დროს ლანჩხუთის გამგებლის პოსტს იკავებდა.

2003 წლის სექტემბერში გოგუაძე მიხეილ სააკაშვილს ხალხის მოტყუებაში და პოლიტიკური სპექტაკლის დადგმაში ადანაშაულებდა.

2003 წელს კიდევ ერთი მნიშვნელოვანი ოპოზიციური ბლოკი შექმნა ზურაბ ჟვანიამ. მასთან გაერთიანდნენ "საქართველოს ტრადიციონალისტთა კავშირი" აკაკი ასათიანის მეთაურობით და იმ დროისთვის პოპულარული პოლიტიკოსი, საქართველოს პარლამენტის თავმჯდომარე ნინო ბურჯანაძე. ბლოკი არჩევნებში მონაწილეობდა სახელწოდებით "ბურჯანაძე - დემოკრატები".

წინასაარჩევნოდ გურიაში ჩამოსული ბურჯანაძისა და ჟვანიას გუნდი ბევრ დაპირებას იძლეოდა.

_ თუ მთავრობა გონს არ მოვიდა, ხალხი კეტს აიღებს ხელში და დაუშენს თავში _ ეს განცხადება ბურჯანაძემ ლანჩხუთელ ამომრჩეველთან შეხვედრისას 2003 წლის 30 აგვისტოს გააკეთა.

ოზურგეთში მყოფმა მრეწველთა ლიდერმა გოგი თოფაძემ კი პირობა დადო, რომ პარლამენტში უფრო ძლიერი გუნდით მოვიდოდა და ამომრჩეველი დაამშვიდა:

_ ალბათ, დაგღალეს ამ უნამუსო პოლიტიკოსებმა, მოდით გადავარჩინოთ მრეწველობა და მრეწველობა გადაარჩენს საქართველოს, _ ამ სლოგანით ცდილობა თოფაძე ამომრჩევლების გულის მოგებას.

არჩევნების პარალელურად 2003 წლის 2 ნოემბერს რეფერენდუმიც ჩატარდა.

შეკითხვას _ "თანახმა ხართ თუ არა, რომ საქართველოს პარლამენტის წევრთა რაოდენობა შემცირდეს და განისაზღვროს არა უმეტეს 150 დეპუტატით", დადებითად ამომრჩეველთა 83.5%–მა უპასუხა.

2003 წლის 2 ნოემბრის საპარლამენტო არჩევნებს განსაკურებული ყურადღებით აკვირდებოდა დასავლეთი.

ეუთოს სადამკვირვებლო მისიის შეფასებით, არჩევნები არ შეესაბამებოდა საერთაშორისო სტანდარტებს და ადგილი ჰქონდა ფართოდ გავრცელებულ და სისტემურ გაყალბებებს,

გამონაკლისი არც გურია ყოფილა _ დამკვირვებლებმა უამრავი დარღვევას აღმოაჩინეს. ამ ფონზე, ოზურგეთში არჩევნები ივანე ჩხარტიშვილმა მოიგო, ჩოხატაურში _ ვასილ ჩიგოგიძემ, ლანჩხუთში კი მეორე ტური დაინიშნა. კანონის თანახმად, ლანჩხუთელებს არჩევნებიდან ორ კვირაში ბიძინა გუჯაბიძესა და ჯონი ფირცხალაიშვილს შორის არჩევანი უნდა გაეკეთებინათ, თუმცა, მეორე ტური არ შედგა.

2003 წლის 2 ნოემბრის არჩევნების შედეგმა მოსახლეობაში მასობრივი უკმაყოფილება გამოიწვია. 4 ნოემბერს ხალხი ქუჩაში გამოვიდა და აქციები დაიწყო, რომელიც 22 ნოემბრამდე გაგრძელდა. ამ დღეს აქციაზე შეკრებილმა ხალხმა არ დაუშვა ახალარჩეული პარლამენტის პირველი სხდომის ჩატარება და მისი უფლებამოსილების ცნობა.

23 ნოემბერს გადადგა პრეზიდენტი ედუარდ შევარდნაძე. იმავე დღეს საქართველოს უზენაესმა სასამართლომ გააუქმა პროპორციული სისტემით ჩატარებული არჩევნების შედეგები, თუმცა, ძალაში დატოვა მაჟორიტარული სისტემით ჩატარებული არჩევნებისა და რეფერენდუმის შედეგები. მომავალ არჩევნებამდე მუშაობა განაგრძო 1999 წლის მოწვევის პარლამენტმა.

2003 წლის 2 ნოემბრისთვის ამომრჩეველთა საერთო რაოდენობა 3 178 593 იყო. არჩევნებში მონაწილეობა მიიღო 1 909 215 ადამიანმა.

ცესკო-ს თავმჯდომარე ნანა დევდარიანი გახლდათ.

"პოლიტმეხსიერების" ვიდეოვერსიის ნახვა შეგიძლიათ აქ.




 ახალი ამბები
  • "ასეთი სოფელი რომ გაქვს და შაურმების ქუჩაზე ცხოვრობ"_ ფოტოები აცანადანგურიის თითოეული სოფელი განსაკუთრებული სილამაზით გამოირჩევა, თუმცა, სოფელ აცანას ზღაპრული ხიბლი აქვს. აცანა  მდებარეობს გურიის ქედის სამხრეთით, მდინარე აცაურას ნაპირებზე, ზღვის დონიდან 150 მ-ის სიმაღლეზე ლანჩხუთის მუნიციპალიტეტში. სახელწოდება აცანა არის ლაზურ-ჭანური წარმოშობისაა და  მოიხსენიება ანტიკური ხანიდან. ცნობისთვის, აცანაში აღმოჩენილია უნიკალური, ანტიკური, სპორტული ინვენტარი _ საჯილდაო ქვა, რომელიც სოფლის განაპირად თინა გუგუშვილის ეზოში ინახებოდა, ეს იყო ვაჟკაცთა ქვა. აგრეთვე დავით ქინქლაძის ოჯახში ინახებოდა გოთიკური ტიპის გასაღები, ოქონის ბეჭედი, რომელიც მან გადასცა აცანის მამათა მონასტერს. "ასეთი სოფელი რომ გაქვს და შაურმების ქუჩაზე ცხოვრობ"_წერს სოციალური ქსელის მომხმარებელი ამო ქინქლაძე და აცანის ფოტოებს აქვეყნებს, რომელსაც „გურია ნიუსი“ გთავაზობთ. ... ...
  • ბიომრავალფეროვნების კანონპროექტთან დაკავშირებით არასამთავრობოების მოთხოვნები დააკმაყოფილესგარემოს დაცვისა და სოფლის მეურნეობის სამინისტრომ გარემოსდაცვითი არასამთავრობო ორგანიზაციების - მწვანე ალტერნატივას, „საბუკოსა“ და „ნაკრესის“ მოთხოვნები  „ბიოლოგიური მრავალფეროვნების შესახებ“ კანონპროექტთან დაკავშირებით დააკმაყოფილა. კერძოდ, პროექტის არსებული ვერსია, რომელიც, ორგანიზაციების მითითებით, მნიშვნელოვან ხარვეზებს შეიცავდა, პარლამენტს აღარ წარედგინება. ასევე, ორგანიზაციების მოთხოვნის საპასუხოდ, კანონპროექტზე მუშაობა გაგრძელდება და მისი დამატებითი განხილვებისთვის სამუშაო ჯგუფები შეიქმნება, სამინისტრო საჯარო შეხვედრასაც ჩაატარებს. მეტი გამჭვირვალობისთვის, ასევე ორგანიზაციების მოთხოვნით, სამინისტრო წარმოადგენს დეტალურ განმარტებასაც იმის შესახებ, თუ რომელი შენიშვნები აისახება და არ აისახება კანონპროექტში და - რატომ. 30 იანვარს გარემოს დაცვისა და სოფლის მეურნეობის მინისტრისადმი მიმართვაში გარემოსდაცვითი ორგანიზაციები ითხოვდნენ, კანონპროექტის არსებული ვერსია არ წარედგინათ პარლამენტისთვის, რადგან ის მნიშვნელოვან გადამუშავებას საჭიროებდა. პროექტის გასაუმჯობესებლად ორგანიზაციები სამინისტროს  თანამშრომლობასაც სთავაზობდნენ. განცხადებაში აღნიშნული იყო, რომ მიუხედავად იმისა, რომ პროექტზე მუშაობა რვა წლის განმავლობაში მიმდინარეობდა, სამინისტროს მიერ დასრულებულ ვერსიად წარმოდგენილი დოკუმენტი მაინც გაუმართავი იყო სამართლებრივი და ტერმინოლოგიური თვალსაზრისით. მასში სათანადოდ არ იყო გათვალისწინებული საერთაშორისო ვალდებულებები და პრაქტიკულად არ იყო მოცემული რეგულაციების განხორციელების მექანიზმები. შესაბამისად, კანონპროექტი „ვერ უზრუნველყოფდა ევროპის ბუნების დაცვის პოლიტიკასთან საქართველოს კანონმდებლობის ჰარმონიზებას“. ამის მიზეზი კი, ორგანიზაციების თვალსაზრისით, პროექტის გაუმჭვირვალედ, დაინტერესებული მხარეების არასათანადო ჩართულობით, ექსპერტთა შენიშვნების დიდი ნაწილის გაუთვალისწინებლობით და ფორმალური, ზედაპირული საჯარო განხილვების ფონზე მომზადება ... ...
  • აქცია პარლამენტთან_ "ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის"დღეს დილიდან პარლამენტთან ოპოზიცია მხარდამჭერებთან ერთად საპროტესტო აქციას მართავს. პარლამენტის შენობასთან იმყოფებიან „ევროპული საქართველოს" და „ლელო საქართველოსთვის" წარმომადგენლები, ასევე სამოქალაქო აქტივისტები. „ქართული ოცნების" რამდენიმე დეპუტატს აქციის მონაწილეების შეძახილების ფონზე მოუწია პარლამენტში შესვლა. როგორც ოპოზიცია აცხადებს პარლამენტის პიკეტირების მცდელობები და აქციები მშვიდობიანი ფორმით გაგრძელდება, თუ საჭირო გახდა საპარლამენტო არჩევნების დღემდე. საპარლამენტო უმრავლესობის ლიდერი მამუკა მდინარაძე, ერთ-ერთი პოლიტიკოსია, რომელსაც პარლამენტის შენობაში შესვლა დღეს შეძახილების ფონზე მოუწია.  როგორც მან ჟურნალისტებთან  განაცხადა,  "ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის და ეს უკვე უხერხულია". მდინარაძის თქმით, დღეს პარლამენტში ერთ-ერთი მთავარი თემა არჩილ თალაკვაძის ანგარიშია, ირაკლი შოთაძის კენჭისყრა კი დღეს იქნება თუ ხვალ, ჯერ გადაწყვეტილი არ ... ...
  • ფულადი თანხის მოტყუებით დაუფლების მცდელობის ფაქტზე ერთი პირი დააკავესსაქართველოს ფინანსთა სამინისტროს საგამოძიებო სამსახურის თანამშრომლებმა,  ჩატარებული ოპერატიულ - სამძებრო ღონისძიებებისა და  საგამოძიებო მოქმედებების  შედეგად, მოქალაქის კუთვნილი ფულადი თანხის მოტყუებით დაუფლების მცდელობის ფაქტზე, ერთი პირი დააკავეს.  გამოძიებით დადგინდა, რომ ბრალდებული,  დაუკავშირდა საქართველოს ოკუპირებული ტერიტორიებიდან იძულებით გადაადგილებულ პირს და მოტყუებით დაარწმუნა იგი, რომ შესაბამისი თანხის გადახდის შემთხვევაში, თითქოსდა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წარმომადგენლების მეშვეობით, დაეხმარებოდა მას, ზუგდიდში, საცხოვრებელი ფართის საკუთრებაში გადაცემაში. აღნიშნული თაღლითური განზრახვით,  ბრალდებულმა, მოქალაქეს მოსთხოვა და გამოართვა 10 000 ლარი, რა დროსაც მოხდა მისი დაკავება. გამოძიება მიმდინარეობს  საქართველოს სისხლის სამართლის კოდექსის 180-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ... ...
  • ჩოხატაურში მსუბუქი ავტომობილი ხეს შეეჯახაჩოხატაურში მსუბუქი ავტომობილი ხეს შეეჯახა.  შემთხვევის შედეგად მძღოლმა მსუბუქი დაზიანება მიიღო და საავადმყოფოში გადაიყვანეს.  როგორც „გურია ნიუსს“ შინაგან საქმეთა სამინისტროს პრესსამსახურში განუცხადეს, მომხდართან დაკავშირებით გამოძიება სსკ-ს 276-ე მუხლის მეორე ნაწილით ... ...

არქივი

ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...