გამგეობის თანამშრომელს ხელფასი "კალიდორში" ყოფნაში ეძლევა?!

მთავარი თემა

გამგეობის თანამშრომელს ხელფასი "კალიდორში" ყოფნაში ეძლევა?!

2015 აპრ 9 15:02:10

ჩოხატაურის მუნიციპალიტეტის გამგეობამ გამარტივებული ელექტრონული ტენდერის საშუალებით, კურორტ ბახმაროში სტიქიის შედეგად დაზიანებულ უბნებს შორის დამაკავშირებელი შიდა გზების აღდგენის სამუშაოების შესყიდვის სატენდერო დოკუმენტაცია შესყიდვების სააგენტოს ვებ გვერდზე 30 სექტემბერს გამოაქვეყნა.

"კურორტ ბახმაროში სტიქიის შედეგად დაზიანებულ უბნებს შორის დამაკავშირებელი შიდა გზების აღდგენის შესასრულებელი სამუშაოთა დეტალური მოცულობები აღნიშნულია ხარჯთაღრიცხვაში. შესყიდვის სავარაუდო ღირებულებაა 14 813 (თოთხმეტიათას რვაას ცამეტი) ლარი." _ წერია გამოქვეყნებულ დოკუმენტში.

ტენდერში მონაწილეობა ორმა კომპანიამ _ შპს "მარიმ" და შპს "შემოქმედმშენმა" მიიღეს. ვაჭრობის შედეგად გამარჯვებული შპს "შემოქმედმშენი" აღმოჩნდა, რომელმაც 14 813 ლარის ღირებულების სამუშაოების შესრულების ვალდებულება 6 498 ლარად აიღო (შპს "მარი" ამ სამუშაოების შესრულებას 6 499 ლარად აპირებდა).

2014 წლის 10 ოქტომბერს, ჩოხატაურის მუნიციპალიტეტის გამგებელს ირაკლი კუჭავასა და შპს "შემოქმედმშენს" შორის (წარმომადგენელი გია შილაკაძე) დაიდო #257 ხელშეკრულება, რომლის თანახმადაც "კურორტ ბახმაროში სტიქიის შედეგად დაზიანებულ უბნებს შორის დამაკავშირებელი შიდა გზები" უნდა აღდგენილიყო.

შილაკაძეს ამისთვის 20014 წლის 15 დეკემბრამდე მისცეს ვადა (აღსანიშნავია, რომ ეს ის კომპანიაა, რომელმაც ჩოხატაურის ბაღების გასარემონტებლად გამოცხადებული ტენდერი მოიგო და რომლის საქმეს ამ დრომდე იძიებს ფინანსური პოლიცია).

საბოლოო მიღება-ჩაბარების აქტი 2014 წლის 28 ოქტომბერს არის შედგენილი.

"2014 წლის 28 ოქტომბერს ჩავიბარეთ შესრულებული სამუშაო, რომელიც გათვალისწინებული იყო შპს "შემოქმედმშენსა" და ჩოხატაურის მუნიციპალიტეტს შორის გაფორმებული 2014 წლის 10 ოქტომბერს #257 ხელშეკრულებით გათვალისწინებული სამუშაო: კურორტ ბახმაროში სტიქიის შედეგად დაზიანებული გზების აღდგენა," _ წერია აქტში, რომელსაც ხელს ინსპექტირების ჯგუფის ხელმძღვანელი ვლადიმერ ლომთათიძე და ჯგუფის კიდევ ოთხი წევრი აწერს.

არც ხელშეკრულებაში და არც მიღება-ჩაბარების აქტში მითითებული არ არის, კონკრეტულად სად აღდგა დაზიანებული გზები.

ინსპექტირების ჯგუფის ხელმძღვანელი ვლადიმერ ლომთათიძე, რომელიც ამავე დროს მუნიციპალიტეტის გამგეობის ქონების მართვის სამსახურის უფროსია, ამბობს, რომ მიღება-ჩაბარების აქტში ასეთ რამ არ იწერება. მისი მტკიცებით, სამუშაო ნამდვილად შესრულდა, რაც საკუთარი თვალით ნახა.

ლომთათიძემ ამის დასტურად მის კომპიუტერში არსებული ფოტოები გვაჩვენა, რომელზეც ბახმაროს რამდენიმე ქუჩაა გადაღებული.

ფოტოებს გადაღების თარიღი არ აწერია. შესაბამისად, იმის დაზუსტებით თქმა, რომ ეს ის ადგილებია, სადაც გზები შეაკეთეს, ძნელია.

_ ბატონო ვლადიმერ, არც ხელშეკრულებაში და არც მიღება-ჩაბარების აქტში არ არის მითითებული, რომელ უბნებზეა საუბარი. თქვენ მიერ წარმოდგენილი ფოტოებიც დათარიღებული არ არის. სხვა მტკიცებულება არ გაქვთ?

_ მტკიცებულება ისაა, რომ მე ვიყავი იქ და საკუთარი თვალით ვნახე, _ გვითხრა ლომთათიძემ, რომელიც არც ერთ ფოტოზე არ ფიქსირდება.

მის კომპიუტერში არსებული ფოტოებიდან ირკვევა, რომ ბახმაროში ნამდვილად იმყოფებოდა კომისიის ერთ-ერთი წევრი ირაკლი მეგრელიშვილი, თუმცა, როგორც ზემოთ აღვნიშნეთ, უცნობია, როდისაა ეს ფოტოები გადაღებული.

_ შეგიძლიათ სხვა მტკიცებულება მოგვაწოდოთ? ჩვენ გვითხრეს, რომ თქვენ იქ არ ყოფილხართ, ფოტოები შემსრულებელმა თავად მოგაწოდათ და სწორედ ამის საფუძველზე შეადგინეთ მიღება-ჩაბარების აქტი...

_ მე ვიღებდი ფოტოებს და როგორ გამოვჩნდებოდი?! ვიყავი და თუ არ გჯერათ, არაა ეგ პრობლემა, _ გვითხრა ლომთათიძემ, რომლისთვისაც არც ის აღმოჩნდა პრობლემა, რომ კურორტზე, სადაც თოვლი ოქტომბერ-ნოემბერში მოდის, გზა ამ დროს გააკეთეს _ მაშინ, როცა, მის გადამოწმებას ვერავინ შეძლებდა. მით უმეტეს, რომ ლომთათიძის განმარტებით, დაზიანებული უბნების შეკეთება მოხრეშვით შემოიფარგლა.

_ ზამთარში გაკეთდება თუ ზაფხულში, ეს არ არის ჩემი შესაფასებელი. არ ვწყვეტ, როდის რა გაკეთდეს, _ გვითხრა ლომთათიძემ.

_ ბატონო ვლადიმერ, თქვენ ხომ ინსპექტირების ჯგუფის ხელმძღვანელი ბრძანდებით?! სამუშაოს შესრულების ხარისხს მნიშვნელობა არ აქვს?

_ ეს სხვამ გადაწყვიტა. მე არ ვწყვეტ, იანვარში გაკეთდეს თუ თებერვალში.

_ ბახმაროში მსგავსი სამუშაოების ზამთარში გაკეთება ბევრისთვის მომგებიანია... დამსვენებელი მას ვერ ნახულობს, ვერავინ ამოწმებს.. შემდეგ კი, როგორც წესი, გაზაფხულზე ირკვევა, რომ გზა თოვლმა დააზიანა... მით უმეტეს, ამ შემთხვევაში გზის მოხრეშვაზე ვსაუბრობთ...

_ მე რა სურვილი მქონდა, ეს სხვა თემაა. როდის რა გაკეთდა, არ არის ჩემი შესაფასებელი. ჩემი შესაფასებელი არის ის, რაც გაკეთდა, ავედი და ვნახე, _ დაგვიზუსტა ლომთათიძემ და აღნიშნა, რომ შესრულებული სამუშაოში დეფექტის პოვნაც არაა მისი საქმე.

_ საერთოდ, გზის გაკეთება, არამარტო ბახმაროში, არამედ ყველგან, ზამთარში არ არის მიზანშეწონილი. რაც შეეხება ამ კონკრეტულ ფაქტს, თუ კარგად გაკეთებულია და თოვლმა მოუსწრო, ზამთარში პრობლემა არ შეექმნება. თოვლი გზას არაფერს უფუჭებს, თუმცა, თუ წვიმებია, მაშინ უკვე პრობლემაა; ისევე, როგორც გაზაფხულზე, უხვის ნალექის დროს, _ აღნიშნა ჩვენთან საუბრისას გამოცდილმა მშენებელ-ინჟინერმა, შპს "გზამშენი 18"-ის ხელმძღვანელმა თემურ ჯახვამ.

მისივე თქმით, გზის მოხრეშვას თავისი წესები აქვს:

_ თუ არხს გაუკეთებ, კარგად დატკეპნი და მერე მოხრეშავ, გამართლებულია. როგორც იტყვიან, საორხელო საქმე არ უნდა გააკეთო. თუ წესებს დაიცავ, მაშინ არ იქნება ფული წყალში გადაყრილი. თუმცა, თუ არხი არ აქვს და ზერელე გაკეთებულია, თავიდან იქნება გასაკეთებელი, _ დასძინა ჯახვამ.

როგორ შეაკეთეს დაზიანებული გზები ბახმაროში რთული სათქმელია. ვერ ვიტყვით იმასაც, გაკეთდა თუ არა სანიაღვრე არხები. ვლადიმერ ლომთათიძის კომპიუტერში არსებულ ფოტოებზე, რომლებიც, მისივე მტკიცებით, მიღება-ჩაბარების აქტის შედგენის დღეს არის გადაღებული, მსგავსი რამ არ ჩანს (ფოტოების დათვალიერების პროცესი, ჩვენ ვიდეოკამერით გადავიღეთ და დაინტერესებულ პირს მისი ნახვა რედაქციაში შეუძლია).

შპს "შემოქმედმშენის" ხელმძღვანელი გოჩა შილაკაძე ჩვენთან საუბრისას ამბობს, რომ სამუშაოები მას არ შეუსრულებია:

_ მე კი მოვიგე, მაგრამ იჯარით ავიყვანე ჩოხატაურელი, ზუსტად არ მახსოვს, ვინ იყო...

_ ბატონო გოჩა, როგორ შეიძლება 14 000 ლარად შეფასებული სამუშაო 6 000 ლარად გაკეთდეს?!

_ მე არ გამიკეთებია. ვინც გააკეთა, იმას საკუთარი ტექნიკა ჰყავდა და კომისიამ რომ ნახა შესრულებული სამუშაო, პრობლემა არ ჰქონია, _ გვითხრა შილაკაძემ.

აღსანიშნავია, რომ ანალოგიური შემთხვევა იყო ბაღების რემონტის დროსაც, სადაც შილაკაძეს მხოლოდ დოკუმენტებზე ხელისმოწერის უფლებამოსილება ჰქონდა.

შპს "შემოქმედმშენის" დირექტორის ინფორმაციით, სამუშაოები ი/მ "გელა ანთიძეს" შეასრულებინა.

აღნიშნული ინდმეწარმის შესახებ ინფორმაციების მოძიება რთული აღმოჩნდა _ მისი გვარი შესყიდვების სააგენტოს ვებგვერდზე არ იძებნება; მის შესახებ ინფორმაციას არც ჩოხატაურელი ინდმეწარმეები ფლობენ.

შილაკაძის მიერ მოცემულ ტელეფონის ნომერზე, რომელიც, მისი თქმით, გელა ანთიძეს ეკუთვნოდა, ვინმე გელა საჯაიამ გვიპასუხა.

საჯაიამ გვითხრა, რომ ანთიძეს თავად ეხმარებოდა და კითხვებსაც თავად გასცემდა პასუხს. საჯაიას განმარტებით, ანთიძეს საკუთარი ტექნიკა არ ჰყავს:

_ ბახმაროში კარგად შევასრულეთ სამუშაოები. ამინდზე მე ვერ ვიქნები პასუხისმგებელი, მაგრამ რაც გაკეთდა, ხარისხიანად გაკეთდა. ვერ გეტყვით, სეზონზე იქ დაგვხვდება თუ არა მოხრეშილი გზა, მაგრამ არხები იქნება. ისე, ღვარცოფი თუ მოვარდება, ხრეშს სადმე ერთად მიაყრის, წაღებით ვერსად წაიღებს, _ აღნიშნა საჯაიამ, რომლის მტკიცებით, ბახმაროში იმაზე მეტი სამუშაო შესრულდა, ვიდრე პროექტით იყო გათვალისიწნებული.

_ ბატონო გელა, როგორ მოახერხეთ, რომ 14 813 ლარად შეფასებული სამუშაო 6 498 ლარად შეასრულეთ?

_ მაგაში ვეხმარებოდი სწორედ გელას. ისე მოხდა, რომ აიღო პასუხისმგებლობა და რამენაირად უნდა შეესრულებინა. ხან მანქანას ვთხოულობდით, ხან ტრაქტორს. ბახმაროში სამუშაოები ნამდვილად კარგად გაკეთდა, _ აღნიშნა "გურია ნიუსთან" საუბრისას საჯაიამ.

საქმის უფრო დეტალურად გასაცნობად გამგეობის ინფრასტრუქტურის სამსახურში მივედით, სადაც ლომთათიძის თქმით, ხარჯთაღრიცხვის დოკუმენტაცია და ის ინფორმაცია ინახება, თუ კონკრეტულად რომელი უბნის გზები შეკეთდა #257-ე ხელშეკრულების ფარგლებში.

ოთახში, სადაც 7 ადამიანი მუშაობს, სამუშაო საათებში არავინ დაგვხვდა. იმ ოთახის კარი, სადაც ხელშეკრულებები და დოკუმენტები ინახება, ღია იყო, მიმდებარე ტერიტორიაზე კი სამსახურის არც ერთი თანამშრომლის პოვნა ვერ მოხერხდა (ამ ძიების პროცესის ამსახველი ვიდეოც რედაქციაში ინახება. ავტ.).

თხუთმეტწუთიანი ძებნის შემდეგ და გამგეობის თანამშრომლების დახმარებით, ორი თანამშრომელი ვიპოვეთ.

_ აუ, რა უნდათ ახლა კი მაგრამ, _ ასეთი რეაქცია ჰქონდა ჩვენს დანახვაზე გოგი ბოლქვაძეს, რომელსაც უკან ამავე სამსახურის თანამშრომელი ნინო სიხარულიძე მოჰყვა. სიხარულიძის მტკიცებით, აქვე "კალიდორში" იყო და თუ ვეძებდით, უნდა დაგვენახა კიდეც.

ჩვენს კითხვაზე, ვინ იღებს პასუხისმგებლობას აქ არსებული დოკუმენტაციის უსაფრთხოებაზე, როცა ოთახის კარი ღიაა და შიგნით არავინ იმყოფება, სიხარულიძემ გვითრა, რომ "აქვე, კალიდორში" იმყოფებოდა და არავითარი საშიშროება არ არსებობდა.

_ ქალბატონო ნინო, თხუთმეტი წუთია, გეძებდით და როგორც თქვენ ამბობთ, "კალიდორში" ვერ გიპოვეთ...

_ ვინ მეძებს, კაცო?

_ ჩვენ გეძებდით... ქონების მართვის სამსახურმა თქვენთან გადმოგვამისამართა და დეტალებში გარკვევა გვინდა. მგონი, "კალიდორში" ყოფნისთვის არ გიხდით ხელფასს...

_ "კალიდორში" კი არ ვართ, გამგებლის მისაღებში ვიყავით, _ გვითხრა სიხარულიძემ, რომლის თქმით, მას და ბოლქვაძეს ჩვენთან საუბრის დრო არ აქვთ.

კითხველის ძვირფას დროს არც ჩვენ გამოვიყენებთ იმ საუბრის დეტალური გადმოცემით, რომელიც ჩვენსა და სიხარულიძეს შორის შედგა. მხოლოდ ერთს აღვნიშნავთ _ ასეთი საუბარი, მიმართვის ფორმა საჯარო მოხელისთვის, მინიმუმ უხერხულია.

_ გოგი, წამოდი, მერე გამგებელი წავა და დარჩება საქმე გაუკეთებელი, _ ამ სიტყვებს ულაპარაკოდ დაემორჩილა გოგი ბოლქვაძე და ჩვენი კითხვა, ვინ უნდა გაგვცეს პასუხი კითხვებზე, რომელიც ბევრ ეჭვს ბადებს, უპასუხოდ დარჩა.

P.S. ჩვენ ვცადეთ, ამ საკითხზე ჩოხატაურის მუნიციპლიტეტის გამგებლის ირაკლი კუჭავას კომენტარი მოგვეპოვებინა, თუმცა, მან გვითხრა, რომ კომენტარს მას შემდეგ გააკეთებს, რაც "გურია ნიუსში" შესაბამის წერილს გაეცნობა.




 ახალი ამბები
  • ჩოხატაურელი ნორჩი მხატვრების წარმატება "ზამთრის ვერნისაჟზე"მერაბ ბერძენიშვილის სახელობის ოზურგეთის თანამედროვე სახვითი ხელოვნების ცენტრში გურიის რეგიონის საჯარო სკოლების მოსწავლეთა ნამუშევრების მეცხრე გამოფენა-კონკურსი _ „ზამთრის ვერნისაჟი“ მოეწყო. გამოფენაში მონაწილეობა მიიღეს ჩოხატაურის სახელოვნებო სკოლების გაერთიანების სამხატვრო სკოლის მოსწავლეებმა, რომლებიც სხვადასხვა ნომინაციაში, ოზურგეთის მერიისა და საკრებულოს მიერ მიერ დაჯილდოვდნენ სიგელებით, ფულადი ჯილდოთი და ფასიანი საჩუქრებით. ნომინაციაში ,,საუკეთესო ფერწერა'' დაჯილდოვდა პაპუნა ჯინჭარაძე (მე- 5 კლასი), ნომინაციაში ,,საუკეთესო კომპოზიცია'' _ ლუკა ფუტკარაძე (მე-3 კლასი); ნომინაციაში ,,საუკეთესო ნახატი’’ _ ნანა კვინტრაძე (მე-6 კლასი); ნომინაციაში ,,მნახველის სიმპათია’’ _ ანასტასია კობიძე (მე-4 კლასი). ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების სამხატვრო სკოლის ყველა მონაწილე ცენტრის მიერ დაჯილდოვდა სიგელებით გამოფენაზე ... ...
  • ხანძარი ზუგდიდში, სოფელ ზედა ეწერშიხანძარი იყო ცოტა ხნის ზუგდიდში, სოფელ ზედა ეწერში. როგორც ადგილიდან "გურია ნიუსის" ჟურნალისტი იტყობინება, ცეცხლი ეკალ-ბარდებს ეკიდა. ხანძარი ამდროისთვის ლიკვიდირებულია. შემთხვევის შედეგად არავინ დაშავებულა. ადგილზე სამი სახანძრო მუშაობდა. ჯერჯერობით, უცნობია, რამდენი ჰექტარი დაიწვა. ასევე, უცნობია ხანძრის გამომწვევი ... ...
  • „ვითხოვთ სამართალს“ _ აქცია ავტობანის მშენებლობაზე ლანჩხუთში, სუფსის მოსახლეობამ ავტობანთან დაკავშირებით აქცია გამართა. ისინი ამბობენ, რომ თანხა, რომელიც სახელმწიფომ მათ კუთვნილი მიწების დათმობის სანაცვლოდ გადაუხადა მიზერულია და საკითხით დაინტერესებას პრემიერ მინისტრს თხოვენ. სუფსის ადმინისტრაციის მოსახლეობის ნაწილის საპროტესტო მუხტი იმ ფართობების კომპენსირების თანხაზე, სადაც ავტომაგისტრალმა უნდა გაიაროს, არახალია _ მათთვის კატეგორიულად მიუღებელია სახელმწიფოს მიერ ერთ კვ/მეტრზე შეთავაზებული ფასი. ისინი ხელისუფლებას მოსახლეობის აბუჩად აგდებაში დებენ ბრალს და გაცილებით მეტი თანხის გადახდას ითხოვენ. საქმე სუფსის ადმინისტრაციული ერთეულის საზღვრებში მოქცეულ კერძო საკუთრებაში არსებულ სასოფლო-სამეურნეო დანიშნულების მიწის იმ ნაკვეთებს ეხება, რომლებიც "ფოთი-გრიგოლეთის" 14-კილომეტრიანი მონაკვეთის საზღვრებში ავტობანის მშენებლობის პროექტში მოხვდა. აქედან, "გრიგოლეთი-ქობულეთის ზოლი 10 კილომეტრია. „ჩვენი კერძო საკუთრება (მიწის ნაკვეთები) მიზერულ ფასებად მუქარითა და იძულებაში ჩაყენებით დაგვათმობინეს. დღემდე ვითხოვთ სამართალს, გენპროკურატურასაც მივმართეთ საქმის ჯეროვანი გამოძიების მოთხოვნით, მაგრამ 11 თვეა იძიებენ და ახლა ირკვევა, რომ საქმე შესასწავლად სუფსის პოლიციისთვის გადმოუგზავნიათ. დიდი ალბათობით თანამდებობის პირებმა მიითვისეს ჩვენი კუთვნილი სოლიდური თანხები და ამიტომაც ეტყობა საქმის ჩაფარცხვის სურვილი აქვთ“-ამბობს აქციის ერთ-ერთი მონაწილე ხათუნა გუჯაბიძე. ხათუნა გუჯაბიძის თქმით, ფართობების კომპენსირების თანხის თაობაზე სუფსის მოსახლეობის მხრიდან ინფორმირებულია პარლამენტის თავმჯდომარის მოადგილე გია ვოლსკი და იუსტიციის მინისტრი თეა წულუკიანიც. „ჩვენ ინფორმაცია საკითხთან დაკავშირებით მივაწოდეთ გია ვოლსკისა და თეა წულუკიანს, დაგვპირდნენ საკითხით დავინტერესდებითო, მაგრამ საქმე ამის იქეთ არ წასულა. წულუკიანი მაშინ  დაგვპირდა, რომ საქმეს გენპროკურატურისგან გამოითხოვდა და პასუხს ადგილობრივი ხელმძღვანელობის მეშვეობით შეგვატყობინებდა, ბევრჯერ მოვიკითხეთ მერიაში მინისტრისგან გამოგზავნილი პასუხი, მაგრამ დღემდე არააფერი ჩანს“-  ამბობს ხათუნა გუჯაბიძე. მიწის იმ მესაკუთრეები,  რომელთა ნაკვეთებიც მოექცა გრიგოლეთი-ქობულეთის საავტომობილო გზის პროექტში, საკუთარ პრეტენზიებს „გურია ნიუსთან“ საუბარში აფიქსირებენ: -"მონაკვეთის საზღვრები იწყება ზღვის სანაპირო ზოლიდან 700 მეტრის დაშორებით. ნაკვეთებს მარჯვენა მხრიდან ესაზღვრება საგზაო-სატრანსპორტო მაგისტრალი, მარცხენა მხრიდან კი _ მდინარე სუფსა. არის ვაკე ადგილი და თავისი მდებარეობის მიხედვით პრესტიჟულია ნებისმიერი ბიზნესსაქმიანობისთვის. მოსახლეობას გვქონდა დიდი მოლოდინი, რომ ამ ნაკვეთებში სახელმწიფო სოლიდურ თანხას გადაგვიხდიდა და ღირსეულად მოგვექცეოდა, მაგრამ მოხდა პირიქით. სუფსის საზღვრებში განლაგებული მიწის ნაკვეთები (ე. წ. "ნაოჩვანი"), რომლებიც წარმოადგენს 32 ოჯახის კერძო საკუთრებას, მდებარეობს პრესტიჟულ ადგილზე, დანიშნულებით _ სასოფლო-სამეურნეო, მოხვდა ავტობანის მშენებლობის პროექტში. ამ შემთხვევაში მიწის მესაკუთრეებთან მთავრობის, არასამთავრობო ორგანიზაციების და არც გზის დეპარტამენტის მხრიდან არანაირ შეხვედრას, შემოთავაზებას და კონსულტაციას ადგილი არ ჰქონია. დეპარტამენტის წარმომადგენლები გვაძალებდნენ ხელშეკრულებაზე ხელის მოწერას და ჩვენი საკუთრების დათმობას ასეთ მიზერულ ფასად და მოსახლეობაში ავრცელებდნენ ხმებს, რომ წინააღმდეგ შემთხვევაში მესაკუთრეს სახელმწიფო ჩამოართმევდა საკუთრებას _ პროექტის განხორციელების ხელის შეშლასთან დაკავშირებით. ჩვენი ხელისუფლების დამოკიდებულებამ ისე შეაშინა და პანიკაში ჩააგდო სოფლის მოსახლეობა საკუთრების ჩამორთმევასთან დაკავშირებით, რომ მათმა ერთმა ნაწილმა, რომლებიც ბანკის ვალებში იხრჩობოდნენ, ამ უსამართლო და ძალით თავსმოხვეულ "ხელშეკრულებას" ხელი მოაწერა.  ჩვენ გვქონდა სიტყვიერი ინფორმაცია იმასთან დაკავშირებით, რომ იმ მონაკვეთში, ე.წ. "ლოტში", რომელიც, დაახლოებით, 10-კილომეტრიან ზოლს მოიცავს, ჩვენი ნაკვეთების შემდეგ განლაგებულ ნაკვეთებში (რომელიც შედის, ლანჩხუთის და ოზურგეთის მუნიციპალიტეტის საზღვრებში), მესაკუთრეებს გადაუხადეს გაცილებით სოლიდური თანხები 1კვ. მეტრში. ზოგან 25-60 ლარი ერთ კვ, მეტრში, ზოგან კი 40-დან 120 ლარამდე“, _ ამბობს მიღებული კომპენსაციით უკმაყოფილო მოსახლეობა და ხელისუფლებას საკითხით დაინტერესებას ... ...
  • საზარელი ტრაგედია ვანში - 26 წლის მამაკაცმა სანადირო თოფით თავი მოიკლავანში, სოფელ მუქედეში 26 წლის მამაკაცმა სიცოცხლე თვითმკვლელობით დაასრულა. ინფორმაცია "გურია ნიუსს"მერის წარმომადგენელმა დაუდასტურა. ავთანდილ გუბერიძის განცხადებით,სუიციდის ფაქტი 16 თებერვალს მოხდა.  ადგილობრივების ინფორმაციით, ახალგაზრდა კაცმა თავი სანადირო თოფით მოიკლა. რა გახდა თვითმკვლელობის მიზიზეზი, უცნობია.  შსს-მ მომხდარ ფაქტზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას ... ...
  • ავღანეთიდან საბჭოთა ჯარების გამოყვანის 31-ე წლისთავი (R)ვეტერანების საქმეთა სახელმწიფო სამსახურის წარმომადგენლებმა,''ავღანეთის ვეტერანთა საქართველოს კავშირის'' წევრებმა და ომისა და თავდაცვის ძალების ვეტერანებმა, ავღანეთის ისლამური რესპუბლიკიდან საბჭოთა ჯარების გამოყვანის 31-ე წლისთავთან დაკავშირებით, თბილისში, ზღვის უბანში, ავღანეთში დაღუპულთა მემორიალი გვირგვინით შეამკეს და მათ ხსოვნას პატივი მიაგეს. მემორიალთან, მამა ვახტანგმა (გოგოლაძე) დაღუპული მეომრების მოსახსენებელი პანაშვიდი გადაიხადა. საგანგებოდ ამ დღის აღსანიშნავად, საქართველოს თავდაცვის სამინისტროს "არმი ჰოლში" საზეიმო მიღება გაიმართა, რომელსაც დაესწრნენ ვეტერანების საქმეთა სახელმწიფო სამსახურის ხელმძღვანელი პირები, საქართველოს თავდაცვის ძალების მეთაურის მოადგილის მოვალეობის შემსრულებელი, ბრიგადის გენერალი, ირაკლი ძნელაძე, ''ავღანეთის ვეტერანთა საქართველოს კავშირის'' თავმჯდომარე, ნუგზარ კახნიაური, ავღანეთის ომის ვეტერანები, ავღანეთში სამშვიდობო მისიის მონაწილე ჯარისკაცები, ვეტერანთა არასამთავრობო ორგანიზაციების წარმომადგენლები და მიწვეული სტუმრები. ღონისძიების ფარგლებში, გაიმართა დოკუმენტური ფილმის „სადაურსა სად წაიყვან'' ჩვენება, რომელშიც მოთხრობილი იყო საუკუნეების განმავლობაში ავღანეთში წარმოებულ ომებში ქართველი მებრძოლების მონაწილეობის და იმ განსაკუთრებული წვლილის შესახებ, რომელიც დღეს შეაქვთ ქართველ ჯარისკაცებს საერთაშორისო სამშვიდობო მისიებში. ავღანეთის ისლამური რესპუბლიკა, საბჭოთა ჯარებმა, 1989 წლის 15 თებერვალს დატოვეს. ავღანეთში, 9 წლის განმავლობაში, საქართველოდან 5000-მდე ჯარისკაცი იბრძოდა, 128 დაიღუპა, 6 კი _დღემდე უგზო-უკვლოდ დაკარგულად ითვლება. ... ...

არქივი

ზაფრანი

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...