მაღალ დონეზე შესრულებული თუ “პროფესიონალი საბოტაჟნიკების“ მიერ გაკეთებული პროექტი?

მთავარი თემა

მაღალ დონეზე შესრულებული თუ “პროფესიონალი საბოტაჟნიკების“ მიერ გაკეთებული პროექტი?

2015 აპრ 18 00:07:26

ოზურგეთის მუნიციპალიტეტის სოფელ ცხემლისხიდის მოსახლეობა,  ე.წ. "უჩხუბის"  უბანში მდინარე ნატანების სათავეზე ჩატარებულ სარეაბილიტაციო სამუშაოებს აპროტესტებს. მათი თქმით, მდინარის გასწორხაზოვნება  არასწორად  მოხდა.

სოფელ  ცხემლისხდისა და  ვაკიჯვრის დამაკავშირებელი ხიდი რამდენიმე წელია, სტიქიის შედეგად ჩანგრეულია. მდინარე ნატანები კი უხვი ნალექის დროს მუდმივად დიდდება, რის შედეგადაც იტბორება სოფლის მოსახლეობის  უდიდესი ნაწილი. მოსახლეობა აცხადებს, რომ სტიქიის განმეორების შემთხვევაში, არის საშიშროება, რომ მდინარის არასწორად გასწორხაზოვნების გამო, ადიდებულმა ნატანებმა კვლავ  საფრთხე შეუქმნას სოფლის მოსახლეობას.

"მდინარე ნატანები, შეიძლება ისევ ადიდდეს და  მთელი ქალაქი  და სოფელი ცხემლისხიდი  წაიღოს! შეუცვალეს კალაპოტი, გამოუშვეს მეორე მხარეს, 6 მეტრი სიმაღლის  ჯებირს ეს დაამაგრებს? ეს არ უნდა გაეკეთებინათ, გასასწორებელია, უნდა ჩაიდგას კვლავ ჯებირები, რომ სოფელი არ წაიღოს! ამის საშიშროება არის, საფრთხეშია ჩვენი სოფელი და თქვენი მეშვეობით ვაფრთხილებთ ხელისუფლებას, გაითვალისწინონ ჩვენი მოთხოვნები", _ აღნიშნავს მოსახლეობა.

სოფლის უხუცესი დიმიტრი ჯინჭარაძე "გურია ნიუსთან" ამბობს, რომ სამუშაოები შესრულდა, თუმცა, არასწორად

"კეთდება, მაგრამ ამას გაკეთებული არ ჰქვია, შეუცვალეს მდინარეს კალაპოტი, დააღრმავეს და გადმოაგდეს მეორე მხარეს, ჩვენ მოსახლეობა შევიკრიბეთ და მივედით ჩვენის სოფლის დეპუტატთან, ქალბატონ ლალი სიჭინავასთან, ამოვიდნენ ხელისუფლების წარმომადგენლები, და აქეთ დაგვადანაშაულეს, _მოსყიდულები ხართო, ვიღაცა გალაპარაკებთო, მე რა მალაპარაკებს იცით? - ეს წყალი ადიდდა რამდენიმე წლის წინ, წამართვა მიწა- წყალი, ნარგავები, ხეხილი, სათხილე,  მეშინია კვლავ. ეს იყო მთელი სოფლის მოთხოვნა, ასი მეტრო დამბა წაიღო როცა სტიქია იყო, სექტემბერში, მაშინ გადმოირიცხა რამდენიმე მილიონი ლარი და ჩაისვა ესეც პროექტში, რომ გაკეთებულიყო.

ჩვენი მოთხოვნაა ჩადგან ჯებირი, რომ მდინარე არ გადმოვარდეს,  არაკეთილსინდისიერად, არასწორად კეთდება,  ჯერ ისე გააკეთეს ეს პროექტი სოფლის მოსახლეობას არ შეუთანხმდნენ, არ გვკითხეს, ასე შეიძლება? ამოვიდნენ და გვითხრეს, ჩვენ მეტს ვერ გავაკეთებთ ეს არის პროექტში გათვალისწინებული. გვაინტერესებს, ვინ დაგეგმა? ვინ შეადგინა ეს პროექტი? რამდენი ლარია გამოყოფილი და რა კეთდება? ჩვენ არ უნდა შეგვკითხოდნენ?  ხომ აკეთებენ სოფლისთვის? ასე კეთდება? 80 წელს მიღწეული კაცი ვარ და რაღაცა მეკითხება ამ სოფელში, მე ვარ ამ სტიქიების მხილველი, ყოველ სექტემბერსა და გაზაფხულზე ეს წყალი დიდდება  და მოაქვს ჩვენი მიწა -წყალი, ერთ დღესაც ალბათ სულ ჩაგვიტანს, ამიტომ მოვითხოვთ გააკეთონ ისე, როგორც არის საწირო და სოფლის მოთხოვნა გაითვალისწინონ!  არაფრად რომ არ გვაგდებენ", _ გვითხრა დიმიტრი ჯინჭარაძემ.

"უჩხუბის" მოსახლეობას, სასმელი წყლის პრობლემაც აქვს. მათივე თქმით, მთელი ზაფხული წყალი შრება, რაც პრობლემაა იქ მცხოვრებლებისთვის.

ჯუმბერ ჯოხაძე:  ეს პროექტი უკუღმაა გაკეთებული! 200 მეტრო აქვს წყალს განი, გადაკეტეს, დაუტოვეს 30 მეტრი, რომ ადიდდება 2 მეტრზე რომ ადის სიმაღლეში, 30 მეტრში გავა ეს წყალი? ვერ გავა! ერთი ისეთი ადიდება და მთლად დამარხავს ამ რაიონს და ამ სოფელს, ინგრევა ყველაფერი და ყურადღებას არ გვაქცევენ!

ლიდა გიორგაძე: ნატანები გადარეულია, ლანქერი რომ წამოვა, დამთავრებულია მერე, არც გადაგვარჩენს არაფერი, ახლაც არის ჩვენს ეზოში 2 ტონიანი ლოდები შემორჩენილი,  რაიმე სხვა ინტერესით კი არ ვლაპარაკობთ, ჯინი კი არ უნდა გაკეთება უნდა! კი აკეთებენ და გაითვალისწინონ სოფლის მოსახლეობის აზრიც!

ეთერი ძიძიშვილი: ჩვენ დეპუტატი ჩავაყენეთ საქმის კურსში, მან იცის! სათავეს დატოვებს მდინარე და წამოვა ხალხისკენ. ეს პროექტი თავიდან რომ გაკეთდა, უნდა შეთანხმებოდნენ მოსახლეობას, შეხვედროდნენ და ჩააყენებდნენ საქმის კურსი, რა იცის თბილისელმა პროექტის შემდგენელმა რა უნდა გააკეთოს? დაიკარგა სულ კალაპოტი. ჩვენ,  შევიკრიბებით ხალხი, თუ საჭირო იქნება და კიდევ ვიტყვით ჩვენს სათქმელს.

"გააგებინეთ ყველას, ძალიან ცუდად არის საქმე, დარწმუნებულები ვართ, რომ ასეთ პროექტებს  პროფესიონალი საბოტაჟნიკები აკეთებენ,  გვილოცავნ აღდგომას, ახალ წელს, გაზეთებიდან გვიღიმიან და ისე აბა ნახეთ ხალხთან რომელიმე თუ მოდის, არცერთს ამბავი არ უკითხავს! საკრებულოს სხდომაზე დავაყენებთ ამ საკითხს აუცილებლად. გურიას პატრონი არ ჰყავს,  ან ჩვენი დეპუტატი, რაიონის, ხალხმა ხმა რომ მისცა გამოდის და პარლამენტიდან გვიღიმის! ერთხელ იკითხა  ხალხის ამდენი წლის განმავლობაში?" -აცხადებდნენ შეკრებილები.

მოსახლეობამ სავარაუდო კრიმინალზეც ისაუბრა. როგორც ისინი აღნიშნავენ,   ხიდიდან აიღეს პლეტები და ჩადეს წყლის ნაპირას.

"ეს კრიმინალია. აბა გამოიძიეთ ჰქონდათ გათვალისწინებული პროექტში? აუცილებლად მოიკითხეთ.  ბავშვებმა ერთი შველერი აიღეს და 5 - 5 წელი პრობაცია მისცეს და 10 000 ლარით დააჯარიმეს? მათ უწერიათ პროექტში,  რომ ხიდი დაეშალათ და გამოეყენებინათ სხვა ადგილას?" _ამბობდნენ ისინი.

ოზურგეთის მუნიციპალიტეტის სოფელ ცხემლისხიდის მაჟორიტარი დეპუტატი ლალი სიჭინავა "გურია ნიუსთან" ამბობს, რომ ის აღნიშნულთან დაკავშირებით საქმის კურსშია, თუმცა კომპეტენტური პირი  არ არის.

"მე თვითონ კომპეტენტური ნამდვილად არ ვარ ამ საქმეში, ჩავაყენე რაიონის ხელმძღვანელობა საქმის კურსში, ამოვიყვანე ინფრასტრუქტურის წარმომადგენლები, შეხვდნენ მოსახლეობა. აქ უნდა ჩაერიოს სპეციალისტები, ვინც კომპეტენტურია, რაც კეთდება.  ხარისხიანია თუ არა გამოჩნდება სტიქიის დროს, ხელისუფლება ხსნის რომ ეს არის არაჩვეულებრივი პროექტი და რისიც ეშინიათ მოსახლეობას,  ის არ მოხდება. მათ მაიჩნიათ, რომ არასწორად კეთდება, რადგან ისინი წლების განმავლობაში დგანან ამ საშიშროების წინაშე", _ ამბობს დეპუტატი.

რამდენი ლარია გამოყოფილი სოფელ ცხემლისხიდში, კონკრეტულად "უჩხუბში" სტიქიის დროს დაზიანებული მდინარის სათავის გასწორხაზოვნების სარეაბილიტაციო სამუშაოების შესასრულებლად,  ვინ შეადგინა პროექტი და რა ფაზაშია სამუშაოები? რამდენად სწორად განხორციელდება სამუშაოები და არის თუ არა მოსახლეობის მოთხოვნა სამართლიანი, რომ რეაბილიტაცია მოხდა არაკეთილსინდისიერად, ამ კითხვებზე ოზურგეთის მუნიციპალიტეტის გამგებლის მოადგილე ბადრი გობრონიძე გვპასუხობს.

მისი განმარტებით პროექტი შესრულებულია მაღალკვალიფიციური სამეცნიერო საკვლევი ორგანიზაციის მიერ, რომელსაც ჰყავს პროფესიონალი ინჟინერ- გიდროლოგები და გეოლოგები.

"ეს არის მაღალ დონეზე შესრულებული პროექტი დასახელებული სპეციალისტების მიერ.  სამშენებლო სამუშაოები შეასრულა უაღრესად ავტორიტეტულმა ორგანიზაციამ,  რომელიც სამუშაოების შესრულების ხარისხიდან გამომდინარე  სახელმწიფო შესყიდვების სააგენტოს თეთრ სიაში იმყოფება. ამიტომ ადგილობრივების პრეტენზია, იმასთან დაკავშირებით, რომ სტიქიის განმეორების შემთხვევაში წყალი კვლავ ადიდდება და სოფელს დატბორვის საშიშროება ემუქრება, არასწორია."

გობრონიძის თქმით, სოფელ ცხემლისხიდის მოსახლეობას არავითარი დატბორვა არ ემუქრება.

"სარეაბილიტაციო სამუშაოებს ახორციელებს შპს. NDS.  მშენებლობის პროექტი შეადგინა შპს "საქ-გზა მეცნიერებამ," რომლის ღირებულებაც შეადგენს  104 ათას 482 ლარს.  ამ დროისთვის, სამუშაოები დასრულებულია", _ აცხადებს გამგებლის მოადგილე.




 ახალი ამბები
  • დავით ნარმანიას თავმჯდომარეობით სემეკში პირველი საჯარო სხდომა გაიმართასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) დავით ნარმანიას თავმჯდომარეობით პირველი საჯარო სხდომა გაიმართა. კომისიის წევრებმა სხდომაზე იმსჯელეს დღის წესრიგით გათვალისწინებულ 39 საკითხზე. მათი უმეტესობა შეეხებოდა მოქალაქეებსა და ელექტროენერგეტიკის, ბუნებრივი გაზისა და წყალმომარაგების სექტორებში მოქმედ კომუნალურ კომპანიებს შორის არსებულ დავებს, მოქალაქეებზე უსაფუძვლოდ  განხორციელებულ დარიცხვებთან დაკავშირებით. მიმდინარე კვირაში სემეკში კიდევ 3 საჯარო სხდომა გაიმართება, სადაც კომისია 100 მდე საკითხს განიხილავს. სემეკი შეახსენებს მოქალაქეებს, რომ იმ შემთხვევაში თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ქოლ ცენტრში ნომერზე 16 216, ასევე  სემეკის Facebook გვერდზეც. ... ...
  • დავით ნარმანია სემეკის თავმჯდომარე გახდა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) 22 ოქტომბრის სხდომაზე კომისიის თავმჯდომარის არჩევნების კენჭისყრის შედეგები დამტკიცდა, რომლის საფუძველზეც სემეკის თავმჯდომარე დავით ნარმანია გახდა. იგი ამ პოსტს 3 წლის ვადით დაიკავებს. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, 21 ოქტომბერს გამართულ არჩევნებზე კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ხმის დამთვლელი კომისიის კენჭისყრის ოქმის მიხედვით, დავით ნარმანია კომისიის წევრთა შემადგენლობის უმრავლესობით, 4 ხმით აირჩა.  დავით ნარმანია პროფესიით ეკონომისტია. მას მინიჭებული აქვს ეკონომიკის აკადემიური დოქტორის ხარისხი. სხვადასხვა პერიოდში ხელმძღვანელობდა და მონაწილეობას იღებდა ენერგეტიკის სექტორის განვითარების მიმართულებით საერთაშორისო და ადგილობრივ პროექტებში. დავით ნარმანია არის 42 სამეცნიერო და კვლევითი ნაშრომის ავტორი, 48  ნაშრომის თანაავტორი. იგი დღემდე აგრძელებს სამეცნიერო საქმიანობას. 2012 წლიდან დღემდე არის ივ. ჯავახიშვილის სახელობის თბილისის სახელმწიფო უნივერსიტეტის პროფესორი, მენეჯმენტისა და ადმინისტრირების კათედრის გამგე, კითხულობს ლექციებს ბიზნეს-რისკების მართვისა და ბიზნეს-გარემოს რეგულირების მიმართულებით.(R) დავით ნარმანია 2014-2017 წლებში იყო ქ. თბილისის მერი, 2012-2014 წლებში  - საქართველოს რეგიონული განვითარებისა და ინფრასტრუქტურის მინისტრი. ფლობს ინგლისურ, გერმანულ და რუსულ ენებს. ჰყავს მეუღლე და სამი ... ...
  • გურიის მხარის პირველმა პირებმა ოზურგეთში მიმდინარე ინფრასტრუქტურული სამუშაოები დაათვალიერეს (R)გურიის მხარის სახელმწიფო რწმუნებულის პირველმა მოადგილემ, აკაკი შენგელიამ, ოზურგეთის მერის მოადგილე ოსიკო თოთიბაძესთან ერთად, მუნიციპალიტეტში მიმდინარე ინფრასტრუქტურული სამუშაოები დაათვალიერა. ►ოზურგეთი-ნინოშვილი-ლესის გზიდან, სოფელ ჯუმათის ცენტრის გავლით გზის სარეაბილიტაციო სამუშაოები მიმდინარეობს. პროექტის ღირებულება 1, 469,164 ლარს შეადგენს. სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან თანადაფინანსებით ხორციელდება.► სოფელ გაღმა დვაბზუდან - სოფელ ბახვის ცენტრალურ გზამდე, 2260 გრძივი მეტრი საავტომობილო გზის ასფალტო - ბეტონის საფარით მოწყობის სამუშაოები აქტიურად მიმდინარეობს. სამუშაოები რეგიონებში განსახორციელებელი პროექტების ფონდიდან 738 992 ლარით დაფინანსდა. ► მუნიციპალიტეტის სოფლებში ამბულატორიების მშენებლობა - რეაბილიტაცია გრძელდება. ახალი სამედიცინო პუნქტები შენდება ჭანიეთში, ნასაკირალში, გურიანთასა და კონჭკათში. ხოლო რეაბილიტაცია ნატანების, ნარუჯის, ბაილეთის, შემოქმედის, ურეკისა და ბოხვაურის ამბულატორიებს უტარდება. პროექტის ჯამური ღირებულება 794 118 ლარს შეადგენს და ფინანსდება ჯანმრთელობისთვის უსაფრთხო გარემოს უზრუნველყოფის ხელშეწყობის მიზნით, საქართველოს რეგიონებში განსახორციელებელი პროექტების ფონდიდან.► ქალაქ ოზურგეთში, წერეთლის ქუჩაზე, საგანგებო სიტუაციების კოორდინაციისა და გადაუდებელი დახმარების ცენტრის მშენებლობის სამუშაოები აქტიურ ფაზაშია. პროექტი, რომლის ღირებულებაც 368 485 ლარს შეადგენს, ჯანმრთელობისთვის უსაფრთხო გარემოს უზრუნველყოფის ხელშეწყობის მიზნით საქართველოს რეგიონებში განსახორციელებელი პროექტების ფონდიდან ფინანსდება. ... ...
  • სარფში, სპეციალურ სამალავებში 1 113 გრამი ოქროს ნაკეთობები აღმოაჩინესსაქართველოს ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის საბაჟო დეპარტამენტის წარმომადგენლებთან კოორდინირებული ღონისძიებების შედეგად, საბაჟო საზღვარზე, განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტი გამოავლინეს. „საგამოძიებო სამსახურის თანამშრომლებმა, საბაჟო-გამშვები პუნქტი „სარფის“ გავლით შემოსულ ავტოსატრანსპორტო საშუალებაში მოწყობილ სპეციალურ სამალავებში, აღმოაჩინეს და ამოიღეს 1 113 გრამი ოქროს ნაკეთობები. წინასწარი მონაცემებით, ამოღებული ძვირფასეულობის საბაჟო ღირებულება 70 000 ლარს აღემატება. ტარდება შესაბამისი ექსპერტიზა“, – აცხადებენ საგამოძიებო სამსახურში. საქმეზე გამოძიება მიმდინარეობს საქართველოს სისხლის სამართლის კოდექსის 214-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას ვადით 5-დან 7 წლამდე ... ...
  • პოლიციამ ქვემო ქართლში განსაკუთრებით დიდი ოდენობით ნარკოტიკი ამოიღოშინაგან საქმეთა სამინისტროს ქვემო ქართლის პოლიციის დეპარტამენტის მარნეულისა და ბოლნისის რაიონული სამმართველოების თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად, 1961 წელს დაბადებული, პირობითი მსჯავრის ქვეშ მყოფი ე.ი., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, მარნეულში დააკავეს. ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს. სამართალდამცველებმა ბრალდებული მარნეულის მუნიციპალიტეტის სოფელ იმირში, ავტომანქანით გადაადგილებისას შეაჩერეს. პოლიციამ დაკავებულის პირადი ჩხრეკისას 119 აბი „სუბოქსინი“ ნივთმტკიცებად ამოიღო. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...