ტურისტული ადგილების პრობლემები და მზადება სეზონისთვის

მთავარი თემა

ტურისტული ადგილების პრობლემები და მზადება სეზონისთვის

2015 მაი 11 16:34:06
ორმოები გზებზე და უსახური მოსაცდელი _ დაბა ურეკში შესულებს ეს რეალობა თვალში პირველად მოგხვდებათ.

ცენტრში მისულებს ოზურგეთის მუნიციპალიტეტი მობრძანებისთვის ბანერიდან გიხდით მადლობას, თუმცა, ადგილობრივები მთავრობის მადლობლები არ არიან:

_ აქ დაბადებული და გაზრდილი ვარ და ალბათ, ყველაზე დიდი გულისტკივილი ჩემია. სეზონისთვის ახლა კი არ უნდა მიდიოდეს სამზადისი, "ფოდნოსით" უნდა იყოს გამზადებული. ბევრი ტურისტი შემოდის, ამ დღეებში განსაკუთრებულად ბევრი დამსვენებელი რუსეთიდან შემოვიდა და მეც რომ არ ვთქვა არაფერი, თქვენ თვითონ ხედავთ ეს კურორტია თუ კურორტის მსგავსი რაღაცა. პლაჟი, გზა, ინფრასტრუქტურა _ ეს ყველაფერი თავს ერთად იყრის და ძალიან ცუდ ფონს ქმნის, _ ამბობს ჩვენთან საუბრისას ჯუმბერ ყაზაიშვილი.

ჩვენი რესპონდენტი მიიჩნევს, რომ უპირველეს ყოვლისა, სანაპირო უნდა დასუფთავდეს და გზა გაკეთდეს:

_ სხვა რამეებზე საუბარი არ არის _ ეს არის ის ელემენტარული რამ, რაც კურორტს სჭირდება. ვიღაცას ეს უნდა სტკიოდეს, ვიღაცას უნდა აწუხებდეს. სხვებზე ვერაფერს გეტყვით, მაგრამ მე რომ მაწუხებს, ნამდვილად ვიცი. ადგილობრივ ხელმძღვანელობას ძალიანაც რომ სტკიოდეს გული, მოგვარების საშუალებაც არ აქვს. ამაზე თავი რაიონმა და რეგიონმა უნდა შეიწუხოს, _ დასძენს ყაზაიშვილი.

კურორტზე, გზის გარდა, ყველაფერი მოწონს ხვიჩა ჩხაიძეს. მის მსგავსად ავარიული გზით უკმაყოფილო მოსახლეობას და ტურისტებს ბევრს შეხვდებით: _ ყველაზე დიდი პრობლემა უგზოობა _ ფეხითაც კი ვერ გაივლი. მე ურეკელი არ ვარ და სხვა პრობლემები კარგად არ ვიცი, მაგრამ რასაც ვხედავ, ყველაზე დიდი პრობლემა ესაა, _ ამბობს ჩვენთან საუბრისას ლანჩხუთის" "გურიას’ ფეხბურთელი გიგა ჭეიშვილი, რომელიც თანაგუნდელებთან ერთად ურეკში შეკრებაზე იმყოფება.

ლაშა ფანცულაია ადგილობრივია. ჩვენთან საუბრისას ამბობს, რომ ყველაზე აუცილებელი კურორტის დასუფთავებაა:

_ კურორტი უნდა დასუფთავდეს, გაიწმინდოს სანიაღვრე არხები, რადგან ეს განსაკუთრებული კურორტია, _ აღნიშნავს ფანცულაია.

კურორტის განსაკუთრებულობაზე ყურადღებას ამახვილებს ავთანდილ ჩხიტუნიაც. მისი თქმით ურეკის მთავარი პრობლემა უგზოობაა.

ხარკოვიდან ჩამოსული ტურისტი ვლადიმერ ლეფანტიევი ჩვენთან საუბრისას ამბობს, რომ ყველაზე დიდი პრობლემა ნაგავია: _ მესამეჯერ ვიმყოფები ურეკში. აქ ძალიან კარგი ჰავა და ხალხია. ყველაზე დიდი პრობლემა ნაგავია _ ხალხი სადაც ჭამს, ნარჩენებს იქვე ყრის. საჭიროა უფრო მეტი სანაგვე ურნები და ხალხის ცნობიერების ამაღლება, რომ ნაგავის ქუჩაში დაყრა არ შეიძლება, _ გვითხრა ლეფანტიევმა.

ოზურგეთის მუნიციპალიტეტის გამგებელი მერაბ ჭანუყვაძე მიიჩნევს, რომ მუნიციპალიტეტის ტურისტული პოტენციალი მაქსიმალურად უნდა იყოს გამოყენებული.

სწორედ ამ მიზნით მუნიციპალიტეტის ხელმძღვანელობამ აქცია მოაწყო _ "ერთი ნაბიჯი ზღვიდან მთამდე". აქციას, ტურიზმის დეპარტამენტის ხელმძღვანელი გიორგი ჩოგოვაძეც შეუერთდა.

ჩოგოვაძემ ურეკის სანაპირო დაათვალიერა, მიმდინარე დასუფთავების სამუშაოებსაც გადაავლო თვალი და ანსამბლ "გურიას" ხორუმითაც აღფრთოვანდა, რომელიც ბულვარში სპეციალურად სტუმრებისთვის შესრულდა.

მერაბ ჭანუყვაძე ამბობს, რომ სეზონისთვის მზადება ადრე დაიწყეს და დასუფთავების სამუშაოები ინტენსიურად მიმდინარებს.

_ ვერ დაგეთანხმებით, რომ დასუფთავების სამუშაოები სტუმრების დასანახად მიმდინარეობს. ჩვენ ადრე დავიწყეთ ტურისტული სეზონისთვის მზადება. ძალიან მალე ჩამოვა ურეკში ის სპეცტექნიკა, რომელიც არასდროს არ ჰქონია ურეკს. აქედან გამომდინარე, ამაყი ვარ, რომ იმ დროში მომიწია მუნიციპალიტეტის ხელმძღვანელობა, როცა ჩვენ ვიქნებით სამაგალითო დასუფთავების კუთხით მთელ ზღვისპირეთში.

_ ბატონო მერაბ, დასუფთავებასთან ერთად ურეკის ერთ-ერთი მთავარი პრობლემა უგზოობაა. ამაზე ამახვილებენ ყურადღებას აქაურები და ტურისტები...

_ 4 მაისს საკრებულოზე გავიტანეთ საკითხი და დავამტკიცეთ თანხა, რომელითაც ორმული სამუშაოების გაკეთება მოხდება. კაპიტალურად არ გაკეთდება. სამწლიანი პროექტი კეთდება ურეკში _ ეს არის წყლის, კანალიზაციის და გაზის ქსელების მშენებლობა. 2017 წელს დასრულდება ეს პროექტი, აქედან გამომდინარე გზის კაპიტალურ გაკეთებას აზრი არ აქვს.

_ ადგილობრივებმა გვითხრეს, რომ ხელისუფლება გვიან იწყებს სეზონისთვის მზადებას და აქ არსებული პრობლემები იმის მიმანიშნებელია, რომ მომავალ წელს ტურისტი არ ჩამოვა...

_ მესმის, რომ უგზოობა გარკვეულ დისკომფორტს უქმნის ტურისტებს, მაგრამ მთავარია, რომ გაკეთდეს, აშენდეს. რაც ადრე იყო, ის აღარ მოხდება და 2017 წელს ურეკი იქნება ერთ-ერთი ყველაზე მნიშვნელოვანი და განსაკუთრებული კურორტი, _ თქვა ჭანუყვაძემ.

ოზურგეთის მუნიციპალიტეტში საზღვაო კურორტის განვითარებასთან ერთად მთის კურორტის განვითარებაც იგეგმება: _ არცერთ მუნიციპალიტეტს არ აქვს ისეთი ფუფუნება, რომ ზღვა და მთა ასე ახლოს იყოს ერთმანეთთან. როცა გაქვს საშუალება, ტურისტი ზღვიდან ძალიან მოკლე დროში აიყვანო ალპურ ზონაში და ამას არ გამოიყენებ, დანაშაულია. ჩვენ გვინდა შევქმნათ ცალკე ტურისტული სამსახური, რომელიც ამ ორი კურორტის ერთმანეთთან დაკავშირებაზე იმუშავებს, _ გვითხრა ჭანუყვაძემ.

ურეკიდან გომისმთაზე ასვლას საათნახევარი დასჭირდა. ალპურ ზონაში ასასვლელი გზა არც ისე ცუდია და მსუბუქი ავტომობილით გადაადგილება თავისუფლად შეიძლება.

ულამაზესი ხედები, თოვლიანი მთები, უცნაური სახელწოდების ადგილები _ მაგალითად, ვაკე საირმე, საჭვეთა, ღრუიანი წიფელა, მართლაც მიმზიდველია, თუმცა, იქ ასულებს ინფრასტრუქტურის არარსებობა ბევრ პრობლემას უქმნის.

ზღვის დონიდან 2 350 მეტრზე მდებარე კურორტზე კოტეჯების სიმცირე ნამდვილად არ შეიმჩნევა, მაგრამ აქ არც წყალია, არც შუქი და დასვენებისთვის საჭირო არც სხვა საშუალებები.

გომისმთაზე გამგეობის კულტურისა და ტურიზმის სამსახურმა შოუ შემოგვთავაზა, თუმცა, ამ შოუმ პრობლემები ვერ გადაფარა.

ტურიზმის დეპარტამენტის ხელმძღვანელი გიორგი ჩოგოვაძე ამბობს, რომ ოზურგეთის მუნიციპალიტეტის იდეა _ "ერთი ნაბიჯი ზღვიდან მთამდე" უახლოეს ხანში გახორციელდება:

_ გურიის კურორტების შესახებ საკმაოდ ბევრი ვიცი. ბავშვობაში რამდენიმე წელი აქ მაქვს გატარებული. უშუალოდ გომისმთაზე პირველად ამოვედი და აღფრთოვანებული ვარ. ის უნიკალური სიახლოვე, რომელიც არის გომისმთასა და ურეკს შორის, საშუალებას გვაძლევს სხვანაირი პროდუქტი შევთავაზოთ ტურისტებს _ ზღვა, მთა, სხვადასხვა კლიმატური ზონები, სხვადასხვა დასასვენებელი თუ სამკურნალო თვისებები. ვფიქრობ, ოზურგეთის მუნიციპალიტეტის ეს იდეა, რომელიც გულისხმობს ერთ ნაბიჯს ზღვიდან მთამდე, უახლოეს მომავალში გახორციელდება, ამ შემთხვევაში გომისმთის რეაბილიტაციით. დაახლოებით სამოცი კილომეტრი აშორებს ზღვასა და მთას. ეს არის ერთერთი უნიკალური ადგილი საქართველოში ამ მხრივ და სხვა მუნიციპალიტეტები ასეთი სიმდიდრით ვერ დაიკვეხნიან, _ გვითხრა ჩოგოვაძემ.

მერაბ ჭანუყვაძის თქმით, ტურიზმის დეპარტამენტის ჩართულობა ორივე კურორტს შედეგს მოუტანს: _ დარწმუნებული ვარ, რომ როგორც ადგილობრივი, ისე ცენტრალური ხელისუფლება, ტურიზმის დეპარტამენტის დახმარებით, ბევრ კარგ პროექტს გავახორციელებთ გომისმთაზე. მთავარი აქ შუქის ამოყვანა და წყლის სისტემის რეაბილიტაციაა, რომელიც უკვე დაწყებული გვაქვს. პირველად კურორტის არსებობის ისტორიაში წელს განხორციელდება ინფრასტრუქტურული პროექტი და დამონტაჟდება წყლის რეზერვუარი. ელექტროენერგიის საკითხზე ჩვენ გვქონდა აქტიური საუბრები კახი კალაძესთან და დარწმუნებული ვარ, მთავრობა მიიღებს ამ გადაწყვეტილებას.

_ ბატონო მერაბ, თქვენმა ამ აქციამ ყოფილი პრეზიდენტის ბახმაროში ნათქვამი ფრაზა გაგვახსენა _ მიხეილ სააკაშვილი გვპირდებოდა, რომ ურეკი და ბახმარო განვითარდებოდა და მთიდან ზღვამდე "პირდაპირ ჩავსრიალდებოდით"... მას შემდეგ დიდი დრო გავიდა, დაპირება დაპირებად დარჩა. ეს აქციაც პიარის მცდელობა ახომ არაა?

_ სხვის ქმედებებზე არასდროს გამიკეთებია კომენტარი _ საკუთარ თავზე და საკუთარ ინიციატივებზე ვაგებ ყოველთვის პასუხს. ამიტომ გეტყვით, რომ გომისმთის ისტორიაში 25 აპრილს პირველად ამოვიდა აქ ავტომობილი.

გიორგი ჩოგოვაძე ამბობს, რომ ტურიზმის დეპარტამენტი ბევრ რამეს გააკეთებს გურიის კურორტების პოპულარიზაციისთვის: _ ჩვენი კომპეტენციის ფარგლებში, გურიაში ვგეგმავთ მცირე ინფრასტრუქტურულ პროექტებს. ამ პროექტის მაგალითზე რომ ვთქვა, როგორც კი მოეწყობა კურორტის ინფრასტრუქტურა, დავაყენებთ სპეციალურ მანიშნებლებს, გავაკეთებთ საფეხმავლო და საცხენოსნო მარშუტებს, ასევე, მოხდება კურორტების პოპულარიზაცია, როგორც საქართველოს შიგნით, ასევე საქართველოს გარეთ. და ეს არ ეხება მხოლოდ გურიას _ ახლა ვიწყებთ ახალ აქციას, რომელსაც ჰქვია "გაიცანი საქართველო" და მისი მიზანია, მოქალაქეებს მივაწოდოთ სრულყოფილი ინფორმაცია კურორტების შესახებ. ადამიანების დიდმა ნაწილი, რომელიც დიდ ქალაქებში ცხოვრობს, არ იცნობს თავისი კუთხის, ქვეყნის მნიშნელოვან და ტურისტულ ადგილებს. ამიტომ, ჩვენ, მარკეტინგის კუთხით, პოპულარიცაზიის კუთხით, ერთობლივად დავგეგმავთ მრავლ ღონისძიებას.

_ გასულ წელს ბახმარო, რომელიც არამარტო გურიის, არამედ ქვეყნის ერთ-ერთი უმნიშვნელოვანესი კურორტია, რატომღაც ვერ მოხვდა ტურიზმის დეპარტამენტის მიერ გამოცემულ ბროშურებში. ამ კურორტის შესახებ, რომელიც ზღვის დონიდან 2050 მეტრზე, ჩოხატაურის მუნიციპალიტეტში მდებარეობს და უნიკალური სამკურნალო თვისებები გააჩნია, დეპარტამენტის ვებგვერდზეც კი არ იძებნებოდა ინფორმაცია... ამ კუთხით თუ იქნება ცვლილება და თუ აპირებთ ბახმაროს მონახულებას, რომელსაც პრობლემები ბევრი აქვს?

_ რაც შეეხება ინფორმაციის გავრცელებას, ამას აუცილებლად გავაკეთებთ. წელს ამ კუთხით ბევრი ისახლე იქნება და ბახმაროს პოპულარიზაციასაც მოვახდენთ. რაც შეეხება კურორტზე ასვლას _ როგორც ვიცი, ბახმარომდე მისასვლელი გზა ახლა არ არის, მაგრამ მე გთავაზობთ, რომ უახლოეს ხანში, როგორც კი გზა გაიხსნება, ერთად ავიდეთ..

_ რას გეგმავთ ლანჩხუთის მუნიციპალიტეტთან დაკავშირებით _ გრიგოლეთში თუ იგეგმება სიახლეები?

_ ეკონომიკის სამინისტრომ დაიწყო დიდი პროექტი და უახლოეს ხანში მზად იქნება გრიგოლეთის და მიმდებარე ტერიტორიის გენერალური განვითარების გეგმა. იქ უფრო დიდი ინფრასტრუქტურული პროექტები იგეგმება, რომელიც მალე გახდება ცნობილი მოსახლეობისთვის.


ურეკის ცენტრი


ძროხები ურეკში


ურეკში ცუდი შიდა გზებია


გიორგი ჩოგოვაძე და მერაბ ჭანუყვაძე


ლანჩხუთის "გურიას" ფეხბურთელები ურეკში


გომისმთაზე




 ახალი ამბები
  • „გრიგოლ ვაშაძე არ არის ქუჩის პოლიტიკოსი, ქუჩაში ის გამარგინალდება”_დავით ბერძენიშვილი „გრიგოლ ვაშაძის მიმართ ერთგვარი იმედგაცრუების პროცესი მიმდინარეობს, რომლის სათავეში მიხეილ სააკაშვილი დგას. ვაშაძე ყოფილ პრეზიდენტს, სააკაშვილს სათანადოდ ვერ ეწინააღმდეგება და შესაბამის დარტყმებსაც იღებს. გრიგოლ ვაშაძე ქუჩის პოლიტიკოსი არ არის, ქუჩაში ის გამარგინალდება, რაც თავად მშვენივრად იცის“,_ აღნიშნა „გურია ნიუსთან“ საუბრისას „რესპუბლიკური პარტიის“ ერთ-ერთმა ლიდერმა დავით ბერძენიშვილმა. ბერძენიშვილი გაერთიანებულ ოპოზიციაში მიხეილ სააკაშვილის როლზე საუბრობს. „მიხეილ სააკაშვილის, რომელსაც ლიდერობის ნაცვლად, ბელადობა შეუძლია, ომის ირგვლივ პოზიციის გაერთიანების ნებისმიერი მცდელობა მარცხისთვის არის განწირული. ბიძინა ივანიშვილმა სააკაშვილი მტრის ხატად  მესამედ გამოიყვანა, ესე იგი, ანტიმიშა კარგად მუშაობს.   2020 წლის საპარლამენტო არჩევნებში „ნაციონალური მოძრაობა“ იმ შემთხვევაში შეიძლება გახდეს ერთ-ერთი წამყვანი პოლიტიკური ძალა, თუ ოპოზიცია გაერთიანდება, რომელშიც მიხეილ სააკაშვილის როლი, პრაქტიკულად, არ იქნება. დღეს მიმდინარეობს იმ 800 ათასამდე ხმების განიავების პროცესი, რომლებიც არჩევნებში გრიგოლ ვაშაძის სასარგებლოდ დაფიქსირდა, რომლის  მთავარი შემოქმედი აკვიატებული პოზიციების მქონე ადამიანი მიხეილ სააკაშვილია“, _ განაცხადა ბერძენიშვილმა. მისივე თქმით, გრიგოლ ვაშაძეს ქუჩაში დგომის გამოცილება არ აქვს. „ვაშაძე ქუჩაში ძლიერი არ არის. ის ძლიერი იყო სატელევიზიო დებატებში, პროგრამების წარდგენაში, მაგრამ საკმაოდ ბევრი ტაქტიკური შეცდომა დაუშვა. რა უნდოდა  მარტო რომ დადგა თელავში, მაშინ, როცა მისიანები თელავის მისადგომებთან იდგნენ?! აქცია ჩაატარა თუ?! მას არა აქვს გამოცდილება, რადგან ქუჩა და ვაშაძე თავსებადი კატეგორიები ნამდვილად არ არის. მიხეილ სააკაშვილი ერთგვარი მარცხის ფორმულაა. სწორედაც, რომ გრიგოლ ვაშაძის ქუჩაში გაყვანა სააკაშვილის უპასუხისმგებლო ქმედების შედეგია “, _ გვითხრა ბერძენიშვილმა.   კითხვაზე _ რამდენად მოსალოდნელია პოლიტიკური გაერთიანება „ძალა ერთობაშია“ დაიშალოს ?_ ბერძენიშვილი გვპასუხობს, რომ აღნიშნული ფორმატით პოლიტიკური პარტიები უახლოეს მომავალში  სრულფასოვნად ვეღარ იფუნქციონირებენ. „ვფიქრობ, რომ გაერთიანებული ოპოზიციის ფორმატი სრულფასოვნად ვეღარ შენარჩუნდება. გაერთიანებაში შიდა დუღილის პროცესები აუცილებლად დაიწყება, განსაკუთრებით კი “ნაციონალურ მოძრაობაში“, _ აღნიშნა ... ...
  • ბუტა რობაქიძის საქმეზე განაჩენი გამოცხადდათბილისის საქალაქო სასამართლოს მოსამართლემ დავით მგელიაშვილმა ბუტა რობაქიძის სიცოცხლის მოსპობის საქმეზე განაჩენი გამოაცხადა. ზაზა ბაქრაძე სასამართლომ დამნაშავედ სცნო, თუმცა მას საპროცესო შეთანხმება გაუფორმდება. ზაზა ბაქრაძეს სასჯელის სახით პირობითი მსჯავრი 4 წლის და 6 თვის წლის ვადით განესაზღვრა, ასევე ჯარიმა 5000 ლარის ოდენობით და 2 წლის ვადით თანამდებობის დაკავების უფლება ჩამოერთვა. გურამ დონაძე, დავით იაშვილი და ზურაბ მიქაძე დარბაზშივე დააკავეს სასამართლოს მანდატურებმა.  საქმეზე ხუთი ბრალდებული: გურამ დონაძე, ზურაბ მიქაძე, ირაკლი ფირცხალავა, დავით იაშვილი და ზაზა ბაქრაძე. მათგან ბრალს მხოლოდ ერთი ზაზა ბაქრაძე აღიარებს. ბუტა რობაქიძის საქმე მთავარმა პროკურატურამ 2012 წელს გახსნილად გამოაცხადა. ხელახალი გამოძიების შედეგად დადგინდა, რომ 19 წლის ბუტა რობაქიძის სიცოცხლე სამართალდამცველის, გიორგი ბაშალეიშვილის მიერ შემთხვევით გასროლილმა ტყვიამ იმსხვერპლა. ბუტა რობაქიძე თბილისში, აკ. წერეთლის გამზირზე 2004 წლის 24 ნოემბერს მოკლეს. ექსპერტიზით დადგინდა, რომ მომხდართან დაკავშირებით გავრცელებული ვიდეოჩანაწერი დამონტაჟებულია და მასზე 36 წყვეტა ფიქსირდება, რაც ბრალდების პოზიციას ამყარებს. ვიდეოკადრების გაყალბების ერთ-ერთ სავარაუდო ავტორად გურამ ... ...
  • შსს-მ მედია საშუალებებში გავრცელებული ვიდეო კადრების საფუძველზე გამოძიება დაიწყოშინაგან საქმეთა სამინისტრომ მედია საშუალებებში გავრცელებული  ვიდეო კადრების საფუძველზე გამოძიება დაიწყო. კადრებში ასახულია 16 დეკემბერს, კახეთში უცნობი პირი დაუდგენელ ნივთიერებას როგორ ასხურებს საპროტესტო კოლონის ერთ-ერთ მანქანაში.გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანენას გულისხმობს.ჩატარდება ვიდეომასალაში დაფიქსირებული  პირის დადგენისთვის საჭირო საგამოძიებო-ოპერატიული ღონისძიებები. საგამოძიებო ორგანოში გამოკითხვაზე დაბარებული იქნებიან დაზარალებულები და სავარაუდო დანაშაულის ჩამდენი ... ...
  • საჯარო რეესტრის მიერ ბლოკჩეინის გამოყენების გამოცდილება საერთაშორისო ფორუმზე - TISIFF 2018 განიხილეს (R)საჯარო რეესტრის ეროვნული სააგენტოს მიერ ბლოკჩეინის ტექნოლოგიის გამოყენების გამოცდილება  თბილისის სოლიდარობისა და ინოვაციური დაფინანსების საერთაშორისო ფორუმზე - TISIFF 2018 განიხილეს.  მოხსენება "ბლოკჩეინი მთავრობისთვის – კონცეფციიდან რეალობამდე" – საჯარო რეესტრის პროექტების  მართვისა და გაყიდვების სამსახურის უფროსის მოვალეობის შემსრულებელმა მარიამ ტურაშვილმა წარადგინა.  ფორუმის მეოთხე პლენარულ სესიაზე მარიამ ტურაშვილმა  უძრავი ქონების რეგისტრაციაში ბლოკჩეინ ტექნოლოგიის გამოყენების მიმართულებით  საჯარო რეესტრის გამოცდილებაზე, სამომავლო გეგმებზე,  პროექტის შესაძლებლობებსა და გამოწვევებზე ისაუბრა.  მარიამ ტურაშვილმა ქვეყნის ეკონომიკური ზრდის თვალსაზრისით ტექნოლოგიური განვითარების მნიშვნელობაზე ისაუბრა. მან აღნიშნა, რომ  საქართველომ მსოფლიოში ერთ-ერთმა პირველმა  გამოიყენა ბლოქჩეინის ტექნოლოგიები  სამთავრობო სერვისებში და, მნიშვნელოვანია, რომ საქართველოს მაგალითით უცხოეთის სამეცნიერო წრეები დაინტერესდნენ. „ჩვენ კონსულტაციას ვუწევთ სხვადასხვა ქვეყნის - ევროპის, აზიის, სამხრეთ ამერიკის, აფრიკის ქვეყნების წარმომადგენელებს. გვაქვს ამბიცია, რომ გავხდეთ ბლოქჩეინის ჰაბი არა მარტო ქვეყანაში, არამედ რეგიონში", - განაცხადა მარიამ ტურაშვილმა.  თბილისის სოლიდარობისა და ინოვაციური დაფინანსების საერთაშორისო ფორუმზე (TISIFF 2018) განიხილეს ისეთი საკითხები, როგორიცაა: ინოვაციური დაფინანსების არსებული ინსტრუმენტი, ინოვაციური პლატფორმების აუცილებლობა გაეროს მდგრადი განვითარების მიზნების დაფინანსებისათვის, კრიპტოვალუტა და ბლოქჩეინი - ახალი ინსტრუმენტი მდგრადი განვითარების მიზნების დაფინანსებისთვის.  ასევე შემუშავდა TISIFF 2018-ის რეკომენდაციები, რომელიც ინოვაციური დაფინანსების გლობალური სამდივნოს სახელით გაეროს გენერალური მდივნის აპარატს წარედგინება.  ღონისძიებაში 150 დელეგატი მონაწილეობდა, მათ შორის იყვნენ  17 ქვეყნის საპარლამენტო და სამთავრობო დელეგაციების წევრები, გაეროსა და სხვა საერთაშორისო ორგანიზაციებისა და კერძო სექტორის წარმომადგენლები, ასევე საქართველოში აკრედიტებული დიპლომატიური კორპუსის, საქართველოში მომუშავე სამთავრობო, კერძო და საზოგადოებრივი ორგანიზაციების წარმომადგენლები. ... ...
  • მოზარდს დანის მუქარით მობილური ტელეფონი წაართვესმოზარდს დანის მუქარით მობილური ტელეფონი წაართვეს. შემთხვევა თბილისში, თემქაზე მოხდა. როგორც შინაგან საქმეთა სამინისტროში აცხადებენ, მომხდარზე გამოძიება 179-ე მუხლით მიმდინარეობს, რაც ყაჩაღობას ... ...

არქივი

ზაფრანი

“ყვითელი პრესის“ სათავეებთან

დღეს ყველამ იცის, რომ ტერმინი:...

მონტე-კრისტოს მისტიკა

ალექსანდრე დიუმა სანამ ახალ რომანზე...

იან ფლემინგის “ოქროს თვალი“

როდესაც ”აგენტ 007”-ის წიგნის ავტორი,...

10 რეალური მოსალოდნელი კატაკლიზმა დედამიწაზე

ახალი ოკეანე აფარის სამკუთხედი (იგივე...

საბედისწერო რიცხვი და ასტროლოგია

მაინც რატომ ეშინიათ ადამიანებს ასე...

როგორ ვიშოვნოთ ფული ზოდიაქოს ნიშნის მიხედვით

ადამიანების უმრავლესობა ოდითგანვე დაეძებდა გზებს...
კარმიდამო ჩემი

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...

მოახლოებული ზამთარი და პირუტყვის მოვლა-დაბინავება

ზამთრის მოახლოებისას, შინაურ მსხვილფეხა თუ...

როგორ მოვსპოთ ზამთრის განმავლობაში ნიადაგში მავნებლები

დეკემბრიდან, ჩვენს ბაღ-ბოსტნებში, როცა უკვე...

ბროწეული _ გახდომის საუკეთესო საშუალება

ბროწეული, არა მარტო დეპრესიისა და...

შეიძლება თუ არა ცხოველის წლოვანების ზუსტად დადგენა

იშვიათია, ალბათ, ადამიანი, რომელიც ვერ...

მანჭკვალას გამოყენება ძველებური და განახლებული მეთოდით

როგორც ვიცით, სოკოები უმდაბლესი უქლოროფილო...

როგორ დავამზადოთ კივისა და ფეიჰოას ჩირი შინაურ პირობებში

ზოგადად, ჩირის დამზადება ჩვენში ხალხური...

ნიადაგში სასუქების შეტანის სამი წესით უნდა ვიმოქმედოთ

სხვადასხვა აგრარული კულტურების მოსავლიანობა საგრძნობლად...

დეკორატიული მანდარინი _ ოფისებისა და საოჯახო სივრცეების სეზონური მშვენება

დეკორატიულ ციტრუსოვნებშიც არსებობს სხვადასხვა ფორმისა...

მოვამზადოთ "ნარჩენების ჭრელი მჟავე"

უამრავი სახეობის მჟავეულებთან შედარებით, ჩვენ...

მექსიკური ტორტილია და ბურიტო

მექსიკური სამზარეულოს ძირითადი ელემენტები _...

ფრანგული სალათა

საჭირო მასალა: ორი ცალი მოხარშული...