რეპორტაჟი "ღატაკთა კვარტალიდან"

მთავარი თემა

რეპორტაჟი "ღატაკთა კვარტალიდან"

2015 მაი 19 14:17:51

ჩოხატაურის მუნიციპალიტეტში, გამგეობის შენობიდან დაახლოებით ერთ კილომეტრში, ორი მრავალბინიანი საცხოვრებელი სახლი დგას (ყოფილი მეორე ჩაის ფაბრიკის ბინები). ამ ბინების ავარიულობას გზიდან დაინახავთ _ კედლები სადაცაა ჩამოიშლება.

ეზოში შესულებს, თვალში ბზარების გარდა, ის სიდუხჭირეც მოგხვდებათ, რომელიც აქ მცხოვრებთათვის ყოველდ­ღიურობის ნაწილია.

აქ მცხოვრებლების უმეტესობას სოციალური მომსახურების სააგენტოს მიერ შევსებულ ოჯახის დეკლარაციაში გარკვევით უწერიათ _ "ღატაკი". ნახავთ ისეთებსაც, რომელთა სტატუსი "უკიდურესად ღატაკია". ალბათ, ამიტომაც, ამ ბინებს "ღატაკთა კვარტალი" შეარქვეს.

ბარამიძეების ოჯახის შემოსავალი 150-ლარიანი სოციალური დახმარებაა. ოჯახში სამი სულია: _ რამდენიმე წუთის წინ დავბრუნდი ექიმისგან. ჯანმრთელობის ძალიან მძიმე მდგომარეობა მაქვს, თუმცა, წამლის საყიდელი ფული არ გამაჩნია, _ გვეუბნება ოჯახის დიასახლისი მზია ოჩხიკიძე, რომელსაც ასთმაც აწუხებს.

იგი გვიყვება, რომ მისი მეუღლე ორი წლის ჩაწოლილი იყო:

_ მუშაობდა და ხე დაეცა. ფული არ გვქონდა და ექიმთან ვერ წავიყვანეთ. აღმოჩნდა, რომ ხერხემალი ჰქონდა დაზიანებული. 42 წლის კაცი ორი წელი იწვა საწოლში. მერე ოპერაცია გავუკეთეთ ბათუმში და ახლა რკინები აქვს ჩადგმული, თუმცა, რეაბილიტაციის კურსს ვერ გადის _ საშუალება არ გვაქვს. ამას ისიც ემატება, რომ კლინიკაში, სადაც ოპერაცია გაუკეთეს 600 ლარის დავალიანება დაგვრჩა. რაც არ გვქონდა, რას მივცემდით?! ახლა პროკურატურას გადაგვცეს და არ ვიცი, რა გვეშველება. მეუღლეს მუშაობა არ შეუძლია, მე სამსახურს ვერ ვშოულობ, _ მძიმე ისტორიას გვიყვება რესპონდენტი.

მზია ოჩხიკიძე ამბობს, რომ გამგეობას დახმარების თხოვნით მიმართა, თუმცა, უშედეგოდ: _ თქვენც ხედავთ, რა მდგომარეობაში ვართ _ სახლი, სადაცაა თავზე დაგვენგრევა. არც კი ვიცით, რა უნდა გავაკეთოთ. არჩევნების წინ, როცა აქ ხმებისთვის იყვნენ მოსულები, ჩემი მეუღლე ეტლით გავიყვანეთ. დახმარებას დაპირდნენ, მაგრამ არავინ დაგვხმარებია. თავი ვალებით გაგვაქვს _ ყველა ბანკში დავალიანება გაქვს, აქეთ პროკურატურაში გვიჩივიან გაჭირვების გამო, _ ამბობს ქალბატონი მზია და მის კუთვნის ორ ოთახს გვათვალიერებინებს _ კედლებს ბზარებია აქვს, იატაკი დაზიანებულია. ბარამიძეებს არც ტელევიზორი აქვთ, არც მაცივარი და არც სხვა საჭირო საყოფაცხოვრებო ნივთი. მათ ქონებას ორი საწოლი, ძველი გაზის ქურა, ერთი კარადა და ერთიც სახელდახელოდ შეკეთებული მაგიდა წარმოადგენს.

მძიმე მდგომარეობა დაგვხვდა ამავე ბინაში მცხოვრები მზია ლომთათიძის სახლშიც. იგი 11 წლის შვილს მარტო ზრდის. ახალგაზრდა ქალბატონი ონკოლოგიური ავადმყოფია. მისი შემოსავალი 110-ლარიანი სოციალური დახმარებაა, რომელიც წამლებისთვის არ ყოფნის: _ ერთხელ მივედი გამგეობაში დახმ­არების სათხოვნელად. ხერხემალზე პრობლემა მაქვს და რენტგენის სურათის გადაღება მინდოდა. 260 ლარი იყო საჭირო. ნაწილი ვთხოვე, ნაწილს მოვაგროვებ,-მეთქი ვიფიქრე, მაგრამ უარი მითხრეს. იმის მერე არ მივსულვარ _ რა აზრი აქვს, ვინ დამეხმარებოდა? მაშინ მითხრეს, რომ გვექნება ბიუჯეტში ფული, მოგცემთო. მას შემდეგ თითქმის ერთი წელი გავიდა და ამ დრომდე ვერ მოვახერხე გადაღება. არადა, სოციალური პოლისი მაქვს. ოპერაცია თუ დამჭირდება, უფასოდ გავიკეთებ. 11 წლის შვილი მყავს და არ მინდა დავრდომილი ვიყო, _ ამბობს "გურია ნიუსთან" საუბრისას მზია ლომთათიძე, რომელსაც ჯანმრთელობასთან ერთად, ავარიული ბინის პრობლემაც ძალიან აწუხებს.

ბინის საგანგაშო მდგომარეობაზე გვიყვება ნანა ჯიქიაც:

_ ღამე დაძინების გვეშინია _ არ ვიცით, როდის დაინგრევა, _ ამბობს ჯიქია.

_ 6 ტომარა ცემენტი ვთხოვე გამგეობას. საშუალება არ გვაქვსო, უარი მითხრეს, არადა, სადაცაა სახლი თავზე დამენგრევა, _ გვიყვება მარიამ ვაჩეიშვილი, რომლის თქმით, ოჯახის წევრების ავადმყოფობის გამო, სოციალური დახმარება ერთხელ მისცეს.

ქალბატონი მარიამის შვილი, ეკა ვაჩეიშვილი დედასთან 2 თვის ბავშვთან ერთად არის შეკედლებული:

_ წასასვლელი არსად მაქვს და დედასთან ვცხოვრობ. ინვალიდობის პენსიას ვიღებ _ ას ლარს და იმით გამაქვს თავი. ბავშვი რომ შემეძინა, დახმარება არავის გაუწევია, არადა, ძალიან გვიჭირს. ბუნებრივი საკვები არ ყოფნის პატარას, ამიტომ ხელოვნური საჭმლის დამატება მიწევს. დედას გამოაქვს ნისიად, ოღონდ ნისიად სანამდე მოგვცემენ, არ ვიცი, _ ამბობს ეკა ვაჩეიშვილი.

აღნიშნულ ბინებში მცხოვრებლები ამბობენ, რომ ახალმა ხელისუფლებამ არც ერთი დანაპირები არ შეასრულა:

_ რაც დაგვპირდნენ, არაფერი გააკეთეს. საარჩევნოდ, ხმები რომ სჭირდებოდათ, ყველაფერს გვპირებოდნენ. წვიმაში აქ წყალი დგება, შემოსვლას ვერ მოახერხებთ. დაგვპირდნენ, რომ სანიაღვრე არხებს გააკეთებდნენ, მაგრამ სამი წელი გავიდა ამ დაპირებიდან. წყლის შემოყვანასაც დაგვპირდნენ, თუმცა, მხოლოდ ეზომდე მოიყვანეს. სააკაშვილის დროს ასე არ იყო _ სწორედ მის დროს გადმოგვეცა ბინები საკუთრებაში ერთ ლარად. იმ დროს ვმუშაობდი კიდეც, მაგრამ ამ ხელისუფლებამ ჩემი სამსახური არ ინდომა, _ ამბობს მარიამ კალანდაძე.

_ ამ ავარიული ბინის შეკეთებას ვითხოვთ მხოლოდ, რის პირობაც საარჩევნოდ დადეს, მაგრამ მერე სხვა დანარჩენივით დაავიწყდათ. ამ ბინებში ყველა გაჭირვებულია. საბედნიეროდ, მე ფინანსური პრობლემა არ მაქვს _ ჩემს ოჯახში ყველა დასაქმებულია, მაგრამ ეს იმას არ ნიშნავს, რომ რეალობას ვერ ვხედავ. პირიქით, კარგად ვიცი, რა მდგომარეობაში არიან ჩემი მეზობლები. ასევე, ვხედავ როგორ გვენგრევა შენობა თავზე, და როგორ არ ადარდებს ეს ხელისუფლებას, _ აღნიშნავს კალანდაძე.

მისივე თქმით, ჩოხატაურის მუნიციპალიტეტის გამგებელს ირაკლი კუჭავას ბინისთვის წყლის პრობლემის მოგვარების და მისთვის 25 კვადრატული მეტრი მიწის გამოყოფის თხოვნით მიმართა, თუმცა, უარი მიიღო:

_ წყალზე გვითხრეს, რომ მალე იქნება. ამათ მალე არ უმთავრდებათ! მიწის გადმოცემაზე კი უარი ისე მითხრეს, არც კი შეუმოწმებიათ, რა ადგილს ვითხოვდი. ელემენტარულად ისიც კი არ ადარდებთ, რომ ამ ბინაში, რომელსაც საყრდენი ბოძი, სადაცაა გამოეცლება, ყოველდღე ცვივა კედლებიდან აგურები. აქ 6 ოჯახი ცხოვრობს, ეზოში ბავშვები თამაშობენ. მაინდამაინც ცუდი შედეგი უნდა მოყვეს? ერთხელ მოვიდნენ, ფოტოები გადაიღეს და მორჩა. ფოტოების გადაღება შველის ამ მდგომარეობას? ვინმე რომ დაშავდეს, სამძიმარს ერთმანეთის მიყოლებით ხომ გამოგვიცხადებენ? სამძიმარი კი არა, დახმარება გვჭირდება. ბინა გამირემონტეთო, ხომ არ ვთხოვთ?! შენობას მიხედეთ, რომელიც თქვენი საკუთრებაა,-მეთქი, ამას ვეუბნებით, _ ამბობს კალანდაძე.

ერთადერთი, ვისაც ხელისუფლებასთან პრობლემა არ აქვს, მარინა ცერცვაძეა. იგი, როგორც ძველი, ისე ახალი ხელისუფლების კმაყოფილია:

 _ მადლობის მეტი რა მეთქმის? პირადად მე თავის გატანას ვახერხებ. მუშაობაც შემიძლია, სოციალური დახმარებაც მაქვს, არც შვილი მაწუხებს და არც ქმარი. თუმცა, ნაციონალების დროს უფრო კარგად ცხოვრობდა ხალხი _ იმ დროს ბინები საკუთრებაში გადმოგვცეს და სახურავიც გაგვიკეთეს. სხვათა შორის, ეს რომ ამ ხელისუფლებას ვუთხარით, განაწყენდნენ, რა გაგიკეთესო. ამათმა რა გააკეთეს ამ ბინისთვის?! _ ამბობს ცერცვაძე.

მიმდებარე ტერიტორიაზე შენობის ნანგრევებია და როგორც ადგილობრივები ამბობენ, ქვეწარმავლების ბუდე:

_ ისიც კი ვერ მოახერხეს, რომ ტერიტორია დაესუფთავებინათ, _ ამბობენ ე. წ. "ღატაკთა კვარტლის" მცხოვრებლები.

ჩოხატაურის მუნიციპალიტეტის გამგებელი ირაკლი კუჭავა ამბობს, რომ ამ ადამიანების პრობლემების აღმოფხვრას ეტაპობრივად ცდილობენ:

_ აღნიშნული მრავალბინიანი სახლების მობინადრეებს ჯერ კიდევ ბევრი პრობლემა აქვთ. ჩვენ ეტაპობრივად ვცდილობთ მათ აღმოფხვრას. ის, რომ არავის დავხმარებივართ, სიცრუეა, მაგალითად, ბარამიძეს გასული წლის ბოლოს ჩაერიცხა 200 ლარი, მის დას, მარიამ ვაჩეიშვილს, ასევე მეუღლის დახმარების მიზნით, ამავე პერიოდში ჩაერიცხა 100 ლარი. მიმდინარე წლის დასაწყისში მარიამ ვაჩეიშვილს ჩაერიცხა 150 ლარი, ხოლო მის ქალიშვილს ეკას 250 ლარით დავუფინანსეთ სამედიცინო მომსახურება. რაც შეეხება 600 ლარის დავალიანებას, იმიტომ ვერ ჩავურიცხეთ, რომ იგი სოციალურად დაუცველია და, შესაბამისად, პროგრამის ფორმატში ვერ ჩაჯდა, თუმცა, მისი ოჯახისათვის ჯამში გაწეულმა დახმარებამ 700 ლარი შეადგინა.

რაც შეეხება სანიაღვრე არხს _ ქუჩის გასწვრივ არხი გაიჭრა, თუ დამატებით საჭიროა, სანიაღვრე არხსაც გავაკეთებთ. წყლის საკითხთან დაკავშირებით, ათიოდე დღის წინ ჩემთან იყო ქალბატონი მარიამ კალანდაძე. მისი თანდასწრებით ვესაუბრე გაერთიანებული წყალმომარაგების კომპანიის გურიის ოფისის ხელმძღვანელს, რომელმაც მითხრა, რომ 2 კვირაში ყველა საერთო საცხოვრებელში წყლის შეყვანა დაიწყებოდა. განმეორებით ვესაუბრე რამდენიმე დღის წინ და კვლავ დამიდასტურა, რომ მომავალ კვირაში ეს პროცესი დაიწყება. დღეს დაბა ჩოხატაურის მოსახლეობის უდიდეს ნაწილს წყალი 24-საათიანი რეჟიმით მიეწოდება და ამის არდანახვა, უბრალოდ, უსამართლობაა.

ამავე ქალბატონმა იანვარში, ასევე მოგვმართა განცხადებით მიწის გამოყოფის თაობაზე მიშენების მიზნით. მას გაეცა წერილობითი პასუხი, რომ აღნიშნული მიწა, ჯერჯერობით, მუნიციპალიტეტის საკუთრებას არ წარმოადგენს. გარდა ამისა, ამორტიზებულ შენობებზე მიშენება კანონით იკრძალება.

აღნიშნული სახლები ნამდვილად საჭიროებს კაპიტალურ რემონტს, მაგრამ ადგილობრივი ბიუჯეტით ამ ეტაპზე ამის საშუალება არ გვაქვს. ამიტომაც, ვცდილობთ ეს და სხვა მრავალბინიანი საცხოვრებელი სახლების რეაბილიტაცია რეგიონული განვითარების ფონდიდან სუბსიდირების ხარჯზე მოვახდინოთ. მანამდე კი უსაფრთხოების მიზნით გასატარებელი ღონისძიებების ნუსხას, ადგილზე მისვლით დაადგენს კომისია.

რაც შეეხება ქალბატონ მზია ლომთათიძის გასაჭირს, მას ჩვენთვის არ მოუმართავს (ადრე რა იყო, ვერ გეტყვით). ოპერაცია თუ დასჭირდება, საყოველთაო ჯანდაცვის პროგრამით გაიკეთებს, ხოლო გამოკვლევის თანხას, ერთჯერადი დახმარების სახით, მუნიციპალიტეტი გამოუყოფს ივლისში (ამ კვარტალში ბევრ ადამიანს დავეხმარეთ და ამ მუხლში თანხები ამოწურულია). თუ ეს სასწრაფოა, მანამდე პირადად დავეხმარები, ისე, როგორც ამ ბინის მობინადრე ხათუნა ზივზივაძეს დავეხმარე.

საქართველოში დღეს დემოკრატიაა და ყველას შეუძლია ის ილაპარაკოს, რაც სურს. ამისათვის არც ვინმე დაამტვრევს თავ-ყბას და არც ციხეში ამოალპობს _ ეს ჩვენი ხელისუფლების ერთ-ერთი ყველაზე მთავარი მონაპოვარია, _ აღნიშნა ჩვენთან საუბრისას ირაკლი კუჭავამ.




 ახალი ამბები
  • ერთიანობა ჩვენთვის გადამწყვეტია – რ2 “P.S”-ის გუნდმაც დატოვარუსთავი 2 P.S-ის გუნდმაც დატოვა. განცხადება გადაცემის ფეისბუქის გვერდზე გავრცელდა.  "რუსთავი 2-ის 25-წლიან ისტორიასთან ერთად დასრულდა საქართველოს ყველაზე ხანგრძლივი ისტორიის მქონე ანალიტიკური გადაცემა „პოსტსკრიპტუმიც“. სატელევიზიო ფორმატი, რომელსაც ამ წლების განმავლობაში არ დაუკარგავს უმაღლესი რეიტინგი და მაყურებელი. პირველიდან უკანასკნელ დღემდე ჩვენ ვირჩევდით საზოგადოებისთვის ყველაზე საინტერესო თემებსა და მოვლენებს, გიყვებოდით არა მხოლოდ იმას, რა მოხდა, არამედ იმას, რატომ მოხდა, როგორ მოხდა და რა გაგრძელება ექნებოდა. საქართველოს უახლესი ისტორია იწერებოდა გადაცემით, რომელსაც მაყურებელი ყოველ კვირას, 9 საათზე ელოდა და რომელსაც ამ ქვეყნის ყველაზე გამოცდილ და ნაბრძოლ ჟურნალისტთა და ოპერატორთა პატარა გუნდი ამზადებდა. რამდენიმე დღის წინ სრულიად გაუფრთხილებლად მოგვიხსნეს საავტორო გადაცემის წამყვანი და ასევე საინფორმაციო სამსახურის უფროსი, რის შესახებაც მხოლოდ პირდაპირი ეთერით გავიგეთ. ეს გადაწყვეტილება აღარ გვიტოვებს არჩევანს - მრავალჯერადი დაპირების მიუხედავად, წაგვერთვა შესაძლებლობა, ვაკეთოთ ისეთი გადაცემა, როგორსაც ვაკეთებდით და ვთქვათ ის, რასაც ვთვლით საჭიროდ. სარედაქციო დამოუკიდებლობასთან ერთად, ერთიანობა და გუნდურობა ჩვენთვის გადამწყვეტია. ამიტომ ერთობლივად მივიღეთ მტკივნეული გადაწყვეტილება, დავუტოვოთ ბიძინა ივანიშვილს ჩვენი ხელით ნაშენები დაცარიელებული ტელევიზია და გუნდისგან დაცლილი „პოსტსკრიპტუმი“ - მხოლოდ ლოგო და მხოლოდ სახელი - იმისთვის, რომ ისევ ერთად გავაგრძელოთ იმავე საქმის კეთება. ჩვენს მაყურებელს არ ეღალატება. არ გემშვიდობებით! გვინდა გითხრათ - ნახვამდის. ნახვამდის და მომავალ შეხვედრამდე! სულ მალე!", - წერია ... ...
  • უკანონო მშენებლობები, ბოძების მოთხრა-დარჭობის სტიქიური პროცესი გომისმთაზე 13 აგვისტოს, ოზურგეთის მუნიციპალიტეტში სახალხო დღესასწაული "გომისმთობა 2019" გაიმართა, თუმცა, სადღესასწაულო განწყობის მიუხედავად, გომისმთაზე ასულს ყურადღების მიღმა არ დაგრჩებათ მიწაზე დაყრილი ბოძები, რომლებიც რამდენიმე დღის წინ, ოზურგეთი მუნიციპალიტეტის მერიის ინიციატივით, ზედამხედველობის სამსახურის წარმომადგენლებმა ბულდოზერებით მოთხარეს. ამის პარალელურად, ახლად ამოთხრილი ორმოებიც ჩანს, რომელსაც, აქაურთა თქმით, ნაწვიმარზე სოკოც ვერ ასწრებს ამოსვლას, ისე სწრაფად ჩნდებიან _ რაც მეტია ზეწოლა, უფრო სწრაფად ჩნდება ახალი ორმოები. _ აგერ მოთხრილია ბოძი, გვერდით დატოვებულია. კიდევ იქით მოთხრილი, მერე ისევ დატოვებული. ვინც მოთხარა, როგორ მიხვდა _ რომელია კანონიერი და რომელი უკანონო? აქ ხომ ყველაფერი მოსწრებაზეა უკვე და დღეს რომ მოთხარო, ხვალ დილას ორმოს ვიღაც მაინც ამოიღებს, რომ სასწრაფოდ მოინიშნოს სამოსახლო და ასევე, ჩქარა დაიწყოს სახლის მშენებლობა _ იმედოვნებენ, რომ აშენებულს ვერავინ წაართმევთ. ვის დააჯერებ, რომ ამ განუკითხაობისას, აქ ყველაზე მეტად ხელისუფლების წარმომადგენლები არ იხეირებენ?! ამიტომ, მაქსიმალურად უნდა იქნეს მიღებული გადამწყვეტი ზომები, რომ უკანონო მშენებლობები, ბოძების მოთხრა-დარჭობის სტიქიური პროცესი რაიმე რეგულაციით შეჩერდეს, _ გვეუბნებიან გომისმთაზე მყოფი დამსვენებლები, რომლებიც, ძირითადად, გურიის მცხოვრებლები არიან. როგორც ყოველდღიურობა გვიჩვენებს და ადგილზე მისვლისას ჩანს, მოთხრის პროცესმა უკანონო მშენებლობები უფრო დააჩქარა _ გომისმთაზე ასულთ არაერთი სამშენებლო მასალით დატვირთული მანქანა დაგვხვდა. გარდა ამისა, აქ მიმდინარე მშენებლობებს შორის, უკვე იციან, რომელს არ უნდა შეეხოს არავინ. მაგალითად, ერთ-ერთ ადგილზე, სადაც, დაახლოებით, 400 კვ.მ. ფართობზე ფუნდამენტის ჩასხმის სერიოზული სამუშაოებია დაწყებული, გვითხრეს, რომ ეს ერთ-ერთი მღვდლისაა, რომელიც იქით გვერდზე ცოლისძმას უშენებს სახლს, აქეთ _ ცოლისდას და კიდევ სხვა ახლობელსაც, მაგრამ როგორ ეტყვიან რაიმეს, უხერხულიაო. ახლახან, ოზურგეთის მუნიციპალიტეტის საკრებულოს სივრცითი მოწყობის და ინფრასტრუქტურის კომისიის სხდომაზე, კომისიის თავმჯდომარემ ლავრენტი ბიგვავამ წარმოადგინა რეკომენდაციების პროექტი, რომლითაც სააგარაკო სახლების იმ მშენებლებს, რომლებსაც კურორტზე სახლის 30 პროცენტი აქვთ აშენებული, არ შეუშლიან ხელს და ნებას დართავენ, გააგრძელონ მშენებლობა(?),დანარჩენებს კი _ არა... რაკი კურორტზე არსებული განუკითხავი ვითარების დასაძლევად, ბარიერი მისივე დღევანდელი სტატუსია, კომისიის წევრებმა უმწეობა გამოთქვეს დღევანდელი მდგომარეობის მოსაგვარებლად. კომისიის თავმჯდომარის ლავრენტი ბიგვავას მოსაზრება ასეთია: "აუცილებელია მუნიციპალიტეტის შესაბამისმა სამსახურებმა, არსებული მძიმე მდგომარეობის კანონის ჩარჩოებში მოქცევის მიზნით, კურორტის მიწათსარგებლობის გენერალური გეგმის და სხვა ნორმატიული აქტების მიღებამდე, დაგეგმოს და განახორციელოს ქმედითი ღონისძიებები, რომელიც არც სააგარაკო სახლების მეპატრონეებს დააზიანებს და არც კურორტის შემდგომ განვითარებას შეუშლის ხელს". ეს წინადადება ოფიციალურად კარგად ჟღერს, თუმცა, ეწინააღმდეგება 30%-იან შეღავათს, რომლის დადგენა რა მოსაზრებას ექვემდებარება, ბუნდოვანია. ასევე, ბუნდოვანია კომისიისა და უმრავლესობის ფრაქციის წევრების მიერ მიღებული გადაწყვეტილება _ შემუშავდეს სარეკომენდაციო წერილი, რომელიც სამხარეო ადმინისტრაციას და მუნიციპალიტეტის მერიას გადაეგზავნება. გაურკვეველია, რა უნდა დაადგინოს სამხარეო ადმინისტრაციამ და მუნიციპალიტეტის მერიამ _ როგორ დართავს ნებას მას, ვინც სახლის 30% ააშენა, ან როგორ შეუშლის ხელს, ვისაც მხოლოდ ახლად ჩაბეტონებული ბოძები აქვს და თუ ის სასულიერო პირი იქნება?! გომისმთაზე უკანონო მშენებლობის პროცესი, ჯერჯერობით, შეუქცევადია, რასაც ოზურგეთის მუნიციპალიტეტის საკრებულოს სივრცით-ტერიტორიული დაგეგმარების და ინფრასტრუქტურის კომისიის სხდომაზე განხილული საკითხი _"გომისმთაზე არსებული მდგომარეობა და მიღებული გადაწყვეტილება", ალბათ, ძნელად შეაჩერებს. "გურია ნიუსი" გომისმთაზე არსებული უკანონო მშენებლობების რთულ პროცესს აქტიურად ... ...
  • ფეშენებლური ვილების მიღმა _ რა ხდება შეკვეთილში და რა პრეტენზიები აქვს დამსვენებელს ხელისუფლებასთანშავი ზღვის ნაპირას, მდინარე ნატანების შესართავთან, ზღვის დონიდან 2 მეტრზე, ოზურგეთიდან 21 კილომეტრის დაშორებით მდებარე კურორტ შეკვეთილის ბუნებრივი სამკურნალო ფაქტორები _ ზღვისპირა ნოტიო სუბტროპიკული ჰავა, ზღვის წყალი და მაგნიტური ქვიშაა. როგორც მედიკოსები ამბობენ, ჰაერის, მზისა და ქვიშის აბაზანები გულსისხლძარღვთა, ნერვიული სისტემის ფუნქციური დაავადებებს, მეორად ანემიას, რაქიტს, პერიფერიულ ნერვულ სისტემისა და სახსრების დაავადებებს შველის. შესაბამისად, წლების განმავლობაში კურორტი დამსვენებელს არ უჩიოდა. ბოლო წლებში, შეკვეთილის სახელი საერთაშორისო საძიებო სისტემებშიც გამოჩნდა, რასაც ხელი"ციცინათელამ","მინიატურულმა საქართველომ","მუსიკოსების პარკმა","ბლექ სი არენამ" და სასტუმრო"პარაგრაფმა" მნიშვნელოვნად შეუწყვეს. თუ ინტერნეტმასალებს დაეყრდნობით, გაიგებთ, რომ შეკვეთილში დასვენებისა და გართობისთვის საუკეთესო პირობებია. თუმცა, ეს ყველაფერი ერთ ზოლში _ იქ, სადაც ფეშენებლური ვილები და გასართობი ობიექტებია. დანარჩენი უბნები ადგილობრივ ხელისუფლებას უყურადღებოდ აქვს მიტოვებული _ იქ არც გზაა, არც სანაგვე ურნები, არც დასასვენებელი ადგილები. უფრო მეტიც, იმ ადგილებში, სადაც უამრავი ტურისტი კარვებითა და მანქანებით მიდიან, ბალახის მოთიბვითაც კი არავინ იწუხებს თავს. ამ ადგილებში გზა ისეა დაზიანებული, რომ ძლიერ სიცხეშიც კი ტალახია... ტყეში, ეკალ-ბარდებთან ერთად უამრავი ნაგავი ყრია, რაც დამსვენებლების სამართლიან უკმაყოფილებას იწვევს: _ უნიკალური კურორტია ძალიან დიდი პოტენციალით, თუმცა, მის კეთილმოწყობაზე, როგორც ჩანს, შერჩევით ზრუნავენ _ მდიდარი ხალხის სახლებთან გზაცაა, განათებაც და სისუფთავეც. ის ადგილები კი, სადაც ჩვეულებრივი ადამიანები ყოველდღიურად დადიან, როგორც ჩანს, არავის ადარდებს, _ აღნიშნავენ დამსვენებლები. მოუწესრიგებელ კურორტზე ყურადღებას უცხოელი ტურისტებიც ამახვილებენ: _ არაჩვეულებრივი კურორტია _ კარგი ზღვა, ჰაერი, თუმცა, ძალიან მოუწესრიგებელი. საპიკნიკე ადგილები არ არსებობს, კარავსაც ვერ ვშლით ნორმალურად, რადგან ყველგან ტალახი და ეკლებია. არადა, ინტერნეტში სხვა რამ იძებნება, _ აღნიშნეს"გურია ნიუსთან" საუბრისას პოლონელმა ტურისტებმა. მათ მსგავსად ფიქრობენ სხვა ქვეყნებიდან ჩამოსული ტურისტებიც და ადგილობრივებიც: _ დასუფთავების მანქანა მხოლოდ მდიდრულ ვილებთან და ბიძინა ივანიშვილის სახლის მიმდებარე ტერიტორიაზე დადის. ალბათ, იმისთვის, რომ ივანიშვილს და ხელისუფლების სხვა წარმომადგენლებს, რომლებსაც შეკვეთილში ფეშენებლური კოტეჯები აქვთ, დაანახონ, თუ როგორ მუშაობენ. იმ მხარეს ასუფთავებენ, უვლიან და აქეთ, სადაც უამრავი ტურისტია და ჩვეულებრივი ადამიანები ყოველდღე მოდიან, არც კი იყურებიან. არაერთხელ ვთხოვეთ ოზურგეთის მერიას, რომ ეს ტერიტორიებიც დაესუფთავებინათ, გზა მოეწესრიგებინათ, ეკალ-ბარდები მოეჭრათ, თუმცა, უშედეგოდ. არადა, ხელისუფლებას რომ ჰკითხო, ტურიზმის განვითარება მათი პრიორიტეტია. ეს პრიორიტეტი როგორაა დალაგებული, თქვენც ხედავთ, _ გვიყვებიან შეკვეთილში ჩასულებს. იმის გასაგებად, თუ რატომ ასუფთავებენ მხოლოდ ერთ ნაწილს და რატომ არ ითვალისწინებენ ჩვეულებრივი ადამიანების თხოვნას, ოზურგეთის მერთან დაკავშირება ვცადეთ. თუმცა, კონსტანტინე შარაშენიძემ, ჩვეულებას არ უღალატა და "გურია ნიუსის" სატელეფონო ზარებს არ უპასუხა. გურიის გუბერნატორმა, ზურაბ ნასარაიამ თავდაპირველად გვითხრა, რომ შეკვეთილი ერთი კვირის წინ დასუფთავდა. თუმცა, მას შემდეგ, რაც ვუთხარით, რომ საპირისპირო სიტუაციის ამსახველი ფოტომასალა გაგვაჩნდა და რომ ის ადგილები, სადაც ფეშენებლური ვილები არ დგას (განსაკუთრებით ე. წ."კაპროვანი") ძალიან ცუდ მდგომარეობაშია, გვითხრა, რომ აუცილებლად გაარკვევდა: _ ზუსტად არ ვიცი, ლოკაციები სად დაასუფთავეს. ამიტომ, დავუძახებ დასუფთავების სამსახურს, გავერკვევი და შესაბამის მითითებებს მივცემ, _ აღნიშნა ... ...
  • ცხოველთა დაცვის ფედერაციის წარმომადგენელი: "გურულები ძაღლების მიმართ აგრესიულები ხართ!"მიუსაფარი ძაღლების საკითხი მწვავედ დგას ოზურგეთში _ აქ, უახლოეს თვეებში, გასულ წლებზე რომ არაფერი ვთქვათ, არაერთი მოქალაქე დაკბინა ქუჩაში მოხეტიალე ძაღლებმა, მათ შორის, ბავშვიც იყო. 16 აგვისტოს, ოზურგეთის აგრარულ ბაზარში მიუსაფარმა ძაღლმა მოქალაქე დაკბინა _ მელექედურელი მამაკაცს, რომელიც ბაზარში შევიდა, მოულოდნელად ძაღლი უკნიდან ეცა. როგორც თვითმხილველები ჰყვებიან, კაცი შემობრუნდა და მოგერიებას შეეცადა, თუმცა, დაეცა და ძაღლი ზემოდან მოექცა. კაცმა იმდენი მოახერხა, რომ ყელში წვდა და სახეზე კბენის საშუალება არ მისცა. ცხოველის მოგერიება ვერც ირგვლივ შემოხვეულმა ხალხმა მოახერხა და სამაშველო სამსახური გამოიძახეს. _ სამაშველო სამსახური გამოვიძახეთ, ისეთი ამბავი იყო. აგერ, ბაზარში მომუშავე ავთო ჩხაიძემ იმარჯვა და ძაღლი მოაშორა წაქცეულ კაცს. თუ აქაურობას არ მოაშორეს ეს ძაღლები, შეჭამს ვიღაცას და მერე მიხედავენ, ალბათ, _ ამბობს ბაზარში დასაქმებული აბელ ფრანგულაშვილი. ბაზარში მომუშავე ქალბატონის, მანანა ფერცულიანის თქმით, ისიც დაკბინა მიუსაფარმა ძაღლმა და დღემდე მკურნალობს. _ ამ ძაღლებს დღეში რამდენჯერ ვაჭმევ, არ ვიცი. მაინც მე დამკბინეს. რა უნდა ვქნა? ვინმემ თუ არ მოაგვარა ეს საკითხი, კარგად არ დასრულდება ამ ძაღლების პარპაში. ახლახან რომ ბავშვი დაკბინა, მთელმა ოზურგეთმა იცის, _ გვითხრა ქალბატონმა მანანამ. ბადრი ჭაფოძე, ბაზარში მომუშავე: "მეც მახსოვს ამ ძაღლების კბილი. ვის დატოვებენ ესენი, რომ არ უკბინონ? მანქანიდან გადმოვედი და მეცა უცებ. დაგელაპარაკება თუ რა? მიუსაფარი ძაღლებიაო, რომ იძახიან, მიუსაფარი ადამიანი დაკბინა, აგერ, აჩიკო ჭაფოძე _ არც სახლი აქვს, არც არავინ ჰყავს და იმას უპატრონონ. ძაღლიც ცოდოა და ადამიანიც. შეგვჭამონ მაშინ. გამოუშვან, რაც ძაღლებია, "ბირკის" დაბნევა შველის?!" ლილი დოლიძე, ბაზარში მომუშავე ქალბატონი: "საშინელებას ვუყურე! ბაზარში შესულ კაცს პირდაპირ ეცა, კაცი წაიქცა და ძაღლი ყელში წვდა. ვკიოდით. ისევ კაცმა იმარჯვა და არ მისცა საშუალება, სახეზე ეკბინა. სამაშველო სამსახურში დავრეკეთ... აქ თითქმის ყოველდღე ასეთი ამბავია. რაღაც ღონისძიება გაატარონ, სასწრაფოდ. ხალხს ვერ გაუვლია _ ყველგან ძაღლი დადის ან წევს..." დალი ქერქაძე, მაღაზიაში მომუშავე ქალბატონი: "ფეხით სიარულს ვინ დაეძებს, ველოსიპედით ვერ გაუვლიათ ღამით ადამიანებს. იკითხეს ამბავი? რომ დაწერთ, ვიღაცამ ხომ უნდა გაატაროს ღონისძიება? თუ საპროტესტო აქცია მოვაწყოთ მაინცდამაინც?" ოზურგეთის სერვისცენტრის უფროსმა თენგიზ ქუტიძემ "გურია ნიუსთან" თქვა, რომ ძაღლი, რომელმაც მოქალაქე დაკბინა იდენტიფიცირებულია და მალე გადაიყვანენ თავშესაფარში: _ ბაზარი კერძო ტერიტორიაა და თუ იქიდან ოპერატიულად მოგვმართავენ ასეთ დროს, ჩვენ რეაგიბას არ დავაყოვნებთ, _ გვითხრა ქუტიძემ. "გურია ნიუსი" ცხოველთა დაცვის ფედერაციის, გურია-აჭარის ზონის წარმომადგენელს, გულო ფუტკარაძეს დაუკავშირდა და შექმნილი მდგომარეობის შესახებ ესაუბრა. _ ძაღლი არავის კბენს, თუ არ უყვირე და დაარტყი. გურულები განსაკუთრებით აგრესიულები ხართ ძაღლების მიმართ (?!) მე ერთი თვის განმავლობაში დავდივარ მთელ გურიაში. ლიხაურის გადასახვევიდან ვიწყებ, ურეკსა და ნატანებში ჩავდივარ. ოზურგეთის ბაზარში ყვირიან ქალები, ძაღლები წაათრიეთო. ერთხელ არ მითხრა რომელიმემ, რა ცოდოაო. პირიქით, ოზურგეთში აწამებენ ძაღლებს (?!). რამდენს მე თვითონ მოვხსენი ყელზე თოკი. კისერში აქვთ წაჭერილი და ქუჩაშია გადმოგდებული, თითქოს, ის სულიერი არ იყოს. ყველას ფოტოები მაქვს. ვაგროვებ და გამოფენა უნდა გავაკეთო, ოზურგეთის რომელ სოფელში და რომელ ქუჩაზე ვნახე ეს ნაწამები ცხოველები. _ ქალბატონო გულიკო, ვინ სცემს ასე გააფთრებით, ან სად წერია, რომ გურულები არიან განსაკუთრებით აგრესიულები ძაღლების მიმართ? ბავშვი დაკბინა ამას წინათ და გიკვირთ, მშობელი რომ უკმაყოფილო იყოს? _ კი, ოზურგეთელები არიან ძალიან აგრესიულები. მე ეს ვნახე. მეოთხე კლასიდან ძაღლებს ვმფარველობ, ახლა პენსიონერი ვარ. ჩემთვის არ უკბენია ძაღლს. რაღა მანდ დაკბინა ყველა? მოფერება უნდა. სადაც მიჩვეულია, იქ უნდა იყოს და უნდა აჭამონ. კანონი იცავს და ძაღლს ვერსად წავიყვანთ. როგორც ვიცი, ოზურგეთში დაგეგმილია თავშესაფრის აშენება. მანამდე კი, თეატრის რეაბილიტაცია რომ დასრულდება, უნდა შეკრიბოთ მთელი მოსახლეობა და ტრენინგი ჩავუტაროთ, თუ როგორ უნდა მოუარონ ძაღლებს. _ გურულებს ძაღლების მოვლა ესწავლებათ? _ კი, კი, ნამდვილად... აგერ მოვიდა ჩემი "სერი", ასე ქვია. ... მოდი, მოდი, გენაცვალე. ქუჩაში ვიპოვე, 7 კილო თუ იქნებოდა, გატყავებული, გადაგდებული, დავბანე, ვუმკურნალე, ვაჭამე და ახლა უზარმაზარი ბომბორაა. მოდი, შემოგევლე, მოდი (ეტყობოდა, ძაღლს მიეფერა გურულებზე გაბრაზებული ქალბატონი გულიკო, რომელიც ვერანაირად ვერ დავარწმუნეთ, რომ ოზურგეთში ძაღლების ცემას მასობრივი ხასიათი არ აქვს და აგრესიული ხშირად თვით ეს მიუსაფარი ცხოველები არიან. ავტ.). ოზურგეთის მუნიციპალიტეტის მერიაში ამბობენ, რომ თავშესაფრის აშენება 2020 წლის იანვრისთვის იგეგმება, მანამდე კი უდიდესი ძალისხმევაა საჭირო, რომ მოქალაქეების დაკბენის ფაქტები აღარ ... ...
  • ერთი კილოგრამი თხილის ფასი ოთხი ლარი გახდა: "დაბრუნებული დიდება"გასული ერთი კვირის განმავლობაში, ოზურგეთში ერთი კილოგრამი თხილის ფასი ერთი ლარით გაიზარდა და ოთხი ლარი გახდა. ყველა აღნიშნავს, რომ წელს კი არა, მომავალ წლებშიც არ ელოდნენ თხილის ფასის მატებას, რადგან თხილის სიდამპლემ და მის მიერ მოყენებულმა ზარალმა ადამიანებს რწმენა ისე შეურყია, რომ ზოგან პლანტაციების აჩეხვაც დაიწყეს. თხილის მიღება, ჩვეულებრივ, კვლავ პრიმიტიული ფორმით ხდება _ ერთი საღი მარცვლის ღირებულება 40 თეთრია. ყოველი გატეხილი ათი ცალიდან, რამდენიც იქნება საღი, მომტანი იმდენ ორმოც თეთრს მიიღებს. ზოგან გაუტეხავადაც იბარებენ, რადგან თხილს ხარისხი ეტყობა და სიმძიმეც მოქმედებს. თუ გასულ წლებს გადავხედავთ, მხოლოდ 2005 წელს და მომდევნო პერიოდში, თხილის ფასი ასეთ ნიშნულზე, ივლისის ბოლოს და აგვისტოს დასაწყისში იყო. _ 2005 წელი ამ მხრივ გამორჩეული იყო და მაშინ ჩვენს სიხარულს საზღვარი არ ჰქონდა. ვფიქრობდით, ავშენდითო და ამ ყველაფერს ხელისუფლებაში მიხეილ სააკაშვილის მოსვლას ვუკავშირებდით. თუმცა, ორ წელიწადში თავდაღმა წავიდა თხილის ფასის საქმე. ბოლო სამი წელია კი, ამ ყველაფერს თხილის სიდამპლე მიემატა, თითქოს, დაბალი ფასი არ გვყოფნიდა და იქამდე მივიდა საქმე, ხალხმა თხილის აჩეხვაც კი გადაწყვიტა. თუმცა, ახლა უზომოდ გვიხარია _ მგონი, გვეშველება და თხილი ძველ დიდებას დაიბრუნებს. შიში მაინც გვაქვს, რადგან უცებ ვიღაც გამოხტება და ფასს დააგდებს. ამიტომ, ჟურნალისტები თუ იქნებით ფხიზლად და ასე ხშირად ჩამოივლით, იქნებ, ვერ დაგვჩაგრონ. უნდა მოგვეხმაროთ! _ გვეუბნებიან თხილის ჩასაბარებლად რიგში მდგომი მოქალაქეები: ჩოხატაურელი ნონა შათირიშვილი, ოზურგეთელები: მარგო ნინიძე, ვახტანგ ერქომაიშვილი და ხათუნა ცქვიტინიძე. თხილის სეზონზე, მიმღებ პუნქტებში ხშირად ამბობენ, რომ არ იციან, შეიცვლება თუ არა თხილის ფასი უარესობისკენ ან პირიქით. უმეტესად, საუბრობენ ქარხნების ამუშავების შესახებ, რაც, თუ გასული წლების პრაქტიკას გადავხედავთ, ფასზე უარყოფითად მოქმედებს. ამასთანავე, აგვისტოს დღესასწაულების და შემდეგ, მოახლოებული სასწავლო წლის დაწყებისას, ჩვეულებრივი ამბავია თხილის ფასის დაწევა, რაც არასდროს კონტროლდება, თუ ვის მიერ ხდება. _ ვერაფერს გეტყვით. მანამდე ჩააბარონ, ვიდრე დღესასწაულები დადგება. ნედლ თხილს რომ ასეთი ფასი აქვს, ურიგოა? ჩვენ არ ვქმნით ამ გარემოს, ფასების ზევით-ქვევით მონაცვლეობას არ ვაკონტროლებთ და არც არავინ გვეკითხება. უბრალო ადამიანები ვართ და ლუკმა-პურის ფულისთვის ვათენ-ვაღამებთ, _ გვეუბნებიან თხილის მიმღებ ჯიხურებში. ფასის მატების მიუხედავად, ხალხი მაინც უკმაყოფილოა იმის გამო, რომ თხილს სათითაოდ ტეხენ და ცალობით ითვლიან: _ კარგს და ცუდ თხილს ეტყობა, როგორი ხარისხიც აქვს. ესეც ხალხის საწვალებლად მოგონილი ხერხია და არ გვგონია, ხარისხს ზუსტად განსაზღვრავდეს, _ ამბობენ ისინი. რაც შეეხება თხილის გადამამუშავებელი ქარხნების ამუშავებას, ზოგიერთი უკვე ამოქმედდა. თხილის მიმღებ პუნქტებში გვითხრეს ისიც, რომ ქარხნებმა უკვე გააშრეს თხილი და წონაში სხვაობა დიდია. უვარგისიც ბევრია და შესაძლოა, ფასმა მოულოდნელადაც დაიწიოს. თუმცა, რიგითი მოქალაქეები ამ ყველაფერს მორიგ ფანდს უწოდებენ და როგორც წლების მანძილზე, ახლაც ითხოვენ განსაკუთრებულ რეგულაციას, რომელიც არც ერთ მხარეს _ არც გლეხს და არც მიმღებს არ დააზარალებს. 14 აგვისტოსთვის, ოზურგეთში, თხილის ფასმა 5-10 თეთრით დაიწია; ასევე, მოხდა, ფასების მინიმალური სხვაობით,"გულშიშველას" და"ბერძნულას" გაყოფა ერთმანეთისგან _ ერთი კილოგრამი"ბერძნულა", თუ გატეხილი ათი ცალიდან, ცხრა ან ათი საღია, ოთხი ლარი ღირს, ანუ ერთი ცალი 40 თეთრად ფასდება."გულშიშველას" ერთ ცალს 35 თეთრად ანგარიშობენ, ანუ ერთ კილოგრამში სამლარნახევარს იხდიან. თუ გატეხილი თხილის რაოდენობიდან საღი გული ნაკლებია, შესაბამისად, იკლებს ფასიც. ოზურგეთის ბაზარზე, ჯერჯერობით, თხილის ფასის გამოანგარიშების ეს მარტივი, პრაქტიკული და შესაძლოა, პრიმიტიული წესი დომინირებს. დღეისთვის, ოზურგეთში აქტიურად ვრცელდება ინფორმაცია, რომ მეზობელ რეგიონებში ერთი კილოგრამი თხილის ფასი 2-3 ლარით მეტია, რაც არანაირად არ დასტურდება"გურია ნიუსის" მიერ გადამოწმებული ინფორმაციით. შედარებით მეტი ფასი აქვს სამეგრელოში, კონკრეტულად, ზუგდიდში, რაც წლების განმავლობაში ასე ხდება. _ ოზურგეთში, რომ შეხვიდე სხვადასხვა მაღაზიაში, შაქარი 10-15 თეთრით, ზოგან მეტი ღირს, ზოგან _ ნაკლები. თავისუფალი საბაზრო ეკონომიკის პირობებს დღევანდელ კონიუნქტურაში, ჯერჯერობით, ვერაფერი ცვლის. თუმცა, ორი ან სამი ლარით მეტი იყოს თხილის ფასი რომელიმე რეგიონში, მტკნარი ტყუილია, ჩვენზე უკეთ ეს არავინ იცის, _ გვეუბნებიან თხილის მიმღებ ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...