რას სთხოვს ზოოპარკის დირექტორი საზოგადოებას

მთავარი თემა

რას სთხოვს ზოოპარკის დირექტორი საზოგადოებას

2015 ივნ 26 20:40:14

თბილისში, სტიქიის შემდეგ განვითარებულმა მოვლენებმა არა მარტო საქართველოს, მსოფლიოს მედიის ყურადღება მიიპყრო. ჯერ კიდევ ინტენსიური სამუშაოები მიმდინარეობს სტიქიის ზონებიდან ნარჩენების და ნაგვის გასატანად. სამ დაკარგულ ადამიანს ამ დრომდე ეძებენ. რაც შეეხება ცხოველებს, ერთი ვეფხვი კვლავ იძებნება, აფთრის ლეში კი, რამდენიმე დღის წინ ზოოპარკის ტერიტორიაზე იპოვეს.

ჰქონდა თუ არა ინფორმაცია ზოოპარკის ადმინისტრაციას  დაკარგული და დახოცილი ცხოველების შესახებ, რამ გამოიწვია უბედური შემთხვევა, რამაც მამაკაცის სიცოცხლე იმსხვერპლა, რა მდგომარეობაა ახლა ზოოპარკში,  -  ამ და სხვა საკითხებზე "გურია ნიუსი" ზოოპარკის დირექტორს, ზურაბ გურიელიძეს ესაუბრა:

_ სტიქიის შემდეგ მომხდართან დაკავშირებით გამოძიება დაიწყო. რა ეტაპზეა გამოძიება და რამდენჯერ დაგკითხათ სამართალდამცავებმა?

_ მხოლოდ ერთხელ დამკითხა პროკურატურამ, მას შემდეგ მე აღარავის შევუწუხებივარ. თანამშრომლებთან გასაუბრება მიმდინარეობდა და რამდენიმე დღის წინ აქაც იყვნენ პროკურატურიდან მოსულები. იმედია, ყველაფერი გაირკვევა უშუალოდ პროკურატურის მიერ.

_ იღებდა თუ არა ზოოპარკი  მონაწილეობას იმ ცხოველების აღწერაში, რომელიც დახოცილები იპოვეს ან დახოცეს?

_ ზოოპარკი ნაწილობრივ ამას აკეთებდა, მაგრამ ძალიან დიდი რაოდენობით  ინფორმაცია ჩვენ სხვადასხვა წყაროების საშუალებით მოვიპოვეთ. როგორიც  იყო ტელევიზიის მიერ გადაღებული კადრები, სხვების მოწოდებული ინფორმაცია და ა.შ. სამწუხაროდ, არ გვქონდა საშუალება, რომ ყველა ცხოველი გადაგვემოწმებინა, რამაც გამოიწვია შეცდომა.

_ არც იმ ცხოველებზე გქონდათ ინფორმცია რომლებიც ზოოპარკის გარეთ იყვნენ?

_ აქაც იყო გარკვეული პრობლემები. ის ვეფხვიც, რომელმაც ადამიანი იმსხვერპლა მოკლულ ცხოველებში იყო მითვლილი. არ მინდა გავუსწრო წინ მოვლენებს. როგორც იცით, გამოძიება მიმდინარეობს და ყველაფერი ცხადი გახდება.

_ საზოგადოების გაღიზიანება გამოიწვია იმანაც, რომ ზოოპარკმა არ გამოაქვეყნა იმ ცხოველების სია, რომელიც სტიქიამდე გყავდათ. რატომ არ გამოქვეყნდა ეს ინფორმაცია და რა გიშლიდათ ხელს?

_ ამ სიტუაციაში ნამდვილად არ ვფიქრობდით, რომ ასეთი სიის გამოქვეყნება საჩქარო იყო. ეს სია გვაქვს და რამდენიმე დღის წინ გამოვაქვეყნეთ კიდეც. ასევე არსებობს ორგანიზაცია International Species Informacion System ( ISIS)  და პროგრამა ZIMS-ი, სადაც ეს მონაცემებია ატვირთული. ამ პროგრამაზე ყველა გაწევრიანებულ ზოოპარკს აქვს წვდომა.

_მხოლოდ ზოოპარკებს? ჩვეულებრივ მოქალაქეს შეუძლია ნახოს ეს მონაცემები?

_ ჩვეულებრივ მოქალაქეს შეუძლია გაწევრიანდეს, მიიღებს პროგრამაში შესასვლელ კოდს და ნახავს მონაცემებს. სტიქიის შემდეგ აღარც კომპიუტერები გვქონდა არც არაფერი, რომ გვენახა ეს ინფორმაცია და ჩამოგვეტვირთა.  მართალი გითხრათ, არც ვიცი, რატომ მიენიჭა ასეთი ყურადღება არსებული ცხოველების ნუსხას, თორემ ამას ყოველდღე გამოვაქვეყნებდით. ყველა ეს ინფორმაცია გადაცემულია ხელისუფლებისთვისაც. 

რაც ზოოპარკში გვყავდა, ეს ცხოველები ისედაც გარკვეული იყო. ერთადერთი ვარკვევდით, დაღუპული ცხოველების რაოდენობას. ამიტომ პირველ რიგში ამ ინფორმაციის შეგროვებას  ვცდილობდით. ამასთანავე, გასათვალისწინებელია ისიც, რომ ძალიან დატვირთულები ვიყავით.  თითქმის მთელ საქართველოში გვიწევდა  გადაადგილება და არც იყო იმის შესაძლებლობა რომ ეს  ინფორმაცია აგვეტვირტთა. თუმცა, როგორც ჩანს, ეს ადრე უნდა გაგვეკეთებინა, რამაც  მითქმა-მოთქმა გამოიწვია.

_ ეხმარებით თუ არა სამძებრო სამუაოებში ხელისუფლებას?

_ ვმუშაობთ ხელისუფლებასთან ერთად. თითქმის ყველა იმ ადგილზე ვიყავით გასული, საიდანაც ინფორმაცია შემოდიოდა, რომ ცხოველი ნახეს. ყველა ინფორმაცია, რომელიც საეჭვო იყო ჩვენს მიერაც იქნა გადამოწმებული. საეჭვოში ვგულისხმობ ინფორმაციას, რომლის მიხედვითაც ან ცხოველის კვალი ან ლეში იყო ნაპოვნი. თუმცა, სამწუხაროდ, არცერთი მათგანი არ დადასტურდა.

_ ამ ეტაპისთვის მხოლოდ ერთ ვეფხვს ვეძებთ?

_ დიახ, მხოლოდ ერთი ვეფხვი იძებნება; უსურიის, მუქი წითელი.

_ რა ნაწილია ზოოპარკის გასასუფთავებელი და რამდენად მაღალია ალბათობა, რომ ვეფხვიც ამ ტერიტორიაზე იპოვოთ?

_ ჯერ კიდევ  არ არის ვოლიერების ნაწილი გახსნილი. საკმაოდ დიდი ნაწილია ტერიტორიის გასასუფთავებელი. ძალიან ინტენსიურად მიდის მუშაობა, თუმცა რამდენი ხანი დაჭირდება გასუფთავებას, არ ვიცი. კატასტროფული მდგომარეობაა. რაც შეეხება ალბათობას, რომ ვეფხვი შეიძლება ამ ტერიტორიაზე იყოს, არის, თუმცა, რამდენად მაღალია ეს ალბათობა, რთული სათქმელია.  ცხოველი იმყოფებოდა ღია გალიაში, რაც სტანდარტზე უფრო მაღალი დამცავობით ხასიათდებოდა. ძალიან ბევრ  ქვეყანაში ასეთი ცხოველები მხოლოდ ელექტრო ღობის შიგნით იმყოფებიან. ჩვენ კი გვქონდა სტანდარტების შესაბამისი და კიდევ უფრო მაღალი გისოსები, რომელზეც სხვათაშორის ძალიან ბევრი გვედავებოდა, რატომ იყო ამდენად მაღალი და არა ჩვეულებრივი. სანდიაგოს  ზოოპარკში, სადაც ვოლიერები არ არის მხოლოდ ელექტრო ღობეებია. ჩვენთან ეს ცოტა რთული გასაკეთებელი იყო ტექნიკური  თვალსაზრისით, ამიტომ გვქონდა გისოსები. თუმცა,  ამ ხნის განმავლობაში, რაც ჩვენ აქ ვართ, არცერთი ცხოველი ზოოპარკის ტერიტორიიდან არ გასულა, სანამ არ გაივსო წყლით ეს ტერიტორია და მინიმუმ 15 მეტრის სიღრმის  წყალი არ დადგა, რომელსაც ვერავინ წარმოიდგენდა. ასე რომ, ეს იყო აბსოლუტური მოულოდნელობა, სტიქია, რაც ჩემი ბრალი არ არის.

გარდა ამისა, ვოლიერს ჰქონდა კიდევ ერთი დამცავი, გისოსის თავი იყო გადმოკეცილი იმდენად, რომ ცხოველს მისგან თავი ვერ დაეღწია. ვეფხვისთვის ეს უარყოფითი დახრილობაა და ის ვერ შეძლებს, აქედან ამოძრომას; გარდა ამისა, იყო სპეციალური ელექტროსადენი, რომელშიც 10 ათასი ვოლტის სიმძლავრის ელექტროენერგია გადიოდა. ეს გადაულახავი წინააღმდეგობაა ცხოველისთვის, მაგრამ წყალი რომ დადგა ზოოპარკში და დენი გაითიშა, ცხოველებმა ვოლიერის ზემოდან წყლის ნაკადზე გადასვლა შეძლეს.

_ ზოოპარკის ამ ტერიტორიაზე  აღდგენა შესაძლებელია?

_ აქ აღდგენას აზრი არ აქვს. თავიდან უნდა აშენდეს, ამიტომ არა მგონია, ზოოპარკი ისევ აქ დარჩეს. საბოლოოდ ეს ჩემი გადასაწყვეტი არ არის, მაგრამ დღევანდელი ხელისუფლების პოზიციაა, რომ თბილისის ზღვის ტერიტორიაზე აშენდეს ახალი ზოოპარკი, სადაც გაცილებით უფრო კარგი პირობებია. მინდა გავახსენო საზოგადოებას, რომ ძალიან დიდი აჟიოტაჟი იყო, როდესაც ზოოპარკის გადატანაზე დაიწყო საუბარი რამდენიმე წლის წინ. ძალიან ბევრი ე.წ. ექსპერტი გამოჩნდა მაშინ, რომლებიც ამბობდნენ, რომ ეს იდეალური ტერიტორია იყო ზოოპარკისთვის და თბილისის ზღვაზე გადატანა არ შეიძლებოდა. მაშინაც ვამტკიცებდი და ახლაც ვამბობ, რომ ეს არ იყო ზოოპარკისთვის შესაბამისი ადგილი.

არის იმის საშუალება, რომ ცხოველები რომლებიც ახლა ზოოპარკის ტერიტორიაზე არიან უკვე გადაიყვანოთ თბილისის ზღვის ტერიტორიაზე?

_ არა, იქ ჯერჯერობით ვოლიერები არ არის. სასწრაფო სამუშაო გვაქვს, რომ ის ვოლიერები ავაშენოთ. საზოგადოების ფუნქციაც ის არის, რომ დაგვეხმარონ, რომ იქ ავაშენოთ ვოლიერები და იქ გადავიყვანოთ ცხოველები და არა ხელი შეგვიშალონ მუშაობაში. დარწმუნებული ვარ, რომ საზოგადოების დიდი ნაწილი ჩვენს მხარეს არის.

_ გავრცელდა ინფორმაცია, რომ ზოოპარკის თანამშრომლები, რომლებიც სტიქიისას დაიღუპნენ, არა წყალდიდობით, არამედ ცხოველების მიერ მიყენებული დაზიანებებით გარდაიცვალნენ...

_ ეს ინფორმაცია ტყუილია. არცერთი მათგანი დაზიანებული არ იყო ცხოველისგან, დაიხრჩვნენ. მათ შესაბამისი ექსპერტიზაც ჩაუტარდათ. ძალიან ადვილი გადასამოწმებელია, ეს რომ გადაამოწმოთ, სიცრუის მთელი ჯაჭვი ცხადიბ გახდება. ტყუილია ის ინფორმაციაც, რომ  თითქოს ისინი ცდილობდნენ ვოლიერები გაეღოთ ცხოველებისთვის. ფიზიკურად შეუძლებელი იყო ამის გაკეთება ასეთ ხანმოკლე დროში, როდესაც წყალი წამებში იმატებდა. იქ ფეხზე გაჩერებაც შეუძლებელი იყო, არათუ შენობის ბოლოში გასვლა, გასაღებების აღება და შემდეგ ცხოველებისთვის ვოლიერების გახსნა. ვოლიერები საკმაოდ რთული გასაღებია. ეს არ არის ჩვეულებრივი კარები. ამას ფიზიკურად ვერ შეძლებდნენ, არც მათ უცდიათ ეს. თუმცა, ისიც უნდა ითქვას, რომ ზოოპარკის თანამშრომლის ვალდებულება სწორედ ცხოველებზე ზრუნვაა... მტაცებელ ცხოველს ვერანაირად ვერ გადაარჩენ. ის დაგლიჯავს იმას, ვინც კარებს გაუღებს. როცა მშვიდ მდგომარეობაში არიან და ვეფერებით, მაშინაც სახიფათოები არიან. სწორედ დისტანციის დარღვევის გამო დაზიანდა ქალბატონი გულიკო. ცალხელა ქალი, რომელიც ახალი გამოსული იყო საავადმყოფოდან, როგორ შეძლებდა გალიების გაღებას. ერთი მამაკაცი 72 წლის იყო, ძლივს დალასლასებდა, ჯანმრთელიც არ იყო, ყოველდღე სასწრაფო აკითხავდა, როგორ შეძლებდნენ ამის გაკეთებას? რა უნდა ვუწოდო  იმ ადამიანებს, რომლებიც ასეთ ცრუ ინფორმაციებს ავრცელებენ, არ ვიცი, აღმაშფოთებელია...

_ როდის ექნებათ ბავშვებს ზოოპარკი?

_ არ ვიცი... მივიღეთ უამრავი შემოთავაზება, არა მარტო ზოოპარკებისგან, სხვადასხვა პიროვნებებისგანაც, რომ ცხოველებით მოგვამარაგებდნენ. მაგრამ ჩვენ EAZA-ს წევრობის კანდიდატები ვართ, რომელიც ზოოპარკების კურატორი ერთ-ერთი ძლიერი ორგანიზაციაა. გარდა ამისა, მას აქვს  მსოფლიოში ერთ-ერთი ყველაზე დიდი კოლექცია. ჩვენ არ ვაპირებთ არცერთი ცხოველის მიღებას, EAZA-ს თანხმობის გარეშე. ცხოველებს მხოლოდ EAZA-ს სივრციდან მივიღებთ.




 ახალი ამბები
  • "შეუძლებელია რაიმე პროგნოზის გაკეთება" _ ეკონომისტი ლარის გაუფასურების მიზეზებზესაქართველოს ეროვნული ვალუტის კურსი რამდენიმე წელია, რაც პერიოდულად იცვლება, დღეს კი ის 3 თეთრით გაუფასურდა. აღნიშნულ ცვლილებას ფინანსთა მინისტრი საგარეო ფაქტორს უკავშირებს, პარლამენტის თავმჯდომარის თქმით კი ლარის კურსის სტაბილიზაცია აუცილებლად მოხდება, თუმცა, ეროვნული ბანკისა და მთავრობისგან ლარის გაუფასურების შესახებ დამატებითი ინფორმაციის მიღებაა საჭირო. რით არის განპირობებული ლარის კურსის დაცემა _ ამ კითხვით "გურია ნიუსმა" ეკონომისტ აკაკი ცომაიას მიმართა. ეკონომისტის თქმით, ლარის კურსის დაცემის მიზეზები კომპლექსურია, იმ პროგნოზის გაკეთება კი თუ რა შეიძლება მოხდეს ვალუტის კურსთან მიმართებაში ხვალ, ზეგ ანდა მაზეგ შეუძლებელია, რადგან გავლენას უამრავი ფაქტორი ახდენს და რომელი ფაქტორი გადაწონის არავინ არ იცის, შესაბამისად, შეუძლებელია რაიმე პროგნოზის გაკეთება. უცხოური ინვესტიციების შემცირება, ეროვნული ბანკის მიმართ უნდობლობა, ეკონომიკური ზრდის დაბალი ტემპი_ ეს ის მიზეზებია, რასაც ეკონომისტი ლარის კურსის ვარდნის მიზეზად ასახელებს. "გაუფასურების მიზეზი კომპლექსურია. ერთ-ერთი არის, ის რომ უცხოური პირდაპირი ინვესტიციები პერმანენტულად მცირდება და ბუნებრივია, რომ ეს გავლენას მოახდენს ლარის კურსზე. უცხოური ინვესტიციების შემცირება ეკონომიკური მდგომარეობის დიაგნოზია. ინვესტორები ქვეყნიდან გადიან, ახალი ინვესტორები არ შემოდიან და ქვეყანა საინვესტიციო მიმზიდველობის თვალსაზრისით არ არის მნიშვნელოვანი. ეს ფაქტორები იწვევს ინვესტიციების შემცირებას",_ამბობს ცომაია. მისივე თქმით, მთავარ პრობლემას წარმოადგენს ლარისა და ეროვნული ბანკის მიმართ უნდობლობა. "მთავარი პრობლემა, რაც ლართან არის დაკავშირებული არის ლარის მიმართ უნდობლობა, უნდობლობა ეროვნული ბანკის მიმართ, ამდენად ლარს ჩვენ,  ადამიანები ვიყენებთ იმდენად, რამდენადაც გვჭირდება კონკრეტული ტრანზაქციების, გარიგებების გასახორციელებლად, საქონლისა და მომსახურების შესასყიდად, სხვა ყველა დანარჩენ შემთხვევაში ვცდილობთ, რომ ლარი მოვიშოროთ, ანუ შევინახოთ უფრო მყარ აქტივში, ვთქვათ, ამერიკულ დოლარში. შესაბამისად, შემოსავლის ნაწილი, რომელიც უნდა აისახოს დანაზოგებში ხდება უცხოურ ვალუტაში, რაც აუფასურებს ლარს", _ ამბობს ცომაია. ეკონომისტი ასევე აღნიშნავს, რომ ლარის კურსის დაცემა შესაძლებელია არჩევნებსაც უკავშირდებოდეს და ასევე უცხოურ ვალუტაში სესხების გაცემის შემცირებასაც. "არჩევნებზე დახარჯული ფულის შემდგომი შედეგები შესაძლოა იყოს ამასთანაც დაკავშირებული. ასევე გარკვეულწილად უცხოურ ვალუტაში სესხების გაცემის შეზღუდვამ გარკვეული ზეგავლენა მოახდინა ლარის კურსზე, იმიტომ რომ თუ ადრე უცხოურ ვალუტაში ფინანსდებოდა მომსახურება იმპორტულ საქონელზე დღეს, მიუხედავად იმისა, რომ სესხები შემცირებულია ადგილობრივ ვალუტაში დაფინანსებული სესხებით ხდება იმპორტის შესყიდვა, რაც ბუნებრივია, რომ გეუბნება იმას რომ შესაბამისად ვერ მოხდება ამ იმპორტის შესყიდვა და ლარი უნდა გაუფასურდეს. ასევე ეკონომიკური ზრდის ტემპი არის დაბალი და ჩვენი შემოსავალი არ გვაძლევს შესაძლებლობას, რომ ვიყიდოთ იმ რაოდენობის იმპორტი რა რაოდენობითაც ხორციელდება არსებულ მომენტში",_ამბობს ... ...
  • საქართველოს ბანკის მხარდაჭერით ქართველებმა ღვინის საერთაშორისო ფესტივალში მიიღეს მონაწილეობა (R)საქართველოს ბანკი მცირე და საშუალო ბიზნესის განვითარების მხარდაჭერას განაგრძობს არა მხოლოდ საქართველოში, არამედ მის საზღვრებს გარეთაც. ბანკის ფინანსური მხარდაჭერით ქართველმა მეღვინეებმა საფრანგეთში, ქალაქ ბორდოში, ღვინის საერთაშორისო ფესტივალში „Vinexpo Bordeaux 2019“-ში მიიღეს მონაწილეობა. ღვინის მწარმოებელმა კომპანიებმა ქართული პროდუქტი წარადგინეს და მსოფლიოს სხვადასხვა კუთხიდან შეკრებილ სტუმრებს ქართული ღვინო დააგემოვნებინეს. 4-დღიანი შეხვედრების განმავლობაში ქართველ მეღვინეებს ჰქონდათ საქმიანი შეხვედრების, ახალი აღმოჩენებისა და ბიზნესკავშირების დამყარების შესაძლებლობა. „საქართველოს ბანკის მიზანია, მხარი დაუჭიროს მცირე და საშუალო ბიზნესს შემდგომ განვითარებაში და პროდუქციის საზღვრებს გარეთ, საერთაშორისო არენაზე გატანაში. გვინდა, ხელი შევუწყოთ მათ სექტორის ძირითად მოთამაშეებთან ახალი კავშირების, პოტენციური პარტნიორების მოძიებაში. Vinexpo Bordeaux 2019-ი არის ძალიან კარგი შესაძლებლობა, ქართულ ღვინოსთან ერთად, საქართველო გავაცნოთ მთელ მსოფლიოს. მოხარული ვართ, რომ ჩვენ ვქმნით ახალ შესაძლებლობებს არა მხოლოდ ბიზნესისთვის, არამედ ქვეყნისთვისაც“,- განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, ზურაბ მასურაშვილმა. ფესტივალი Vinexpo Bordeaux არის საერთაშორისო არენა, რომელიც განკუთვნილია მხოლოდ მეღვინეებისა და ალკოჰოლური სასმელების სპეციალისტებისთვის. ღონისძიებაზე ოთხი დღის განმავლობაში გაიმართა დეგუსტაციები, ვორქშოპები, კონფერენციები ისეთ თემებზე, როგორიცაა: ღვინის სექტორში ინვესტიციების ზრდის პერსპექტივები, ელექტრონული კომერცია ღვინის გაყიდვების გასაზრდელად, კლიმატის ცვლილებების გავლენა ღვინის ინდუსტრიაზე. ღონისძიებას ესწრებოდა 2000 ბრენდის წარმომადგენელი, 150 ქვეყნის 40 000 მონაწილე, 850 საერთაშორისო ჟურნალისტი. კონფერენციის განმავლობაში 45 სამუშაო შეხვედრა და დეგუსტაცია გაიმართა. მათ შორის „ჭოტიაშვილის მარნის“, „ფაფრის ველის“, „ველინოსა“ და „თელავის მარნის“ ღვინოების დეგუსტაცია. (R)   ... ...
  • "ნიკა მელია ჭკუაში ჩაჯდა, დანარჩენები ისევ იქ არიან, სადაც იყვნენ" _ ქანთარიააზრი გამიჩნდა, რომ ნიკა მელია ჭკუაში ჩაჯდა, პროცესებს საღად და რეალურად უყურებს, _ ამის შესახებ ჟურნალისტებს საპარლამენტო უმრავლესობის წევრმა, ნუკრი ქანთარიამ განუცხადა, რომელიც „ნაციონალურ მოძრაობაში“ მიმდინარე პროცესებს გამოეხმაურა. ქანთარიას თქმით, დანარჩენები ისევ იქ არიან, სადაც იყვნენ და ფლორიდიდან გარკვეულ გზავნილებს ელოდებიან. „ალბათ ზოგიერთი გამოფხიზლდა, კაცი, ოკეანის პირას ირუჯება, მე კანონი აქ უნდა დავარღვიო, ციხეში მოვხვდე, თავი გავიტეხო და ეგრე როგორ არისო?! მგონი, საღი აზრი იმარჯვებს“, – განაცხადა ნუკრი ... ...
  • ლიბერთის ახალი სოციალური პროექტი "რესტარტი" დაიწყო (R)ლიბერთისა და Impact Hub Tbilisi-ის ერთობლივი პროექტი   სპეციალურად 60 წლის ზემოთ ასაკის ქალბატონებისთვის შეიქმნა და  უფასო ბიზნესტრენინგის კურსზე დასწრებას ითვალისწინებს. კულინარიით გატაცებულ  15 ქალს, Impact Hub Tbilisi უმასპინძლებს.  მონაწილეები   7 კვირის მანძილზე გადამზადებას  და სამეწარმეო უნარ-ჩვევების განვითარებას შეძლებენ. ცნობილი შეფ-მზარეულები, წარმატებული კულინარული ბიზნესის მფლობელები და გამოცდილი მარკეტოლოგები კურსის მონაწილეებს  გაუზიარებენ საკუთარ გამოცდილებას და ასწავლიან ყველაფერს, დაწყებული საკუთარი ბიზნესისა და პროდუქტის  შეფუთვიდან მომხმარებელთან კომუნიკაციამდე. ტრენინგის დასრულების შემდეგ პროექტის მონაწილეებს  თანამედროვე ბაზრისთვის საჭირო პრაქტიკული უნარ-ჩვევები დაეხმარებათ  დამოუკიდებლად წამოიწყონ ან ... ...
  • ლიბერთი ევროპის ახალგაზრდული პარლამენტის (EYP) მხარდამჭერია (R)24-27 მაისს ლიბერთის მხარდაჭერით ზუგდიდში ევროპის ახალგაზრდული პარლამენტის რეგიონული შესარჩევი კონფერენცია გაიმართება. 100-ზე მეტი მონაწილე ახალგაზრდა, საგანგებოდ შერჩეულ აქტუალურ თემას დაამუშავებენ და საქართველოდან გენერალურ ასამბლეაზე  ერთობლივ რეზოლუციას წარადგენენ.,,მომავალი თაობის განათლების ხელშეწყობა და ზოგადად საზოგადოებრივ პროცესებში მათი ინტეგრირება, ლიბერთის ახალი სტრატეგიის ერთერთ პრიორიტეტს წარმოადგენს. ვიმედოვნებთ,  აღნიშნული კონფერენცია მონაწილეებს  საშუალებას მისცემს განავითარონ კარიერისთვის აუცილებელი უნარჩვევები, გაიღრმავონ ცოდნა და აქტიურად ჩაერთონ მოხალისეობრივ აქტივობებში, არა მხოლოდ საქართველოში, არამედ მთელი ევროპის მასშტაბით. ლიბერთი მომავალშიც არაერთ საინტერესო პროექტში ჩაერთვება. ამ პროექტში ჩართულობით კი ჩვენ მხარს ვუჭერთ  თბილისსა და რეგიონებში მცხოვრებ ახალგაზრდებში ევროპული ფასეულობების გაღრმავებას. ‘’ - განაცხადა ლიბერთის გენერალური დირექტორის მოადგილემ ლევან თხელიძემ. „ევროპის ახალგაზრდული პარლამენტი - ე.ა.პ “(European Youth Parliament - EYP) არის საერთაშორისო ორგანიზაციათა ქსელი, რომლის  მიზანს ახალგაზრდებში დამოუკიდებელი სოციალურ–პოლიტიკური აზროვნების დახვეწა, ევროპული ღირებულებების გავრცელება, კრიტიკული აზროვნებისა და დებატების უნარჩვევების ჩამოყალიბება წარმოადგენს. ორგანიზაცია ევროპის საბჭოს გენერალური მდივნის პატრონაჟით მოქმედებს და მის პროექტებში 16-დან 24 წლამდე ახალგაზრდები არიან ჩართულები. ორგანიზაციის წარმომადგენლობა  ევროკავშირსა და მის პარტნიორ 40 ქვეყანაში, მათ შორის საქართველოშიც საქმიანობს. ევროპის ახალგაზრდული პარლამენტი - საქართველო (ე.ა.პ - საქართველო, EYP Georgia) ამ ქსელს ოფიციალურად 2008 წლიდან ... ...

არქივი

ზაფრანი

ტვინის დაბერებისგან ვაშლი დაგიცავთ

ცოტა ხნის წინ ამერიკელმა მეცნიერებმა...

მტრედებზე ნადირობა რომაელებმა მოიგონეს

მტრედების ხოცვა შეძლებული ადამიანების ყველაზე...

კარნავალი ძაღლებისთვის

ცოტა ხნის წინ ჭკუამხიარულმა ბრაზილიელებმა...

რომელია მსოფლიოში უდიდესი ალმასი

ცოტა ხნის წინ გავრცელდა ინფორმაცია,...

ჩვენი ბებიების სასარგებლო რჩევები

ჩვენი ბებიებიც ხომ ქალები იყვნენ?!...

სალათის ფურცლების სასარგებლო თვისებები

ადამიანის ორგანიზმს სრულყოფილი განვითარებისა და...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...