გამგებლის "უწყვეტი მომარაგება" და ჩოხატაურელების სამძიმარი გარდაცვლილის ახლობლებს

მთავარი თემა

გამგებლის "უწყვეტი მომარაგება" და ჩოხატაურელების სამძიმარი გარდაცვლილის ახლობლებს

2015 აგვ 6 14:19:44

"ჩოხატაურის მცხოვრებლები ღრმა მწუხარებით იუწყებიან წყლის გარდაცვალებას და თანაუგრძნობენ გარდაცვლილის ახლობლებს, უწყლოდ დარჩენილ ონკანებს, აბაზანებს, უნიტაზებს და მიწაში ღრმად დამარხულ გამომშრალ მილებს. ის მათ და ჩვენც მუდმივად გვემახსოვრება ზაფხულის აუტანელ სულის მხუთავ ცხელ დღეებში," _ ეს სტატუსი ჩოხატაურელმა ზვიად ბენდელიანმა ფეისბუქის საკუთარ გვერდზე გამოაქვეყნა.

ჩოხატაურის წყალმომარაგება დიდი ხანია, პრობლემაა. "გურია ნიუსმა" ამ თემაზე რამდენიმე ჟურნალისტური გამოძიებაც მოამზადა და მკითხველს უწყლობისთვის უმოწყალოდ დახარჯულ მილიონებზე დეტალურად უამბო.

"ნაციონალური მოძრაობის" დროს, როგორ ცენტრალური, ასევე, ადგილობრივი ხელისუფლება, 2013 წლის ბოლოს 24-საათიან უწყვეტ წყალმომარაგებას გვპირდებოდა. ამას ის ბანერიც მოწმობს, რომელიც ჩოხატაურის ცენტრში დღემდეა განთავსებული და როგორც გურულები ამბობენ, სირცხვილისგან ჟანგიც კი მოეკიდა.

"დაბა ჩოხატაურში წყალმომარაგებისა და კანალიზაციის სისტემის რეაბილიტაციის მესამე ეტაპი დაიწყო, რომლის დასრულების შემდეგაც, ჩოხატაურის მოსახლეობა სუფთა და ხარისხიან წყალს უწყვეტ, 24-საათიან რეჟიმში მიიღებს. სამუშაოებს ევროპის საინვესტიციო ბანკის დაფინანსებით, რეგიონული განვითარებისა და ინფრასტრუქტურის სამინისტრო განახორციელებს. პროექტის ღირებულება 3 მილიონი ლარია და სამუშაოებზე პირდაპირ და ირიბად, 150 ადამიანი დასაქმდა, რომელთა უმრავლესობა ადგილობრივი მცხოვრებია.

სარეაბილიტაციო სამუშაოების დაწყებამდე, ჩოხატაურის მუნიციპალიტეტს წყალმომარაგების სერიოზული პრობლემა ჰქონდა. მოსახლეობას წყალი ათწლეულების მანძილზე არასტაბილური გრაფიკით კვირაში რამდენიმე საათით მიეწოდებოდა. სამუშაოების მეორე ეტაპის დასრულების შემდეგ, გრაფიკი სტაბილური გახდა და ამჟამად, ჩოხატაურს წყალი ყოველდღიურად 6-10 საათის განმავლობაში მიეწოდება. მესამე ეტაპის დასრულების შემდეგ, ჩოხატაური 24-საათიან წყალმომარაგებაზე გადავა.

ჩოხატაურის წყალმომარაგებისა და კანალიზაციის სისტემის სარეაბილიტაციო სამუშაოების პირველ ეტაპზე მოეწყო წყლის სათავე ნაგებობა, გაკეთდა წყალსადენი მილების მაგისტრალური ქსელი. მოეწყო საქლორატორო, დამონტაჟდა წყალსადენი ჭები. სამუშაოების მეორე ეტაპზე აშენდა 2 000 კუბურ მეტრიანი წყლის რეზერვუარი და მოეწყო საქლორატორო. ასევე, ჩატარდა ქუჩების დაქსელვითი სამუშაოები. სამუშაოების მესამე ეტაპზე მოეწყობა საფილტრი ნაგებობა, დამონტაჟდება 2 ახალი ტუმბო-დანადგარი, მდინარე გუბაზეულზე აშენდება წყლის მიმღები ნაგებობა და მოხდება წყალმომარაგების ქსელის სრული რეაბილიტაცია, რის შედეგადაც, დაბა ჩოხატაურის მცხოვრებლები სუფთა და გაფილტრულ წყალს 24-საათიან რეჟიმში მიიღებენ. აღნიშნული სარეაბილიტაციო სამუშაოები 2013 წელს დასრულდება," _ ეს ინფორმაცია, როგორც მუნიციპალური განვითარების ფონდის, ასევე, გაერთიანებული წყალმომარაგების კომპანიის ვებგვერდზე მართალია დღეს აღარ იძებნება, თუმცა, როგორც პრესის, ასევე ტელევიზიების არქივში შემორჩენილია. 

გაერთიანებული წყალმომარაგების გვერდზე დღეს საძიებო სისტემა საერთოდ გათიშულია. ფოტოგალერეა 2012 წლის 6 დეკემბრიდან იწყება _ ძველი ფოტოები წაშლილია. ერთადერთ ძველ ფაილში, რომელსაც"2010" აწერია, სხვადასხვა წლებში გადაღებული ის ფოტოებია თავმოყრილი, რომელიც კომპანიის პიარღონისძიებებს ასახავს.

რაც შეეხება მუნიციპალური განვითარების ფონდის ოფიციალურ ვებგვერდს, აქ მხოლოდ იმას გაიგებთ, რომ ჩოხატაურის წყალმომარაგების სისტემის რეაბილიტაცია (ფაზა 3) დაიწყო.

"ადგილმდებარეობა, რეგიონი/მხარე: გურია; პროგრამა: WIMP; მუნიციპალიტეტი: ჩოხატაური; დონორი: EIB;

პროექტირება

საპროექტო კომპანია: შპს "აგრომრეწვსერვისი"; 

პროექტირების ღირებულება:

პროექტის ღირებულება: ....

შესყიდვა

კონტრაქტორი: სს "თბილისი"; კონტრაქტის ნომერი: IB/WIMP/W/ICB/20-1; კონტრაქტის თარიღი: 28/06/2013 

კონტრაქტის გაფორმების წესი: კონკურსი პირდაპირი 

ღირებულება: 3447049,34; დაწყება: 08/01/2014

ავანსის გარანტიის მოქმედების ვადა:

დასრულება: 10/03/2015 ;

განხორციელება

დაწყება: 08/07/2013

სტატუსი: მიმდინარე".

არადა, ჯერ კიდევ გასულ წელს, ამავე გვერდზე ამავე კონტრაქტთან დაკავშირებით ვკითხულობდით: 

"მუნიციპალური განვითარების ფონდმა სს "თბილისთან" კონტრაქტი 2013 წლის 8 ივლისს გააფორმა, რომლის თანახმადაც, წყალმომარაგებისთვის 2 666 095.11 ლარი გამოიყო."

მაშინდელი ინფორმაციის თანახმად, რომლის ამსახველი მტკიცებულებები ჩვენს არქივში ინახება, კონტრაქტი პირდაპირი კონკურსის წესით გაფორმდა და ობიექტი 2014 აგვისტოს ბოლოს უნდა ჩაბარებულიყო.

გაერთიანებული წყალმომარაგების კომპანიის ტექნიკური სამსახურის უფროსი ზაზა სიხარულიძე 2014 წლის აპრილის ბოლოს გვიმტკიცებდა, რომ ჩოხატაურს 24-საათიანი უწყვეტი წყალმომარაგება ივნისის ბოლოდან ექნებოდა.

ივლისის ბოლოს კი გვეუბნებოდა, რომ მშენებელი ვადებში ვერ ჩაეტია, ჯარიმებიც გადაიხადა და გვიანონსებდა, რომ 2014 წლის აგვისტოს ბოლოს ყველა პრობლემა მოგვარდებოდა.

აქვე აღსანიშნავია ერთი დეტალი: სს"თბილისი" ჩოხატაურის წყალმომარაგების პროექტს 2011 წელსაც ახორციელებდა. უფრო მეტიც _ 2013 წელს, ჩოხატაურში მყოფი ინფრასტრუქტურის მინისტრის მაშინდელი მოადგილე შოთა მურღულია"გურია ნიუსთან" საუბრისას ამბობდა, რომ ჩოხატაურის წყალმომარაგების სიტემის რეაბილიტაციის შეუსრულებელი პროექტით და შემსრულებელი კომპანიებით პროკურატურა იყო დაინტერესებული.

თუმცა, ჯერ კიდევ შარშან გავარკვიეთ, რომ მუნიციპალური განვითარების ფონდმა, პირდაპირი კონკურსის წესით, სწორედ იმ კომპანიას გაუფორმა ხელშეკრულება, რომლის მიერ 2011 წელს შესრულებული სამუშაოები ეჭვქვეშ იდგა:

"გაცნობებთ, რომ ჩოხატაურის წყალმომარაგების სისტემის რეაბილიტაციას შპს "ნიუ ენერჯი" ახორციელებდა, თუმცა, აღნიშნულ კომპანიას ფინანსური პრობლემები შეექმნა და პროექტით ნაკისრ ვალდებულებებს ვეღარ ასრულებდა. სწორედ ამიტომ, ფონდმა (საერთაშორისო ინჟინერ-კონსულტანტთა ფედერაცია) "ფიდიკის" წესებით იხელმძღვანელა და "ნიუ ენერჯისთან" მოხდა კონტრაქტის გაწყვეტა, ვინაიდან ის ნაკისრ ვალდებულებას ვერ ასრულებდა. ასევე, "ფიდიკის" წესებით მოხდა კონტრაქტის დადება სააქციო საზოგადოება "თბილისთან", რომელიც "ნიუ ენერჯის" ქვეკონტრაქტორი კომპანია იყო და ობიექტს უკვე იცნობდა, სს "თბილისი" ობიექტზე სამუშაოებს "ნიუ ენერჯის" დავალებით უკვე ახორციელებდა, თუმცა, კომპანიის გაკოტრების შემდეგ, ქვეკონტრაქტორი კომპანია დამოუკიდებლად ვერ იმუშავებდა. შესაბამისად, ახალი კონტრაქტი გაფორმდა სს "თბილისთან", რომელმაც კონტრაქტით ნაკისრი ვალდებულებები სრულად შეასრულა," _ ასე გვიპასუხეს 2014 წლის ივლისს მუნიციპალური განვითარების ფონდში კითხვაზე, როგორ მოახერხა კომპანიამ, რომელიც ჩოხატაურის წყალმომარაგების სისტემის რეაბილიტაციაზე 2011 წელსაც მუშაობდა ტენდერის გარეშე, პირდაპირი კონკურსის წესით მიეღო ეს პროექტი, როცა მათ მიმართ ბევრი შეკითხვა არსებობდა.

ამავე პერიოდში, მოსახლეობისთვის წლის შეწყვეტის მიზეზად მუნიციპალური განვითარების ფონდი და გაერთიანებული წყალმომარაგების კომპანია სტიქიას ასახელებდა:

"მიმდინარეობს სტიქიის მიერ მიყენებული ზიანის აღმოფხვრა. რაც შეეხება წყლის მიწოდებას, აღნიშნული საკითხი საქართველოს მუნიციპალური განვითარების ფონდის კომპეტენცია არ გახლავთ, თუმცა, აღვნიშნავთ, რომ ჩვენი ინფორმაციით, ამჟამად სტიქიის მიერ გამოწვეული ხარვეზებიდან გამომდინარე, წყლის მიწოდება ვერ ხერხდება.

სამუშაოები უკვე დაწყებულია, მაქსიმალურად მოკლე ვადებში აღმოიფხვრება ხარვეზები და ობიექტი ექსპლუატაციაში გაერთიანებული წყალმომარაგების კომპანიას გადაეცემა," _ ვკითხულობთ მუნიციპალური განვითარების ფონდის პრესსამსახურის ხელმძღვანელის ლანა ბერიძის მიერ 2014 წლის ივლისში გამოგზავნილ ოფიციალურ წერილში.

ამ პასუხიდან ერთ წელზე მეტი გავიდა _ ჩოხატაური, სადაც, როგორც იტყვიან, წყალს მიაქვს ყველაფერი, უწყლოდაა და მოსახლეობა დახმარებას დიდი ხანია ითხოვს.

წყალს სასიცოცხლოდ მნიშვნელოვანი ობიექტებიც ითხოვენ, რომელთა პრობლემაც ამ ეტაპზე საკმაოდ უცნაურად არის მოგვარებული _ მათ წყლის სარეზერვო ავზებს სახანძრო მანქანები უვსებენ.

რაც შეეხება ადგილობრივ მოსახლეობას, როგორც ფაქტები მოწმობენ, მისი ბედი არავის ადარდებს _ გაერთიანებული წყალმომარაგების კომპანიის წარმომადგენლები, ორ დღეში ერთხელ, დილით ერთი საათით გამოშვებული წყლით დაკმაყოფილებას ურჩევენ.

ჩოხატაურის მუნიციპალიტეტის გამგებელი ირაკლი კუჭავა გვიმტკიცებს, რომ ჩოხატაურს 24-საათიანი წყალმომარაგება აქვს:

"24-საათიანი წყალმომარაგება დაბა ჩოხატაურს კარგა ხანია აქვს. უფრო სწორად, ჰქონდა. მოსახლეობა წყლის მოწოდების მაღალ წნევას უჩიოდა და ამის მომსწრე თქვენც იყავით მოსახლეობასთან შეხვედრის დროს, მაგალითად, ბენდელიანის ქუჩაზე (ამ შეხვედრაზე მოსახლეობა მხოლოდ იმას ამბობდა, რომ როცა ონკანებში წყალი მოდის მაღალი წნევა აქვს. ჩოხატაურში არ არსებობს ადამიანი _ამ შემთხვევაში გამონაკლისი გამგებელია, რომელიც იტყვის, რომ 24-საათიანი წყალმომარაგება აქვს, რადგან ასეთი რამ რეალობაში არაა. ავტ). 

ერთი წლის წინ, როცა ხელისუფლებაში მოვედით, ჩვენი ზრუნვის ერთ-ერთი მთავარი საგანი სწორედ წყალმომარაგების უზრუნველყოფა გახდა. ამ ხნის განმავლობაში დასრულდა 25-კილომეტრიანი შიდა ქსელის გაყვანა. აშენდა 3-კილომეტრიანი მაგისტრალური ქსელი. მდინარე სუფსაზე მოეწყო სადრენაჟე გალერეა.

 აშენდა სატუმბი სადგური და მაღალი სტანდარტების საქლორატორო. სამწუხაროდ, გვალვებამდე ვერ მოესწრო ახალი სადგურის ექსპლოატაციაში გაშვება. ყველასთვის გასაგებია, რომ ამ დროს წყლის დებეტი კლებულობს, მოხმარება იზრდება. იყო სუბიექტური ხელისშემშლელი ფაქტორებიც, კერძოდ, გაერთიანებულმა წყალმომარაგების კომპანიამ, რომელმაც წყალსადენი ექსპლოატაციაში უნდა მიიღოს, მშენებლებს ტუმბოები დაუწუნა. 

საჭირო გახდა საზღვარგარეთ ახალი შეკვეთის გახორციელება. ეს დანადგარები გუშინ საღამოს (გამგებელმა კომენტარი 4 აგვისტოს მოგვაწოდა. რედ.) ჩოხატაურში ჩამოიტანეს. როგორც მშენებლები გვეუბნებიან, მაქსიმუმ, 3 კვირაში ახალი სატუმბი სადგური ჩაირთვება და დეფიციტი აღმოიფხვრება. მანამდე კი წყალმომარაგების კომპანიასთან ერთად, მდგომარეობის შესამსუბუქებლად მაქსიმუმს ვაკეთებთ _ იმ ქუჩებზე, სადაც გრაფიკითაც ვერ აღწევს წყალი, წყლის მიწოდება სპეციალური მანქანით გახორციელდა," _ მოგვწერა კუჭავამ.

რეგიონალური განვითარებისა და ინფრასტრუქტურის სამინისტროში გვპირდებიან, რომ ჩოხატაურს უწყვეტი წყალმომარაგება აგვისტოს ბოლოდან ექნება:

"ჩოხატაურის წყალმომარაგების სისტემების სარეაბილიტაციო სამუშაოები დაიწყო 2012 წელს, შპს"ნიუ უნივერსალის" მიერ 2011წელს მომზადებული საპროექტო დოკუმენტაციის შესაბამისად. ობიექტის სახარჯთაღრიცხვო ღირებულება შეადგენდა 2 666 095 ლარს, კონტრაქტორი კომპანია იყო"ნიუ ენერჯი". სამუშაოები, დაწყებიდან მალევე შეჩერდა კონტრაქტორის ფინანსური პრობლემების გამო. მუნიციპალური განვითარების ფონდის დაკვეთით ობიექტზე სამუშაოები განახლდა 2014 წელს, კომპანია"თბილისის" მიერ, რომელიც თავის დროზე იყო შპს"ნიუ ენერჯის" ქვეკონტრაქტორი. კონტრაქტის მიხედვით გახორციელდა გამანაწილებელი ქსელის, შახტური ჭის, სატუმბი-სადგურის, საფილტრი ნაგებობის, მდინარე გუბაზოულის ნაპირზე წყალმიმღები ნაგებობის და მაგისტრალური ქსელის მოწყობა. სამუშაოების დასრულებისას გამოიკვეთა, რომ პროექტში დაშვებული უზუსტობების გამო(?!), შახტურ ჭაში და წყალმიმღებ ნაგებობაში შეუძლებელი იყო პროექტით გათვალისწინებული დებეტის მიღება, რაც ობიექტის ექსპლუატაციაში გაშვებას შეუძლებელს ხდიდა. გადაწყდა ჩოხატაურის წყალმომარაგებისთვის ალტერნატიული სათავის მოძიება. შესაბამისი ჰიდროგეოლოგიური და სხვა სახის კვლევების შედეგად მიღებული იქნა გადაწყვეტილება მდინარე სუფსის ნაპირზე ახალი სათავე ნაგებობის მოწყობასთან დაკავშირებით. აღნიშნული გადაწყვეტილების საფუძველზე, საქართველოს გაერთიანებული წყალმომარაგების კომპანიის საპროექტო დეპარტამენტის მიერ მომზადდა საპროექტო დოკუმენტაცია, რაც ითვალისწინებდა მიწისქვეშა ჰორიზონტალური წყალმიმღების მოწყობას შესაბამისი შემკრები კამერით, სატუმბი და საქლორატორო შენობების მშენებლობას, 3000 გრძ/მ სადაწნეო მაგისტრალის მონტაჟს. სამშენებლო სამუშაოების ღირებულებამ შეადგინა 780 ათასი ლარი. აღნიშნულის გათვალისწინებით კონტრაქტორს სამუშაოების დასრულების ვადად განესაზღვრა 2015 წლის აპრილი. მშენებლობის პროცესში წარმოქმნილი ობიექტური მიზეზების გამო, რაც ძირითადში გამოწვეული იყო მოსახლეობის მიერ ნაკვეთების დარეგისტრირებასთან, რის გამოც საჭირო გახდა დამატებით 350 გრძ/მ მაგისტრალის მოწყობა, კონტრაქტორს სამუშაოების დასრულება გადაუვადდა 30.06.2015-მდე. ამ ეტაპზე სამუშაოები არ დასრულებულა და კონტრაქტორს ჯარიმის სახით უკვე დარიცხული აქვს 10 960 ლარი. დღევანდელი მდგომარეობით უკვე დასრულებულია წყალმიმღები ნაგებობის, სატუმბი და საქლორატორო შენობების და სადაწნეო მაგისტრალის სამშენებლო სამუშაოები. მიმდინარეობს ტექნოლოგიური დანადგარების სამონტაჟო სამუშაოები. დარჩენილია ელმომარაგების, გაშვება-გამართვის და სისტემის ტესტირების სამუშაოები. კონტრაქტორის განცხადებით, სამუშაოებს დაასრულებს აგვისტოს ბოლომდე. ამჟამად ჩოხატაურის წყალმომარაგება ხორციელდება"გორთაფონის" სათავე ნაგებობიდან ღია ტიპის წყალმიმღებით, საშუალოდ 6-საათიანი გრაფიკით, რომელიც გვალვების გამო რადიკალურად შემცირდა და წყალმომარაგება შეუძლებელი გახდა. ასევე, წვიმის შემთხვევაში წყალი იმღვრევა და წყალმომარაგება ამ შემთხვევაშიც წყდება. გორთაფონის სათავე ნაგებობა სოფ. ხიდისთავის საკუთრებაა, ხოლო სათავიდან გამომავალი მაგისტრალი _ ჩოხატაურის. ვინაიდან სოფ. ხიდისთავის მაგისტრალი ძლიერ ამორტიზირებულია, ქ. ჩოხატაურის მაგისტრალით სარგებლობს ორივე დასახლება. სათავე ნაგებობა ხშირად იბიდნება და მისი გაწმენდა ხორციელდება კომპანიის სერვისცენტრის ძალებით. ვინაიდან ძლიერი გვალვების შედეგად გორთაფონის სათავის დებეტი კატასტროფულად შემცირდა, ჩოხატაურის წყალმომარაგების უზრუნველყოფის მიზნით, კომპანიის შესაბამისი სამსახურების მიერ, 30 ივლისიდან 1 აგვისტომდე, მდინარე გუბაზოულზე მოეწყო დროებითი წყალმიმღები, დამონტაჟდა ტუმბო, რომლის საშუალებით შესაძლებელი გახდა წყლის მიწოდება საფილტრი ნაგებობისთვის და სატუმბი სადგურისთვის. აღნიშნულის შედეგად ჩოხატაურის წყალმომარაგება ამჟამად ხორციელდება 3-საათიანი გრაფიკით," _ მოგვწერა ინფრასტრუქტურის სამინისტროს პრესსამსახურის ხელმძღვანელმა ხათუნა პაიჭაძემ.

ჩვენ შევეცადეთ კომენტარი მიგვეღო გაერთიანებული წყალმომარაგების კომპანიისგანაც, თუმცა, უშედეგოდ _ არც პრესსამსახურმა და არც ოზურგეთის სერვისცენტრის ხელმძღვანელმა ჩვენს სატელეფონო ზარებს არ უპასუხეს. რაც შეეხება ჩოხატაურს, როგორც გვითხრეს, აქაური სერვისცენტრის ხელმძღვანელი ერთი კვირის წინ გაათავისუფლეს და ამ ეტაპზე ოფიციალურ კომენტარს არავინ აკეთებს.

"გურია ნიუსი" ცდილობდა პასუხი მიეღო ერთ-ერთ უმნიშვნელოვანეს პრობლემაზეც _ წყლის ხარისხზეც.

თუ კომპანიის წარმომადგენლებს და მათ დოკუმენტაციას დავუჯერებთ, წყალი სასმელად ვარგისია, თუმცა, თუ ონკანიდან ორ დღეში ერთხელ (უკეთეს შემთხვევაში დღეში ერთი საათი) წამოსული წყლის ფერით და გამოყოლილი უცხო სხეულებით ვიმსჯელებთ, ზემოთ ხსენებული დოკუმენტაციის სანდოობა საეჭვოა.

ამას ჩვენთან საუბარში იმ კომპანიების წარმომადგენლებიც საუბრობენ, რომლებმაც წყალი კერძო ლაბორატორიებში შეამოწმეს:

_ ჩვენს კომპანიას თითოეულ თანამშრომელზე დაზღვევა აქვს. როდესაც წყლის სინჯები აიღეს, მკაცრად გაგვაფრთხილეს, რომ ეს წყალი არ დავლიოთ, რადგან იმ შემთხვევაში თუკი რაიმე მოხდება, დაზღვევა არ ანაზღაურდება, _ გვითხრა ერთ-ერთმა კომპანიის მენეჯერმა, რომლის ვინაობას ჩვენ შეგნებულად არ ვასახელებთ.

ის, რომ ონკანში წამოსული წყალი სასმელად უვარგისი და სახიფათოა, იციან სხვა დიდ კომპანიებშიც, რომლებიც ჩოხატაურში ფუნქციონირებენ.

ამაზე რიგითი მოქალაქეები და ექიმებიც საუბრობენ _ ჩოხატაურში, წყლით მოწამვლის შემთხვევები არცთუ იშვიათია.

_ რთულია იმის დადგენა, ადამიანი წყლით მოიწამლა თუ სხვა რამით _  ჩვენთან შესაბამისი ლაბორატორია არ არის, თუმცა, გვქონია შემთხვევები, როცა გვაქვს შესაბამისი სიპტომები; ასევე, პაციენტიც წყალს აბრალებს მოწამვლას, _ გვითხრა ერთ-ერთმა ექიმმა.

ინფრასტრუქტურის სამინისტროში, გაერთიანებულ წყალმომარაგების კომპანიაზე დაყრდნობით გვითხრეს, რომ წყალი სასმელად ვარგისია:

_ რაც შეეხება წყლის ხარისხს, წყლის გაუსნებოვნება ხორციელდება 2000 კბ.მ. მოცულობის სამარაგო რეზერვუარში. ხარისხის კონტროლი ხორციელდება რეგიონის ლაბორატორიის მიერ. სასმელი წყლის ხარისხი შეესაბამება რეგლამენტის მოთხოვნებს.   მიუხედავად ამისა, თქვენს მიერ მოწოდებული ინფორმაციის გადასამოწმებლად, წყლის კომპანია კიდევ ერთხელ გადაამოწმებს ჩოხატაურში წყლის ხარისხს სურსათის უვნებლობის სამსახურის სპეციალისტებთან ერთად, _ გვითხრა რეგიონული განვითარებისა და ინფრასტრუქტურის სამინისტროს პრესსამსახურის ხელმძღვანელმა ხათუნა პაიჭაძემ.

დასკვნას, რომლის ობიექტურობის იმედსაც ვიტოვებთ,"გურია ნიუსი" მიღებისთანავე შესთავაზებს.




 ახალი ამბები
  • „მაინც და მაინც კორონა უნდა გამოჩენილიყო, რომ ოზურგეთის ბაზარი მოწესრიგებულიყო?“დღეს, დილიდან, გურიის ქუჩაზე, ჩვეული ხმაური და ხალხმრავლობა აღარ იყო -  აკრძალეს გარევაჭრობა  და დაიხურა ოზურგეთის აგრარული ბაზარი. ბაზრის კარებთან, ასევე გურიის ქუჩაზე აქტიურად პატრულირებდა პოლიცია, თითოეულ მოქალაქეს  წესრიგისკენ და დისტანციის დაცვისკენ მოუწოდებნენ მერიის ზედმხედველობის სამსახურის წარმომადგენლები. აქვე იყო ბაზრის დირექტორად წოდებული, შპს „სოფლის ნობათის“ დირექტორის მოვალეობის შემსრულებელი,   სოსო სიხარულიძე, ოზურგეთის მუნიციპალიტეტის მერის მოადგილე,  ირაკლი სირაძე. „გურია ნიუსი“ ოზურგეთში, აგრარული ბაზრის დაკეტვის  და გარევაჭრობის აკრძალვის  შემდეგ, არაერთ   მოვაჭრეს  და რიგით მოქალაქეს  ესაუბრა. ჩვენთან საუბარში   დაზარალებულად და უფლებაშელახულად მიიჩნევენ თავს ის მოქალაქეები, რომლებიც, დიდი ხანია, ბაზრის შიდა ტერიტორიაზე ვაჭრობენ, არიან ინდ.მეწარმეები, აქვთ     თავიანთი მაღაზიები და კონკრეტულ ლოკაციაზე თავად კი იცავნენ წესრიგს, თუმცა მთლიანად ბაზრის ტერიტორია დიდია და იქ  ხალხის მოძრაობაზე და მის კონტროლზე უნდა ეზრუნა დირექციას. ლია გოგუაძე: _  ვმუშაობ ბაზრის  შიდა ტერიტორიაზე არსებულ მარკეტში,  რომელსაც „ჭარხალაშვილის მაღაზია“ ჰქვია.  გუშინ საღამოს გვითხრეს, რომ უნდა შეგვეჩერებინა მუშაობა. რა ვქნა ახლა, სად წავიღო ეს შემოტანილი ხორცი,  კვერცხი და სხვა მრავალი სასურთო  პროდუქტი.  პენსია მაქვს თუ ხელფასი? რაღა კორონას მოვუკლივართ და რაღა შიმშილს? ასე ადვილია? თამარ მუხაშავრია,  მზევინარ შავაძე, მოვაჭრეები:  მოვიდნენ და წადითო, გვითხრეს. სად წავიდეთ? ამ პროდუქტს რა ვუყოთ-თქო, გაჭირვებულებს დაურიგეთო, ერთმა პოლიციელმა გვითხრა. ჩვენზე გაჭირვებული  ვინაა, დაყუდებული ვართ დილიდან საღამომდე ლუკმა პურისთვის. _მაინც და მაინც  კორონა უნდა გამოჩენილიყო, რომ ოზურგეთის ბაზარი მოწესრიგებულიყო? დაიკეტა და ახია. დაასუფთაონ, მოაგვარონ ყველა პრობლემა, დააყენონ მეთვალყურეები, როგორც მარკეტებშია და ნახონ, თუ არ მოგვარდება პრობლემა, _  გვითხრეს რიგითმა მოქალაქეებმა ნინო მჟავანაძემ , მზია ლომჯარიამ, მარიკა ვასაძემ. _ ეს არის სამთავრობო გადაწყვეტილება. ჩვენ ყველაზე ძალიან გვწუხებს ამ ადამიანების ბედი. მარტო ესენი არ კარგავენ   შემოსავალს. თუმცა, ღმერთმა გვაშოროს და მკვდრების  გატანას, ამ სანოვაგის  გატანა სჯობს ახლა. შესაძლებელია,  გაიტანონ სოფლებში და დისტანციის დაცვით გაყიდონ. ყველამ  რაღაც  უნდა ვიღონოთ, _ გვითხრა ოზურგეთის მუნიციპალიტეტის მერის მოადგილემ  ირაკლი სირაძემ. კითხვაზე, როდის შეიძლება გაიხსნას  ბაზარი ან სანამდე იქნება  დაკეტილი, ასეთი კომენტარი გააკეთა: _ვერ გეტყვით,  ოზურგეთში, აგრარული ბაზრის დაკეტვის  და გარევაჭრობის აკრძალვის  შემდეგ, სიტუაცია დაკვირვების ქვეშაა. ვნახოთ, თუ ყველაფერი როგორც საჭიროა ისე მოწესრიგდება, მალე გაიხსნება. დაზუსტებით  ვერაფერს გეტყვით. იქვე მდგომმა ბაზრის დირექტორმა, სოსო სიხარულიძემ, რომელიც მდუმარედ აკვირდებოდა სიტუაციას, კომენტარის გაკეთება არ ისურვა. მკითხველს შევახსენებთ, რომ ბოლო წლების და თვეების მანძილზე, „გურია ნიუსი“ არაერთხელ წერდა ოზურგეთის აგრარულ ბაზარში არაერთი  პრობლემის, ძირითადად კი საორგანიზაციო საკითხების, სანიტარიული პირობების  დარღვევის გამო, რასაც არასდროს მოჰყოლია მნიშვნელოვანი რეაგირება. უმეტესად ისმოდა პასუხები, რომ ეს არის კერძო საკუთრება და ხელმძღვანელობამ ვერ შეძლო ორგანიზებული  ... ...
  • ოზურგეთის საკრებულოს თავმჯდომარემ განცხადება გააკეთა ახლახან ოზურგეთის მუნიციპალიტეტის საკრებულოში, საკრებულოს თავმჯდომარესთან ერთად, პარტია„ქართული ოცნების“ დეპუტატები შეიკრიბნენ. როგორც აქ თქვეს, ოზურგეთის მუნიციპალიტეტის საკრებულოში,  პარტია "ქართული ოცნების" დეპუტატები, მომდევნო სამი თვის ხელფასის მესამედს კორონავირუსის წინააღმდეგ ბრძოლის ფონდში გადარიცხავენ. _ ქვეყანაში შექმნილი ვითარებიდან გამომდინარე, საკრებულოს," ქართული ოცნების" წარმომადგენლებმა მივიღეთ გადაწყვეტილება, შევუერთდეთ მმართველი გუნდის სოლიდარობის ინიციატივას და ჩვენი წვლილი შევიტანოთ კორონავირუსის წინააღმდეგ ბრძოლაში. აგრეთვე, საკრებულოს ქართული ოცნების თითოეული წევრი, აპარატის თანამშრომლებთან ერთად, პირადი სახსრებით 70 ოჯახს, რომლებიც განსაკუთრებით საჭიროებენ დახმარებას, საკვები პროდუქტებით მოვამარაგებთ. ეს გახლავთ ის მოქალაქეობრივი პასუხისმგებლობა, რომელიც ვირუსთან ბრძოლაში განსაკუთრებით გვჭირდება, _ განაცხადა საკრებულოს თავმჯდომარემ დავით დარჩიამ. _ აქვე მსურს გამოვეხმაურო, ოზურგეთის მერიაში გაცემულ სახელფასო დანამატებს: საკრებულოს პოზიცია ცალსახაა, აღნიშნულ ვითარებაში ეს გადაწყვეტილება არ მიგვაჩნია მიზანშეწონილად. გამომდინარე იქედან რომ დანამატების გაცემა მერის ექსკლუზიური უფლებამოსილებაა და ამასთან ოზურგეთის მერი არ წარმოადგენს პარტია “ქართული ოცნების” გუნდს, დანამატების გაცემის საკითხი და ინფორმაცია ჩვენთან არ ყოფილა განხილული ან გაზიარებული. საკრებულოს უმრავლესობა მიიჩნევს, რომ დღეს როგორც არასდროს მნიშვნელოვანია მაღალი მოქლაქეობრივი პასუხისმგებლობის და სოლიდარობის გამოჩენა, რაც ყველას ერთად მოგვცემს შესაძლებლობას დავამარცხოთ პანდემია და გავუმკლავდეთ მის შედეგებს!" - თქვა დავით ... ...
  • ექსპორტი ონლაინ: როგორ ეხმარება ევროკავშირი ადგილობრივ მეწარმეებს ახალი სავაჭრო პლატფორმით _ AGRODEALSAGRODEALS.NET ონლაინ სავაჭრო პლატფორმაა, რომელიც შავი ზღვის რეგიონის ქვეყნებში აგრო სექტორში ჩართული მხარეებისთვის შეიქმნა. აერთიანებს ფერმერებს, სასოფლო-სამეურნეო კოოპერატივებს, საცალოდ და ბითუმად მოვაჭრეებს, ექსპორტიორებსა და იმპორტიორებს, სასაწყობო მეურნეობებს და ყველა იმ ადამიანს - რომელსაც აგრო პროდუქტების წარმოება, შესყიდვა-გაყიდვის ბიზნეს ინტერესი აქვს. AGRODEALS.NET ეხმარება ყველა დაინტერესებულ მეწარმეს, იპოვნონ სამომავლო პარტნიორები საერთაშორისო ბაზარზე და გააუმჯოებსონ საკუთარი საქმიანობა. ონლაინ პლატფორმა შემუშავდა ევროკავშირის პროექტის ფარგლებში - „სავაჭრო შესაძლებლობების პილოტირება სოფლის მეურნეობის თანამედროვე ინოვაციური ონლაინ პლატფორმის შექმნით“, რომელსაც საქართველოს საზოგადოებრივ საქმეთა ინსტიტუტი (GIPA) ახორციელებს. პროექტის მენეჯერი, ნანა ქაშაკაშვილი, რომელიც ამავდროულად, GIPA-ს სოფლის მეურნეობის განვითარებისა და პროფესიული სწავლების დეპარტამენტს ხელმძღვანელობს, ამბობს, რომ პროექტი დიდწილად დაეხმარება სასოფლო-სამეურნეო სფეროში ჩართულ ადამიანებს: ნინო ქაშაკაშვილი „საექსპორტო ბაზრის მოძიება ერთ-ერთი მნიშვნელოვანი ფაქტორია ჩვენი ფერმერებისა და მცირე მეწარმეების განვითარებისთვის. ონლაინ პლატფორმა სწორედ ამ მიზნით შეიქმნა, რომ ერთმანეთთან დააკავშიროს პოტენციური მყიდველი და გამყიდველი, დაეხმაროს დისტრიბუტორებსა და პროდუქტის მწარმოებლებს. მისი მიზანია, შექმანს თანამედროვე, მოქნილი ონლაინ გარემო, რომელიც სასოფლო-სამეურნეო ვაჭრობასთან დაკავშირებით ყველა საჭირო ინფორმაციას მოუყრის თავს და ხელმისაწვდომი იქნება ერთიან სივრცეში. ვფიქრობ, ეს მნიშვნელოვნად გააუმჯობესებს და შეუწყობს ხელს აგრო-ბიზნესის განვითარებას, რადგან ექსპორტი მცირე მეწარმეებისთვის სასიცოცხლოდ მნიშვნელოვანია“. როგორც ნანა აღნიშნავს, AGRODEALS.NET-ი დაინტერესებულ ადამიანებს ამ მიმართულებით ყველა საჭირო ინფორმაციას შესთავაზებს. საიტზე დარეგისტრირებულ მეწარმეებს დაეხმარება კომუნიკაციაში, რათა მათ მარტივად შეძლონ მათთვის საჭირო ბიზნეს პარტნიორების პოვნა, დაკავშირება და შეთანხმება. სერგო თურმანიძე პროექტის კოორდინატორი, სერგო თურმანიძე ამბობს, რომ ონლაინ პლატფორმა გამოსაყენებლად საკმაოდ მარტივია: „მეწარმეებს ონლაინ პლატფორმაზე პროდუქტის განსათავსებლად მხოლოდ რეგისტრაცია სჭირდებათ, რაც ორი გზითაა შესაძლებელი - ან თავად ვებგვერდზეა მოცემულ სარეგისტრაციო ფორმას შეავსებენ, ან უფრო მარტივად, სოციალური ქსელით, ფეისბუქით გაივლიან ავტორიზაციას. ასევე, ძალიან მნიშვნელოვანია ისიც, რომ პლატფორმა თავს მოუყრის ყველა საჭირო ინფორმაციას აგრო ბიზნესის შესახებ, რაც კიდევ უფრო გაზრდის ამ სფეროში ჩართული ადამიანების ინფორმირებულობის ხარისხს, მისცემს უამრავ შესაძლებლობას, სწრაფად აითვისონ ბაზარზე არსებული მოთხოვნები, გაეცნონ ტენდეციებს და გამოიყენონ სხვადსხვა პროგრამები თავიანთი შესაძლებლობების გასაზრდელად“.  ერთ-ერთი პირველი ქართველი მცირე მეწარმე, რომელიც AGRODEALS.NET-ზე დარეგისტრირდა, მეღვინე ქალი თამარ დიღმელიშვილია. თამარს კახეთში, გურჯაანის სოფელ შაშიანში საკუთარი მარანი აქვს _ „თამარის მარანი“. თამარი აქტიურადაა ჩართული ყველა იმ აქტივობაში, რაც მცირე მეწარმეებს განვითარების საშუალებას სთავაზობს. როგორც თვითონ გვიყვება, სწორედ ერთ-ერთ მსგავს ღონისძიებაში მონაწილეობდა, სადაც ევროკავშირის პროექტისა და AGRODEALS.NET-ის მიზნების შესახებ შეიტყო. ამის შემდეგ, ონლაინ პლატფორმაზე დარეგისტრირდა და საკუთარი პროდუქციაც განათავსა. თამარმა მერვე  წელია, რაც საკუთარი ღვინის ბრენდი ,,თამარი” შექმნა, რომელსაც ასევე საკუთარ მარანში აყენებს. ,,თამარის “ ბრენდის ღვინო არაერთი საერთოშორისო ფესტივალის გამარჯვებულია: „ჩემი ღვინო წარმატებით სარგებლობს და აქვს რამდენიმე საერთაშორისო აღიარება, მოვიპოვეთ ოქროს, ვერცხლისა და ბრინჯაოს მედლები, თუმცა წარმატების მიღწევა მცირე მეწარმეებისთვის, მით უფრო, მეღვინეობის სფეროში, ძალიან რთულია“. თამარი თქმით, თავიდან, კონკურენციის პირობებში, გაუჭირდა ადგილობრივ ბაზარზე დამკვიდრება. თუმცა, მეღვინეობის საოჯახო ტრადიციის გაგრძელების სურვილი იყო ის, რის გამოც ბარიერებს შეეჭიდა. თამარ დიღმელაშვილი „გლეხის ოჯახში დავიბადე, მამაჩემისთვის, როგორც ძალიან ბევრი ქართველისთვის, ვაზი, ვენახი და ზოგადად, მეღვინეობა, არამარტო საქმიანობასთან, არამედ ტრადიციასთან ასოცირდებოდა. მე, პირადად, ხუთი წლიდან ვღებულობდი მონაწილეობას როგორც ვაზის მოვლის ოპერაციებში, ისე ყურძნის დაწურვისა და შენახვისას. უკვე მოგვიანებით, როცა მამა ასაკში შევიდა და მიხვდა, თავად აღარ შეეძლო, გაძღოლოდა მეღვინეობას, მაჩუქა ვაზის 10 რიგი, პატარა ვენახი და ანდერძად დამიტოვა სიტყვები, რომ ოჯახში მე უნდა გამეგრძელებინა მეღვინეობის ტრადიცია. ეს სიტყვები გახდა ის, რის შემდეგაც ვცდილობდი, შემენარჩუნებინა დანატოვარი და დავიწყე ფიქრი იმაზე, როგორ გამეფართოვებინა“, _ გვიყვება თამარ დიღმელიშვილი და აღნიშნავს, რომ სწორედ ოჯახის ტრადიციის გაგრძელება გახდა ის მთავარი მიზეზი, რის გამოც მცირე მეწარმეობა გადაწყვიტა. მამის დანატოვარი ვენახი მალევე გააფართოვა _ შეიძინა მიწა, სადაც გააშენა სხვადასხვა იშვიათი ვაზის ჯიში _ ქისი, ხიხვი და ასევე, ფრანგული ჯიშის ყურძენი _ შარდონე. ამბობს, რომ ის ერთადერთი მეღვინე ქალია საქართველოში, რომელიც შარდონეს ქვევრში აყენებს და დიდი მოწონებით სარგებლობს იმ ტურისტებშიც, რომლებიც ჩემს მის მარანს სეზონურად სტუმრობენ: ტურისტები თამარ დიღმელაშვილი მარანში „იმდენი შევძელი, რომ ჩემი ღვნისა და მარნის შესახებ საქართველოში გაეგოთ. ჩავერთე „ღვინის გზაშიც“. ეს გზა ჩემთვის რთული იყო იმიტომაც, რომ ქალი ვარ. მეღვინეობა მემკვიდრეობით, ჯერ კიდევ ვაჟზე გადადის. იშვიათად, თუ ამ სფეროში ქალი გადაწყვეტს ჩართვას. მეც, მხოლოდ იქიდან გამომდინარე, რომ მამას ვაჟი არ ყავდა, შემთხვევით მხვდა წილად ამ ტრადიციის გაგრძელება. მიუხედავად იმისა, რომ ძალიან რთულია გაძღოლა, მაინც ვფიქრობ, რომ წარმატებით გავართვი თავი“, _ გენდერული ბარიერის გარდა, თამარი იმ გამოწვევებზეც გვიყვება, რაც მცირე მეწარმეებისთვის ადგილობრივ ბაზარზე არსებობს და ამბობს, რომ ერთ-ერთი ასეთი მთავარი გამოწვევა მაღალი კონკურენციაა: „იქიდან გამომდინარე, რომ მეღვინეობა შემოსავლის წყაროს გარდა, ტრადიციაა და ძვირფასია მაცხოვრებლებისთვის, ძალიან ბევრი ადამიანი მიყვება ამ საქმიანობას. მაღალი კონკურენციის პიროებში, ფინანსებისა და სხვადასხვა გრანტის მოძიებაც ძალიან რთულია, არა და, საწყის ეტაპზე, ეს ძალიან საჭიროა. გარდა ამისა, კონკურენცია ღვინის ფასზეც მოქმედებს, რაც ძალიან დაბალ მოგებას იძლევა. სწორედ ამიტომ, ვფიქრობ, რომ საერთაშორისო ბაზარზე პროდუქციის გატანა ერთ-ერთი მნიშვნელოვანი გზაა მცირე მეწარმეების გადასარჩენად“, _ ასე აფასებს მცირე ბიზნებისის პრობლემებს თამარ დიღმელიშვილი და ევროკავშირის მხარდაჭერილ საპილოტე პროექტზე ონლაინ სავაჭრო პლატფორმაზე დიდ იმედებს ამყარებს: „როცა ამ პროექტის შესახებ შევიტყე, მიხვდი, რომ კიდევ ერთი ძალიან მნიშვნელოვანი შესაძლებლობა გამოჩნდა, საერთაშორისო ბაზარზე ჩემი ღვინის ექსპორტისთვის. საიტზე ძალიან მალევე დავრეგისტრირდი და მაქვს მოლოდინები, რომ ჩემს ბიზნეს ძალიან დაეხმარება. ექსპორტი არის გადარჩენის ერთ-ერთი საუკეთესო საშუალება. ონლაინ პლატფორმის საშუალებით გაცილებით მარტივდება საჭირო კონტაქტების მოძიება, უცხოელებიც მარტივად გპოულობენ, ინტერესდებიან შენით და შესაბამისად, გაყიდვებიც იზრდება. საერთაშორისო  ბაზარს მცირე მეწარმეებისთვის სტაბილურობის შექმნა შეუძლია. თანამშრომლობა მარტივია, რადგან კომპანიებს ზუსტად აქვთ გათვლილი თავიანთი საჭიროებები, ღვინის მწარმოებლებისთვის კი ეს ძალიან დიდი ფუფუნებაა, როცა წინასწარ იცის, როგორია მის პროდუქტზე მოთხოვნა. სტაბილური ურთიერთბა ბიზნესისთვის ძალიან ბევრს ნიშნავს“, _ აღნიშნავს თამარი. მიუხედავად იმისა, რომ ევროკავშირის მხარდაჭერილი ონლაინ სავაჭრო პლატფორმა AGRODEALS.NET-ი მხოლოდ შავი ზღვის ქვეყნების ფერმერებსა თუ მეწარმეებს შეუძლიათ დარეგისტრირება, ვებგვერდით სარგებლობა და ონლაინ ვაჭრობა შეუძლია მსოფლიოს ნებისმიერი სხვა ქვეყნიდან დაინტერესებულ ადამიანს: „ქართველი ბულგარელი და რუმინელები უკვე რეგისტრირდებიან. ვცდილობთ, ხმა მივაწვდინოთ ყველა იმ ადამიანს, რომელსაც საკუთარი წარმოებული პროდუქციის ექსპორტის პოტენციალი აქვს. ეს საპილოტე პროექტი, დაეხმარება მეწარმეებს,  შექმნან მაღალი ხარისხის პრდუქცია, გაიტანონ ქვეყნის გარეთ და გაზარდონ მათი წარმოების მასშტაბები. პროექტის მიზნებიდან გამომდინარებ, შავი ზღვის რეგიონის ქვეყნებში აგრო-ბიზნეს სექტორში ჩართულ მხარეებს ერთმანეთთან კომუნიკაცია გაუმარტივდებათ და ასევე მარტივად შეძლებენ მათთვის საჭირო ბიზნეს პარტნიორების პოვნას, დაკავშირებასა და ერთანეთთან სავაჭრო შეთანხმებების მიღწევას“, _ აღნიშნავს სერგო თურმანიძე. გლობალური სიტუაციიდან გამომდინარე, რომელიც უკავშირდება კორონავირუსის პანდემას, AGRODEALS.NET გვერდში უდგას მეწარმეებს და ჩვეულ რეჟიმში განაგრძობს მუშაობას. დამატებითი ინფრომაციისთვის ან რეგისტრაციისთვის ეწვიეთ ვებგვერდს www.agrodeals.net, ასევე გაეცანით ვიდეორგოლს, იმის შესახებ თუ როგორ მუშაობს ონლაინ სავაჭრო პლატფორმა AGRODEALS.NET https://www.agrodeals.net/asset/intro-ka.mp4 სტატია დაიწერა პროექტის „ევროკავშირის აღმოსავლეთ სამეზობლო“ ფარგლებში. სტატიაში გამოხატული მოსაზრებები ეკუთვნის მხოლოდ და მხოლოდ სტატიის ავტორს.  ავტორი: თამარ ... ...
  • ნაცმოძრაობა ოზურგეთის მერს ადეკვატური ქმედებისკენ მოუწოდებს ოზურგეთის მუნიციპალიტეტის საკრებულოს წევრი და "ერთიანი ნაციონალური მოძრაობის" ოზურგეთის რაიონული ორგანიზაციის თავმჯდომარე, დავით მჟავანაძე, ოზურგეთის მუნიციპალიტეტის მერიაში დარიგებულ ჯილდოებს ეხმაურება. „მსოფლიო პანდემიის პირობებში ჩვენ, როგორც პასუხისმგებლიანი და კონსტრუქციული პოლიტიკური ძალა, ვცდილობთ ხელისუფლების საწინააღმდეგო განცხადებების მინიმალიზებას,თუმცა ის, რაც დღეს ოზურგეთის მერიის მაღალჩინოსნების ქმედებებთან დაკავშირებით გაცხადდა, ვფიქრობთ, საზოგადოების მხრიდან უმწვავესი შეფასების საგანი უნდა გახდეს.  ენმ ოზურგეთის ორგანიზაცია  სამარცხვინოს და მეტიც, დანაშაულებრივს უწოდებს მერიაში პრემია-დანამატების დარიგების ფაქტს იმ ფონზე, როცა ქვეყანა ძლივს უმკლავდება მის წინაშე არსებულ  უდიდეს გამოწვევას, როცა ჩვენი საზოგადოების უდიდესი ნაწილი შიმშილის ზღვარზეა, როცა ფაქტობრივად, საარსებო მინიმუმსაც  კი ვერ იღებენ  ჩვენს მუნიციპალიტეტში დასაქმებული სწორედ ის ადამიანები, ვინც  რეალურად, ქუჩაში დგანან და პირისპირ იბრძვიან პანდემიის გავრცელების თავიდან ასაცილებალდ. მოვუწოდებთ ოზურგეთის მერს, ადეკვატური იყოს  მომხდართან დაკავშირებით. მოვუწოდებთ ქვეყნის პირველ პირებს,  განცხადების კეთებიდან  ქმედებებზე  გადავიდნენ და მყისიერი რეაგირება მოახდინონ  ოზურგეთის მუნიციპალიტეტის მერიაში განხორციელებულ  ყოვლად სამარცხვინო ქმედებაზე“,_ამბობს „ერთიანი ნაციონალური მოძრაობის“ ოზურგეთის რაიონული ორგანიზაციის თავმჯდომარე დავით ... ...
  • საგანგებო მდგომარეობის რეჟიმის დარღვევის 421 ფაქტი გამოავლინდაშინაგან საქმეთა სამინისტროს თანამშრომლები, საქართველოს მთავრობის მიერ საგანგებო მდგომარეობისა და ე.წ. კომენდანტის საათის ფარგლებში დაწესებული შეზღუდვების დამრღვევი პირების გამოვლენის მიზნით, 24-საათიან რეჟიმში მუშაობას განაგრძობენ. პოლიცია, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებს. სამართალდამცველებმა, მონიტორინგის შედეგად, ბოლო 24 საათის განმავლობაში, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 421 ახალი ფაქტი გამოავლინეს. შინაგან საქმეთა სამინისტროს თანამშრომლებმა, 3 აპრილის 21 საათიდან 4 აპრილის დილის 6 საათამდე, ე.წ. კომენდანტის საათის დარღვევის ფაქტზე, მთელი ქვეყნის მასშტაბით, 180 მოქალაქე დააჯარიმეს. გარდა ამისა, პოლიციამ საჯარო სივრცეში 3-ზე მეტი პირის შეკრების და 2-მეტრიანი სოციალური დისტანციის დაუცველობის გამო 72 მოქალაქე დააჯარიმა. 1 ფიზიკური პირი დაჯარიმდა ეკონომიკურ საქმიანობასთან დაკავშირებული შეზღუდვების დარღვევის ფაქტზე. პოლიცია, დაავადებათა კონტროლის ეროვნულ ცენტრთან ერთად, თვითიზოლაციაში მყოფი მოქალაქეების მკაცრ კონტროლს განაგრძობს. ერთობლივი მონიტორინგის შედეგად, თვითიზოლაციის წესების დარღვევის 5 ახალი ფაქტი გამოვლინდა. ასევე, სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე 163 პირი დააჯარიმეს. კიდევ ერთხელ შეგახსენებთ, რომ საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით. შინაგან საქმეთა სამინისტრო კვლავ მოუწოდებს მოქალაქეებს, დაიცვან საგანგებო მდგომარეობით დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ზომები. ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...