რა გეგმები აქვს სახელმწიფოს თეთნულდის სათხილამურო კურორტის განვითარებისთვის

მთავარი თემა

რა გეგმები აქვს სახელმწიფოს თეთნულდის სათხილამურო კურორტის განვითარებისთვის

8 აგვ. 2015, 19:03:54

საქართველოში სამთო-სათხილამურო კურორტებს რამდენიმე თვეში ახალი კურორტი "თეთნულდი" დაემატება, რომლის მშენებლობაც სვანეთში უკვე აქტიურად მიმდინარეობს. კურორტის სრული დატვირთვით ამუშავებას რამდენიმე წელი დასჭირდება, თუმცა, ადგილზე ინფრასტრუქტურის მოსაწყობად და ტურისტების მოსაზიდად სამუშაოები უახლოეს მომავალში დაიწყება.

საკურორტო ტერიტორია 7000 ჰა-ს მოიცავს და აქედან 4500 ჰა მთის სათხილამურო ტერიტორიას წარმოადგენს. კურორტზე ამიერკავკასიაში ყველაზე გრძელი (9,5 კმ-იანი) და ყველაზე დიდი ვერტიკალური ვარდნის მქონე (1,7კმ) სასრიალო ტრასების მოწყობა იგეგმება. 
სამთო კურორტზე ასევე დაგეგმილია 5 საბაგირო გზის მშენებლობა. პირველი ეტაპისთვის კი სამი საბაგირო გზა გაიხსნება.

სასრიალო ტრასების მთლიანი საერთო სიგრძე 169 კმ-ს შეადგენს (მიმდინარე ეტაპი 25კმ), საბაგიროების საერთო რაოდენობა 20-22 ერთეულია (მიმდინარე ეტაპი 5 ერთეული). უმაღლესი სასრიალო წერტილი ზღვის დონიდან 3600 მეტრზეა, ყველაზე დაბალი კი 1600 მეტრზე.

არსებული გათვლებით, თეთნულდის ტრასებზე ერთდროულად მოსრიალეთა რაოდენობა 4100 ადამიანია, საბაგიროების საერთო საათობრივი გამტარუნარიანობა - 8400 ადამიანი საათში. თეთნულდი წელიწადის 4 სეზონზე მოემსახურება დამსვენებელს, აქედან სასრიალო პერიოდი წელიწადში - 6-7თვეა.

ცნობისთვის, კურორტს საქართველოს რეგიონული განვითარებისა და ინფრასტრუქტურის სამინისტროს მართვაში არსებული კომპანიაშპს "თეთნულდი დეველოპმენტი” აშენებს. პროექტის პირველი ეტაპის ღირებულება 40 მილიონ ევროს შეადგენს და ის საქართველოს მთავრობის მიერ ფინანსდება. კომპანიის მიერ განხორციელებულ სამუშაოებზე 15 მილიონი ლარია გამოყოფილი. მშენებლობაზე 101 ადამიანი დასაქმებული. პირველი ეტაპის სამუშაოების დასრულება წლის ბოლომდე იგეგმება. კურორტის საზეიმო გახსნა კი, მიმდინარე წლის 15 დეკემბერსაა დაგეგმილი.

სათხილამურო-საბაგირო ინფრასტრუქტურის მოწოდებას ფრანგული კომპანია "Pomagalski"-ი უზრუნველყოფს. საბაგიროების მონტაჟს კი, ავსტრიული კომპანია "RMS”  ახორციელებს.

"თეთნულდი არის უნიკალური სამთო კურორტი, რომელიც ოთხივე სეზონის განმავლობაში აქტიურია. აქ შესაძლებელია ალპინიზმით, ჯომარდობით, ცხენოსნობთ, პარაპლანერიზმით, თხილამურებზე, სნოუბორდზე სრიალით, სამთო ტურიზმით დაკავება", _ აცხადებენ სამინისტროში. 

"გურია ნიუსი" დაინტერესდა, როგორ აპირებს სახელმწიფო მთის კურორტის განვითარებას და მისი სრული დატვირთვის ამუშავებას მაშინ, როდესაც მესტიასა და მის შემოგარენში ტურისტებისთვის მაქსიმუმ 1000 ადგილია.

როგორც ადგილობრივები ჩვენთან საუბრისას აცხადებენ, ტურისტების დიდი რაოდენობით მისაღებად მათ შესაბამისი ინფრასტრუქტურა მოწესრიგებული არ აქვთ.

"ახლა მაქსიმალური დატვირთვით ვმუშაობთ და ყველა ადგილი დაკავებული გვაქვს. წინასწარ ჯავშნიან ადგილებს, რადგან სეზონზე ძალიან ჭირს აქ სასტუმრო სახლები. ადგილები ფაქტობრივად არ არის. როგორც გვეუბნებიან კურორტისთვის ტურისტების დიდი რაოდენობით შემოსვლა იგეგმება, მაგრამ სად უნდა განთავსდნენ ისინი, არ ვიცით. იქნებ სახელმწიფომ გრძელვადიანი და დაბალპროცენტიანი სესხები მოგვცეს, რომ ჩვენ თვითონ მოვაწყოთ ყველაფერი. სხვა შემთხვევაში საკუთარი ძალებით ამხელა მშენებლობებს ვერ შევეჭიდებით", _ ამბობს "გურია ნიუსთან" საუბრისას მესტიის მკვიდრი ვახო ნაკანი.

მესტიასა და მულახში ტურისტების დიდი რაოდენობის მისაღებად და კურორტის სრული დატვირთვით ასამუშავებლად ამ ეტაპისთვის რომ საჭირო რაოდენობის ადგილები არ არის ამას "თეთნულდი დეველოპმენტის" დირექტორი უკა კილაძეც ადასტურებს. 

"მესტია ზამთრის პერიოდში ფაქტიურად გაჩერებულია. მულახშიც არ არის შესაბამისი ინფრასტრუქტურა ტურისტების მისაღებად, მაგრამ მთავარი ის არის, რომ ტურისტებისთვის სასტუმრო სახლები კეთდება როგორც მესტიაში, ასევე მულახშიც. წელს, ვფიქრობთ, დიდი განვითარება არ იქნება, მცა, მომავალი წლიდან უკვე დიდი  დონის განვითარებას ველოდებით. მესტიაში, წელს, შარშანდელთან შედარებით, დაემატა 200 ნომრამდე ტურისტებისთვის.  მომავალ წელს, როდესაც თეთნულდი ამუშავდება, კიდევ უფრო დიდი ოდენობით განვითარდება ინფრასტრუქტურა", _ ამბობს კილაძე "გურია ნიუსთან" საუბრისას და დასძენს, რომ უკვე შექმნილია სპეციალური კომისია ეკონომიკის სამინისტროსთან, რომელიც კურორტის შემდგომი განვითარების გეგმაზე აქტიურად მუშაობს.

"ეკონომიკის მინისტრის მოადგილეები, ინფრასტრუქტურის სამინისტროს წარმომადგენლები, მთის კურორტების განვითარების სააგენტო და ჩვენი კომპანია ერთობლივად მუშაობს კურორტის განვითარების გეგმაზე, ტურისტული ინფრასტრუქტურის განვითარების პროექტზე. ასევე, ვფიქრობთ, მულახი თემის სოფლების განვითარებისთვის ინვესტორებთან შეთავაზებები გავაკეთოთ. იგეგმება ინვესტორებისთვის ინფო-ტურის გაკეთებასაც, რომ ადგილზე გავაცნოთ კურორტის პერსპექტივები", _ ამბობს კილაძე.

რაც შეეხება მოსახლეობის მოთხოვნას, რომ სახელმწიფომ დაბალპროცენტიანი და გრძელვადიანი სესხები მისცეს, კილაძე ამბობს, რომ მუშაობა ამ კუთხითაც დაწყებულია.

"იმ მოსახლეობისთვის, რომლებიც გეგმავენ სასტუმროების და სასტუმრო სახლების მშენებლობას, "თეთნულდი დეველოპმენტის" კომპანიაში გამოყოფილია სპეციალური  ჯგუფი, რომლებიც ადგილობრივებს პრობლემების მოგვარებაში დაეხმარებიან. ასევე, ეკონომიკის სამინისტროს აქვს 5-ათასლარიანი საჩუქარი მთის კურორტების განვითარებისთვის. დანარჩენი კი, იაფ კრედიტზე და ბიზნესგეგმაზეა დამოკიდებული", _ ამბობს კილაძე.

კითხვაზე - რა ვადეში ფიქრობენ სრული დატვირთვით კურორტის ამოქმედებას? - კილაძე პასუხობს:

"ეს ყველაფერი დამოკიდებული T1 საბაგიროს მშენებლობის დასრულებაზე, რომელიც მულახში უნდა ჩამოვიდეს. T1 თუ მომავალი წლის ბოლომდე დასრულდა, სწრაფი ტურისტული ინფრაქტრუქტურის განვითარება დაიწყება. თუ T1-ის მშენებლობა ვერ მოესწრება, მაშინ ინფრაქტრუქტურის მშენებლობაც ორი წლით გადაიწევს. სამ-ოთხ წელიწადში ყველაფერი უმაღლეს დონეზე განვითარდება", _ ამბობს კილაძე.

ეკონომიკის სამინისტროს მთის კურორტების განვითარების კომპანიის ხელმძღვანელი სანდრო ონოფრიშვილი "გურია ნიუსთან" საუბრისას ამბობს, რომ ინვესტორების მოძიება და მათი დაინტერესება უკვე დაწყებულია, თუმცა კურორტის სრული დატვირთვით ასამუშავებლად ის გაცილებით გრძელვადიან პერიოდს 5-8 წელს ასახელებს.

"პირველ წელს ამ კურორტისთვის არის ადგილების საკმარისი რაოდენობა ტურისტების მისაღებად. სრულად არის შესაძლებელი პირველი სტუმრების მიღება მესტიამ უზრუნველყოს. აგრეთვე,  მულახის თემშიც არის საოჯახო სასტუმროები.  ჩვენ უკვე ვიწყებთ კამპანიას საერთაშორისო არენაზე, რომ უფრო მიმზიდველი გახდეს თეთნულდი. ტურიზმის ადმინისტრაციასთან ერთად ვგეგმავთ ჩვენს მეზობელ ქვეყნებში, აგრეთვე, სხვადასხვა გამოფენებში მონაწილეობის მიღებას, რომელიც ჩატარდება ევროპასა და ამერიკაში. სადაც ჩვენ წარვადგენთ პრეზენტაციებით ჩვენს მთის კურორტებს და მათ შორის თეთნულდსაც, რათა პირველ რიგში მოთხილამურეები და ინვესტორები დავაინტერესოთ.

როგორც მოგეხსენებათ, სანამ კურორტის მშენებლობა არ დასრულდება, ძნელია ინვესტორის მოძიება, რადგან მას გამართული კურორტი აინტერესებს. თუმცა, ამ წუთში რომ თეთნულდის კურორტზე ვინმემ სასტუმრო ააშენოს, ასეთი ინტერესი  ჯერჯერობით არ არის. უკვე დაწყებული გვაქვს ინვესტორების მოძიებაც, რომლებსაც ექნებათ ინტერესი მესტიასა და მულახში სასტუმროები ააშენონ. ასევე, ადგილზე არის ტერიტორიები, რომლებიც ინვესტორებს უკვე აინტერესებთ. ეს არ არის  შორეული პერსპექტივა. მაქსიმალური დატვირთვით კურორტის ასამუშავებლად, ჩვენი გამოცდილებით, დაახლოებით, 5-8 წელი დაგვჭირდება", _ ამბობს ონოფრიშვილი.

ცნობისთვის, "თეთნულდ დეველოპმენტმა" თეთნულდის მთაზე ორი დღის წინ ჟურნალისტებისთვის და საქართველოში შემომყვანი ტურისტული კომპანიებისთვის საინფორმაციო ტური მოაწყო. მედიატურის მონაწილეებს საქართველოს რეგიონული განვითარებისა და ინფრასტრუქტურის მინისტრის მოადგილემ ეკა სეფაშვილმა და კომპანია "თეთნულდ დეველოპმენტის" დირექტორმა უკა კილაძემ უმასპინძლეს.

ჟურნალისტებმა და ტურისტული კომპანიის წარმომადგენლებმა ტურისტული ინფრასტრუქტურა და მიმდინარე სამუშაოები დაათვალიერეს, კურორტის განვითარების პერსპექტივებს გაეცნენ. 

სამინისტროს ინფორმაციით, პირველ ეტაპზე, შენდება წყალსადენის, ელექტრომომარაგების, მთის დრენაჟის სისტემები, ინფრასტრუქტურული ნაგებობები, ადმინისტრაციული შენობები, პარკინგი და სხვა აუცილებელი ობიექტები.




 ახალი ამბები
  • ქორწინების რეგისტრაციის წესში ცვლილებები შევიდაიუსტიციის მინისტრის თეა წულუკიანის ახალი ბრძანებით, ქორწინების სარიტუალო წესი შეიცვალა. შესაბამისი ბრძანება „საკანონმდებლო მაცნეზეა“ ხელმისაწვდომი. კერძოდ, სპეციალური სარიტუალო მომსახურებით და ადგილზე მომსახურებით (შენობის გარეთ მომსახურება) ქორწინების რეგისტრაციისას საქორწინო სივრცეში დასაშვებია დასაქორწინებელ პირებთან ერთად იმყოფებოდნენ მხოლოდ მათი მშობლები, ასევე მოწმეები და ერთი ფოტოოპერატორი. სავალდებულოა საქორწინო სივრცეში მყოფ პირთა შორის რეკომენდებული სოციალური დისტანციის დაცვა. ეს დროებითი წესი თბილისის იუსტიციის სახლის შენობაში მდებარე ქორწინების სახლის მიმართ - 2020 წლის 29 მაისიდან; ხოლო, თბილისში, უზნაძის ქ. №2-ში მდებარე ქორწინების სახლის მიმართ -2020 წლის 31 მაისიდან ... ...
  • ლანჩხუთში დამოუკიდებლობის დღე აღნიშნესსაქართველოს დამოუკიდებლობის დღე, 26 მაისი, სხვა ქალაქების მსგავსად ლანჩხუთშიც მოკრძალებულად აღინიშნა. ტრადიციისამებრ, მუნიციპალიტეტის ხელმძღვანელმა პირებმა საქართველოს პირველი რესპუბლიკის მთავრობის თავმჯდომარე, ნოე ჟორდანიას ბიუსტი ყვავილებით შეამკეს. „მნიშვნელოვანია, რომ საქართველოს დემოკრატიულ განვითარებას საუკუნის წინ დაედო საფუძველი. ნიშანდობლივია, რომ დამოუკიდებლობის აქტზე ხელმომწერი 14 პირი სწორედ ლანჩხუთიდანაა. მინდა მივულოცო თითოეულ ლანჩხუთელს და სრულიად საქართველოს დამოუკიდებლობის დღე. გამთლიანება, განვითარებულ და ძლიერ საქართველოში ცხოვრებას გისურვებთ“, _ აღნიშნა ლანჩხუთის მერმა ალექსანდრე ... ...
  • ძვირადღირებული ინფრასტრუქტურული პროექტი და უკმაყოფილო მოსახლეობა ლანჩხუთშილანჩხუთში აღმაშენებლის ქუჩის მოსახლეობამ გამაფრთხილებელი საპროტესტო აქცია გამართა. საქმე ისაა, რომ ამ ქუჩაზე, რომლიც ავტობანს უნდა დაუკავშირდეს, გარკვეული სახის იფრასტრუქტურული სამუშაოები მიმდინარეობს. აქ იფრასტრუქტურული სამუშაოები რამდენიმე თვის წინ დაიწყო და პროექტის შესაბამისად, რომლის ღირებულებაც ორი მილიონ 900 ათასი ლარია, იგეგმება სანიაღვრე არხების გაახლება, ტროტუარების მოწყობა და გზის საფარის დაგება. თუმცა, ირკვევა, რომ სამუშაოების მიმდინარეობის ხარისხით ადგილობრივი მოსახლეობა უკმაყოფილია და მათი ნაწილი ეჭვობს, რომ სამშენებლო სამუშაოები სტადარტების დარღვევით მიმდინარეობს. მოსახლეობის თქმით, უხარისხოდ შესრულებული სამუშაოების გამო მათი ეზოები იტბორება და თუ არ გამოსწორდება არსებული ხარვეზები, სამუშაოების დასრულების შემდეგ ადგილობრივები გაცილებით ცუდ მდგომარეობაშია ... ...
  • სალომე სამადაშვილი 2011 წლის 26 მაისის აქციის დაშლაზე - არ მახსოვს, რა აქციაზე მელაპარაკებითარ მახსოვს, რა აქციაზე მელაპარაკებით, – ასე უპასუხა „ერთიანი ნაციონალური მოძრაობის“ წარმომადგენელმა, სალომე სამადაშვილმა საქართველოს პირველი არხის კითხვას, რამდენად სწორი იყო 2011 წლის 26 მაისის აქციის დაშლის ფორმა. „რომელ აქციაზე მეკითხებით. არ მახსოვს, რა აქციაზე მელაპარაკებით. 2011 წლის 26 მაისს რა აქცია გაიმართა, ქალბატონ ბურჯანაძეს გულისხმობთ? თქვენ თუ გულისხმობთ იმას, რომ იყო მცდელობა, ჩვენი ქვეყნის სახელმწიფოებრიობის, დამოუკიდებლობის აღდგენის დღეს ჩაშლილიყო სახელმწიფოს მიერ დაგეგმილი შესაბამისი ღონისძიებები, რაც ფაქტობრივად იყო თავდასხმა საქართველოს სახელმწიფოზე და ჩვენს სახელმწიფო ინტერესებზე და ეს ყველაფერი ხორციელდებოდა იმ ხალხის მიერ, რომლის საგარეო პოლიტიკური ორიენტაცია, ყველამ ვიცით, არის მიმართული ჩვენი ჩრდილოელი მეზობლისგან, ვფიქრობ, რომ სახელმწიფოს უნდა დაეცვა საკუთარი სახელმწიფოებრივი ინტერესები. თუმცა, რა თქმა უნდა, ძალიან სამწუხაროა, თუ რა პროცესში მოხდა შესაბამისად ძალის გადამეტება. თუმცა, რამდენადაც ჩემთვის ცნობილია, განსხვავებით, მაგალითად, როდესაც გავრილოვის პარლამენტში მომყვანმა ხელისუფლებამ შემდგომ დაარბია საკუთარი თანამოქალაქეები და დღემდე გამოუძიებელი რჩება ყველა ეს საქმე და დაზარებულის სტატუსიც არ მიუნიჭებიათ იმ ადამიანებისთვის, ვისაც რეზინის ტყვიები ესროლა „ქართულმა ოცნებამ“ სერგეი გავრილოვის გამო, განსხვავებით ამისგან, მე რამდენადაც მახსოვს, 26 მაისს ძალის გადამეტების შემთხვევები იყო გამოძიებული და შესაბამისად, დასჯილი“, – აღნიშნა სალომე სამადაშვილმა. კითხვაზე, უქმნის თუ არა უხერხულობას ნინო ბურჯანაძესთან თანამშრომლობა, სალომე სამადაშვილმა განაცხადა: „მე მიმაჩნია, რომ მათ შორის იმ ადამიანებს, რომლებსაც მე შეიძლება ბევრ რამეში არ ვეთანხმები, აქვთ უფლება, მიიღონ მონაწილეობა დემოკრატიულ თავისუფალ არჩევნებში ქვეყანაში, რადგან ქართველმა ხალხმა უნდა განსაზღვროს, ვის მიანიჭებს ის ნდობას და დარწმუნებული ვარ, ჩვენი ხალხი შესაბამის პასუხს გასცემს არჩევნებზე ყველა პოლიტიკოსის პირად გადაწყვეტილებას და პოლიტიკურ არჩევანს, თუმცა თავისუფალ არჩევნებში მონაწილეობის მიღება და დემოკრატიული სტანდარტებით ჩატარებული არჩევნების უფლება აქვს ყველა პოლიტიკურ ძალას, მიუხედავად იმისა, თუ მე რას ვფიქრობ მათ შეხედულებებზე“. წყარო:  ... ...
  • რა ცვლილებები შედის საქართველოს პარლამენტის რეგლამენტშისაქართელოს კონსტიტუციასთან შესაბამისობაში მოყვანის მიზნით, ცვლილებები შედის საქართველოს პარლამენტის რეგლამენტში. პროექტის ინიციატორები საპარლამენტო უმრავლესობის წარმომადგენლები გიორგი კახიანი, გურამ მაჭარაშვილი და ირაკლი კობახიძე არიან. „რეგლამენტში ცვლილების განხორციელება გამოწვეულია იმით, რომ კონსტიტუციაში განხორციელებული ცვლილებით იცვლება მათ შორის, დასახელებებიც. კონსტიტუციაში წერია, სიტყვა - ოპოზიცია და არ არის უმცირესობა, შესაბამისად, ხდება პარლამენტის სტრუქტურის ოპტიმიზაცია, მათ შორის კომიტეტებისაც. ასევე, კონკრეტდება საპარლამენტო ცხოვრებაში როგორც უმრავლესობაში შემავალი ასევე, ოპოზიციაში არსებული ფრაქციების მონაწილეობა. როგორც ასეთი, სუბიექტები - უმრავლესობა და უმცირესობა აღარ იქნება. აუცილებლად იქნება ის, რომ პარლამენტის წევრების უმრავლესობა - მინიმუმ 76 პარლამენტის წევრი მთავრობას ჩამოაყალიბებს, მაგრამ უმრავლესობა, როგორც საპარლამენტო სუბიექტი, რომელსაც თავისი აპარატი ეყოლება - ეს აღარ იქნება", განმარტა საპროცედური საკითხთა და წესების კომიტეტის თავმჯდომარემ, გურამ მაჭარაშვილმა. მისი თქმით, უმრავლესობაში შესვლის უფლება აქვს როგორც ფრაქციას ასევე, უფრაქციო პარლამენტის წევრებს. ხოლო, საპარლამენტო უმრავლესობის გარეთ დარჩენილი ყველა ფრაქცია და უფრაქციო დეპუტატი იქნება ოპოზიცია. რეგლამენტის ახალი პროექტით, ერთი პოლიტიკური პარტიის ან საარჩევნო ბლოკის წარდგენით არჩეულ პარლამენტის წევრებს უფლება არა აქვთ შექმნან ერთზე მეტი ფრაქცია. სხვადასხვა პოლიტიკური პარტიის ან/და საარჩევნო ბლოკის წარდგენით არჩეული პარლამენტის წევრების მიერ საერთო ფრაქციის შექმნა დაუშვებელია. პარლამენტის ყველა წევრი, რომელიც არ შედის საპარლამენტო უმრავლესობაში, განეკუთვნება საპარლამენტო ოპოზიციას. „ოპოზიცია იქნება ყველა ის დეპუტატი, რომელიც იქნება უმრავლესობის გარეთ. აი ეს ცვლილებები იწვევს ყველა სხვადასხვა მუხლებში ცვლილების განხორციელებას, რადგან დამოუკიდებელი დეპუტატის ნაცვლად, იქნება უფრაქციო დეპუტატი, ეს ასევე იწვევს კვოტების განაწილების წესის ცვლილებას, ასევე ვიცესპიკერების განაწილების კვოტებს და არეგულირებს კომიტეტის თავმჯდომარეების, მისი მოადგილეების განაწილების პროცესს. ძირეული ცვლილებები არის ის რომ კონსტიტუციასთან შესაბამისობაში მოყვანა როგორც უმრავლესობის და უმცირესობის არარსებობის და უმრავლესი წევრების შეკრების სახით, ასევე კვოტების განაწილების სახით", - განმარტა კანონპროექტის ერთ-ერთმნა ინიციატორმა. მისი თქმით, მცირდება ვიცესპიკერების რაოდენობა, და იგი ჩამოვიდა სამზე, მათ შორის ერთი კვოტა არის ოპოზიციის. საკანონმდებლო ინიციატივის სახით, ცვლილება ასევე ეხება კომიტეტების შემცირებას. ახალი რეგლამენტით პარლამენტს სულ სულ განსაზღვრულია 13 კომიტეტი ეყოლება. ესენია: • ადამიანის უფლებათა დაცვისა და სამოქალაქო ინტეგრაციის; • განათლებისა და მეცნიერების; • გარემოს დაცვისა და ბუნებრივი რესურსების; • დარგობრივი ეკონომიკისა და ეკონომიკური პოლიტიკის; • ევროპასთან ინტეგრაციის; • თავდაცვისა და უშიშროების; • იურიდიულ საკითხთა; • რეგიონული პოლიტიკისა და თვითმმართველობის; • საგარეო ურთიერთობათა; • საპროცედურო საკითხთა და წესების; • საფინანსო-საბიუჯეტო; • კულტურის, სპორტის, ახალგაზრდობისა და დიასპორის საკითხთა; • ჯანმრთელობის დაცვისა და სოციალურ საკითხთა.". „აგრარულ საკითხთა კომიტეტი დარგობრივი ეკონომიკისა და ეკონომიკური პოლიტიკის კომიტეტთან გაერთიანდება, ხოლო დიასპორისა და კავკასიის საკითხთა კომიტეტის შემთხვევაში, შესაბამისი მიმართულება გაერთიანდება კულტურის, სპორტის, ახალგაზრდობის საკითხებთან ერთად, ერთ კომიტეტში; თავის მხრივ, კულტურის კომპონენტი გამოეყოფა განათლებისა და მეცნიერების კომიტეტს. პარლამენტის რეგლამენტში განსახორციელებელი ცვლილებები თანმდევ პროექტებში ცვლილებას იწვევს , რაც ძირითადად ტექნიკური ხასიათისაა. ეს ცვლილებები ამოქმედდება მეათე მოწვევის პარლამენტისთვის, რომელსაც საშუალება ექნება დაიწყოს ფუნქციონირება ახალი კონსტიტუციის და პარლამენტის ახალი რეგლამენტის შესაბამისად", - განაცხადა გურამ ... ...

არქივი

ტესტები

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?