მიაცემინა თუ არა 16 წლის მოზარდს ჩვენება პოლიციამ ზეწოლითა და კანონდარღვევით

მთავარი თემა

მიაცემინა თუ არა 16 წლის მოზარდს ჩვენება პოლიციამ ზეწოლითა და კანონდარღვევით

2015 ოქტ 1 23:52:08

23 სექტემბერს  შსს გურიის სამხარეო მთავარი სამმართველოს თანამშრომლებმა ქალაქ ოზურგეთში მცხოვრები 30 წლის  ბადრი მახინია დააკავეს.

მანამდე კი,  წინა  ღამით, ოზურგეთში  ერთ–ერთი საჯარო სკოლის  მეთერთმეტეკლასელი მოსწავლე ნ.ბ ცეცხლსასროლი იარაღით დაჭრეს.

აღნიშნული ფაქტი  ოზურგეთში,  სულხან - საბა ორბელიანის ქუჩაზე მოხდა.  თვითმხილველების თქმით,    20 წლის  პ. ბ.   მეგობარ გოგონასთან მ.შ.–ს  ერთად ქუჩაში სეირნობდა. ამ დროს  უცნობმა პირებმა   გაისროლეს.  მოზარდებმა თავის  გადარჩენა მოახერხეს, თუმცა ცეცხლსასროლი იარაღით, მეზობლების თქმით, სრულიად შემთხვევით,  16 წლის ნ.ბ დაიჭრა.

როგორ თვითმხილველები,  დაზარალებულის  მეზობლები და ახლობლები "გურია ნიუსთან" ამბობენ,  16 წლის მოზარდს პოლიცია სახლში  დღესაც იცავს. მათი თქმით, შესაძლოა, ბავშვზე პოლიციის მხრიდან  ფსიქოლოგიური ზეწოლის ფაქტებს ჰქონდეს ადგილი. ასევე ჩვენთვის ცნობილი ხდება, რომ დაჭრილ, 16 წლის მოზარდს  ნ.ბ  -ს პოლიციამ ჩვენება მშობლებისა და ადვოკატის გარეშე მიაცემინა.

"გურია ნიუსის" წყაროს ინფორმაციით,  პოლიციამ 16 წლის მოზარდს ჩვენება ბადრი მახინიას წინააღმდეგ მიაცემინა, თუმცა ნ.ბ.–ს  ბებია ც.  ჩ. ამბობს, რომ მისი შვილიშვილი ასეთ ჩვენებას ვერ მისცემდა, რადგან მათ არ იციან ვინ გაისროლა.

აღნიშნული ქუჩის მცხოვრებლების თქმით, უბნებს შორის კონფლიქტი და დაპირისპირებაა, რომელსაც მოზარდების ფსიქოლოგიური მდგომარეობა და  ჯანმრთელობა ეწირება. მათივე თქმით, პოლიციის სისტემატური თვალთვალის გამო,  ბავშვები ქუჩაში შიშით ვერ გამოდიან. აღნიშნული ფაქტის შესახებ კი ყველაფერი ბურუსით არის მოცული,  თითქოს აქ  მცხოვრებ ყველა მოზარდს პირზე ბოქლომი ადევს.

 გოგონა, რომელიც ზემოთაღნიშნული ფაქტის მომსწრეა,  პოლიციაში რამდენჯერმე დაკითხეს. მისი ბებია მ. შ. ჩვენთან საუბრისას ამბობს, რომ  მისი  შვილიშვილი შემთხვევით მოხვდა ამ სიტუაციაში:

"ჩემი ბავშვი იყო სტუმრად მეგობრებთან, სტუდენტია, უნდა წასულიყო თბილისში და წინა დღეს დაურეკეს ბავშვებმა ვნახოთ ერთმანეთიო. იყო მათთან ერთად,  ქუჩაში მოხდა გასროლა.  ბავშვი შოკში ჩავარდა, პოლიციამ მესიჯი უპოვა  ტელეფონში.  ვიღაცა წერდა,  რა გასროლა მოხდაო.  ამას პასუხიც არ გაუცია, ბავშვი რომ გადარჩა,  ამაზეც მადლობელი ვარ.   ჩემი შვილიშვილი რამოდენიმეჯერ იყო დაკითხვაზე,  რის გამოც  გააცდინა ინსტიტუტში მეცადინეობა.   ახლა გამოიძახეს  და წავიდა.  სხვა ჩვენ არაფერი  ვიცით. არც ბავშვმა არ იცის ვინ ისროლა, არ დაუნახია. ვიღაცამ ისე ისროლა, ბავშვებმა საიდან უნდა იცოდნენ? ყველას წინაშე დავიფიცებ, რომ ჩემმა შვილიშვილმა არაფერი არ იცის, დაანებონ თავი."

16 წლის მოზარდის ბებია ც. ჩ. მისი შვილიშვილის დაჭრის ფაქტის შესახებ "გურია ნიუსთან" დეტალურად ჰყვება:

"იმ ღამეს  სახლში ვიყავით, პირველ სართულზე, წინ ოთახში ნ.  და ორი მისი მეგობარი კარტს თამაშობდნენ.  გავიგონე ქუჩიდან ხმაური, გავიხედე და მესმის საშინელი კივილის ხმა.  ვიღაცა გამწარებული კიდიოდა.  ჩემი ბავშვებიც აღარ იყვნენ ოთახში,  უკვე ბნელოდა,  დავუძახე შვილიშვილს.  ამ დროს ვხედავ, რომ ჩემი ბავშვი და მისი მეგობრები მორბიან. ნ. ამბობს, რომ დაჭრილი ვარ ფეხშიო.   ბავშვები ერთმანეთში ამბობდნენ, ჩვენ რა შუაში ვართ, ჩვენთან რა უნდოდათო, მეზობელმა წაიყვანა საავადმყოფოში, ხუთ წუთში საავადმყოფო პოლიციით აივსო. მე არ მიმიშვეს  ბავშვთან...  სამხარეო პოლიციის უფროსმა   მითხრა,   მომილოცავს,  თქვენი შვილიშვილი ბეწვზე გადარჩაო.   შემდეგ   წამომიყვანეს პოლიციაში დაკითხვაზე,  იქ შემახვედრეს ვიღაც ბიჭს და მეკითხებიან,  იცნობთ ამასო?

მე  ვუთხარი,  რომ თვალად არ მინახავს თქო. პირველად გავიგონე მახინიას გვარი, საერთოდ არ ვიცი ვინაა.  დამკითხა გამომძიებელმა, მე სათვალე არ მქონდა თან, მან წამიკითხა ჩემი ჩვენება. მე აზრზე არ ვარ, საერთოდ არ ვიცი ვინ არის ის პიროვნება, ვინაც ისროლა.

ჩემი შვილიშვილი ამბობს, რომ სულხან – საბა  ორბელიანის ქუჩაზე გაიგონეს ხმაური, გავიდნენ გარეთ და გაიქცნენ იმ ადგილისკენ, სადაც შეეფეთათ    ორი პიროვნება, რომლეთაგანაც ერთმა,   შემთხვევით ესროლა ნ,-ს. ამ პატარა შესახვევში შუქი არ არის, ღამე იყო, აბა საიდან უნდა დაგენახა ვინ გესროლა? იქ შეეჩეხენენ, როგორც ბავშვები ამბობენ ორი იყვნენო.  ერთი ტყვია მოხდა ჩემს შვილიშვილს.  არც იცნობს, არც იცის, არც გაუგონია ის ვიღაცა მახინიაოო,  პოლიცია რომ გაიძახის.  რომ ვიცოდე, რომ რაიმე საერთო ჰქონდა ჩემს შვილიშვილთან,  არ დავმალავადი, ასაკითაც მათ შორის დიდი სხვაობაა.  მახინია 30 წლისაა, ეს კი 16,  რა საერთო უნდა ჰქონოდათ ერთმანეთთან? არანაირი შეხება ერთმანეთთან არ ჰქონდათ, დანამდვილებით ვიცი. რატომ გახვიეს ეს ბავშვი ასეთ  უსიამოვნებაში?  რატომ უფუჭებენ მომავალს?

ც. ჩ. თქმით,  სულხან–საბა ორვბელიანის ქუჩაზე მცხოვრები პ. ბ.  მის მეგობარ გოგონასთან ერთად სეირნობდა, ამ დროს აუტეხიათ სროლა ამ ბავშვისთვის.  ეს გოგო პ. –ს  გადაეფარა,  გაქცეულა და ეზოში  შესვლა მოასწრო.   გოგო კიოდა თურმე.  ამის შემდეგ ეტყობა შეშინებულებმა, რომ ვერ მოახერხეს იმ ბავშვის დაჭრა,  ამ პატარა შესახვევში სცადეს მიმალვა და აქედან გაქცევა, ამ დროს შეეფეთა  ჩემს შვილიშვილს და ეტყობა გაუგებრობით მოხდა ეს ყველაფერი.

ვერავინ ვერაფერს  გეტყვით...  ბოქლომი ადევს დიდსა და პატარას ენაზე... რა ხდება, არ ვიცით,  ყველანი გაოგნებულები ვართ.  

მე ვუსმენ ბიჭების საუბარს, რომლებიც ამბობენ, რომ მახინიას ტყუილად აბრალებს პოლიცია, იმ დროს სულ არ ყოფილა მანდო, ბათუმში იყო ვიღაცასთანო, ისიც უარყოფს კატეგორიულად, რომ იქ არ ვყოფილვარო.  რომ ყოფილიყო, სახლში დახვდებოდა პოლიციას? ადრე ნაპატიმრებია და ამის გამო არ ახარებენ ალბათ, მე ნამდვილად ვიცი, რომ ის ბიჭი არ ყოფილა, არ არის დამნაშვე.

ახალგაზრდობა ქუჩაში შიშით ვერ გამოდის.   პოლიცია   ყოვლდღე მოდის აქ.   ბავშვები დაშინებულები არიან.

ჩემი შვილიშვილი  ვერ იტყოდა და ვერც იტყვის, რომ მას მახიანიამ ესროლა, არ იცის და როგორ თქვას? არ დაუნახია.  პოლიცია კი ფსიქოლოგიურ ზეწოლას ახდენს. ახლა უკვე ავიყვანთ ადვოკატს, გვეშინია ბავშვებს  ძალით არ ათქმევინონ რამე. ყველაფრის გვეშინია .  ბავშვი შოკშია.

პოლიციაში  ნ. თქვა, რომ არ ვიცი ვინ მესროლაო, პოლიციამ  კი უპასუხა,  ჩვენ უკვე ავიყვანეთ პატიმარი მახინია,  იმან გესროლა და ხელი უნდა მოაწეროო.  ბავშვი იმყოფებოდა ფსიქოლოგიური და ფიზიკური ტრამვის ქვეშ, შეშინებულიც იყო და მოაწერა ხელი. ასეთ რთულ  მდგომარეობაში მოხდა მისი დაკითხვა და ხელის მოწერა საავადმყოფოში.  მერე სახლშიც მოხდა მისი დაკითხვა,  რასაც  ესწრებოდა მასწავლებელი  ზ. კ. ბავშვი როგორ აღიარებდა,  იმას  ვინ დაჭრა? არ იცის.

ბებიას თქმით, ბავშვს ჩვენება მიაცემინეს მშობლების,  ბებიის და ადვოკატის გარეშე.  

"რაც ნ. სავაადმყოფოდან გამოვიყვანეთ,  პოლიცია ჩვენთან ცხოვრობს. მთელი ღამე ზიან, მორიგეობენ, არც ხმას იღებენ, ვკითხე რატომ ხართ აქ მეთქი? - უსაფრთხოების  მიზნით  ვართო, რას ფიქრობენ არ ვიცი, რა უნდათ ამდენი ხანი?"–ამბობს დაზარალებულის ბებია.

მასწავლებელი, რომელიც ნ.ბ დაკითხვის პროცესში ფიგურირებს,  ჩვენთან საუბრისას აცხადებს, რომ მას არ ახსოვს რა ჩვენება მისცა  16 წლის მოზარდმა პოლიციას:

ზ. კ. მასწავლებელი: "პოლიციაში არ დაუკითხავთ, არ მახოვს სად დაკითხეს,  კი ვესწრებოდი ,  მაგრამ არ მახსოვს. მე იმდენი საქმე მაქვს, იმდენი პრობლემა მაქვს, რა გითხრათ რა ვიცი."

  ბავშვმა ჩვენებაში აღიარა ვინ დაჭრა?

" არ მახსოვს ქალბატონო და რა გითხრათ? გზაში ვარ,  როცა ჩამოვალ,  გნახავთ და დაგელაპარაკებით"_ ამბობს მასწავლებელი.

შინაგან საქმეთა სამინისტროს პრესსამსახურმა ბადრი მახინიას დაკავებიდან რამდენიმე საათში გაავრცელა ინფორმაცია, რომ "გურიის სამხარეო მთავარი სამმართველოს ოზურგეთის რაიონული სამმართველოს თანამშრომლებმა, 1990 წელს დაბადებული, წარსულში ნასამართლევი ბადრი მ. საბრძოლო მასალის მართლსაწინააღმდეგო შეძენა-შენახვის ბრალდებით ოზურგეთში დააკავეს და საცხოვრებელი ბინის ჩხრეკისას, სხვადასხვა ტიპის ცეცხლსასროლი იარაღისთვის განკუთვნილი 6 საბრძოლო ვაზნა ამოიღეს.

მახინიას ბრალი დაუმძიმდა – მას ედავებიან საქართველოს სისხლის სამართლის კოდექსის 19-108 მუხლით გათვალისწინებულ დანაშაულის ჩადენას, რაც ითვალისწინებს განზრახ მკვლელობის მცდელობას.

აღნიშნულ ფაქტს კატეგორიულად უარყოფენ მახინიას ოჯახის წევრები, ახლობლები და მეზობლები. მათი თქმით,  პოლიციამ  ბადრი მახინია უკანონოდ დააპატიმრა.

აღნიშნულთან დაკავშირებით,  სასამართლო პროცესი 6 ნოემბერს გაიმართება.




 ახალი ამბები
  • "თავისუფლება ვაჟა ექიმს" _ საოკუპაციო ხაზთან ვაჟა გაფრინდაშვილის ოჯახი აქციას მართავს"სოხუმი და ცხინვალი საქართველოა", "სამშობლოს სიყვარული დანაშაული არ არის", "თავისუფლება ვაჟა ექიმს"- ამ მოწოდებებით საოკუპაციო ხაზთან, დუშეთის რაიონის სოფელ ოძისში ვაჟა გაფრინდაშვილის ოჯახის წევრები და მხარდამჭერები აქციას მართავენ. მათთან ერთად ადგილზე იმყოფებიან ევროკავშირის სადამკვირვებლო მისიის წარმომადგენლები, თეთრ ხალათებში ჩაცმული ექიმები, პოლიტიკური პარტიების ლიდერები და სამოქალაქო აქტივისტები. შეგახსენებთ, რომ დღეს ვაჟა გაფრინდაშვილის ოჯახის წევრები და მხარდამჭერები რესპუბლიკის მოედანზე შეიკრიბნენ და ოძისამდე საავტომობილო მსვლელობით გადმოინაცვლეს. "გურია ნიუსი" უმოკლეს დროში შემოგტავაზებთ ინფორმაციას საოკუპაციო ... ...
  • ოზურგეთის მუნიციპალიტეტის ადმინისტრაციული შენობის შესასვლელი კარები ჩაკეტესოზურგეთის მუნიციპალიტეტის ადმინისტრაციული შენობის შესასვლელი კარები ჩაკეტეს. შენობაში განთავსებულია მაჟორიტარი-დეპუტატის არჩილ თალაკვაძის ბიურო, სადაც ალეკო ელისაშვილის აქცია უნდა დაიწყოს. ელისაშვილმა და მისმა გუნდმა უკვე ერთი აქცია ჩოხატაურის ბაზარში გამართეს. "ვამხილოთ ფეოდალი მაჟორიტარები" _ ასე ქვია ელისაშვილის მიერ ორგანიზებულ აქციას, რომელსაც საქართველოს სხვადასხვა რეგიონში ... ...
  • "მთელი მისი ნარატივი იყო, დეპუტატი მდიდარია და რაიონი ღარიბიო" _ ნინო წილოსანი ელისაშვილზესამოქალაქო მოძრაობის ლიდერის, ალეკო ელისაშვილის ჩოხატაურის მოსახლეობასთან შეხვედრას ჩოხატაური-ლანჩხუთის მაჟორიტარი დეპუტატი ნინო წილოსანი ფეისბუქის საკუთარ გვერდზე ეხმიანება. "დღეს ბატონი ალეკო ელისაშვილი ესტუმრა ჩოხტაურს. მთელი მისი ნარატივი იყო დეპუტატი მდიდარია და რაიონი ღარიბიო. - ვერც ერთ შემთხვევას ვერ ასახელებს რაიონიდან რამე წამეღოს, პირიქით მიტანის უამრავი, მაგრამ ეს ხომ მას არ აინტერესებს.- არც მასავით ლაპარაკით გამდიდრებულა ჩემი ოჯახი. სხვები ქარხნებს ჯართად რომ ჭრიდნენ მამაჩემი თავისი ჯანმრთელობის ფასად ვაგონმშენებლობას ანვითარებდა და მთავრობების რეკეტს უმკლვადებოდა. - რაიონი რომ ღარიბია, ალეკო ელისაშვილმა ეხლა დაგუგლა, მე ყოველდღიურ რეჟიმში ვხედავ და ვებრძვი ამას. და ჩემი მუშაობა თუ უნდა შეაფასოს, შეადაროს რა იყო რაიონში და რა არის ეხლა - სკოლები, ბაღები, გაზიფიცირება, გზები, რეაბილიტირებული ერისთავის სახლი, ახალი პროფსასწავლებლის მშენებლობა, ბავშვთა საფეხბურთო აკადემია , ლანჩხუთში 10 სოფლის წყალმომარაგება, დაკმაყოფილებული ეკომიგრანტები და ა.შშემიძლია მივაწოდო მართლა თუ აინტერესებს.კომუნისტები მსგავსი ანტისიმდიდრის ნარატივს რომ ავითარებდნენ და გააკულაკეს ხალხი, იმიტომ არის რომ დღემდე ვერ დავდექით ფეხზე!! მასე გააგრძელე, ბატონო ალეკო, შორს წახვალ და ზედ მიიყოლებ ვინც დაგიჯერებს, _ წერს ... ...
  • "არ გავჩერდებით, სანამ სისხლს არ გავუშრობთ ამ წურბელა მთავრობას" _ ალეკო ელისაშვილიჩოხატაურის ბაზარში სამოქალაქო მოძრაობის წევრები ამ წუთებში მართავენ კამპანიას "ვამხილოთ გურული ფეოდალები". ისინი ბაზარში მყოფ ადამიანებს ესაუბრებიამნ პროპორციული საარჩევნო სისტემის მნიშვნელობის შესახებ და თანამდებობაზე მყოფ დეპუტატებს _ არჩილ თალაკვაძესა და ნინო წილოსანს ადანაშაულებენ, რომ ისინი ხალხზე არ ზრუნავენ.  როგორც სამოქალაქო მოძრაობის ლიდერმა ალეკო ელისაშვილმა "გურია ნიუსთან" განაცხადა, არ გაჩერდებიან, სანამ მიზანს არ მიაღწევენ. "ისინი მდიდრდებიან ხალხის ხარჯზე! არ გავჩერდებით, სანამ სისხლს არ გავუშრობთ ამ წურბელა მთავრობას", _ გვითხრა ელისაშვილმა. ამ წუთებში სამოქალაქო მოძრაობის ჩოხატაურელ მოსახლეობასთან შეხვედრა დაპირისპირების ფონზე ... ...
  • "ეს გააკეთა მერმა და არა წილოსანმა" - დაპირისპირება ჩოხატაურის ბაზარშიალეკო ელისაშვილის და მისი გუნდის შეხვედრა ჩოხატაურის ბაზარში დაპირისპირების ფონზე ... ...

არქივი

ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...