პოლიციელებისგან ნაცემი მოქალაქე საქმის დროულად გამოძიებას ითხოვს

მთავარი თემა

პოლიციელებისგან ნაცემი მოქალაქე საქმის დროულად გამოძიებას ითხოვს

8 ოქტ. 2015, 20:02:12

კასპის რაიონის მკვიდრი ზვიად ფეიქრიშვილი იმ პოლიციელების დასჯას ითხოვს, რომლებმაც მას ფიზიკური და სიტყვიერი შეურაცხყოფა მიაყენეს.

საქმე 2015 წლის 4 აპრილს მომხდარ შემთხვევას ეხება, რა დროსაც, კრიმინალური პოლიციის ოთხმა თანამშრომელმა - ლევან ბაისონაშვილმა, ამირან ქასოშვილმა, მურად ბარნოვმა და მიხეილ მიგრიაულმა  ფეიქრიშვილი საკუთარი სახლიდან ღამის 9 საათზე გაიყვანა და კასპის რაიონის სოფელ ზემო ხანდაკის სასაფლაოს ტერიტორიაზე სცემა.

აღნიშნული ინციდენტის წინაპირობა ფეიქრიშვილის მეუღლის მისამართით პოლიციის ერთ-ერთი თანამშრომლის შეურაცხმყოფელი საქციელი იყო, რის გამოც ზვიად ფეიქრიშვილმა პროტესტი გამოთქვა, ამას კი პოლიციელების მიერ უფლებამოსილების ბოროტად გამოყენება მოჰყვა.

როგორც ფეიქრიშვილი აცხადებს, კრიმინალური პოლიციის თანამშრომელი ლევან ბაისონაშვილი მის მეუღლესთან რომანის გაბმას გეგმავდა.

ფეიქრიშვილი იხსენებს, რომ მეუღლის ტელეფონში აღმოჩენილი სასიყვარულო შეტყობინებების შემდეგ ის პატრულ-ინსპექტორს დაუკავშირდა და სთხოვა მესიჯები აღარ გაეგზავნა, რასაც მის სახლთან პოლიციის თანამშრომლების მისვლა და ზემოაღნიშნული საქმის გარჩევა მოჰყვა.

ფეიქრიშვილი ამბობს, რომ მან პოლიციელებს თავი გაქცევით დააღწია და მეზობელმა შეიფარა, თუმცა ფაქტიდან 7 თვის შემდეგაც კი, პოლიციელების მხრიდან, მასზე ფსიქოლოგიური ზეწოლა ისევ ხორციელდება.

ფეიქრიშვილი არ გამორიცხავს, რომ პოლიციელებმა მას პროვოკაცია მოუწყონ.

აღნიშნულ ფაქტთან დაკავშირებით, გამოძიება გორის საოლქო პროკურატურას აქვს დაწყებული.

საგამოძიებო უწყების ინფორმაციით, საქმეში დევს ზვიად ფეიქრიშვილის სამედიცინო დასკვნა, სადაც აღნიშნულია, რომ მას სხეულზე მრავლობითი დაჟეჟილობა და ექსკორაციები აღენიშნებოდა. გამოძიებას აქვს ასევე ტანსაცმელი, რომელიც ზვიად ფეიქრიშვილს შემთხვევის დროს ეცვა და მისი მეუღლის მობილური ტელეფონი, სადაც პოლიციელის სასიყვარულო ტექსტები ინახება.

მიუხედავად იმისა, რომ ფეიქრიშვილი დაზარალებულად არის ცნობილი, როგორც მისი ადვოკატი, "თბილისის ადამიანის უფლებათა სახლის" იურისტი, ეკა ქობესაშვილი აღნიშნავს, საქმეში ბრალდებულები არ არიან.

"ამ ხნის მანძილზე არ დაწყებულა სისხლის სამართლებრივი დევნა პოლიციის იმ თანამშრომლების მიმართ, რომლებმაც ფიზიკურად იძალადეს ზვიად ფეიქრიშვილზე. ვფიქრობთ, რომ შიდა ქართლისა და მცხეთა-მთიანეთის საოლქო პროკურატურის მიერ ხელოვნურად ჭიანურდება პოლიციის ყოფილი თანამშრომლების პასუხისგების საკითხი. მოვითხოვთ, გამოძიების ეფექტურ ჩატარებას და პროკურატურის მხრიდან რეაგირებას. აგრეთვე, ჩვენი მოთხოვნაა, დაიწყოს სისხლის სამართლებრივი დევნა პოლიციის ყოფილი თანამშრომლების მიმართ, წინააღმდეგ შემთხვევაში, საქმის წარმოება საქართველოს მთავარ პროკურატურაში გაგრძელდეს", _ აღნიშნავს ქობესაშვილი.

როგორც დღეს გამართულ პრესკონფერენციაზე ზვიად ფეიქრიშვილმა აღნიშნა, საქმეში ჟურნალისტების ჩართვის შემდეგ ლევან ბაისონაშვილს, ამირან ქასოშვილს, მურად ბარნოვსა და მიხეილ მიგრიაულს შინაგან საქმეთა სამინისტროს გენერალური ინსპექციის მოკვლევის საფუძველზე თანამდებობები დაატოვებინეს.

თუმცა, ფეიქრიშვილის ადვოკატი ეკა ქობესაშვილი ვარაუდობს, რომ პოლიციელები სხვა რაიონში გადაიყვანეს და იმავე თანამდებობებზე დანიშნეს.

"გვაქვს საფუძვლიანი ეჭვი იმისა, რომ პოლიციის ის თანამშრომლები, რომლებმაც ზვიად ფეიქრიშვილზე ძალადობა განახორციელეს, არიან აღდგენილები თანამდებობაზე, გადაიყვანეს სხვა რაიონში და ისინი დღესაც მოქმედი თანამშრომლები არიან. ამის თაობაზე გამოთხოვილი გვაქვს ინფორმაცია შინაგან საქმეთა სამინისტროდან და ველოდებით პასუხს,  რის საფუძველზეც ზუსტად გვეცოდინება, არიან თუ არა აღნიშნული პირები ძალოვანი უწყების თანამშრომლები, თუ უკვე გაათავისუფლეს გენერლური ინსპექციის მოკვლევის საფუძველზე", _ აღნიშნა ქობესაშვილმა.

"გურია ნიუსი" საქმის გამომძიებელს,  ზურაბ კუბლაშვილს ტელეფონზე დაუკავშირდა, თუმცა, მან მოგვიანებით დარეკვა გვთხოვა.

ზურაბ კუბლაშვილთან ჩაწერილ ინტერვიუს უცვლელად გთავაზობთ:

_ბატონო ზურაბ, გიკავშირდებით ზვიად ფეიქრიშვილის საქმესთან დაკავშირებით, რა ეტაპზეა გამოძიება?

_იქნებ ცოტა მოგვიანებით დამირეკოთ...

_რამდენიმე წუთს წაგართმევთ...

_იცით რა, საჭესთან ვარ და ახლა ვერ გელაპარაკებით.

_ამდენ ხანში პასუხს ხომ გაგვცემდით?

_ბოდიში რა, ბოდიში, გვიან დამირეკეთ.

ამის შემდეგ გამოძიების მიმდინარეობის შესახებ ინფორმაციის გარკვევა საქართველოს მთავარი პროკურატურის პრესსამსახურის მეშვეობით ვცადეთ. თუმცა, უწყებაში მხოლოდ ის გვითხრეს, რომ საქმეზე გამოძიება მიმდინარეობს. დეტალების დაკონკრეტებისგან კი, თავი შეიკავეს.

რაც შეეხება კრიმინალური პოლიციის თანამშრომლების გათავისუფლების საკითხს, შინაგან საქმეთა სამინისტროში აცხადებენ, რომ  ლევან ბაისონაშვილი, ამირან ქასოშვილი, მურად ბარნოვი და მიხეილ მიგრიაული კადრების განკარგულებაში არიან აყვანილები და მოვალეობას ამჟამად არ ასრულებენ. თუმცა, როგორც უწყებაში ამბობენ, 2015 წლის 4 აპრილიდან 1 ოქტომბრამდე, ისინი თავიანთ მოვალეობას ასრულებდნენ.

"გამოძიების დასრულებამდე ოთხივე პოლიციელი, 2015 წლის 1 ოქტომბრიდან, კადრების განკარგულებაშია აყვანილი და მოვალეობას არ ასრულებს", _ გვითხრეს შსს-ს პრესსამსახურში.

რაც შეეხება ინფორმაციას, თითქოს ისინი სხვა რაიონის პოლიციაში გადაიყვანეს, შსს-ში არ ადასტურებენ.

"შემიძლია გითხრათ, რომ ოთხივეს შეჩერებული აქვს მოვალეობის შესრულება. გადაყვანილები არსად არ არიან", _ გვითხრეს შსს-ს პრესსამსახურში.




 ახალი ამბები
  • "წყალმა ფიზიკის კანონები უნდა დაარღვიოს და არხში ისკუპოს? ლანჩხუთში სოფელ  ჩიბათში ბოლო პერიოდში გაკეთებული სანიაღვრე არხების ამსახველ ფოტოებს სოციალურ ქსელში მომხმარებელი მარიამ კოიძე ავრცელებს. "აქ წყალმა ფიზიკის კანონები უნდა დაარღვიოს და არხში ისკუპოს? "- კითხვას სვამს ის. როგორც მისი კომენტარიდან  ირკვევა აღნიშნული სანიაღვრეები ე.წ. რკინიგზის უბანში გაკეთდა და მოსახლეობაც უკმაყოფილოა განხორციელებული სამუშაოებით. "უკმაყოფილო ვართ, მე და ჩემ მხარეს მცხოვრები ყველა მეზობელი. ასევე უკანა მხარეს მცხოვრებნიც. იმიტომ, რომ სანიაღვრეები გააკეთეს არა იმ მხარეს, სადაც დახრა იყო, არამედ საპირისპირო მხარეს, სადაც მიწა მაღალია. რაც იმას ნიშნავს, რომ როგორც კი ღელე ადიდდება, ჩემ ეზოში შემოვა და წაიღებს ყველაფერს. ასევე წაიღებს ჩემს უკან მცხოვრები ადამიანების ეზოებს, რომელსაც სანიაღვრე არხები არ გაუკეთეს (ყოველ შემთხვევაში, ჯერ არა)" - წერს მარიამი. ... ...
  • აგვისტოში კომერციული ბანკების წმინდა მოგება 32 870 მლნ ლარით გაიზარდაეროვნული ბანკის მიერ გამოქვეყნებული სტატისტიკის მიხედვით, კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს, რომელიც,  წინა თვესთან შედარებით 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის სტატისკის მიხედვით, 2020 წლის აგვისტოში კომერციული  ბანკების მიერ ჯარიმა/საურავებიდან მიღებულმა შემოსავალმა 32,843 მლნ ლარი შეადგინა. საკონვერსიო ოპერაციებიდან მიღებულმა წმინდა მოგება/ზარალმა 71,858 მლნ ლარი შეადგინა. როგორც სტატისტიკაშია აღნიშნული, წინა თვეში კომერციულმა ბანკებმა საკომისიოებიდან და გაწეული მომსახურეობებიდან 30,976 მლნ ლარის შემოსავლი მიიღეს. ასევე ეროვნული ბანკის სტატისტიკის მიხედვით, 2020 წლის აგვისტოში სულ ბანკების შემოსავლები  399,955 მლნ ლარი შეადგინა, საიდანაც საპროცენტო შემოსავლები იყო 330,845 ლარი. აგვისტოში კომერციული ბანკების ხარჯებმა კი, 293,344 მლნ ლარი შეადგინა. ცნობისთვის, გასულ წელს კომერციული ბანკების წმინდა მოგება 953,635 მლნ ლარს შეადგენდა, დღეის მდგომარეობით ქართულ ბაზარზე 15 კომერციული ბანკი ... ...
  • საზოგადოებრივი მაუწყებლის დირექტორის ხელფასი 4-დან 10 ათას ლარამდე გაიზარდასაზოგადოებრივი მაუწყებლის სამეურვეო საბჭოს გადაწყვეტილებით, მაუწყებლის გენერალური დირექტორის პოზიციაზე ხელფასი 10 000 ლარი გახდა (საუბარია ხელზე ასაღებ თანხაზე). აქამდე ანაზღაურება 4 000 ლარი იყო.საზოგადოებრივი მაუწყებლის გენერალური დირექტორის პოზიციაზე თანამდებობრივი სარგოს გაზრდის შესახებ გადაწყვეტილება მაუწყებლის სამეურვეო საბჭომ დღეს, 22 სექტემბერს მიიღო.მრჩეველთა საბჭოს თავმჯდომარის ირინა ფუტკარაძის თქმით, დირექტორის ხელფასი ძალიან დაბალი იყო და მისი გაზრდის შესახებ დიდი ხანია მსჯელობენ."კონკურსის გამოცხადებამდე ჩვენ ჩამოყალიბებული ვიყავით, თუმცა, მიზანშეწონილად არ ჩავთვალეთ, რომ ხელფასი ერთგვარი მოტივატორი არ გამხდარიყო. ვიმსჯელეთ საბჭოში და მივიღეთ გადაწყვეტილება, რომ დღევანდელ სხდომაზე გაგვეტანა ეს საკითხი. რაც შეეხება ოდენობას, ვფიქრობთ, რომ ეს არის ძალიან გონივრული თანხა. ჩვენ, უბრალოდ, თავს უფლებას ვერ მივცემდით, რომ უფრო მეტით გაგვეზარდა,   არ ვართ კერძო ტელევიზია და ამიტომ გარკვეულ ჩარჩოებში ვზივართ ხელფასებთან დაკავშირებით", - განუცხადა "მედიაჩეკერს" ირინა ფუტკარაძემ კითხვაზე, ახლა, ახალი დირექტორის არჩევის წინ რატომ გაიზარდა დირექტორის ხელფასი.ჩვენს კითხვაზე, მის უფლებამოსილებებში რაიმე ხომ არ იცვლება ან ემატება, რაც წინა დირექტორს არ ჰქონდა, ფუტკარაძემ გვიპასუხა:  “რჩება იგივე უფლებამოსილება, რაც განსაზღვრული აქვს კანონით, ბუნებრივია.  მაგრამ, მე პირადად, ვთვლიდი, რომ საკმაოდ არაადეკვატური (ანაზღაურება) ჰქონდა წინა დირექტორს და შესაბამისად, იმიტომ გაიზარდა, რომ ვინც იქნება ახალი დირექტორი, მას უკვე ჰქონდეს ღირსეული და ადეკვატური ანაზღაურება".შეგახსენებთ, მიმდინარე კვირაში მრჩეველთა საბჭომ მაუწყებლის ახალი გენერალური დირექტორი უნდა აირჩიოს. კონკურსში სულ 8 განმცხადებელი მონაწილეობდა, თუმცა, დირექტორობისთვის ბრძოლას I ტურის შემდეგ 4 კანდიდატი აგრძელებს. წყარო: ... ...
  • შინაგან საქმეთა მინისტრმა საპარლამენტო არჩევნებთან დაკავშირებით ბრძანება გამოსცაშინაგან საქმეთა მინისტრმა, ვახტანგ გომელაურმა საქართველოს პარლამენტის 2020 წლის 31 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად, ასევე, სამართალდარღვევათა  პრევენციისა და  მათზე  რეაგირების მიზნით, ბრძანება გამოსცა.   ბრძანების თანახმად, საქართველოს რეგიონებში, პოლიციის დეპარტამენტების სამოქმედო ტერიტორიებზე შეიქმნება სამართალდარღვევების პრევენციისა და მათზე რეაგირებისთვის პასუხისმგებელი ჯგუფები.  არჩევნების უსაფრთხო და თავისუფალ გარემოში ჩატარების ხელშეწყობის მიზნით, შესაბამის ჯგუფებს დაევალათ  სამოქმედო ტერიტორიაზე უზრუნველყონ სათანადო ზომების მიღება,  წინასაარჩევნო აგიტაციის მშვიდ და თავისუფალ გარემოში ჩატარება და „პოლიციის შესახებ“ საქართველოს კანონის შესაბამისად პრევენციული საპოლიციო ღონისძიებების განხორციელება. აღნიშნული ბრძანება პოლიციელებს სამსახურებრივი მოვალეობის შესრულებისას პოლიტიკური ნეიტრალიტეტის პრინციპის მკაცრად დაცვას ავალდებულებს. ბრძანების თანახმად, დაუშვებელია, პოლიციელის ქმედება პირდაპირ ან არაპირდაპირ იყოს მიმართული რომელიმე პოლიტიკური პარტიის საწინააღმდეგოდ ან ... ...
  • საქართველში საპარლამენტო არჩევნებს IRI-ის წარმომადგენლები დააკვირდებიანდღეს საერთაშორისო რესპუბლიკურმა ინსტიტუტმა (IRI) გააკეთა განცხადება არჩევნების ტექნიკური შეფასების საერთაშორისო მისიის  ჩამოსვლის შესახებ. მისია შეაფასებს 2020 წლის, 31 ოქტომბრის საპარლამენტო არჩევნებს. შეფასების მისია საქართველოში ჩამოდის ცენტრალური საარჩევნო კომისიის მოწვევის საფუძველზე.  საერთაშორისო რესპუბლიკური ინსტიტუტი (IRI) დაახლოებით 25 წელია საქართველოს პარტნიორია და ბოლო ათწლეულის მანძილზე განახორციელა თითქმის ყველა არჩვნების მონიტორინგი და შეფასება. „ოქტომბერში დაგეგმილი საპარლამენტო არჩევნები წარმოადგენს მნიშვნელოვან ნაბიჯს საქართველოს დემოკრატიული განვითარებისთვის და გამოცდას ქვეყნის ევრო-ატლანტიკური მისწრაფებებისთვის. IRI-ს მისია ყურადღებას გაამახვილებს იმ საკვანძო საკითხებზე, რომლებიც მნიშვნელოვანია საარჩევნო პროცესის სრულყოფისთვის, მათ შორის როგორიცაა საარჩევნო ადმინისტრაცია, მედიის თავისუფლება და გამჭვირვალობა, პოლიტიკური პარტიების კამპანია და დაფინანსება. გარდა ამისა, მისია ყურადღებას გაამახვილებს კორონავირუსის პანდემიის პერიოდში, ამომრჩევლის უსაფრთხოების დასაცავად შემოღებული ზომების შესრულებაზე.“ - განაცხადა საერთაშორისო რესპუბლიკური ინსტიტუტის ევრაზიის დირექტორმა სტივენ ნიქსმა. მისია (TEAM) შედგება მრავალმხრივი გამოცდილების მქონე ხუთი გრძელვადიანი ტექნიკური ანალიტიკოსისგან, რომლებიც დააკვირდებიან და შეაფასებენ საარჩევნო პროცესის ყველა ფაზას. მათ მიგნებებზე დაყრდნობით, IRI გამოაქვეყნებს ანგარიშებს, რომლებიც მომზადდება  მთავრობისა და საარჩევნო ადმინისტრაციის წარმომადგენლებთან, პოლიტიკური პარტიის ლიდერებთან, სამოქალაქო საზოგადოებისა და მედიის წარმომადგენლებთან სიღრმისეული ინტერვიუების საფუძველზე. ტექნიკური შეფასების ჯგუფი იმუშავებს არჩევნების საერთაშორისო სადამკვირვებლო პრინციპების დეკლარაციისა და საერთაშორისო დამკვირვებლების ქცევის კოდექსის მიხედვით. მისიის მიგნებები და რეკომენდაციები დაეფუძნება საქართველოს კანონმდებლობას, საერთაშორისო სტანდარტებსა და პოლიტიკური პარტიების მიერ ქცევის კოდექსის ფარგლებში აღებულ ვალდებულებებს. კორონავირუსი პანდემიასთან დაკავშირებული საფრთხეების გათვალისწინებით, IRI-მ მიიღო უსაფრთხოების ყველა საჭირო ზომა, რომლებიც თანხვედრაშია საქართველოს მთავრობის მიერ დაწესებულ რეგულაციებთან.   ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...