"არ ვიცი, არ დამინახავს არაფერი"

მთავარი თემა

"არ ვიცი, არ დამინახავს არაფერი"

19 მარ. 2012, 06:16:23
ამ დრომდე უცნობია, რა ოფიციალური დოკუმენტის საფუძველზე დაუთმო მუნიციპალიტეტის გამგეობამ კონტროლის პალატას ორი ოთახი. უცნობია ისიც, ვისი ბრძანებით არ უშვებდნენ მოქალაქეებს და ჟურნალისტებს ადმინისტრაციულ შენობაში.

გასულ სამშაბათს ამ კითხვაზე პასუხის მიღება, სამუშაო საათების დასრულების შემდეგ, შენობიდან გამოსული საჯარო მოხელეებისგან ვცადეთ და ყველა მათგანს ასეთი კითხვა დავუსვით: რა ხდებოდა 13 მარტს გამგეობის შენობაში და რატომ არ აძლევდნენ მოქალაქეებს და ჟურნალისტებს შიგნით შესვლის საშუალებას.

იურიდიული სამსახურის უფროსმა, თეა უჯმაჯურიძემ კომენტარი არ გააკეთა და კითხვაზე, არის თუ არა ეს კანონდარღვევა გვიპასუხა: _ კაი, რა, ნატოოო...

კითხვებზე პასუხი არ გაგვცა გამგეობის პრესამსახურის ხელმძღვანელმა თეონა ჩიგოგიძემ, რომლის განმარტებით, მას სამუშაოში ხელი არ შეშლია: _ ჩვენ ჩვეულებრივად ვმუშაობდით. სამუშაო პროცესი არ შეფერხებულა, _ გვითხრა ჩიგოგიძემ.

_ ჟურნალისტებს რომ ადმინისტრაციულ შენობაში არ უშვებდნენ, ეს როგორ გავიგოთ? _ ამ კითხვაზე ჩიგოგიძემ მხრების აჩეჩვით გვიპასუხა.

მეტად საინტერესო იყო გამგეობის მთავარი ბუღალტრის, ზურაბ შათირიშვილის პასუხი: _ მე შენთან არ მაქ კაი კონტაქტი(?!).

რა ხდებოდა გამგეობაში და რატომ არ უშვებდნენ ადამიანებს არ იცოდნენ გამგეობის და საკრებულოს სხვა თანამშრომლებმაც.

თუმცა, როგორც გავარკვიეთ, "არ ვიცი, არ დამინახავს, არაფერი ხდებოდა"-ს სახით კომენტარის გაკეთების მითითება, საკრებულოს და გამგეობის თანამშრომლებმა სპეციალურ თათბირზე მიიღეს, რომელიც ჩოხატაურის მუნიციპალიტეტის საკრებულოს თავმჯდომარემ და გამგებელმა, 13 მარტს, ხუთი საათისთვის ჩაატარეს და ყველა თანამშრომელს შენობიდან გასვლის ინსტრუქცია მისცეს.

აღსანიშნავია, რომ დაკითხვები, კულტურის სამსახურის ოთახში მიმდინარეობა, თუმცა, კულტურის სამსახურის უფროსმა, ქეთევან გიორგაძემ, კითხვაზე, რა ხდებოდა 13 მარტს მის ოთახში, გვიპასუხა, რომ "არაფერი უჩვეულო არ ხდებოდა".

13 მარტს, ჩვენ მთელი დღის განმავლობაში ვცდილობდით ამ კითხვებზე პასუხის მიღებას, თუმცა უშედეგოდ. ჩოხატაურის პოლიციის სამმართველოს უფროსის განმარტებით, ამ კითხვებზე პასუხის გაცემა მხოლოდ ადმინისტრაციას შეეძლო. საკრებულოს თავმჯდომარე ჩვენს ზარებს მთელი დღის განმავლობაში არ პასუხობდა. ანალოგიურად იქცეოდა გამგებელი ლელა იმედაშვილიც.

ტელეფონს არც გუბერნატორის მოადგილე, ლელა თავართქილაძე პასუხობდა. გურიის გუბერნატორის, ვალერი ჩიტაშვილის განმარტებით კი, მოქალაქეებს და ჟურნალისტებს განცხადების დატოვებაზე პრობლემები არ ექმნებოდათ და ყველა მათგანს შეეძლო მისაღებში გაერკვია საკუთარი პრობლემები.

გუბერნატორის ეს კომენტარი რომ რეალობას მოკლებულია, ჩვენმა ფოტო და ვიდეო კამერამ ბევრჯერ დააფიქსირა _ არათუ შენობაში შესვლის, განცხადების დატოვების საშუალებაც კი არ მოგცეს, რაც საქართველოს კანონმდებლობის მიხედვით დანაშაულია. ისევე, როგორც ის, რომ კონტროლის პალატის წარმომადგენლები, ყოველგვარი დასაბუთების გარეშე ჩხრეკდნენ და აშიშვლებდნენ როგორც ადვოკატებს, ასევე იმ მოქალაქეებს, რომლებიც დაკითხვაზე ჰყავდათ დაბარებული.

ის, რომ, 13 მარტს, ჩოხატაურში, კონტროლის პალატის წარმომადგენლები მასობრივ დაკითხვებს აწარმოებდნენ, ჩვენგან გაიგო ჩოხატაურის მაჟორიტარმა დეპუტატმა კორნელი კუკულავამ. და ეს მაშინ, როცა ადამიანებს სწორედ მაჟორიტარი დეპუტატის ბიუროს ოთახში ხდიდნენ და ამოწმებდნენ. კუკულავას ჩვენ ტელეფონით დავუკავშირდით.

_ ბატონო კორნელი, რა ინფორმაცია გაქვთ იმასთან დაკავშირებით, რომ თქვენს ოთახში მოქალაქეებს, ადვოკატებს ამოწმებენ, ტანსაცმელს ხდიან...

_ ის ჩემი ოთახი არ არის. გამგეობისაა.

_ პირადი საკუთრება არ მიგულისხმია _ იქ ხომ მაჟორიტარი დეპუტატის ბიუროა განთავსებული?

_ არაფერი არ ვიცი _ რა გახდა, რა შემოწმება!

_ თქვენს ოთახში მოწყობილი "გასახდელის" გარდა, დილიდან ჩაკეტილია ადმინისტრაციული შენობა. არც მოქალაქეებს და არც ჟურნალისტებს შიგნით არ უშვებენ.

_ არაფერი ვიცი. გავარკვევ და დაგირეკავთ, _ გვითხრა კუკულავამ. თუმცა, ხალხის რჩეულმა არც დარეკა და მოგვიანებით არც ჩვენს სატელეფონო ზარებს უპასუხა.

ჯერჯერობით, უცნობია, აღძრავს თუ არა ჩოხატაურის პოლიციის სამმართველო ამ ფაქტზე საქმეს, თუმცა, ადვოკატები და უფლებადამცველები ერთხმად აღნიშნავენ, რომ 13 მარტს, ჩოხატაურში ადამიანის უფლებები უხეშად დაირღვა: _ მიმაჩნია, რომ სახელმწიფოს წარმომადგენლების მხრიდან უხეშად დაირღვა საქართველოს კანონმდებლობით დადგენილი ნორმები, ისევე, როგორც არ იქნა უზრუნველყოფილი აღიარებული საერთაშორისო სტანდარტების დაცვა. დარღვევების მნიშვნელოვანი ნაწილი შეეხო გამოხატვის თავისუფლებას. სრულიად დაუსაბუთებლად დაირღვა ადამიანის უფლება, მიიღოს და გაავრცელოს ინფორმაცია კრიტიკულ სიტუაციაში, როგორიც იყო საქართველოს კონტროლის პალატის მიერ მოქალაქეების შეუსაბამოდ მკაცრი კონტროლის მეთოდით ჩხრეკა და დაკითხვა (შეუძლებელია, ამგვარ მეთოდებს ახსნა-განმარტების მიცემა დაერქვას). ძალიან მნიშვნელოვანი იყო ჟურნალისტების მიერ საქმიანობის გახორციელება, თუმცა, ჟურნალისტებს არ მიეცათ საშუალება, გაეშუქებინათ მოვლენები, დროულად მიეტანათ ინფორმაცია საზოგადოებამდე. ჩვენი კანონმდებლობა არ აკეთებს დიფერენციაციას საჯარო ინფორმაციის მიღებით დაინტერესებული პირების თაობაზე. მიმაჩნია, რომ სახელმწიფომ თავადვე უნდა ჩამოაყალიბოს განსხვავებული სტანდარტი ჟურნალისტური საქმიანობის ხელშეწყობისათვის და ამგვარი დამოკიდებულებით ხელი შეუწყოს მოქალაქეების უფლებას ინფორმაციის ხელმისაწვდომობაზე. ხელისუფლება ხალხის მიერაა შექმნილი და აქედან გამომდინარე, ანგარიშვალდებულია საზოგადოების წინაშე, ხალხის მიერ ხელისუფლების კონტროლი კი ვერ განხორციელდება, თუ არ მოხდება საზოგადოების სრულყოფილი ინფორმირება სახელმწიფო ორგანოთა საქმიანობის თაობაზე. ამდენად, დემოკრატიული სახელმწიფოს განვითარებისათვის და მისი სრულყოფილი ფუნქციონირებისთვის, გადამწყვეტი როლი ენიჭება სწორედ სახელმწიფო ორგანოების გამჭვირვალე საქმიანობას და ინფორმაციის ხელმისაწვდომობას. ვფიქრობ, საქართველოს კონტროლის პალატის მიერ ჩატარებული პროცედურები, თავისი არსით, ღია და გამჭვირვალე პროცესია და კონტროლის პალატის წარმომადგენლების მიერ გატარებული ღონისძიებები არ გახორციელდა მათთვის კანონით მინიჭებული უფლებამოსილების ფარგლებში, _ აღნიშნა ჩვენთან საუბრისას, "ახალგაზრდა იურისტთა ასოციაციის" ადვოკატმა, ნათია კაპანაძემ.




 ახალი ამბები
  • „ქართულ ოცნებას“ აქვს იმის შესაძლებლობა, რომ არანაირი კოალიციის შექმნის საჭიროება არ იყოსპარტია „ქართული ოცნება - დემოკრატიული საქართველო“ არის ერთადერთი ძალა საქართველოში, რომელსაც აქვს იმის შესაძლებლობა, რომ არჩევნები ძალიან მაღალი შედეგით დაასრულოს, ისე რომ არანაირი კოალიციის შექმნის საჭიროება არ იყოს, - ამის შესახებ ჟურნალისტებს პარტიის გენერალურმა მდივანმა, კახა კალაძემ განუცხადა,. მან კომენტარი მიხეილ სააკაშვილის მორიგ განცხადებაზე გააკეთა და აღნიშნა, რომ საპარლამენტო არჩევნების შემდეგ კოალიციური მთავრობის შექმნის არ სჯერა. „ზოგადად, მაგაში ვეთანხმები, არც მე მჯერა კოალიციური მთავრობის და ამის აუცილებლობა არ არის ნამდვილად. პოლიტიკური პარტია „ქართული ოცნება - დემოკრატიული საქართველო“ არის ერთადერთი ძალა საქართველოში, რომელსაც აქვს იმის შესაძლებლობა, რომ არჩევნები ძალიან მაღალი შედეგით დაასრულოს, ისე რომ არანაირი კოალიციის შექმნის საჭიოროება არ იყოს“, - აღნიშნა კალაძემ. მისივე თქმით, „ქართული ოცნების“ მთავარ კონკურენტად „ნაციონალური მოძრაობას“ არ განიხილავს. „ჩვენ არ ვფიქრობთ, რომ „ნაციონალური მოძრაობაა“ მთავარი კონკურენტი დღეს. ქვეყანაში ბევრი პოლიტიკური პარტიაა, ბევრი ადამიანია, რომელსაც აქვს განსხვავებული შეხედულებები და ეს პოლიტიკური პლურალიზმი ქვეყნის დემოკრატიული განვითარებისთვის მხოლო და მხოლოდ წინგადადგმული მაბიჯია. დანარჩენი ხალხსა და საზოგადოებაზეა დამოკიდებული, თუ რამდენი პოლიტიკური პარტია, კონკრეტულად ვინ შევა 2020 წლის პარლამენტში“, - განაცხადა კალაძემ. ... ...
  • არჩილ თალაკვაძე: მიხეილ სააკაშვილის მთავარი კონკურენტი არის მისი წარსული„მიხეილ სააკაშვილის მთავარი კონკურენტი არის მისი წარსული, დღეს თვითონ ოპოზიცია ფიქრობს, რომ ის არის ოპოზიციის ბორბალში ჯოხივით და სწორედ ამიტომ არის, რომ თავის კოლეგებს  შორის, თანაგუნდელებს შორის, დიდ აგრესიას და კრიტიკას იმსახურებს", - ასე ეხმაურება საქართველოს პარლამენტის თავმჯდომარე ყოფილი პრეზიდენტის, მიხეილ სააკაშვილის განცხადებას.  „ჩვენი საქმე ეს არ არის. ჩვენ არ გვაქვს ახლა დრო მიხეილ სააკაშვილზე ვიფიქროთ და მასზე ვისაუბროთ, ჩვენთვის არის მნიშვნელოვანი საქმე, მომავალი და ის ურთიერთობა და ნდობა, რომელიც ჩვენ გვაქვს საზოგადოებასთან",- განაცხადა არჩილ თალაკვაძემ.  (R)   ... ...
  • ,,სტრატეგია აღმაშენებელი"-გიორგი ვაშაძემ დღეს იმერეთში ოფისები გახსნაგიორგი ვაშაძემ დღეს წყალტუბოში, ხონში, სამტრედიასა და ვანში სტრატეგია აღმაშენებელის" ოფისები გახსნა. შეხვდა ადგილობრივ მოსახლეობას და მათ ,, სტრატეგია აღმაშენებელის" საარჩევნო პროგრამა გააცნო. პოლიტიკურ გაერთიანებას ოპოზიციური ინტერესებიდან გამომდინარე 2020 წლის საპარლამენტო არ ჰყავს მაჟორიტარი კანდიდატები. ,, ჩვენთვის მთავარი არის დავძლიოთ სიღარიბე და უმუშევრობა. სწორედ ,,სტრატეგია აღმაშენებელს" აქვს დეტალურად გაწერილი გეგმა, როგორ უნდა შევქმნათ 300 000 სამუშაო ადგილი, გავანახევროთ სესხის პროცენტი და მინიმუმ, 50 პროცენტით შემცირდეს წამლის ფასი."-განაცხადა სამტრედიაში ოფისის გახსნის დროს,,გურია ნიუსთან" კომენტარში გიორგი ... ...
  • ერთი დეპუტატის ორი ნომერი საარჩევნო სიაშიცესკომ 31 ოქტომბრის საქართველოს პარლამენტის, მუნიციპალიტეტის მერების რიგგარეშე და საკრებულოების შუალედური არჩევნებისთვის საარჩევნო სუბიექტების რიგითი ნომრები განსაზღვრა. საბოლოოდ, საქართველოს პარლამენტის არჩევნებში მონაწილეობის მიზნით რეგისტრირებულია 58 პარტია და 2 საარჩევნო ბლოკი. თუმცა, როგორც აღმოჩნდა, სიის მეოთხე და 29-ე ნომრებს დავით ჭიჭინაძის პარტია „ტრიბუნა“ იკავებს. დავით ჭიჭინაძემ ჩვენთან საუბრისას განმარტა, რომ მომხდარი ტექნიკურმა ხარვეზმა გამოიწვია. „თავის დროზე, რომ ამბობდნენ ხელმოწერების მოგროვებაა საჭიროო, ვაგროვეთ ხელმოწერები და ჩავაბარეთ. მერე აღმოჩნდა რომ კვალიფიციურებს არ სჭიდებოდათ ხელმოწერა, მაგრამ დარჩა ის. მე არ ვარ 29-ე ნომრად წარმოდგენილი პარტიის თავმჯდომარე. ტექნიკური ხარვეზია, რომელიც ალბათ ჩაიხსნება. ადგილობრივი მერის არჩევნები რომ ტარდება ქუთაისში, იქ გვყავს ჩვენ კანდიდატი და იმას მიენიჭა 4 ნომერი და შესაბამისად, ჩვენ კანდიდატებს სხვადასხვა ნომერი ვერ ექნებოდათ“,_ ამბობს ჭიჭინაძე. ცესკოში ამბობენ, რომ ორივე პარტია წესების სრული დაცვით არის რეგისტრირებული და ცვლილების გახორციელების სურვილის შემთხვევაში,  პარტიამ თავად უნდა მიმართოს ცესკოს. „ორივე პარტია არის ყველა ნორმის დაცვით რეგისტრირებული. თუ რაიმე ცვლილება სურთ, უნდა მოგვმართოს ან ერთმა პარტიამ ან მეორემ“,_ ამბობენ ცესკოში. შესაძლებელია თუ არა ერთი პირი ორი პოლიტიკური პარტიით იყოს რეგისტრირებული საარჩევნო  სიაში, _ ამ საკითხის გასარკვევად საიას დავუკავშირდით. როგორც ორგანიზაციის ანალიტიკოსმა საარჩევნო საკითხებში, მარიამ ლაცაბიძემ გვითხრა, ამის უფლებას კანონი არ იძლევა და მოცემულ შემთხვევაში საქმე სავარაუდოდ გაურკვევლობას ან ტექნიკურ ხარვეზს ეხება. „ერთ პირს არ აქვს უფლება რომ ორი სხვადასხვა პარტიის წევრი იყოს. რადგან ორი სხვადასხვა ნომერია ორი სხვადასხვა პარტია იგულისხმება. დავით ჭიჭინაძე ორ პარტიაში ვერ იქნება. გარდა ამისა, ერთი პარტიის ოფიციალური სახელწოდება არ უნდა ემთხვეოდეს სხვა პარტიის სახელწოდებას. შესაბამისად ან ორ სხვადასხვა პარტიაზე ვსაუბრობთ ან შეუძლებელია, რომ ერთი პირს ორი პარტია ჰქონდეს დაფუძნებული, ეს კანონმდებლობით აკრძალულია, სავარაუდოდ ტექნიკური ხარვეზია. ცესკომ უნდა მიიღოს გადაწყვეტილება“,_ ამბობს მარიამ ... ...
  • 1 გარდაცვლილი და 3 დაშავებული _ უბედური შემთხვევა ოზურგეთშიუბედური შემთხვევა მოხდა ოზურგეთის მუნიციპალიტეტის სოფელ მთისპირში _ სატვირთო ავტომობილს, რომელიც შეშით იყო დატვირთული, გზა ჩამოუშვავდა და ხრამში გადავარდა. შემთხვევის შედეგად გარდაიცვალა 1 და დაშავდა 3 ადამიანი. გარდაცვლილიც და დაშავებულებიც ჩოხატაურის მუნიციპალიტეტის სოფელ ჭაჭიეთიდან არიან. "გურია ნიუსის" ინფორმაციით, ავტომანქანის ძარაზე 2 ადამიანი იმყოფებოდა, რომელთაგან ერთ-ერთმა გადახტომა მოასწრო. დაშავდა კაბინაში მყოფი მძღოლი და ერთი მგზავრიც. დაშავებულები ბათუმის კლინიკაში გადაიყვანეს. მათი ჯანმრთელობის მდგომარეობა ამ დროისთვის დამაკმაყოფილებელია. შსს-ს ინფორმაციით, სატვირთო ავტომანქანა გზის სავალი ნაწილიდან გადავიდა და ამობრუნდა. უწყებისვე ცნობით, საქმეზე გამოძიება 66 მუხლის მეოთხე ნაწილით ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ყველაზე, ყველაზე...

იცი თუ არა გეოგრაფია

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...