გამოძიების ერთ-ერთი სამუშაო ვერსია შურისძიებაა

მთავარი თემა

გამოძიების ერთ-ერთი სამუშაო ვერსია შურისძიებაა

2010 დეკ 19 11:58:44

ნიღბიანმა მამაკაცმა მამა-შვილი თეოდორ და ირაკლი ხურციძეები ცეცხლსასროლი იარაღით საკუთარ სახლში ჩაცხრილა.  დაიჭრა ხურციძეების რძალი ქეთი აშუბა და 10 თვის გიორგი ხურციძე. აშუბა თვენახევრის ფეხმძიმეა. ექიმების განმარტებით, მისი ჯანმრთელობის მდგომარეობა დამაკმაყოფილებელია. სტაბილურია 10 თვის  გიორგის მდგომარეობაც.
დაჭრილი ქეთევან აშუბა და მცირეწლოვანი ბავშვი სასწრაფო სამედიცინო დახმარების მანქანამ ოზურგეთის ცენტრალურ საავადმყოფოში გადაიყვანა, სადაც მათ პირველადი დახმარება გაუწიეს, შემდეგ კი ოზურგეთის ბავშვთა სამკურნალო ცენტრში მოათავსეს. "გურია ნიუსთან" საუბარში ბავშვთა საავადმყოფოს მორიგე ექიმი დალი მოქია აღნიშნავს, რომ ბავშვი შემოიყვანეს მარცხენა წვივის არეში მიყენებული ჭრილობით და ამ ეტაპზე, მისი ჯანმრთელობის მდგომარეობა დამაკმაყოფილებელია.
ჩვენთან საუბრისას,  ქეთი აშუბა მომხდარი ფაქტის დეტალებს ვერ იხსენებს და როგორც ამბობს, მხოლოდ გასროლის ხმა ახსოვს: "არაფერი არ ვიცი, იმ ოთახში არ ვიყავი, მე არ დამინახავს ვინ იყო. როცა გასროლის ხმა გავიგე, გავვარდი და ჩემს მამამთილს ბავშვი ხელიდან გამოვტაცე; ასხლეტილი ტყვია მაშინ მომხვდა. მეუღლე არსად არ მუშაობდა, არ ვიცი, ვის შეიძლებოდა, ეს გაეკეთებინა, არც ეჭვი მაქვს ვინმეზე", _ გვითხრა დაზარალებულმა.  დეტალებზე არც აშუბას დედ-მამა საუბრობს:
"დაგვირეკეს თქვენი შვილი დაჭრილიაო. აქ მოსვლის შემდეგ გავიგე, რომ ჩემი სიძე და მძახალი გარდაცვლილები იყვნენ. ვერ გეტყვით რა და როგორ მოხდა. მომხდარით გაოგნებულები ვართ. მხოლოდ ის შემიძლია გითხრათ, რომ პრობლემების ან ვინმეს მუქარის შესახებ ჩვენთვის არაფერი არ არის ცნობილი, _ თქვა ჩვენთან საუბრისას ვახტანგ აშუბამ.
როდესაც თავდამსხმელი ხურციძეების სახლში შევიდა, იქ მეზობლებიც იმყოფებოდნენ, რომლებიც მთელი ღამის განმავლობაში ოზურგეთის პოლიციის სამმართველოში დაკითხვაზე ჰყავდათ.
"გურია ნიუსთან" საუბრისას, თვითმხილველები მომხდარის დეტალებს იხსენებენ და ამბობენ, რომ თავიდან ყველაფერი ხუმრობა ეგონათ: _ ოთახში რომ ნიღბიანი ადამიანი შემოვიდა, გვეგონა ხუმრობდა და ნებისმიერ წამს აიხდიდა ნიღაბს. ირაკლი იკითხა, რომელიც სამზარეულოში იყო გასული. აქ ვარო _ ოთახიდან გამოსძახა ირაკლიმ. ყველაფერი წამებში მოხდა _ თავდამსხმელმა კარი გააღო და ირაკლის რამდენიმეჯერ ესროლა, _ გვითხრა ერთმა თვითმხილველმა, რომლის ვინაობას მისი უსაფრთხოებიდან გამომდინარე, არ ვასახელებთ.
_ თეოდორი დერეფანში იყო და ხელში გიორგი ეჭირა. სროლის ხმის გაგონებაზე ქეთი გარეთ გავარდა და მამამთილს პატარა ხელიდან გამოგლიჯა. სწორედ ამ დროს ესროლეს ოჯახის უფროსს, _ აღნიშნა მეორე თვითმხილველმა.
მათი თქმით, გიორგის გადარჩენა დედამ მოახერხა: _ ქეთის რომ თეოდორისთვის ბავშვი ხელიდან არ გამოერთმია და ეზოსკენ არ გაქცეულიყო, ალბათ პატარაც დაიღუპებოდა. ქეთის და გიორგის თეოდორისთვის გამიზნული ასხლეტილი ტყვია აქვთ მოხვედრილი.
ოზურგეთის მუნიციპალიტეტის სოფელ თხინვალის რწმუნებული  აბესალომ ბოლქვაძე "გურია ნიუსთან" საუბარში ამბობს, რომ მკვლელმა ჯერ ერთს ესროლა, მერე _ მეორეს. უცნობია, დედა-შვილს განზრახ ესროლა თუ ასხლეტილი ტყვია მოხვდათ.
"შემზარავი ფაქტია. ტრაგიკული ოჯახია. ჯერჯერობით არავინ დაუკავებიათ. მეზობლები ამბობენ, რომ მათ ვერ იცნეს თავდამსხმელი. ნიღბიანი კაცი სახლში შევარდა, ჯერ ირაკლი იკითხა და იმწამსვე ესროლა, შემდეგ კი მამას მიაყენა სასიკვდილო ჭრილობა".
როგორც გავარკვიეთ, გამოძიება რამდენიმე ვერსიაზე მუშაობს. ერთ-ერთი და მთავარი _ შურისძიებაა.
სამართალდამცავებმა უკვე გაავრცელეს ინფორმაცია, რომ დანაშაულში ეჭვმიტანილი სოფელ შრომის მკვიდრი დავით ქადეიშვილია, რომელსაც ხურციძეების ოჯახთან ბიძაშვილ-მამიდაშვილობა აკავშირებს. მომხდარიდან მეორე დღესვე, შინაგან საქმეთა სამინისტრომ ქადეიშვილზე ძებნა გამოაცხადა: "იძებნება მკვლელობისთვის, ჯილდო 10 000 ლარი!" _ იუწყება შსს ოფიციალური ვებ-გვერდი პოლიცე.გე.
ქადეიშვილი, რომელიც 2010 წლის შობა ღამეს, სოფელ შრომის რწმუნებულის დაღაჩაღებაშია ბრალდებული, იძებნება და დაუსწრებლად 22 წლით პატიმრობა აქვს მისჯილი. აღსანიშნავია, რომ მის საქმეს, შარშან, ოზურგეთის მუნიციპალიტეტის ერთ-ერთი სოფლის რწმუნებულის თანაშემწისა და რწმუნებულის თანამდებობა შეეწირა, თითქოსდა, მათ ეჭვმიტანილის  ადგილსამყოფელი იცოდნენ.
მაშინ, ოზურგეთის მუნიციპალიტეტის სოფელ შრომის რწმუნებულს, ზურაბ მჟავანაძეს 7 იანვარს, დილის 5 საათზე თავს შეიარაღებული პირები დაესხნენ, რომლებსაც მისი გაძარცვა ჰქონდათ განზრახული. 
როგორც მჟავანაძე ამბობს, იგი საათზე მეტს ხანს აწამეს: "წამაქციეს, თავზე ფეხი დამაბიჯეს, ფულს და ოქროს მთხოვდნენ. უარის მიღების შემდეგ ჩემი "დასკოჩვა" დაიწყეს. პარალელურად, ცხვირ-პირში ავტომატს მირტყამდნენ", _ ამბობდა მომხდარიდან მეორე დღეს  "გურია ნიუსთან" საუბარში მჟავანაძე. მაშინ შეიარაღებულ პირებს ცეცხლსასროლი იარაღიდან ტყვიაც გაუვარდათ. გასროლის ხმა მეზობლებმა შეიტყვეს და საპატრულო პოლიციას მიმართეს, თუმცა ყაჩაღებმა მჟავანაძის ავტომანქანის გატაცება და მცირე  თანხის წაღება მაინც მოახერხეს.
ამ შემთხვევაში დაყაჩაღების ვერსია გამორიცხულია, რადგან მკვლელს არაფერი მოუთხოვია. ჩვენი კონფიდენციალური წყაროს ინფორმაციით, შემზარავი მკვლელობის ღამესაც ქადეიშვილი ვახშმობის დროს მივიდა ხურციძეების ოჯახში. არსებული ინფორმაციით, ის ხურციძეების ოჯახს ხშირად სტუმრობდა და აფარებდა თავს. უკან გაბრუნებისას, იქვე პოლიციის მანქანა შეუნიშნავს, დამალულა, პოლიციის მანქანის წასვლის შემდეგ კი ოჯახში შევარდნილა, დაუყვირია _ "ჩამიშვითო?!", მოუკითხავს ირაკლი და ავტომატის ჯერი გაუშვია.  წყაროს ინფორმაციის გადამოწმება საკმაოდ რთულია, რადგან საქმე უმძიმეს დანაშაულს ეხება და ყველა დუმილს ამჯობინებს ან კონფიდენციალურობის მკაცრად დაცვას ითხოვს.
საქმეს განსაკუთრებულ სიმძიმეს მატებს ისიც, რომ რამდენიმე წლის წინ, ხურციძეების ოჯახში კიდევ ერთი სისხლიანი ტრაგედია დატრიალდა: თბილისში, დოლიძის ქუჩაზე  მდებარე ბინაში, ტყვიით გარდაცვლილი  იპოვეს ირაკლი ხურციძის ძმა _ ელგუჯა და დედა. მაშინ, გამოძიების  მიერ დადგინდა, რომ ელგუჯა ხურციძეს იარაღი წმენდისას გაუვარდა და დედა შემოაკვდა, რის შემდეგაც თავი მოიკლა. თუმცა, 15 დეკემბერს თხინვალში მომხდარი ამ საზარელი ფაქტის შემდეგ, მაშინდელი ოფიციალური დასკვნის აღარ სჯერათ ხურციძეების ახლობლებს, რომლებიც ჩვენთან საუბრისას არ გამორიცხავენ, რომ ოჯახი დიდი ხნის წინ ჩაფიქრებული, კარგად ორგანიზებული შურისძიების მსხვერპლი გახდა. მაშინ, სოფელშიც არ საუბრობდნენ სხვა ვერსიებზე, მაგრამ ახლა, მაშინდელ ფაქტსაც აღარ მიაწერენ უბედურ შემთხვევითობას.




 ახალი ამბები
  • „მამუკა ბახტაძისა და კობახიძის შეცვლა გარდაუვალია“_ ვაჟა ბერიძე „ცვლილებების განხორციელება რომ აუცილებელია, აღნიშნულს შესახებ თავად ბიძინა ივანიშვილიც საპრეზიდენტო  არჩევნების პირველი ტურის შემდეგ საუბრობდა. მან დაპირება მისცა საზოგადოებას იმის შესახებ, რომ არა მარტო ყველაფერს საკუთარ სახელს დაარქმევდა, არამედ პირდაპირ მნიშვნელოვან საკადრო გადაადგილებებს განახორციელებდა. აღნიშნულს, ჯერჯერობით, ვერ ვხედავთ, არადა, კარგად უნდა გავაცნობიეროთ, რომ ხელისუფლების ყველა შტო, როგორც საკანონმდებლო, აღმასრულებელი, ისე სასამართლო  დასუსტდა. აქედან გამომდინარე, პირველი პირების დონზე საკადრო ცვლილებების განხორციელება სასიცოცხლოდ აუცილებელია. განსაკუთრებით ვგულისხმობ პრემიერ-მინისტრსა და პარლამენტის თავმჯდომარეს, რომლებიც პოზიტივზე მეტად, ნეგატივთან ასოცირდებიან“, _ აღნიშნა “გურია ნიუსთან“ პოლიტიკის ექსპერტმა ვაჟა ბერიძემ. მისივე განცხადებით, თანამდებობიდან მამუკა ბახტაძისა და ირაკლი კობახიძის გადაყენება გარდაუვალია. ექსპერტის აზრით, ერთადერთი კანდიდატი, რომელიც, შესაძლოა, პრემიერის თანამდებობაზე მოიაზრებოდეს, შს მინისტრი გიორგი გახარიაა. „პიროვნულად მამუკა ბახტაძისა და ირაკლი კობახიძის პროფესიონალიზმს, ინტელექტსა და გაწეულ საქმიანობას ვხედავ, მაგრამ მათი შეცვლა გარდაუვალია. პრემიერის პოსტზე გამოუცდელი პოლიტიკოსი არ უნდა დანიშნო, რაც საზოგადოების აბუჩად აგდებასა და აღნიშნული პიროვნების დაღუპვას ნიშნავს. პარლამენტის თავმჯდომარე პრინციპული და თანმიმდევრული ადამიანია, მაგრამ მას პოლიტიკური ადეკვატურობა აკლია. ამ ადამიანებისთვის უმჯობესია, რომ სხვა ადამიანებს თავის გამოჩენის საშუალება მისცენ. ერთადერთი კანდიდატი, რომელიც პრემიერად უნდა განვიხილოთ, ეს არის გიორგი გახარია, რომელსაც ბევრი შეცდომა დააშვებინეს, თუმცა, აღნიშნულის მიუხედავად, თავი ყოველთვის ღირსეულად უჭირავს“, _ აღნიშნა ბერიძემ. ჩვენ, ასევე, ექსპერტს ვკითხეთ, პოლიტიკაში, დაახლოებით, ორი თვის წინ დაბრუნებულმა  ირაკლი ღარიბაშვილმა, ამ დრომდე შეძლო თუ არა „ქართულ ოცნებაში“ არსებული მწვავე შიდაპარტიული პროცესების დალაგება. ექსპერტი მიიჩნევს, რომ მისმა დაბრუნებამ შიდაპარტიულ ცხოვრებაში არსებითი ძვრები ვერ მოახდინა. „პოლიტიკაში ღარიბაშვილის დაბრუნება კარგია, მაგრამ მისმა დაბრუნებამ შიდაპარტიულ ცხოვრებაში არსებითი ძვრები ვერ მოახდინა, რაც ძალიან სამწუხაროა. ამ ფონზე, საზოგადოების წარმომადგენლები 2020 წლის საპარლამენტო არჩევნებზე დავფიქრდებით და „ქართულ ოცნებას“ ან გავუშვებთ ხელისუფლებიდან ან თუ აზრი ექნება, კვლავ ხელისუფლებაში დავტოვებთ“_ აღნიშნა ... ...
  • სპეციალური პენიტენციური სამსახური, აღდგომის დღესასწაულთან დაკავშირებით, ამანათების მიღებას იწყებს (R) სპეციალური პენიტენციური სამსახურის დაქვემდებარებაში არსებული ყველა პენიტენციური დაწესებულება ბრალდებულების/მსჯავდებულებისთვის, აღდგომის დღესასწაულთან დაკავშირებით, ამანათების მიღებას იწყებს. პენიტენციურ დაწესებულებებში ამანათების მიღება 25-26 აპრილს დილის 9:00 საათიდან დაიწყება და 20:00 საათამდე გაგრძელდება. ხოლო შაბათს, 27 აპრილს, ამანათების მიღება 09:00 საათიდან 15:00 საათამდე იქნება შესაძლებელი. სპეციალური პენიტენციური სამსახური ამანათების მიღების პროცესის შეუფერხებლად წარმართვას უზრუნველყოფს, რისთვისაც მსჯავრდებულების/ბრალდებულების ახლობლებმა თან უნდა იქონიონ ID ბარათი, პასპორტი ან მართვის მოწმობა, რომელზეც მოქალაქის პირადი ნომერი არის დატანილი. ამანათის შეგზავნის უფლება აქვს მხოლოდ სრულწლოვან პირს. ასევე, ამანათის შიგთავსის განსაზღვრის მიზნებისათვის, სპეციალური პენიტენციური სამსახური შეახსენებს პატიმართა ოჯახებსა და ახლობლებს, რომ წელს, ყველა პატიმრისათვის „გუდვილი“-ს მიერ გადაცემული იქნება სააღდგომო პასკა და წითელი კვერცხები. „გუდვილი“-ს მიერ ყველა პენიტენციურ დაწესებულებაში მოცემული ძღვენის შეტანა დაიწყება მიმდინარე კვირის შაბათ დღეს. ... ...
  • მანანა ქოჩლაძე: “ჰიდროენერგეტიკული ობიექტები ვერანაირ სტანდარტს ვერ აკმაყოფილებენ“ „ძირითადი პრობლემა, რაც ჰესების მშენებლობასთან დაკავშირებით არსებობს, ეს არის მშენებლობის სწორად დაგეგმვის არარსებობა. დღეს საქართველოს თითქმის ყველა მდინარეზე ჰიდროელექტროსადგურების მშენებლობა ისეა დაგეგმილი, რომ მათი სიმძლავრეები ხელოვნურად არის განსაზღვრული. ქვეყანაში არსებული ჰიდროენერგეტიკული ობიექტები ვერანაირ სტანდარტს ვერ აკმაყოფილებენ“,_ აღნიშნავს “გურია ნიუსთან“ “მწვანე ალტერნატივის“ თავმჯდომარე მანანა ქოჩლაძე. რაც შეეხება ჰესის მშენებლობასთან დაკავშირებულ რეკომენდაციებს, ქოჩლაძე აცხადებს,  რომ პირველ ეტაპზე მდინარის წლის დინება კარგად უნდა იქნას შესწავლილი, რის შემდეგ შესაძლებელია, სწორად გავთვალოთ გარკვეულ ადგილზე რამდენი მეგავატიანი ჰესის მშენებლობა არის შესაძლებელი. „საქართველოში ჰესის მშენებლობა მხოლოდ იმ შემთხვევაში უნდა იყოს დასაშვები, თუ ის მდინარის ეკოსისტემას არ დააზიანებს. ჯერ მდინარის წლის დინება კარგად უნდა იქნას შესწავლილი, რის შემდეგ შესაძლებელია, სწორად გავთვალოთ, გარკვეულ ადგილზე რამდენი მეგავატიანი სადგურის მშენებლობა არის შესაძლებელი. საქართველოში პირიქით ხდება, ჯერ ინვესტორი კონკრეტული სიმძლავრის ჰიდროელექტროსადგურის მშენებლობის შესახებ მემორანდუმს აფორმებს, რის შემდეგ გარემოზე ზემოქმედების შეფასებების შესწავლა მიმდინარეობს, რაც დიდი პრობლემაა“. მისივე განცხადებით, აუცილებელია საქართველოში შეიქმნას ენერგეტიკის განვითარების გეგმა, რომელშიც აისახება ენერგეტიკის მხრივ  ქვეყანაში რა მოთხოვნილებები არსებობს. “აუცილებელია მოხდეს ენერგეტიკის განვითარების გეგმის შედგენა, რომელშიც მთლიანად აისახება საქართველოში ენერგეტიკის მხრივ რა მოთხოვნილებები არსებობს. ქვეყანაში ენერგეტიკის მოხმარება იზრდება, მაგრამ რის ხარჯზე?! ეს მაინც ხომ უნდა ვიცოდეთ?! სამინისტროს წარმომადგენლები ამტკიცებენ, რომ ენერგეტიკის განვითარების სტრატეგია არსებობს. ეს სტრატეგია 2016 წლის სექტემბერშია გამოქვეყნებული, რომელშიც ამ დრომდე ერთი სიტყვაც არ შეცვლილა და რაც ყველაზე მნიშვნელოვანია, აღნიშნული დამტკიცებული არ არის“, _ ამბობს ქოჩლაძე. “მწვანე ალტერნატივის“ თავმჯდომარე აღნიშნავს, რომ საქართველოში არსებული სტანდარტის მიხედვით, ჰესის მშენებლობის შემდეგ, მდინარეში 10% წყლის დარჩენა საკმარისია იმისთვის, რომ მდინარემ იფუნქციონიროს, რაც კრიტიკას ვერ უძლებს. „შესაბამისი სტრუქტურები გარკვეული ჰესის გარემოზე ზემოქმედების გეგმას შედგენის პროცესში მარტივად ამბობენ, რომ  მდინარეში 10% წყლის დარჩენა საკმარისია იმისთვის, რომ მდინარემ იფუნქციონიროს, რაც კრიტიკას ვერ უძლებს. უფრო მეტიც, ამერიკის შეერთებულ შტატებში არსებული სტანდარტის მიხედვით, თუ მდინარეში 30% ზე ნაკლებ წყალი დარჩება, ეს აპრიორი მათთვის არაობიექტური სტანდარტია. შესაბამისად, ამ მხრივ საქართველოში დიდი პრობლემა არსებობს“,_ აცხადებს ქოჩლაძე. ... ...
  • ფიზიკური დაპირისპირება "ნაციონალების" წარმომადგენელსა და „ოცნების“ წევრს შორისმარნეულში დაპირისპირება მოხდა. გავრცელებული ინფორმაციით, "ნაციონალური მოძრაობის" წარმომადგენელმა  "ქართული ოცნების" წევრს სცემა. ინციდენტი გუშინ მოხდა. გიორგი თაბუკაშვილი, რომელიც მმართველი გუნდიდან მარნეულის   22-ე  საოლქო საარჩევნო კომისიის წევრია, მომხდარს მიზანმიმართულ პროვოკაციას უწოდებს. ამბობს, რომ გუშინ ოლქიდან გამოვიდა რა დროსაც “ნაციონალური მოძრაობიდან” დროებითი კომისიის წევრი ლაშა ქველაძე მიუახლოვდა და ცალკე საუბარი მოსთხოვა, ამის შემდეგ მას ქველაძე ფიზიკურად გაუსწორდა. თავდასხმის  კონკრეტული მიზეზი თაბუკაშვილის განცხადებით, ინციდენტის დროს არ თქმულა. გამოძიება უკვე დაიწყო ძალადობის მუხლით. მომხდარის გამო არავინ ... ...
  • „გუდვილის“ სააღდგომო ძღვენი საქართველოს პატიმრებს (R)საქართველოს პენიტენციურ დაწესებულებებში მოთავსებული ბრალდებულებისა და მსჯავრდებულებისათვის „გუდვილი“ სააღდგომო პასკასა და წითელ კვერცხს თხუთმეტივე პენიტენციურ დაწესებულებაში მიმდინარე კვირის შაბათიდან შეიტანს. სპეციალური პენიტენციური სამსახური ეხმაურება ამ გადაწყვეტილებას და პატიმრების სახელით მადლობას უხდის კომპანიას მსგავსი ძღვენისათვის, მით უმეტეს, რომ წარსულში სააღდგომოდ მუდამ არსებობდა პასკისა და წითელი კვერცხის ყველა პატიმრისათვის მიწოდების პრობლემა. აღსანიშნავია, რომ დღეის მდგომარეობით საქართველოს პენიტენციურ დაწესებულებებში 9 907 თავისუფლებააღკვეთილი პირია, რომელთაგან 7 928 მსჯავრდებულია. ... ...

არქივი

ზაფრანი

თამაში თუ რეალობა...

ქალს შეუძლია, თავის შესახებ ყველაფერი...

„სასწრაფო” დიეტა

თუ გსურთ, მოკლე დროში კილოგრამების...

რაში ხარჯავს ქალი ყველაზე მეტ დროს ფუჭად?

რაში ხარჯავს ქალი ყველაზე მეტ...

სვით მაყვლის ფოთლების ჩაი

მაყვალი სამკურნალო მცენარეა. სამკურნალოდ გამოიყენება...

რა მოსწონთ ქალებს მამაკაცებში ცეკვის დროს

ცოტა ხნის წინ ბრიტანელმა სწავლულებმა...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...