„ჩერნოვეცკი საქართველოში იმდენად გააქტიურდება, რამდენის უფლებასაც ბიძინა ივანიშვილი მისცემს“

მთავარი თემა

„ჩერნოვეცკი საქართველოში იმდენად გააქტიურდება, რამდენის უფლებასაც ბიძინა ივანიშვილი მისცემს“

10 დეკ. 2015, 18:28:51

2016 წლის საპარლამენტო არჩევნებზე, შესაძლოა, უცხოური პოლიტიკური ძალებიც ვიხილოთ. ამის ერთ-ერთი მაგალითი კიევის ყოფილი მერი ლეონიდ ჩერნოვეცკია, რომელმაც პოლიტიკური მიზნები უკვე გააჟღერა და საკუთარი პოლიტიკური ორგანიზაცია "ბედნიერი საქართველოსთვის" შექმნა.

ვინ არის ლეონიდ ჩერნოვეცკი; რა ავტორიტეტით სარგებლობდა კიევის ყოფილი მერი მშობლიურ უკრაინაში; რა მიზნები შეიძლება ჰქონდეს მას ქართულ პოლიტიკაში და რამდენად შეიძლება მისი სახით ახალი, ძლიერი პოლიტიკური ძალა ჩამოყალიბდეს. ამ და მოახლოებულ საპარლამენტო არჩევნებთან დაკავშირებით "გურია ნიუსი" "პოლიტიკის და სამართლის ცენტრის" თავმჯდომარეს, 2006-2007 წლებში, უკრაინაში, საქართველოს თავდაცვის სამინისტროს წარმომადგენელს ამირან გიგუაშვილს ესაუბრა:

_ბატონო ამირან, თქვენ უკრაინაში საქართველოს თავდაცვის სამინისტროს წარმომადგენლად სწორედ იმ წლებში მუშაობდით, როდესაც ლეონიდ ჩერნოვეცკი კიევის მერი იყო. რამდენად პოზიტიური იყო მისი მერობის პერიოდი კიევისთვის და როგორ აფასებთ მის სურვილს კენჭი იყაროს 2016 წლის საპარლამენტო არჩევნებში?

_სამწუხაროდ, კარგს ვერაფერს გეტყვით. 2006-2007 წლებში, როდესაც მე უკრაინაში ვმუშაობდი, კიევი იყო იმ დიდი კორუმპირებული სისტემის მთავარი ღერძი, რომლის ირგვლივაც უკრაინული პოლიტიკა ტრიალებდა. რაც შეეხება თავად იმდროინდელ მერს, ლეონიდ ჩერნოვეცკის, მასზე მხოლოდ ნეგატიური განწყობები იყო უკრაინულ საზოგადოებაში. ვრცელდებოდა ინფორმაციები, რომ ის იყო კორუმპირებული, ნარკოტიკებზე და ალკოჰოლზე დამოკიდებული, ზედმეტად ექსტრავაგანტული ტიპაჟი. მისი არცთუ სახარბიელო თავგადასავლების შესახებ ანეგდოტები დადიოდა, თუმცა ეს არ არის მთავარი. პირადი ცხოვრება ის სფეროა, რომელიც შეიძლება სულაც არ იყოს განმსაზღვრელი რომელიმე პოლიტიკოსის ობიექტური შეფასებისთვის. მაგრამ ჩვენთვის, როგორც იმ საზოგადოებისთვის, სადაც ბატონი ჩერნოვეცკი დამკვიდრებას ცდილობს და რაც მთავარია ცდილობს საჯარო ფიგურად იქცეს, ანუ მონაწილეობა მიიღოს ჩვენი ქვეყნის პოლიტიკური პროცესებში, მნიშვნელოვანია რამდენად ეფექტური პოლიტიკოსი იყო ის სამშობლოში. სამწუხაროდ, როგორც მოგახსენეთ ამ მხრივ კიევს არ ახსოვს არც ერთი მნიშვნელოვანი რეფორმა, ან პროექტი, რომელიც ბატონმა ჩერნოვეცკიმ მისი მერად მუშაობის ხანგრძლივ პერიოდში განახორციელა. კიევი მან ჩაიბარა, როგორც საბჭოთა პერიოდის ქალაქი, დამძიმებული ბიუროკრატიით და კორუფციით და დატოვა სწორედ იგივე ან უარეს მდგომარეობაში. ამიტომაც მისი ეფექტურობა ამ მიმართულებით სახარბიელო ნამდვილად არ არის.

_რამდენად მნიშვნელოვანი შეიძლება გახდეს უკრაინაში ერთ-ერთი უმდიდრესი ადამიანის შემოსვლა ქართულ პოლიტიკაში. ვრცელდება მოსაზრებები, რომ მან შეიძლება მესამე ცენტრის ჩამოყალბებაში აქტიური როლი ითამაშოს, მით უფრო მისი მატერიალური რესურსების და პოლიტიკური კავშირების გათვალისწინებით, რომლის შესახებაც აქტიურად საუბრობენ?

_ერთადერთი ადამიანი, ვინც საქართველოში დღეს პოლიტიკურ ამინდს განსაზღვრავს და წყვეტს, ვინ და და დოზით შეიძლება შემოვიდეს პოლიტიკურ პროცესებში არის ბიძინა ივანიშვილი. ლეონიდ ჩერნოვეცკი გააქტიურდება იმდენად, რამდენის უფლებასაც მას მისცემენ. რაც შეეხება კიევის მერის მატერიალურ და ადამიანურ რესურსებს, ან გავლენას პოლიტიკურ წრეებზე, ის ახლოსაც ვერ მივა ივანიშვილის შესაძლებლობასთან. ეს, ალბათ, თავად ჩერნოვეცკიმაც მშვენივრად იცის. ამიტომ იგი ფრთხილობს განცხადებებში. ცდილობს მეგის ქარდავას გავლით, რომლის დაკავებისთვისაც ჯილდო დააწესა, "ნაციონალურ მოძრაობას" დაარტყას და არა მმართველ კოალიციას. გაკვრით კი განაცხადა, რომ აქვს რაღაც შენიშვნები ქვეყანაში არსებულ ვითარებასთან დაკავშირებით, მაგრამ ეს უფრო პოზიორობაა, ვიდრე რეალური კრიტიკის სურვილი. ამიტომაც გამოვრიცხავ, რომ იგი რაიმე ზეგავლენას მოახდენს ქართულ პოლიტიკაზე, ან მას ამის უფლებას მისცემენ. მაქსიმუმი რასაც მან შეიძლება მიაღწიოს პარლამენტის დეპუტატობაა, თუმცა ამაშიც ეჭვი მეპარება. მე ვერ ვხედავ ვერც ერთ სერიოზულ პოლიტიკურ ძალას, რომელთან მიბმასაც იგი შეძლებდა. საარჩევნო მარათონში  დამოუკიდებლად მონაწილეობის შემთხვევაში კი მისი შანსები ნულის ტოლია.

_თუმცა ლეონიდ ჩერნოვეცკის პირველი პრესკონფერენცია სოციალურ თემატიკას უკავშირდებოდა. მან განაცხადა, რომ პირველი რასაც გააკეთებს პარლამენტში მოსვლისას, პენსიების 500 ლარამდე გაზრდაა. იმ ხუთი წლის მანძილზე რაც იგი საქართველოში ცხოვრობს, ქველმოქმედებაში რამდენიმე მილიონი დოლარი დახარჯა. შექმნა ფონდი "სოციალური პარტნიორობა", დააარსა პარტია "ბედნიერი საქართველოსთვის". ხომ შეიძლება ამ ყველაფერმა იმდენად მოხიბლოს ქართველი ამომრჩეველი, რომ მან მართლაც შეძლოს პარლამენტში არა მხოლოდ დამოუკიდებელ დეპუტატად გასვლა, არამედ თავისი პარტიის წევრების გაყვანაც?

_ის რასაც დღეს ჩერნოვეცკი საქართველოში აკეთებს, მისთვის პოლიტიკური რეინკარნაციაა. წლების წინ, როდესაც უკრაინაში მოღვაწეობას იწყებდა, მან დაახლოებით იგივე გზა გაიარა. დააარსა ფონდი "სოციალური პარტნიორობა", შექმნა პარტია "ლამაზი უკრაინისთვის", კენჭი იყარა საპრეზიდენტო კანდიდატად. მოკლედ, მისი მეთოდები ცნობილია. ვფიქრობ, მისი პროგრამა მაქსიმუმი ამ ეტაპზე ქართულ საჯარო სივრცეში დამკვიდრებაა. მივიდა სადღაც თავის თანაშემწესთან ერთად, ჩაატარა პრესკონფერენცია, გაისროლა რამდენიმე ავანტურისტული მესიჯი და წავიდა. სერიოზული პოლიტიკა ასე არ კეთდება და ეს ჩერნოვეცკიმ მშვენივრად იცის. იგი იმაზე პრაგმატული და ჭკვიანი პიროვნებაა, ვიდრე შეიძლება ერთი შეხედვით ჩანდეს.  რაც შეეხება პენსიების ზრდას 500 ლარამდე ეს მტკნარი სიცრუეა, რომლისაც, ალბათ, ყველაზე ნაკლებად თავად ჩერნოვეცკის სჯერა. მას არ წარმოუდგენია არც ეკონომიკური პროგრამა, არც კალკულაცია, არც მყარი პოლიტიკური ხედვები. ან როგორ შეიძლება ერთმა დეპუტატმა ამის გაკეთება შეძლოს, მაშინ გამოდის, რომ მისი პარტია უმრავლესობით მოვა პარლამენტში, რაც სრული ფანტასტიკის სფეროა. ამიტომ როგორი უპასუხისმგებლო განცხადებებიც გააკეთა ელექტორატის მოსაზიდად, უნდა ვივარაუდოთ, რომ ზუსტად ასეთივე იქნება მისი მოღვაწეობაც ქართულ პოლიტიკაში. ასეთი უპასუხისმგებლო პოლიტიკოსების ნაკლებობას კი, ლეონიდ ჩერნოვეცკის გარეშეც არ განიცდიდა ჩვენი საზოგადოება.




 ახალი ამბები
  • რიონში მამაკაცის ცხედარი იპოვეს4 დღიანი სამძებრო სამუშაოების შედეგად მაშველებმა, მდინარე რიონში, 72 წლის როლანდ თვალაბეიშვილის ცხედარი იპოვეს. მამაკაცი რამდენიმე დღის წინ გაუჩინარდა და ახლობლებმა მისი ტანსაცმელი რიონის ნაპირზე აღმოაჩინეს. სამძებრო სამუშაოებში აქტიურად იყვნენ ჩართული სამტრედიისა და ქუთაისის სამაშველო ... ...
  • ქართველი ფოლკლორისტი, მომღერალი, ლოტბარი - დღეს ფილიმონ ქორიძის დაბადების დღეადღეს ქართველი ფოლკლორისტის, მომღერალის, ლოტბარის, ქართული საოპერო ხელოვნების ერთ-ერთი ფუძემდებელის, პირველი ქართველი პროფესიონალი მომღერალის (ბანი), ქართული სახალხო გუნდების ორგანიზატორის და ლოტბარის ფილიმონ ქორიძის დაბადების დღეა. იგი პირველი ქართველი მუსიკოსი იყო, ვინც ქართული მრავალხმიანობა ნოტებზე გადაიტანა. ფილიმონ ქორიძეს დიდი ღვაწლი მიუძღვის შუა საუკუნეების ქართული საგალობლების თავმოყრაში, ჩაწერასა და გავრცელებაში. XIX საუკუნეში რუსეთის იმპერიული ხელისუფლება და არაკანონიკური საეგზარქოსო-საეკლესიო მმართველობა ებრძოდნენ ქართულ გალობასა და სიმღერას, ეროვნულ მუსიკალურ ენა-აზროვნებას. ქართული გალობა, რომელიც შუა საუკუნეების უნიკალური პოლიფონიური ტრადიციაა, განადგურების რეალური საფრთხის წინაშე აღმოჩნდა. გალობა, ქართულ ენასთან ერთად, იდევნებოდა ლიტურგიიდან, ეკლესიებიდან, სასწავლებლებიდან. გალობის მცოდნე ძალიან ცოტაღა იყო საქართველოში - ძირითადად მოხუცი მგალობლები. ფილიმონ ქორიძემ უარყო წარმატებული საოპერო კარიერა, უარი სთქვა მატერიალურ კეთილდღეობაზე და ცხოვრება შესწირა ქართული გალობის გადარჩენას. ქორიძესთან მელქისედეკ ნაკაშიძის მეთაურობით მივიდნენ ცნობილი ქართველი მგალობლები და ჰკითხეს, შესაძლებელი იყო თუ არა ქართული საგალობლების ნოტებზე გადაღება? ქორიძისგან რომ დადებითი პასუხი მიიღეს, გაუკვირდათ და ეჭვის თვალით შეხედეს მას. ქორიძემ მგალობლები მეორე დღეს დაიბარა, უგალობა და ფორტეპიანოზე მოასმენინა. მგალობლები დარწმუნდნენ რომ გალობის ნოტებზე გადატანა შესაძლებელი იყო. ფილიმონის ვაჟის, მიხეილ ქორელის მოგონებების თანახმად ფილიმონს ხშირად იწვევდნენ სუფრებზე, სადაც ის სხვადასხვა სიმღერებს ისმენდა. ქორიძე ამბობდა, რომ ზოგიერთ სიმღერას ვერ ცნობდა, რადგან მათ ადრე სხვანაირად ამბობდნენ, ახლა კი ელფერი შეცვლიაო. სწორედ ამიტომ გაუჩნდა ქორიძეს სურვილი, ნოტებზე ჩაეწერა ძველი გალობის კილოები. 1882 წელს მელქისედეკ ნაკაშიძემ და ნესტორ კონტრიძემ ფილიმონ ქორიძესთან ერთად დაიწყეს ქართული საგალობლების გურული კილოს ნოტებზე გადატანა. საქმე იდენად მნიშვნელოვანი აღმოჩნდა, რომ ქორიძემ საოპერო კარიერა მიატოვა და აღარც უცხოეთში წასულა. აკაკი წერეთლისაგან და მელიტონ ბალანჩივაძისგან ის საგალობლების ზემო იმერულ კილოს იწერდა. 1883 წელს ფილიმონმა დაასრულა იოანე ოქროპირის წირვის წესის ჩაწერა. 1884 წლისთვის უკვე არსებობდა სასტამბოდ გამზადებული ხელნაწერი. ეგზარქოს პავლეს მიერ გალობის აღმდგენი კომიტეტის მუშაობის ჩაშლამ შეუძლებელი გახადა ნოტებზე გადატანილი საგალობლების დაბეჭდვა თბილისში. მალე ქორიძე ინახულა ჟურნალ „მწყემსის“ რედაქტორმა დავით ღამბაშიძემ, რომელმაც აცნობა ქორიძეს, რომ იმერეთის ეპისკოპოსი გაბრიელი დაინტერესებული იყო ქართული საგალობლების ნოტებზე ჩაწერითა და გამოცემით. 1884 წლის ნოემერბში გაიმართა იმერეთის სამღვდელობის კრება, რომელმაც აირჩია სპეციალური კომიტეტი. კომიტეტმა 1885 წელს კონტრაქტი გაუფორმა ფილიმონ ქორიძეს. მას გურიასა და იმერეთში ცნობილ მგლობელთაგან 400 საგალობელი უნდა ჩაეწერა. ქორიძემ ნოტებზე გადაიღო ბასილი დიდისა, იოანე ოქროპირის წირვის და სხვა საგალობლები. საგალობლებს ის დიმიტრი ჭალაგანიძისგან, რაჟდენ ხუნდაძისგან და სხვათაგან იწერდა. 1887 წელს ქორიძემ ეპისკოპოს გაბრიელს 400 საგალობლისგან შემდგარი კრებული ჩააბარა. სამუშაოს დასრულების შემდეგ ქორიძე ქუთაისში დარჩა და საეკლესიო საგალობლების ჩაწერა განაგრძო, ხელმძღვანელობდა სასულიერო სასწავლებლის გუნდს. 1889 წელს ქორიძის მეორე მეუღლე გარდაიცვალა. მცირეწლოვანი ქალიშვილი ვალენტინა მან კიევში, მეუღლის ოჯახში გაგზავნა, ვაჟი მიხეილი კი გიმნაზიის პანსიონში სახელმწიფოს ხარჯზე ცხოვრობდა. 1890 წელს მეგობრების რჩევით ქორიძე თბილისში დაბრუნდა. 1893 წელს ქორიძე მაქსიმე შარაძის, არისტო ქუთათელაძისა და ექვთიმე თაყაიშვილის ინიციატივით ოზურგეთში გაემგზავრა საგალობლების ჩასაწერად. მათვე შუძინეს ფისჰარმონია. ოზურგეთში ის 16 ივნისს გაემგზავრა: „დღეს, ამ თვის 16, მიემგზავრება ბატონი ფილიმონ ქორიძე ქ. ოზურგეთს. მაშასადამე, ხვალ ორი მამულიშვილი, ბატონი ფილიმონ ქორიძე, რომელსაც ფოტოგრაფსავით სისწორით გადააქვს ჩვენი გალობა, და ბატონი ანტონ დუმბაძე, რომელიც სრული და შეუდარებელი მგალობელია მთელს საქართველოში, ერთად შეიყრებიან“ გარდაიცვალა 1911 წელს ბახმაროში. დაკრძალეს ოზურგეთის ბაღში, სადაც იდგა ეკლესია. ამჟამად საფლავი დაკარგულია. მისი ხელნაწერები დაცულია ხელნაწერთა ეროვნულ ცენტრში. მისი მოსწავლე იყო ქართული საეკლესიო საგალობლების მოამაგე, და საზოგადო მოღვაწე წმინდა ექვთიმე აღმსარებელი (ერისკაცობაში — ესტატე კერესელიძე). სწორედ წმიდა ექვთიმემ გადაარჩინა ქორიძის ხელნაწერები, გადაწერა ისინი, სისტემატიზაციაში მოიყვანა და გაამდიდრა კიდეც ახალი მასალით. 1990 წლის 21 მაისს ოზურგეთში დაიდგა მისი ბიუსტი (მოქანდაკე ირაკლი რევაზიშვილი, არქიტექტორი გულღია სალუქვაძე). ეკლესიისა და სამშობლოს წინაშე გაწეული ღვაწლისა და თავდადებისათვის, საქართველოს ეკლესიის წმიდა სინოდმა, 2011 წლის 20 დეკემბერს შერაცხა წმინდანთა დასში, წოდებით: წმიდა ფილიმონ მგალობელი, ერისათვის თავდადებული. წყარო: ... ...
  • აჭარაში კორონავირუსი თურქეთის მოქალაქეს დაუდასტურდააჭარაში კორონავირუსი თურქეთის მოქალაქეს დაუდასტურდა. აჭარის ჯანდაცვის სამინისტროს ინფორმაციით, 50 წლის კაცი სატვირთო ავტომობილის მძღოლია. ვირუსისთვის დამახასიათებელი ჩივილებით ის ბათუმის „ცხელების ცენტრში" მოათავსეს, სადაც კორონავირუსი დაუდგინდა. უწყების ცნობით, ცხელების ცენტრიდან კაცს საკუთარი სურვილით თურქეთში გადაიყვანენ, სადაც მკურნალობას განაგრძობს. აჭარაში, კორონავირუსის დიაგნოზით 7 პაციენტი მკურნალობს, მათი მდგომარეობა სტაბილურია. საქართველოში კორონავირუსის 5 ახალი შემთხვევა გამოვლინდა, 6 ... ...
  • ბებო კახეთიდან, რომელიც ლანჩხუთის ქუჩებში შემწეობას ითხოვდა, უპოვართა სახლში გარდაიცვალამოხუცი ქალბატონი, რომელიც წარმოშობით დედოფლისწყაროს მუნიციპალიტეტის სოფელ მაჩხაანიდან იყო და წლების განმავლობაში ლანჩხუთის ქუჩებში მოწყალებას ითხოვდა, უპოვართა სახლში გარდაიცვალა. ეთერ ნატროშვილის ოჯახი ლანჩხუთში კახეთიდან რამდენიმე წლის წინ ჩამოვიდა შვილთან და მეუღლესთან ერთად. მეუღლე ორიოდ წლის წინ გარდაიცვალა და ლანჩხუთშია დაკრძალული. მოხუცი ქალბატონი შვილთან ერთად ზამთრის ცივ დღეებში, თოვლსა თუ წვიმაში, წლების განმავლობაში ქუჩაში იდგა მოწყალების მისაღებად და თავს სხვადასხვა ნაგებობებსა და მიტოვებულ ავტობუსს აფარებდა. ლანჩხუთის მერიამ მას არაერთხელ შესთავაზა ქირავნობის პროგრამა, მაგრამ სახელმწიფოს მიერ დაქირავებულ სახლებში, გარკვეულ მიზეზთა გამო, დიდხანს არ ჩერდებოდა. სამიოდ თვის წინ კი, პრობლემა ნაწილობრივ იმით მოგვარდა, რომ მოხუცი ქალბატონი საგარეჯოს უპოვართა სახლში გადაიყვანეს. სამწუხაროდ, რამდენიმე დღის წინ, იგი გარდაიცვალა, ლანჩხუთში ჩამოასვენეს და მეუღლის გვერდით ე.წ. "ატეკის სასაფლაოზე" ... ...
  • სპეცოპერაცია ზუგდიდში _ დაკავებულია ბიზნესმენის შვილიზუგდიდში, დადიანის ქუჩაზე, სპეცოპერაციიყო. სამართალდამცავები დაკავებული მოქალაქის ავტომანქანას ჩხრეკენ. არსებული ინფორმაციით, დაკავებული ბიზნესმენ დათო შენგელიას შვილია. შს სამინისტროში აცხადებენ, რომ აღნიშნულთან დაკავშირებით კომენტარს მოგვიანებით ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...