დაზარალებული ოჯახი ეკომიგრანტის სტატუსის მინიჭებას ითხოვს

მთავარი თემა

დაზარალებული ოჯახი ეკომიგრანტის სტატუსის მინიჭებას ითხოვს

2016 იან 13 16:24:02

ორი წელია, რაც ლანჩხუთის მუნიციპალიტეტის სოფელ ჭყონაგორაში მცხოვრები ნიკოლაიშვილების ოჯახი ეკომიგრანტის სტატუსის მინიჭებას ითხოვს. მათი სახლი მეწყერსაშიშ  ზონაში მდებარეობს. პირველი სართული მთლიანად გამოუსადეგარია და დღითიდღე იზრდება საშიშროება, რომ სახლი სრულად ჩამოინგრეს.

დახმარების თხოვნით ოჯახის დიასახლისმა ქეთევან ჯორბენაძემ "გურია ნიუსს" მიმართა.

 "აქამდე თავს ვიკავებდი პრესის საშუალებით გამეშუქებინა ჩემი პრობლემა, მაგრამ ახლა სხვა გზა აღარ დამრჩენია. წლებია დახმარებას ვითხოვ, მაიმედებენ, მაგრამ არაფერი შედეგი არ ჩანს.

ვარ სტიქიით დაზარალებული. მივმართე ადგილობრივ გამგეობას დახმარების თხოვნით. ორი წელია დავდივარ ამ საკითხზე. იყვნენ მოსულები ინფრასტრუქტურის სამსახურის წარმომადგენლები, ნახეს  ადგილზე ყველაფერი. მათი თქმით, მდგომარეობა გეოლოგებს უნდა შეესწავლათ. იყვნენ კიდეც მოსულები გასული წლის გაზაფხულზე  მდგომარეობის შესასწავლად, დაათვალიერეს სახლი, ეზ, თან მითხრეს, რომ  პირველი  კატეგორია მომენიჭებოდა და სახელმწიფომ 20 ათასი ლარის ფარგლებში შემიძენდა საცხოვრებელ ფართს.

 შემდეგ მითხრეს საკითხი თბილისში ლტოლვილთა და განსახლების სამინისტრომ უნდა გადაწყვიტოსო და დოკუმენტაციის ჩასაბარებლად გამიშვეს კიდეც ქუთაისის იუსტიციის სახლში. იქაც მითხრეს, რომ სახელმწიფო 2015 წლის ოქტომბრის თვის ბოლოსთვის 20 ათას ლარიან დახმარებას გამიწევდა.  მოკლედ, გავიდა ეს დათქმული დროც. ნოემბრის თვის დასაწყისი იქნებოდა, როცა  მდგომარეობის გასარკვევად მივედი გამგეობაში, სადაც კიდევ ერთხელ მითხრეს, რომ არსებული თანხის ფარგლებში მეპოვა სახლი შესაძენად და 2015 წლისთვის თუ არა 2016 წლის დასაწყისში მაინც მოხერხდებოდა ჩემთვის სახლის შეძენა. თუმცა, ამ დრომდე არაფერია.

არადა, დიდთოვლობამ კიდევ უფრო უარესი მდგომარეობა შემიქმნა. სახლს მთლიანად ჩამონგრეული აქვს უკანა კედელი, პირველი სართულის ოთახებში წყალს კალაპოტი აქვს გაკეთებული და ყოველი გაწვიმებისას  მდინარესავით მიედინება, კედლები ერთიანად  დაბზარული და ჩამონგრეულია. მოკლედ, სახლი საცხოვრებლად გამოუსადეგარია. ეზოშიც მიწა ადგილ-ადგილ დამსკდარია და თუ რამე ნაგებობაა, ყველაფერი დეფორმირებულია.

შიშით, რომ სახლი თავზე არ ჩამოგვენგრეს და შიგ არ მოვყვეთ, მთელი ოჯახი ერთ ოთახიან  სამზად სახლში ვართ შეხიზნული, სასტუმრო ოთახიც ესაა ჩვენთვის და საძინებელიც", - ამბობს ქეთევან ჯორბენაძე.

ლანჩხუთის გამგეობის არქიტექტურისა და ინფრასტრუქტურის სამსახურის უფროსის ლევან ჩხაიძის  განცხადებით, ადგილობრივმა ხელისუფლებამ აღნიშნულ საკითხთან დაკავშირებით თავის შესაძლებლობის ფარგლებში  ყველაფერი გააკეთა, ახლა ჯერი ლტოლვილთა და განსახლების სამინისტროზეა, სტატუსი მან უნდა მიანიჭოს.

"არსებული მდგომარეობა ჩემთვის კარგადაა ნაცნობი. იყვნენ ადგილზე ჩამოსული გეოლოგები, შეისწავლეს მდგომარეობა და საბოლოო დასკვნაც მათ უნდა დაედოთ. უშუალოდ ქალბატონ ქეთევანისგან ვიცი, რომ პირველი კატეგორია მიენიჭა, ლტოლვითა და განსახლების სამინისტროს უშუალოდ მასთან აქვს კონტაქტი", -გვითხრა ჩხაიძემ.

ნიკოლაიშვილების ოჯახი სოციალურადაც შეჭირვებულია,  ოჯახში არავინ  მუშაობს და მათი ძირითადი შემოსავლის წყარო 85 წლის მოხუცის პენსიაა.

"ჩვენი ძირითადი შემოსავლის წყარო ჩემი დედამთილის პენსიაა. შვილი სტუდენტი მყავს და სწავლის საფასური რომ გადავუხადო მე და ჩემი ქმარი ტყე-ტყე დავდივართ, წვალებით ვაგროვებთ ფურუსულას ფესვებსა და კერკეტ ნიგოზს, ვაბარებთ და ამით ვშოულობთ ორ კაპიკს. ხანდახან თურქეთშიც დავდივართ სამუშაოდ, სხვა გამოსავალი რომ არაა. ერთი ხანი სოციალური დახმარებაც დაგვინიშნეს, ცხრა თვე ვიღებდით, მაგრამ მერე მომიხსნეს შვილი გყავს სტუდენტიო. არ ვიცი რა ახალი რეგულაციები აქვთ, იმ სტუნედტს რჩენა არ უნდა?! ნეტა იცოდნენ რა წვალებით ჩააბარა ჩემმა შვილმა უმაღლესში, ყველაფერს თავისით მიაღწია", -  განაცხადა ჯორბენაძემ.

სოციალური სააგენტოს ლანჩხუთის განყოფილების ხელმძღვანელის მოვალეობის შემსრულებლის ეკა წილოსანის განმარტებით, ქეთევან ჯორბენაძე, დემოგრაფიული ცვლილების გათვალისწინებით, ხელახალი განცხადებითაა შესული სოცსააგენტოში და მოხდება მისი ოჯახის ხელახალი გადამოწმება, რომლის შემდეგაც გაირკვევა მიენიჭება თუ არა სოცსტატუსი ოჯახს.

"თუ დადებითად არ გადაწყდება ჩემი საკითხი და ალტერნატიული საცხოვრებელი ფართით არ უზრუნვებელმყოფენ, მაშინ სხვა ზომებს მივმართავთ, ნათლიღების დღესასწაული მოდის და ჯიხეთის მონასტრისკენ მიმავალ გზასაც კი გადავკეტავთ. ამდენი ხანი გვაიმედებდნენ და ახლა ირკვევა, რომ თურმე პირველი კატეგორია არ გვეკუთვნის", - იმუქრება ოჯახი, რომელიც ეკომიგრანტის სტატუსის მინიჭებას ითხოვს.




 ახალი ამბები
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...
  • ოზურგეთში, ღია დიალოგის რეჟიმში, მოსახლეობასთან შეხვედრა გაიმართა (R)ღია დიალოგის რეჟიმში, ოზურგეთში მოსახლეობასთან შეხვედრა გაიმართა. გარემოს დაცვისა და სოფლის მეურნეობის მინისტრის მოადგილე იური ნოზაძე და გურიის მხარის რწმუნებული ზურაბ ნასარაია სოფელ ჯუმათის, ზვანის უბნისა და გრიბოედოვის ქუჩის მაცხოვრებლებს შეხვდნენ. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს. ადგილობრივებს ინფორმაცია დაგეგმილ ინფრასტრუქტურულ პროექტებზე, მუნიციპალურ და სოფლის მეურნეობის პროგრამებზე მიაწოდეს. მოსახლეობისთვის პრიორიტეტული სკვერის, წყალმომარაგების, კანალიზაციის სისტემის მოწყობის და შიდა საუბნო გზების მოწესრიგების საკითხია. აღინიშნა, რომ რამდენიმე საკითხი ეტაპობრივად მოგვარდება, დამუშავდება და სამოქმედო გეგმაში აისახება. შეხვედრებს ოზურგეთის მერი კონსტანტინე შარაშენიძე, საკრებულოს თავმჯდომარის მოადგილე გიორგი ღურჯუმელიძე და მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები ესწრებოდნენ. ... ...
  • გენერალურმა პროკურატურამ პატიმრების შეწყალების ფაქტზე გამოძიება დაიწყოსაქართველოს გენერალურმა პროკურატურამ პატიმრების შეწყალების ფაქტზე გამოძიება დაიწყო. პროკურატურის ინფორმაციით, გამოძიება სამსახურებრივი უფლებამოსილების შესაძლო ბოროტად გამოყენების ფაქტზე მიმდინარეობს. „საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე, დანაშაული გათვალისწინებული სსკ-ის 332-ე მუხლის 1-ლი ნაწილით. საზოგადოებას პერიოდულად მივაწვდით ინფორმაციას გამოძიების მიმდინარეობისა და შედეგების შესახებ“, _ ნათქვამია პროკურატურის ... ...
  • ანზორ ჩუბინიძე: ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონიასახელმწიფო დაცვის სპეციალური სამსახურის უფროსი ანზორ ჩუბინიძე 20 ივნისის მოვლენებთან დაკავშირებით გენერალურ პროკურატურაში დაიკითხა. როგორც ანზორ ჩუბინიძემ ჟურნალისტებთან საუბრისას განაცხადა, მან გამოძიებას ყველა კითხვაზე გასცა პასუხი. „20-21 ივნისის მოვლენებზე გამოვიკითხე და რაც მკითხეს, ვუპასუხე. რა დონეზე ვმონაწილეობდი, როგორ ვიყავით ჩართულები და პირადად ჩემთან ქონდათ გარკვეული კითხვები ჩემი მონაწილეობის შესახებ. მე ვარ სახელმწიფო დაცვის სპეციალური სამსახურის ხელმძღვანელი, პარლამენტის შენობა არის დაცვის სპეციალური სამსახურის დასაცავი ერთ-ერთი უმნიშვნელოვანესი ობიექტი და აქ კითხვა არაა, თუ რატომ ვიყავი იქ. მე მითითებებს გავცემდი მხოლოდ და მხოლოდ სდსს თანამშრომლებზე. რა თქმა უნდა, არ გავცემდი არანაირ ბრძანებას სროლაზე“, – განაცხადა ანზორ ჩუბინიძემ. ამასთან სახელმწიფო დაცვის სპეციალური სამსახურის უფროსის თქმით, ის პასუხისმეგებლობისგან გაქცევას არ აპირებს. ​ „რაც შეეხება იმას, რომ სდსს-ის თანამშრომლები იყვნენ განლაგებული პარლამენტის სხვადასხვა შესასვლელთან, ეს ასე იყო და იქნება, სანამ მე ვიქნები ხელმძღვანელი სდსს-ის. ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონია. არავინ გაექცევა პასუხისმგებლობას, მათ შორის არც მე, თუ დადგება ეს საკითხი. გამოძიება აუცილებლად მივა ბოლომდე და ყველა კითხვას პასუხი გაეცემა“, – განაცხადა ანზორ ჩუბინძემ. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...