კულტურის სახლის აშენების საკითხი მინისტრმა დაადასტურა

მთავარი თემა

კულტურის სახლის აშენების საკითხი მინისტრმა დაადასტურა

23 დეკ. 2010, 22:48:40
1994-2000 წლებში საქართველოს საგადასახადო ინსპექციის ოპერატიული სამმართველოში, სხვადასხვა წამყვანი თანამდებობები ეკავა; 2000-2003 წლებში  იყო  საგანგებო ლეგიონის სპეციალურ დავალებათა სამმართველოს უფროსის მოადგილე; 2003-2004  წლებში _ საქართველოს ფინანსთა სამინისტროს ფინანსური პოლიციის საინფორმაციო-ანალიტიკური დეპარტამენტის უფროსის მოადგილე; 2004-2005 _ წლებში ფინანსური პოლიციის სტატისტიკური აღრიცხვისა და საინფორმაციო სამსახურის უფროსი; 2005-2007 წლებში ხელმძღვანელობდა ფინანსური პოლიციის საგამოძიებო დეპარტამენტის თბილისის მთავარი სამმართველოს; 2007-2008 წლებში _ შემოსავლების სამსახურის საგამოძიებო დეპარტამენტის თბილისის მთავარი სამმართველოს, 2008 წლის პირველ ნახევარში იყო საქართველოს ადმინისტრაციულ-ტერიტორიულ ერთეულებში (ლანჩხუთი, ოზურგეთი, ჩოხატაური) სახელმწიფო რწმუნებული-გუბერნატორი; ამავე წლის მეორე ნახევარში _ საქართველოს თავდაცვის მინისტრის მოადგილე; 2008 წლის ბოლოს საქართველოს საავტომობილო გზების დეპარტამენტის თავმჯდომარედ დანიშნეს, სადაც 2 წელი იმუშავა. 2010 წლის ზაფხულში კი დაინიშნა რეგიონული განვითარებისა და ინფრასტრუქტურის მინისტრად.
რამაზ ნიკოლაიშვილს, საქართველოს სამეცნიერო და საინჟინრო საზოგადოებათა კავშირის პრეზიდიუმის 2010 წლის 20 მაისის გადაწყვეტილებით, 2009 წელს ტრანსპორტის და საგზაო მშენებლობის დარგში მიღწეული წარმატებისთვის მიენიჭა "წლის ინჟინრის" საპატიო წოდება; 2010 წელს ]საქართველოს პრეზიდენტის განკარგულებით, დაჯილდოვდა ბრწყინვალების საპრეზიდენტო ორდენით, 2009 წელს _ ღირსების ორდენით; 2007 წელს _ ღირსების მედლით; 2005 წელს მიენიჭა სპეციალური წოდება _ "პოლკოვნიკი".
მის ირგვლივ მუდმივად ვრცელდება სხვადასხვა სახის ინფორმაციები _ ზოგჯერ ჭორი, ზოგჯერ მართალი. "გურია ნიუსი" ამ ჭორ-მართლის გადამოწმებას უშუალოდ მინისტრთან შეეცადა.
_ ბატონო რამაზ, ჩვენი დღევანდელი ინტერვიუ ჩოხატაურელებისთვის ძალიან მნიშვნელოვანი საკითხით _ კულტურის სახლის აშენებით მინდა დავიწყო. ეს იყო თქვენი დაპირება, რომელიც ჩვენი ინფორმაციით, მალე უნდა იქცეს რეალობად. იქნებ უფრო დაწვრილებით  გვესაუბროთ ამ საკითხზე და გვითხრათ _ რამდენად რეალურია ჩოხატაურში კულტურის სახლი აშენება?
_ ეს იყო ჩემი დაპირება ჩოხატაურელებისთვის, რაც ჩემთვის გამოწვევაა და მეც სიამოვნებით ვიღებ მას. ჩემი პირობა შესრულებული იქნება და ჩოხატაურში ძალიან მალე დაიწყება კულტურის სახლის მშენებლობა. ეს არ არის დაპირება. ეს არის საქმე, რომელიც მალე გახორციელდება.
_ ბატონო რამაზ, სამწუხაროდ, ბახმაროს სკანდალთან დაკავშირებით, გურიის ხელისუფლებას დღემდე ოფიციალური განმარტება არ გაუკეთებია და არ აუხსნია საზოგადოებისთვის რა მოხდა, როგორ მოხდა, რომ "ნაციონალების" ერთ-ერთი სახე დამნაშავე იყო. გურიის გუბერნატორმა მხოლოდ ის თქვა, რომ როდესაც ეს ყველაფერი ხდებოდა, თავად არ იყო გუბერნატორი... მიუხედავად იმისა, რომ რამდენიმე თვე გავიდა, საზოგადოება ელის ახსნა-განმარტებებს და იმედია, რომ თქვენ იქნებით ის ადამიანი, რომელიც ამ საკითხზე გულწრფელად ისაუბრებს. მით უმეტეს, რომ ერთხელ თქვით _ მე რომ გუბერნატორი ვყოფილიყავი, სხვანაირად მოვიქცეოდიო. როგორ მოიქცეოდით?
_ ეს ის თემაა, რომელზედაც ჩემი მხრიდან კომენტარის გაკეთება არ მიმაჩნია მიზანშეწონილად. მე არ ვიყავი მაგ დროს გუბერნატორი. თუმცა, ვფიქრობ, რომ რაც მოხდა, ძალიან ცუდია. მხოლოდ ის შემიძლია გითხრათ, რომ მიმდინარეობს სერიოზული საუბრები ბახმაროს ინფრასტრუქტურის მოსაწესრიგებლად, რაც იმას ნიშნავს, რომ იქნება დამატებითი სამუშაო ადგილები და  გურია ტურისტებისთვის კიდევ უფრო მიმზიდველი გახდება.
_ როგორი განცდაა, როცა მინისტრის სავარძელი გიკავიათ და პრეზიდენტის ფავორიტად გთვლიან?
_ თქვენ სულ ამბობთ, რომ მე პრეზიდენტის ფავორიტი ვარ. თუ იმას ეძახით ფავორიტობას, რომ მე ქვეყნის პირველი პირი  მენდობა, ეს ასეა და მე ყველაფერს გავაკეთებ იმისთვის, რომ ეს ნდობა გავამართლო.
_ პრეზიდენტმა ერთხელ თქვენზე საუბრისას თქვა, "მტარვალიაო". მართლა ასეთი ხართ თანამშრომლებთან და მათ მუდამ მძიმე მუშაობის რეჟიმში ამყოფებთ?
_ ეს სიტყვები პრეზიდენტმა ხუმრობით თქვა. რაც შეეხება თანამშრომლებთან ჩემს ურთიერთობას, მე ვმუშაობ ძალიან ბევრს, მართლაც ძალიან ბევრს და ამასვე მოვითხოვ თანამშრომლებისგან.
_ გულწრფელად მიპასუხეთ _ გურიის ხელისუფლება მოგწონთ?
_ ბევრი მომწონს, ბევრი _ არა. მომწონს გია გოგუაძე, რომელიც, მიმაჩნია, რომ საქართველოში ერთ-ერთი საუკეთესო გამგებელია.
_ ბატონო რამაზ, ვრცელდება ინფორმაციები, რომ გოგუაძე ჩიტაიშვილს შეცვლის...
_ მაგაზე ვერაფერს გეტყვით, ჯერჯერობით, გურიის გუბერნატორი ვალერი ჩიტაიშვილია და რა იქნება მომავალში, არავინ იცის.
_ ბევრი ამბობს, რომ გარკვეული ინტერესები გაქვთ გურიაში.
_ ჩემი ინტერესი გურიაში მხოლოდ სიყვარულია. სხვა რაიმე მატერიალური ინტერესი ნამდვილად არ მაქვს. არ ვფლობ არცერთ კვადრატულ მეტრ მიწას, ტყეს და ბიზნესს.
_ თქვენზე ამბობენ, პიარი ძალიან უყვარსო...
_ არ ვიცი. ეს, ალბათ, ჩემს პრესსამსახურს უნდა ჰკითხოთ.
_ ისიც თქვეს, ერთი და იმავე ობიექტს რამდენჯერმე ხსნის ტელეკამერების და საზოგადოების წინაშე თავი რომ მოიწონოსო...
_ საქართველოში ძალიან ბევრი რამ კეთდება.  იმდენი ობიექტი გროვდება, რომ გახსნას ვერ ვასწრებთ და დამერწმუნეთ,   პიარის გასაკეთებლად ერთი და იმავე ობიექტის გახსნა ნამდვილად არ მჭირდება. თუ ვინმე მეტყვის, რომ რომელიმე კონკრეტული ობიექტი ორჯერ გავხსენი, ბოდიშს მოვიხდი, მაგრამ დანამდვილებით შემიძლია გითხრათ, რომ ეს ასე არ არის.
_ რამდენად ამბიციური ხართ?
_ ამბიციური ნამდვილად ვარ.
_ ხშირად სვამთ ალკოჰოლურ სასმელებს?
_ არც ისე.
_ ყოფილა თუ არა შემთხვევა, როცა ნასვამმა რომელიმე ჩინოვნიკი თანამდებობიდან გაათავისუფლეთ?
_ არა, ნასვამი სამსახურში არასოდეს მივსულვარ. როგორც წესი, მეგობრების წრეში ვსვამ, იქ კი თათბირებს არ ვმართავთ. შესაბამისად, არც არავის ვხსნი.
_ თქვენი ნდობა ადვილი მოსაპოვებელია?
_ შემთხვევას გააჩნია. ალბათ, უფრო კი.
_ როდის ხართ დაუნდობელი და რითი გამოხატავთ სიბრაზეს?
_ არ ვარ დაუნდობელი ადამიანი, თუმცა, ძალიან ცუდი გაბრაზება ვიცი. ვბრაზდები მაშინ, როცა მატყუებენ; მაშინ, როცა საქმეს უპასუხისმგებლოდ ეკიდებიან; მაშინ, როცა ქვეყნის ინტერესებზე წინ პირად ინტერესს აყენებენ.
_ საზოგადოება ტელევიზიით იგებს, რომ მესტიაში აეროპორტი იხსნება, რომ ქუთაისში პარლამენტი შენდება, რომ ბათუმი ყვავდება, სამეგრელო ნათდება და ა.შ. რატომ არის გურია ამ ყველაფერს მოწყვეტილი? მეტყვით, რომ ჩვენთან ყველაზე მეტი გზები დაიგოო, მაგრამ ფაქტია, რომ სხვა რეგიონებთან შედარებით ჩვენ დაჩაგრულები ვართ _ შადრევანიც კი არ გაგვიხსნეს!
_ შადრევანი თუ გინდათ, პრობლემა არ არის მისი გახსნა. თუმცა, როცა რამეს ვაკეთებდი, ხშირად სვამდით შეკითხვას, საიდანო. მე ვფიქრობ, მთავარი ის არის, რომ ხალხს დაანახო, როგორ და სად იხარჯება მათი ფული, ეს კი სწორად უნდა გააკეთო. ვერ დაგეთანხმებით, რომ გურია დაჩაგრულია. თამამად შემიძლია გითხრათ, რომ მიმდინარე წელს ყველაზე მეტი გზები გურიაში დაიგო. მომავალი წელიც დატვირთული იქნება. სოფლის პროგრამის ფარგლებში ბევრი ძალიან კარგი პროექტი გახორციელდება, დაიგება გზები, მეტი ყურადღება მიექცევა ინფრასტრუქტურას.
_ და დაიწყება ჩოხატაურის კულტურის სახლის მშენებლობაც...
_ კი. მე ჩემს დაპირებას ყოველთვის ვასრულებ. მთავარია, ყველაფერს საღი თვალით შევხედოთ და დავინახოთ, როგორ ვითარდება ჩვენი ქვეყანა, რომ იგი შენდება და არ ინგრევა. მინდა ისე ვიცხოვრო, ჩემი ნაკეთები საქმეები ქვეყანას დარჩეს და ჩემი წასვლის მერე არ თქვან, არაფერი უკეთებიაო. ამიტომ, დღე-ღამეში თითქმის 24 საათი ვმუშაობ და ყველა რომ ასე იქცეოდეს, დამერწმუნეთ, არ დასჭირდებათ იმაზე ფიქრი, როგორ დაიკანონონ მიწა ბახმაროში უკანონოდ, როგორ გადაამეტონ თანამდებობრივ მდგომარეობას და  ა.შ. 
_ ახალი წლის გატარებას გურიაში ხომ არ გეგმავთ?
_ ვაპირებ ჩამოვიდე. შესაძლებელია ზოტს ვესტუმრო. ლევან ვაშალომიძესთან ერთად მაქვს ეს ვიზიტი დაგეგმილი.




 ახალი ამბები
  • "წყალმა ფიზიკის კანონები უნდა დაარღვიოს და არხში ისკუპოს? ლანჩხუთში სოფელ  ჩიბათში ბოლო პერიოდში გაკეთებული სანიაღვრე არხების ამსახველ ფოტოებს სოციალურ ქსელში მომხმარებელი მარიამ კოიძე ავრცელებს. "აქ წყალმა ფიზიკის კანონები უნდა დაარღვიოს და არხში ისკუპოს? "- კითხვას სვამს ის. როგორც მისი კომენტარიდან  ირკვევა აღნიშნული სანიაღვრეები ე.წ. რკინიგზის უბანში გაკეთდა და მოსახლეობაც უკმაყოფილოა განხორციელებული სამუშაოებით. "უკმაყოფილო ვართ, მე და ჩემ მხარეს მცხოვრები ყველა მეზობელი. ასევე უკანა მხარეს მცხოვრებნიც. იმიტომ, რომ სანიაღვრეები გააკეთეს არა იმ მხარეს, სადაც დახრა იყო, არამედ საპირისპირო მხარეს, სადაც მიწა მაღალია. რაც იმას ნიშნავს, რომ როგორც კი ღელე ადიდდება, ჩემ ეზოში შემოვა და წაიღებს ყველაფერს. ასევე წაიღებს ჩემს უკან მცხოვრები ადამიანების ეზოებს, რომელსაც სანიაღვრე არხები არ გაუკეთეს (ყოველ შემთხვევაში, ჯერ არა)" - წერს მარიამი. ... ...
  • აგვისტოში კომერციული ბანკების წმინდა მოგება 32 870 მლნ ლარით გაიზარდაეროვნული ბანკის მიერ გამოქვეყნებული სტატისტიკის მიხედვით, კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს, რომელიც,  წინა თვესთან შედარებით 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის სტატისკის მიხედვით, 2020 წლის აგვისტოში კომერციული  ბანკების მიერ ჯარიმა/საურავებიდან მიღებულმა შემოსავალმა 32,843 მლნ ლარი შეადგინა. საკონვერსიო ოპერაციებიდან მიღებულმა წმინდა მოგება/ზარალმა 71,858 მლნ ლარი შეადგინა. როგორც სტატისტიკაშია აღნიშნული, წინა თვეში კომერციულმა ბანკებმა საკომისიოებიდან და გაწეული მომსახურეობებიდან 30,976 მლნ ლარის შემოსავლი მიიღეს. ასევე ეროვნული ბანკის სტატისტიკის მიხედვით, 2020 წლის აგვისტოში სულ ბანკების შემოსავლები  399,955 მლნ ლარი შეადგინა, საიდანაც საპროცენტო შემოსავლები იყო 330,845 ლარი. აგვისტოში კომერციული ბანკების ხარჯებმა კი, 293,344 მლნ ლარი შეადგინა. ცნობისთვის, გასულ წელს კომერციული ბანკების წმინდა მოგება 953,635 მლნ ლარს შეადგენდა, დღეის მდგომარეობით ქართულ ბაზარზე 15 კომერციული ბანკი ... ...
  • საზოგადოებრივი მაუწყებლის დირექტორის ხელფასი 4-დან 10 ათას ლარამდე გაიზარდასაზოგადოებრივი მაუწყებლის სამეურვეო საბჭოს გადაწყვეტილებით, მაუწყებლის გენერალური დირექტორის პოზიციაზე ხელფასი 10 000 ლარი გახდა (საუბარია ხელზე ასაღებ თანხაზე). აქამდე ანაზღაურება 4 000 ლარი იყო.საზოგადოებრივი მაუწყებლის გენერალური დირექტორის პოზიციაზე თანამდებობრივი სარგოს გაზრდის შესახებ გადაწყვეტილება მაუწყებლის სამეურვეო საბჭომ დღეს, 22 სექტემბერს მიიღო.მრჩეველთა საბჭოს თავმჯდომარის ირინა ფუტკარაძის თქმით, დირექტორის ხელფასი ძალიან დაბალი იყო და მისი გაზრდის შესახებ დიდი ხანია მსჯელობენ."კონკურსის გამოცხადებამდე ჩვენ ჩამოყალიბებული ვიყავით, თუმცა, მიზანშეწონილად არ ჩავთვალეთ, რომ ხელფასი ერთგვარი მოტივატორი არ გამხდარიყო. ვიმსჯელეთ საბჭოში და მივიღეთ გადაწყვეტილება, რომ დღევანდელ სხდომაზე გაგვეტანა ეს საკითხი. რაც შეეხება ოდენობას, ვფიქრობთ, რომ ეს არის ძალიან გონივრული თანხა. ჩვენ, უბრალოდ, თავს უფლებას ვერ მივცემდით, რომ უფრო მეტით გაგვეზარდა,   არ ვართ კერძო ტელევიზია და ამიტომ გარკვეულ ჩარჩოებში ვზივართ ხელფასებთან დაკავშირებით", - განუცხადა "მედიაჩეკერს" ირინა ფუტკარაძემ კითხვაზე, ახლა, ახალი დირექტორის არჩევის წინ რატომ გაიზარდა დირექტორის ხელფასი.ჩვენს კითხვაზე, მის უფლებამოსილებებში რაიმე ხომ არ იცვლება ან ემატება, რაც წინა დირექტორს არ ჰქონდა, ფუტკარაძემ გვიპასუხა:  “რჩება იგივე უფლებამოსილება, რაც განსაზღვრული აქვს კანონით, ბუნებრივია.  მაგრამ, მე პირადად, ვთვლიდი, რომ საკმაოდ არაადეკვატური (ანაზღაურება) ჰქონდა წინა დირექტორს და შესაბამისად, იმიტომ გაიზარდა, რომ ვინც იქნება ახალი დირექტორი, მას უკვე ჰქონდეს ღირსეული და ადეკვატური ანაზღაურება".შეგახსენებთ, მიმდინარე კვირაში მრჩეველთა საბჭომ მაუწყებლის ახალი გენერალური დირექტორი უნდა აირჩიოს. კონკურსში სულ 8 განმცხადებელი მონაწილეობდა, თუმცა, დირექტორობისთვის ბრძოლას I ტურის შემდეგ 4 კანდიდატი აგრძელებს. წყარო: ... ...
  • შინაგან საქმეთა მინისტრმა საპარლამენტო არჩევნებთან დაკავშირებით ბრძანება გამოსცაშინაგან საქმეთა მინისტრმა, ვახტანგ გომელაურმა საქართველოს პარლამენტის 2020 წლის 31 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად, ასევე, სამართალდარღვევათა  პრევენციისა და  მათზე  რეაგირების მიზნით, ბრძანება გამოსცა.   ბრძანების თანახმად, საქართველოს რეგიონებში, პოლიციის დეპარტამენტების სამოქმედო ტერიტორიებზე შეიქმნება სამართალდარღვევების პრევენციისა და მათზე რეაგირებისთვის პასუხისმგებელი ჯგუფები.  არჩევნების უსაფრთხო და თავისუფალ გარემოში ჩატარების ხელშეწყობის მიზნით, შესაბამის ჯგუფებს დაევალათ  სამოქმედო ტერიტორიაზე უზრუნველყონ სათანადო ზომების მიღება,  წინასაარჩევნო აგიტაციის მშვიდ და თავისუფალ გარემოში ჩატარება და „პოლიციის შესახებ“ საქართველოს კანონის შესაბამისად პრევენციული საპოლიციო ღონისძიებების განხორციელება. აღნიშნული ბრძანება პოლიციელებს სამსახურებრივი მოვალეობის შესრულებისას პოლიტიკური ნეიტრალიტეტის პრინციპის მკაცრად დაცვას ავალდებულებს. ბრძანების თანახმად, დაუშვებელია, პოლიციელის ქმედება პირდაპირ ან არაპირდაპირ იყოს მიმართული რომელიმე პოლიტიკური პარტიის საწინააღმდეგოდ ან ... ...
  • საქართველში საპარლამენტო არჩევნებს IRI-ის წარმომადგენლები დააკვირდებიანდღეს საერთაშორისო რესპუბლიკურმა ინსტიტუტმა (IRI) გააკეთა განცხადება არჩევნების ტექნიკური შეფასების საერთაშორისო მისიის  ჩამოსვლის შესახებ. მისია შეაფასებს 2020 წლის, 31 ოქტომბრის საპარლამენტო არჩევნებს. შეფასების მისია საქართველოში ჩამოდის ცენტრალური საარჩევნო კომისიის მოწვევის საფუძველზე.  საერთაშორისო რესპუბლიკური ინსტიტუტი (IRI) დაახლოებით 25 წელია საქართველოს პარტნიორია და ბოლო ათწლეულის მანძილზე განახორციელა თითქმის ყველა არჩვნების მონიტორინგი და შეფასება. „ოქტომბერში დაგეგმილი საპარლამენტო არჩევნები წარმოადგენს მნიშვნელოვან ნაბიჯს საქართველოს დემოკრატიული განვითარებისთვის და გამოცდას ქვეყნის ევრო-ატლანტიკური მისწრაფებებისთვის. IRI-ს მისია ყურადღებას გაამახვილებს იმ საკვანძო საკითხებზე, რომლებიც მნიშვნელოვანია საარჩევნო პროცესის სრულყოფისთვის, მათ შორის როგორიცაა საარჩევნო ადმინისტრაცია, მედიის თავისუფლება და გამჭვირვალობა, პოლიტიკური პარტიების კამპანია და დაფინანსება. გარდა ამისა, მისია ყურადღებას გაამახვილებს კორონავირუსის პანდემიის პერიოდში, ამომრჩევლის უსაფრთხოების დასაცავად შემოღებული ზომების შესრულებაზე.“ - განაცხადა საერთაშორისო რესპუბლიკური ინსტიტუტის ევრაზიის დირექტორმა სტივენ ნიქსმა. მისია (TEAM) შედგება მრავალმხრივი გამოცდილების მქონე ხუთი გრძელვადიანი ტექნიკური ანალიტიკოსისგან, რომლებიც დააკვირდებიან და შეაფასებენ საარჩევნო პროცესის ყველა ფაზას. მათ მიგნებებზე დაყრდნობით, IRI გამოაქვეყნებს ანგარიშებს, რომლებიც მომზადდება  მთავრობისა და საარჩევნო ადმინისტრაციის წარმომადგენლებთან, პოლიტიკური პარტიის ლიდერებთან, სამოქალაქო საზოგადოებისა და მედიის წარმომადგენლებთან სიღრმისეული ინტერვიუების საფუძველზე. ტექნიკური შეფასების ჯგუფი იმუშავებს არჩევნების საერთაშორისო სადამკვირვებლო პრინციპების დეკლარაციისა და საერთაშორისო დამკვირვებლების ქცევის კოდექსის მიხედვით. მისიის მიგნებები და რეკომენდაციები დაეფუძნება საქართველოს კანონმდებლობას, საერთაშორისო სტანდარტებსა და პოლიტიკური პარტიების მიერ ქცევის კოდექსის ფარგლებში აღებულ ვალდებულებებს. კორონავირუსი პანდემიასთან დაკავშირებული საფრთხეების გათვალისწინებით, IRI-მ მიიღო უსაფრთხოების ყველა საჭირო ზომა, რომლებიც თანხვედრაშია საქართველოს მთავრობის მიერ დაწესებულ რეგულაციებთან.   ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...