თეთრებით შეკოწიწებული პურის ფული

მთავარი თემა

თეთრებით შეკოწიწებული პურის ფული

18 აპრ. 2012, 07:02:29
_ ეს ოზურგეთის მუნიციპალიტეტის დაბა ნასაკირალში მცხოვრები ემზარ ვაშაყმაძის და ნათელა ძირკვაძის ოჯახის ყოველდღიურობაა.

ახალგაზრდა ოჯახს, სადაც ორი ბავშვი იზრდება, სოციალური დახმარება არ აქვს. როგორც 30 წლის ნათელა ძირკვაძე ამბობს, ის გასულ წელს ტყუპებს ელოდებოდა, თუმცა, უსახსრობის გამო, მშობიარობამდე 3 დღით ადრე ნაყოფები დაიღუპა.

"ორჯერ დავწერეთ სოციალური მომსახურების ოზურგეთის სამსახურში განცხადება, თუმცა, უარი მივიღეთ. მიზეზად ხელოვნური გაყოფა დაასახელეს, რაც აბსოლუტურად არ შეეფერება რეალობას. ერთ წელზე მეტია, გამოვეყავით ძირითად ოჯახს და მარტო ვცხოვრობთ. ამას ადასტურებს ელექტრომრიცხველიც. არც ენერგოვაუჩერი მოგვცეს და არც _ აგრო. ამ დრომდე ვითხოვთ, დაგვარეგისტრირონ ცალკე აბონენტად, რაც არ მოხერხდა. თუმცა, კიდევ აღვნიშნავ, რომ მოხმარებული ელექტროენერგიის საფასურს ჩვეულებრივად გვახდევინებენ", _ გვიყვება ნათელა ძირკვაიძე და დასძენს, რომ უმცროს შვილს ანთება აქვს და ფულიც არ აქვს წამლების შესაძენად: "მეზობელს გამოვართვი 20 ლარი. არ მეყო ყველა საჭირო წამლის საყიდლად, კიდევ მჭირდება 20 ლარი, მაგრამ არ მაქვს ფული და როგორ შევუძინო? ვერავის დავესესხები, ისედაც ბლომად გვაქვს ვალი, პურიც ნისიად მოგვაქვს, თუმცა, ლიმიტი ამოგვეწურა. არანაირი შემოსავალი არ გაგვაჩნია. ახლა ჩაის ვკრეფთ მე და ჩემი მეუღლე და ერთ კილოგრამს 14 თეთრად ვაბარებთ, რამდენიმე დღეში ჩაიც აღარ იქნება მოსაკრეფი. დღეში 2-3 ლარის ჩაის ფოთოლი თუ მოკრიფე, კარგია. დილიდან საღამომდე გავერანებულ პლანტაციებში ვმუშაობთ, რომ პურის ფული შევაკოწიწოთ. ბოსტანს ვთესავთ და ზაფხულში იმით გაგვაქვს თავი. თუმცა, გასულ ზაფხულს ძალიან გაგვიჭირდა, სიმინდი "ხვატარმა" შეგვიჭამა, ამერიკული პეპლები შემოგვესია და ამანაც დაგვაზარალა. 100 კილოგრამ თხილსაც ვერ ვკრეფთ. არ მინდა არავის დახმარება, მუშაობას არ ვთაკილობთ, დაგვასაქმონ და ჩვენი შრომით ვარჩენთ ჩვენს ოჯახს. გლეხისთვის არასდროს გათენებულა და არც გათენდება, მე მგონი", _ გვითხრა მან.

_ ფეხმძიმედ რომ ვიყავი, მაღალი წნევა მაწუხებდა, ცუდი ანალიზები მქონდა, მესაჭიროებოდა სასწრაფოდ საავადმყოფოში მოთავსება, არ მიშვებდა სახლში ექიმი, მაგრამ ერთი ლარიც არ მქონდა, რომ დავწოლილიყავი საავადმყოფოში. უფულობა გახდა ჩემი ტყუპების დაღუპვის მიზეზი, _ თვალცრემლიანი აგრძელებს თხრობას ახალგაზრდა ქალი, _ მიწაც გვაქვს, მაგრამ არაა დაკანონებული. დახმარებისთვის ოზურგეთის მუნიციპალიტეტის გამგებლის მოვალეობის შემსრულებელს მივმართე. ორ რამეს ვითხოვდი _ დამხმარებოდა ცალკე აბონენტად დარეგისტრირებაში და ერთჯერადი დახმარება 200 ლარი მაინც მოეცა, რომ ბავშვების გამოკვება მომეხერხებინა. თუმცა, უარი მივიღე, არავინ დამხმარებია.

_ თურქეთში ვიყავი წასული, დილიდან საღამომდე, მზესა თუ წვიმაში გვამუშავებდნენ, თუმცა, ჩემი შრომის ანაზღაურება არ მომცეს, გზის ფული ძლივს შევაკოწიწე უკან დასაბრუნებლად. იქაც განუკითხაობაა. ხმის ამოღების უფლება არ გაქვს, არალეგალად ითვლები, რაც მათი კანონმდებლობით დასჯადია, _ გვეუბნება ემზარ ვაშაყმაძე და აკონკრეტებს, რომ მზადაა ყველა სამუშაო შეასრულოს, რაც მისცემს ცოლ-შვილის გამოკვების შესაძლებლობას.

სოციალურ დახმარებას ძირითად ოჯახსაც არ აძლევენ. როგორც ოჯახის დიასახლისი ამბობს, ოჯახი მრავალშვილიანია და სულ 7 სული ცხოვრობენ. აქედან კი საპენსიო ასაკის ერთ მათგანიც არ არის: "გვითხრეს, ან მრავალშვილიანობის დახმარება უნდა მიიღოთ ან ფულადი შემწეობაო. სოციალურმა აგენტმა მეორე გადამოწმების შემდეგ, 100 ათასზე მეტი ქულა მოგვანიჭა. ახლა მხოლოდ მრავალშვილიანობისთვის მოცემული 100 ლარის იმედად ვართ. 7 ადამიანს თვეში 100 ლარი ეყოფა? სამუშაო ადგილები არ არის, თორემ მეც ვიმუშავებდი, რძალიც და შვილიც. ავადმყოფები კი არ არიან ან ზარმაცები, უბრალოდ, სამსახური ვერ იშოვეს. ტრაქტორები გადაეცემა გურიას და ყველაფერი კარგად იქნებაო, რომ აცხადებენ ტელევიზიით, თუ ასე კარგად არის საქმე, სამუშაო ადგილები შექმნან და დაასაქმონ ადამიანები, ამის შემდეგ პურის ფულიც ყველას ექნება".

როგორც სოციალური მომსახურების სააგენტოს გურიის საკოორდინაციო ცენტრის ხელმძღვანელმა ვასილ ხომერიკმა გვითხრა, სიტუაციაში უკეთ გარკვევის კუთხით, ემზარ ვაშაყმაძეს, თავისი პირადობის მოწმობით, შეუძლია პირადად მას მიმართოს.

"ენერგო-პრო ჯორჯიას" ოზურგეთის სერვისცენტრის მენეჯერი გია ნაკაიძე ჩვენთან საუბარში აღნიშნავს, რომ აბონენტად დარეგისტრირებას სჭირდება საკუთრების დამადასტურებელი საბუთი და სერვისცენტრისთვის განცხადებით მიმართვა. სხვა შემთხვევაში ეს პროცედურა ვერ გახორციელდება: _ ერთ ეზოში ორი ოჯახი ნამდვილად რომ ცხოვრობს, თუ ამის ცნობა არ მოგვიტანა, ვერ დავარეგისტრირებთ. სოფლებში ხშირია, როცა ერთ საკარმიდამოში ორი სახლი დგას. რაც შეეხება ენერგოვაუჩერის მიღებას, ეს სოციალურ სააგენტოში უნდა გაარკვიოს.

ოზურგეთის მუნიციპალიტეტის გამგეობის საზოგადოებასთან ურთიერთობის სამსახურის უფროსის იზა დარჩიას თქმით, გამგეობის კანცელარიაში ამ მონაცემებით არანაირი განცხადება არ არის რეგისტრირებული და არც რწმუნებულის შუამდგომლობაა შეტანილი.




 ახალი ამბები
  • როგორ უნდა მოიქცნენ სვანეთში, ბოლო ორი კვირის განმავლობაში, ნამყოფი მოქალაქეებიმთავრობის ადმინისტრაციაში გამართულ ბრიფინგზე, საკოორდინაციო საბჭოს თავმჯდომარემ, ალექსანდრე ხოჯევანიშვილმა განაცხადა, რომ მოქალაქეები, რომლებიც ბოლო ორი კვირის განმავლობაში სვანეთში იმყოფებოდნენ, კორონავირუსის ნებისმიერი სიმპტომის გამოვლენის შემთხვევაში ცენტრებს უნდა მიმართონ ან დაუკავშირდნენ 112-ს. „მოვუწოდებთ მოქალაქეებს, რომლებიც ბოლო ორი კვირის განმავლობაში იმყოფებოდნენ უშგულში, დაბა მესტიასა და სოფელ ლენჯერში, ნებისმიერი სიმპტომების გამოვლენის შემთხვევაში, ტესტირების მიზნით, მიმართონ ცხელების ცენტრებს ან დაუკავშირდნენ 112-ს“,_ განაცხადა ... ...
  • რა შეზღუდვები წესდება სვანეთშიუწყებათაშორისმა საკოორდინაციო საბჭოს გადაწყვეტილებით, დაბა მესტიასა და მესტიის მუნიციპალიტეტის სხვა სოფლებში, დამატებითი შეზღუდვები წესდება, - ამის შესახებ მთავრობის ადმინისტრაციაში გამართულ ბრიფინგზე განაცხადეს. შეზღუდვები გულისხმობს შემდეგს: უშგულსა და ლენჯერში, საზოგადოებრივი ჯანდაცვის კანონის ფარგლებში მოქმედ რეგულაციებს, მათ შორის - საკარანტინო შეზღუდვებს. იზღუდება გადაადგილება როგორც მესტიის მუნიციპალიტეტის მიმართულებით, ისე - მესტიის მუნიციპალიტეტიდანაც. ასევე, წესდება შეზღუდვები გადაადგილებაზე დაბა მესტიასა და დაბა მესტიის სოფლებს შორის. დაბა მესტიაში, უშგულსა და ლენჯერში იფუნქციონირებს მხოლოდ აფთიაქები, საბანკო დაწესებულებები, სასურსათო მაღაზიები და ღია ტიპის საკვები დაწესებულებები. თავშეყრის ადგილებზე მკაცრად გაკონტროლდება დისტანციის დაცვა, დახურულ სივრცეებში ნიღბების გამოყენება და ხელის ჰიგიენა. მესტიის მუნიციპალიტეტში ჩატარდება ინტენსიური ეპიდემიოლოგიური კვლევები და ტესტირება, შესვლა-გასვლას კი პოლიცია გააკონტროლებს. გარდა ამისა, შესაბამისი უწყებები ტურისტების საკარანტინო ზონებში განთავსებას უზრუნველყოფენ. ყველა მოქალაქე, რომელიც დატოვებს მესტიის მუნიციპალიტეტს, გაივლის სავალდებულო კარანტინს. ცნობისთვის, დღეს, კორონავირუსის 25 ახალი შემთხვევიდან 17 სამეგრელო-ზემო სვანეთში ... ...
  • კახა ოქრიაშვილმა ცეზარ და იაგო ჩოჩელებთან ერთად პარტია შექმნამაჟორიტარმა დეპუტატმა კახა ოქრიაშვილმა და ბიზნესმენებმა ცეზარ და იაგო ჩოჩელებმა პარტია შექმნეს. ამის შესახებ განცხადებას კახა ოქრიაშვილის პრესსამსახური ავრცელებს. „პოლიტიკურ სივრცეში ახალი პარტია - „პროგრესი და თავისუფლება“ შეიქმნა. პარტია ცენტრალური საარჩევნო კომისიის მიერ უკვე დარეგისტრირდა საარჩევნო სუბიექტად. ახალი პარტიის სახელი მოქმედი მაჟორიტარის, კახა ოქრიაშვილისა და ძმების, ცეზარ და იაგო ჩოჩელების სახელს უკავშირდება“, - ნათქვამია გავრცელებულ ... ...
  • ვინ მიიღო მაღალი შეფასება ჩოხატაურში _ უცხო ენის გამოცდის შედეგები გამოქვეყნდაცოტა ხნის წინ გამოქვეყნდა ეროვნული გამოცდების უცხო ენის შედეგები. "გურია ნიუსი" გაგაცნობთ ამ წუთისთვის ჩვენს ხელთ არსებული შედეგებს _ მაღალქულიან აბიტურიენტებს, რომელთა შესახებ ინფორმაცია სკოლებიდან მივიღეთ. 80-დან 77 ქულით ლიდერის პოზიციაზე იმყოფება ჩოხატაურის ყოვლადწმიდა ღვთისმშობლის საჯარო სკოლის კურსდამთავრებული ნინი მგალობლიშვილი. მისივე კლასელმა, ელისაბედ სიხარულიძემ 75 ქულა მიიღო. მომდევნო პოზიციაზე 74-74 ქულით პირველი საჯარო სკლის კურსდამთავრებულები სოფო მრელაშვილი და ქეთევან ჯიქია იმყოფებიან. 73 ქულა აქვს ასევე პირველსკოლელ მარიამ ტიშჩენკოს; ქრისტინე გუდავაძეს _ 70 (პირველი საჯარო სკოლა); სალომე ანდღულაძეს _ 69 (სამრევლო სკოლა); რუსუდან ლომთათიძე _ 66 ქულა (პირველი საჯარო სკოლა); ნინი ცინცაბაძეს _ 63 ქულა (სამრევლო სკოლა); ქეთი ჩხიკვაძეს _ 62 ქულა (სამრევლო სკოლა); გიორგი მეფარიშვილს _ 62 ქულა  (პირველი საჯარო სკოლა); ინა მეფარიშვილს _ 61 ქულა (პირველი საჯარო სკოლა); ია დოლიძეს _ 61 ქულა (სამრევლო სკოლა); მარიამ ანთიძეს _ 60 ქულა  (ხიდისთავის საჯარო სკოლა); ცოტნე გოცაძეს _ 60 ქულა (სამრევლო სკოლა); მარიამ ჩხიკვაძეს _ 60 ქულა (პირველი საჯარო სკოლა); ერეკლე მამალაძეს _ 60 ქულა (პირველი საჯარო სკოლა); თეა დოლიძეს _ 57 ქულა  (პირველი საჯარო სკოლა); მარიამ მდინარაძეს _ 55 ქულა (პირველი საჯარო სკოლა);  ლუკა კიკვაძეს _ 54  (პირველი საჯარო სკოლა); მარიამ ბარამიძეს _ 53 ქულა  (პირველი საჯარო სკოლა); დიმიტრი სიხარულიძეს _ 50 ქულა (პირველი საჯარო სკოლა); სალომე მახარაძეს _ 50 ქულა (პირველი საჯარო სკოლა); ანა უნგიაძეს _50 ქულა (სამრევლო სკოლა).  შეგახსენებთ, რომ ეს არ არის აბიტურიენტთა შედეგების შესახებ სრული ინფორმაცია. "გურია ნიუსმა" განათავსა მხოლოდ მათი სია, რომელიც სააგენტოს მოაწოდეს და მას მალე დაემატება სხვა სკოლებიდან მიღებული ... ...
  • სამტრედიელმა ნინო გეგეშიძემ ინგლისურის გამოცდაში უმაღლესი, 80 ქულა მიიღოსამტრედიის #11 საჯარო სკოლის კურსდამთავრებულმა  ნინო გეგეშიძემ ინგლისური ენის გამოცდაში მაქსიმალური - 80 ქულა მოიპოვა. მან ქართული ენისა და ლიტერატურის, ისტორიისა და ინგლისური ენის გამოცდა ჩააბარა. ქართულში 70-დან 63 ქულა მოიპოვა, ისტორიაში 60-დან 48, ინგლისურში კი, როგორც უკვე აღვნიშნეთ 80-დან 80 ქულა. ნინო სწავლის გაგრძელებას თბილისის სახელმწიფო უნივერსიტეტის ფსიქოლოგიის ფაკულტეტზე ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...