"კატისციხეს" არ დაგანგრევინებთ!"

მთავარი თემა

"კატისციხეს" არ დაგანგრევინებთ!"

2012 მაი 8 07:48:53

ამ ადგილიდან დანახულ ხედებს ჩვენთან სტუმრად მყოფი უცხოელი აღუფრთოვანებია. ახლა მიადგნენ და გვინგრევენ, რატომ? იმიტომ ხომ არა, რომ ინერტული მასალისთვის იაფი საშუალება გამონახეს, ზედმეტი ხარჯები აიცილეს და ჩვენი გაჩანაგების ხარჯზე სურთ, იხეირონ? გვაქვს ეჭვი, რომ საკმაოდ დიდი ფული კეთდება საგზაო მშენებლობებზე, რის გათეთრებასაც ჩვენი "კატისციხის" ხარჯზე ცდილობენ", _ ამბობს სოფელ კონჭკათის მკვიდრი ნარი მუჯირი.

ოზურგეთის მუნიციპალიტეტის სოფელ კონჭკათში, ტოპონიმიკით "კატისციხედ" წოდებულ ტერიტორიაზე, ხელისუფლებამ ქვის კარიერი გახსნა, რასაც ადგილობრივი მოსახლეობა კატეგორიულად ეწინააღმდეგება და საკმაოდ მწვავე პროტეტს გამოთქვამს.

3 მაისს ადგილზე მივიდნენ კოალიცია "ქართული ოცნების" წარმომადგენლები და ჟურნალისტები. საკმაოდ მასიურ კლდოვან სერს, რომელიც სიგრძივად, გალავანივით გასდევს სოფლის დასახლებულ ნაწილს, ექსკავატორი ძალუმად უქნევდა ციცხვს და ქვის მოზრდილ ლოდებს ამტვრევდა, შემდეგ კი თვითმცლელზე ყრიდა. რამდენიმე მამაკაცი ნიჩბებით და ძალაყინითაც მუშაობდა. სტუმრების მისვლისთანავე მუშაობა ყველამ შეწყვიტა და სასწრაფოდ თვალს მიეფარნენ. ადგილობრივი მოსახლეობის წარმომადგენლებმა თქვეს, რომ არ შეიძლება აქ კარიერის გახსნა, ეს კლდოვანი სერი ქარსაფარი ზოლიცაა და ამავე დროს წყლის სათავედაც მოიაზრება. მათ მიუთითეს 50-ოდე მეტრით დაბლა მდებარე აუზზე, საიდანაც სოფლის ერთ უბანს სასმელი წყალი მიეწოდება. ეს ადგილი, ამასთანავე, სანახაობრივი თვალსაზრისითაც უნიკალურია _ სოფელი ოდითგან მოიაზრებს "კატისციხეს", როგორც ულამაზეს გადასახედს. იხსენებენ ლეგენდებსაც, რომლის მიხედვითაც აქ უხსოვარ დროში ზღვა იყო.

_ ეს ჩვენი "კოხტაგორაა", ჩვენი ფუნიკულორი", ჩვენი ნავსაყუდელი, საიდანაც ზღვაც კი, თითქოს, ხელის გაწვდენაზე ჩანს. ამ ადგილიდან დანახულ ხედებს ჩვენთან სტუმრად მყოფი, არა ერთი უცხოელიაღუფრთოვანებია, ახლა მიდგნენ და გვინგრევენ, რატომ? იმიტომ ხომ არა, რომ იაფი საშუალება გამონახეს, ზედმეტი ხარჯები აიცილეს და ჩვენი გაჩანაგების ხარჯზე სურთ, იხეირონ? გვაქვს ეჭვი, რომ საკმაოდ დიდი თანხა კეთდება საგზაო მშენებლობებზე, რის გათეთრებასაც ჩვენი კატისციხის ხარჯზე ცდილობენ, _ ამბობს სოფელ კონჭკათის მკვიდრი ნარი მუჯირი და განსაკუთრებით უკმაყოფილოა სოფლის გამგებლის პოზიციით, რომელსაც წინა დღით შეხვდა, ისაუბრეს და შეთანხმდნენ, რომ კლდოვანი ბორცვის ბოლო ნაწილში მდებარე ჩამოშლილ ღორღს წაიღებდნენ. თუმცა, მეორე დღეს, ანუ 3 მაისს, აქ მაინც მოვიდნენ და დაიწყეს კლდის ახალი ნაწილის ჩამოშლა და ტრაქტორსა და თვითმცლელზე დაყრა.

_ ამის მოთმენა არ შეგვიძლია. გამგებელი კი "კაპრიზად" თვლის, რატომღაც. აქ ზედამხედველობის სამსახურის უფროსი შუქრი გაბრიჩიძე იყო, საღად შეხედა ჩვენს მოთხოვნას, მადლობა გვითხრა კიდეც საკუთარი სოფლის კუთხე-კუნჭულის დაცვისთვის და საჭიროდ ჩათვალა მხოლოდ ჩამოშლილი ნაწილის გამოყენება, დღეს კი ხედავთ, რასაც აკეთებენ, _ ასეთი იყო აქ შეკრებილთა აზრი.

_ მართალია, კლდის ჩამოშლა შეწყვიტეს, მაგრამ ეს ერთი დღით მოხდა. დღესაც გაჩერდნენ, ხალხი რომ დაინახეს, მაგრამ როცა ვერავის დაინახავენ, კვლავ გააგრძელებენ თავისას. დანგრევა გვაკლია ჩვენ? ნახევარი უბანი მეწყერს მიაქვს, ხომ იციან, კონჭკათს როგორი რელიეფი აქვს, არ უნდა მოუფრთხილდნენ? _ დაინტერესებულია გულვარდი ცენტერაძე.

კითხვაზე, იყო თუ არა გეოლოგთა ან ვინმე კომპეტენტურ პირთა ჯგუფი, ვინც ქანების შესწავლის ნიადაგზე, დასკვნას დადებდა, კონჭკათელები ამბობენ, რომ ასეთი რამ არ მომხდარა: _ იმასაც ამბობენ, თითქოს, ნებართვა გილაურს გაუცია, თუმცა, გილაურმა რა იცის, კონჭკათში რა ხდება, თუ ინფორმაცია აქედან არ მიაწოდეს, _ ბრაზობს ციალა ბარბაქაძე.

დღეისთვის "კატისციხედ" წოდებულ კლდოვანი გორაკების სიგრძივ ზოლს, საწყის ნაწილში ძირი უკვე გამოთხრილი აქვს და იმდენად დამრეცადაა ქცეული, შესაძლოა, თავისითაც ჩამოიქცეს. მოსახლეობა ამ კლდოვანი ფენის მოშლას ქარსაფარი გალავნისა და სასმელი წყლის მიწისქვეშა ზოლის გაქრობად აღიქვამს.

ოზურგეთის მუნიციპალიტეტის გამგეობის ზედამხედველობის სამსახურის უფროსი შალვა გაბრიჩიძე "გურია ნიუსთან" ამბობს, რომ ეს ინერტული მასალა იმავე სოფლის გზებისთვის სჭირდებათ: _ სოფლის პროგრამა ხორციელდება და კონჭკათის მოსახლეობის დიდმა ნაწილმა გადაწყვიტა ასე. იქ, ძირითადად, იმ უბნის მოსახლეობაა კლდის დაშლის წინააღმდეგი, მე ვურჩიე, რაც შემეძლო, _ ამბობს გაბრიჩიძე.

კონჭკათის თემის რწმუნებული ჯუმბერ მიქატაძე, რომელიც ადგილზე მისულ ხალხთან არ მივიდა, "გურია ნიუსის" კითხვებს ტელეფონით პასუხობს:

_ ბატონო ჯუმბერ, კონჭკათში, კატისციხის მიდამოებში მოსახლეობამ პროტესტი გამოხატა კარიერის გახსნის გამო. თქვენ არ მოხვედით. შეგიძლიათ, გვითხრათ, როგორ და ვისი ნებართვით მოხდა აქ კარიერის გახსნა?

_ ეს ყველაფერი კანონიერად მოხდა. ალბათ, 10 კომისია იყო თბილისიდან მოსული, შეისწავლეს ეს ადგილი, პარლამენტის სხდომაზე გადაწყდა, რომ აქ მშრალი კარიერია და მოვიდა დადგენილება, რის მიხედვითაც გადაწყდა ინერტული მასალის აღება. სოფლის პროგრამით კეთდება შიდა გზა და მოსახლეობის უმრავლესობა კრებაზე დაეთანხმა აქ მცირე კარიერის გაკეთებას.

_ აქაურები ამბობენ, რომ გილაურის არანაირი დადგენილება არ უნახავთ.

_ გამგეობაშია და შეუძლიათ, ნახონ.

_ სხვა ადგილიდან რომ მოგეტანათ ინერტული მასალა, არ შეიძლებოდა?

_ ძალიან დიდ ხარჯს მოითხოვს, რომ სუფსიდან მოვიტანოთ ხრეში, ამიტომ გადაწყდა ამ კლდის დაშლა. რაც ეს სოფელი არსებობს, გზაზე დასაყრელ ქვას, ურმით თუ სხვა საშუალებით, აქედან ეზიდებოდნენ.

_ თუ უხსოვარი დროიდან ასე ეზიდებით, განსაკუთრებული სიფრთხილე ახლაა საჭირო, რომ მთლიანად არ დაინგრეს. გარდა ამისა, კლდოვან ზოლს მოსახლეობა ქარსაფარად და წყლის სათავედ მოიაზრებს.

_ ცოტას ვანგრევთ(?), თან "კოდალა" ტრაქტორი გვყავს, რომელიც ამტვრევს და ისე შლის, რომ საფრთხე არაფერს ემუქრება.

_ ახლა ტელეფონში კაკუნი მესმის, თქვენ უკვე კარიერზე ხართ, "კოდალასთან" ერთად და გუშინ შეწყვეტილ მუშაობას განაგრძობთ?

_ დიახ, დიახ, "კოდალა" ძლივს შლის, ისეთი მშრალი კარიერია.

_ ისე რომ დაშალოთ, ხელთ არაფერი შემოგრჩეთ, არ გენანებათ "კატისციხე"?

_ ყველაზე მაღალი ადგილი, რომელიც არის მწვერვალივით, იმას ვტოვებთ(?). იქ ჯვარიც დავდგით, არ დაინგრევა.

_ ყველამ რომ ასე ანგრიოს, შთამომავლობას რა დარჩება? თქვენ თვითონ ამბობთ, უხსოვარი დროიდან ანგრევდნენო.

_ ჯერჯერობით, ეყოფათ(?). ჩვენ პატარა ნაწილი გვინდა, გამორიცხულია, ზიანი მოიტანოს. ყოველ წელს ასე ვშვრებით.

_ ყოველ წელს რომ მასე შვებით, ამიტომ ყვირის ხალხი, განსაკუთრებით იმ უბნის მცხოვრებლები. ამასთანავე, ეჭვობენ, რომ მუქთ მასალას იძიებს ვიღაც და მერე ამაზე ფული კეთდება.

_ არა, ბატონო, რომ გაკეთდება გზა, ეს ხარჯთაღრიცხვაში ყველაფერი ზუსტად იქნება.

_ ხალხი ამბობს, რომ ორჯერ გაწვიმების შემდეგ, გზები სულ ირეცხება და ზარალის მეტი არაფერია ის, რასაც აკეთებენ.

_ ხეირია ეს და ვის რა ჰგონია, არ ვიცი. საქმე კეთდება, ჩვენი აზრით.

ასე ფიქრობს რწმუნებული. "კოდალას" კაკუნი კი, კვლავ აყრუებს კატისციხეს.




 ახალი ამბები
  • რატომ იტყუებიან სეს-ის წარმომადგენლები _ ჩეკურიშვილის გვიანი სტუმრობა და შეწირულის კომენტარიმიუხედავად იმისა, რომ დღეს არაერთხელ გვითხრეს სეს-ის გურიის რეგიონულ სამსახურში, რომ სააგენტოს უფროსი ზურა ჩეკურიშვილი ხვალ ჩამოვიდოდა გურიაში, რადგან დღეს მოსვლა ვერ შეძლო, ის საღამოს, ექვსი საათისთვის მაინც  მივიდა  ოზურგეთში, რეგიონულ სამმართველოში  და შალვა პეტრიაშვილი წარუდგინა თამნამშრომლებს. ჩვენი ინფორმაციით, მან სამმართველოს  ყოფილ ხელმძღვანელს, ნინო შეწირულს მადლობა გადაუხადა, აღნიშნა, რომ  სხვა გეგმები აქვს, მიდისო და წარმატებები უსურვა.  თუ რა მოხდა ასე  უცებ, რატომ დაწერა მოულოდნელად განცხადება გათავისუფლებაზე სეწირულმა და რა იყო ამის წინაპირობა, არც ერთი მხარე არ ამბობს. ნინო შეწირული, როგორც ჩანს, ამავე სფეროში აპირებს დარჩენას, რადგან ასეთი კომენტარი გააკეთა „გურია ნიუსთან“.  „მე ვიყავი და  ვიქნები ჩემი ქვეყნის სამსახურში და ჩემი გამოცდილება ამ საქმეში უნდა მოვახმარო ჩემს ქვეყანას“, _ გვითხრა ... ...
  • ახალგაზრდულ სამიტზე საპენსიო რეფორმა განიხილეს,,პოლიტიკისა და დიპლომატიის ახალგაზრდულ სამიტზე“ საპენსიო რეფორმასა და მის უპირატესობებზე იმსჯელეს. საქართველოს არაფორმალური განათლების ინსტიტუტის მიერ ორგანიზებული სამდღიანი ღონისძიება ახალგაზრდებისთვის საქართველოში მიმდინარე ყველაზე აქტუალურ საკითხებზე მუშაობის კარგი შესაძლებლობაა. პროექტში 200-მდე სტუდენტია ჩართული. სამუშაო ჯგუფების ფარგლებში ისინი სხვადასხვა თემებს განიხილავენ. მათ შორის არის საქართველოში ამოქმედებული დაგროვებითი საპენსიო სქემა. ღონისძიებას საპენსიო სააგენტოს დირექტორი დაესწრო და სტუდენტებს სიტყვით მიმართა. ლევან სურგულაძემ ახალგაზრდების სამიტი შეაფასა და აღნიშნა, რომ ქვეყანაში მიმდინარე აქტუალურ საკითხებზე სტუდენტების მოსაზრებების გათვალისწინება საკმაოდ მნიშვნელოვანია. ,,მე დღეს გახლდით სასიამოვნოდ განცვიფრებული, დღევანდელი საკომიტეტო მოისმენა ეხებოდა იმ უმნიშვნელოვანეს და ისტორიულ რეფორმას, რომელიც საქართველოში პირველად ტარდება. ამ რეფორმის მიზნები სწორად იყო გააზრებული და ჩამოყალიბებული. ორი უმთავრესი და ძალიან მნიშვნელოვანი მიზანი: პირველი - მოსახლეობას საპენსიო ასაკში უნდა ჰქონდეს ღირსეული ცხოვრება და მეორე არის საქართველოში საინვეტსიციო კაპიტალის ბაზრის გაჩენა, რომელიც გამოიწვევს კაპიტალის ბაზრის განვითარებას, საინვესტიციო ინსტრუმენტების შექმნას და ეკონომიკის ზრდის დაჩქარებას მინიმaუმ 3, 4 პროცენტით. ეს კი თავის მხრივ, გამოიწვევს ახალი სამუშაო ადგილების გაჩენას, შემოსავლების ზრდას და საერთო კეთილდღეობის ზრდას ყველასთვის მიუხედავად იმისა, ჩართულია თუ არა ეს ადამიანი საპენსიო სქემაში.“ - აღნიშნა ლევან სურგულაძემ. პოლიტიკისა და დიპლომატიის ახალგაზრდულ სამიტზე გამომსვლელებმა პოლიტიკის დოკუმენტი შეიმუშავეს, სადაც მათი რეკომენდაციები არის ასახული. ღონისძიება სასტუმრო ,,კრუიზში“ გაიმართა. ... ...
  • 18 ივნისს საპენსიო სააგენტოს დირექტორის მოადგილე კომპანია ,,ნატახტარის“ თანამრომლებს შეხვდება (R)18 ივნისს, 12:00 საათზე, სოფელ ნატახტარში (კომპანია ნატახტარის სათაო ოფისში) საპენსიო სააგენტოს დირექტორის მოადგილე კომპანია ,,ნატახტარის“ თანამრომლებს შეხვდება. ვაჟა ჯაფოშვილი დასაქმებულებს დაგროვებითი საპენსიო სქემის შესახებ ტრენინგს ჩაუტარებს და მათ შეკითხვებს ... ...
  • „დახმარებაზე უარი ვერ ვუთხარი“ _ რა უნდა ვიცოდეთ, როცა სესხს სხვისთვის ვიღებთბანკთან სხვადასხვა სახის მომსახურების მისაღებად ურთიერთობა ადამიანებს ყოველდღიურად უწევთ, თუმცა, საკმაოდ დიდია იმ ადამიანების რიცხვი, რომლებიც რთული მდგომარეობის გამო, იძულებულები ხდებიან, სესხი აიღონ ან სულაც რაიმე ნივთი განვადებით შეიძინონ, მძიმე სოციალური ყოფის  გამო კი ნაკისრი ვალდებულების შესრულებას ანუ ვალის დაბრუნებას ბევრი ვერ ახერხებს. სამწუხაროდ, არის შემთხვევებიც,  როცა ადამიანები სხვა ადამიანის, მეგობრის თუ ახლობლის თხოვნით იღებენ სესხს და პრობლემებში ეხვევიან. როგორც ა.ზ. გვიყვება, სესხი რამდენიმე წლის წინ მეგობრის თხოვნით აიღო. „სესხი მეგობრის თხოვნით ავიღე. დედა ავად ჰყავდა. თვითონ სესხს არ უმტკიცებდნენ და დახმარება მთხოვა. უარი ვერ ვუთხარი. ბანკის მიერ თანხის დამტკიცების შემდეგ ბარათი მას მივეცი. დავალიანება უნდა დაეფარა, მაგრამ ერთ დღესაც ბანკიდან დამირეკეს და მითხრეს, რომ ვალი დამეფარა ან საქმე სასამართლოს გადაეცემოდა. მეგობარს მივაკითხე, ის კი თურქეთში წასული დამხვდა“, _ ამბობს ა.ზ. რა უნდა გაითვალისწინონ ადამიანებმა, როცა სესხს სხვისი თხოვნით, სხვისი საჭიროების გამო იღებენ და რა პრობლემების წინაშე შეიძლება აღმოჩნდნენ _ ამ საკითხებზე „გურია ნიუსი“ ადვოკატ მარიკა არევაძეს ესაუბრა. როგორც ადვოკატი ამბობს, კარგია მეგობრისა თუ ახლობლის დახმარება, მაგრამ ამ ადამიანებმა, ვინც სესხს სხვის გამო იღებენ იმ პირობით, რომ შემდეგ ამ თანხის დაბრუნება იმ  პირის მიერ მოხდება, ვის გამოც ისესხეს, უნდა გაითვალისწინონ მისი მდგომარეობა და ისიც, რომ სესხზე პასუხისმგებლობა მათ დაეკისრებათ და არა ბანკთან ხელშეკრულების მიღმა მყოფ პირს. „ყველამ უნდა იცოდეს, რომ სესხზე  პასუხისმგებლობა ეკისრება იმ ადამიანს ვისი სახელითაც შეივსო განაცხადი სესხის შესახებ, ვისაც მიეცა თანხა და ვინც გააფორმა ხელშეკრულება. არის შემთხვევები და ხშირად მომისმენია მეც, რომ მეგობარმა მთხოვა და მან უნდა გადაიხადოს-ო. რა თქმა უნდა,  მორალური თვალსაზრისით ვალის დაფარვა იმ პირს ეკუთვნის ვისი თხოვნითაც კონკრეტულმა პირმა სესხი აიღო,  მაგრამ სამართლებრივი თვალსაზრისით გამსესხებელი კომპანია მოთხოვნას დააყენებს სწორედ იმ ადამიანთან ვინც ისესხა. ვადაგადაცილების შემთხვევაში პირგასამტეხლო იქნება თუ ნებისმიერი სხვა ხარჯი,  რომელიც ამ გაპრობლემებულ სესხს მოყვება იქნება ამ ადამიანის გადასახდელი. ეს არის საკმაოდ დიდი რისკი და უმჯობესია, რომ მსგავსი მოქმედებებისგან თავი შევიკავოთ. კარგია მეგობრის დახმარება, მაგრამ უნდა ვაანალიზებდეთ იმას, რომ თუ ადამიანი ვერ შეძლებს ამ სესხის დაფარვას, შემდგომ ეს თანხა იქნება მსესხებლის გადასახდელი“, _ ამბობს არევაძე. აღსანიშნავია, რომ სხვადასხვა სახის სესხებთან ერთად მოქალაქეებში პოპულარობით სარგებლობს ავტო სესხები, რაც სასურველი ავტომობილის შესაძენად თანხის გაცემას შესაძენი ავტომობილის უზრუნველყოფით გულისხმობს, ასევე, პოპულარულია  ავტო ლომბარდიც, რომელიც თანხას ისე გასცემს, რომ ავტომობილის დატოვება ლომბარდში აუცილებლობას არ წარმოადგენს. თუმცა, არსებობს შემთხვევებიც, როცა ავტომობილი, რომლის ირგვლივაც დავალიანებაა, არ არის სახეზე ან ვერ ხერხდება მისი მოძიება. როგორც აკაკი ცოფურაშვილი გვიყვება, მეგობარს სესხის აღებით ავტომობილის შეძენაში დაეხმარა, თუმცა, საბოლოდ, საბანკო ანგარიში დაუყადაღეს და საქმე სასამართლოში მიდის. „ჩემი სახელის გამოყენებით მოხდა ავტომობილის შესაძენად იმავე ავტომობილითვე უზრუნველყოფილი სესხის აღება. ავტომობილის შეძენიდან მალევე მან მანქანა სხვას მისცა და სესხიც იმ პირს უნდა დაეფარა, მაგრამ ასე არ მოხდა. დღეისთვის იმ ავტომობილს ვერ პოულობენ, ყველაფერი დამიყადაღეს. ამხელა თანხის გადახდის შესაძლებლობა არ მაქვს“, _ ამბობს ცოფურაშვილი. ადვოკატ მარიკა არევაძის თქმით, ავტო ლომბარდის დავალიანების ვადაგადაცილების შემთხვევაში შეიძლება ვალმა ავტომობილის ღირებულებასაც კი გადააჭარბოს. „ავტო ლომბარდის შემთხვევაშიც პირობები დამოკიდებულია ხელშეკრულებაზე, ამიტომ ძალიან მნიშვნელოვანია ხელშეკრულება თავიდანვე იყოს წაკითხული და გააზრებული. ავტომობილის ლომბარდის ვადაგადაცილების შემთხვევაში შეიძლება ისე გაიზარდოს სესხის თანხა, პირგასამტეხლო, რომ მანქანის ღირებულება არ ეყოს. როცა ავტომობილს ეხება საქმე, ყველაფერი ისე ხდება, როგორც ხელშეკრულებაში წერია. შესაბამისად, იმ შემთხვევაშიც კი, თუ ავტომობილის რეალიზაციის ან გამსესხებლისთვის საკუთრებაში გადაცემით მოხდება ვალის დაფარვა, აუცილებელია, ამ ადამიანებმა შეამოწმონ, რომ განულებულია ვალდებულება და მოითხოვონ ცნობა დავალიანების არ ქონის შესახებ. წინააღმდეგ შემთხვევაში, შეიძლება რაღაც პერიოდის შემდგომ ეს კომპანია ისევ დაუკავშირდეს მას და უთხრას, რომ დავალიანება კიდევ იყო დარჩენილი და სამომავლო დავის და ნერვიულობის საფუძველი გახდეს“, _ ამბობს არევაძე. ადვოკატის თქმით, თუკი ავტომობილი, რომლის ირგვლივაც არის დავალიანება არ არის სახეზე ან ვერ ხერხდება მისი მოძიება და  ხელშეკრულება ითვალისწინებს, რომ მანქანის გარდა მსესხებელი გამსესხებლის წინაშე  სხვა ქონებით თუ შემოსავლითაც არის პასუხისმგებელი, იწყება დავა სასამართლოში და გამსესხებელი თანხას უძრავ-მოძრავი ქონებიდან ან ხელფასიდან ამოიღებს. არსებობს თუ არა რაიმე სახის გზა, რომ ადამიანებმა, რომლებიც ფინანსურ პრობლემებში მათთვის უახლოესი ადამიანების გამო გაეხვნენ და თავადაც არ შეუძლიათ, გაზრდილი დავალიანების გადახდა სამართლებრივი გზით დააკისრონ იმ პირებს ის პასუხისმგებლობა, რომლებიც მორალურად არ ან ვერ აღმოაჩნდათ, ადვოკატი ამბობს, რომ თუ მსესხებელს ექნება მტკიცებულებები,  მას შეუძლია რეგრესის წესით მიმართოს სარჩელით სასამართლოს ამ პიროვნების წინააღმდეგ და მას დააკისროს შემდგომ უკვე ამ თანხის გადახდა თავისთვის და არა ... ...
  • ეს ყველაფერი არის არასერიოზული _ ბახტაძე თანამდებობიდან გადადგომის შესახებმე წარდგენილი მაქვს ჩემი სამთავრობო პროგრამა სამთავრობო გუნდთან ერთად და მას ვახორციელებ, – ასე უპასუხა საქართველოს პრემიერ-მინისტრმა, მამუკა ბახტაძემ კითხვას, აპირებს თუ არა თანამდებობის დატოვებას და განიხილება თუ არა მის შემცვლელად ინფრასტრუქტურის მინისტრი მაია ცქიტიშვილი. როგორც მამუკა ბახტაძემ აღნიშნა, თანამდებობის დატოვების საკითხზე საუბარი არასერიოზულია და ამაზე სერიოზულ განცხადებას ვერ გააკეთებს. „ჯერ კიდევ ფინანსთა მინისტრად დანიშვნის პერიოდიდან, ქართული მედიით ყოველკვირა ვგებულობდი მსგავს ინფორმაციებს. კიდევ ერთხელ გიპასუხებთ იმაზე, რაც აქამდე მიპასუხა, ეს ყველაფერი არის არასერიოზული და ამაზე სერიოზული განცხადების გაკეთებაც კი გამიჭირდება. მე წარდგენილი მაქვს ჩემი სამთავრობო პროგრამა ჩემს სამთავრობო გუნდთან ერთად და მას ვახორციელებ. ეს არის ყველაზე მნიშვნელოვანი. ამავე დროს ანგარიშვალდებული ვარ ქართველი ხალხისა და საქართველოს პარლამენტის წინაშე. მსგავს საკითხებზე სერიოზულ განცხადებას ვერ გავაკეთებ, რადგან ასეთი ჭორები, როგორც ბოლო ორი წელია მესმის, მომავალშიც გაგრძელდება, ეს არის ჩვენი პოლიტიკური ცხოვრების დამახასიათებელი საკითხი“, – განაცხადა მამუკა ... ...

არქივი

ზაფრანი

10 პროდუქტი დაღლილობის წინააღმდეგ

შვრია _ შვრია შეიცავს მაგნიუმს,...

როგორ ვებრძოლოთ ღამით ჭამას

ეგრეთ წოდებული, "ღამის დიეტის" ავტორი...

ქალის ხასიათს პომადით გამოიცნობთ

1. თუ პომადა ორმხრივადაა ნახმარი,...

გახდომა მავნებელი ყოფილა

ცოტა ხნის წინ ამერიკელმა მეცნიერებმა...

აქტიური კომპიუტერული თამაშები აუმჯობესებს მხედველობას

ამერიკელმა მეცნიერებმა დაადგინეს, რომ კომპიუტერული...

10 პროდუქტი რომელიც სახის კანს ასუფთავებს

ყველას უნდა ჰქონდეს სუფთა, ჯანმრთელი...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...