„კუდიანებზე ნადირობა“, ანუ ტერაქტის მცდელობის ოთხი სავარაუდო მიზეზი

მთავარი თემა

„კუდიანებზე ნადირობა“, ანუ ტერაქტის მცდელობის ოთხი სავარაუდო მიზეზი

23 აგვ. 2016, 00:08:46

"ტერორისტული აქტი", "ძალიან მძიმე დივერსიული აქტი", "დიდი უბედურება" - ასეთ კვალიფიკაციას აძლევენ დღეს, სახელმწიფო უსაფრთხოების სამსახურის მიერ გავრცელებულ ინფორმაციას პოლიტიკოსები და ექსპერტები, რომლის თანახმადაც, სახელმწიფო უსაფრთხოების სამსახურის კონტრდაზვერვის დეპარტამენტმა 2016 წლის 20 აგვისტოს, რამდენიმეთვიანი მუშაობის შედეგად ტერორისტული აქტის ჯგუფურად მომზადებისათვის და ტერორისტული მიზნით ცეცხლსასროლი იარაღის, საბრძოლო მასალისა და ფეთქებადი ნივთიერებების მართლსაწინააღმდეგო შეძენა-შენახვა, ტარებისა  და ამავე დანაშაულის ჩადენაში დახმარების ფაქტზე, საქართველოს 5 მოქალაქე: ბექა ბექაური, ვლადიმერ რუხაძე, მინდია ვაშაყმაძე, ჯაბა მელქაძე და ნური ჭკადუადააკავა; სამსახურებრივი უფლებამოსილების გადამეტების ფაქტზე კი, საპატრულო პოლიციის მოქმედი თანამშრომელი ლევან მამფორია და დანაშაულის შეუტყობინებლობის ფაქტზე საქართველოს ერთი მოქალაქე ირაკლი ბაღიშვილია დაკავებული.

თუმცა, მოსალოდნელი იყო თუ არა ნამდვილად ტერორისტული ან დივერსიული აქტი საქართველოში, ამას გამოძიება და შემდგომი პროცესები გვიჩვენებს.

უსაფრთხოების ექსპერტების ნაწილს მიაჩნია, რომ დღეს გამოქვეყნებული ინფორმაცია შესაძლოა პოლიტიკურ პროცესებს უკავშირდებოდეს, რაც რამდენიმე მიზეზითაა განპირობებული.

რა მიზეზებზე საუბრობენ უსაფრთხოების ექსპერტები, რატომ ხედავენ რუსულ და უკრაინულ კვალს გავრცელებულ ინფორმაციაში და ვინ იჭერს "კუდიანებს", - ამ თემაზე "გურია ნიუსი"  უსაფრთხოების საკითხების ექსპერტს ბესო ალადაშვილ ესაუბრა:

_ვერ ვიტყვით გადარჩა თუ არა საქართველო, ან იყო თუ არა ტერორისტული აქტის მცდელობა. ჯერ ძიება უნდა  დასრულდეს, შემდეგ სასამართლო პროცესები. პირველი შეფასება ის არის, რომ ინფორმაცია, რაც დღეს გამოქვეყნდა, ძალიან მწირი იყო. რამდენიმე საინტერესო  დეტალი დაჟღერდა, ერთი ის, რომ როგორც ირკვევა, სუს-ს უკვე რამდენიმე თვეა ეს პიროვნებები ოპერატიული მეთვალყურეობის ქვეშ ჰყავს. ეს გულისხმობს იმას, რომ უნდა არსებოდეს ვიდეო და აუდიო მტკიცებულებები ამ პირების შეხვედრების, მოლაპარაკებების შესახებ.  დღევანდელი ტექნიკის პირობებში ეს პრობლემა არ უნდა იყოს. რაც მთავარია, ვიდეოჩანაწერები უნდა იყოს, რადგან, სამწუხაროდ, აუდიოჩანაწერის გაყალბება უფრო მარტივი და რეალურია.

მე  არ მინდა დღევანდელი ინფორმაციაც "ნაციონალების" დროინდელ დაჭერებს დაემსგავსოს. ე.წ. "ზაპიხებს"რომ იჭერდნენ და 4-5 ძალიან გახმაურებული საქმეა ასეთი, რომელიც ლეგიტიმურ ეჭვს იწვევს. თუნდაც, ვახტანგ მაისაიას, სიმონ კილაძის, ფოტოგრაფების, "ენვერის" ან თუნდაც "კოჭოიას" საქმე. ამ საქმეებში მტკიცებულებები თითქმის არ იყო. მხოლოდ დღევანდელი ხელისუფლების უნიათობის ბრალია, რომ ეს საქმეები 4 წელი არ იქნა გამოძიებული. ფოტოგრაფების ან ვახტანგ მაისაიას საქმე ავიღოთ, სადაც თუ კარგად ვნახავთ, მტკიცებულებები კი არა,  პარადოქსული და კურიოზული ფაქტებია მოყვანილი. მე არ მინდა ასეთი დონის იყოს ეს ინფორმაციაც. როგორც  ყველა რიგით მოქალაქეს, მინდა, ჩვენი ქვეყნის უსაფრთხოების და უშიშროების სტრუქტურები გამართულად მუშაობდნენ. არ ვიჩქაროთ შეფასებებში, დაველოდოთ მტკიცებულებებს და ამ ფონზე სუს-მა უნდა გაითვალისწინოს საზოგადოების დიდი ინტერესი და მტკიცებულებების თუნდაც ნაწილი - აუდიო-ვიდეო მტკიცებულებები გამოაქვეყნოს.

_თქვენი აზრით, რა შეიძლება იყოს ტერორისტული აქტის მიზანი, როგორც ეს დღეს გაჟღერდა? ხომ არ უკავშირდება ეს წინასაარჩევნო პერიოდს?

_ამ ეტაპზე  4 სავარაუდო ვერსია შეიძლება იქნეს განხილული. დავიწყებ ყველაზე ნაკლებსავარაუდო მიზეზით, თუ ნამდვილად იგეგმებოდა ასეთი დივერსია ან ტერაქტი, მასში  ე.წ. ისლამური სახელმწიფოს ან ისლამური ტერორისტული ორგანიზაციების მონაწილეობა, ჩემი აზრით ნაკლებად სავარაუდოა.

_რატომ გამორიცხავთ ე.წ. "ისლამური სახელმწიფოს" მონაწილეობას?

_იმიტომ, რომ ამ ტერორისტულ ორგანიზაციებს აქვთ თავისი ხელწერა. ერთი ის, რომ მათი შეტევის ობიექტი ყოველთვის ხალხმრავალი ადგილია, რათა მეტი  რეზონანსი ჰქონდეს და სამწუხაროდ, მსხვერპლიც მეტი იყოს. რიგითი ტერაქტი, რომელიც მხოლოდ ნავთობსადენს დააზიანებს, ვერანაირ დივიდენდებს და ქულებს  რაიმე დანაშაულებრივ საქმიანობაში ვერავის მოუტანს. მეორეც, რამდენადაც მე ვიცი, შვიდივე ბრალდებული ქრისტიანია და ქართველები არიან. როგორც წესი, ისლამური ტერორისტული ორგანიზაციები არამუსლიმებს არ  ენდობიან. აქედან გამომდინარე დღევანდელი გახმაურებული ინფორმაციის "ისლამურ სახელმწიფოსთან" კავშირი ნაკლებსავარაუდოა. დანარჩენი სამი ვერსია თანაბრად შეიძლება განვიხილოთ - ერთი რომ ეს იყოს რუსეთის სპეცსამსახურების ჩანაფიქრი. თუმცა სამივე ვერსია, წინასაარჩევნო პერიოდს უკავშირდება - არასტაბილურობის შემოტანა ან სხვა რაიმე კონკრეტული მიზნის მიღწევა. რუსეთის სპეცსამსახურები ამ  საქმეში გაწაფულები არიან, ალბათ, გახსოვთ, 2006 წელს ზუსტად იგივე გაზსადენის აფეთქება, როდესაც საქართველო რამდნიმე კვირით დარჩა ბუნებრივი გაზის გარეშე. არ არის გამორიცხული, რუსეთის სპეცსამსახურებს ახლაც გარკვეული გეგმა ჰქონდეთ, რის განხორციელებასაც იწყებენ. თუმცა, ეს ვერსიაც ნაკლებსავარაუდოდ მეჩვენება. ვერ ვხედავ ისეთ პოლიტიკურ განწყობას, სადაც რუსეთის ინტერესები კიდევ უფრო უნდა იყოს დაცული. მგონი, პირიქით,  დღევანდელ პოლიტიკურ სიტუაციაში რუსეთის პოლიტიკური ვექტორი ისეა დაცული, როგორც არასდროს 1991 წლიდან. ბევრი პოლიტიკური პარტია  არ მალავს პრორუსულ განწყობას. ასე რომ,  რუსეთს, მგონი, პირიქით, სტაბილური სიტუაცია უნდა რომ თავისი  ხალხი შეიყვანოს საქართველოს პარლამენტში, როგორც ეს ლავროვმა თქვა. დარჩა მეორე და მესამე ვერსია, რომ ეს ყველაფერი მართლაც უკრაინულ კვალზე გავიდეს, საქართველოდან  გაქცეულმა და უკრაინას თავშეფარებული "ნაციონალური მოძრაობის" ნაწილს მართლაც ჰქონდეს ქვეყნის მოღალატური გეგმა. ყველაფერი შეიძლება დავუშვათ ამ შემთხვევაში.

_ბატონო ბესო, ამ შემთხვევაში თქვენ მიხეილ სააკაშვილს გულისხმობთ? მას შეიძლება ჰქონდეს რაიმე "მოღალატური გეგმა" როგორც აღნიშნეთ?

_რა თქმა უნდა, მას ვგულისხმობ. თავცხელა ხალხი  იქაც საკმაოდ არიან. არ არის გამორიცხული...  მაგრამ მე კითხვის ნიშანსაც ვსმვამ, რას მოუტანს ეს მას? თუ  ეს მტკიცებულებებით დადასტურდა, ეს "ნაციონალური მოძრაობის" დიდ მარცხს გამოიწვევს. თუმცა, ეს ვერსიის სახით მაინც შეიძლება დავუშვათ. და ბოლოს, თუ გავითვალისწინებთ იმასაც, რომ დღევანდელ სპეცსამსახურებში საკმაოდ არის შემორჩენილი ძველი თანამშრომლები  შევარდნაძის თუ "ნაციონალების" დროიდან, იმ პერიოდში კი, ხშირი იყო რეალური ან მოგონილი ტერაქტები, არ არის გამორიცხული, რომ ეს ჩვეულებრივი "კუდიანებზე ნადირობა" და  არჩევნების წინ პოლიტიკური ქულების ჩაწერა იყოს.

_მხოლოდ ეს ოთხი სავარაუდო მიზეზი შეიძლება იყოს?

_ეს შემიძლია ვივარაუდო იმ მწირი ინფორმაციის საფუძველზე, რომელიც დღეს გამოქვეყნდა. ხვალ და ზეგ თუ კიდევ იქნება რაიმე ინფორმაცია გამოქვეყნებული, სხვა ვერსიებზე საუბარიც შეიძლება. დაველოდოთ მტკიცებულებებს.

_ინფორმაციის გამოქვეყნების შემდეგ, პოლიტიკოსებმა სხვადასხვა შეფასება მისცეს ფაქტს, ზოგი ამბობს, რომ ტერაქტი აღიკვეთ, ზოგის აზრით ეს დივერსია იყო. თქვენი აზრით, რასთან გვაქვს საქმე?

_ამ მტკიცებულებებით, რაც  გამოქვეყნდა ამას ტერაქტის დეფინიციაში ვერ გავიყვანთ. ალბათ, უფრო დივერსიული აქტია  სტრატეგიული ობიექტის წინააღმდეგ. გრაფიკები რომ დახატეს, ესეც ცოტა სასაცილო იყო. შეიძლებოდა დოკუმენტური ვიდეომასალა დაერთოთ ბრიფინგისთვის. გამოქვეყნებული მასალით, აფეთქებები იგეგმებოდა ტყეში, რისი მიზანიც საქართველოს ეკონომიკური პოტენციალის შესუსტება იყო. ეს წმინდა წყლის დივერსიაა. ამას უნდა მოყვეს ამ დივერსანტების ჯგუფის შემდგომი მოქმედებები. ბევრი კითხვა იბადება იმასთან დაკავშირებითაც დააზარალებდა კი საქართველოს ამ გაზსადენის აფეთქება? რა თქმა უნდა, სამწუხარო  იქნებოდა, თუმცა, არა სავალალო. კითხვები ბევრია პირველ ეტაპზე,  ვიდრე პასუხები. ამიტომ უნდა დაველოდოთ რას გვიწყალობებს სუს-ი ან ჩვენი ხელისუფლება, რა ინფორმაციას მოგვაწვდის.

_რამდენად სარწმუნოდ მიგაჩნიათ ინფორმაცია, რომ სუს-ი რამდენიმე თვის განმავლობაში აკვირდებოდა ამ ადამიანებს, მათ შორის პოლიციის მოქმედ თანამშრომელს და ის უწყებიდან არ გაათავისუფლეს?

_ვერსიები ძალიან ბევრი შეიძლება დავუშვათ აქაც, მაგრამ პრაქტიკაში ხშირად არის, რომ ეჭვმიტანილს ტოვებენ ადგილზე და ბევრ ფუნქციასაც აძლევენ, თუმცა ეს ყველაფერი გაძლიერებული თვალთვალის ქვეშ მიმდინარეობს, რომ მან სხვა პირებზე, თანამონაწილეებზე გაიყვანოს გამოძიება. ბუნებრივია, ეს ყველაფერი  ოპერატიული ინფორმაციის საფუძველზე დაიწყებოდა და ამ ინფორმაციის საფუძველზე დაინიშნებოდა ოპერატიულ-ტექნიკურ-აგენტურული ღონისძიებები. წესით, ყველა წუთი, დღე და საათი ამ  ეჭვმიტანილებისა დოკუმენტირებული უნდა იყოს ვიდეო-აუდიო მასალით. სხვანაირად მტკიცებულება მყარი არ იქნება.  




 ახალი ამბები
  • რა იწვოდა ჩოხატაურშიცოტა ხნის წინ ხანძარი იყო ჩოხატაურში. როგორც "გურია ნიუსს" საგანგებო სიტუაციების მართვის სამსახურის პრესსამსახურში განუცხადეს, ხანძარი ამჟამად ლოკალიზებულია. "ცეცხლი ეკიდა ბალახს, რომელიც ამჟამად ლოკალიზებულია", _ გვითხრეს  პრესსამსახურში. როგორ ჩვენთვის გახდა ცნობილი ხანძარი ადამიანთა დაუდევრობამ ... ...
  • რა რისკებს შეიცავს პანდემიის დროს ზღვაზე დასვენება _ თენგიზ ცერცვაძის განმარტებაზღვის სეზონი წელს ცოტა მოდიფიცირებულად უნდა ჩავატაროთ. ანუ არ უნდა იყოს თავისუფლება, _ ამის შესახებ თენგიზ ცერცვაძემ „იმედის“ ეთერში განაცხადა. მისი თქმით, ინფორმაცია იმის შესახებ, რომ კორონავირუსი წყლით არ გადადების კვლევებით დამტკიცებული არ არის, ამიტომ დამსვენებლებს მაქსიმალური სიფრთხილე მართებთ. „ვარაუდობენ, რომ წყლით ეს ვირუსი არ გადადის. მაგრამ ვინაიდან გამოცდილება მცირეა, ამის გარანტიას ვერავინ მოგვცემს. უბრალოდ არის ინფორმაცია, რომ წყლით გადასვლის რისკი ძალიან დაბალია. იქაც, იმ ტურისტული სეზონის და ზღვაზე დასასვენებლად გასვლის დროს წამყვან რისკ-ფაქტორად დარჩება მაინც საზოგადოებრივი თავშეყრები“, - აღნიშნა ცერცვაძემ. მისი თქმით, რისკებს ივლისიდან უცხოელი ტურისტების შემოსვლაც ზრდის, ამიტომ დამსვენებლებმა სოციალური დისტანცია უნდა დაიცვან და საჯარო სივრცეებში პირბადე ატარონ. საქართველო უცხოელი ტურისტების მიღებას 1-ლი ივლისიდან დაიწყებს, შიდა ტურიზმი კი ქვეყანაში 15 ივნისიდან ... ...
  • სფფ-ის მაღალჩინოსნები გვიმბალაურში იმყოფებოდნენსფფ-ის მაღალჩინოსნებმა ლანჩხუთში, სოფელ გვიმბალაურში გურიის საფეხბურთო აკადემიის კეთილმოწყობის სამუშაოები დაათვალიერეს. საქართველოს ფეხბურთის ფედერაციის პრეზიდენტმა ლევან კობიაშვილმა, ვიცე-პრეზიდენტებმა კახა ჭუმბურიძემ და ნიკოლოზ ჯღარკავამ ლანჩხუთის მერთან, ალექსანდრე სარიშვილთან, საკრებულოს თავმჯდომარე ბესიკ ტაბიძესა და ლანჩხუთი-ჩოხატაურის მაჟორიტარ დეპუტატ ნინო წილოსანთან ერთად გურიის ფეხბურთის აკადემიის მშენებლობა დაათვალიერეს, რომელიც უკვე დასკვნით ეტაპზეა. გურიის საფეხბურთო აკადემიის შესახებ სფფ-ის პირველმა ვიცე-პრეზიდენტმა ისაუბრა: "საქართველოს ფეხბურთის ფედერაცია აგრძელებს რეგიონებში საფეხბურთო ინფრასტრუქტურის განვითარებას, კერძოდ ბავშვთა ფეხბურთის მიმართულებით. მოგეხსენებათ, რომ რამდენიმე რეგიონში უკვე გვაქვს აკადემია.მოკლე პერიოდში მათ რიცხვს ეს აკადემიაც შეემატება, რომელიც გურიისა და აჭარის რეგიონს მოიცავს. 13-დან 14 წლამდე მოზარდებს საშუალება ექნებათ ივარჯონ და ისწავლონ. ჩვენ მათ ყველა პირობას შევუქმნით იმისთვის, რომ განვითარდნენ" - განაცხადა კახა ჭუმბურიძემ. "ჩვენთვის მნიშვნელოვანია ბავშვთა საფეხბურთო აკადემიის მშენებლობა. აქტიურ ფაზაში მიმდინარეობს სამუშაოები. დაწყებულია ეზოს კეთილმოწყობა და გარეგანათების პროექტის განხორციელება. მიხარია, რომ ბევრი ბავშვისთვის ეს მოტივაციას გაზრდის. სამშენებლო სამუშაოები უახლოეს მომავალში დასრულდება" - აღნიშნა ალექსანდრე სარიშვილმა. პროექტის ფარგლებში, ადგილზე მოეწყობა ადმინისტრაციული საცხოვრებელი შენობა და სტანდარტული ზომის საფეხბურთო მოედანი განათებით. მშენებლობის დასრულება მიმდინარე წლის შემოდგომაზე იგეგმება. აკადემიის გუნდებთან ერთად საფეხბურთო ინფრასტრუქტურით საფეხბურთო სკოლები და სამოყვარულო ფეხბურთის გუნდები ისარგებლებენ. წყარო: "გურია ... ...
  • „სავარაუდოდ, მან შემოიხია მაისური" _ კალაძე სამოქალაქო აქტივისტის ბრალდებაზესავარაუდოდ, მან შემოიხია მაისური, - ამის შესახებ თბილისის მერმა, კახა კალაძემ ვარკეთილში გუშინდელ ინციდენტში მონაწილე ერთ-ერთ პირთან დაკავშირებით განაცხადა, რომელმაც თქვა, რომ კალაძემ მას მაისური შემოახია. კალაძის თქმით, ორ ადამიანს სურდა არეულობის შეტანა და თუმცა ეს არ გამოუვიდათ. „არანაირ ძალადობას ადგილი არ ჰქონია, როგორც გუშინ ვთქვი. ძალიან კარგად ვიცი, რა ჩანს კადრებში, თქვენც და მეც მაქვს ორი თვალი, შესაბამისად, ყველანი ძალიან კარგად ვხედავთ, არანაირ ფიზიკურ ძალადობას არ ჰქონია ადგილი. იყო ორი პროვოკატორი, რომელსაც ჰქონდა მცდელობა, არეულობა შემოეტანა და ჩაეშალა მნიშვნელოვანი ღონისძიება, რაც იყო ახალი სარეკრეაციო ზონის პროექტის დასრულება, თუმცა მათ ეს არ გამოუვიდათ. მათ არ მიეცათ პროვოკაციის მოწყობის შესაძლებლობა და ეს ადამიანები გაიყვანეს ტერიტორიიდან“. კალაძის განცხადებით, თუ შსს-ს ჩათვლის რომ იყო ძალადობრივი ქმედება, გამოძიება უნდა დაიწყოს. „შინაგან საქმეთა სამინისტრო თუ ჩათვლის, რომ იქ იყო რაიმე ძალადობრივი ქმედება ან ვინმეს ფიზიკურად გაუსწორდნენ, რა თქმა უნდა, გამოძიება უნდა დაიწყოს, თუმცა მსგავსი ფაქტი არ ყოფილა. სავარაუდოდ, მან შემოიხია მაისური, არ გამოუვიდა პროვოკაცია და მინდა, საჩუქრად გადავცე ამ პიროვნებას მაისური, რომელიც გამოადგება. აი, ეს არის მაისური, საკმაოდ საინტერესოა. ორი გვაქვს ასეთი - ერთს „მთავარ არხს” გადავცემთ და მეორეს - მაგ პიროვნებას”, - განაცხადა კალაძემ. შეგახსენებთ, რომ ვარკეთილში, თბილისის მერსა და სამოქალაქო აქტივისტებს შორის დაპირისპირება გუშინ მოხდა. დედაქალაქის მერი ვარკეთილში ახლად რეაბილიტირებული სკვერის გახსნაზე თბილისის საკრებულოს წევრებთან ერთად მივიდა. სკვერში მისულ კახა კალაძეს ადგილზე "ანას ბაღის" დამცველები და მოძრაობა "შეცვალეს" წევრები დახვდნენ. მათი განცხადებით, დედაქალაქის მერისთვის დიღმის ჭალებთან დაკავშირებით შეკითხვის დასმა სურდათ, თუმცა კალაძემ მათ ხელი დაარტყა. ერთ-ერთი აქტივისტის მტკიცებით, „კალაძემ მაისურიც ... ...
  • საქართველოს მუსლიმთა სამმართველოს თავმჯდომარე სუს-ში გამოკითხვაზე იმყოფებასრულიად საქართველოს მუსლიმთა უმაღლესი სასულიერო სამმართველოს თავმჯდომარე, შეიხი მირტაგი ასადოვი სახელმწიფო უსაფრთხოების სამსახურში გამოკითხვაზე იმყოფება. ინფორმაციას ამის შესახებ სუს-ში ადასტურებენ. უწყებაში განმარტავენ, რომ ასადოვის გამოკითხვა რასობრივი დისკრიმინაციის ფაქტზე დაწყებული გამოძიების ფარგლებში მიმდინარეობს. 30 მაისს სახელმწიფო უსაფრთხოების სამსახურმა რასობრივი დისკრიმინაციის ფაქტზე გამოძიება დაიწყო.  „ეს პირები ნეგატიურ კონტექსტში აქტიურად იყენებენ წლების მანძილზე დაგროვებულ ისეთ საკითხებს, რომელთა არასწორი, თითქოსდა პატრიოტული მოტივებით გახმოვანების და რომელიმე ეთნიკური ჯგუფის მიმართ მიზანმიმართული საჯარო მოწოდებების გაკეთების შემთხვევაში, ქვეყნის იმ რეგიონებში, რომლებიც მჭიდროდ არის დასახლებული ეთნიკური აზერბაიჯანელებით, აშკარა საფრთხეს უქმნის ეთნიკურად ქართველ მოსახლეობასთან მათ მშვიდობიან თანაცხოვრებას. კერძოდ, ზემოაღნიშნული პირები, იჭრებიან რა სახელმწიფოს და ხელისუფლების კომპეტენციას მიკუთვნებულ საკითხებში, ცდილობენ ქვემო ქართლის და კახეთის რეგიონში, წამოჭრილი საკითხების გამოყენებას ეროვნული მტრობის ჩამოგდების მიზნით. პირთა ჯგუფი ამ მიმართულებით არასწორი და აგრესიული მოწოდებების გავრცელების გზით, ცდილობს რეგიონის ეთნიკურად ქართველ და აზერბაიჯანელ საქართველოს მოქალაქეებს შორის შეიტანოს განხეთქილება, რასაც ორივე მხრიდან მოყვება ეროვნული პატივისა და ღირსების შემლახავი განცხადებები და ქმედებები, ხოლო ეროვნული შუღლის ჩამოგდების გზით, პირთა ჯგუფი იმედოვნებს, რომ განხორციელდება ეთნიკური კუთვნილების ნიშნით ადამიანის უფლებების უკანონოდ ხელყოფა. პირთა ჯგუფი ცდილობს თავის საჯარო განცხადებებსა თუ იდეოლოგიაში სიტუაციის იმგვარად წარმოჩენას, თითქოსდა ეთნიკურად ქართველ მოსახლეობას სხვა საქართველოს მოქალაქე ეთნიკურ უმცირესობებთან მიმართებაში ენიჭებათ უპირატესობა, რაც უფრო ზრდის ეროვნული კონფლიქტის წარმოშობის რისკებს. სახელმწიფო უსაფრთხოების სამსახურის სახელმწიფო უსაფრთხოების დეპარტამენტი გამოძიებას აწარმოებს რასობრივი დისკრიმინაციის ფაქტზე, რაც გულისხმობს ქმედებას, ჩადენილს ეროვნული მტრობის და განხეთქილების ჩამოგდების, ეროვნული პატივისა და ღირსების დამცირების მიზნით, აგრეთვე ეროვნული და ეთნიკური კუთვნილების ნიშნით ადამიანის უფლებების პირდაპირ ან არაპირდაპირ შეზღუდვას ანდა იმავე ნიშნით ადამიანისათვის უპირატესობის მინიჭებას, რამაც არსებითად ხელყო მისი უფლება, ჩადენილს პირთა ჯგუფის მიერ. დანაშაული გათვალისწინებულია საქართველოს სსკ-ის 1421-ე მუხლის მე-3 ნაწილის „ა“ ქვეპუნქტით“, - აღნიშნულია სუს-ს ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

გურული კერძი ხობოკვერა _ “გამორჩეული მარგალიტი“

სოციალურ ქსელში ჟურნალისტი და გიდი...

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

ხვალ რომ საპარლამენტო არჩევნები იყოს, რომელ პარტიას მისცემდით ხმას?