რატომ დაუპირისპირდნენ ერთმანეთს არჩილ თალაკვაძე და დავით მჟავანაძე

მთავარი თემა

რატომ დაუპირისპირდნენ ერთმანეთს არჩილ თალაკვაძე და დავით მჟავანაძე

2016 სექ 29 16:28:25

"ქართული ოცნების" ოზურგეთის მაჟორიტარი დეპუტატობის კანდიდატი არჩილ თალაკვაძე და "ნაციონალური მოძრაობის" კანდიდატი დავით მჟავანაძე "გურია ნიუსისა" და "Post ალიონის" ერთობლივი პროექტის ფარგლებში მომზადებულ გადაცემაში _ "ა' რჩევანი" ერთმანეთს დაუპირისპირდნენ _ არჩევნებამდე 15 დღით ადრე, საკმაოდ დაძაბული დებატები ურთიერთბრალდებების ფონზე წარიმართა.

არჩილ თალაკვაძის თქმით, საარჩევნო პროცესი მშვიდ გარემოში მიმდინარეობს, რასაც ამერიკის ელჩის განცხადებაც ადასტურებს:

_ იან კელიმ ბრძანა, რომ არჩევნები მიმდინარეობს თავისუფალ და მშვიდ გარემოში. რა თქმა უნდა, ეს დიდი მიღწევაა, რომელსაც ასევე ეთანხმება საერთაშორისო რესპუბლიკური ინსტიტუტი "IRI" _ ეს ორგანიზაციაც დადებითად აფასებს მიმდინარე კამპანიას. მოგეხსენებათ, "IRI"-ს მრავალი არჩევნები აქვს ნანახი საქართველოში და, რა თქმა უნდა, მათი შეფასება ჩვენთვის ნამდვილად პოზიტიურია. რაც შეეხება თვითონ კამპანიის შინაარსობრივ შეფასებას, ძალიან თვალსაჩინოა, რომ პოლიტიკურმა პარტიებმა, პრაქტიკულად, გადაიღეს "ქართული ოცნების" მთავარი პრიორიტეტი _ სწრაფი ეკონომიკური განვითარება. დღეს ყველა პოლიტიკური პარტია საუბრობს ეკონომიკაზე, ეკონომიკურ განვითარებაზე, ხალხს პირდებიან უკეთეს ეკონომიკას, მეტ ეკონომიკას. ყველგან ისმის სიტყვა _ ეკონომიკა, _ აღნიშნა თალაკვაძემ.

ჩვენს კითხვაზე, როგორ გადაიღეს სხვა პარტიებმა მათგან პრიორიტეტები იმ ფონზე, როცა "ქართულმა ოცნებამ" საარჩევნო პროგრამა ყველაზე გვიან წარადგინა, თალაკვაძე ამბობს, რომ "პროგრამის საფუძველი _ პრემიერ-მინისტრის ოთხპუნქტიანი გეგმა, ყველაზე ადრე გამოაქვეყნეს":

_ პროგრამის საფუძველი იყო პრემიერ-მინისტრის ოთხპუნქტიანი გეგმა, რომელიც ზუსტად ეკონომიკით იწყება და შემდგომში დეტალურად გავაცანით მოსახლეობას ჩვენი წინასაარჩევნო პროგრამა. ყველა რომ ეკონომიკაზე საუბრობს, ეს მხოლოდ ერთ რამეზე მიანიშნებს: დღეს სალაპარაკო აღარ არის ადამიანის უფლებების დარღვევები; სალაპარაკო აღარ არის ტელევიზიებში შევარდნა და დარბევა; ადამიანების გატაცება აქციებიდან; სამსახურებიდან პოლიტიკური ნიშნით დათხოვნა; სამედიცინო მომსახურების ბარიერები. ქვეყანა მზად არის სწრაფი, ეკონომიკური განვითარებისთვის და ეს საფუძველი "ქართული ოცნების" ხელისუფლებამ მოამზადა.

_ ბატონო არჩილ, ქვეყნის წინსვლაზე საუბრობთ და ამ დროს პოლიციის წინ ბენზინგასამართ სადგურს აყაჩაღებენ უნიღბო პირები...

_ მე ვერ დაგიდასტურებთ ამ ცნობას. ბოლო ოთხი წლის განმავლობაში პოლიციელები თავდადებით მუშაობდნენ და არა ერთი გმირული მაგალითი მისცეს საზოგადოებას. ბრძოლა კრიმინალთან იყო და დღესაც არის უკომპრომისო. მომავალშიც ასე გაგრძელდება. თქვენ ვერ დამისახელებთ ვერც ერთ საქმეს, რომელზეც მაღალი იყო საჯარო ინტერესი და დარჩა გაუხსნელი. უმეტეს შემთხვევაში, ასეთი საქმეები სწრაფად გამოვიძიეთ და დამნაშავეები მივეცით პასუხისგებაში. დანაშაულის გამოძიებას მთელ მსოფლიოში სჭირდება დრო, თუმცა, ჩვენმა პოლიციელებმა ბევრი საქმე გახსნეს ცხელ კვალზე.

_ როდესაც თქვენ იყავით შსს-ს მინისტრის მოადგილე, იმ პერიოდში გატეხეს სწრაფი ჩარიცხვის აპარატი ჩოხატაურში, პოლიციის შენობის გვერდით და ეს საქმე დღემდე გაუხსნელია...

_ მე ვიცი, რომ ყაჩაღობა, რომელიც ჩოხატაურში მოხდა, დაახლოებით, 6 თვის წინ და ძალიან გახმაურებული იყო, _ ვგულისხმობ საკრებულოს თავმჯდომარის ოჯახის დაყაჩაღებას, თანამედროვე ტექნოლოგიების გამოყენებით, რომელსაც ჩვენი პოლიცია იყენებს დღეს, გაიხსნა და პირები მიეცნენ პასუხისგებაში. ნურავის ექნება ილუზია, რომ ან ევროპაში ან აშშ-ში ერთ დღეში იხსნება დანაშაული. კიდევ ერთხელ ვამბობ _ პოლიციელი გმირია და ის არის მთელი საზოგადოების უსაფრთხოების გარანტი! ეს არ არის მხოლოდ უსაფრთხოება ჩემთვის, ან თქვენთვის, ან დავითისთვის _ პოლიციელი დღეს არის ყველას სამსახურში და არა ერთი პრივილეგირებული ჯგუფის, როგორც ეს იყო ადრე, _ აღნიშნა თალაკვაძემ.

დავით მჟავანაძე კონკურენტს არ დაეთანხმა და განაცხადა, რომ საარჩევნო კამპანია ძალადობის და დაშინების ფონზე მიმდინარეობს:

_ ჩვენ უკვე ვნახეთ, როგორი კამპანიის ჩატარება შეუძლია "ქართულ ოცნებას". ამის ნათელი მაგალითი არის კორცხელი, სადაც ზონდერჯგუფები ჩაიყვანეს და იქაურობა სასაკლაოდ აქციეს. თუ ოზურგეთში ღიად არ ილაშქრებენ და არ გვესხმიან თავს, იმას არ ნიშნავს, რომ ყველაფერი კარგადაა. ჩართულია, ასე ვთქვათ, მთელი სახელმწიფო მანქანა, რომ რაც შეიძლება მეტი ადამიანი დააშინონ, რაც შეიძლება მეტ ადამიანს უთხრან, რომ არ მისცენ ხმა "ნაციონალურ მოძრაობას". მე იმ ადამიანების კონკრეტული სახელები და გვარები დავასახელე, რომლებზეც ახდენენ ზეწოლას. მაგალითად, იყო შემთხვევა, როდესაც ლაითურის გამგებლის წარმომადგენელი პირადად დაემუქრა და კაბინეტიდან გამოაგდო ადამიანი, რომელსაც შვილიშვილისთვის ესაჭიროებოდა მედიკამენტების შესაძენად ერთჯერადი დახმარება და არ მისცეს იმის გამო, რომ ის იყო "ნაციონალური მოძრაობის" მხარდამჭერი. ასეთი ფაქტები ძალიან ბევრია. პირადად ილა კეჭაყმაძემ, კახი კალაძის ახლო მეგობარმა, შემომითვალა, რომ არ ბიძინა ივანიშვილის ოზურგეთში ყოფნის დროს აქცია არ გამემართა, _ აღნიშნა მჟავანაძემ.

არჩილ თალაკვაძის რეპლიკაზე, ხომ არავის შეუშლია ხელი მათთვის აქციის მოწყობაში, მჟავანაძემ აღნიშნა, რომ "კეჭაყმაძის დავალებების შესრულებას" არც აპირებდა:

_ რა თქმა უნდა, მოვაწყვე საპროტესტო აქცია, რადგან ილა კეჭაყმაძის ჭკუაზე ვერ ვივლი და მისი გადაწყვეტილებები ჩემთვის არ არის საინტერესო. მე მაქვს ჩემი გეგმა, ჩემი კონკრეტული მიმართულება და ვერც ილა კეჭაყმაძის მუქარა და ვერც იმ ადამიანების დაშინება, ვისაც ემუქრებიან და ეუბნებიან, რომ "ნაციონალურ მოძრაობას" მხარი არ დაუჭირონ. სხვათა შორის, იყო შემთხვევები, როდესაც უბნის ექიმები ეუბნებოდნენ ადამიანებს, რომ ვერ დაეხმარებოდნენ, რადგან ჩემი მხარდამჭერები იყვნენ. ასეთი მუქარები არის, _ აღნიშნა მჟავანაძემ, თუმცა, კონკრეტული ფაქტები არ დაასახელა.

_ მე ამ ფაქტებთან დაკავშირებით სრული ინფორმაცია მივაწოდე ყველა საერთაშორისო ორგანიზაციებს, სახალხო დამცველს, სახელებით, გვარებით. ვინაიდან ადამიანებს, რომელთაც აქვთ სოციალური დახმარება და ეშინიათ მოხსნის, არ უნდათ ვინაობის გამხელა. შესაბამისად, ვიცავთ მათ კონფიდენციალურობას და ტელეეთერებში არ ვსაუბრობთ ამაზე, მაგრამ ვსაუბრობთ სხვადასხვა ორგანიზაციებთან.

დავით მჟავანაძემ პოლიციაში არსებულ სიტუაციაზეც ისაუბრა და ხელისუფლებას ძალოვანი უწყების უპატივცემულობაში დასდო ბრალი. მისივე თქმით, სწორედ "ნაციონალური მოძრაობის" ძალისხმევით გახდა შესაძლებელი, პოლიციის დანგრეული სისტემის აღდგენა 2003 წელს; არჩილ თალაკვაძემ კი აღნიშნა, რომ პოლიციის სისტემა ბიძინა ივანიშვილის დაფინანსებით მოწესრიგდა და "ნაციონალურ მოძრაობას" ამის აღიარების არ უნდა მოერიდოს.

კანდიდატებმა 26 მაისის დარბევის კადრებზეც ისაუბრეს:

_ თქვენ აცემინეთ ქალები, ბავშვები პოლიციელებს და ახლა მესაუბრებით აქ მორალზე?! სირცხვილია! 12 აქცია გაქვთ დარბეული პოლიციაში მიყვანილი ზონდერების ხელით, _ მიმართა ოპონენტს თალაკვაძემ, რაზეც მჟავანაძემ აღნიშნა, რომ 26 მაისთან დაკავშირებით პასუხისმგებლობას არ გაურბის.

_ 26 მაისს ქვეყანა იდგა ძალიან დიდი საფრთხის წინაშე. რუსული სპეცსამსახურები ქვეყანაში ამზადებდნენ გადატრიალებას, აუცილებელი იყო ზომების მიღება. თუ რომელიმე პოლიციელმა ჩაიდინა დანაშაული და რა თქმა უნდა, ჩაიდინა, უნდა დასჯილიყო, _ აღნიშნა მჟავანაძემ, რაზეც თალაკვაძემ უპასუხა, რომ ამ და არა მარტო ამ საქმესთან დაკავშირებით ძალიან ბევრი პირია პასუხისმგებაში მიცემული _ მათ შორის ყოფილი მაღალჩინოსნებიც.

დავით მჟავანაძის თქმით, არჩილ თალაკვაძის ოჯახის წევრები 2012 წელს "ნაციონალური მოძრაობის" მხარდამჭერები იყვნენ:

_ ეს არ არის ბრალდებები _ ეს არის გაკოტრებული პოლიტიკური პარტიის სუსტი ლიდერის მტკნარი ტყუილები, რომელზეც მე კომენტარს ვერ გავაკეთებ. ჩემს ოჯახს იცნობს მთელი გურია. არათუ "ნაციონალური მოძრაობის" დროს, ახლაც კი, როცა მე ვარ კანდიდატი _ ისინი არ აწუხებენ ადამიანებს არანაირ სიებისა და მხარდაჭერის გამო. რაც შეეხება 8 ოქტომბრის არჩევნებს, დღეს კიდევ ერთხელ დასტურდება, რომ ჩვენ ამ არჩევნებს მოვიგებთ დამაჯერებლად. მოვიგებთ იმიტომ, რომ ვართ ის ძალა, რომელმაც ოთხი წლის განმავლობაში ვმართეთ ქვეყანა შიშის, ტერორისა და რეპრესიების გარეშე; ჩვენ ვმართეთ ქვეყანა დემოკრატიულ და თავისუფალ გარემოში; ჩვენ მოვახერხეთ ეფექტური სოციალური პოლიტიკის შემუშავება, რომელსაც აუცილებლად გავაუმჯობესებთ შემდეგი ოთხი წლის განმავლობაში _ ამ პოლიტიკი­­­­ს ნაწილიც არის საყოველთაო ჯანდაცვა, ბევრად მეტი დევნილის დახმარება, ვიდრე ოდესმე მოხერხდა ამ ქყვეყანაში, რომლის ნაწილიც არის სკოლების და მოსწავლეების დაფინანსება, სოლიდარობის ფონდი, რომლის ნაწილიც არის 56 000 სამუშაო ადგილის შექმნა, ეკონომიკური განვითარება და სოფლის მეურნეობის მხარდაჭერა. ჩვენ მოვახერხებთ კიდევ 200 000 სამუშაო ადგილის შექმნას; 4 წელიწადში ჩვენ მოვიზიდეთ 33%-ით მეტი ინვესტიცია, ვიდრე წინა ხელისუფლებამ გააკეთა, დავაგეთ 2,5-ჯერ მეტი ავტობანი, ვიდრე წინა ხელისუფლებამ, 56 %-ით გავზარდეთ მშენებლობის ტემპები ქვეყანაში, ვიდრე წინა ხელისუფლებამ და 2,6 მილიარდი მოვიზიდეთ ენერგეტიკაში. აი, ეს არის ჩვენი შედეგები, ამიტომაც გვჯერა, რომ ხალხი დაგვიჭერს მხარს. ჩვენ აუცილებლად გავაგრძელებთ პროგრესს. ახლა არის სწრაფი განვითარების დრო და მე ვპირდები მოსახლეობას, რომ ის ოპოზიციური პარტიები და ლიდერები, რომლებმაც უკვე რამდენჯერმე მოატყუეს საზოგადოება, რომლებიც ესროდნენ გაზისა და პლასტმასის ტყვიებს და თვალები დაუბრმავეს ადამიანებს, რომლებიც დღესაც რაღაც არეულობის სცენარებს ქმნიან, ვერ დაბრუნდებიან ხელისუფლებაში. ხალხი 8 ოქტომბერს მათ გასცემს საკადრის პასუხს, _ განაცხადა თალაკვაძემ.

_ ბატონო არჩილ, როგორ არის ასახული თქვენ მიერ გახორციელებული პროგრესი და თუ შეიძლება, რომ სტატისტიკა გვითხრათ...

_ ეს ასახულია 56 000 სამუშაო ადგილში; 2,2 მლნ ადამიანი ჰყავს მოსარგებლე მხოლოდ საყოველთაო ჯანდაცვის პროგრამას. ეს არის საკმაოდ ძვირადღირებული სამედიცინო სერვისები, რომელიც რომ არ დაეფინანსებინა სახელმწიფოს, აუცილებლად გამოიწვევდა იმ ოჯახების კიდევ უფრო გაღარიბებას; ეს არის C ჰეპატიტის პროგრამა, რომლის გარეშეც 200 000 ადამიანი განწირული იყო და ჩვენ დღეს მოვახერხეთ ჩვენი ამერიკელი პარტნიორების მხარდაჭერით, ამ პროგრამის დაწყება _ 84 ათასი დოლარის ღირებულების მკურნალობა ხელმისაწვდომია ყველა მოქალაქისთვის. ეს არის ის, რაც იწვევდა სიღარიბეს. ჩვენ მოვახერხეთ დევნილების საცხოვრისით დაკმაყოფილება ბევრად უფრო მეტად, ვიდრე ეს ოდესმე მომხდარა. ახლა ვაშენებთ კიდევ 26 თორმეტსართულიან და 20 თექვსმეტსართულიან კორპუსს იმერეთსა და სამეგრელოში, სადაც კიდევ უფრო მეტი ადამიანის დაკმაყოფილება მოხდება საცხოვრისით. აი, ეს არის სიღარიბესთან ბრძოლა. ჩვენ დავიწყეთ ხალხზე ორიენტირებული პროგრამები ყველა სფეროში, რომლითაც 542 ათასი ადამიანი ამოვიყვანეთ სიღატაკიდან. რაც, თქმა უნდა, არ არის საკმარისი და ამ საქმეს აუცილებლად გავაგრძელებთ.

_ შეგიძლიათ მითხრათ, კონკრეტულად რამდენი ადამიანი დასაქმდა ოზურგეთში თქვენი ხელისუფლებაში ყოფნის დროს?

_ მე შემიძლია, გითხრათ საერთო რიცხვი _ 56 000 სამუშაო ადგილი შევქმენით მთელს ქვეყანაში. ეს მეტწილად შეიქმნა რეგიონებში და მათ შორის, ოზურგეთშიც. თქვენ ეჭვი გეპარებათ, რომ ის ინფრასტრუქტურული პროექტები, რომლებიც რეგიონებში გახორციელდა, სამუშაო ადგილებს ქმნიდა? თუ იმაში გეპარებათ ეჭვი, რომ საწარმოები გაიხსნა, გაიზარდა ექსპორტისა და პირდაპირი ინვესტიციების მაჩვენებელი _ ეს სამუშაო ადგილებს არ შექმნიდა?! 26 000-ზე მეტმა ფერმერმა ისარგებლა სოფლის მეურნეობის პროგრამებით; გაიზარდა დახნული და ირიგაციით უზრუნველყოფილი მიწების ფართობი. ასევე, "აწარმოე საქართველოში" არის წარმატებული პროგრამა, რომელიც ეროვნული წარმოების აღორძინებას უწყობს ხელს. მხოლოდ ნახევარი მილიარდი გვაქვს ჩადებული ამ პროგრამაში და 1 000-ზე მეტი საწარმო ინიციატივაა დაწყებული. ტურიზმი რომ ჰქონდა თქვენ ხელისუფლებას საამაყოდ, ჩვენ მოვახერხეთ გაგვეზარდა ტურიზმით მიღებული შემოსავალი 1 მილიარდით.

_ მაგრამ, გურიაში ამ მხრივ არაფერი გაკეთებულა.

_ როგორ არ გაკეთებულა?! გურიაში გაკეთდა გზები, წყლის ინფრასტრუქტურა, აშენდა ახალი ბაღები, ახალი ფერმერული მეურნეობები...

_ თუ შეიძლება, ფაქტებით ისაუბრეთ! 2012 წლის შემდეგ, მას შემდეგ, რაც თქვენ მოხვედით ხელისუფლებაში, რამდენი მეტრი გზა დააგეთ გომისმთის მიმართულებით? ეს მაშინ, როცა საუბრობთ ტურიზმის განვითარებაზე, _ მიმართა მჟავანაძემ თალაკვაძეს.

_ ჩვენ დავაგეთ 2.5-ჯერ მეტი გზა, ვიდრე თქვენმა ხელისუფლებამ და საერთოდ, შეგიძლიათ მაჩვენოთ, სად არის გომისმთა? გომისმთის განვითარება ჩვენ დავიწყეთ და თქვენ კი საერთოდ არ გახსოვდათ, _ აღნიშნა ‘ქართული ოცნების" კანდიდატმა.

დავით მჟავანაძე: _ მითხარით რამდენი მეტრით გააგრძელეთ იმ ბულვარის მშენებლობა, რომელიც 2012 წელს დავიწყეთ ურეკში? რა გააკეთეთ ბახმაროში? თქვენ უნდა აგირჩიოთ ოზურგეთელებმა და გურულებმა, ამიტომ ისაუბრეთ მათი გადმოსახედიდან! ამ ადამიანებმა რა ხეირი მიიღეს?

 არჩილ თალაკვაძე: _ ხეირი თქვენ მიიღეთ ხელისუფლებაში ყოფნისას! თქვენ იხეირეთ ხალხის ხარჯზე! ჩვენ ხეირზე არ ვართ ორიენტირებულები. საერთოდ, თქვენ ბულვარზე როგორ საუბრობთ? კონკრეტული რიცხვები თუ გაინტერესებთ, გიპასუხებთ. არ მოგწონთ ეს მონაცემები, როგორც ვატყობ. გურიაში რა პროექტებიც გახორციელდა, თუნდაც ურეკში ან შეკვეთილში, თქვენ ვერასოდეს პრეტენზია ვერ გექნებათ მსგავს პროექტებზე. ურეკში გაკეთდა რეგიონში ერთ-ერთი ყველაზე წარმატებული პროექტი _ "ბლექ სი არენა". იგი ემსახურება მთელ საქართველოს და რეგიონს, მოაქვს დიდი შემოსავალი გურიისთვის.

დავით მჟავანაძე: _ ურეკში, სადაც უნდა ყოფილიყო ბულვარი, თქვენ ტუალეტები ჩადგით.

 არჩილ თალაკვაძე: _ ტუალეტები თქვენ იყიდეთ მილიონ ლარად და ეს საზოგადოებას ახსოვს! ასევე გეტყვით, რომ გომისმთა ჩვენი პროექტია. თქვენ გომისმთის მისამართიც არ იცოდით. ეს არის ჩვენი პროექტი და ეს პროექტი დაიწყო გამგებელმა. გომისმთა ახალი ბრენდია. წყალსაც და ელექტროენერგიის პროექტსაც ჩვენ ვაკეთებთ იქ. თქვენ ისტერიულად იმეორებთ - "პასუხის გაცემა არ გინდათ, პასუხის გაცემა არ გინდათ!" თქვენ გინდათ პასუხის მოსმენა? ელემენტარული კულტურაა, რომ შეკითხვებზე მოისმინოთ პასუხები.

"გურია ნიუსის" რეპლიკაზე, რას იტყოდა ბახმაროს სამომავლო გეგმებთან დაკავშირებით, არჩილ თალაკვაძემ აღნიშნა, რომ "ბახმარო ეკუთვნის ლანჩხუთისა და ჩოხატაურის ოლქს, ამიტომ ბახმაროზე "ქართული ოცნების" ლანჩხუთისა და ჩოხატაურის კანდიდატი ისაუბრებდა.

 გადაცემის დასასრულს სტუმრებს ზუსტად 3-3 წუთი მიეცათ იმისთვის, რომ ამომრჩევლისთვის მიემართათ და ეთქვათ, რატომ უნდა დაუჭიროთ მათ მხარი

 დავით მჟავანაძე: _ პირველ რიგში, მინდა ვთქვა, რომ ამომრჩეველი კონკრეტულ პიროვნებებს არ უნდა აძლევდეს ხმას, არამედ იმ პროგრამას, იმ გეგმას, რასაც სთავაზობს პოლიტიკური პარტიები. მთავარია ერთი რამ _ ქვეყანას სჭირდება ცვლილება, ცვლილებას კი _ პოლიტიკური ჯგუფი, რომელსაც შეუძლია ამ სიტუაციიდან ქვეყნის გამოყვანა. რომელმაც წარსულში დაანახა ყველას, რომ შეუძლია საქმე გააკეთოს. ჩვენ ძალიან ბევრი საქმე გავაკეთეთ, თუმცა, ეს არ არის საკმარისი. დღეს ვდგავართ ახალი გამოწვევების წინაშე. ზუსტად "ნაციონალური მოძრაობა" არის ის ძალა, რომელიც გამოიყვანს ქვეყანას ამ მძიმე კრიზისული მდგომარეობიდან. რაც ყველაზე მთავარია, ამომრჩეველმა უნდა მიიღოს გადაწყვეტილება არა იმაზე, ვინ როგორ ლამაზად შეფუთავს დაპირებებს, არამედ, ვინ არის პასუხისმგებლიანი პოლიტიკური ძალა. "ნაციონალური მოძრაობა", ხელისუფლებაში მოსვლის შემდეგ, რა თქმა უნდა, შეასრულებს ყველა დაპირებას, მათ შორის, მერიის აეროპორტს _ გურიისთვის და ოზურგეთისთვის სასიცოცხლოდ მნიშვნელოვან პროექტს, ასევე ეს იქნება სატრანსპორტო-საჰაერო-სარკინიგზო ლოჯისტიკის ცენტრები, რომელთა გახორციელების შედეგად, ოზურგეთში შეიქმნება დიდი სავაჭრო ცენტრი, რაც ოზურგეთის ბიუჯეტს მოუტანს დამატებით მილიონ ლარს და ზოგადად, მუნიციპალიტეტის განვითარებას შეუწყობს ხელს. ეს არის ოზურგეთისთვის სასიცოცხლოდ მნიშვნელოვანი. ასევე გავაგრძელებ ტურიზმის მიმართულებებზე საუბარს _ სამთო და საზღვაო ტურიზმი. ჩვენ დავნერგავთ ახალ მიმართულებებს _ "უაილდ უოთჩინგი," "ბირდ უოთჩინგი," და ა. შ. ეს არის გურიისთვის სპეციფიკურად დამახასიათებელი და მთავარი ჩვენი მესიჯები _ ჩვენ უნდა მოგვცენ ხმა იმისთვის, რომ პირველ რიგში, ამომრჩეველმა შეადაროს "ქართული ოცნების" და "ნაციონალური მოძრაობის" დაპირება, მიხვდეს, რომელი პოლიტიკური პარტია არის პასუხისმგებლიანი და ვინ რას პირდება. ჩვენ გპირდებით, რომ როდესაც ხელისუფლებაში მოვალთ, 50 ლარით გავზრდით პენსიას, მასწავლებლის ხელფასი იქნება 650 ლარიდან, ჩვენი ხელისუფლების პირობებში გავაუქმებთ სუს-ს და ფინანსურ პოლიციას. ასევე, შევამცირებთ ეკონომიკურ გადასახადებს. არჩილისთვისაც საინტერესო იქნება, შეადაროს ჩვენი და მათი ბუკლეტების გავრცელების პერიოდი _ როდის წარმოადგინოს საერთოდ საკუთარი პროგრამა.

არჩილ თალაკვაძე: _ ჩვენ შეგვიძლია მივიყვანოთ ქვეყანა კეთილდღეობამდე, უზრუნველვყოთ სწრაფი განვითარება და თავისუფლება. ამისთვის უკვე შევქმენით ყველანაირი საფუძველი. 9 ოქტომბრიდან ჩვენ შევუდგებით საქმის კეთებას სწრაფი ტემპებით. ამაში ვერ შეგვიშლის ხელს ჩვენი ვერც ერთი ოპონენტი. ჩვენ შევქმნით 200 000 ახალ სამუშაო ადგილს; მოვახდენთ განათლების სისტემის რეფორმას და მოვიყვანთ მას თანხვედრაში თანამედროვე ეკონომიკის მოთხოვნებთან. ჩვენ განვავითარებთ ინფრასტრუქტურას ოზურგეთში და მთელს ქვეყანაში _ ეს არ არის მხოლოდ აღმოსავლეთ-დასავლეთის ავტობანი, რომელიც მალე დასრულდება. ეს არის სხვა გზებიც, რომელშიც 3,5 მილიარდის ინვესტირებას ვაპირებთ. ასევე, გავაძლიერებთ საყოველთაო ჯანდაცვის სისტემას მედიკამენტების კუთხით. ბოლომდე მივიყვანთ იმ რეფორმებს და საქმეს, რომელიც დაწყებული გვაქვს ბოლო ოთხი წლის განმავლობაში _ ეს ევროკავშირთან ასოცირების ხელშეკრულება, ევროატლანტიკური კურსი და ვიზალიბერალიზაცია. ჩვენ გავაგრძელებთ სოფლის მხარდაჭერას ძალიან ეფექტურად, მეწარმეებს დავეხმარებით პროგრამის _ "აწარმოე საქართველოს" ფარგლებში; იქნება შეღავათიანი სესხები სოფლის მეურნეობაში და მიზნობრივი საგრანტო დახმარებები, რათა გვქონდეს მეტი მეწარმეობა და მეტი საწარმო ამუშავდეს სოფელში, გლეხებმა მეტი დოვლათი და შემოსავალი მიიღონ.

ჩვენ გვყავს განახლებული, თანამედროვე გუნდი. არა "პოლიტიკანები" _ არამედ ტექნოკრატი, თანამედროვე პოლიტიკოსები; ადამიანები კარგი განათლებით; გვყავს წესიერი, განათლებული, სწორი ხედვის მქონე ლიდერი _ პრემიერ-მინისტრი გიორგი კვირიკაშვილი, რომელსაც აქვს ეკონომიკური განვითარების კარგი ხედვა და სამოქმედო გეგმა.

რაც შეეხება გურიას, გპირდებით, გომისმთასთან ერთად, ჩვენ გავახროციელებთ სხვა ტურისტულ პროექტებსაც სოფლებში, სადაც არის ტურისტული პოტენციალი; შევამცირებთ გადასახადებს, გავზრდით პენსიებს ეკონომიკურ განვითარებასთან ერთად; სოციალური დახმარებების სისტემას გავხდით უფრო სამართლიანს და მიმართულს _ ყველაფერს გავაკეთებ იმისთვის, რომ გადაწყვეტილების მიღების უფლება სოციალური დახმარების მოხსნა-დანიშვნაზე გადმონაწილდეს ადგილობრივ თვითმმართველობასა და სოფლის თემზე. ასევე, ჩვენ შევქმნით ახალ სამუშაო ადგილებს ოზურგეთში ინოვაციური ბიზნესპროექტების დაფინანსებით, მათ შორის "ტექნოპარკის" საშუალებით. ახალგაზრდებს დავეხმარებით დასაქმებაში და რაც მთავარია, ამ ყველაფერს უზრუნველვყოფთ ადამიანების უფლებებისა და თავისუფლების დაცვით.

გადაცემის სრული ვერსიის ნახვა შეგიძლიათ აქ.

"Post ალიონის" და "გურია ნიუსის" ერთობლივი პროექტი "ა’რჩევანი: "არ იქნება წინსვლა, თუ დაგვეზარა მისვლა!"
ხორციელდება საარჩევნო სისტემების განვითარების, რეფორმებისა და სწავლების ცენტრის ფინანსური მხარდაჭერით.




 ახალი ამბები
  • კომენდანტის საათის დარღვევა - კახეთში გოგოს ხელის თხოვნა 27 000 ლარი დაჯდაცოტა ხნის წინ,  კომენდანტის  საათის დარღვევისთვის, 9 პირი 3 000-3 000 ლარით დააჯარიმეს თელავში, სოფელ ყარაჯალაში. როგორც "გურია ნიუსს" ერთ-ერთი დაჯარიმებულის ახლობელმა განუცხადა, თანასოფლელი ბიჭი  მის მეგობრებთან ერთად, გოგოს ხელის სათხოვნელად მიდიოდა. აღნიშნული ინფორმაციის გადამოწმებას "გურია ნიუსი" მერის წარმომადგენელთან, შალვა ახმედოვთან შეეცადა, თუმცა, მან ეს ფაქტი არ დაადასტურა. "არ ვიცი,ინფორმაციას არ ვფლობ",_ ამბობს ... ...
  • ჯანდაცვის სამინისტრო 60 წელს გადაცილებულთა პნევმოკოკზე აცრას გეგმავსსახელმწიფო მსჯელობს გეგმაზე, რომლის მიხედვითაც 60 წელს გადაცილებულები და ასევე, ქრონიკული დაავადებების მქონე მოქალაქეები, შესაძლოა, პნევმოკოკის ვაქცინით აიცრან - ამის შესახებ ჯანდაცვის მინისტრმა „რუსთავი-2“-ის ეთერში განაცხადა. ეკატერინე ტიკარაძის განმარტებით, არის ვერსია, რომ ეს აცრა შევიდეს საქართველოში სავალდებულო ვაქცინაციის ჯგუგში და მოხდეს ყოველწლიურად, შესაბამისი მონაკვეთების გავლის შემდეგ ვაქცინის განახლება ამ მოქალაქეებში. „ყოველდღიურად ვუფრთხილდებით იმ მოწყვლად ჯგუფებს, რომლებიც არიან ხანდაზმულები და, რა თქმა უნდა, პარალელურ რეჟიმში არიან მრავლობითი ქრონიკული დაავადების მატარებლები. ჩვენი სპეციალისტების მხრიდან მოხდა გაანალიზება საქართველოში ძირითადი წამყვანი დაავადებების და სიკვდიალინობის გამომწვევი რა მიმართულებებია, სადაც ჩვენ ცალსახად დავინახეთ, რომ სწორედ ამ მოწყვლად ჯგუფებში, მრავლობითად არის განვითარებული პნევმონიები და ჩვენს ევროპელ კოლეგებთან კომუნიკაციის შედეგად, ასევე საუკეთესო ქვეყნების პრაქტიკის გამოყენების მაგალითზე მივიღეთ გარკვეული რეკომენდაციები, რის განხორციელებასაც ვგეგმავთ საქართველოში. ეს კონკრეტულად არის ევროპის ქვეყნებში მიღებული პრაქტიკა, როდესაც ისინი 60 წელზე ზევით მოსახლეობას და მოწყვლად ჯგუფებს ცრიან პნევმოკოკის ვაქცინით. სწორედ ამასთან დაკავშირებით არის ეს ინიციატივა, რასაც ჩვენ დეტალურად ვამუშავებთ“, - განაცხადა ... ...
  • რა ეკონომიკური გამოწვევების წინაშეა ქვეყანა და რაშია გამოსავალიპანდემიასთან ბრძოლამ ადამიანების ნაწილი დროებით უმუშევრად აქცია, ნაწილი კი დისტანციურ რეჟიმში მუშაობს. ჩაკეტილი საზღვრები, დაკეტილი სხვადასხვა ობიექტები, ბლოკპოსტები სხვადასხვა ქალაქში და რიგი სუპერმარკეტებთან, ბანკებთან თუ აფთიაქებთან_ ეს ის სურათია, რაც დღეისთვის საქართველოში პანდემიასთან ბრძოლის გამო, დგას. რა ეკონომიკური გამოწვევების წინაშე დადგა ქვეყანა_ ამ საკითხზე „გურია ნიუსი“ ეკონომისტ აკაკი ცომაიას ესაუბრა. აკაკი ცომაია ჩვენთან საუბარში  აღნიშნავს, რომ რთულია პროგნოზირება, პანდემიის შემდეგ რამდენად გაღარიბდება მსოფლიო, მაგრამ ეკონომიკის რეცესია და უმუშევრობის მატებაა მოსალოდნელი. ეკონომისტი ასევე აღნიშნავს, რომ სახელმწიფოს გაუჭირდება იმ მდგომარეობის დაბრუნება, რაც პანდემიამდე ჰქონდა. „რეალურად პროგნოზირება და თქმა,  რამდენად გაღარიბდება მსოფლიო, ძნელია. რაც უფრო მეტად გრძელდება კარჩაკეტილობა, მით უფრო მეტად ზარალდება ქვეყნების ეკონომიკა და შევა რეცესიაში. უმუშევრობის დონე გაიზრდება მსოფლიოში ამ პანდემიის დასრულების შემდეგ და მათ შორის გაიზრდება საქართველოშიც. რისი პროგნოზირებაც შეგვიძლია არის ის, რომ საქართველოს ეკონომიკა ხანგრძლივი დროის განმავლობაში ვერ დაუბრუნდება საწყის ეტაპს. ტურიზმის სექტორი ვერ დადგება იმ წერტილში რა წერტილშიც იყო პანდემიამდე. რატომ? ამის ბევრი ობიექტური და სუბიექტური მიზეზი არის. მათ შორის ის, რომ საქართველო ვერ მიიღებს ასე სწრაფად ვიზიტორების იმ რაოდენობას, რომელსაც  იღებდა. ადამიანებმა ჯერ კაპიტალი უნდა დააგროვონ, უნდა დაიწყოს შემოსავლების ფორმირების პროცესი.  ეს ხანგრძლივი პროცესია. ტრანსპორტის სფეროს განვითარება ტურიზმზეა დამოკიდებული და  ვითარდებოდა მაშინ როცა ტურიზმი ვითარდებოდა. იგივე ეხება მშენებლობას, კაფე-ბარებს. ეკონომიკის შემოსავლების ზრდის ტემპი ვერ იქნება ისეთი, როგორიც ის იყო პანდემიანდე. ჩვენი შემოსავლები ვერ აღდგება საწყის წერტილში“,_ ამბობს ცომაია. ეკონომისტის თქმით, აღნიშნული საფრთხეების დანახვასთან ერთად ქვეყანამ ის შესაძლებლობა უნდა გამოიყენოს, რომელიც პანდემიის შემდეგ მსოფლიო ბაზარზე თავის დამკვიდრებაში შეუწყობს ხელს. აკაკი ცომაიას თქმით, ეკონომიკის ახალი ძრავის ჩართვა და ქვეყნის ახალ რელსებზე გადაყვანა ანაკლიის პორტს შეუძლია. „გლობალურ საფრთხეებთან ერთად, ასევე, უნდა დავინახოთ შესაძლებლობა და გამოვიყენოთ, რაც უკავშირდება მსოფლიო ბაზრის გადანაწილებას და საერთაშორისო ბაზარზე შევიტანოთ ჩვენი კონკრეტული წვლილი და დავიკავოთ გარკვეული ნიშა. გაცილებით რთული იყო ამის გაკეთება, როცა ეს ყველაფერი იყო გადანაწილებული და განსაკუთრებით შესაძლებლობა ჩნდება ახალი მიმართულებებით. ყველაზე მეტად აქტუალური არის ანაკლიის პორტის საკიხი, რომელსაც ნამდვილად შეუძლია გარკვეული ლოკომოტივის თამაში და ეკონომიკის დაქოქვა ანუ საქართველოს ეკონომიკის ახალი ძრავის ჩართვა და ახალ რელსებზე გადაყვანა“,_ ამბობს ... ...
  • რისი "სიგნალი" გახდა აგრარული ბაზრების დახურვა მსოფლიო პანდემიას ებრძვის. კორონავირუსის გავრცელების თავიდან აცილების მიზნით, დაწესებულ სხვა შეზღუდვებთან ერთად აგრარული ბაზრების დახურვის გადაწყვეტილებაც იქნა მიღებული. როგორც ეკონომისტი აკაკი ცომაია "გურია ნიუსთან" საუბრისას აღნიშნავს, რომ აგრარული ბაზრების დახურვა სუპერმარკეტებისთვის პროდუქციაზე ფასების ზრდის შესახებ გაკეთებული სიგნალია. „აგრარული ბაზრის დაკეტვა მომხმარებლებს დააზარალებს. ეს სუპერმარკეტებისთვის არის სიგნალი, რომ გააძვირონ პროდუქცია. სწორი იყო თუ არა ეს გადაწყვეტილება, ვერ შევაფასებ, იმიტომ, რომ საკმაოდ რთული სიტუაციაა და არ ვიცით, უსაფრთხების რისკის ფაქტორიდან გამომდინარე, რამდენად გაიზარდა ამ გადაწყვეტილებით უსაფრთხოების მასშტაბი. ამის შეფასება მე არ შემიძლია“,_ გვპასუხობს ცომაია. შეკითხვაზე _ მოსალოდნელია თუ არა, რომ ფასის ზრდა მარკეტებში იმ პროდუქტებსაც შეეხოს, რომლის ღირებულების ზრდის რისკის დაზღვევის შესახებაც გარემოს დაცვისა და სოფლის მეურნეობის სამინისტრო საუბრობდა, ეკონომისტი გვპასუხობს, რომ მარკეტინგის პრინციპის გათვალისწინებით, ფასები აღნიშნულ პროდუქტებზე შეიძლება, არ გაიზარდოს გარკვეული დროის განმავლობაში, მაგრამ გაიზრდება სხვა პრუდუქტებზე. „სამინისტრო აწესებს ზედა ზღვარს კონკრეტულ ფასებზე, რაღაცა დროის განმავლობაში, ფასები ამ ტიპის პროდუქტებზე, შეიძლება, არ გაიზარდოს, მაგრამ გაიზრდება სხვა პროდუექტებზე. ეს მარკეტინგის პრინციპია. სუპერმარკეტები ორიენტირებულები იქნებიან, გაყიდონ იმავე რაოდენობის პროდუქცია მაღალ ფასად, რადგან კონკურენტების რაოდენობა მცირდება და ბიზნესი, როგორც წესი, ამ ნაბიჯით პასუხობს“, _ ამბობს აკაკი ... ...
  • ოზურგეთის მერიის განმარტება პრემიების გაცემასთან დაკავშირებითოზურგეთის მერია  პრემიების გაცემასთან დაკავშირებით განცხადებას ავრცელებს. როგორც მერია განმარტავს, დანამატების გაცემისას გათვალისწინებული იქნა - ,,დაავადებათა კონტროლისა და საზოგადოებრივი ჯანდაცვის ეროვნული ცენტრის“ გენერალური დირექტორის ამირან გამყრელიძის 18.03.2020 წლის წერილი, რომლის მიხედვითაც მოგვეცა შემდეგი რეკომენდაცია - ,,გაეზარდოს საზოგადოებრივი ჯანდაცვის სამსახურის ეპიდემიოლოგებსა და პროფილატიკოსების შრომის ანაზღაურება და/ან მინიმუმ გაუთანაბრდეს მუნიციპალიტეტების სხვა სამსახურებში სპეცილისტების შრომის ანაზღაურებას,,. "ოზურგეთის მუნიციპალიტეტის მერიის განმარტება - მასობრივი ინფორმაციის საშუალებების მიერ ოზურგეთის მუნიციპალიტეტის მერიის მიერ გაცემულ სახელფასო დანამატებთან დაკავშირებით მიგვაჩნია, რომ საინფორმაციო საშუალებებით მოსახლეობისათვის მიწოდებული ინფორმაცია ხშირ შემთხვევაში არასრულია, ასევე გაჯერებულია არასწორი შეფასებებით და ინტერპრეტაციით. გაცნობებთ, რომ დანამატები გაცემულია ახალი კორონავირუსის (COVID-19) გავრცელების თავიდან აცილების მიზნით განხორციელებული საქმიანობის გათვალისწინებით ა.(ა).ი.პ. „ოზურგეთის ჯანდაცვის საზოგადოებრივი ცენტრის“ თანამშრომლებზე დადგენილი კანონმდებლობის სრული დაცვით. კორონავირუსის გავრცელების თავიდან აცილების მიზნით განხორციელებული საქმიანობაში ჩართული იყო ოზურგეთის მუნიციპალიტეტის მერიის 3 თანამშრომელი, რომელებიც 24 საათიან რეჟიმში კოორდინაციას უწევდნენ და უწევენ ახალი კორონავირუსის (COVID-19) გავრცელების რისკების შემცირების მიზნით განხორციელებულ სამუშაოებს. დანამატების გაცემისას გათვალისწინებული იქნა - ,,დაავადებათა კონტროლისა და საზოგადოებრივი ჯანდაცვის ეროვნული ცენტრის“ გენერალური დირექტორის ამირან გამყრელიძის 18.03.2020 წლის წერილი, რომლის მიხედვითაც მოგვეცა შემდეგი რეკომენდაცია - ,,გაეზარდოს საზოგადოებრივი ჯანდაცვის სამსახურის ეპიდემიოლოგებსა და პროფილატიკოსების შრომის ანაზღაურება და/ან მინიმუმ გაუთანაბრდეს მუნიციპალიტეტების სხვა სამსახურებში სპეცილისტების შრომის ანაზღაურებას,, (ამონარიდი წერილიდან); ხოლო მერიის თანამშრომელთაგან ორ პირზე დანამატის გაცემის საფუძველი გახლავთ თბილისის მერიის მიერ გადმოცემული ავტობუსებისა და სხვა ტექნიკის ჩამოყვანა და მასთან დაკავშირებული პროცედურები. „TV-პირველზე“ გასულ სიუჟეტში გამოქვეყნებული ორი პირისათვის მერიის მიერ დანამატის ჩარიცხვის საფუძველი წარმოიშვა მიმდინარე წლის თებერვალში ხოლო ჩარიცხვა განხორციელდა მარტის თვის ბოლოს. ხსენებულმა პირებმა უზრუნველყვს თბილისის მერიის მიერ გადმოცემული 4 სატრანსპორტო საშუალების ჩამოყვანა ოზურგეთში, ხოლო გადმოცემული ორი სპეცდანიშნულების ტექნიკა მომზადებული იქნა გადმოსაყვანად, რის გამოც მათზე გაიცა 60%-ი (და არა 80%იანი დანამატი). სულ გაცემულია 12 930 ლარი; „TV-პირველზე“ გასულ სიუჟეტში მითითებულ სხვა პირებზე, კერძოდ, ოზურგეთის მუნიციპალიტეტის მერიის თანამშრომლებზე დანამატები არ გაცემულა ქვეყანაში არსებული სტუაციიდან გამომდინარე და ყველა ინტერპრეტაცია, რომელიც ამ საკითხან გახლავთ დაკავშირებული არის არასწორი; ოზურგეთის მუნიციპალიტეტის ა.(ა).ი.პ. „საზოგადოებრივი ჯანდაცვის ცენტრი“ ახალი კორონავირუსის (COVID-19) გავრცელების თავიდან აცილების მიზნით საქმიანობას ახორციელებს 24 საათიან უწყვეტ რეჟიმში. ოზურგეთის მუნიციპალიტეტის მერიის მიერ ახალი კორონავირუსის (COVID-19) გავრცელების თავიდან აცილების მიზნით განსახორციელებლი საქმიანობის ფარგლებში მოხდა მოსახლეობის საჭიროებების კვლევა და იმ პირების იდენტიფიცირება, რომლებიც საჭიროებს სასურსათო და სხვა სახის დახმარებას. კორონავირუსის (COVID-19) გავრცელების თავიდან აცილების მიზნით ოზურგეთის მერიაში შექმნილი ჯგუფის მიერ ამ დროისათვის:- უკვე 180 ოჯახს დაურიგდა სურსათი.- უახლოეს დღეებში დმატებით 500 ოჯახზე გავცემთ პროდუქტებს. გამომდინარე იქედან, რომ მოცემულ შემთხვევაში დადასტურდა დასაქმებული პირების შესახებ პერსონალური ინფორმაციის (პირის საიდენტიფიკაციო მონაცემების, მათი ანგარიშის ნომრების და მათთვის ჩარიცხული თანხების შესახებ ინფორმაცია) ოზურგეთის მერია ბოდიშს უხდის მათ და აცხადებს, რომ ამ დროისათვის ხდება პერსონალური ინფორმაციის გაცემასთან დაკავშირებული ფაქტებისა და საკითხების სამართლებრივი ანალიზი (ასეთი ქმედება შეიცავს სისხლის სამართლის დანაშაულის ნიშნებს) რის შედეგებზე დაყდრნობითაც განვახორციელებთ შემდგომ სამართლებრივ რეაგირებას. დამატებით ვაცხადებთ, რომ ოზურგეთის მერია უზრუნველყოფს ყველა დაინტერესებული პირისათვის საჯარო ინფორმაციის მიწოდებას და ასევე ითანამშრომლებს ყველა სპეციალური კომპეტენციის ორგანოსთან საკითხის სამართლებრივ ფორმატში გარკვევის ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...