ლახტაობის ჩემპიონატი, მწვრთნელი დირექტორები, იდენტური შტატები

მთავარი თემა

ლახტაობის ჩემპიონატი, მწვრთნელი დირექტორები, იდენტური შტატები

2016 დეკ 19 15:19:45

გურიის მუნიციპალიტეტების გამგეობების მიერ შემცირებები უკვე დაანონსდა., მათ შორის ა(ა)იპ-ებში, რომელთა უფუნქციობაზე წლებია, საუბრობენ.

ანონსის მიუხედავად, ამ დრომდე არავინ იცის, როგორ უნდა მოხდეს თანამშრომელთა გაშვება და რა პრინციპით შეირჩნენ "უმუშევრობის" კანდიდატები.

უცნობია ისიც, მოხდება თუ არა ერთი ტიპის ა(ა)იპ-ების შერწყმა _ მაგალითად, ისეთის, როგორიცაა ჩოხატაურის სპორტის განვითარების ცენტრი და ჩოხატაურის სასპორტო სკოლა, სადაც შტატებიც კი იდენტურია _ მაგალითად, სელექციონერის შტატი, სამნეო ნაწილის ხელმძღვანელის შტატი, მეთოდისტ-ინსტრუქტორის შტატი. ორივე ა(ა)იპი სპორტის განვითარებითაა დაკავებული და ორივეს დირექტორი, პარალელურად, მწვრთნელებადაც მუშაობს _ სასპორტო სკოლის დირექტორი თამაზ ძნელაძე, რომლის ხელფასი 700 ლარია, ამავე სკოლაში ფეხბურთის მწვრთნელადაც მუშაობს ნახევარ შტატზე და მისი ხელფასი ამ თანამდებობაზე 300 ლარს შეადგენს იმ ფონზე, როცა სრულ განაკვეთზე დასაქმებულ მწვრთნელებს ხელფასი 400 ლარი აქვთ. ამ ა(ა)იპის დაფინანსება წლევანდელ ბიუჯეტს 268 ათასი ლარი დაუჯდა და აქედან, ხელფასებზე 220 000 ლარი გაიცა.

ძნელაძე ჩვენთან საუბრისას ამბობს, რომ ის პროფესიონალი მწვრთნელია და ეს თანხაც "დამსახურებულად ეკუთვნის. ამბობს იმასაც, რომ ამით კანონს არ არღვევს. მართალია, ძნელაძეს კანონი არც მაშინ დაურღვევია, როცა საკუთარი რძალი ინგა წიტაიშვილი ნახევარ განაკვეთზე მედდად დანიშნა და 250-ლარიანი ხელფასი დაუნიშნა, თუმცა, თუ გავითვალისწინებთ მთლიან განაკვეთზე დასაქმებულთა ხელფასებს ამავე ა(ა)იპ-ში, ნათელი ხდება, რომ ნათესავები პრივილეგიებით სარგებლობენ.

ამ ა(ა)იპში ფუნქციონირებს რაგბის, ფეხბურთის, თავისუფალი ჭიდაობის, ბერძნულ-რომაული ჭიდაობის და ძიუდოს წრეები. აქ შესაძლებელია მძლეოსნობის, ბალახის ჰოკეის, კალათბურთისა და ჭადრაკის შესწავლა. აღსანიშნავია, რომ კალათბურთის სექცია წლების განმავლობაში მხოლოდ მწვრთნელის ხელფასისთვის ფუნქციონირებდა, რაზეც "გურია ნიუსმა" სტატია მოამზადა და მას შემდეგ გუნდიც გაკეთდა.

_ მითითებებს ჩვენც ვიღებთ და არ გვწყინს, როცა შენიშვნებს გვაძლევენ. თქვენი სტატიის შემდეგ გუნდი ჩამოყალიბება დავიწყეთ. ახალშექმნილია და ჯერ მიღწევები არ აქვს. 12 გოგონა და 18 ბიჭია გუნდში. ზოგადად, გურიაში კალათბურთი არ არის პოპულარული, თუმცა, ვცდილობთ რომ გავხადოთ, _ გვითხრა ძნელაძემ.

მისივე ინფორმაციით, გაცილებით წარმატებულია ბალახის ჰოკეის და ჭიდაობის სექციები:

_ ყველაზე დიდი წარმატება ჰოკეის გუნდს აქვს _ ჩვენი 3 აღსაზრდელი საქართველოს ნაკრების წევრი იყო. ახლა კი, 2003-იან ასაკობრივ ნაკრებში, საქართველოს ღირსებას იცავს კოხნარელი საჯარო სკოლის მოსწავლე. ჩვენი გუნდი საქართველოს ჩემპიონატში ყოველ წელს სამეულშია. რაც შეეხება ჭიდაობას, აქაც გვაქვს მიღწევები სხვადასხვა ასაკობრივ ჯგუფებში. მეორე-მესამე ადგილებს ყოველთვის იკავებენ ჩვენი ახალგაზრდა სპორტსმენები სხვადასხვა რანგის შეჯიბრებებიდან, _ აღნიშნავს სპორტსკოლის დირექტორი.

თამაზ ძნელაძის მსგავსად, მწვრთნელის ხელფასს იღებს სპორტის განვითარების ცენტრის ხელმძღვანელი ზურაბ ჯინჭარაძეც. დირექტორობის 700-ლარიანი ხელფასის გარდა, მას, როგორც ლელოს მწვრთნელს, ნახევარ განაკვეთზე 320 ლარის ანაზღაურება აქვს. ამ ა(ა)იპ-ის დაფინანსება 2016 წლის ბიუჯეტში 165 000 ლარია და აქედან, ხელფასებზე 135 ათასი ლარი დაიხარჯა.

ჯინჭარაძე ჩვენთან საუბრისას ამბობს, რომ ჩოხატაურის ლელოს გუნდში 25 სპორტსმენია და სულ ცოტა ხნის წინ, ფოთში გამართულ ჩემპიონატზე, 12 გუნდს შორის მეოთხე საპრიზო ადგილიც დაიკავეს:

_ ვარჯიშები გაზაფხულამდე არ გვაქვს, ცუდი ამინდებია, _ გვითხრა ჯინჭარაძემ და აღნიშნა, რომ მწვრთნელის ხელფასს მაშინაც იღებს, როცა გუნდს არ ავარჯიშებს.

მისივე თქმით, ხელფასს გუნდის არც ერთი წევრი არ იღებს და სპორტის ამ სახეობის განვითარებისთვის გასამრჯელო მხოლოდ მას აქვს.

ამავე ა(ა)იპ-ში არის ასეთი შტატი _ ქართული ხალხური თამაშების და სპორტის ეროვნული სახეობის სპეციალისტი. ეს პოსტი ივანე კობიძეს უკავია და როგორც ჯინჭარაძე ამბობს, ბევრ ღონისძიებასაც ატარებს:

_ ცხენოსნობას, ლახტს, ლელოს ატარებს ბატონი ივანე.

_ ჩოხატაურში ლახტაობა ტარდება?

_ კი. მართალია, ფოტო არ მაქვს, მაგრამ შემიძლია, როცა გინდათ, ჩავატაროთ. სამი-ოთხი სოფელი მოვიწვიოთ, წრეში ჩადგებიან და ითამაშებენ.

_ ლახტაობას ივანე კობიძე ასწავლის სოფლის მცხოვრებლებს?

_ კი, ასწავლის, აკეთებს ამას.

სპორტის განვითარების ცენტრში არსებობს ჟოკეის შტატი, რომელიც შეჯიბრებებზე ჩოხატაურის სახელით გამოდის; ცენტრში ბაზიერთა სექციაცაა და ბაზიერიც ჰყავთ. როგორც ჯინჭარაძე ამბობს, ბაზიერთა სექციის უფროსის გიორგი ვაჩეიშვილის და ბაზიერ აკაკი ბერიშვილის მოვალეობაში მიმინოების დაჭერა შედის, რომელიც სახლში მიჰყავთ და უვლიან.

ამავე ა(ა)იპ-ის საშტატო განრიგის თანახმად, ბენია თავბერიძე სპორტულ ღონისძიებათა ორგანიზატორად მუშაობს და მისი ხელფასი 400 ლარს შეადგენს. თავბერიძე პარალელურად საფეხბურთო კლუბ "ბახმაროს" ადმინისტრატორია და იქაც 400 ლარს იღებს. როგორც ჯინჭარაძე ამბობს, თავბერიძის მოვალეობაში სპორტული ღონისძიებების მოწყობა შედის. სპორტული ღონისძიების მოწყობა, ასევე, ევალებათ ავთანდილ მეფარიშვილს და კობა კალანდაძეს.

კლოდი მდინარაძე საავტომობილო სპორტის სპეციალისტად არის გაფორმებული და როგორც ჯინჭარაძე ამბობს, ბოლო დროს ჩოხატაურში გამართული ავტორალი მისი ხელმძღვანელობით ჩატარდა (რალი საავტომობილო სპორტის ფედერაციამ ჩაატარა).

სპორტის განვითარების ცენტრში ოთხი მეთოდისტ/ინსტრუქტორი მუშაობს და როგორც ა(ა)იპ-ის ხელმძღვანელი ამბობს, ამ ადამიანებს ღონისძიებების ინსპექტირება ევალებათ.

კიდევ ერთი სპორტული ა(ა)იპ საფეხბურთო კლუბი "ბახმაროა" _ 11 შტატიანი და 25 ხელშეკრულებით აყვანილი თანამშრომლით. მისი ხელმძღვანელი დავით ჩხიკვაძეა, რომლის ხელფასი 625 ლარია. კლუბის შენახვა ბიუჯეტს წელს 140 000 ლარი დაუჯდა და როგორც ჩხიკვაძე ამბობს, თანხის დიდი ნაწილი ხელფასებს მოხმარდა:

_ გამოყოფილი თანხის დიდი ნაწილი მოხმარდა ფეხბურთელთა ხელფასებს, მათ კვებას, ტრანსპორტირებას. ამავე თანხიდან დაფინანსდა ბავშვთა აკადემია და გოგონების ჯგუფი. ყველა მიმართულებით გვქონდა შედეგები _ "ბახმარომ" პირველად შეძლო მეორე ადგილის დაკავება საფეხბურთო ჩემპიონატის მეორე ლიგაში, სადაც ჩვენ ვთამაშობთ. რაც შეეხება ქალთა ფეხბურთს _ ორი გოგონა საქართველოს ნაკრების წევრია, _ ამბობს ჩხიკვაძე.

_ ბატონო დავით, ბავშვთა ფეხბურთის განვითარებაზე საკმაოდ სოლიდური დაფინანსება ეძლევა სპორტსკოლას. არ მიგაჩნიათ, რომ ერთი და იმავე ტიპის გუნდების დაფინანსება ბიუჯეტიდან მიზანშეწონილი არ არის?

_ ვის რა დაფინანსება ეძლევა, ჩემი საქმე არ არის _ მთავარი შედეგია. ფაქტი არის ის, რომ 2009 წლიდან დღემდე, "ბახმაროში" ჩოხატაურელი ფეხბურთელების დეფიციტია და კლუბი იძულებულია, აქცენტი ჩამოსულ ფეხბურთელებზე გააკეთოს, ეს, პირველ რიგში, ფინანსურადაც წამგებიანია კლუბისთვის.. "ბახმაროში" აქამდე თუკი ჩოხატაურელს უთამაშია, მათი 90 პროცენტი "21-ე საუკუნის" აღზრდილი იყო, იმ თაობის ფეხბურთელებიდან კი ბოლო სპორტსმენმა წელს დაანება ფეხბურთს თავი. ამიტომ გადავწყვიტეთ, აკადემიის შექმნა _ ჩვენი აღზრდილები ითამაშებენ ჩვენს გუნდში.

_ სასპორტო სკოლაც ხომ ფეხბურთელებს ზრდის, რატომ არ იყენებთ ამ რესურსს?

_ განვლილ სეზონში "ბახმაროში" სამი ფეხბურთელი გადმოვიდა სპორტსკოლიდან. დანარჩენმა პრეტენდენტებმა კლუბის მოთხოვნები ვერ დააკმაყოფილეს.

_ დამატებითი ხარჯების გაწევით, ბიუჯეტის გაზრდით, იმ ფონზე, როცა, თითქმის ყველა თანხმდება მთავარზე _ ფეხბურთი ბიუჯეტიდან არ უნდა დაფინანსდეს, თქვენ უკეთეს ფეხბურთელებს აღზრდით, ვიდრე სპორტსკოლა?

_ არ ვიცი, ვინაა ის "ყველა". მე ასე არ ვფიქრობ. ფეხბურთს ჩვენს ქვეყანაში დიდი ტრადიცია აქვს. სპორტის ეს სახეობა ბევრისთვის საყვარელი და მნიშვნელოვანია. შესაბამისად, ვფიქრობ, რომ სანამ ბიზნესს არ ექნება დაინტერესება, რაშიც ხელი სახელმწიფომ უნდა შეუწყოს, მანამდე სუბსიდირება ბიუჯეტიდან უნდა მოხდეს იმისთვის, რომ ქვეყანაში ფეხბურთი არ მოკვდეს. ხოლო ბიუჯეტის დაზოგვა სხვა უფრო რაციონალური ხერხებითაც არის შესაძლებელი, _ ამბობს ჩხიკვაძე.

ჩოხატაურის მუნიციპალიტეტის გამგებელი ირაკლი კუჭავა ამბობს, რომ აღნიშნული ა(ა)იპ-ების გაერთიანებაზე საკრებულოსთან ერთად მუშაობას იანვრიდან დაიწყებს:

_ საკრებულოსთან ერთად, გაზაფხულამდე შევიმუშავებთ კონცეფციას ერთი ტიპის ა(ა)იპ-ების გაერთიანებისთვის. ამ საკითხზე იანვრიდან ვიწყებთ მუშაობას და ვნახოთ, რა შედეგები იქნება, _ ამბობს კუჭავა.

_ ბატონო ირაკლი, რამდენად მართებულად მიგაჩნიათ, რომ ა(ა)იპ-ების ხელმძღვანელები მწვრთნელებადაც არიან გაფორმებულები და იმაზე მაღალ ხელფასს იღებენ, ვიდრე სხვა მწვრთნელები?

_ ეს საკითხიც იმ კონტექსტში გადაწყდება, რაზეც გესაუბრეთ.

_ იმაზე რას გვეტყვით, რომ ერთი და იგივე პირები რამდენიმე ა(ა)იპ-ში მუშაობენ?

_ კიდევ ვამბობ, რომ ყველა ეს საკითხი ჩამოსაყალიბებელი კონცეფციის ფარგლებში გადაწყდება, _ გვითხრა ჩოხატაურის გამგებელმა.

ჩოხატაურისგან განსხვავებით, ლანჩხუთის მუნიციპალიტეტში სპორტის განვითარებაზე 4 ა(ა)იპ ზრუნავს _ საფეხბურთო კლუბი "ლანჩხუთის გურია", საფეხბურთო სკოლა გოგონათა და რაგბის გუნდი, საფეხბურთო სკოლა, ლანჩხუთის მუნიციპალიტეტის სპორტული ცენტრი.

სპორტულ ცენტრში შტატში 5 თანამშრომელია, ხელშეკრულებით კი _ 64. მათი წლევანდელი ბიუჯეტი 375 ათას ლარს შეადგენდა, რომლის დიდი ნაწილი ხელფასებზე დაიხარჯა. ცენტრს გურამ იმნაიშვილი ხელმძღვანელობს, რომლის ხელფასი 800 ლარია:

_ 13 სპორტული სექცია ფუნქციონირებს, მათ შორის, ჭიდაობის 4 სახეობაა _ ქართული, ძიუდო, ბერძნულ-რომაული და თავისუფალი. ასევე, გვაქვს ცურვის, ჭადრაკის, რაგბის, კალათბურთი და კრივის სექციები. 32 მწვრთნელი გვყავს ხელშეკრულებით აყვანილი, _ გვითხრა იმნაიშვილმა.

როგორც გავარკვიეთ, ლანჩხუთის სპორტულ ცენტრში დასაქმებული მწვრთნელების ხელფასი 400-600 ლარის ფარგლებშია.

ცენტრში სელექციონერებიც ჰყავთ, რომლებიც, როგორც იმნაიშვილი ამბობს, "პერსპექტიული სპორტსმენების აღმოჩენით არიან დაკავებულები":

_ სელექციონერები, მწვრთნელებთან ერთად, სოფლებში დადიან და სპორტის პოპულარიცაზიას ეწევიან. სამწუხაროდ, 21-ე საუკუნეში ბავშვებს კომპიუტერი ურჩევნიათ, თუმცა, ჩვენ ცდას არ ვაკლებთ. ამჟამად, ხუთასამდე აღსაზრდელი გვყავს და ეს სწორედ სელექციონერების და მწვრთნელების დამსახურებაა.

_ ბატონო გურამ, პრაქტიკაში გქონიათ, რომ სელექციონერებს წარმატებული სპორტსმენები ეპოვოთ?

_ კი, საკმაოდ ბევრი. ერთ-ერთი კი გიორგი შოთაძეა, რომელმაც ახლახან მსოფლიო ჩემპიონის ტიტული მოიპოვა. გიორგი ცეკვაში დადიოდა, თუმცა, იპოვეს და სპორტში გადმონაცვლება ურჩიეს. შედეგიც სახეზეა, რომელიც მისი მწვრთნელის, ზაზა ღლონტის დამსახურებაა, _ ამბობს იმნაიშვილი.

როგორც გაირკვა, ლანჩხუთში ტრადიციული სპორტის სახეობების შესწავლა არ ხდება _ მათ შორის არც ლელოსი, რომლითაც ისინი "მთელ დუნიაზე" არიან ცნობილები:

_ რაგბის გუნდი გვყავს. ასევე, ცალკე ა(ა)იპ-ია გოგონათა რაგბის გუნდი, _ განმარტავს სპორტული ცენტრის დირექტორი, რომელსაც კითხვაზე _ საჭიროა თუ არა ერთი ტიპის ა(ა)იპ ლანჩხუთში, პასუხის გაცემა არ სურს და მხოლოდ იმას ამბობს, რომ ეს მისი გადასაწყვეტი არაა.

ა(ა)იპ-ს "ლანჩხუთის მუნიციპალიტეტის საფეხბურთო სკოლა გოგონათა და რაგბის გუნდი" წლიური ბიუჯეტი 65 000 ლარია. ა(ა)იპ-ში სულ 12 თანამშრომელია, აქედან _ 6 მწვრთნელი. დაწესებულებას დურმიშხან ჩხაიძე ხელმძღვანელობს, რომლის ხელფასი 800 ლარია.

ჩხაიძის ინფორმაციით, სკოლაში 110 გოგონაა, რომელთა სპორტული მიღწევები ქვეყნის ფარგლებს სცდება _ ჩხაიძის 9 აღსაზრდელი საქართველოს ქალთა საფეხბურთო ნაკრების წევრია.

ჩხაიძე ჩვენთან საუბრისას ამბობს, რომ მისი ა(ა)იპ ყველაზე წარმატებულია. იმასაც ამბობს, რომ მუნიციპალიტეტში შემცირებას ბევრი იმსახურებს, თუმცა, გამგებელს ურჩევს, მათ არ შეეხონ:

_ მე ვიცი, რომ ვართ ჩვენ. გეთანხმებით, ბევრი ა(ა)იპ-ია ერთი მიმართულების და მათი გამსხვილება შესაძლებელია, თუმცა, ამას ჭკუა უნდა, რასაც ლანჩხუთელების ჭკუა ვერ გაწვდა. სიმართლე მწარეა, _ გვითხრა ჩხაიძემ.

_ ბატონო დურმიშხან, კანონით ეს გადაწყვეტილება გამგებელმა უნდა მიიღოს. ზაზა ურუშაძეს უწუნებთ ჭკუას?

_ არ ვიცი მე გამგებლის ჭკუა, არ მაინტერესებს. მე მაქვს ჩემი ჭკუა და ვაკეთებ ჩემს საქმეს. საერთოდ კი გეტყვით, რომ ჩვენს შეხებას არ ვურჩევთ არც ერთს _ არც გამგებელს და არც არავის. ასე ჯობია. მიხედონ თავიანთ საქმეს. გვყოფნის, რასაც ხელს გვიშლიან და გვდევნიან.

_ ვინ გდევნით?

_ დამხმარე არავინ არ მინახავს ლანჩხუთში.

_ ბიუჯეტიდან ხომ გაძლევენ თანხას?

_ დახმარება ისაა, რომ მათხოვრად არ უნდა მაქციონ და თუ მაძლევენ, მომცენ, რადგან მე შედეგს ვუდებ. ერთი მითხრან, კაცთა ფეხბურთიდან რამდენი ჰყავთ ნაკრებში?! ბოლო-ბოლო სიმართლე უნდა ითქვას. სტადიონი მომცეს ვითომ, მაგრამ მოვლის ფული არ მაქვს. გასახდელი ჩვენ არ გვაქვს, გოგონებისთვის წყალი არ მაქვს, თამაშის შემდეგ რომ გადაივლონ. მანქანაში მაქვს ოფისი, ოთახიც არ გვაქვს. ჩაქნეული მაქვს ხელი _ ვაკეთებ ჩემს საქმეს, ვუვლი ამ გოგონებს. უფრო მეტიც, ახლა ჯგუფი ოზურგეთში კი გავხსენით ჩვენი სახელით. მწვრთნელი ოზურგეთელია, თუმცა, ხელფასს ჩვენ გადავუხდით. აი, ასე ვწვალობთ და ვაკეთებთ, _ ამბობს ჩხაიძე.

ა(ა)იპ-ის _ ლანჩხუთის საფეხბურთო სკოლა წლიური ბიუჯეტი 180 ათასი ლარია. შტატში 5 თანამშრომელია, ხელშეკრულებით კი _ 22. ა(ა)იპ-ს სულხან წილოსანი ხელმძღვანელობს, რომელიც მიიჩნევს, რომ საბიუჯეტო კრიზისი ბავშვთა ფეხბურთს არ უნდა შეეხოს:

_ ჩვენი სკოლაში 160 ბავშვია. 4 გუნდი მუდმივად მონაწილეობს აჭარა-გურიის ჩემპიონატში. ვფიქრობ, რომ ეს ის სფეროა, რომელსაც ყველაზე დიდი ყურადღება უნდა მიექცეს. მე, პირადად, საფეხბურთო სკოლის აღზრდილი ვარ, ვეტერანი გახლავართ და ვაგრძელებ იმ ტრადიციას, რაც ლანჩხუთში ყოველთვის იყო. გვიმბალაურის ბაზაზე ვართ, რომელიც 10 წლის მანძილზე პირველად გარემონტდა, ბავშვებისთვის საშხაპეები გაკეთდა, _ ამბობს წილოსანი.

რაც შეეხება საფეხბურთო კლუბ "გურიას", რომლის წარუმატებელი სეზონის შესახებ ყველასთვის ცნობილია, წელს მან ბიუჯეტიდან მილიონ 150 000 ლარი მიიღო (ამ თანხაში სტადიონის მოვლა-შენახვაც შედის), თუმცა, როგორც გამგეობის საფინანსო სამსახურის უფროსი როლანდ ლაშხია ამბობს, მომავალ წელს "გურიას" ფეხბურთის განვითარების ფონდი დააფინანსებს.

ლაშხია მიიჩნევს, რომ ერთი მიმართულების ცალ-ცალკე ა(ა)იპ-ი ბიუჯეტისთვის ზედმეტი ხარჯია:

_ ჩემი პირადი აზრი თუ გაინტერესებთ, რა თქმა უნდა, გაერთიანება ჯობს და ერთ ორგანიზაციაში მოქცევა. ა(ა)იპ-ების დაფინანსების 80% ხელფასებზე იხარჯება. თუკი გაერთიანება მოხდება, ბიუჯეტიც დაიზოგება, მაგრამ ამას მე არ ვწყვეტ, _ გვითხრა ლაშხიამ, რომელიც, ასევე, შეცდომად მიიჩნევს საფეხბურთო კლუბის ბიუჯეტიდან დაფინანსებას.

ლაშხიას ლანჩხუთის მუნიციპალიტეტის გამგებელი ზაზა ურუშაძეც ეთანხმება:

_ ვმუშაობთ ა(ა)იპ-ების გაერთიანების საკითხზე. რამდენიმე დღეში ზუსტად მეცოდინება, რა სახით გახორციელდება. გეთანხმებით, რომ ბიუჯეტისთვის ზედმეტი ხარჯია და ამიტომაც გპირდებით, რომ 2017 წლის ბიუჯეტში ასე არ იქნება.

_ თუკი იცით, რომ ზედმეტი ხარჯია, ამდენი ხნის განმავლობაში რატომ აფინანსებდით?

_ გოგონათა სარაგბო და საფეხბურთო კლუბი ცალკე ა(ა)იპ-ად იმიტომ გავაკეთეთ, რომ ფედერაცია აპირებდა დაფინანსებას, თუმცა, ასე არ გამოვიდა.

_ ბატონო ზაზა, სწორედ ამ ა(ა)იპ-ის ხელმძღვანელი ამბობს, რომ სპორტული ტიპის ა(ა)იპ-ების გაერთიანებას ჭკუა სჭირდება. იმასაც ამბობს, რომ მათ ყველაზე მეტი პრობლემა აქვთ და მიუხედავად ამისა, ყველაზე მეტად წარმატებულები არიან. ასევე, გირჩევთ, რომ ამ ა(ა)იპ-ის გაუქმებაზე არც იფიქროთ...

_ მემუქრება თუ რა ხდება? რაც შეეხება ჭკუას, ყველას მოსაწონი ჭკუა ვერ გექნება. რას იზამ, ასეც ხდება. ჩვენ, ჩვენი შესაძლებლობის ფარგლებში, ყველაფერს ვაკეთებდით და გავაკეთებთ. ახლა საჭიროა ოპტიმიზაცია და ასეც მოხდება, _ დაგვიკონკრეტა ურუშაძემ.

ქალაქ ოზურგეთში სპორტული მიმართულების სამი ა(ა)იპ-ი ფუნქციონირებს. რაგბის განვითარების კავშირი, რომლის შენახვაზე წელს 152 000 ლარი დაიხარჯა, საფეხბურთო კლუბი "მერცხალი" 147 000-ლარიანი ბიუჯეტით და გასულ წელს გაერთიანებული სპორტის განვითარების ცენტრი 445 000 ლარიანი ბიუჯეტით.

ცენტრში 72 თანამშრომელი მუშაობს და როგორც მათი ხელმძღვანელი გოჩა კვანტალიანი ამბობს, ყველა მათგანი საქმეს კარგად ართმევს თავს:

_ ჩვენ ცენტრს ძალიან ბევრი მიმართულებით აქვს წარმატება. სხვა რომ არაფერი, სწორედ ჩვენი ცენტრის აღზრდილია დავით ჩხარტიშვილი, რომელმაც წელს, საფრანგეთში მსოფლიო ჩემპიონის ტიტული მოიპოვა და ქვეყანა ასახელა. ჩვენთან სპორტის 15 სახელობის შესწავლა ხდება და მათ პროფესიონალი მწვრთნელები ასწავლიან, _ ამბობს კვანტალიანი, რომლის თვიური ხელფასი 800 ლარს შეადგენს.

ამ ა(ა)იპ-ში მწვრთნელების საშუალო ანაზღაურება 400 ლარია. როგორც გავარკვიეთ, ცენტრის 475 000-ლარიანი ბიუჯეტიდან, მიმდინარე წელს ხელფასებზე 310 365 ლარი დაიხარჯა.

რაგბის განვითარების კავშირის ხელმძღვანელის, თენგიზ კალანდაძის თქმით, მათი სახელფასო ბიუჯეტი 80 000 ლარია:

_ ჩემი ხელფასი 600 ლარს შეადგენს და ხელზე 480 ლარს ვიღებ. ორი მოწვეული მწვრთნელი გვყავს _ ქუთაისიდან და ბათუმიდან და მათ 800 ლარს ვუხდით. გუნდში 32 რაგბისტია და დიდი წარმატებებიც გვაქვს _ პირველ ლიგაში გადავდივართ, _ გვითხრა კალანდაძემ.

ოზურგეთის მუნიციპალიტეტში სპორტზე ზრუნვა კულტურის, სპორტის და ტურიზმის განვითარების ცენტრს აქვს დავალებული, რომლის წლიური ბიუჯეტი 345 800 ლარია. აქედან 252 ათასი ლარი ხელფასებზე იხარჯება. ა(ა)იპ-ს ავთანდილ სირბილაშვილი ხელმძღვანელობს, რომლის ხელფასი 800 ლარია.

_ უშუალოდ სპორტული ღონისძიებებისთვის და გასვლებისთვის 18 ათასი ლარი გვაქვს დახარჯული. რამდენიმე წრე გვაქვს _ ფარიკაობის, ჭიდაობის, რაგბის, კარატეს, ტაიკვანდოს და საცხენოსნო სპორტი. ბალანსზე 7 ცხენი გვყავს და რამდენიმე მათგანი საქართველოს ჩემპიონიცაა. ცხენების მოვლასა და კვებაზე, ჯამში, 11 000 ლარი იხარჯება, _ აღნიშნა ჩვენთან საუბრისას სირბილაშვილმა.




 ახალი ამბები
  • ინგა გრიგოლია TV პირველის დირექტორი გახდატელეკომპანია პირველის მფლობელის, ვატო წერეთელის განცხადებით, დღეიდან ტელევიზიას ჟურნალისტი ინგა გრიგოლია უხელმძღვანელებს. მანამდე ამ თანამდებობას პაატა კაკაურიძე იკავებდა. დღეიდან ტელეკომპანია ,,პირველს,, ინგა გრიგოლია უხელმძღვანელებს. გადავდივართ განვითარების ახალ ეტაპზე , რომელსაც სათავეში ახალი დირექტორი ჩაუდგება, დიდი გეგმებით და მთელი გუნდის ერთიანი ძალისხმევით .ინგა ,,პირველზე,, იმ დროს მოვიდა, როცა აქ პირველი აგური იდებოდა და ჩვენი ტელევიზიის ყველა თანამშრომელთან ერთად,, მთელი ენერგია ჩადო ჩვენი ტელევიზიის განვითარებაში. უკვე დღეიდან ,,რეაქციასთან " ერთად ის მთელი არხის ახალ ეტაპზე გადასვლის პროცესს ჩაუდგება სათავეში. მჯერა, ეს ახალი ეტაპი კიდევ უფრო წარმატებული გამოგვივა. ინგა გრიგოლია, წარმატებებს გისურვებ! _ წერს ვატო წერეთელი ფეისბუქის საკუთარ ... ...
  • ვეტერანებისათვის ფილმი "შინდისის" ჩვენება გაიმართა (R)ვეტერანის დღისადმი მიძღვნილი კვირეულის ფარგლებში, მიმდინარე წლის 14 ოქტომბერს, ვეტერანების საქმეთა სახელმწიფო სამსახურის ორგანიზებით და "ახალგაზრდული მედია-კავშირის" (თავმჯდომარე, ხატია გავაშელი) მხარდაჭერით, კინოთეატრ "ამირანში" ომისა და თავდაცვის ძალების ვეტერანებისათვის, მხატვრული ფილმის, "შინდისის" დახურული ჩვენება გაიმართა. ფილმის ჩვენებას ესწრებოდნენ, შინდისის ბრძოლის გადარჩენილი გმირები: გიგა მურვანიძე, ტრისტან ჩიტიძე, მირზა მალაზონია, თენგიზ ცანავა, ვეტერანების საქმეთა სახელმწიფო სამსახურის დირექტორი, ვლადიმერ იმნაძე, დირექტორის მოადგილე, ჯანდრი უბირია, საქართველოს პარლამენტის თავდაცვისა და უშიშროების კომიტეტის თავმჯდომარის მოადგილე კობა კობალაძე, ვეტერანთა არასამთავრობო ორგანიზაციების კოალიციის წარმომადგენლები, ვეტერანები და მათი ოჯახის წევრები. "ვერ აღვწერ ისეთი ემოციური იყო, პირველ რიგში, იდეის ავტორს მინდა მადლობა გადავუხადო და ყველას, ვინც ფილმზე მუშაობდა და მონაწილეობა მიიღო. მძიმე სანახავი იყო, რა თქმა უნდა, ყველაფერი ეს გამოვლილი მაქვს... "- განაცხადა ტრისტან ჩიტიძემ. "მეორედ ვნახე ფილმი, ორივეჯერ ძალიან ემოციური იყო ჩემთვის და ძალიან მძიმე, რადგან ძალიან ახლოს არის რეალობასთან. მინდა ყველას, ვინც მონაწილეობა მიიღო ფილმის გადაღებაში მადლობა ვუთხრა." - განაცხადა გიგა მურვანიძემ. "შინდისის გმირები არიან ერთ-ერთი მაგალითი ქართული გმირობის, რომელიც საუკუნეების მანძილზე ხდებოდა. ესენი არიან ის ადამიანები, რომლებმაც ყველაფერი გააკეთეს იმისათვის რომ სამშობლო და ოჯახები დაეცვათ. ჩვენ ქედს ვიხრით მათ წინაშე", - განაცხადა ჯანდრი უბირიამ. " დიდება გმირებს! ეს ქვეყანა, ეს სახელმწიფო არის თითოეული ჩვენგანის. დიდი მადლობა მინდა ვუთხრა მთელს შემოქმედებით ჯგუფს, ყველა იმ ადამიანის, ვინც მონაწილეობა მიიღო ფილმში. კიდევ ერთხელ მინდა მივუსამძიმრო დაღუპული გმირების ოჯახებს და მთლიანად ქვეყანას."- განაცხადა კობა კობალაძემ. მხატვრული ფილმი „შინდისი" 2008 წლის 11 აგვისტოს, სოფელ შინდისთან დაღუპული 17 სამხედრო მოსამსახურის ისტორიას ასახავს და მასზე მუშაობა 2 წელი გრძელდებოდა. სრულმეტრაჟიანი ფილმის იდეისა და პროექტის ავტორი ედმონდ მინაშვილია, პროდიუსერი ედმონდ მინაშვილი, ვლადიმერ კაჭარავა, მინდია ესაძე, სცენარის ავტორი ირაკლი სოლომონაშვილი. მთავარ როლებს გოგა პიპინაშვილი, დავით ბახტაძე, თამარ აფშილავა და მარიამ ჯიბლაძე ასრულებენ. ფილმზე გერმანიიდან სპეციალური მოწვევით რეჟისორმა დიტო ცინცაძემ იმუშავა. ფილმი ''შინდისი'' 2020 წელს, ამერიკის კინოაკადემიის მთავარ ჯილდოზე, „ოსკარზეა" წარდგენილი და საერთაშორისო სრულმეტრაჟიანი ფილმის ნომინაციაში მოსახვედრად იბრძოლებს. ... ...
  • როგორ უნდა გადავაჩვიოთ ბავშვები საბავშვო ბაღში ტირილსსაბავშვო ბაღში წასვლა ერთ-ერთი გარდამტეხი ეტაპია ბავშვის ცხოვრებაში და ეს პერიოდი დიდ ემოციებს იწვევს ბავშვებსა და მშობლებში. ბაღში ახალმისულ ბავშვებს უჭირთ მშობლებთან დროებით გამომშვიდობება და ტირილით ითხოვენ სახლში წასვლას ან მშობლების დარჩენას. რატომ ეჩვევიან ბავშვები ძნელად  საბავშვო ბაღს, რა არის საჭირო, რომ ბავშვი ტირილს გადაეჩვიოს და ბაღში ყოფნას მიეჩვიოს, მშობლების ნაწილს ეს მცდელობა ყოველდღე ახალი საჩუქარი (სათამაშო, ტკბილეული) უჯდება, გამართლებულია თუ არა მათი მხრიდან ასე მოქცევა_ ამ საკითხებზე „გურია ნიუსი“ ბავშვთა ფსიქოლოგს მარიტა მერკვილაძეს ესაუბრა. მერკვილაძის თქმით, ბავშვებისთვის რთული გასაგებია გარემოს და მხარდამჭერი ადამიანების ცვლილება. ბაღში მშობლის გარეშე დარჩენის დროს კი უჩნდება შიში, რომ, შესაძლოა, არ მოაკითხონ. იმისთვის, რომ ბავშვი საბავშვო ბაღს მიეჩვიოს დრო არის საჭირო, ერთ-ერთი მნიშვნელოვანი ნაწილი კი მშობელსა და აღმზრდელს შორის კარგი კომუნიკაციაა. „საბავშვო ბაღში შეყვანის ასაკი პერიოდია, როდესაც ბავშვი ან კიდევ მიჯაჭვულია მშობელს ან ახალი „ნასწავლი“ აქვს დამოუკიდებლობა. ამიტომ, ძირითადად, გარემოს და მხარდამჭერი ადამიანების ცვლილება ბავშვისთვის რთული გასაგები და მიუღებელია. მას აქვს თავისი სამყარო, ადამიანები, რომლებსაც ენდობა და სულაც არ მოსწონს, როდესაც ამის ჩანაცვლებას სთავაზობენ, თუნდაც, დროებით. გარდა ამისა, ბავშვი ვერ ხვდება მიზეზს, თუ რა საჭიროა იყოს ამ გარემოში და უჩნდება შიში მოვლენ თუ არა მის წასაყვანად. იმისათვის, რომ ბავშვმა დაინახოს, რომ აღმზრდელები ზრუნავენ მასზე, ეხმარებიან მოთხოვნილებების დაკმაყოფილებაში, დროის გასვლაა საჭირო. ასევე, მნიშვნელოვანია დრო დასარწმუნებლად, რომ მის წასაყვანად ყოველთვის მოდიან. გარდა ამ ორი კომპონენტისა, მნიშვნელოვანია აღმზრდელებისა და მშობლებს შორის შედგეს სწორი და ეფექტური კომუნიკაცია. ამასთან ისინი ერთმანეთის მხარდამჭერები უნდა იყვნენ. მაგალითად, მშობელი მუდმივად უნდა აქებდეს და თბილად იხსენიებდეს მასწავლებელს. აღნიშნავდეს, როგორ უყვარს მას ბავშვი და თავის მხრივ მასწავლებელი გამუდმებით არწმუნებდეს ბავშვს, რომ მისი მშობელი აუცილებლად მივა მის წასაყვანად. ეს ურთიერთ თანამშრომლობა ყოველთვის გამოიღებს შედეგს. ამასთან,  ბავშვი ურთიერთობის დროსაც კარგად ამჩნევს მშობლის განწყობას მასწავლებლის მიმართ და პირიქით“, _ ამბობს მერკვილაძე. ბავშვთა ფსიქოლოგი აღნიშნავს, რომ ბაღში მიყვანამდე მნიშვნელოვანია ბავშვს დადებითი განწყობა ჩამოუყალიბდეს და მისი ბაღში მისვლა საზეიმო ფაქტად აღინიშნებოდეს, ბაღში მისვლისას კი სასურველია, მშობელმა ჯგუფში რამდენიმე დღე გაატაროს. „მნიშვნელოვანია ბაღში მისვლა რაღაც საზეიმო ფაქტად აღინიშნებოდეს და ბაღის მიმართაც დადებითი განწყობა ჩამოვუყალიბოთ ბავშვს. იუმორით ნათქვამი ფრაზებიც კი (მაგალითად, ჯერ არ იცის, რა ელოდება და სად ამოყოფს თავს ან შენ არ იცი, რას გიპირებენ) აღიბეჭდება ბავშვში განწყობის სახით და შესაძლოა, დადებითი განწყობა უარყოფითით შეიცვალოს. იმისათვის, რომ ბავშვს მასწავლებლის მიმართ ნდობა გაუჩნდეს და მშობლის არყოფნაზე არ დარდობდეს, სასურველია, თავდაპირველი დღეები ან ერთი კვირა მშობელიც ბავშვთან ერთად იმყოფებოდეს ჯგუფში. მშობლისთვის ეს საშუალებაა, ბავშვს დაანახოს, რომ კეთილგანწყობილია მისი მასწავლებლის მიმართ“,_ ამბობს ფსიქოლოგი. რაც შეეხება ბავშვის წახალისების მეთოდს, მერკვილაძე აღნიშნავს, რომ ეს მეთოდი მაშინ არის გამართლებული, თუ დადებითი ქცევისთვის ჯილდო შესაფერისია. „წახალისების  მეთოდი გამართლებულია იმ შემთხვევაში, თუ ჯილდო შესაფერისია დადებითი ქცევის. ამასთან ბავშვს იმაზე მეტი არ უნდა მოვთხოვოთ პირველ ჯერზე, ვიდრე შეუძლია. მაგალითად, თუ ბავშვი მთელი დღე ტირის, რომ ვუთხრათ საერთოდ არ იტირო და დღის ბოლოს შოკოლადს მოგცემო, აქ შეცდომას დავუშვებთ ორმაგად. ჯერ ერთი, ისეთ რამეს ვითხოვთ, რაც არ შეუძლია და მეორე, მთელი დღე არ ტირილის სანაცვლოდ ერთი შოკოლადი ცოტაა. ასევე, უნდა აღინიშნოს, რომ ჯილდოს დიდ დროზე გაწელვა რეკომენდირებული არ არის, რადგან ბავშვს მოთმინების უნარი არ აქვს ჩამოყალიბებული. ასევე, მნიშვნელოვანია თანმიმდევრული ქცევა. მშობლებმა თავისი ემოციების კონტროლი უნდა შეძლონ. რთულია, როცა გესმის, როგორ ტირის ბავშვი და არ შეხვიდე და არ გამოიყვანო, მაგრამ, როდესაც ბავშვი დაინახავს, რომ მისმა ტირილმა შედეგი გამოიღო, ამით მანიპულირებას დაიწყებს და არასოდეს შეწყვეტს ტირილს“, _ამბობს მერკვილაძე. ბავშვთა ფსიქოლოგის თქმით, ბავშვმა უნდა დაინახოს, რომ მშობელი მტკიცეა და ბაღიდან მის წამოსაყვანად ერთსა და იმავე დროს მიდის, რადგან ერთსა და იმავე საათზე გამოყვანა ბავშვს დაცულობის და იმედის გრძნობას უჩენს. გარდა ამისა, ის თვითონ იწყებს მშობლის მისვლის დროის გაკონტროლებას. მარიტა მერკვილაძე „გურია ნიუსთან“ საუბარში, ასევე, აღნიშნავს, რომ ბაღში ბავშვის მიყვანიდან გარკვეული დროის გასვლის შემდეგ  მშობელი უნდა დაინტერესდეს და შვილს ჰკითხოს, თუ ვისთან ერთად თამაშობს. „მნიშვნელოვანია გარკვეული პერიოდის მერე ბავშვს ჰკითხოთ, ვისთან ერთად თამაშობს და კიდევ ვისთან? კიდევ? ამით ჩვენ მივანიშნებთ მას, რომ ძალიან გვიხარია, როდესაც ის ვინმესთან თამაშობს და მოგვწონს ეს ფაქტი. ამასთან გააჩნია რამდენად გახსნილი და მოლაპარაკეა ბავშვი. შეგიძლიათ, გამოიყენოთ ეს მომენტი და შეაქოთ ესა თუ ის ბავშვი, მისი ჯგუფელი. ამით უკვე ის თანატოლებთან ურთიერთობას და მათ მიმართ კეთილგანწყობის ჩამოყალიბებას შეუწყობთ ხელს“, _ ამბობს ... ...
  • რას ემყარება ოზურგეთელ პარტიულ ლიდერთა და ახალი მოძრაობის დაფუძნების მსურველთა განცხადებები2020 წელს საქართველოში საპარლამენტო არჩევნები უნდა ჩატარდეს. ოზურგეთში მოქმედი სხვადასხვა ოპოზიციური პარტიის ლიდერები, როგორც თავად აღნიშნავენ, განსაკუთრებით ემზადებიან ამ არჩევნებისთვის. შეინიშნება სხვადასხვა აქტივობები. ხელისუფლების საქმიანობის მუდმივი კრიტიკის მიუხედავად, ხშირად ისმის პოზიტიური შეფასებები პროპორციულ საარჩევნო სისტემაზე გადასვლის გამო, თუმცა, ამას, ძირითადად, საკუთარ აქტივობას და "გავრილოვის ღამედ" წოდებული, 20 ივნისის აქციის ძალის გამოყენებით დაშლის შემდეგ განვითარებულ მოვლენებს უკავშირებენ. ოპოზიციური პარტიების გარდა, აქტივობა იგრძნობა ისეთი ადამიანების მხრიდანაც, რომლებიც ახლა აპირებენ ახალი მოძრაობის ჩამოყალიბებას და როგორც თავად ამბობენ, "აქვთ ამბიცია, მამულიშვილური სიტყვა თქვან". _ წინასაარჩევნო წელია და პროპორციული წესით საპარლამენტო არჩევნების ჩატარების წესი, რა თქმა უნდა, წინ გადადგმული ნაბიჯია ქვეყნის განვითარებისა და ახალი პოლიტიკური სპექტრის ჩამოსაყალიბებლად. პარტიები შეეცდებიან, ღირსეული ადამიანებით შეავსონ სია და ქმედითი, რეალური პროგრამები შესთავაზონ მოქალაქეებს. მოლოდინი დიდია. დიახ, საქართველოს სჭირდება მრავალპარტიული, ახალი და ქვეყნის ინტერესებზე ორიენტირებული პარლამენტი. იქმნება შტაბი. ვივსებით ახალი შემადგენლობით, ვგეგმავთ სამოქმედო, მოკლევადიან და გრძელვადიან მიზნებს. მომხრეები და თანამოაზრეები გვყავს, მაგრამ ამჯერად თავს შევიკავებთ არჩევნებში მიღებული პროცენტული რაოდენობის დასახელებისგან _ "საქმემან ჩვენმა წარმოგვაჩინოს", _ კომკავშირული პატაკივით მოგვაწოდა საკუთარი აზრი "ერთიანი საქართველო _ დემოკრატიული მოძრაობის" ოზურგეთის რაიონული ორგანიზაციის თავმჯდომარემ, რეზი ხუნდაძემ, რომელიც 23 წლისაა და არც გაემტყუნება ენთუზიასტის პოზიციაზე ყოფნა. რა ხდება "ევროპული საქართველოს" ოზურგეთის რაიონული ორგანიზაციის შემადგენლობაში? _ ბოლო არჩევნებში ჩვენმა პარტიამ ოზურგეთში ხუთი ათასამდე ხმა მიიღო. რაც უფრო ახლოვდება არჩევნები, მით უფრო დიდი აქტივობაა. უფრო სწორად, ჩვენ არასდროს ვჩერდებით _ სულ გავდივართ ხალხში, ქალაქში, სოფლებში. ვეცნობით, რა საკითხებია მოსაგვარებელი, რა უჭირს ხალხს, ხშირად საკრებულოს სხდომებზეც ისმება საკითხები ჩვენ მიერ მიწოდებული პრობლემების შესახებ. ასევე, პარლამენტშიც კი გაჟღერდა ჩვენ მიერ მიწოდებული ინფორმაცია, როცა გასულ წელს ოზურგეთის მუნიციპალიტეტის ბიუჯეტში 7 მილიონი დარჩა აუთვისებელი. ამ თანხით შეიძლებოდა პენსიონერებისთვის 30-ლარიანი დანამატის გაკეთება, თუმცა, ვერასდროს მივაღწიეთ, რომ საპენსიო დანამატის ფონდი შეგვექმნა. სამომავლოდ მაინც ვეცდებით. რას ვაკეთებთ ახლა? 15 სექტემბერს იყო ჩვენი პარტიის პოლიტსაბჭოს სხდომა, სადაც მივიღეთ საპარლამენტო სიის ფორმირების წესი. ეს ძალზე საინტერესოა და ახლა ამაზე საუბარი შორს წაგვიყვანს. ჯობს, სხვა დროს ვისაუბროთ. ახლა ვმუშაობთ სოფლების და ქალაქის პირველად ორგანიზაციებთან მომავალი არჩევნებისთვის კომისიის წევრების, კოორდინატორების და აგიტატორების შერჩევასთან დაკავშირებით. ამ წუთში ეს არის ჩვენი ძირითადი ამოცანა. ვიბრძვით იმისთვის, რომ მოვიდეთ ხელისუფლებაში და მხარი დავუჭიროთ კოალიციური მთავრობის შექმნას. ხაზგასმით აღვნიშნავ, რომ ჩვენი პარტია კატეგორიულად ეწინააღმდეგება ყოველგვარ ძალისმიერ, რევოლუციურ სცენარებს ხელისუფლების შესაცვლელად და მხარს ვუჭერთ მისი მხოლოდ არჩევნების გზით შეცვლას. ჩვენი განცხადება ემყარება ჩვენს მრავალწლიან გამოცდილებას, რომელიც ხალხთან ერთად მივიღეთ და სამომავლოდ საქმის უკეთესობისკენ შესაცვლელად უნდა გამოვიყენოთ, _ გვითხრა "ევროპული საქართველოს" რაიონული ორგანიზაციის თავმჯდომარემ მიხეილ გოგოტიშვილმა. მან, ასევე, აღნიშნა, რომ პროპორციულ სისტემაზე გადასვლა არის პოზიტიური ნაბიჯი, რასაც მხარს უჭერენ, თუმცა, თქვა ისიც, რომ მთავრობა "გავრილოვის ღამის" შემდეგ იძულებული გახდა, ეს გაეკეთებინა. _ ჩვენმა პარტიამ შეაგროვა 200 ათასზე მეტი ხელმოწერა, სწორედ პროპორციული არჩევნების მოთხოვნით. ეს იყო ჩვენი ინიციატივა, ითხოვდნენ სხვა პარტიებიც. შეგვეძლო ბევრად მეტი ხელმოწერის შეგროვება, თუმცა, აღარ გახდა საჭირო, _ თქვა გოგოტიშვილმა. ლეიბორისტული პარტიის ოზურგეთის რაიონულ ორგანიზაციაში უფრო კატეგორიული არიან და მიიჩნევენ, რომ "მმართველ ძალას _ "ოცნებას" და "ნაციონალურ მოძრაობას" ჯიბეში ჰყავს ჩასმული მოსყიდული ამომრჩეველი": _ პროპორციული არჩევნების წესზე გადასვლას ვეთანხმებით და მოგვწონს, მაგრამ ისე არა, როგორც პარლამენტმა გადაწყვიტა. ამავე დროს უნდა ყოფილიყო ბარიერი და ასევე, სავალდებულო არჩევნები, როცა მოქალაქე ვალდებული იქნებოდა, მისულიყო არჩევნებზე და გამოეხატა თავისი ნება. ახლა "ოცნებას" და "ნაცებს" ჯიბეში ჰყავთ ჩასმული 150-ლარიანი აქტივისტები და ყველა არჩევნებზე ასე გადიან ფონს, ხმის მისაცემად კი მოქალაქეთა 60 პროცენტი არ მიდის. სწორედ ამ არმისვლას დაუსვამდა წერტილს სავალდებულო არჩევნები. ამ წუთებში ჩვენ ვაქტიურობთ სხვადასხვა მიმართულებით, თუმცა, ყველგან გვბლოკავენ. განსაკუთრებით _ ცენტრალური ტელევიზიები. ან იმ დოზით უშვებენ ეთერში ლეიბორისტთა ლიდერების გამოსვლებს, რამდენადაც თავად აძლევთ ხელს. მხოლოდ ფეისბუქსივრცე, სოციალური ქსელია ჩვენთვის ხელმისაწვდომი. ერთადერთი პარტია ვართ, რომელიც ვერასდროს პროგნოზს ვერ გააკეთებს, რამდენი ადამიანი მოგვცემს ხმას და ეს იმიტომ, რომ ჯიბეში არ გვყავს ჩასმული ელექტორატი. ყოველთვის ვართ ამომრჩევლის და ღვთის ნებაზე. 22 წელია, ასე ვართ და ვერავინ იტყვის, რომ ამომრჩეველი ფულით მოვისყიდეთ. პროგნოზზე რა გითხრათ?! ვერ გეტყვით, რომ საკონსტიტუციო უმრავლესობაში ვიქნებით, თუმცა, ვიბრძოლებთ კოალიციური მთავრობის შექმნისთვის. ჩვენი მოთხოვნა პროპორციულ არჩევნებთან ერთად, სულ იქნება სავალდებულო არჩევნები, რომელიც გამორიცხავს მოსყიდვას, ძალადობას და შანტაჟს ამომრჩეველზე. როცა მოქალაქე კანონით იქნება ვალდებული, წავიდეს არჩევნებზე, რაც დაკანონებულია, როგორც ევროპაში, ისე აზიის ქვეყნებში, გაყალბება გამოირიცხება, _ გვითხრა "ლეიბორისტული პარტიის" ოზურგეთის რაიონული ორგანიზაციის თავმჯდომარემ დათო მამალაძემ, რომელიც ამავდროულად ოზურგეთის მუნიციპალიტეტის საკრებულოს წევრია. "ერთიანი ნაციონალური მოძრაობის" რაიონული ორგანიზაციის თავმჯდომარემ დავით მჟავანაძემ გვითხრა, რომ ახლა დრო არ აქვს და საკუთარი პარტიის წინასაარჩევნო სამზადისზე უახლოეს მომავალში გვესაუბრება. პარტიების გარდა, მოახლოებულ საპარლამენტო არჩევნებში მონაწილეობას აპირებენ ადამიანები და ჯგუფები, რომლებიც ახალი მოძრაობის დასაფუძნებლად ემზადებიან და ამბობენ, რომ აუცილებლად ექნებათ სამოქმედო გეგმა, საკუთარი კონცეფცია ქვეყნის განვითარების შესახებ, თუმცა, აკეთებენ მკვეთრ განცხადებებსაც, რა იქნება მათი მოძრაობის მთავარი მიზანი. ოზურგეთელი ლევან ჯინჭარაძე, რომელიც ახლა ბათუმში ცხოვრობს, პროფესიით ეკონომისტია, 13 წლის განმავლობაში ნოვოსიბირსკში ბირთვული ფიზიკის ინსტიტუტში მუშაობდა და 2012-14 წლებში ბათუმის ნავთობგადამამუშავებელი ქარხნის დირექტორი იყო, ამბობს, რომ ის და მისი მეგობრები უახლოეს პერიოდში აპირებენ, დააფუძნონ ახალი მოძრაობა, რომელიც მამულიშვილებით დაკომპლექტდება (ლევან ჯინჭარაძე შპს "კომბინირებული საკვები გრანულების" დამფუძნებელია, რომელიც, მისი თქმით, "თი ბი სი ბანკმა" უსამართლო გზით გააკოტრა. ამის შესახებ ორი თვის წინ წერდა "გური ნიუსი". ავტ.): _ ძალიან დიდი სურვილი მაქვს, მე და ჩემმა თანამოაზრეებმა დავაფუძნოთ ახალი მოძრაობა და მონაწილეობა მივიღოთ არჩევნებში. უპირველესი მიზანი ისიც იქნება, რომ მამუკა ხაზარაძეს და მის "ლელოს" დავხვდეთ ყველგან, სადაც მივლენ და დავუსვათ კითხვას, კონკრეტულად, რა პოლიტიკური განაცხადით მოდიან ქვეყანაში, განსაკუთრებით კი, აჭარა-გურიის რეგიონში. მე მქონდა საწარმო, როგორიც არავის გაუკეთებია მას შემდეგ, რაც 250-მილიონიანი სახელმწიფო დაიშალა. ხაზარაძემ ეს უსამართლო დამოკიდებულებით დამინგრია. ჩვენ, მე და ჩემი მეგობრები ვქმნით მოძრაობას, საიდანაც შევეცდებით, კორექტულად, არგუმენტირებულად ავუხსნათ საქართველოს მოსახლეობას, რატომ არ უნდა მოვიდნენ პოლიტიკაში ხაზარაძე და მისი გუნდი, მათ იდეოლოგიური შეუთავსებლობა აქვთ ჩვენს სამშობლოსთან. საკუთარ მაგალითზე დავრწმუნდი, რომ მათ არ უნდათ საქართველოს სოფლის მეურნეობის განვითარება და ამას არგუმენტებით დავასაბუთებთ. ჟოლოთი და მოცვით აშენებული ქვეყანა ვინ ნახა? მილიონები იხარჯება არაფრისმომცემ პროექტებში. მარტივად რომ ვთქვათ, მიწის ხვნას და სერიოზულ საქმის კეთებას არავინ აფინანსებს. სოფლის მეურნეობის სამინისტროს სოფლის განვითარებისთვის საჭიროზე მეტი ბიუჯეტი აქვს, თუმცა, უმეტესად არაფრისმომცემ პროექტებში იხარჯება. ეს იქნება ჩვენი ერთ-ერთი მთავარი სათქმელი, _ ამბობს ლევან ჯინჭარაძე. ვრცელდება ინფორმაცია, რომ ოზურგეთში მოქალაქეთა გარკვეული ჯგუფები აქტიურობენ და სურთ ახალი მოძრაობის დაფუძნება, თუმცა, მათ ამჯერად აღნიშნულის შესახებ საუბარი არ ... ...
  • "ჯურუყვეთს წყალი, გზა და გაზი არ ეღირსა!""სოფელ ჯურუყვეთს, ისევე, როგორც საქართველოს სხვა სოფლებს, პრობლემები თითქმის ერთნაირი აქვს _ უგზოობა, უწყლობა. ვინც კი მოვიდა ხელისუფლებაში იწყებს ‘’შენებას’’, ‘’კეთებას’’, მაგრამ მაინც ერთი და იგივეა ყოველთვის საკეთებელი. რა გვჭირს?" _  სოციალურ ქსელში ძველ, 2017 წელს, თვითმმართველობის  არჩევნების წინა პერიოდში გამოქვეყნებულ პოსტს აზიარებს სოფლის მაშინდელი მაჟორიტარი დეპუტატობის კანდიდატი ლანჩხუთის საკრებულოში ნონა მურვანიძე და იქვე წერს, რომ ეს პოსტი დღესაც აქტუალურია. ლანჩხუთის მუნიციპალიტეტის სოფელ ჯურუყვეთის მოსახლეობისთვის რომ წყლის პრობლემა ერთ-ერთი მთავარია, სოფლის მაჟორიტარობის ყოფილ კანდიდატს მისი სახელისა და გვარის თანამოზიარე ფეისბუქ მეგობარიც ეთანხმება: "უპატრონოდაა სოფელი! უწყლობა ეს დიდი პრობლემაა. იყო წყალი და გაანადგურეს. ნუთუ, არავინაა ისეთი ადამიანი, ამ პრობლემას რომ მოაგვარებს? ხალხი კოსმოსში გაფრინდა და ამისთანა მილიონი რამ გაკეთდა, ჯურუყვეთს კი წყალი, გზა და გაზი არ ეღირსა, პაპუასებში ხომ არ ვართ?!" _ წერს ნონა მურვანიძე. "ჩვენთვის არც ერთი მთავრობა არ ყოფილა, თითქოს საქართველოს ნაწილი არ ვიყოთ. ერთი პრობლემა არ მოხსნილა", _ წერს იქვე კიდევ ერთი ფეისბუქმომხმარებელი მელანო თავართქილაძე. იმას, რომ ჯურუყვეთის მოსახლეობას წყალთან დაკავშირებული პრობლემები აწუხებს  "გურია ნიუსთან" საუბრისას ადასტურებს საკრებულოს მოქმედი წევრი და ამ სოფლის  მკვიდრი ამირან გიგინეიშვილი, რომლის თქმით, წყლის მიწოდების პრობლემა, ფაქტობრივად, სოფლის ყველა უბანს აქვს _ "ან საერთოდ არაა წყალი, ან  შეფერხებებით ხდება მიწოდება". ჯურუყვეთის მოქმედი დეპუტატის, სპარტაკ კვაჭაძის თქმით კი, გასულ წელს სოფელში  200-ზე მეტ ოჯახს მოუგვარდა წყლის მიწოდების პრობლემა და ამ კუთხით დამატებითი ინფრასტრუქტურული სამუშაოების გახორციელება დამდეგი  2020 წლისთვისაცაა დაგეგმილი:  "2018  წელს გახორციელებული ინფრასტრუქტურული პროექტით, დაახლოებით, 215 ოჯახს მოუგვარდა უწყლობის პრობლემა. სამომავლოდაც არის შესაბამისი უწყებებიდან დაპირება, რომ გახორციელდება საჭირო ინფრასტრუქტურული პროექტი და ჯურუყვეთში თითოეულ მოსახლემდე მივა წყალი". დეპუტატისვე ინფორმაციით, გარდა აღნიშნული პრობლემისა, მომავალი წლისთვის ჯურუყვეთში გზის სარეაბილიტაციო სამუშაოების გახორციელებაცაა გეგმაში: "2020 წელს სოფელ ეწერიდან ჯურუყვეთის რკინიგზის გადასასვლელამდე  უნდა გახორციელდეს გზის სრული რეაბილიტაცია, ამასთან ეტაპობრივად მოწესრიგდება  სოფლის შიდა გზებიც", _ ამბობს სოფლის მაჟორიტარი. რაც შეეხება მუნიციპალიტეტის მერიის პასუხს მოქალაქეთა მხრიდან ზემოთ გამოთქმულ უკმაყოფილებასთან დაკავშირებით, თითქმის სოფლის დეპუტატის პოზიციის იდენტურია: "ჯურუყვეთის ადმინისტრაციულ ერთეულში 2018 წელს დაიწყო წყალმომარაგების სამუშაოები, რითაც 215 ოჯახს მოუწესრიგდა წყლის პრობლემა. ამ დროისთვის პროექტზე მუშაობა მიმდინარეობს და 2020 წელს დაიწყება სამუშაოები, რომელიც ჯურუყვეთის ადმინისტრაციულ ერთეულს მთლიანად მოიცავს", _ გვითხრა მერიის პრესასთან ურთიერთობის განყოფილების ხელმძღვანელმა მაკა ... ...

არქივი

ზაფრანი

კოკა-კოლას სასარგებლო თვისება

დღესდღეობით თითქმის ყველამ იცის კოკა-კოლას...

რატომ უნდა დადოთ საწოლთან გაჭრილი ლიმონი

ლიმონი ვიტამინი C-ს წყაროა. გარდა...

სიზმრის ახსნა

კბილის გატეხვა ან ამოღება -...

ყავა სიკვდილის რისკს ამცირებს

ცოტა ხნის წინ ესპანეთის ქალაქ...

ჩაის რეცეპტი, რომელიც სიგარეტის მოწევის სურვილს აქრობს

თუ სიგარეტისთვის თავის დანებება გინდათ,...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...