გაუხსნელი მკვლელობის დღემდე უცნობი დეტალები _ რატომ დუმს პოლიცია

მთავარი თემა

გაუხსნელი მკვლელობის დღემდე უცნობი დეტალები _ რატომ დუმს პოლიცია

2016 დეკ 19 22:05:27

2013 წლის 5 აგვისტოს, ღამის თერთმეტ საათზე, ოზურგეთის მუნიციპალიტეტის სოფელ გურიანთაში შემზარავი მკვლელობა მოხდა _ გოჩა გუჯაბიძე საკუთარ სახლთან, დღემდე დაუდგენელმა პირებმა, გვიან ღამით ავტომატებით ჩაცხრილეს.

მიუხედავად იმისა, რომ გოჩა გუჯაბიძის მამას, ვარდენ გუჯაბიძეს მკვლელებთან დაკავშირებით ვერსიები აქვს, რის შესახებაც “გურია ნიუსი“ რამდენჯერმე წერდა, მკვლელობა დღემდე გაუხსნელია.

2015 წლის 16 თებერვალს ,24 წლის ირაკლი კვაჭანტირაძე ქალაქ ოზურგეთში, ე. წ. “მოიდანახეს“ სასაფლაოზე ჩაცხრილეს. მკვლელების ვინაობა დღემდე დაუდგენელია.

საზოგადოებაში ეჭვს იწვევს ის გარემოება, თუ რატომ დუმს აღნიშნულ საქმეებთან დაკავშირებით პოლიცია და პროკურატურა.

ამ დრომდე ჩუმად იყო გოჩა გუჯაბიძის მამაც, რომელიც „გურია ნიუსს“ დუმილის მიზეზს უმხელს. მისი თქმით, ის გააჩერეს იმ მიზეზით, რომ მისი აქტიურობა სავარაუდო მკვლელებს დააფრთხობდა და ხელს შეუშლიდა საქართველოში მათ თავისუფლად გადაადგილებას.

ვარდენ გუჯაბიძე “გურია ნიუსთან“ დღემდე უცნობ დეტალებზე საუბრობს _ ის იმ ადამიანების სახელს და გვარებს ასახელებს, ვინც, მისი მტკიცებით, გოჩა გუჯაბიძის მკვლელობაში ურევია, შემკვეთია და შემსრულებელია.

უდანაშაულობის პრეზუმციის გათვალისწინებით, ჩვენ გუჯაბიძის მიერ დასახელებული პიროვნებების ვინაობას არ ვასაჯაროებთ.

“დაახლოებით, ერთი წლის წინ, გამაფორმებინეს იარაღი, გადამახდევინეს ფული, გამიშვეს ბათუმში. ჩამოვედი თუ არა სახლში, იმ დღესვე დამიბარეს პოლიციაში,. რა ხდება-მეთქი, _ ვიკითხე. მითხრეს, რომ ეს იარაღი ვანო მერაბიშვილს დაეკარგა და დაინტერესდნენ, საიდან გაქვსო. დამიჭირეთ,-მეთქი, _ ვუთხარი. ეს, ალბათ, კიდევ ერთი ნიშანი იყო იმისა, რომ გავჩუმებულიყავი. ვუთხარი პოლიციას, რომ ჩემი თავის დასაცავად ყველაფერს გავაკეთებდი _ შეიძლებოდა, იური ვაზაგაშვილის ბედი გამეზიარებინა. აქამდე ჩუმად ვიყავი, ჩემთვის ვმუშაობდი, რომ გავსულიყავი ჩემი შვილის მკვლელებზე. პოლიციას ვეუბნები პირდაპირ ყველაფერს _ ეს ასეა, ამ დღეს, ამ დროს, ამ ადგილზე ამ ადამიანის დაკვეთით, ამ შემსრულებლებმა ჩაცხრილეს ჩემი შვილი.
ემუქრებოდა კიდეც პოლიციის ყოფილი უფროსი ირაკლი შავიშვილი ჩემს შვილს, თუ არ გინდა, პრობლემები შეგექმნას, დატოვე საქართველოო.

ვერ შევასმინე პოლიციის ვერც ერთ უფროსს ვერაფერი, ვეუბნებოდი, საქმეს თქვენ არ იძიებთ, ჩამოვა ჩემი შვილის მკვლელი თურქეთიდან და მისი ფეხით მივა პოლიციაში,-მეთქი?
მივედი ახალ პროკურორთან და მოვუყევი. მომისმინა და მითხრა, მოვა გამომძიებელი და დაგკითხავსო. არავინ მოსულა საერთოდ, ამბავიც არ უკითხავთ. რაც პოლიციაში უფროსები და მოადგილეები შეიცვალნენ ამ ბოლოს, მას შემდეგ აღარ მივსულვარ _ არც ერთს არ ვიცნობ და არც თავად გამოუჩენიათ ინტერესი. მე თუ არ დავაძალე, არც პროკურატურა და არც პოლიცია არ ინტერესდება. მე თუ არ ვიაქტიურებ, ამათ „აწყობთ“. შემომითვალეს, ნუ აქტიურობ, ამით უფრო აფრთხობ მკვლელებსო.

მე ფიცი მივეცი ჩემს შვილს და ის უნდა ავასრულო, მთლად რომ ჩამცხრილონ, ამ საქმეს ნათელს მოვფენ. 80 წლის გავხდები 13 თებერვალს და ჩემს შვილს კიდევ ვჭირდები. აქამდე თუ ერთ პიროვნებაზე მქონდა ეჭვი, ახლა სხვებიც იკვეთებიან _ ე. გ. და ა. ა., რომლებიც უშიშროებიდან არიან ჩანერგილები და გაიშიფრნენ. ესენი დამკვეთები არიან, შემსრულებელი კი ჩემი სოფლელი გ. ს.-ია. მას ჩემმა შვილმა აჩუქა ვინჩესტერი და ამ ვინჩესტერით ჩაცხრილეს ჩემი შვილი, სამი ტყვია ესროლეს, შემდეგ ავტომატის ჯერი დააცალეს.
წინა ღამით იყო ძველ საავადმყოფოსთან შელაპარაკება და ასე ვთქვათ, „საქმის გარჩევები“, ვისთანაც იყო ეს „გარჩევები“, იმათ პოლიციამ ვერ დაუმტკიცა _ ძმები არიან დ. კ და ა. კ. გომისმთაზე ნახეს იმ ღამეს, ის ჩემი სოფლელიც დაკითხეს, მაგრამ ჩემთან არ მოსულა დასალაპარაკებლად. მართალი რომ იყოს, ხომ მოვიდოდა? მემალება!“

ვარდენ გუჯაბიძე სხვა მნიშვნელოვან დეტალებზეც საუბრობს:

“გეცოდინებათ, ახალგაზრდა ბიჭის ირაკლი კვაჭანტირაძის მკვლელობის ამბავი, რომელიც ზუსტად იმავე მეთოდით არის ჩაცხრილული, ისიც სასაფლაოზე.

მანამდე ირაკლის მამა მოვიდა ჩემთან და მითხრა, ჩემს შვილს შენი ნახვა უნდაო. თავს ვიკავებდი, ისე ცუდად მიხასიათებდნენ. ვფიქრობდი, არ ვიცნობ და ჩემთვის სასიკეთოს რას მეტყვის,-მეთქი, მაგრამ ცნობისმოყვარეობამ მძლია და შევხვდი:

მითხრა, მე შენი ახლობელი ვარო და მომიყვა გოჩას ამბები. ის პიროვნებები ჩამომითვალა ყველა, ვისზეც მე ეჭვი მქონდა, ესენი არიან გარეული შენი შვილის მკვლელობაშიო. შემდეგ მანქანაში ჩამსვა და ყველა მათგანის სახლები მანახა. თუ მეტყვი, მკვლელის თავს ტომარაში ჩადებულს მოგიტანო, _ მითხრა. გადავირიე _ ცოცხალი უნდა ვნახო ჩემი შვილის მკვლელი და მე თვითონ უნდა გავუსწორდე,-მეთქი. კარგიო, _ დამთანხმდა.

გადის რამდენიმე დღე და ვიგებ, ირაკლი კვაჭანტირაძე მოკლეს. ჩემთან სიახლოვეს დავუკავშირე ეს ამბავი. მკვლელობის ამბის შემდეგ კი ჩემი ოჯახის წევრი ჩემს ტელეფონში მესიჯებს კითხულობდა _ მე არ ვიცოდი მესიჯების წაკითხვა. მოსულია ირაკლისგან რამდენიმე შეტყობინება: “ვარდენ ძია, ირაკლი ვარ, შენი ნახვა მინდა, მითხარი დრო, ადგილი.“ ამ მესიჯიდან მეორე თუ მესამდე დღეს ირაკლის სამძიმარზე მივედი.
ასეთი დამთხვევა შეიძლება? მოკლეს ზუსტად ისეთივე ვინჩესტერით, როგორითაც გოჩა. მივედი გამომძიებელთან და ვუთხარი, ასეა,-მეთქი. ექსპერტიზის პასუხს ველოდები და თუ დადგინდა, რომ ვინჩესტერით არის ჩადენილიმკვლელობა, დაგიძახებთო. არავის მოუკითხავს მერე ჩემთან ეს ამბავი.
ირაკლიმ იცოდა გოჩას მკვლელები სად და რომელ ბინაში იმალებოდნენ, ჩემთვის უნდოდა ეს ეთქვა და ამიტომაც მოიშორეს. ვინ იცის, იქნებ, ჩემი მოშორებაც უნდოდათ.

ვისაც პოლიცია აბრალებს კვაჭანტირაძის მკვლელობას, იმ ბიჭის სახლიც მანახა ირაკლიმ, მაგრამ ის გოჩასთან ძალიან კარგ ურთიერთობაში იყო“, _ ამბობს ვარდენ გუჯაბიძე მისი შვილისა და მკვლელობის სავარაუდო დამკვეთს შორის დაპირისპირების დეტალებზე საუბრობს.

„ე.გ. ადრე ქურდული სამყაროს მიმდევარი იყო. საპარლამენტო არჩევნებზე აქტიურად ჩაერთო "ნაცმოძრაობის" სასარგებლო მუშაობაში. როგორც ჩანს, წინა ხელისუფლებასაც "დავერბოვკებული" ჰყავდა და ამუშავებდა, ასე ვთქვათ, "ნასედკა" იყო. მე შემიძლია, მოგიყვანოთ ფაქტები, ა. ა. როგორ დადიოდა საპარლამენტო არჩევნებზე პატიმრების ოჯახებში და როგორ თხოვდა "ნაციონალური მოძრაობისთვის" ხმების შეგროვებას. სამაგიეროდ, პატიმრების სახლში გამოშვებას ჰპირდებოდა; ეუბნებოდა მათი ოჯახების წევრებს, რომ ეს ამბავი პოლიციასთან შეთანხმებული იყო და თვითონ იყო ამ საქმის "ატვეჩაი". ასევე, მუშაობდა ტაქსისტებთან _ ჰყავდა დაქირავებული სპეციალური ტაქსი, რომელსაც ამ ოჯახებში აგზავნიდა და აფრთხილებდა, რომ "5"-იანი შემოეხაზათ, თუ უნდოდათ, რომ მათი შვილები სახლში ციხიდან უვნებელი დაბრუნებულიყვნენ. რამდენიმე კაცი სახლში კი მიუვარდა იმის გამო, რომ ვერ შეასრულა პირობა. ასე ატყუებდა ოჯახებს არჩევნების დროს.

ჩემი შვილი რომ გამოვიდა ციხიდან, რომელიც “ნაციონალური მოძრაობის“ პირადი პატიმარი იყო, დაუბარებია ე. გ-ს და კატეგორიულად დაუსვამს საკითხი, სადაც მე ვიქნები, იქ არ გამეკარო, პოლიციის "ნასედკა" ხარო. გაურჩევიათ საქმე, გაამტყუნეს ე. გ. და გააფრთხილეს, არაფერში ჩაერიო და ჩუმად იყავიო. ამის შემდეგ იბარებდა გოჩა თურმე ე. გ-ს, მაგრამ შეხვედრა არ შედგა. თუმცა, მალე ისე მოკლეს გოჩა, ვერაფრის თქმა ვერ მოასწრო, ერთი კი მითხრა _ მამა, რასაც გეუბნებოდიო...

ყველას გააგებინეთ, რომ ვიცი, ვინ არის ჩემი შვილის მკვლელი და პოლიცია დუმს. დამეხმარეთ სიმართლის დადგენაში. მე, მოხუც მამას მხოლოდ იმიტომ მინდა სიცოცხლე, რომ ჩემს შვილთან პირნათელი წავიდე საფლავში“.

შსს-ში აღნიშნულ მკვლელობებთან დაკავშირებით აცხადებდნენ, რომ გამოძიება მიმდინარეობს 108-ე მუხლით და გამოძიებას აწარმოებს გურიის სამხარეო მთავარი სამმართველო.

თუ რა ეტაპზეა გამოძიება, დღეს შსს პრესსამსახურში გვეუბნებიან, რომ აღნიშნული საქმეები ძალიან ძველია და ინფორმაციისთვის საჯარო ინფორმაციის გაცემის ბიუროს უნდა მივმართოთ.




 ახალი ამბები
  • თბილისში მიტოვებული ჩვილი იპოვესთბილისში, საბურთალოს რაიონში მიტოვებული ჩვილი იპოვეს. თვითმხილველების თქმით, ახალშობილი სტუდენტმა დღეს იპოვა. ჩვილი კალათაში იყო მოთავსებული და თან დედის წერილი ახლდა. როგორც შინაგან საქმეთა სამინისტროში აცხადებენ, საქმეზე გამოძიება სისხლის სამართლის კოდექსის 127-ე მუხლით დაიწყო, რაც სიცოცხლისათვის საშიშ მდგომარეობაში ჩაყენებას გულისხმობს. უწყების ინფორმაციით, ჩვილი კლინიკაშია გადაყვანილი და მის სიცოცხლეს საფრთხე არ ... ...
  • არასრულწლოვანთა პორნოგრაფიის დამზადება და ტრეფიკინგი _ დაკავებულია დამნაშავეთა ჯგუფისაქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის, გენერალური პროკურატურის, ევროპოლის, ამერიკის შეერთებული შტატებისა და ავსტრალიის სამართალდამცავი უწყებების თანამშრომლებმა, ერთობლივად გატარებული ინტენსიური ოპერატიულ-საგამოძიებო ღონისძიებების შედეგად, არასრულწლოვნის ვაჭრობისა და არასრულწლოვნის გამოსახულების შემცველი პორნოგრაფიული ნაწარმოების დამზადება-გასაღების ქსელი გამოავლინეს და ორგანიზებული დანაშაულებრივი ჯგუფის 11 წევრი დააკავეს. აღნიშნული პირების მიერ ჩადენილი დანაშაული 17-დან 20 წლამდე ან უვადო თავისუფლების აღკვეთას ითვალისწინებს. ქართველი და უცხოელი სამართალდამცველები რამდენიმე თვის განმავლობაში ატარებდნენ ინტენსიურ ოპერატიულ-სამძებრო და საგამოძიებო მოქმედებებს. შედეგად, მოსამართლის განჩინების საფუძველზე, დაკავებული არიან: აშშ-ის მოქალაქე, 1961 წელს დაბადებული კ.უ., ავსტრალიის მოქალაქე, 1959 წლის დაბადებული პ.ლ. და საქართველოს მოქალაქეები: 1985 წელს დაბადებული მ.ც., 1984 წელს დაბადებული ს.კ., 1981 წელს დაბადებული გ.ბ., 1978 წელს დაბადებული ბ. ც., 1982 წელს დაბადებული ი.ა., 1981 წელს დაბადებული ქ.ო., , 1989 წელს დაბადებული ს.კ., 1981 წელს დაბადებული დ.ბ. და 1984 წელს დაბადებული გ.ბ. დაკავებულთა შორის არიან პორნოგრაფიული ნაწარმოების დამზადებაში ჩაბმული არასრულწლოვანი ბავშვების მშობლები, მათი ნათესავები და ახლობლები, ასევე, უკანონო ფოტოსალონის მფლობელები და თანამშრომლები. გამოძიებამ დაადგინა, რომ დაკავებულ აშშ-ის და ავსტრალიის მოქალაქეებს, თბილისში, ნაქირავებ ბინებში კონსპირაციულად მოწყობილი ჰქონდათ ფოტოსალონები და უცხოეთში რეალიზაციის მიზნით არასრულწლოვნების გამოსახულების შემცველ პორნოგრაფიულ ნაწარმოებს ამზადებდნენ, რაშიც მათ ქართველი თანამზრახველები ეხმარებოდნენ. ბრალდებულებს დანაშაულებრივ საქმიანობაში, მშობლების თანხმობით, ჩაბმული ჰყავდათ 8-დან 14 წლამდე ასაკის 10-მდე არასრულწლოვანი გოგონა. დანაშაულებრივი ჯგუფის ორგანიზატორები მოზარდების მშობლებს ფოტოების გადაღების სანაცვლოდ 500-დან 3000 ლარამდე თანხას უხდიდნენ. ანგარიშსწორება ხორციელდებოდა ხელზე ან საბანკო ტრანზაქციის გზით. გამოძიებით, ასევე, დადგინდა, რომ აშშ-ს მოქალაქე კ.უ. დანაშაულებრივი გზით მოპოვებული თანხის განაღდებას თბილისში არსებულ სხვადასხვა სავაჭრო ცენტრში განთავსებული კრიპტომატებიდან ახდენდა. პოლიციამ, მოსამართლის განჩინების საფუძველზე უკანონო ფოტოსალონებში ჩატარებული ჩხრეკის შედეგად, ნივთმტკიცებად ამოიღო: ძვირადღირებული ფოტოაპარატები, განათების საშუალებები, რეკვიზიტები და კომპიუტერული ტექნიკა. გარდა აღნიშნულისა, ასევე, ამოღებულია კომპიუტერულ ტექნიკაში, დისკებსა და ფოტოაპარატებში მოთავსებულ მეხსიერების ბარათებზე არსებული არასრულწლოვანთა პორნოგრაფიული ფოტო და ვიდეომასალები. დაზარალებული არასრულწლოვნების უფლებების დაცვის მიზნით, ტარდება შესაბამისი ფსიქო-სოციალური ღონისძიებები. გამოძიება გრძელდება საქართველოს სსკ-ის 255-ე მუხლის მე-3 ნაწილით, 143 პრიმა-2 მუხლის მე-2 ნაწილის „ბ“ ქვეპუნქტით, მე-3 ნაწილის „გ“ ქვეპუნქტით და ამავე მუხლის მე-4 ნაწილის „ა“ ქვეპუნქტით, რაც წინასწარი შეცნობით არასრულწლოვნის გამოსახულების შემცველი პორნოგრაფიული ნაწარმოების დამზადება-გასაღებას, ასევე, ორგანიზებული ჯგუფის მიერ ორი ან მეტი არასრულწლოვნის მიმართ განხორციელებულ ტრეფიკინგს გულისხმობს. აღნიშნულ საქმესთან დაკავშირებით საკუთარი პოზიცია დააფიქსირა ამერიკის შეერთებულმა შტატებმა. კერძოდ, საქართველოში აშშ-ის საელჩოს ინფორმაციით, საერთაშორისო დონეზე კოორდინირებული, რამდენიმე ქვეყნის ჩართულობით განხორციელებული ეს სამართალდაცვითი ღონისძიება, უნდა იყოს გაფრთხილება ყველასთვის, ვინც ბავშვებს ზიანს აყენებს, რომ სამართალდამცავი ორგანოები, საერთაშორისო დონეზე, ერთობლივი ძალისხმევით, ყოველთვის შეძლებენ მათ იდენტიფიცირებას, დაკავებას და პასუხისგებაში მიცემას. ამასთან, ამერიკის საემიგრაციო და საბაჟო უწყების (ICE) შიდა უსაფრთხოების საგამოძიებო სამსახური (HSI) ყოველთვის და ყველგან აღასრულებს თავის ვალდებულებას, რომ დაიცვას ბავშვები მსოფლიოს ნებისმიერ ადგილას იმ ადამიანებისგან, ვინც ბოროტად სარგებლობს ბავშვთა ... ...
  • კახიშვილი თუ შოთაძე?_ ვინ დაიკავებს მთავარი პროკურორის სავარძელსდღეს მედიაში გავრცელებული ინფორმაცია იმის შესახებ, რომ მთავარი პროკურორის თანამდებობაზე ირაკლი შოთაძისა და კახა კახიშვილის კანდიდატურები მოიაზრებოდა, არ დასტურდება. შეგახსენებთ, რომ მედიაში გავრცელებული ინფორმაციით, მთავარი პროკურორის შალვა თადუმაძის უზენაეს სასამართლოში გადასვლის შემდეგ სახელისუფლებო გუნდი მის შემცვლელად ორ კანდიდატურას გახილავდა. ერთ-ერთი ვერსიით, მთავარი პროკურორის ადგილს მთავრობის ადმინისტრაციის უფროსი კახა კახიშვილი დაიკავებდა.  მეორე ვერსიით კი, როგოც მედიასაშუალებები წერდა, არ არის გამორიცხული ამ პოსტზე ყოფილი მთავარი პროკურორი ირაკლი შოთაძე დააბრუნონ, რომელიც თანამდებობიდან სარალიძის მკლვლელობის საქმის სკანდალის გამო აქციების ფონზე გადადგა, თუმცა, აღნიშნული ინფორმაცია არ ... ...
  • „ევროპულმა საქართველომ“ შეწყალებების საქმეზე პროკურატურას მიმართა"ევროპულმა საქართველომ" პრეზიდენტის მიერ შეწყალებულთა საქმეზე გამოძიების დაწყების მოთხოვნით საქართველოს გენერალურ პროკურატურას მიმართა. ირმა ნადირაშვილი აცხადებს, რომ წყაროს მიერ მიწოდებული ინფორმაციით, სავარაუდოდ ადგილი ჰქონდა კორუფციას და ამაში პრეზოდენტის საპარლამენტო მდივანი დიმიტრი გაბუნია იყო ჩართული. ნადირაშვილის თქმით, საკითხზე გაბუნია აუცილებლად უნდა დაიკითხოს. "სალომე ზურაბიშვილმა შეიწყალა სხვადასხვა დანაშაულის ჩამდენი, მათ შორის განზრახ მკვლელობისთვის მსჯავრდებული სამი პირი - რამაზ დევაძე, ასლან ბეჟანიძე და ზურაბ ნადირაძე (ძებნილი). საქართველოს საადვოკატო წრეებთან დაახლოებული პირისგან, წყაროს გაუთქმელობის პირობით მივიღე ინფორმაცია, რომ სალომე ზურაბიშვილის პრეზიდენტობისას თითოეულ კონკრეტულ შემთხვევაში, როდესაც საქმე ეხება ამა თუ იმ პირის შეწყალებას, დაინტერესებული ადამიანები უკავშირდებიან პრეზიდენტის საპარლამენტო მდივანს, დიმიტრი გაბუნიას და მასთან გადიან ფინანსურ საკითხებს, თუ რა ფასად შეიძლება ესა თუ ის პირი იყოს შეწყალებული. ჩემ წყაროს არ აქვს დაზუსტებული ინფორმაცია, არის თუ არა ამ კორუფციულ სქემაში ჩართული უშუალოდ პრეზიდენტი ზურაბიშვილი, თუმცა ვარაუდობს, რომ მისი გვერდის ავლით ასეთი საკითხების მოგვარება არის შეუძლებელი. აღნიშნული წარმოადგენს ინფორმაციას შესაძლო დანაშაულების შესახებ, კერძოდ - სამსახურებრივი უფლებამოსილების ბოროტად გამოყენება, ქრთამის აღება,ქრთამის მიცემა, სამსახურებრივი გულგრილობა",- აცხადებს ნადირაშვილი. ირმა ნადირაშვილი გამოძიების დაუყოვნებლივ დაწყებას მოითხოვს და პროკურატურას მოუწოდებს, რომ გონივრულ ვადებში ჩაატარონ შესაბამისი პროცესუალური მოქმედებები და მოახდინონ კანონით დადგენილი რეაგირება დანაშაულის შესახებ გავრცელებულ ინფორმაციაზე. დიმიტრი გაბუნია ყველა ბრალდებას უარყოფს და ამბობს, რომ მას სისხლის სამართლის საქმეებზე საადვოკატო ლიცენზია არ აქვს.  რეზიდენმა პატიმრების შეწყალებაზე 18 სექტემბერს მორატორიუმი გამოაცხადა.  პრეზიდენტ სალომე ზურაბიშვილს მკვლელობის მუხლით გასამართლებული მსჯავრდებულების შეწყალებასთან დაკავშირებით აკრიტიკებენ. პრესაში გამოითქვა მოსაზრება, თითქოს კონკრეტული მსჯავრდებულების შეწყალებას დიმიტრი გაბუნია ლობირებდა.  საუბარია 2014 წელს პოლიციელ თარაშ მუკბანიანის მკვლელობისთვის, 2004 წელს დავით ოთხმეზურის მკვლელობისა და 1994 წელს გიორგი ქოიავას მკვლელობისთვის მსჯავრდებულების შეწყალებაზე.  სალომე ზურაბიშვილის გაპრეზიდენტების შემდეგ, პრეზიდენტის ადმინისტრაციასთან მოქმედი შეწყალების კომისია რამდენიმე წევრმა დატოვა. მაშინ ადმინისტრაციაში განაცხადეს, რომ კომისიის დაკომპლექტებაზე მუშაობა დაიწყეს, თუმცა ჯერჯერობით კომისია არ მოქმედებს. კრიტიკის ფონზე 6 სექტემბერს სალომე ზუაბიშვილი გამოვიდა ინიციატივით, რომ შეწყალების გამოყენების უფლება დროულად დაიხვეწოს. 2019 წლის მარტში ცნობილი გახდა, რომ შეწყალების კომისია იუსტიციის სამინისტროში ... ...
  • საქართველოს ბანკმა ახალი პროდუქტი- იპოინვესტიცია წარადგინა (R)საქართველოს ბანკმა მომხმარებლისათვის ახალი პროდუქტის- იპოინვესტიციის წარდგენის შესახებ განაცხადა. იპოინვესტიცია არის უძრავი ქონების შეძენის კიდევ ერთი, ახალი შესაძლებლობა მათთვის, ვისაც უკვე აქვს იპოთეკური სესხი. იმისათვის რომ, არსებული ფინანსური ვალდებულების მიუხედავად, მომხმარებელს ჰქონდეს ღირებული ინვესტიციის განხორციელებისა და ფინანსური სარგებლის მიღების შესაძლებლობა, საქართველოს ბანკი მათ სთავაზობს იპოინვესტიციას. იპოინვესტიციით შესაძლებელია ახალი უძრავი ქონების შეძენა მისი გაქირავების მიზნით. ასეთ შემთხვევაში, ბანკი სესხის აღებისას, მომხმარებელს შემოსავლად ჩაუთვლის იმ სამომავლო ქირის თანხას, რაც მან შესაძენი ბინის გაქირავებით უნდა მიიღოს. რაც მთავარია, მომხმარებელი პირველი 6 თვის განმავლობაში სრულიად თავისუფალია როგორც ძირის, ასევე სესხის პროცენტის გადახდისგან. ამ დროის განმავლობაში კი ის მშვიდად შეძლებს მოაწყოს სახლი, გააქირავოს ის და მიიღოს ფინანსური სარგებელი. იპოინვესტიციის შესახებ, დამატებითი ინფორმაციისთვის ეწვიეთ ვებგვერდს: www.sb.ge  ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...