წმიდა გიორგის ქუჩის მცხოვრებლებმა აქცია გამართეს

მთავარი თემა

წმიდა გიორგის ქუჩის მცხოვრებლებმა აქცია გამართეს

2012 ივლ 17 08:40:35

მათი პროტესტის ძირითადი მიზეზი უსაშველოდ მოუწესრიგებელი გზა, წყალი, გაზი და შუქია. რაც აქ გზას სჭირს, თავისუფლად შეიძლება კატასტროფული ეწოდოს, _ გადათხრილი კიდეები, უამრავი სხვადასხვა ზომის წყლით სავსე ორმო, ამოყრილი ასფალტი, მიწის გროვები... როგორც აქაურები ამბობენ, წმიდა გიორგიც რომ წამოდგეს, მგონი, არაფერი ეშველებათ.

_ წყალი რომ გამოეყვანათ, გასული წლის სექტემბერში, ქუჩის ერთ მხარეს არხი გაჭრეს. სექტემბერში დაიწყეს მუშაობა და ოქტომბერში დასრულებას გვპირდებოდნენ. თუმცა, ერთი წელი იქნება მალე, რაც ამ დღეში ჩაგვყარეს. ორმოებში ხან მოხუცი ვარდება, ხან _ ბავშვი. პატარები ეზოს წინ ვერ გაგვიშვია. ნაწილობრივ კი წააყარეს მიწა მილებს, თუმცა, გზიდან ეზოებში შემავალი თხრილების ამოვსებას გვიკრძალავენ, რადგან სამუშაო არ არის დამთავრებულიო. აივსო ეს ორმოები წყლით და ნაირ-ნაირი ზომის გუბეები და თხრილები უთვალავია. მოხუცი კაციც ჩავარდა შიგ და ბავშვიც, დახრჩობას გადაარჩინეს, _ ამბობენ აქციის მონაწილეები.

წმიდა გიორგის ქუჩაზე ასზე მეტი ოჯახი ცხოვრობს. ოზურგეთში, ზოგადად, წყლის პრობლემა მარადიულია და აქედან გამომდინარე, ექადიაც შავ დღეშია, თუმცა, კონკრეტულად ამ ქუჩის მდგომარეობაა საგანგაშო _ ყველა ოჯახის წარმომადგენელი ნახევარი კილომეტრის დაშორებით, დილიდანვე ურიკებით, კასრებით, ვედროებით მიდის და საათობით წყლის რიგში დგას. ზოგს სულაც აქ მოაქვს გასარეცხად ქვაბი და ხალიჩაც კი. ერთი ასეთი ფაქტის შემსწრე ჩვენ თვითონ გავხდით. ეს გარემოება განსაკუთრებით კურიოზული იმიტომ არის, რომ მდინარე ბჟუჟზე მდებარე ხიდის შუა ნაწილში, მოზრდილ გადახსნილ მილში მუდმივად მომდინარი წყალი ქალაქის ცენტრალური წყალსადენისაა და ძირითადად, ტყუილად იღვრება. შემაერთებელი აუზის ავარიულობის გამო, მასში წყალი ვერ ჩაედინება და მუდმივად იკარგება იმ ქუჩის სიახლოვეს, სადაც ხალხი მწყურვალია.

აქცია ხმაურიანი და ემოციური იყო. ქუჩის მეორე მხარეც გადათხრილია, რაც გაზიფიკაციას უკავშირდება. გამოსაცვლელია ელექტრობოძები, რომელთაგან ზოგი გადატეხილია და ზედ სადენებია მიმაგრებული ყოვლად დაუშვებელი ფორმით.

სვეტლანა აფაქიძე, წმიდა გიორგის ქუჩის მცხოვრები: _ გასულ წელს დაიწყეს ამ ქუჩაზე წყლის გაყვანის სამუშაოები, სექტემბერში დაიწყეს და ოქტომბერში დასრულებაზე იყო საუბარი. დეკემბერში გააკეთეთ და მადლობელი დაგირჩებით,-თქო, ვეუბნებოდით. კი ხედავთ, რა არის გაკეთებული _ ხალხს ხაფანგებად ორმოები დაუგეს. გზა ჩვენ არ გვაქვს, წყალი და გაზი, ქუჩის მეორე მხარე გაზის სამუშაოებისთვის გათხარეს. მერე იძახიან, ოპოზიცია ხართო, მე ვამბობ პოზიციურს და პოზიცია ვიქნები, როცა ყველაფერს ისე გააკეთებენ, როგორც ევალებათ, ჩამოიარეს ამასწინათ ამერიკული პეპელა საწინააღმდეგოდ შესაწამლი აპარატებით და ისე ჩაიქროლეს, არც ექადიის უნიკალური ტყე-პარკისკენ გაუხედავთ და არც ცალკეულ უბნებში შესულან. იმ ტყე-პარკში უნიკალური ხის ჯიშებია, რომელიც მოჭრას არ ექვემდებარება და ნადგურდება. მე გავუწევ პრეზიდენტს მეგზურობას და ვაჩვენებ, რა ჭირიც გვჭირს. ოღონდ, თქვენ გააშუქეთ, მივიდეს მის ყურამდე ეგ ამბავი და თვითონაც ინებოს მოსვლა.

სოზარ გულბიანი: _ აგერ, ქუჩის მეორე შესახვევში, მაღლა, 20 ოჯახი ცხოვრობს, ზოგ სოფელში მეტი კომლი არც არის. იქ წყალი ვერ ავაო, ამბობენ. კომუნისტების დროს თუ ადიოდა, ახლა რატომ ვერ ავა? ნაგვის ყუთი ჯერ დადგეს მაღლა, შემდეგ ვიღაცამ ისევ დაბლა ჩამოიტანა და აგერ მეორე ყუთის გვერდით დადგეს, შეეზარათ იქ ასვლა, გადადით და ნახეთ ბჟუჟის ხიდზე, აქედან 300 მეტრში ტყუილად როგორ იღვრება წყალი, ამ ქუჩის მცხოვრებლებს კი ენატრებათ.

თინა მელუა: _ საშველი არ დააყენეს ამ წყლის გაკეთებას. გზაზე, ორმოში ფერშალი მოხუცი კაცი ჩავარდა და ძლივს გადარჩა. წამოდით ჩემს ჭიშკართან და ნახეთ, როგორი ელექტრობოძი დგას _ გადატეხილი და ჩამოკონწიალებული. ამას რომ ენერგოკომპანიის წარმომადგენელი ნახავს და ადგილზე დატოვებს, მითხარით, ნორმალურ ქვეყანაში რა სასჯელს დააკისრებდნენ? მივიტანეთ განცხადება კომპანიაში. მოვიდნენ და გააკეთეს ბოძების აღრიცხვა. დაგვიბარეს, მალე მოვალთო და წავიდნენ. ველოდებით მე და ჩემი "სტოლბა" მაგათ მოსვლას!

მაკა გობრონიძე: _ წყალთან დაკავშირებით რა უბედურებაც გვჭირს, უკვე გითხრეს. ჩვენი ქუჩის გარკვეულ მონაკვეთს ცალ მხარეს ტყე-პარკი ესაზღვრება. გზის გასწვრივ უზარმაზარი ხეებია ჩამწკრივებული. ქარი, ყოველ ამოვარდნაზე, ლამის, ძირს აწვენს. რამდენი ღობე წაქცეულა და დანგრეულა, როცა მოტეხილი ხე დაეცა. თქვეს, რომ წინა მწკრივში მდგარ ხეებს მოჭრიდნენ, თუმცა, არავინ მოსულა, ეტყობა, აუცილებელია მაინცდამაინც ვიღაცას უნდა დაეცეს და მოკლას.

დალი რუსიეშვილი: _ ამ "კანაოში" ორი წლის ბავშვი ორჯერ ჩამივარდა და დახრჩობას ძლივს გადავარჩინე. არ ამოავსოთო, გვეუბნებიან. გამაგებინეთ, როდის ამოავსებენ ამ სასაკლაოს და გვაღირსებენ შეპირებული წყლის გამოყვანას? ვინც საქმეს გააკეთებს, იმის პოზიცია ვარ მე და არ გამაგონოს ვინმემ, ოპოზიცია ხარო! გარდა ამისა, ტრანსპორტის პრობლემაც არის. ქუჩის ბოლოდან ქალაქის ცენტრამდე, თითქმის, სამი კილომეტრია. ადრე იყო სარეისო ავტობუსი, მაგრამ გააუქმეს.

წმინდა გიორგის ქუჩაზე მრავალი სოციალურად დაუცველი ოჯახი ცხოვრობს და აქციაზე მათი წარმომადგენლების გასაჭირიც მოვისმინეთ. აქციის მონაწილეები, განსაკუთრებით შეწუხებული პენსიონერ ვენერა გაზდელიანი-მამალაძის მდგომარეობით არიან _ ამ ქალბატონს ფსიქიურად დაავადებული გერი ჰყავს, რომელიც მისი მისახედია. სოციალური დახმარება ორი წლის წინ გაუუქმეს. საცხოვრებლად უვარგის სახლში ერთი ოთახი მეზობლებმა გაურემონტეს.

ვენერა გაზდელიანი-მამალაძე: _ 67 წლის ვარ. არანაირი სახსარი არ გამაჩნია, არადა, სოციალური სამსახურიდან მიმტკიცებენ, გაქვსო. რა მაქვს _ 17 ძირი თხილი? 3 წელი მქონდა სოციალური დახმარება და ასაკში რომ შევედი, მომიხსნეს. გაჭირვებით ვთოხნი და ვბარავ, რომ ცოტა სიმინდი და პატარა ბოსტანი მქონდეს. პოლისი კი მაქვს და ამ სიკეთეს ვხედავ _ ფეხი მქონდა მოტეხილი და რომ არა პოლისი, ახლა ცოცხალიც არ ვიქნებოდი.

განსაკუთრებით მძიმე მოსასმენია აქ მცხოვრები მაია აფაქიძის მონაყოლი, რომელსაც ხელში ორიოდე წლის შვილიშვილი უჭირავს: _ შუქი გათიშული მაქვს _ ვერ გადავიხადე. ორი პატარა შვილიშვილი სიბნელეში მყავს, ჩემი ვაჟები და რძალი, როგორც მე, უმუშევრები არიან. მეუღლე გურიის ტელევიზიაში მუშაობს და მისი 80-ლარიანი ხელფასის შემყურე ვართ. განა არ ვიმუშავებ, მაგრამ დამლაგებლის ადგილიც ვერ ვიშოვნე. ოღონდ იყოს და სამუშაოს როგორ დავიწუნებ?

ანალოგიური მდგომარეობა აქვთ მზია ლომინაძეს და ლერი ბზიკაძეს, მურმან და ცისანა გულბიანებს _ მათ სოციალური დახმარება ან გაუუქმეს ან საერთოდ არ დაუნიშნეს.

ის იყო, აქცია დასრულდა, სად იყო და სად არა, ოზურგეთის მუნიციპალიტეტის გამგებლის მოადგილე მიხეილ გოგოტიშვილიც გამოჩნდა. საპროტესტო აქციის მონაწილეები მას ხმაურით შეხვდნენ და ხმამაღალი შელაპარაკებაც მოხდა. მიხეილ გოგოტიშვილმა მათ განუცხადა, რომ წყლის რეაბილიტაციას 350 მეტრი სიგრძის მილი აკლდა და დღეისთვის ის შეძენილი, ჩამოტანილი და დასაწყობებულია. ზეგიდან კი დაიწყება აქ ამოტანა და სამუშაოების გაგრძელება.

"გურია ნიუსმა" მას რამდენიმე კითხვა დაუსვა:

_ ბატონო მიხეილ, მოსახლეობას აინტერესებს, როდის მოხდება, ბოლოს და ბოლოს, ამ სამუშაოების დასრულება?

_ წყალი როდის იქნება, ზუსტად ვერ გეტყვით. ამორტიზებული მილები შეუერთდება ცენტრალურ წყალსადენს, დანარჩენს შესაბამის სამსახურში გეტყვიან.

_ აქ ელექტროგაყვანილობის ბოძები დამპალი და ძალიან სახიფათო მდგომარეობაშია. ხალხი შეშინებულია. როდის მოხდება შეცვლა?

_ ძალიან მალე მოხდება. მალე, მალე.

_ ეს მხოლოდ ცნობილი შეპირებებია...

_ გასაგებია, მაგრამ ამ ყველაფერს სჭირდება თანხები, ჩვენ ჯერ კიდევ არ გვაქვს ისეთი ფუფუნება, რომ ყველაფერი ერთბაშად გავაკეთოთ. ლამპის შუქზე ვიყავით. მალე გაკეთდება ყველაფერი. რაც შეეხება წყლის ტყუილად დაღვრას, ავზი ავარიულ მდგომარეობაშია და ეს პრობლემაც მალე მოგვარდება.

მიხეილ გოგოტიშვილი ასევე დაპირდა აქციის მონაწილეებს ქუჩის ნუმერაციის მოგვარებას. რაც შეეხება ტრანსპორტის საკითხს, ეს არ ვიცოდით, განვიხილავთ და გადაწყვეტილებას მივიღებთო, თქვა.

ჯერჯერობით კი, წმიდა გიორგის ქუჩის მცხოვრებლებს პრობლემები პრობლემებად რჩებათ.

სტატიის დასასრულს, აქციის მონაწილეთა მიერ ხელისუფლების მისამართით თქმულ შეგონებას გავიმეორებთ: _ ახლა არ დაიწყოთ პოზიცია-ოპოზიციონერის იარლიყების მიწებება-მოწებება. თუ მაინცდამაინც, ქუჩის ნუმერაცია მოაწესრიგეთ, წელიწადში ცხრაჯერ რომ გვიცვლიან და ვეღარ დავიმახსოვრეთ, რომელ ნომერ სახლში ვცხოვრობთო.




 ახალი ამბები
  • ბათუმში ავტომობილი არასრულწლოვნებს დაეჯახაავტოსაგზაო შემთხვევა მოხდა ბათუმში. რუსთაველის ქუჩაზე  2 მოზარდს მსუბუქი ავტომობილი დაეჯახა. დაშავებულები სასწრაფო დახმარებამ ბათუმის დედათა და ბავშვთა ცენტრში გადაიყვანა.   გოგონებს დაზიანება თავის არეში აქვთ მიღებული. ამ დროისთვის ისინი გამოკვლევაზე იმყოფებიან, რის შემდეგაც, დადგინდება დაზიანების ხარისხი და მათი ჯანმრთელობის მდგომარეობა.  მომხდართან დაკავშირებით მიმდინარეობს ... ...
  • ვინ უნდა მოერიდოს მარიხუანას მოხმარებასმარიხუანას მოხმარება სიგარეტის მოწევაზე მეტად პოპულარულია, თუმცა, ამერიკის კარდიოლოგიის კოლეჯის  ჟურნალში გამოქვეყნებული კვლევის მიხედვით,  კარდიოლოგები ამბობენ, რომ მარიხუანას მოხმარება საფრთხეს უქმნის ადამიანებს, რომლებსაც გულ-სისხლძარღვებთან დაკავშირებული პრობლემები აქვთ. კარდიოლოგებმა მარიხუანას მოხმარებასა და გულის დაავადებებს შორის კავშირი აღმოაჩინეს. კვლევის ავტორების თქმით, ადამიანებს, რომლებსაც გულთან დაკავშირებული პრობლემები აქვთ, უნდა მიეცეთ რჩევა, რომ ან თავი დაანებონ  მარიხუანას მოხმარებას ან შეამცირონ. კვლევის ავტორების თქმით, ამ დროისთვის 2 მილიონზე მეტი ადამიანი იყენებს მარიხუანას, რომლებსაც გულსისხლძარღვებთან დაკავშირებული პრობლემები აქვთ, მათ შორის, არიან ის ადამიანებიც, რომლებიც მარიხუნას სამკურნალო მიზნით იყენებენ. კვლევის მიხედვით, მარიხუანას მოხმარებას ზოგიერთ კარდიოვასკულური მედიკამენტის ეფექტზე შეუძლია გავლენის მოხდენა, მაგალითად, სტატინებზე. ექსპერტების თქმით, კარდიოლოგებმა უნდა ჰკითხონ პაციენტებს რა სახით და რამდენად ხშირად იყენებენ მარიხუანას, ჩაუტარონ მათ ტესტირება, განსაკუთრებით კი ეს ეხება იმ ადამიანებს, რომლებსაც გადანერგილი გული აქვთ ან გულის უკმარისობა აწუხებთ ან გულის შეტევა აქვთ გადატანილი. მათივე თქმით, ექიმებმა უნდა მიაწოდონ ინფორმაცია პაციენტებს, რომ განსაკუთრებით სახიფათო მარიხუანას ვაპინგი და სინთეზური კანაბინოიდების მოხმარებაა, რაც უფრო მეტ უარყოფით გავლენას ახდენს ადამიანის ... ...
  • რატომ ვერ სარგებლობენ სამტრედიაში ააიპ ,,სახლი თანადგომას" ბენეფიციარები უფასო კვებითსამტრედიაში, ააიპ-ი ,,სახლი თანადგომას" ბენეფიციარები, 22 იანვრის მდგომარეობით, უფასო კვებით ვერ სარგებლობენ. როგორც ,,გურია ნიუსს" უთხრეს, უფასო სასადილოს ფუნქციონირების პრობლემა ყოველი წლის დასაწყისში ექმნება.  აღნიშნულ საკითხზე სასაუბროდ ,,გურია ნიუსი" დაუკავშირდა ,,სახლი თანადგომას" დირექტორს, მზევინარ ბოხუას. ბოხუას თქმით, სასადილო ახალი წლიდან ფუნქციონირების გაგრძელებას მათგან დამოუკიდებელი მიზეზების გამო ვერ ახერხებს, რადგან კვების პროდუქტების შესყიდვაზე აუცილებელია ტენდერის გამოცხადება და სასადილო მუშობას ტენდერის დასრულების შემდეგ შეუდგება. ,,კანონის მიხედვით, საკვების მომწოდებლებზე ტენდერს მომდევნო წლის ბიუჯეტის დამტკიცებამდე ვერ ვაცხადებთ. ამდენად, იანვარი ჩვენთვის განსაკუთრებულად დაძაბული თვეა. ბენეფიციარები მოდიან ადმინისტრაციულ შენობაში და სადილს გვთხოვენ. როცა შიათ, ტენდერი არ აინტერესებთ. უფასო სასადილოში ის კატეგორია გვყავს, ვისთვისაც დღეში ერხელ სრულფასოვანი კვება სასიცოცხლოდ მნიშვნელოვანია,“_ამბობს ბოხუა. ცნობისთვის, ,,სახლი თანადგომამ" ტენდერი 2019 წლის  23 დეკემბერს, ბიუჯეტის დამტკიცებისთანავე გამოაცხადა 3 ტენდერი. სამიდან ორი შედგა, ხოლო ხორცის მომწოდებელზე-ჩაიშალა. "ხორცის ტენდერის გამოცხადება ხელახლა მოგვიხდა, 13 იანვრიდან გამარჯვებულს ველოდებით. შარშან 24 იანვრიდან შევუდექით მუშაობას, იმედია, წელს, იანვრის ბოლოსთვის მაინც შევძლებთ უფასო სასადილოს ამოქმედებას,“_ დასძენს  ,,სახლი თანადგომას"დირექტორი, მზევინარ ... ...
  • ნარინჯისფერი რთველი დასრულდანარინჯისფერი რთველი დასრულდა. როგორც გარემოს დაცვისა და სოფლის მეურნეობის სამინისტროში ამბობენ, 2019 წელი საქართველოში მანდარინის განსაკუთრებულად მაღალი ხარისხის მოსავალით გამოირჩეოდა. წინასწარი ინფორმაციით, მოსავლის რაოდენობამ 50 ათას ტონას გადააჭარბა, ხოლო ექსპორტმა, გასული წლის სექტემბერ-იანვრის თვეში, 31 ათასი ტონა შეადგინა, რაც 5%-ით აღემატება 2018 წლის ანალოგიური პერიოდის მაჩვენებელს. ექსპორტი განხორციელდა: რუსეთში (20.0 ათასი ტ), უკრაინაში (5.2 ათასი ტ), სომხეთში (4.4 ათასი ტ), ბელარუსში (319 ტ), ყაზახეთში (140 ტ), ყირგიზეთში (58 ტ) საექსპორტო ქვეყნებს წელს დაემატა:სლოვენია, მოლდოვა, ლიეტუვა, პოლონეთი, ყატარი და სინგაპური. პროდუქციის მაღალი ხარისხი პირდაპირპროპორციულად განაპირობებდა მაღალ საბაზრო ფასს. მანდარინზე საბითუმო ფასი 0.6-დან 2.0 ლარამდე იყო. სამრეწველო გადამუშავებისთვის, ქარხნების მიერ მიღებული არასტანდარტული მანდარინის რაოდენობამ, 19 იანვრის მდგომარეობით 10 ათასი ტონა შეადგინა. აღსანიშნავია, რომ წლევანდელი მოსავალის მაღალი ხარისხი დიდწილად განაპირობა აზიური ფაროსანას წინააღმდეგ სახელმწიფოს მიერ გატარებულმა მასშტაბურმა ღონისძიებებმა. ბრძოლის პროგრამის ფარგლებში, ნარგავებში ჩატარდა პრევენციული ღონისძიებები - თერმული ნისლით დამუშავდა ტერიტორიები, რამაც მინიმუმამდე შეამცირა მავნებლის მიერ ციტრუსის კულტურის დაზიანება. ნარინჯისფერი რთველის ორგანიზებულად ჩატარების მიზნით, გარემოს დაცვისა და სოფლის მეურნეობის სამინისტროსა და აჭარის მთავრობის ხელშეწყობით, აქტიურად მუშაობდა ციტრუსის რეალიზაციის საკოორდინაციო შტაბი, რომლის ფუნქციონირების ძირითადი მიზანი მანდარინის ჩაბარების პროცესის შეუფერხებელი მიმდინარეობის უზრუნველყოფა იყო. საჭირო ინფორმაციის ოპერატიულად მისაღებად, მოქმედებდა საქართველოს გარემოს დაცვისა და სოფლის მეურნეობის სამინისტროს ცხელი ხაზიც ... ...
  • "40 წელია, არჩევანში ასე არ გამმართლებია, ამოისუნთქა მელექედურმა!" _ ოპოზიციონერის მადლობა მერსსოფლის მხარდაჭერის პროგრამის კრებაზე, ოზურგეთის მუნიციპალიტეტის სოფელ მელექედურში, აქაურმა, როგორც თავად თქვა, „ევროპული საქართველოს “ წევრმა და მუდამ საარჩევნო კომისიის შემადგენლობაში მყოფმა, ნაზი სალუქვაძემ, ოზურგეთის მუნიციპალიტეტის მერს, კოტე შარაშენიძეს საგანგებო მადლობა მოუხადა: _ 40 წელია არჩევანში ასე არ გამმართლებია! ამოისუნთქა მელექედურმა! მადლობას გიხდით, რომ გაგვიმართლეთ იმედები არჩევის შემდეგ, _ უთრა მან შარაშენიძეს. თავის მხრივ, მერმაც მადლობა მოუხადა აღფრთოვანებულ მელექედურელ ქალბატონს. კითხვაზე, ყველაზე ძალიან რით მოიხიბლა ქალბატონი ზინა, მან თქვა რომ შარშან სოფელში გაკეთდა და გალამაზდა სკვერი, რაც თვალს უხარია: _ აწი გაკეთდება კიდევ ბევრი რამ, _ თქვა მან. კვლავ კითხვაზე, შარშან გამოყოფილი 40 ათასი ლარით, სკვერის გარდა, რა გაკეთდა ან ახლა რის გაკეთების სურვილი აქვს 40 ათასი ლარით, რომლის ირგვლივ ადგილობრივები კარგად არ არიან შეთანხმებული და მთავარი აწი უნდა გადაწყდეს, სალუქვაძემ თქვა, რომ ის ფინანსებში კარგად ვერ ერკვევა: _ არ ვერკვევი კარგად ფინანსებში, მთავარია, გაკეთდეს საქმე, _ თქვა ... ...

არქივი

ზაფრანი

დილით დასვენებულმა რომ გაიღვიძოთ

ორგანიზმი ძილის დროს ახალგაზრდავდება, დუნდება...

ფინანსური სტაბილურობა და ასტროლოგია

გთავაზობთ იმ ნიშნების ჩამონათვალს, რომლებიც...

როგორ დავგეგმოთ წარმატებული კვირა

ვედურ ასტროლოგიაში არსებობს კონკრეტული რჩევები...

შეყვარებულის ყოლა ასუქებს…

ქუინსლენდის უნივერსიტეტში ჩატარებული კვლევის ფარგლებში...

უვარგისი ქმრები და ასტროლოგია

წარმოგიდგენთ უსაქმურობისკენ მიდრეკილი და ინერტული...

იუმორი და ასტროლოგია

ვერძი - მუშაობს პრობლემური სესხების...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...