რატომ დააჯარიმეს "შეცდომით" მილიონიდან მილიარდ ლარამდე ლანჩხუთელი "მეოცნებეები"?

მთავარი თემა

რატომ დააჯარიმეს "შეცდომით" მილიონიდან მილიარდ ლარამდე ლანჩხუთელი "მეოცნებეები"?

28 ივლ. 2012, 17:27:02
დაჯარიმებულთა შორის არიან სოსო ბოლქვაძე, რომან ბიწაძე და ელგუჯა ჩხაიძე, ასევე კოალიციის ოფისში მომუშავე პირები და რიგითი მხარდამჭერებიც! ერთობ გასაკვირია, რით უნდა დაფარონ ზემოთ ჩამოთვლილმა პირებმა თითო მილიონი ლარი? გავრცელებული ინფორმაციით, დაჯარიმებულთა შორის უმეტესად ის ხალხია, რომლებმაც "ქართული ოცნების" მიერ ჩატარებულ "კარდაკარში" მიიღეს მონაწილეობა და კუთვნილი ხელფასების მისაღებად საქართველოს ბანკში პლასტიკური ბარათები დაამზადებინეს. სიტუაცია იმაზე უფრო კომიკურია, ვიდრე, ალბათ, დამჯარიმებლებს ეგონათ!

ჩვენ კომენტარისთვის "ქართული ოცნების" ლანჩხუთის ოფისის ერთ-ერთ ლიდერს, რომან ბიწაძეს დავუკავშირდით:

_ ბატონო რომან, რა მოხდა საბანკო ანგარიშებთან დაკავშირებით?

_ მივედი "საქართველოს ბანკში" და აღმოვაჩინე, რომ თურმე მილიონით ვარ დაჯარიმებული და ეს თანხა მინუსად მიზის ანგარიშზე.

_ რატომ მიხვედით ბანკში _ იცოდით ამის შესახებ?

_ არა, დავალიანების შესახებ, რა თქმა უნდა, არაფერი ვიცოდი. "საქართველოს ბანკში" მაქვს სესხი, რომლითაც კომპიუტერი შევიძინე. ყოველთვიურად ვიხდი 35 ლარს. გადასახდელად მისულს ვალი აღმომაჩნდა მილიონი ლარი! თავიდან ოპერატორს, ნიკა ცინცაძეს ჩვეულებრივ ვთხოვე სესხის დაფარვის ოპერაციის შესრულება. ისიც თავაზიანად შეუდგა საქმეს, თუმცა, მალევე მომიბოდიშა _ ანგარიში დაყადაღებულია და ოპერაციას ვერ ვასრულებო. ნიკა სერვისცენტრის მენეჯერთან შევიდა, თუმცა, ბანკში საქმის კურსში მყოფი და პასუხისგამცემი არავინ აღმოჩნდა. რა თქმა უნდა, ეს არ მომხდარა ბანკის სურვილით _ ეს არის ხელისუფლების მორიგი უკანონო ქმედება, რითაც სურს ჩვენს მომხრეებზე ზეწოლა მოახდინონ, მაგრამ ამას ამით ვერ მოახერხებენ!

_ საიდან იცით, რომ მილიონიანი დავალიანება გერიცხებათ?

_ როდესაც სესხი ვერ გადავიხადე და გამოვდიოდი ბანკიდან, იქვე ბანკომატში შევამოწმე ჩემი პლასტიკური ბარათი და აღმოჩნდა, რომ მერიცხება დავალიანება 999 954 ლარი. როგორც ჩანს, გამოაკლეს ის 40 ლარი, რაც ანგარიშზე მქონდა და რითაც სესხის დაფარვას ვაპირებდი. ეს ფული წაიღეს და დანარჩენი ვალად მადევს. იქვე შემთხვევით შეესწრო ამ ამბავს შოთა ფირცხალაიშვილი, რომელმაც ასევე შეამოწმა პლასტიკური ბარათი და აღმოაჩნდა, რომ ერიცხება მილიონი ლარი დავალიანება. ამის შემხედვარე შეუძლოდ გახდა და სასწრაფო სამედიცინო დახმარების გამოძახება დაგვჭირდა მისი საავადმყოფოში გადასაყვანად. ასევე მილიონიანი დავალიანება ერიცხებათ სოსო ბოლქვაძეს, ელგუჯა ჩხაიძეს და რაც უნდა გაგიკვირდეთ, რიგით მხარდამჭერებსაც!

_ რას უკავშირებთ ამხელა დავალიანებას, ანუ არგუმენტი რა აქვთ?

_ არანაირი არგუმენტი არ აქვს ბანკს. მე არც რაიმე შემიწირია კოალიციისთვის და არც რაიმე ანაზღაურება მიმიღია. ყადაღას სასამართლოს გადაწყვეტილება სჭირდება _ ასეთ შემთხვევაში მე უნდა დავეძახებინე სასამართლოს. ბანკსაც უნდა ეცნობებინა, რომ ასეთი პრობლემა იყო. სესხის გადახდაზე თუ მიგზავნის სმს-შეტყობინებას, ხომ ლოგიკურია ამხელა "დავალიანების" დროსაც უნდა ჩამაყენოს საქმის კურსში? ახლა პრობლემა მექმნება სესხის გადაუხდელობის გამო. ეს არის პოლიტიკური გადაწყვეტილება და სხვა არაფერი!

მართალია, "საქართველოს ბანკმა" მოგვიანებით გამოაცხადა, რომ ეს ტექნიკური შეცდომა იყო (მხოლოდ "მეოცნებეებზე" რომ "მოქმედებს", ალბათ) და მალე გასწორდება ყველაფერი, თუმცა "დაყადაღებულები" ახლა იმაზე იმტვრევენ თავს, კანონში შეტანილი ის ცვლილება არ შეეხოთ, რაც 3 წლამდე პატიმრობას ითვალისწინებს _ ყადაღაზე ინფორმაციის გავრცელების გამო. შაბათს მათ ბანკის ოფისთან აქციაც გამართეს. "დაგვეხმარეთ, ბატონო, მილიარდი გვაქვს დავალიანება", _ ასეთი ირონიული იყვნენ აქციის მონაწილეების ხელისუფლების მიმართ. შოთა ფირცხალაიშვილმა კი, რომელიც ამ ამბის გამო რეანიმაციაში მოხვდა, გვითხრა, რომ ბანკისაგან კომპენსაციას ითხოვს ჯარიმის 7%-ს. სავარაუდოდ, ეს ციფრი "ქართული ოცნების" საარჩევნო ნომრის საპიაროდ გამოიყენა.

"ახლა გვითხრეს, რომ ყადაღა ამ დროისთვის არ გვერიცხება. ორაზროვანი პასუხია – ანუ მანამდე გვერიცხებოდა, ხომ? ალბათ, ყადაღა იმიტომ მოგვიხსნეს, რომ მილიარდიანი დავალიანების დაფარვა მოვახერხოთ, ბარათებზე ისევ ცხრა 9-იანი გვადევს ვალად," _ გვითხრა ერთ-ერთმა დაზარალებულმა, ნინო ებრალიძემ.




 ახალი ამბები
  • რა გადაწყვეტილებები უძღოდა წინ საგანგებო მდგომარეობის გამოცხადებასსაქართველოს პარლამენტში პრემიერ-მინისტრის მოხსენებას უსმენენ. პრემიერმა კორონავირუსის შეჩერების მიზნით ქვეყანაში გადადგმული ნაბიჯების შესახებ ისაუბრა და განმარტა  გადაწყვეტილებები, რაც წინ უძღოდა საგანგებო მდგომარეობის გამოცხადებას. „დღეს საქართველოში არსებობს  297 000 სტაციონარი სულ 17 594 საწოლზე. აქედან სპეციალიზირებული დანიშნულების ჰოსპიტალები რომ გამოვაკლოთ რჩება დაახლოებით 10 000 საწოლი. აქედან ინტენსიური თერაპიის საწოლი ქვეყანაში არსებობს 2290, მაგრამ რესპირატული დაავადებებისთვის სასუნთქი აპარატებით აღჭურვილი გვაქვს  1749 საწოლი, რომელიც იყო ტექნიკურად მზად რომ ემკურნალა კოვიდ პაციენტებისთვის. დღეს ქვეყანაში გვყავს 488 რეანიმატოლოგი, რომელსაც ერთდროულად შეუძლია 1200 ინფექციური პაციენტის მომსახურეობა. ინფექციონისტი დღეს ქვეყანაში გვყავს 256. დღეში შეუძლია 853 პაციენტის მართვა. სასუნთქი აპარატების, საწოლების, ექიმების რაოდენობით ვხედავდით, რომ ქვეყანას შეეძლო ამ რაოდენობის პაციენტების მართვა. ეს იყო პერიოდი, როდესაც გამოჩნდა ქვეყანაში ასე თუ ისე ნორმალურად დასაბუთებული საერთაშორისო პროგნოზები, რომელზე დაყრდნობითაც მთავრობა მოქმედებდა. ეს იყო პენსილვანიის უნივერსიტეტის მოდელი, რომელიც მიუთითებდა რომ შიდა გავრცელების შემდეგ ქვეყანაში ინფიცირებულთა რაოდენობა იქნებოდა 5 950. შემდეგი იყო ბაზელის უნივერსიტეტის მოდელი, რომელიც ამბობდა რომ პირველი შიდა გავრცელების შემთხვევიდან 13-14 კვირაში ჰოსპიტალიზირებულების რაოდენობა იქნებოდა 5 100 და აშშ-ს დააავადებათა კონტროლისა და პრევენციის ცენტრის მოდელი, რომელიც ამბობდა რომ ქვეყანაში პირველი გავრცელების შემთვევიდან 5-6 კვირაში იქნებოდა 3000 შემთხვევა. ამ შემთხვევაში ინფიცირებულების მკურნალობის რაოდენობას, იგულისხმება ინფიცირებულების 20%. ამიტომ იყო ეს გადაწყვეტილებები მიღებული, რომელიც მოგვიწია“,_ განაცხადა ... ...
  • რას ურჩევენ დასაქმებულებს, რომლებიც არაანაზღაურებად შვებულებაში გაუშვესყველაზე მწვავედ პანდემია შრომის ბაზარს შეეხო, რამაც თავის მხრივ, დღის წესრიგში დააყენა შრომით-სამართლებრივი კანონმდებლობის აქტუალური საკითხების ახლებურად მოწესრიგებისა და გარკვეული მიდგომების გადაფასებების საკითხები. ჩვენ შევისწავლეთ დამსაქმებლის მიერ დასაქმებულების არაანაზღაურებად შვებულებაში გაშვების ტენდენციები, რაც შრომითი კონტრაქტების, ფაქტობრივად, შეწყვეტის ან შეჩერების მიზანს ემსახურება, მხარეთა შორის სამართლებრივი დავის პერსპექტივები და გვსურს ვუთხრათ პირებს, რომლებიც გახდნენ არაანაზღაურებადი შვებულების მხარეები, დავის სასამართლოში წარმოების შემთხვევაში, მათი მოთხოვნები დასაბუთდეს დროებითი შრომისუუნარობის საფუძვლებით, ვინაიდან დავებს ასეთ შემთხვევაში, მეტი პერსპექტივა ექნება. აღნიშნულის შესახებ ორგანიზაცია „ახალგაზრდა ადვოკატების“ მთავარმა იურისტმა, ნიკა გოგბერაშვილმა განაცხადა. ნიკა გოგბერაშვილის განცხადებით, უშუალოდ ორგანიზაციისთვის მოწოდებული ინფორმაციის თანახმად, დამსაქმებლების გარკვეული ნაწილი აიძულებს თანამშრომლებს განუსაზღვრელი ვადით აიღონ ანაზღაურების გარეშე შვებულება. ხშირ შემთხვევაში კი ვაწყდებით დამსაქმებლთა მხრიდან ცალმხრივად მიღებულ აქტებს თანამშრომელთა ანაზღაურების გარეშე შვებულებაში გაშვების თაობაზე. რატომ მივიღეთ მსგავსი მოცემულობა და რა ტენდენციასთან გვაქვს საქმე, შეიძლება აიხსნას მხოლოდ და მხოლოდ ორი მიზეზით. პირველი - ეს არის ის იდეალური მდგომარეობა, როდესაც ყველა დამსაქმებელი ზედმიწევნით იცნობს და იცავს შრომით კანონმდებლობას, მაგრამ იძულებულია ამგვარად მოიქცეს, რადგან არ არსებობს შესაბამისი საკანონმდებლო მოწესრიგება. მეორე განმაპირობებელი მიზეზი კი, უბრალოდ ეს არის - კანონმდებლობის არცოდნა და საკუთარ თავზე ნაკლები სამოქალაქო პასუხისმგებლობის აღება. თუმცა, რა თქმა უნდა, არცერთი შემთხვევა არ გამორიცხავს კანონის დარღვევას. სწორი პასუხი კითხვაზე, თუ რომელი მიზეზი გვაქვს სახეზე, გადამწყვეტია იმ თვალსაზრისით, რომ მისი დადგენის შემთხვევაში, შესაძლებელი გახდება ხარვეზის აღმოფხვრა და სამომავლოდ უკეთესი რეგულაციის ჩამოყალიბება. იმისათვის, რომ შეკითხვას პასუხი გაეცეს, აუცილებელია შევაფასოთ არსებული კანონმდებლობა იმ თვალსაზრისით, თუ რამდენად არის შესაძლებელი შრომითი ურთიერთობის იმგვარად შეჩერება, რომ დამსაქმებელს არ მოუწიოს აბსურდული გადაწყვეტილებების მიღება და  კანონმდებლობის გაუაზრებელი დარღვევა. საქართველოს შრომის კოდექსი იცნობს ისეთ ტერმინს, როგორიცაა „დროებითი შრომისუუნარობა“. ისევე, როგორც „შვებულება“, აღნიშნული წარმოადგენს შრომითი ურთიერთობის შეჩერების და არა - შეწყვეტის საფუძველს. კოდექსის თანახმად, დროებითი შრომისუუნარობა, თუ მისი ვადა არ აღემატება, ზედიზედ 40 კალენდარულ დღეს, ან 6 თვის განმავლობაში საერთო ვადა არ აღემატება 60 კალენდარულ დღეს, არ იწვევს შრომითი ურთიერთობის შეწყვეტას. კოდექსი პირდაპირი სახით არ განსაზღვრავს, თუ რა ითვლება დროებით შრომისუუნარობად, თუმცა საკითხს მეტ-ნაკლებად აწესრიგებს საქართველოს შრომის, ჯანმრთელობისა და სოციალური დაცვის მინისტრის №87/ნ ბრძანება, რომლის მიხედვითაც, დროებით შრომისუუნაროდ ითვლება პირი, რომელსაც არ შეუძლია შეასრულოს შრომითი კონტრაქტით მისთვის დაკისრებული ვალდებულება: ა) დაავადებით ან დასახიჩრებით გამოწვეული შრომის უნარის დაკარგვის შემთხვევაში, ბ) ოჯახის ავადმყოფი წევრის მოვლის გამო, გ) კარანტინის გამო და დ) პროთეზირების გამო. როგორც აღმოჩნდა, დროებითი შრომისუუნარობის ერთ-ერთ მიზეზს წარმოადგენს კარანტინი. შესაბამისად, ზემოთ დასმულ შეკითხვაზე, პასუხად შეიძლება ვთქვათ, რომ ჩვენს ქვეყანაში არსებობს ისეთი კანონქვემდებარე აქტი მაინც, რომელიც მოუწესრიგებლად და შესაბამისი სამართლებრივი სტატუსის გარეშე, არ ტოვებს კარანტინის პიროებში დასაქმებულთა მდგომარეობას. რა თქმა უნდა, ეს არ არის საკმარისი და საჭიროება მოითხოვს კანონმდებლობის ამ კუთხით მეტად დახვეწას და იმგვარად ჩამოყალიბებას, რომ მას ჰქონდეს ერთიანი საკანონმდებლო აქტის სახე. რადგანაც პირველი მიზეზი მეტნაკლებად გამოირიცხა, საქმე გვაქვს, დამსაქმებელთა მხრიდან შრომითი კანონმდებლობის არცოდნასთან, რასაც მივყავართ იმ უკიდურეს შედეგამდე, რასაც ორივე მხარის მორალური თუ ეკონომიკური დაზიანება ჰქვია. მინისტრის ბრძანება მხოლოდ იმას კი არ ადგენს, თუ ვინ ითვლება დროებით შრომისუუნარო პირად, არამედ იგი უმთავრესად განსაზღვრავს დროებითი შრომისუუნარობის ანაზღაურების წესსა და პირობებს. დროებითი შრომისუუნარობის გამო დახმარება ენიშნება ყოველ დასაქმებულს/მოსამსახურეს. დროებითი შრომისუუნარობის გამო, დახმარების დანიშვნას, გაანგარიშებას და გაცემას ახდენს - დასაქმებულის შემთხვევაში, შესაბამისი დამსაქმებელი, ხოლო მოსამსახურის შემთხვევაში – შესაბამისი საბიუჯეტო (სახაზინო) დაწესებულება. რაც შეეხება გაანგარიშების წესს, საბაზისო თანხას წარმოადგენს შრომითი ხელშეკრულებით განსაზღვრული შრომის ანაზღაურების ოდენობა. ეს ნიშნავს იმას, რომ დახმარების საერთო თანხა განისაზღვრება შეჯამებულად, სამუშაო თვეში საშუალო დღიური ხელფასის გამრავლებით მოცემულ თვეში შრომისუუნარობის გამო გაცდენილ სამუშაო დღეთა რიცხვზე. კანონმდებლობის ანალიზი ცხადყოფს იმას, რომ არსებობს შესაბამისი რეგულირება, კარანტინის შემთხვევაში, დამსაქმებელსა და დასაქმებულს შორის არსებული შრომითი ურთიერთობის შეჩერება დაკვალიფიცირდეს - არა როგორც ანაზღაურების გარეშე შვებულებად, არამედ დროებითი შრომისუუნარობად. რაც მთავრია, ამ დროს, დასაქმებულს უფლება აქვს მოითხოვოს ბრძანებით დადგენილი შესაბამისი ანაზღაურება და არ დარჩეს ყოველგვარი შემოსავლის გარეშე. ნიკა გოგბერაშვილის განმარტავს, რომ მოსალოდნელია, მოქალაქეთა მხრიდან უფლების დაცვის პროცესში, გამოყენებული იყოს დავის უკვე კარგად ნაცნობი სტრატეგიები კომპენსაციასთან და განაცდურთან დაკავშირებით, თუმცა უფლების დაცვის ამგვარი ხერხების გამოყენება პრობლემას უფრო გაზრდის და უმნიშვნელოს გახდის იმ მოწესრიგებასაც კი, რომელიც აღმოჩნდა რომ კანონქვემდებარე ნორმატიული აქტის სახით არსებობს. ორგანიზაციას მიაჩნია, რომ ამ სისტემური ხარვეზების აღმოფხვრის თვალსაზრისით, კრიტიკულად მნიშვნელოვანია მოქალაქეთა მხრიდან სასამართლოში დავის შემთხვევაში თავიანთი შრომითი უფლებების დაცვა განხორციელდეს არა დღეს არსებული მიდგომის მსგავსად, არამედ შედარებით ახლებურად. მოქალაქეებმა საკითხი უნდა დაინახონ დროებითი შრომისუუნარობის პრიზმიდან და მოთხოვნა ჩამოაყალიბონ იმგვარად, რომ იგი შეეხებოდეს არა განაცდურის ან/და კომპენსაციის, არამედ დროებითი შრომისუუნარობიდან გამომდინარე დახმარების მიღებას. შედეგად, ჩამოყალიბდება ერთგვაროვანი პრაქტიკა, რომელიც დღეს, ფაქტობრივად, არ არსებობს და დავინახავთ, თუ რამდენად რეალური და ეფექტურია არსებული მოწესრიგების ფარგლებიც, სასამართლოს მსჯელობა და დასაბუთება დასმულ ... ...
  • კახა კალაძე: საზოგადოებრივ ტრანსპორტში პირბადის ტარება სავალდებულო იქნება უწყებათაშორისი საკოორდინაციო საბჭოს რეკომენდაციით, 29 მაისიდან თბილისის მასშტაბით, საზოგადოებრივი ტრანსპორტის მოძრაობა აღდგება, თუმცა მგზავრობის დროს სავალდებულო იქნება პირბადეების გამოყენება, - ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის დღევანდელ სხდომაზე განაცხადა. მისივე თქმით, კორონავირუსით გამოწვეული პანდემიის პირობებში, მთელი რიგი სერვისები შეიზღუდა, მათ შორის, საზოგადოებრივი ტრანსპორტის მოძრაობა შეჩერდა. „ეს ყველაფერი გაკეთდა იმისთვის, რომ მაქსიმალურად დაგვეცვა ჩვენი მოსახლეობის ჯანმრთელობა. ყველა ის ნაბიჯი, რომელიც ჩვენს მიერ გადაიდგა, იყო ძალიან  მნიშვნელოვანი ამ რთულ ვითარებაში. შედეგიც სახეზეა, ყველანი კარგად ვხედავთ რა მდგომარეობა იყო ბევრ ევროპულ განვითარებულ ქვეყანაში და როგორ გაუმკლავდა ამ პანდემიას საქართველოს ხელისუფლება. რა თქმა უნდა, ბრძოლა ბოლომდე არ მიგვიყვანია, თვითკმაყოფილებას არ უნდა მივეცეთ. მიუხედავად იმისა, რომ ეტაპობრივად დაიწყო მთელი რიგი მიმართულებების გახსნა, მაქსიმალურად ყურადღება უნდა შევინარჩუნოთ, გავუფრთხილდეთ ერთმანეთს და დავიცვათ ყველა ის რეკომენდაცია, რაც საჭიროა. დღეს, საკოორდინაციო საბჭოს სხდომაზე იყო მსჯელობა და გადაწყდა, რომ 29 მაისიდან საზოგადოებრივი ტრანსპორტი - მეტრო, მუნიციპალური ავტობუსები და მიკროავტობუსები, მუშაობას დაიწყებს“, _ აღნიშნა თბილისის მერმა.  მისივე თქმით, საზოგადოებრივ ტრანსპორტში მოქალაქეთა უსაფრთხოების მიზნით, პირბადის ტარება სავალდებულო გახდება და ამის კონტროლს დედაქალაქის მერიის შესაბამისი სამსახურები განახორციელებენ.  „მესმის, რომ გარკვეული დისკომფორტი იყო საზოგადოებრივი ტრანსპორტის შეჩერებასთან დაკავშირებით, თუმცა ყველა ძალიან კარგად ვხვდებით, რატომ იყო დაწესებული ეს შეზღუდვა. კიდევ ერთხელ ვიმეორებ, ჩვენთვის ყველაზე მთავარი და მნიშვნელოვანია ადამიანი, მისი სიცოცხლის და ჯანმრთელობის უსაფრთხოება. როგორც მეტროში, ავტობუსებში და მიკროავტობუსებში აუცილებელი იქნება პირბადის ტარება, სხვანაირად შეუძლებელია და მოსახლეობამ ეს უნდა გაითვალისწინოს. ამას ზედამხედველობას გავუწევთ. მინდა, დავავალო ვიცე-მერს, ირაკლი ხმალაძეს და ჩემს მოადგილეს, მაია ბითაძეს, რომ ეს მიმართულება გაკონტროლდეს. დღესვე შეხვდით ხელმძღვანელობას, რომ მოხდეს კონტროლი და ტრანსპორტში მგზავრი პირბადის გარეშე არ ავიდეს. ასევე, ავტობუსებში არ უნდა ჩაირთოს კონდიციონერი, ფანჯრები უნდა იყოს ღია მდგომარეობაში და მაქსიმალურად განიავდეს. მეტროს ამის აუცილებლობა არ აქვს. იქ ჰაერი ისედაც ნიავდება“, _  განაცხადა კახა კალაძემ. კორონავირუსის გავრცელების პრევენციის მიზნით, ტრანსპორტის მოძრაობის შეჩერების რეკომენდაცია უწყებათაშორისმა საკოორდინაციო საბჭომ გასცა, რომლის საუძველზეც, 31 მარტიდან ნებისმიერი ტიპის საზოგადოებრივი ტრანსპორტით, მათ შორის, თბილისის „მეტროპოლიტენით“ გადაადგილება აკრძალული ... ...
  • თბილისის მერიის სერვისები მუშაობას პირველი ივნისიდან ეტაპობრივად განაახლებს დედაქალაქის მუნიციპალიტეტის მერიის სერვისები მუშაობას პირველი ივნისიდან ეტაპობრივად განაახლებს, მათ შორის, გაიხსნება მოქალაქეთა მომსახურების ცენტრები, - ამის შესახებ მთავრობის დღევანდელ სხდომაზე თბილისის მერმა, კახა კალაძემ განაცხადა. როგორც მან განმარტა, მუნიციპალური სერვისების მუშაობის შეფერხების მიზეზი ქვეყანაში შექმნილი რთული ვითარება იყო. „ერთადერთი რაც მუშაობდა, ეს იყო ჯანდაცვის და სოციალური მიმართულებები. პირველი ივნისიდან ყველა მიმართულებით, სადაც დროებითი შეფერხება გვქონდა და მუშაობა შეჩერებული იყო, სერვისების მიწოდება განახლდება. ათივე გამგეობაში ყველა სერვისცენტრი დაიწყებს მუშაობას და თბილისის მოსახლეობას მოემსახურება“, - აღნიშნა კახა კალაძემ. მისივე თქმით, პირველი ივნისიდან ასევე, აღდგება თბილისის მერიაში შემოსული ადმინისტრაციული ერთეულების საჩივრების განმხილველი კომისიის სხდომები; მუნიციპალიტეტის ტერიტორიაზე ცხოვრების/ყოფნის ფაქტის დამდგენი კომისიის სხდომები; თბილისის მუნიციპალიტეტის მერიის მოხელეთა ვაკანტური თანამდებობის დასაკავებლად ჩასატარებელი კონკურსები; კულტურული მემკვიდრეობის დაცვისა და ისტორიული საბჭოს სხდომები; კულტურული ღონისძიებების დაფინანსების კომისიის სხდომები; თბილისის მუნიციპალიტეტის მერთან არსებული თვითნებურად დაკავებულ მიწაზე საკუთრების უფლების აღიარების კომისიის სხდომები; დაუმთავრებელ მშენებლობებთან დაკავშირებული საკითხების განმხილველი კომისიის სხდომები. „აქაც აუცილებელია, გათვალისწინებული იყოს ყველა რეკომენდაცია. ჩვენი თანამშრომლების აღჭურვა - პირბადეებით, ხელთათმანებით, სადეზინფექციო ხსნარებით. ყველა ეს მიმართულება უნდა მოწესრიგდეს, რომ  მოქალაქეთა მხრიდან კითხვის ნიშანები არ გაჩნდეს“, - განაცხადა დედაქალაქის მერმა. აღსანიშნავია, რომ 29 მაისიდან დედაქალაქში ასევე, მუშაობას იწყებს საზოგადოებრივი ... ...
  • რაზე მოიხსნება შეზღუდვები 8 ივნისიდან„8 ივნისიდან რესტორნებში ყველა სახის მომსახურება გაიხსნება. 8 ივნისიდან გაიხსნება ასევე სასტუმროები, რომლებსაც გავლილი ექნებათ ჯანდაცვის სამინისტროს შესაბამისი უწყებების შემოწმება და ექნებათ სპეციალური ნებართვა“,_ განაცხადა პრემიერმა გიორგი გახარიამ. პრემიერის განცხადებითვე, 8 ივნისიდან ამუშავდება საქალაქთაშორისო ტრანსპორტიც. როგორც მან აღნიშნა, აუციელებელი პირობა ყველა საზოგადოებრივ თავშეყრის ადგილას პირბადის ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?