დაკანონებული ზეწოლა ქართულ ბიზნესზე - ყოფილი ხელისუფლების შვეიცარული სქემა

მთავარი თემა

დაკანონებული ზეწოლა ქართულ ბიზნესზე - ყოფილი ხელისუფლების შვეიცარული სქემა

2012 დეკ 21 14:01:51

ერთადერთი კომპანია, რომელიც ამ ყველაფრით იხეირებს, შვეიცარული ფირმა  "სიქპა სექურითი სოლუშენს. ეს ეი" და მისი შვილობილი ქართული კომპანია "სიქპა სიქურითი სოლუშენს ჯორჯია" გახლავთ.  ვინ დგას ამ უცხოური კომპანიის უკან და სად წავა მილიონები, რომელიც შვეიცარელებმა ქართული საწარმოებისგან უნდა მიიღონ? რა მოგება ექნება ჩვენი ქვეყნის ბიუჯეტს და რამდენად გაძვირებული უალკოჰოლო სასმელებით შევხვდებით ძველით ახალ წელს? ამ კითხვებზე პასუხის გაცემას თანმიმდევრულად შევეცდებით.

ფინანსთა მინისტრის არაკონსტიტუციური ბრძანება N129 და "უნიკალური კოდი" წყლის გასაძვირებლად

2012 წლის 24 აპრილს, საქართველოს ფინანსთა მინისტრის №129 ბრძანების საფუძველზე, რომელიც წარმოადგენს ცვლილებას „გადასახადების ადმინისტრირების შესახებ,“  საქართველოს ფინანსთა მინისტრის 2010 წლის 31 დეკემბრის № 996 ბრძანებაში, განისაზღვრა არააქციზური საქონლის მარკირების სავალდებულო წესი. თავად #996 ბრძანება კი ეფუძნება საგადასახადო კოდექსის 1921 მუხლს, რომლის მიხედვითაც საქართველოს ფინანსთა მინისტრი უფლებამოსილია განსაზღვროს სავალდებულო მარკირებას დაქვემდებარებული არააქციზური საქონლის ნუსხა და მარკირების პირობები.

მარკირებას ექვემდებარება არაალკოჰოლური სასმელები (მათ შორის , მინერალური და მტკნარი წყლები). შერჩეული პირის მიერ არააქციზური საქონლის სავალდებულო მარკირების ნომინალური ღირებულება განისაზღვრება: არაალკოჰოლური სასმელისთვის (გარდა მინერალური და მტკნარი წყლისა) – 1000 ცალ ერთეულზე – 5,5 ევროს ეკვივალენტი ლარებში და  მინერალური და მტკნარი წყლისათვის – 1000 ცალ ერთეულზე – 4,63 ევროს ეკვივალენტი ლარებში. საერთო ჯამში კი, მხოლოდ ერთი საწარმოსთვის, გადასახადმა, შესაძლოა, მილიონსაც გადააჭარბოს.

დღეს, თითქმის ყველა ჩამომსხმელ კომპანიას უკვე უდგას ასეთი ტიპის მარკირების დანადგარი, რომელიც 2013 წლის 1 იანვრიდან უნდა ამუშავდეს და პროდუქციის მარკირება უნდა მოახდინოს.

არააქციზური საქონლის მარკირების შესახებ კანონში ცვლილების განმარტებით ბარათში აბსოლუტურად ცინიკური ფრაზაა გამოყენებული, რომ თითქოს კანონპროექტი არ იქონიებს ზეგავლენას გადასახადის გადამხდელებზე არც გადასახადის განაკვეთების გაზრდით და არც სხვა მსგავსი ფინანსური შედეგით. არადა შედეგი სახეზეა: საერთო ჯამში, ხარჯების ასეთი ზრდა, რა თქმა უნდა, პირდაპირ იქნება დაკავშირებული პროდუქციაზე ფასების იძულებით გაძვირებასთან, რაც შეამცირებს როგორც შიდა, ასევე საექსპორტო გაყიდვებს, შეამცირებს საქართველოს სახელმწიფო ბიუჯეტის შემოსავლებსაც, ხოლო მომხმარებლისთვის ეს იქნება კიდევ დამატებითი ტვირთი და როგორც ყველანაირი ფასების ზრდა, უკმაყოფილების საფუძველი.

ასე რომ, ამ კანონის ამოქმედებიდან სულ მალე,  "ზედაზენი", "ბორჯომი,“ „ზანდუკელი“, "რაჭის წყაროები",  "ნაბეღლავი,“ "კოკა-კოლა," "პეპსი,“ “საირმე", "სნო", "ნატახტარის ლიმონათი" და  ყველა სხვა არაალკოჰოლური სასმელის ფასი, რომელიც აქამდე ხელმისაწვდომი იყო თითქმის ყველა მომხმარებლისთვის, საგრძნობლად გაძვირდება.  და, ეს მხოლოდ დასაწყისი იქნება.

2013 წლის 1 იანვრიდან  ფუფუნების საგნად იქცევა წყალი და უალკოჰოლო სასმელები, ხოლო შემდგომ, როგორც ეს მითითებულია ტენდერში გამარჯვებულ „სიქპას“ მიერ საკონკურსო პირობებში - მედიკამენტები და საკვები ზეთი.

ამაზე, ვიღაცამ წინა ხელისუფლებაში, განსაკუთრებული მონდომებით იზრუნა, მაგრამ რაც მთავარია, იზრუნა არა ქვეყნის ბიუჯეტის ზრდისთვის, არამედ სამწლიანი გამოცდილების მქონე შვეიცარული კომპანიისთვის.

ალბანეთში - პრეზიდენტის  ვეტო, ავსტრალიაში - პარლამენტის უარი, საქართველოში  - კარტ-ბლანში

კანონპროექტის ავტორი საქართველოს ფინანსთა სამინისტრო გახლდათ, ინიციატორი კი

საქართველოს მთავრობა. საუბარია წინა ხელისუფლებაზე, რომელმაც ისე სასწრაფოდ შეიტანა ცვლილება არააქციზური საქონლის მარკირების შესახებ კანონში, რომ ერთი ექსპერტისთვისაც კი არ უკითხავთ მოსაზრება თუნდაც პროცედურული ნორმების ფორმალურად დაცვის გამო. ამიტომაც, ცვლილებების განმარტებითი ბარათის პუნქტში „კანონპროექტის მომზადების პროცესში მიღებული კონსულტაციები“, ვკითხულობთ _ „ასეთი არ არსებობს.“

არადა, რომელიმე ექსპერტისთვის, ან ამ საკითხებზე მომუშავე არასამთავრობო ორგანიზაციისთვის, (თუნდაც საერთაშორისოსთვის) მოსაზრება რომ ეკითხათ, ვინმე მაინც ეტყოდა, რომ უალკოჰოლო სასმელებზე ელექტრონული მარკირება არც წამყვან განვითარებულ და არც განვითარებად ქვეყნებში  ხდება. არსებობს ცალკეული შემთხვევები და სულ რამდენიმე ქვეყანა აფრიკასა და ლათინურ ამერიკაში, სადაც მსგავსი სისტემა ფუნქციონირებს და იქაც ადგილობრივი დიქტატორებისა თუ მონარქების ბიზნესებიდან შემოსავალი არ დაუმალონ.

უფრო მეტიც, ალბანეთის პრეზიდენტმა ვეტო დაადო კანონპროექტს, რომელიც ითვალისწინებდა ალბანეთში შვეიცარული კომპანია „სიქპას“ მიერ მარკირების შემოღებას, ავსტრალიაში კი პარლამენტმა არ დაუჭირა მის შემოღებას მხარი. ორივე შემთხვევაში მიზეზი გადასახადების გადიდების დაუშვებლობა და კორუფციის საფრთხე იყო.

აშშ -ს სასამართლო კი "სიქპას" პატენტთან დაკავშირებით ამჟამად სარჩელს იხილავს.

ის, რომ  ძირითადად ფუფუნების საგნები იბეგრება, კანონპროექტის ინიციატორებსაც და დამკანონებლებსაც უნდა სცოდნოდათ, მაგრამ ამ შემთხვევაში, საქმე ვერც მთავრობაში დაინტერესებული პირისთვის „გაიჩარხებოდა“ და ვერც შვეიცარული კომპანიისთვის.

სხვათაშორის, ფინანსთა ამჟამინდელმა მინისტრმა, ნოდარ ხადურმა დაბეგვრასთან დაკავშირებით ჯერ კიდევ ორი თვის წინ გააკეთა კომენტარი

"აქციზით უნდა დაიბეგროს ძირითადად მხოლოდ ფუფუნების საგნები", - აღნიშნა მან.

"გურია ნიუსი" ამ საკითხებთან დაკავშირებით საქართველოს ფინანსთა სამინისტროს დაუკავშირდა. სამინისტროს რამდენიმე კითხვით მივმართეთ მოსალოდნელ საკანონმდებლო ცვლილებასთან და ტენდერში გამარჯვებულ კომპანიასთან დაკავშირებით:

  1. როგორ ფიქრობთ, გამოიწვევს თუ არა ამ კანონის ამოქმედება და აღნიშნული გადასახადების დაკისრება პროდუქციის გაძვირებას?
  2. როგორ ფისკალურ ეფექტს ელოდება ფინანსთა სამინისტრო და ხელისუფლება ამ ცვლილების ამოქმედებით?
  3. საიდან და რა კრიტერიუმით დადგინდა სავალდებული მარკირების ნომინალური ღირებულება?
  4. რამდენადაც ჩვენთვის ცნობილია, ელექტრონულ მარკირებას, საქართველოს სახელმწიფოსთან დადებული ექსკლუზიური ხელშეკრულების საფუძველზე, ახორციელებს შვეიცარული კომპანია SICPA, რომელსაც უხდის ამავე ხელშეკრულების მიხედვით, არაალკოჰოლური სასმელის მწარმოებელი მომსახურების საფასურს. ჩატარდა თუ არა ტენდერი აღნიშნულ მომსახურებასთან დაკავშირებით და რას გულისხმობს ეს ექსკლუზიური ხელშეკრულება?

ამ კითხვების გაცნობის შემდეგ სამინისტროში გაგვიცხადეს, რომ კონკრეტულ პასუხებს ჯერჯერობით ვერ გაგვცემენ, რადგან ეს საკითხი შესწავლისა და დამუშავების პროცესშია.შეგვპირდნენ, რომ  ჩვენს მიერ დასმულ კითხვებზე უახლოეს მომავალში მოგვაწვდიან პასუხებს.

SICPA _ ქართული ბიზნესიდან მიღებულ მოგებაზე ორიენტირებული შვეიცარული კომპანია

საკონკურსო პირობების თანახმად,  2012 წლის 03 თებერვალს, 2011 წლის 10 ნოემბერს გამოცხადებულ კონკურსში გამარჯვებულად გამოცხადდა შვეიცარული კომპანია „სიქპა სიქურითი სოლუშენსი“.  თუმცა ინფორმაცია კონკურსის გამოცხადების, დასრულებულის და გამარჯვებული კომპანიის შესახებ კონკურენციისა  სახელმწიფო შესყიდების სააგენტოს ოფიციალურ ვებგვერდზე არ იძებნება (როგორც ჩანს, სავალდებულო თანდართული სატენდერო დოკუმენტაციის გამოქვეყნების თავიდან არიდების მიზნით. ავტ.)

კომპანია "სიქპა სიქურითი სოლუშენს სოლუშენს ჯორჯია" 2008 წლის 4 აპრილსაა დაფუძნებული, კონკურსში მონაწილე კომპანიებისთვის კი დაწესებული იყო ხუთწლიანი გამოცდილების მოთხოვნა. თუმცა, ამ პირობას ხელი არ შეუშლია იმისთვის, რომ „სიქპას“ მოეგო ტენდერი, რითაც დაირღვა საგადასახადო კოდექსის მოთხოვნა იმის შესახებ, რომ მარკირების მომსახურებას განახორციელებდა "შემოსავლების სამსახურის მიერ საქართველოს კანონმდებლობით დადგენილი წესით შერჩეული პირი."

სადამფუძნენლო დოკუმენტაციის მიხედვით, "სიქპას" პარტნიორები და ნდობით აღჭურვილი პირები საქართველოში „ ბი-ჯი-აი ედვაიზორი სერვისის ჯორჯიას“ წარმომადგენლები და მისი ერთ-ერთი დამფუძნებელი, ლაშა გოგიბერიძე გახლავთ.

კომპანიის დამფუძნებლებს შორისაა ასევე ზაზა ბიბილაშვილი, გამოცდილ პარტნიორებს შორის კი _  თამარ თევდორაძე, ეკატერინე ალექსიძე და საზოგადოებისთვის კარგად ცნობილი გიორგი ყავლაშვილი.

"გურია ნიუსი" "ბი-ჯი-აი-ს" წარმომადგენლებსაც დაუკავშირდა "სიქპასთან" დაკავშირებული ტენდერების თაობაზე, მაგრამ კომპანიაში გაგვიცხადეს, რომ ისინი მხოლოდ იურიდიულ საკითხებს უგვარებენ აღნიშნულ ფირმას და მისი მოღვაწეობის შესახებ არაფერი იციან. არადა, ყველა მინდობილობა და საქართველოში განხორციელებული სხვადასხვა სამართლებრივი ოპერაცია სწორედ ბი-ჯი-აიას იურისტებს აქვთ შესრულებული „სიქპას“ მინდობილობის საფუძველზე. კომპანიაში „სიქფას“ წარმომადგენლის კოორდინატორებიც კი ვერ მოგვაწოდეს. ჩვენი კითხვა, ვის უკავშირდებიან ისინი საკითხების შესათანხმებლად, უპასუხოდ დარჩა.

ფარული გარიგების ნიშნები ...

ერთ-ერთი მნიშვნელოვანი არგუმენტი, რაზეც წინა ხელისუფლება აპელირებას ახდენდა ამ ცვლილების მიღებისას, პროდუქციის ფალსიფიკაციისგან დაცვა იყო. თუმცა, ექსპერტები ამბობენ, რომ   ეს  გამოუსადეგარი არგუმენტია, რადგან  გამყალბებლები ფალსიფიცირებული წყლის, მინერალური ან გამაგრილებელი სასმელის ჩამოსხმისას მწარმოებლის ტარას ან თავსახურს იყენებენ. შესაბამისად ეს პროდუქცია უკვე მარკირებულია და ფალსიფიკატორის გამოვლენა, ფაქტობრივად, შეუძლებელია ამ სისტემის დახმარებით.

თუმცა, ფაქტი ისაა, რომ არც ამ ცვლილების შეტანისას და არც „სიქფას“ შემთხვევაში, კანონის ინიციატორებსა და მათი ნების აღმსრულებლებს, არანაირ არგუმენტზე არ უმსჯელიათ. მათთვის არც ის ყოფილა პრობლემა, რომ სახელმწიფო ბიუჯეტი ამ მარკირებისგან ერთ თეთრსაც კი ვერ მიიღებდა და საფასური შვეიცარული კომპანიისთვის იქნებოდა გადახდილი.

აუდიტორი და ექსპერტი ირაკლი შავიშვილი „გურია ნიუსთან“ საუბარში აცხადებს, რომ შესაძლებელია, ადგილი ჰქონდეს ფარულ გარიგებას.

ირაკლი შავიშვილი: „იმ  შემთხვევაში,  თუ მეწარმეები აცხადებენ, რომ ფალსიფიკაციის პრობლემა არ არსებობს, პირდაპირი ფისკალური ეფექტი კი 0-ია, მაშინ რჩება 2 ახსნა:  1.არაპირდაპირი ფისკალური ეფექტი (მაგალითად, გაზრდილი მოგების გადასახადი აღრიცხვის დაზუსტებიდან გამომდინარე, თუმცა, მეწარმეები ამასაც გამორიცხავენ); 2. კორუფციული გარიგება.“

ფრიად საყურადღებოა ის გარემოება, რომ როგორც თავად სიქპა-ს მიერ არის მითითებული 2011 წლის 21 ივლისს ავსტრალიის პარლამენტში წარდგენილ მოხსენებაში, მის მიერ შეთავაზებული მომსახურების ანაზღაურების საფუძველს ჩვეულებრივ წარმოადგენს კონტრაქტორი სახელმწიფოს ბიუჯეტის სახსრები. თუმცა, როგორც აღნიშნულია მოხსენებაში,  არსებობს დაფინანსების ალტერნატიული საშუალება - აღნიშნული ხარჯის ანაზღაურების მეწარმეთათვის დაკისრება,  რაც განხორციელდა კიდეც საქართველოში.

ექსპერტი ეკონომიკის საკითხებში, მიხეილ ძაგანია ჩვენთან საუბრისას აღნიშნავს, რომ "სიქპას" ფაქტორი ნამდვილად საინტერესო და ამავე დროს, მოსაკვლევია.

_ რაც შეეხება შვეიცარული კომპანია SICPA-ს, თუ იმ თანხის ოდენობა, რომელიც მას ჩაერიცხა შეაბამისი მომსახურების გასაწევად, აღემატებოდა 5000 ლარს,  შესყიდვების კანონმდებლობიდან გამომდინარე აუცილებელი იყო სახელმწიფო შესყიდვა განორციელებულიყო ელექტრონული/გამარტივებული ელექტრონული ტენდერის საშუალებით, გარდა იმ შემთხვევისა, როდესაც შეიძლება არსებობდეს მთავრობის ან პრეზიდენტის მიერ გამოცემული შესაბამისი აქტი, რომლითაც აღნიშნული შესყიდვის განხორციელება შესაძლებელია გამარტივებული შესყიდვის სახით (გასარკვევია არსებობს თუ არა შესაბამისი სამართლებრივი აქტი).

რაც შეეხება აღნიშნული მომსახურების ექსკლუზიურობას, ასეთ შესაძლებლობას ასევე იძლევა სახელმწიფო შესყიდვების კანონმდებლობა, თუმცა ამ შემთხვევაშიც გასარკვევია რა გარემოებების გამო ჩაითვალა აღნიშნული კომპანია (SICPA) აღნიშნული მომსახურების ექსკლუზიურ მომწოდებლად, _ აცხადებს მიხეილ ძაგანია „გურია ნიუსთან“.

ფაქტი ისაა, რომ  წინა ხელისუფლებამ გაითვალისწინა სიქპა-ს გამოცდილება და საკუთარი გადაწყვეტილების დაფინანსების ტვირთი გადაიტანა გადასახადის გადამხდელებზე იმდაგვარად, რომ ჯეროვნად არც პარლამენტში არ უმსჯელიათ აღნიშნულის თაობაზე.

მთავრობას და ფინანსთა სამინისტროს "პარტიულ ერთგულებაში"  არც საქართველოს პარლამენტი "ჩამორჩა" და 2012 წლის 15 მაისს მიიღო საკანონმდებლო ცვლილებები მარკირებას დაქვემდებარებული საქონლის  მარკირების გარეშე მიწოდების აკრძალვის შესახებ.

ასე "ზედმიწევნით პატიოსნად" შესრულდა გადასახადების შესახებ საკონსტიტუციო გარანტიები, გათვალიწინებული როგორც კონსტიტუციით ისე ორგანული კანონით „ეკონომიკური თავისუფლების შესახებ“.

საინტერესოა, რა გადაწყვეტილებას მიიღებს საქართველოს მთავრობის და ფინანსთა სამინისტროს ახალი შემადგენლობა და მათ მიერ წინასაარჩევნოდ მიცემული პირობა.

ვისაც არ ახსოვს, შევახსენებთ: 41-ე საარჩევნო ბლოკის წინასაარჩევნო პროგრამაში მითითებულია, რომ შემცირდება აქციზით დასაბეგრი საქონლის ჩამონათვალი, და აქციზით დაიბეგრება მხოლოდ ფუფუნების საგნები...




 ახალი ამბები
  • რატომ მოიხსნა მასალა “გურია ნიუსის“ ვებგვერდიდანდღევანდელი აქციის გაშუქებისას, “გურია ნიუსის“ ვებგვერდზე დაიდო მასალა, რომელიც პრემიერ-მინისტრ გიორგი გახარიასა და მოქალაქეს შორის მომხდარ მცირე ინცინდენტს შეეხებოდა. იმის გამო, რომ აუდიოჩანაწერში, შეუძლებელი იყო ინციდენტისას გაჟღერებული ფრაზების ზუსტად გარჩევა, მივიღეთ გადაწყვეტილება, მასალა ვებიდან მოგვეხსნა. კიდევ ერთხელ ვადასტურებთ, რომ ჩვენთვის ყველაზე მნიშვნელოვანი ფაქტის სიზუსტეა, ვისაც არ უნდა ეხებოდეს ის. ჟურნალისტის აღწერით, მოქალაქეებთან სელფის გადაღებისას, პრემიერთან მოქალაქე მივიდა და სთხოვა, გაეცა პასუხი, თუ რატომ არ აკმაყოფილებენ მის განცხადებას. პრემიერი, რომელიც დაცვასთან ერთად უკვე გადიოდა ლოკაციიდან, მოქალაქეს მიუბრუნდა, თუმცა, რა საუბარი შედგა მათ შორის და როგორ დაშორდნენ ერთმანეთს აუდიოჩანაწერში არ ისმის. მოქალაქემ ჟურნალისტს უთხრა, რომ პრემიერმა მას პასუხი არ გასცა და დაცვას ლოკაციიდან გასვლის შესახებ მიმართა, თუმცა, აუდიოჩანაწერში არ ისმის ფრაზა: “მომაშორეთ ეს კაცი!“, როგორც ეს მოქალაქემ უთხრა ჟურნალისტს. იგი ვინაობას არ ასახელებს, როგორც თავად ამბობს, შემდგომში პრობლემებისგან თავდაცვის მიზნით. როგორც მან ჟურნალისტთან საუბარში თქვა, ის სოლოლაკში, ავარიულ სახლში ცხოვრობს და ამის შესახებ აქვს განცხადება შეტანილი და სწორედ ამ განცხადების პასუხს ითხოვს ... ...
  • დუტა სხირტლაძემ ათი თეთრი მოიგო და ოზურგეთელმა კი ოთხკაციანი საგზაურიდღეს, “იმედის“ ეთერში ერთ-ერთი სუპერმარკეტის ქსელის გათამაშება შედგა. დოლორას დატრიალების დროს შოუმენმა დუტა სხირტლაძემ  ბილეთის ნაცვლად ათთეთრიანი ამოიღო. “ეს ათი თეთრი ლიფტში გამომადგება. ისე, თანხა შესაწირავ ყუთში უნდა მოათავსოთ,“ - თქვა დუტა სხირტლაძემ. მოგვიანებით,  ოზურგეთში მცხოვრებმა გათამაშებაში ევროპაში გასამგზავრებელი ოთხკაციანი საგზური ... ...
  • “ადამიანებმა, რომლებმაც ორგანიზაციებს მიაწოდეს ინფორმაციები, ანონიმურობა ითხოვეს“სამართლიანი არჩევნების და დემოკრატიის საერთაშორისო საზოგადოება (ISFED), საერთაშორისო გამჭვირვალობა-საქართველო (TI), საქართველოს დემოკრატიული ინიციატივა (GDI), საქართველოს ღია საზოგადოების ფონდი (OSGF)- ამ ოთხმა ორგანიზაციამ ერთობლივი განცხადება გაავრცელეს 14 დეკემბერს მმართველი პარტიის „ქართული ოცნების“ მიერ თბილისში პარტიული ღონისძიების ფარგლებში ფართომასშტაბიანი აქციის შესახებ. პარტიის განცხადებით, ღონისძიება საქართველოს ევროსაბჭოს მინისტრთა კომიტეტის თავმჯდომარედ არჩევასთან დაკავშირებით მიმდინარე საზეიმო კვირეულის შეჯამებას უკავშირდება. განცხადება 13 დეკემბერს გავრცელდა, სადაც ნათქვამია: “აღნიშნულ ღონისძიებაზე დასასწრებად საქართველოს თითქმის ყველა მუნიციპალიტეტში მმართველი პარტიის მიერ მოქალაქეთა აქტიური მობილიზება შეინიშნება, რომელსაც ძირითადად კოორდინაციას უწევენ „ქართული ოცნების“ პარტიული ოფისები. ჩვენთვის ცნობილი გახდა, რომ რამდენიმე მუნიციპალიტეტში, პარტიის კოორდინატორების გარდა, მოქალაქეთა მობილიზებაში აქტიურად არიან ჩართულები მერების წარმომადგენლები სოფლებში და სოფლების საკრებულოს დეპუტატები. კონკრეტულად, მსგავსი ფაქტები დაფიქსირდა ქუთაისში, წყალტუბოში, ზუგდიდში, ფოთში, ხობში, მარტვილში, ოზურგეთში, ჩოხატაურში, ქობულეთში, ბათუმში, ხელვაჩაურში, ახალციხეში, გორში, ხაშურსა და კახეთის თითქმის ყველა მუნიციპალიტეტში. მუნიციპალიტეტის წარმომადგენლები დადიან მოსახლეობაში, საჯარო სკოლებში, საბავშვო ბაღებში და საჯარო სკოლის მასწავლებლებს, ბაღის თანამშრომლებს,  ა(ა)იპ და სსიპ-ების  თანამშრომლებს მოუწოდებენ გაემგზავრონ ხელისუფლების მიერ დაგეგმილ აქცია-ღონისძიებაზე. ზოგ შემთხვევაში აქციაზე წასვლისკენ მოწოდებას დავალების, ზოგ შემთხვევაში კი თხოვნის შინაარსი აქვს. ასევე, რამდენიმე მუნიციპალიტეტში, თვითმმართველობის საჯარო მოხელეებს დავალებული აქვთ აქციაზე წამსვლელი 10 ან 20 კაციანი სიების წარმოდგენა სახელის, გვარის და პირადი ნომრის მითითებით. საჯარო მოხელეებისა და ა(ა)იპ-ების თანამშრომლების გარდა, ზუგდიდის და ჩოხატაურის მუნიციპალიტეტში აქციაზე წასვლის შესახებ გაფრთხილებულები არიან სოციალურად დაუცველის სტატუსის მქონე მოქალაქეები, რომლებიც „სამართლიანი არჩევნების“ წარმომადგენლებთან პირად საუბარში გამოხატავენ შიშს, რომ აქციაზე წაუსვლელობის შემთხვევაში სოციალური დახმარება მოეხსნებათ. ხელმომწერი ორგანიზაციები მმართველ პარტიასა და ადგილობრივი თვითმმართველობის მაღალი თანამდებობის პირებს მოუწოდებენ, რომ აღკვეთონ საჯარო მოხელეებსა და მუნიციპალიტეტში დასაქმებულ პირებზე, სოციალურად დაუცველ მოქალაქეებზე ღონისძიებაზე დასწრებასთან დაკავშირებით ზეწოლის/იძულების ნებისმიერი ფორმა. ამასთან, მაქსიმალურად უზრუნველყონ დაგეგმილი პარტიული ღონისძიების გამიჯვნა საჯარო სამსახურის და თვითმმართველობების საქმიანობისგან, და თავი შეიკავონ დაგეგმილი ღონისძიების შესახებ მოქალაქეთა შეცდომაში შეყვანისგან,“_ წერია ორგანიზაციების მიერ გავრცელებულ განცხადებაში. “გურია ნიუსი“ დაინტერესდა კონკრეტულად, ოზურგეთისა და ჩოხატაურის რომელ სოფელში დაფიქსირდა ზემოთ აღნიშნული ფაქტები. “სამართლიანი არჩევნების“ აჭარა-გურია-ფოთის რეგიონალური კოორდინატორის, მადონა ბერიძის თქმით, კონკრეტულ სოფლებს ვერ დაასახელებს, რადგან იმ ადამიანებმა, რომლებმაც ზემოთ აღნიშნულ ორგანიზაციებს მიაწოდეს ინფორმაციები ანონიმურობა ... ...
  • ჭიათურაში უკანონოდ დატყვევებული დათვი იპოვნეს გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა ქალაქ ჭიათურაში, მოხეტიალე ცირკის მიერ დათვის უკანონოდ დატყვევების ფაქტი გამოავლინეს. დასავლეთის რეგიონული სამმართველოს თანამშრომლებმა კომპანიის მიმართ ადმინისტრაციული სამართალდარღვევის შესახებ ოქმი შეადგინეს, საქმის მასალები შესაბამის რაიონულ სასამართლოში გადაიგზავნება. დათვი ცხვარიჭამიაში, დათვების თავშესაფარში დეპარტამენტის ბიომრავალფეროვნების კონტროლის სამსახურის თანამშრომლებმა გადაიყვანეს, სადაც ის შესაფერის პირობებში მოთავსდება სასამართლოს მიერ საქმის განხილვამდე. ... ...
  • "ყველაზე ყლ....ბა ტელევიზიაა" _ აქციის მონაწილე POST ტვ-ს ჟურნალისტსერთ-ერთი მოქალქე პირდაპირი ჩართვისას პოსტივის გადამღებ ჯგუფთან მივიდა, რომელმაც იკითხა _ აქციაზე მოსვლა და დღევანდღელი ცხოვრება რამდენი კილო კარტოფილი დაუჯდა ხელისუფლებას? შემდგომ ჟურნალისტს ჰკითხა რომელი ტელევიზიის წარმომადგენელი იყო, ლოგოს ნახვის შემდეგ კი თქვა,რომ ყველაზე ყლ....ბა ტელევიზია, რასაც გადამღები ჯგუფის და აქციის მონაწილეებისგან სიტყვიერი შეურაცხყოფა მოჰყვა და ის პროვოკაციაში ... ...

არქივი

ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...