განათლების სამინისტროს "პარტიულ ატკატებს" შეწირული თავისუფლება

მთავარი თემა

განათლების სამინისტროს "პარტიულ ატკატებს" შეწირული თავისუფლება

2013 იან 11 10:57:43
რომელიც ითვალისწინებდა ზოგადსაგანმანათლებლო სკოლების რეაბილიტაციასა და განვითარებას. პროგრამის გასახორციელებლად შეიქმნა სატენდერო კომისია. კომისიის მიერ გამოცხადებულ კონკურსში, სხვა კომპანიებთან ერთად, გაიმარჯვა შპს "ამაღლება 98"-მა. ოფიციალური ვერსიის თანახმად, აღნიშნულმა ორგანიზაციამ ხელშეკრულებით ნაკისრი ვალდებულებები ვერ შეასრულა, მიუხედავად იმისა, რომ სხვა კომპანიების მსგავსად, მასაც გაუგრძელდა ხელშეკრულების მოქმედების ვადა ერთი თვით _ 2006 წლის 15 სექტემბრამდე. იმავდროულად კი, დამატებით, 500 ათასი ლარი ჩაერიცხა, რათა სამშენებლო-სარეაბილიტაციო სამუშაოები სასწავლო პროცესის დაწყებამდე დაესრულებინა. კომპანიის მიერ ნაკისრი ვალდებულების შეუსრულებლობის გამო, განათლებისა და მეცნიერების სამინისტრომ მასთან გაფორმებული ხელშეკრულების მოქმედება შეწყვიტა. პარალელურად, კომპანიის საქმიანობაში გამოვლენილი დარღვევების ამსახველი მასალები სათანადო რეაგირებისათვის გენერალურ პროკურატურას გადაუგზავნა. კომპანია "ამაღლება 98"-თან დაკავშირებით შექმნილი პრობლემების გადაწყვეტის მიზნით, განათლებისა და მეცნიერების მინისტრის მოადგილეს თემურ სამადაშვილს შეხვდა საქართველოს პარლამენტის წევრი გია ნუცუბიძე, რომელმაც, სამადაშვილს შპს "ამაღლება 98"-ისთვის ხელშეკრულებისა და დაფინანსების განახლების სანაცვლოდ, ქრთამის სახით, 500 ათასი ლარი შესთავაზა. აღნიშნული საუბრის თაობაზე, სამადაშვილმა მოხსენებითი ბარათით განათლებისა და მეცნიერების მინისტრს, მოგვიანებით კი, საქართველოს გენერალურ პროკურორს მიმართა და საგამოძიებო ორგანოებთან თანამშრომლობის სურვილი გამოთქვა. ამის შემდეგ, შესაბამისი ორგანოების მიერ, დაიგეგმა ოპერატიულ-საგამოძიებო ღონისძიებები. ნუცუბიძისა და სამადაშვილის შეთანხმების თანახმად, შპს "ამაღლება 98"-ს, პირველ ეტაპზე, განათლებისა და მეცნიერების სამინისტრომ 150 ათასი ლარი გადაურიცხა, რის სანაცვლოდაც, გია ნუცუბიძემ სამადაშვილს, ქრთამის სახით, 50 ათასი ლარი გადასცა.

სწორედ თანხის გადაცემის დროს დააკავეს ნუცუბიძე.

ნუცუბიძესთან ერთად დააკავეს "ამაღლება-98"-ის დირექტორი დავით სიხარულიძეც, რომელსაც ბრალი თანხების მითვისებაში დასდეს და 11 წლით ციხეში გაამწესეს. მაშინვე ითქვა, რომ სიხარულიძის დაკავების რეალური მიზეზი პოლიტიკა იყო. უფრო დაზუსტებით კი, მან ნაციონალებს მოგების წილი არ მისცა.

დავით სიხარულიძეს, რომელმაც ციხეში 6 წელი გაატარა და რამდენიმე დღის წინ გათავისუფლდა, ბევრისგან განსხვავებით, ბრალი არ უღიარებია. ამ დროის განმავლობაში ბიზნესმენმა, რამდენიმე სარჩელი შეიტანა და სახელმწიფოსგან სასამართლოზე აღიარებული და დოკუმენტურად დადასტურებული ვალი მოითხოვა. "გურია ნიუსმა", ჯერ კიდევ სიხარულიძის პატიმრობაში ყოფნისას, ამ ფაქტის შესახებ, რამდენიმე ჟირნალისტური მოკვლევა გამოაქვეყნა.

ამჯერად, დავით სიხარულიძე "გურია ნიუსთან" საუბრისას დაკავების დეტალებს და მის წინაპირობას იხსენებს. ციხიდან გამოსული ბიზნესმენი, რომელიც შესაძლოა პოლიტპატიმრების ახალ სიაში მოხვდეს, ამბობს, რომ ბრძოლას აუცილებლად გააგრძელებს.

_ ბატონო დავით, რეალურად რა გახდა თქვენი დაკავების მიზეზი _ ის, რომ "ნაციონალურ მოძრაობას" არ დაეხმარეთ საარჩევნოდ და ფული არ გადაურიცხეთ?

_ მთავარი მოტივი ეგ იყო, მაგრამ სხვა მიზეზებიც არსებობდა. იმ პერიოდში ცხადდებოდა, რომ ტენდერები კანონიერად ტარდებოდა "ჩაწყობის" გარეშე. მეც გადავწყვიტე მიმეღო მონაწილეობა ამ ტენდერში და 18 ლოტზე შევიტანე განაცხადი. 18 ლოტიდან გამარჯვება შვიდ ლოტში მივიღე და სხვათაშორის, მინიმალური მოგებით. ეს არ მოეწონა განათლების სამინისტროს. სანამ ხელშეკრულებას გამიფორმებდნენ დამიბარეს. საბიუჯეტო საფინანსო განყოფილების უფროსი იყო დავით მამარდაშვილი, რომელმაც მითხრა: "ასე არ ხდება, ტენდერებში ხუთი მილიონის ობიექტი წაიღე და ჩვენ რაო?". აბა როგორ ხდება-მეთქი ვუთხარი. პირდაპირ მითხრა, რომ ათი პროცენტი მქონდა მათთვის გადასახდელი. ხუთი პროცენტია ჩემი მოგება და ათი პროცენტი როგორ გადაგიხადოთ-მეთქი _ გაოცება არ დამიმალავს. ეს არ მოეწონათ. მაშინ ვუთხარი, რომ თუ ყველაფერი კარგად დამთავრდებოდა, პატივს ვცემდი. ამის შემდეგ დაიწყო ჩემი წვალება. ამას მოჰყვა ის, რომ 2006 წლის აგვისტოს ბოლოს დამიბარეს ფინანსურ პოლიციაში. სამმართველოს უფროსი, თუ არ ვცდები, იყო მურღულია, რომელმაც მომცა "ნაციონალური მოძრაობის" ანგარიშის ნომერი და მითხრა, რომ 50 000 ლარი უნდა ჩამერიცხა. ვუთხარი, 50 000-ს ვერა, მაგრამ 5 000-სს ჩავრიცხავ-მეთქი. მართლა არ მქონდა იმ დროს ფული. რომ წამოვედი, დამირეკა და მითხრა _ ჩარიცხე ეგ თანხა, თორემ სერიოზული პრობლემა შეგექმნებათო. ვისესხე ფული და 20 000 ლარი ჩავრიცხე.

თუმცა, ამით ჩემი წვალება არ დასრულებულა. ჯერ 20 დღით დამიგვიანეს ავანსის ჩამორიცხვა _ სამ თვეში რომ უნდა დამთავრდეს სკოლა, იქ 20 დღე ბევრს ნიშნავს. რაღაც-რაღაც მიზეზებს ეძებდნენ... ხელშეკრულებაში იდო, რომ მეტალოპლასტმასის ფანჯრები მათ უნდა მოეწოდებინათ. ოზურგეთის მეორე საჯარო სკოლას ვაკეთებდი იმ დროს და აგვისტოში სამუშაოები უნდა დამესრულებინა. ივლისში დამირეკეს და მითხრეს, ვერ ვყიდულობთ მეტალოპლასტმასის კარ-ფანჯრებს და თქვენ ნახეთო. როცა ჩვენ თითონ დავამზადეთ, მერე დამირეკეს _ ფანჯრები მოგვაქვსო. იმ დროისთვის 160 000 ლარი ვალად მქონდა აღებული _ ჩემი და ჩემი თანამშრომლების ბინები ჩავდე ბანკში, კრედიტი გამოვიტანე, სანამ თანხა ჩამოირიცხებოდა, თუმცა, ეს არავის გაუთვალისწინებია. ფანჯრები, რომელსაც სამინისტრო ბაზრის ფასზე გაცილებით ძვირად ყიდულობდა, სექტემბერში ჩამოიტანეს, თანაც ზოგი ვიწრო აღმოჩნდა, ზოგი _ დიდი. ამ ყველაფერს დამატებითი სამუშაოები დასჭირდა. დამიბარეს სამინისტროში 27 სექტემბერს, გააგრძელე საბანკო ხელშეკრულებაო, თუმცა, მხოლოდ ხუთი დღით გამიგრძელეს ხელშეკრულება. 29 სექტემბერს, მინისტრის მოადგილეს მივწერე წერილი იმის გასარკვევად, თუ როდის ჩამომირიცხავდნენ კუთვნილ თანხას და 2 ოქტომბერს მწერს მინისტრი, რომ ეს თანხა ჩამერიცხებოდა უახლოეს დღეებში. 5 ოქტომბერს ჩატარდა არჩევნები და 6 ოქტომბერს ლომაია წერს გენერალურ პროკურორს _ დაიჭირეთ, მითვისება აქვსო. როგორ მექნებოდა მითვისება, როცა სამინისტრო მხოლოდ სამუშაოს შესრულების შემდეგ მირიცხავდა თანხას?! 9 ოქტომბერს შემიწყვიტეს ხელშეკრულება, არადა, თურმე პროკურატურაში იყო იმ დროისთვის გადაგზავნილი ჩემი საქმე, _ გვიყვება სიხარულიძე.

დავით სიხარულიძე ჩვენთან საუბრისას იმასაც იხსენებს, რომ პარლამენტარ ნუცუბიძეს დახმარებისთვის მხოლოდ იმის გამო მიმართა, რომ მისგან ფულის მოთხოვნა შეეწყვიტათ. ამბობს იმასაც, რომ შესაძლო დაკავების შესახებ განათლების სამინისტროს ერთ-ერთმა ჩინოსანმა გააფრთხილა კიდეც.

ბიზნესმენი ამბობს, რომ ბრძოლას აუცილებლად გააგრძელებს. იმედი აქვს, რომ კუთვნილ თანხას, რომელიც მილიონს აღწევს, ახალი ხელისუფლება მაინც დაუბრუნებს. რაც შეეხება პოლიტპატიმრების სიაში შეყვანას, აღნიშნავს, რომ ამის ამბიცია არ აქვს:

_ ჩემი საკითხი პარლამენტში იხილება და როგორც ვიცი, დამატებით სიაში უნდა შემიყვანონ, თუმცა, ამის ამბიცია ნამდვილად არ მაქვს. მე მხოლოდ სიმართლის გარკვევა მინდა და მჯერა, რომ ამას შევძლებ, _ ამბობს სიხარულიძე.

ბატონ დავითს ციხეში ყოფნის ექვსწლიან პერიოდზეც ვესაუბრეთ.

_ რა ნახეთ 6 წლის მანძილზე საკუთარი თვალით; რეალურად ხდებოდა თუ არა ციხეში ის ყველაფერი, რაც საზოგადოებამ ნახა?

_ რა თქმა უნდა ხდებოდა და უფრო უარესიც ხდებოდა. პიროვნულად ჩემს მიმართ არ ყოფილა ასეთი რამ, მაგრამ ვუყურებდი ყველაფერს, რაც ხდებოდა. რუსთავის მე-17-ე დაწესებულება ნორმალური თანამშრომლებით იყო დაკომპლექტებული. რამდენიმე კარგი პიროვნება იყო, რომელთანაც მეგობრობა შეიძლებოდა _ არიან ასეთი გამონაკლისები. თუმცა, არიან გამომწვევი ადამიანებიც. გამოიწვევდნენ პატიმრებს, მერე ჩაჰყავდათ კარცერში და სასტიკად უსწორდებოდნენ. თუ ვინმეს ინტერესი ჰქონდათ, იმას განსაკუთრებულად სცემდნენ. რაც მე ვნახე ქსნის სამკურნალო დაწესებულებაში, ისეთი არსად მინახავს. იყო ასეთი ტენდენცია _ ყველა ახალმიღებული პატიმარი უნდა ეცემათ, საუბარია ტუბერკულოზითYდაავადებულებზე! იყო ერთი პატიმარი, გვარად ბაგრატიონი. ცოტა შავგვრემანი იყო; შენ პეტროსიანი იქნებიო და ამიტომ სცემეს. დალეწილი ამოვიდა ადამიანი. არ ხდებოდა პატიმრების დროზე წაყვანა სამკურნალო დაწესებულებაში, თანაც ერთ ოთახში 20_22 კაცს იმიტომ ყრიდნენ, რომ ბევრი დაავადებულიყო ტუბერკულოზით. მიუხედავად იმისა, რომ კარგი ურთიერთობა მქონდა ადმინისტრაციასთან, ოთხი თვე ვერ მივაღწიე იმას, რომ მივსულიყავი ამ სამკურნალო დაწესებულებაში და გამეგო, რა მჭირდა. ცხელი სიგარეტით ამომწვარი და ნაწამები ადამიანი ბევრი ყოფილა...

_ სახელდებოდნენ ის ადამიანები ვინც ამას აკეთებდა?

_ იცოდნენ და დაიწერა კიდევაც. დაწესებულებები დაატოვებინეს იმ ადამიანებს. მაგრამ მაინც ბევრი დარჩა, რადგან სუყველა მონაწილეობდა მეტნაკლებად და ყველას ხომ ვერ გაყრიდნენ?! მაგრამ დღეს უკვე ამას ვეღარ გააკეთებენ. ამათი ძირითადი მოტივი ქართველი ერის განადგურება იყო, როცა ვუყურებდი, მეცოდებოდა ყველა პატიმარი, თუნდაც მკვლელი, იმიტომ, რომ ყველა ოცნებობდა, ციხიდან გამოსვლის შემდეგ, საქართველოდან წასულიყვნენ და ამ ქვეყნაში აღარ ეცხოვრა.

ასეთი მოპყრობის შემდეგ პატიმარი თუ ადმინისტრაციას მიმართავდა, პირიქით, უფრო მეტი ზეწოლა მოჰყვებოდა. იყო ასეთი პიროვნება _ ზაზა დავითაია, რომელიც პატიმრის უფლებებს იცავდა და მაგის გამო ბევრჯერ უწევდა ცემა, მაგრამ მაინც მაგარი მებრძოლი იყო... _ პატიმრებს რა ნიშნით არჩევდნენ? _ ალბათ, იყო ინტერესი ვიღაცის მიმართ. მე შევესწარი ასე ფაქტს: ცემა-ცემით მოიყვანეს ერთი ბიჭი და თან ვიდეოს იღებდა თანამშრომელი _ სადაც გინდა, მიჩივლეო. ტუბზონაზე როცა ვიყავი, იქ იყო უფროსი როდონაია, სადისტი... ტუბერკულოზით დაავადებულ ადამიანებს პლასტმასის მილებით ფილტვებში რომ სცემ, შეიძლება ის ადამიანი გადარჩეს?! ერთი გურული ბიჭი იყო, როცა კარცერში წაიყვანეს, მთელი ამბები ავტეხე, არასამთავრობოებს დაგაყენებთ თავზე, ხელი არ დააკაროთ-მეთქი _ არაფრის გულისთვის წაიყვანეს. ეს არ მოეწონათ და დამიბარეს როდონაიასთან კაბინეტში. რომ შევედი, შემაგინეს, მაგრამ არაფერი მითქვამს, "დუბინკებით" ისხდნენ, ასე ხუთი კაცი. ერთმა მითხრა, თუ მიცნობო. არა- მეთქი; გაგა მკურნალიძე ვარო. გამიხარდა, ვიფიქრე გურული კაცია და იმედი მომეცა. სხვათა შორის, ვიქტორ ყაჭეიშვილიც ვუხსენე და ერთი საერთო ახლობელი. ასე ვთქვათ, ამან მიშველა. მაგრამ ეს რომ არ ყოფილიყო, ხომ მომკლავდნენ ცემაში?! ერთხელ, ის გურული ბიჭი სიკვდილის პირას მიყვანამდე ცემეს. იყო შემთხვევა, როცა ხელბორკილით მიაბეს მავთულზე და აქედან რომ ხუთი კაცი ცემდა, იქეთ ბოლოში ხუთი კაცი დახვდებოდა და ასე ძაღლივით არბენინებდნენ.

_ ასეთი ცემის შედეგად გარდაცვლილ პატიმრებზე თუ იცით რამე?

_ მაგას ჩვენ ვინ გაგვაგებინებდა?! ყოფილა შემთხვევები, როცა პატიმრები ჩაუყვანიათ კარცერში და შემდეგ უთქვამთ, რომ სხვაგან გადაიყვანეს, მაგრამ ვინ იცის რა ხდებოდა რეალურად?! კარგად მახსოვს, ივლისი იყო, საშინლად ცხელოდა და რატომღაც გარეთ არ გამოგვიშვეს. პატიმარი დათო შარაძე, რომელიც 40-კაციან საკანში იჯდა, ძლიერი სიცხის გამო დაიღუპა, შეიძლება სიცხის გამო მართლა უმტყუნა გულმა... ასეთი ფაქტები ძალიან ბევრი იყო...




 ახალი ამბები
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...
  • ოზურგეთში, ღია დიალოგის რეჟიმში, მოსახლეობასთან შეხვედრა გაიმართა (R)ღია დიალოგის რეჟიმში, ოზურგეთში მოსახლეობასთან შეხვედრა გაიმართა. გარემოს დაცვისა და სოფლის მეურნეობის მინისტრის მოადგილე იური ნოზაძე და გურიის მხარის რწმუნებული ზურაბ ნასარაია სოფელ ჯუმათის, ზვანის უბნისა და გრიბოედოვის ქუჩის მაცხოვრებლებს შეხვდნენ. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს. ადგილობრივებს ინფორმაცია დაგეგმილ ინფრასტრუქტურულ პროექტებზე, მუნიციპალურ და სოფლის მეურნეობის პროგრამებზე მიაწოდეს. მოსახლეობისთვის პრიორიტეტული სკვერის, წყალმომარაგების, კანალიზაციის სისტემის მოწყობის და შიდა საუბნო გზების მოწესრიგების საკითხია. აღინიშნა, რომ რამდენიმე საკითხი ეტაპობრივად მოგვარდება, დამუშავდება და სამოქმედო გეგმაში აისახება. შეხვედრებს ოზურგეთის მერი კონსტანტინე შარაშენიძე, საკრებულოს თავმჯდომარის მოადგილე გიორგი ღურჯუმელიძე და მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები ესწრებოდნენ. ... ...
  • გენერალურმა პროკურატურამ პატიმრების შეწყალების ფაქტზე გამოძიება დაიწყოსაქართველოს გენერალურმა პროკურატურამ პატიმრების შეწყალების ფაქტზე გამოძიება დაიწყო. პროკურატურის ინფორმაციით, გამოძიება სამსახურებრივი უფლებამოსილების შესაძლო ბოროტად გამოყენების ფაქტზე მიმდინარეობს. „საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე, დანაშაული გათვალისწინებული სსკ-ის 332-ე მუხლის 1-ლი ნაწილით. საზოგადოებას პერიოდულად მივაწვდით ინფორმაციას გამოძიების მიმდინარეობისა და შედეგების შესახებ“, _ ნათქვამია პროკურატურის ... ...
  • ანზორ ჩუბინიძე: ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონიასახელმწიფო დაცვის სპეციალური სამსახურის უფროსი ანზორ ჩუბინიძე 20 ივნისის მოვლენებთან დაკავშირებით გენერალურ პროკურატურაში დაიკითხა. როგორც ანზორ ჩუბინიძემ ჟურნალისტებთან საუბრისას განაცხადა, მან გამოძიებას ყველა კითხვაზე გასცა პასუხი. „20-21 ივნისის მოვლენებზე გამოვიკითხე და რაც მკითხეს, ვუპასუხე. რა დონეზე ვმონაწილეობდი, როგორ ვიყავით ჩართულები და პირადად ჩემთან ქონდათ გარკვეული კითხვები ჩემი მონაწილეობის შესახებ. მე ვარ სახელმწიფო დაცვის სპეციალური სამსახურის ხელმძღვანელი, პარლამენტის შენობა არის დაცვის სპეციალური სამსახურის დასაცავი ერთ-ერთი უმნიშვნელოვანესი ობიექტი და აქ კითხვა არაა, თუ რატომ ვიყავი იქ. მე მითითებებს გავცემდი მხოლოდ და მხოლოდ სდსს თანამშრომლებზე. რა თქმა უნდა, არ გავცემდი არანაირ ბრძანებას სროლაზე“, – განაცხადა ანზორ ჩუბინიძემ. ამასთან სახელმწიფო დაცვის სპეციალური სამსახურის უფროსის თქმით, ის პასუხისმეგებლობისგან გაქცევას არ აპირებს. ​ „რაც შეეხება იმას, რომ სდსს-ის თანამშრომლები იყვნენ განლაგებული პარლამენტის სხვადასხვა შესასვლელთან, ეს ასე იყო და იქნება, სანამ მე ვიქნები ხელმძღვანელი სდსს-ის. ჩემი სამსახურის თანამშრომელს არანაირი იარაღი, არც ლეტალური და არც არალეტალური არ ქონია. არავინ გაექცევა პასუხისმგებლობას, მათ შორის არც მე, თუ დადგება ეს საკითხი. გამოძიება აუცილებლად მივა ბოლომდე და ყველა კითხვას პასუხი გაეცემა“, – განაცხადა ანზორ ჩუბინძემ. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...