შეიცვლება თუ არა გურიის გუბერნატორი და ვის მოიაზრებენ კანდიდატებად

მთავარი თემა

შეიცვლება თუ არა გურიის გუბერნატორი და ვის მოიაზრებენ კანდიდატებად

2013 იან 18 21:19:20

მართალია, გურიაში ამ დროისთვის ოფიციალურად არ დასმულა  გუბერნატორის შეცვლის საკითხი, მაგრამ საზოგადოებაში  ამ თემაზე აქტიურად საუბრობენ და ღიად თუ  კულუარულად არაერთ კანდიდატს ასახელებენ. საუბარია "ქართული ოცნების" წევრზე დავით დარჩიაზე,  "რესპუბლიკელ" ტიფო მიქატაძეზე და თბილისში მცხოვრებ ბიზნესმენ ალექსანდრე ყველაშვილიზე.

"გურია ნიუსი" თითოეულ მათგანს დაუკავშირდა და ჰკითხა, რამდენად რეალურად წარმოუდგენიათ საკუთარი თავი უახლოეს მომავალში გურიის გუბერნატორის სავარძელში და თავად აყენებენ საკუთარ კანდიდატურას ამ თანამდებობაზე თუ ახალი ხელისუფლების მხრიდან კულუარულ შემოთავაზებას აქვს ადგილი.

დავით დარჩია: _ საზოგადოებაში რომ ამბობენ,  მეც მსმენია, თუმცა ეს ჩემთვის ოფიციალურად არავის უთქვამს და არც რაიმე საუბარი ყოფილა.

_ბატონო, დათო, რომ შემოგთავაზონ გურიის გუბერნატორის პოსტი, იქნებით თუ არა თანახმა? ამბობენ, რომ თქვენ ივანიშვილთან ადრინდელი მეგობრობა გაკავშირებთ და ეიძლება, ამიტომაც მოგიაზრებენ.

_კიდევ გეუბნებით, ამაზე საუბარი არ ყოფილა. საბოლოოდ რომ დადგეს ასე საკითხი და დამავალონ ან შემომთავაზონ, მე არავისზე ნაკლებად მიკეთებია კარგი საქმეები ჩემი რაიონისთვის. თქვენ რამდენად იცნობთ დათო დარჩიას, არ ვიცი, მაგრამ საქმე მიკეთებია და გავაკეთებ. იმაშიც დარწმუნებული ვარ, რომ ყველა კარგი კანდიდატურა იქნება, თუმცა ვინმეზე ნაკლებად არასოდეს მიკეთებია კარგი საქმე.

რაც შეეხება ალექსანდრე ყველაშვილს, დღეისათვის მან ჩვენს სატელეფონო ზარს არ უპასუხა, გაცილებით ადრე კი "გურია ნიუსთან", თავის შესაძლო გუბერნატორობასთან დაკავშირებით, ასეთი რამ განაცხადა: _ ნამდვილად არ მქონია მიზნად უკან დაბრუნება, ვმუშაობდი გარკვეულ პროექტებზე, რომელთა გახორციელება ხელს შეუწყობს რეგიონში სოფლის მეურნეობის განვითარებას და მის ადგილობრივ და საერთაშორისო ბაზრებზე გატანას, ერთ-ერთი ასეთი პროექტი ჩაის წარმოებაში გავახორციელეთ და საკმაოდ წარმატებული გამოვიდა. მოკლედ, ვამჯობინე აქ დარჩენა, რომ აქედან გამეწია ოპონირება ხელისუფლებისათვის, გარკვეულწილად ფინანსური და მორალური რეპრესირება გავიარეთ ცნობილი 7 ნოემბრისა და 26 მაისის შემდეგ. ამიტომ ვცდილობდით, მე და ჩემი მეგობრები, წინ ჩავდგომოდით პროტესტის ტალღას.  გურიაში ნაკლებად ჩამოვდიოდი.  მხოლოდ მეგობრებთან ვაკეთებდი ღამის ვიზიტებს„ ქართული ოცნების“ მხარდაჭერის მიზნით, დანარჩენ დროს ვახმარდით ციხეების ცნობილი მოვლენების გაპროტესტებას. ჩვენს მეგობარ ცნობილ უფლებადამცველებთან ერთად.  არჩევნების შემდეგ ,სამეგობრო წრემ წამოაყენა  წინადადება, რეგიონში ჩემი გუბერნატორად მოვლინების თაობაზე, თუმცა, იყო სხვა შემოთავაზებები, იგივე პენიტენციალურ სისტემაში, რაზედაც თავშივე უარი განვაცხადე და ვამჯობინე, ერთ შემოთავაზებაზე დავთანხმებულიყავი, ანუ მემუშავა სოფლის მეურნეობის განვითარების პროექტებზე აჭარა-გურიის რეგიონში, რაც გახორციელდებოდა პარლამენტის სოფლის მეურნეობის კომიტეტთან ურთიერთობით (ეს თემა ისევ ძალაშია). ამის შემდეგ, წამოვიდა გურიიდან ინიციატივა, ოღონდ ამ ეტაპზე ეს იყო სამოქალაქო საზოგადოების წევრები, მათ შორის, მეგობრები და უბრალო ადამიანები, რომლებიც კარგად იცნობდნენ ჩემს საქმიანობას. შექმნეს საინიციატივო ჯგუფი და დაიწყეს მუშაობა პრემიერისთვის მისაწერ პროექტზე,  რეგიონის მოსახლეობის თანდართული ხელმოწერებით. მე დღემდე ბევრს ვფიქრობ ამ საკითხზე, მქონდა რამდენიმე ოფიციალური შეხვედრა და კონსულტაცია, არის სერიოზული მხარდაჭერაც, მაგრამ ჯერ არანაირი გადაწყვეტილება მიღებული არ მაქვს, მიზეზი მხოლოდ ერთია–რამდენად იქნება საშუალება რეგიონში სახსრების მოზიდვისა, რომ მისი ეკონომიკა და მოსახლეობა ეტაპობრივად წელში გაიმართოს და წავიდეს წინ, _ განაცხადა ჩვენთან საუბრის დროს ალექსანდრე ყველაშვილმა.

რესპუბლიკური პარტიის წევრ ტიფო მიქატაძეს გურიის საზოგადოება კარგად იცნობს. მის შესახებ გაჟღერდა ინფორმაცია, რომ  იგი გურიაში მხოლოდ გუბერნატორის თანამდებობას თუ დათანხმდება, სხვა  საჯარო სამსახურში კი არ იმუშავებს. რამდენად შეეფერება სინამდვილეს ეს ყველაფერი ამ და კიდევ სხვა აკითხებზე ჩვენ მას რამდენიმე კითხვა დავუსვით.

_ბატონო ტიფო,  გავრცელებული ინფორმაციით, გურიის მხარის გუბერნატორობის კანდიდატი ხართ და ამბობენ იმასაც, რომ გაქვთ ამბიცია, მხოლოდ ამ თანამდებობაზე იმუშაოთ მშობლიურ მხარეში. რამდენად შეესაბამება ეს ყველაფერი სიმართლეს?

_დავიწყებ იმით, რომ გუბერნატორების დანიშვნის თემა, ჯერჯერობით, არ დგას დღის წესრიგში. ამის ირგვლივ საზოგადოების ყურადღება გამოიწვია მუნიციპალიტეტებში ხელისუფლების ცვლილების მიმდინარეობამ და გუბერნატორად დანიშვნის მსურველთა აქტივობებმა. მოგეხსენებათ, გუბერნატორის დანიშვნა პრეზიდენტის პრეროგატივაა პრემიერ-მინისტრთან შეთანხმებით. არსებობს ნება, რომ ცვლილება შევიდეს კანონმდებლობაში, რითაც ეს უფლება პრემიერ-მინისტრს მიენიჭება, პრეზიდენტთან შეთანხმებით. როცა ეს მოხდება, თემაც მეტ აქტუალობას შეიძენს. რაც შეეხება პირადად ჩემს ამბიციებსა და დამოკიდებულებებს, შევეცდები ავხსნა.

წლების მანძილზე ჩართული ვარ პოლიტიკურ პროცესებში და უპირველეს ყოვლისა, ვცდილობ, შევაფასო თავად პროცესი, მისი მიმდინარეობა, ფაქტორები, ეტაპები, მიზეზ-შედეგობრივი კავშირები, დადებითი და უარყოფითი ტენდენციები და.შ. გუბერნატორების დანიშვნის პროცესიც  მაინტერესებს იმ თვალსაზრისით, ქვეყანაში ხელისუფლების ცვლილების შემდეგ, თუ როგორ იქმნება რეგიონებში პოლიტიკური თანამდებობების პირების დანიშვნის გადაწყვეტილების მიღების სისტემა, მისი მუშაობისა და "გამართულობის" ხარისხი. მხოლოდ და მხოლოდ ამის შემდეგაა ჩემთვის საინტერესო პერსონები და კანდიდატები. რადგან თუკი გადაწყვეტილების მიმღები სისტემა ნორმალურ ფუნქციონირებას დაიწყებს და იგი დაეფუძნება გადაწყვეტილების მიმღებთა ურთიერთთანამშრომლობას, ინტერესთა შეჯერებას, კონსესუსს სასიკეთო შედეგების მიღწევის მიზნით, მაშინ ის აუცილებლად წარმოშობს, შეარჩევს და დანიშნავს გუბერნატორობისთვის  შესაფერის, საჭირო სტანდარტის მქონე ადამიანებს. ამ შემთხვევაში საზოგადოებისთვისაც ნაკლები "სანერვიულო", ნაკლებ პრობლემური იქნება ეს ემა და პერსონებსაც გადამწყვეტი მნიშვნელობა აღარ ექნება.

მართალია, საბოლოო გადაწყვეტილებას  უშუალოდ პრემიერ-მინისტრი მიიღებს, მაგრამ გადაწყვეტილების პროცესში უნდა მონაწილეობდნენ კოალიცია "ქართულ ოცნებაში" შემავალი პარტიის ლიდერები, მაჟორიტარი დეპუტატები, (როგორც მუნიციპალიტეტებში კოალიციის შტაბების პოლიტიკური ხელმძღვანელები) და რეგიონის საზოგადოება, აქ არსებული საზოგადოებრივი ორგანიზაციებისა და მოქალაქეთა ჯგუფების სახით. სწორედ ამ ძირითადი მოთამაშეების თანამშრომლობის წიაღში უნდა იშვას და შეირჩეს კანდიდატები. თუკი ეს თანამშრომლობა ჯანსაღია და ემორჩილება გარკვეულ წესრიგს, მაშინ იგი გამორიცხავს შეცდომებს გადაწყვეტილებების მიღებაში და არჩევანიც უკეთესებს შორის მოხდება. ეს შედის საზოგადოების ინტერესებში და ეს არის უმნიშვნელოვანესი, ამიტომაც არის ის ჩემთვის უპირველესი.

უფრო გასაგები რომ იყოს, რეგიონის საზოგადოებისთვის ასევე ცნობილი რამდენიმე დანიშვნის მიხედვით, შეგვიძლია შევაფასოთ პროცესები. მაგალითად, გურიის ყოფილი პროკურორის ი. ჯალაღანიას დაწინაურება, აშკარად "გაიპარა" პროკურატურის სისტემაში  და ჩემი აზრით, არასასურველი ფაქტია. პირიქით, როცა შეჩერდა ოზურგეთის პოლიციის უფროსად ე. გორდელაძის დანიშვნა, ეს მიუთითებს, რომ რომ შინაგან საქმეთა სამინისტროში ასეთი გადაწყვეტილების მიღების  მექანიზმი თანდათან სრულყოფას განიცდის. დარწმუნებული ვარ, ასე მოხდება სხვაგანაც.

შეიძლება,  აღმოჩნდეს ერთ-ერთი განსხვავებაც ჩემსა და გუბერნატორობის პოტენციურ სხვა კანდიდატებს შორის. ვიღაცისთვის თანამდებობა თვითმიზანია, ჩემთვის კი მექანიზმის ამუშავება და გამართულობა და მასში ჩემი უნარის, როგორც რესურსის გამოყენებაა პრიორიტეტი.

რაც შეეხება ჩემს ამბიციას _ თუკი ზემოთ აღნიშნული სისტემა მუშაობს, მაშინ, ვფიქრობ, რომ მან თავად უნდა მოიტანოს ჩემი კანდიდატურით დაინტერესება, _ მძიმეწონიან მოჭიდავეთა შეჯიბრებისთვის მაინც, "ამწონონ", თუნდაც. ამ შემთხვევაში მე მზად ვარ, მივიღო მონაწილეობა შერჩევის პროცესში და ურთიერთმისაღები პირობების შემთხვევაში ავიღო პასუხისმგებლობა. ეს არის ჩემი ამბიცია.

_ თუ განსხვავებული, ანუ მაინც ძველებური ფორმით წარიმართა გუბერნატორის დანიშვნის პროცესი, ასეთ შემთხვევაში რას აპირებთ?

_ თუკი სისტემა ნორმალურად არ ფუნქციონირებს, მაშინ გუბერნატორობის მსურველ ადამიანებს მოუწევთ პოლიტიკურ ბრძოლაში ჩაბმა. პოლიტიკური ბრძოლა გულისხმობს სხვადასხვა მეთოდების, ხერხების, მათ შორის ჩემთვის მიუღებელი, არაჯანსაღი "იარაღის" გამოყენებასაც, რასაც, გულწრფელად გეუბნებით, არ ვაპირებ და არ გავაკეთებ. ასეთი ამბიცია  არ მაქვს. ასეთ შემთხვევაში ვიფიქრებ, ჩემი გამოცდილება და უნარები მოვახმარო იმ სფეროში საქმიანობას, სადაც მეტად პროდუქტიული და სარგებლობის მომტანი ვიქნები საზოგადოებისთვის.  ძირითადად, ალბათ, ახალი სამოქალაქო ინიციატივების განვითარების მიმართულებით. ადგილობრივი თვითმმართველობის ორგანოებისა და სხვა საჯარო ორგანიზაციების საქმიანობაში კი აქტიურ მონაწილეობას მიიღებენ ჩვენი პარტიის სხვა წევრები და მხარდამჭერები, რომლებიც იმსახურებენ და შეუძლიათ წარმატებით გაართვან თავი დაკისრებულ ვალდებულებებს.

_ბატონო ტიფო, გუბერნატორობის კანდიდატებად მოიზრებიან ალექსანდრე ყველაშვილი, დათო დარჩია... კიდევ ალბათ, ბევრი დასახელდება. რა აზრის ხართ მათზე?

მართლაც, ალბათ, ბევრი ღირსეული ადამიანი დასახელდება. ამიტომ, ამჟამად მოვერიდები დ მეტიც, განვმეორდები – პიროვნებები ნაკლებად მაინტერესებს, ვიდრე მექანიზმი. ვერ ვიტყვი მათ შესახებ ვერაფერს. მახსენდება თანამედროვეობის ერთ-ერთი უდიდესი ადამიანის ვაცლავ ჰაველის სიტყვები: "პოლიტიკოსის საქმიანობა გულისხმობს გაზრდილ პასუხისმგებლობას საზოგადოების ზნეობრივ მდგომარეობაზე და პოლიტიკოსის ვალია, გამონახოს, განავითაროს და გააძლიეროს ყოველივე საუკეთესო, რაც საზოგადოებაშია. ვფიქრობ, ეს უნდა იყოს სახელმძღვანელო თითოეული პოლიტიკოსისთვის და მათი წახალისებაც და პასუხისმგებლობის დაკისრებაც მათში სწორედ ამ უნარის არსებობის ხარისხის შესაბამისად უნდა მოხდეს.

_ თქვენი აზრით, ძველი ხელისუფლების წარმომადგენლები, რომლებიც ჯერჯერობით კვლავ სხედან გუბერნიის სათავეში, შეეცდებიან თუ არა, ხელი შეუშალონ "ქართული ოცნების" კანდიდატურის დანიშვნას?

_ ეჭვგარეშეა, რომ ძველი ხელისუფლება შეეცდება მათთვის მისაღები კანდიდატურის დანიშვნის ხელშეწყობას. მოსალოდნელია, რომ ის ამისთვის გამოიყენებს იმ ადამიანებს  და ადამიანთა ჯგუფებს, რომლებიც საპარლამენტო არჩევნების დროს "ქართული ოცნების" მხარდაჭერის იმიტაციას ახდენდნენ. რეალურად კი "ნაცმოძრაობას" დაახლოებული ადამიანები და მათი მხარდამჭერები იყვნენ. ჩვენ ეს ადამიანები სახელებით და გვარებით ვიცით. გარწმუნებთ, არ მოვერიდებით მათ დასახელებას და საქმეების გამომზეურებას.

ადამიანთა გარკვეულ ჯგუფს, რომლებიც  წლების განმავლობაში ოსტატურად იცვლიდნენ ფერს ხელისუფლების ცვლილების შემდეგ და კვლავ რჩებოდნენ რეგიონულ ხელისუფლებაში, გაუჩნდათ იმის განცდა,   რომ ოზურგეთი სულ "ჯიბეში უნდა ჰყავდეთ", რომ მხოლოდ მათ შეუძლიათ მართვა. რატომღაც არ ჰგონიათ, რომ ჩვენ, ყოფილმა ოპოზიციამ, მათთან მრავალწლიანი ბრძოლის პირობებში ბევრი რამ ვისწავლეთ, გამოცდილება შევიძინეთ, ხედვები ჩამოვაყალიბეთ. ამიტომ, დროა, რეგიონებშიც მოვიდეს ახალი პოლიტიკური ელიტა და წარმატების საწინდარი გახდეს წესიერება, კვალიფიკაცია და პასუხისმგებლობა.

"გურია ნიუსი" გურიის ამჟამინდელ გუბერნატორს ვალერი ჩიტაიშვილს დაუკავშირდა:

_ბატონო ვალერი, გავრცელებული ინფორმაციით, გურიის გუბერნატორობის კანდიდატები სახელდება. თქვენი შესაძლო გათავისუფლების შესახებაც საუბრობენ. პრეზიდენტი ხომ არ განიხილავს თქვენს ადგილზე სხვა კანდიდატურას?

_ამ ყველაფერს პრეზიდენტი წყვეტს. შესაბამისად, მე სხვა ინფორმაცია არ გამაჩნია, ვარ ადგილზე და ვმუშაობ ჩვეულებრივ რეჟიმში, _ მოკლედ გვიპასუხა ჩიტაიშვილმა.




 ახალი ამბები
  • საქართველოს საგარეო უწყება საერთაშორისო თანამეგობრობას მიმართავსმივმართავთ საერთაშორისო თანამეგობრობას, ქმედითი ზომები მიიღოს საოკუპაციო ძალების უკანონო მოქმედებების შესაჩერებლად, – ამის შესახებ საქართველოს საგარეო საქმეთა სამინისტროს სპიკერმა, ვლადიმერ კონსტანტინიდმა საოკუპაციო ხაზიდან საქართველოს შვიდი მოქალაქის გატაცებასთან დაკავშირებით საუბრისას განაცხადა. მისი თქმით, საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში. „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან შვიდი ადგილობრივი მცხოვრების გატაცების გამო. იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო, საოკუპაციო ძალების მიერ საქართველოს მოქალაქეების გატაცებისა და უკანონო დაკავებების პრაქტიკის გაგრძელება წარმოადგენს ქვეყანაში ვითარების დესტაბილიზაციის აშკარა მცდელობას. საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში“, – აცხადებს საგარეო საქმეთა სამინისტროს სპიკერი. ვლადიმერ კონსტანტინიდის თქმით, გააქტიურებულია ცხელი ხაზი; საქმის კურსში არიან ჟენევის საერთაშორისო მოლაპარაკებების თანათავმჯდომარეები, პროცესში ჩართულია ევროკავშირის სადამკვირვებლო მისია. „ჩვენ დაუყოვნებლივ გავააქტიურეთ ცხელი ხაზი; უკვე დავუკავშირდით ჟენევის საერთაშორისო მოლაპარაკებების თანათავმჯდომარეებს; პროცესში ჩართულია ევროკავშირის სადამკვირვებლო მისია. მოვუწოდებთ რუსეთის ფედერაციას, დაუყოვნებლივ შეწყვიტოს უკანონო ქმედებები საოკუპაციო ხაზზე და პატივი სცეს ნაკისრ საერთაშორისო ვალდებულებებს. მოვუწოდებთ რუსეთის ფედერაციას, რომ დაიწყოს 2008 წლის 12 აგვისტოს ცეცხლის შეწყვეტის შეთანხმების უპირობო შესრულება, რადგან საქართველოს ტერიტორიიდან ჯარების გაყვანა არის ადგილზე მდგრადი მშვიდობისა და უსაფრთხოების დამყარების ერთადერთი გზა. მივმართავთ ასევე საერთაშორისო თანამეგობრობას, რომ ქმედითი ზომები მიიღოს საოკუპაციო ძალების უკანონო მოქმედებების შესაჩერებლად“, – განაცხადა ვლადიმერ კონსტანტინიდმა. საოკუპაციო ხაზთან რუსმა სამხედროებმა საქართველოს შვიდი მოქალაქე დააკავეს. დაკავებულები სოფელ ახალუბნის მცხოვრებლები არიან. არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან ... ...
  • რუსმა სამხედროებმა სოფელ არცევთან საქართველოს კიდევ ერთი მოქალაქე დააკავესრუსმა სამხედროებმა საოკუპაციო ხაზთან, ოკუპირებული სოფელ არცევის მიმდებარე ტერიტორიიდან საქართველოს კიდევ ერთი მოქალაქე, სოფელ დიდი მეჯვრისხევის მკვიდრი დააკავეს. ამის შესახებ საქართველოს პირველ არხს სახელმწიფო უსაფრთხოების სამსახურში განუცხადეს. სუს-ის ინფორმაციით, დაკავებული ცხინვალის იზოლატორშია გადაყვანილი. საქართველოს მოქალაქეს ე.წ. საზღვრის უკანონო კვეთას ედავებიან. სუს-ის ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია. სახელმწიფო უსაფრთხოების სამსახურის ინფორმაციით, რუსი სამხედროების მიერ დაკავებული საქართველოს შვიდი მოქალაქე ცხინვალის იზოლატორში იმყოფება და ე.წ. სასამართლო პროცესს ელოდება. საოკუპაციო რეჟიმის წარმომადგენლები მათ ე.წ. საზღვრის უკანონო გადაკვეთაში სდებენ ბრალს. ე.წ. სასამართლო პროცესი, სავარაუდოდ, ხვალ ჩაინიშნება. სუს-ის ინფორმაციით, ცხელი ხაზის რამდენჯერმე გააქტიურების შემდეგ, გვიან ღამით შედგა დე-ფაქტოცხინვალის წარმომადგენლობასთან კომუნიკაცია, რომლებმაც დაადასტურეს საქართველოს შვიდი მოქალაქის ... ...
  • დამტვრეული ინვეტარი, მიტოვებული, არგახსნილი მუზეუმი და ბალახებში ჩაფლული პარკი შემოქმედშიეს ფოტოები ოზურგეთის მუნიციპალიტეტის, სოფელ შემოქმედის ერთ-ერთ პარკსა და 2 წლის წინ აშენებულ, ჯერ არგახსნილ, ვარლამ სიმონიშვილის ეთნოგრაფიულ მუზეუმში არის გადაღებული. როგორც ფოტოებიდან ჩანს, ახალგარემონტებულ პარკში, ახალაშენებულ საპირპარეშოში საშინელი მდგომარეობა. დამტვრეული ინვეტარი. სოფელ შემოქმედში ახალი პარკი და ეთნოგრაფიული მუზეუმი 2015-2017 წლებში ... ...
  • ხელისუფლების წარმომადგენლები მოსახლეობას შეხვდნენ (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები, ოზურგეთის მუნიციპალიტეტის სოფლებში: ურეკის, შრომის, ნატანების, ზემო ნატანების მოსახლეობას შეხვდნენ და არსებულ საჭიროებებზე ინფორმაცია მიიღეს. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს.შეხვედრაზე ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე გამახვილდა. საუბარი შეეხო მუნიციპალურ და სახელმწიფო პროგრამებს. მოსახლეობამ მთავარ საჭიროებად წყალმომარაგებისა და შიდა გზების პრობლემების მოგვარება დაასახელა. ასევე, ჭაბურღილების, გარე განათების, ტროტუარების მოწყობა და მცირე ბიზნესის ხელშეწყობა. შეხვედრას ესწრებოდნენ პარლამენტის თავმჯდომარე არჩილ თალაკვაძე, პარლამენტის წევრები გიორგი ვოლსკი, თემურ ჭკუასელი, ირაკლი ხახუბია, გია გაჩეჩილაძე, საგარეო საქმეთა მინისტრის მოადგილე ალექსანდრე ხვთისიშვილი, გარემოს დაცვისა და სოფლის მეურნეობის სამინისტროს, სურსათის და სოფლის განვითარების დეპარტამენტის ხელმძღვანელი თენგიზ კალანდაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები. ... ...
  • ბახმაროს დოღის საპრიზო ფონდიუკვე მეორე წელია, რაც ბახმაროში დოღი ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება. „ბახმაროს თასი 2019“ ღონისძიებისათვის კომპანია „წყალი მარგებელმა“ სპონსორებთან ერთად სპეციალური საპრიზო ფონდი და საჩუქრები დააწესა. წყალ მარგებელთან ერთად ღონისძიების გენერალური მხარდამჭერი „საქართველოს ბანკია“, ღონისძიების პარტნიორები არიან ასევე კომპანია გალფი, გლოვო და კროკო-ბეთი. ღონისძიების ფარგლებში შედგება 4 გარბენი: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულაგარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარიI ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი;I ადგილი 1000 ლარი; II ადგილი 500 ლარი; III ადგილი 300 ლარი; მონაწილეობაღონისძიებაში მონაწილეობის მისაღებად, დაინტერესებულმა პირმა უნდა გაიროს რეგისტრაცია 18 აგვისტოს 10:00 დან 18:00 საათამდე, რეგისტრაცია გაიმართება ბახმროში, დოღის სტარტის მიმდებარე ტერიტორიაზე.აუცილებელია პირადობის დამადასტურებელი მოწმობის წარდგენა. რეგისტრაციის დროს სავალდებულოა ცხონოსანი გამოცხადდეს ცხენის ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...