ივანიშვილის რეზიდენციასთან აბაშელების აქცია გრძელდება

მთავარი თემა

ივანიშვილის რეზიდენციასთან აბაშელების აქცია გრძელდება

31 იან. 2013, 20:09:51

მათი მოთხოვნა უცვლელია _ გადადგეს "ქართული ოცნება _ დემოკრატიული საქართველოსთვის" პარტიის თავმჯდომარის თანამდებობიდან გიორგი გვილავა და დაინიშნოს დავით კინწურაშვილი. აქციის ყველაზე ახალგაზრდა მონაწილემ, თორნიკე ქარცივაძემ შიმშილობა დაიწყო.

თორნიკე ქარცივაძე: "დღეს მე დავიწყე შიმშილობა, თუ საჭირო გახდა, სხვა ახალგაზრდებიც შემომიერთდებიან. ჩვენს თავზე გადაიარა შეტევების ქარიშხალმა, ყველა ჩვენ გვდევნიდა, "ოცნების" მაისურიან ახალგაზრდებს ქვებს გვესროდნენ და ახლა თუ სხვა ადამიანები "ოცნების" წევრები უფრო ყოფილან, მაშინ ჩვენ ვინ ვართ? სად იყვნენ მაშინ, როცა ზუგდიდში მე პირადად ავიტანე "ქართული ოცნების" დროშა და უკან დაბრუნებული კინაღამ ციხეში აღმოვჩნდი? უკვე მეორე დღეა, აქ ვართ და ჯერ არავინ გამოგვხმაურებია. მე დავიწყე შიმშილობა და არ შევწყვეტ მანამ, სანამ არ მომეცემა საშუალება პირადად დაველაპარაკო ბიძინა ივანიშვილს".

ფიქრია ტყებუჩავა: "ჩვენ აქ ვართ ის ადამიანები, რომლებმაც სულით და ენთუზიაზმით ვიბრძოლეთ "ქართული ოცნების" გამარჯვებისთვის. სად იყო მაშინ გვილავა, როცა ეს ადამიანები ტერორში იყვნენ და სასწორზე დადეს ყველაფერი? წინასაარჩევნოდ საერთოდ არ ჰქონია შეხება გვილავას "ოცნების" შტაბთან. ჩვენ ვითხ-ოვთ, დატოვოს პარტიის თავმჯდომარეობა თვითმარქვია გვილავამ, რომელმაც თვითონ დაინიშნა თავი ამ პოსტზე, გვერდით დაიყენა ის ადამიანები, რომლებიც არასდროს გვინახავს "ოცნების" მაჟორიტარის შეხვედრებზე. არ დავიშლებით მანამ, სანამ ჩვე¬ნი მოთხოვნა არ დაკმაყოფილდება. ვითხ¬ოვთ ბიძინა ივანიშვილთან შეხვედრას".

ზურაბ ნინუა: "ჩვენი არჩევანი შევაჩერეთ დავით კინწურაშვილზე და მოვითხოვთ მის დანიშვნას პარტიის თავმჯდომარედ. თუ არ დაკმაყოფილდა ჩვენი მოთხოვნა, მაშინ იძულებული ვიქნებით, ჩავაბაროთ პირადობის მოწმობები, უარი ვთქვათ საქართველოს მოქალაქეობაზე და წავიდეთ ქვეყნიდან".

"გურია ნიუსი" გიორგი გვილავას დაუკავშირდა.

_ აქციის მონაწილეები ამბობენ, რომ თვითმარქვია ხართ და თვითონ დაინიშნეთ საკუთარი თავი პარტიის თავმჯდომარის პოსტზე. იმასაც ამბობენ, რომ კრება ჩაიშალა და არალეგიტიმურად გამოცხადდა.

_ მე პარტიის მთავარი საბჭოს გადაწყვეტილებით მომენიჭა უფლებამოსილება საინიციატივო ჯგუფთან ერთად მომემზადებინა რაიონული ორგანიზაციის სადამფუძნებლო კონფერენცია. შესაბამისად, კონფერენცია მომზადდა და ჩატარდა, რომელსაც ესწრებოდნენ პარტიის წევრები _ 92 მოწვეული დელეგატიდან გამოცხადდა 86 დელეგატი. კონფერენცია გახსნა საინიციატივო ჯგუფის წევრმა კონსტანტინე ხარძიანმა, რომელმაც კენჭის ყრაზე დააყენა კონფერენციის თავმჯდომარის არჩევის საკითხი. კონფერენციის თავმჯდომარედ აირჩიეს კუკური ლასარეიშვილი, რომელმაც თავის მხრივ წარადგინა სამანდატო კომისიის შემადგენლობა, სამდივნოს შემადგენლობა, რასაც ცალ-ცალკე ეყარა კენჭი, შემდეგ დღის წესრიგი დაამტკიცეს, მერე სამანდატო კომისიის თავმჯდომარემ გააცნო დელეგატებს ინფორმაცია დამსწრეების შესახებ, შემდეგ საინიციატივო ჯგუფის წევრმა გელა ხოშტარიამ დაასახელა პარტიის თავმჯდომარის კანდიდატურა, რასაც კენჭი ეყარა და არჩეული იქნა თავმჯდომარე ერთხმად. თავმჯდომარემ კონფერენციას გააცნო ბიუროს შემადგენლობა, რომელიც ერთხმად იქნა არჩეული. ერთხმად აირჩა ის დელეგატებიც, რომლებიც დაესწრებიან პარტიის ყრილობას თბილისში. სხდომის შემდგე თავმჯდომარემ დამსწრეებს გააცნო სამოქმედო გეგმის მონახაზი და გააკეთა მიმოხილვა ქვეყანაში მიმდინარე პოლიტიკურ პროცესებზე, რის შემდეგაც კონფერენცია დახურულად გამოცხადდა. ასე რომ, კრებას ლეგიტიმაციაც აქვს და კანონიერებაც დაცული იყო.

_ პრემიერის რეზიდენციასთან მყოფი ხალხი ამბობს, რომ საერთოდ არ გქონიათ შეხება "ქართულ ოცნებასთან" ოცნებასთან და არც აბაშაში ყოფილხართ წინასაარჩევნო პერიოდში.

_ წინა ინტერვიუში უკვე გითხარით, რომ ვიყავი ლაგოდეხში და არ მგონია, ტერიტორიას ჰქონდეს გადამწყვეტი მნიშვნელობა. მთავარია მე "ოცნების" მხარდამჭერი და მებრძოლი ვიყავი. გადახედონ წინა ინტერვიუს და ნახავენ. აქციის მონაწილეებს ყველას ყველა კითხვაზე ამომწურავი პასუხი გავეცი, როცა ჩვენი შეხვედრა შედგა. დამიბარეს, მივედი და ძალიან კეთილ განწყობითაც დავშორდი კოალიციის ყველა კოორდინატორს. ნინუაც იყო იქ და ფიქრიაც. ნინუა ადრევე წავიდა, ალბათ, კოორდინატორების კეთილგანწყობა არ მოეწონა. ფიქრიამ წარმატებები მისურვა და აღმითქვა დახმარება. რა მოხდა მას შემდეგ, არ ვიცი, მაგრამ ინფორმაცია მაქვს, რომ ეს ჯგუფი იმართება რაიონის ადგილობრივი თვითმმართველობის ხელმძღვანელობისგან. მე მათ ვუთხარი, რომ ოფისი გაიხსნება და ვინც გაიზიარებს პარტიის პოლიტიკურ კურსს, მსჯელობის შემდეგ გაწევრიანდება პარტიაში, ასე რომ, ყველა კითხვაზე მაქვს გაცემული პასუხი. პოლემიკაში შესვლას არ ვაპირებ მათთან. ჩაიხედოს ყველამ თავის სინდისში და იქ დაინახავენ თუ რას და რისთვის ემსახურებიან. მე ლაგოდეხში "ოცნების" საქმეს ვაკეთებდი. პარტიის წევრებს რაც შეეხება, ყველა "ოცნების" აქტიური მხარდამჭერია.

_ აქციაზე ერთმა ახალგაზრდამ შიმშილობა დაიწყო. ბევრ მათგანს მოქალაქეობის დატოვება განუზრახავს.

_ ყველას პატივს ვცემ. ამ რეჟიმს პირველივე დღეებიდან ვებრძვი _ 7 ნოემბერი, აპრილი, მაისი და ბოლოს _ არჩევნები. ახლა რაც შეეხება იმ ხალხს, ახლა რომ უნდათ მოქალაქეობის დატოვება _ რატომ არ გაუჩნდათ ამის სურვილი, როცა ამ წლების მანძილზე ეს რეჟიმი აუბედურებდა ხალხს, ან მაშინ, გამგებლის დანიშვნას რომ აპროტესტებდნენ? შონიას რაც შეეხება, შტაბში ნაცებთან ეგ იყო იურისტად და მაგათ უფლებებს იცავდა 200 ლარად, როგორც თვითონ აღნიშნავს თავის ინტერვიუში. მაგათი ქმედება თვითონ მეტყველებს, თუ ვინ რა საქმეს ემსახურება. გიორგი გვილავას თავმჯდომარეობის გამო ქვეყანას იმიტომ ტოვებენ, რომ სწორედ ნაცების ნარჩენებს ამ რაიონში ეშინიათ პატიოსანი და შეუბღალავი რეპუტაციის მქონე ადამიანების. ინგა ჩაგანავას რაც შეეხება, ხელფასიან სამსახურს მთხოვდა. მე ავუხსენი, რომ პარტია არაა ის ადგილი, სადაც ხელფასის გამო მიდიან ადამიანები და განაწყენდა. მე ყველას პატივს ვცემ, მაგრამ პირველ რიგში ჩემს ქვეყანას.

ივანიშვილის რეზიდენციასთან კი აქცია გრძელდება და ამ ღამესაც იქ გაატარებენ აქციის მონაწილეები.




 ახალი ამბები
  • შემოსავალდაკარგულთათვის კომპენსაციის მოთხოვნის ვადა გახანგრძლივდასოციალური დახმარების მიღებაზე განაცხადის შეტანა 1-ელ აგვისტომდე გახანგრძლივდა, - ამის შესახებ მთავრობის სხდომაზე პრემიერ-მინისტრმა გიორგი გახარიამ განაცხადა. "მოგეხსენებათ, რომ დარგობრივი დახმარების გარდა ჩვენ მთელი რიგი სოციალური დახმარების პაკეტი გვქონდა, რომელიც ითვალისწინებდა ჩვენი მოქალაქეების პირდაპირ ფინანსურ დახმარებას - მათი, ვინც დაკარგეს სამსახური, ან თვითდასაქმებულების, რომლებსაც ოჯახში შემოსავალი შეუმცირდათ. ასეთი ადამიანების რეგისტრაციის ვადა ამოწურულია, მაგრამ მთავრობამ მიიღო გადაწყვეტილება მისი 1-ელ აგვისტომდე გახანგრძლივების შესახებ. ვინც დააგვიანა ან ვერ შეძლო საჭირო საბუთების მოგროვება, ისინი შეძლებენ 1-ელ აგვისტომდე გაიარონ რეგისტრაცია. თუ საჭირო გახდება, ამ ვადას კიდევ გავაგრძელებთ, ვინაიდან ჩვენ ყველას გვესმის, რომ დღეს ეპიდემიასთან ბრძოლასთან ერთად ჩვენი პირველი და ყველაზე მნიშვნელოვანი ამოცანაა სოციალურად დაუცველი ადამიანების დახმარებაა. დღეის მდგომარეობით, დახმარება უკვე მიიღო 121 719-მა თვითდასაქმებულმა ​და 139 000-ზე მეტმა ადამიანმა, რომლებმაც დაკარგეს შემოსავალი ან სამსახური. რა თქმა უნდა, ყველაფერს გავაკეთებთ იმისთვის, რომ ეს რიცხვები გაიზარდოს, და ამ მიზანს ემსახურება ვადის გახანგრძლივებაც. გარდა ამისა, თვითდასაქმებულების ნაწილში დახმარების მიზნობრიობას ვაფართოებთ და დღეს დავუმატებთ საზღვარგარეთ სეზონურ სამუშაოებზე დასაქმებულ ადამიანებს. სოციალურ დახმარებას სახელმწიფოსგან ეს ადამიანებიც მიიღებენ", - განაცხადა ... ...
  • „იმოგზაურე საქართველოში“ _ შიდა ტურიზმთან დაკავშირებით ახალი პროგრამა იწყებაპრემიერ-მინისტრმა გიორგი გახარიამ შიდა ტურიზმის ხელშეწყობის ახალი სახელმწიფო პროგრამა - „იმოგზაურე საქართველოში“ დააანონსა. გიორგი გახარიამ მთავრობის სხდომაზე საზოგადოებას პროგრამაში აქტიური ჩართვისკენ მოუწოდა. „შიდა ტურიზმთან დაკავშირებით ვიწყებთ ახალ პროგრამას „იმოგზაურე საქართველოში“ და მინდა თითოეულ თქვენთაგანს გთხოვოთ, რომ ამ პროგრამაში ჩაერთოთ აქტიურად. პანდემიის წყალობით შესაძლებლობა გვაქვს ხელახლა აღმოვაჩინოთ ჩვენი ქვეყანა და მოვემზადოთ იმისთვის, რომ როდესაც სრულად გაიხსნება საერთაშორისო ტურიზმი, საუკეთესო გიდები ვიყოთ უცხოელი სტუმრებისთვის. ამიტომ აქტიურად უნდა გამოვიყენოთ ეს დრო, უნდა მივეხმაროთ დარგს, ტურიზმს. ეს იქნება ძალზედ მნიშვნელოვანი და ყველაფერი უნდა გავაკეთოთ, რომ ჩვენს ტურისტულ რეგიონებს კრიზისისგან გამოწვეული პრობლემები შევუმსუბუქოთ", _ აღნიშნა ... ...
  • როდიდან იქნება შესაძლებელი ღია სივრცეში კულტურული ღონისძიებების ჩატარებაღია სივრცეში კულტურული ღონისძიებების ჩატარებაზე დაწესებული აკრძალვა 13 ივლისიდან მოიხსნება, - ამის შესახებ მთავრობის სხდომაზე პრემიერ-მინისტრმა გიორგი გახარიამ განაცხადა. „13 ივლისიდან ღია სივრცეში კულტურული ღონისძიებების ჩატარებაზე დაწესებული აკრძალვა მოიხსნება. მე ვფიქრობ, რომ განსაკუთრებით ახლა, ზაფხულში, როდესაც სულ უფრო და უფრო აქტუალური ხდება შიდა ტურიზმი, ამას დიდი მნიშვნელობა აქვს. ნებადართული იქნება ასევე ყველა ის ღონისძიება, რომელსაც სხვადასხვა სახის დატვირთვა აქვს, მაგრამ ღია ცის ქვეშ ტარდება. მაგალითად, ბოლო პერიოდში დიდი მოთხოვნა იყო კინოლოგების მხრიდან გამოფენების ჩასატარებლად და, რა თქმა უნდა, ჩვენს ოთხფეხა მეგობრებსაც უნდა დავეხმაროთ“, - განაცხადა ... ...
  • სანამდე გახანგრძლივდა ძველი ნიმუშის სანომრე ნიშნების მოქმედების ვადაველი ნიმუშის სანომრე ნიშნების მოქმედების ვადა გახანგრძლივდა. ინფორმაციას ამის შესახებ შინაგან საქმეთა სამინისტრო ავრცელებს. მომსახურების სააგენტოს სარეგისტრაციო სივრცეში სატრანსპორტო საშუალების ძველი ნიმუშის სანომრე ნიშნების შეცვლის მსურველ მოქალაქეთა მომატებული რაოდენობის და ახალი კორონავირუსის შესაძლო გავრცელების პრევენციის მიზნით, „სსიპ – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონში განხორციელდა ცვლილება, რომელიც გულისხმობს ყველა ტიპის მექანიკური სატრანსპორტო საშუალების ძველი ნიმუშის სანომრე ნიშნის მოქმედების ვადის გახანგრძლივებას 2021 წლის 31 მარტის ჩათვლით. ყველა ტიპის მექანიკური სატრანსპორტო საშუალების მესაკუთრეებს შეუძლიათ, ძველი ნიმუშის სანომრე ნიშანი ახალი ნიმუშის სანომრე ნიშნით შეცვალონ 2021 წლის 31 მარტის ჩათვლით. შინაგან საქმეთა სამინისტროს მომსახურების სააგენტო სერვისების განხორციელებისას სრულად ითვალისწინებს საქართველოს მთავრობის უწყებათშორისი საკოორდინაციო საბჭოს რეკომენდაციებს. სააგენტო მოქალაქეებს მოუწოდებს, რომ ადგილზე სერვისების მისაღებად გამოცხადდნენ ... ...
  • რა ეღირება PCR ტესტირება მათთვის, ვისაც საქართველოში შემოსვლისას შემოწმება საკუთარი ხარჯით მოუწევსPCR ტესტირების ფასი მერყეობს სხვადასხვა ლაბორატორიების ფასების მიხედვით, 150-180-250 ლარის ფარგლებში - ამის შესახებ დაავადებათა კონტროლის ეროვნული ცენტრის ხელმძღვანელმა ონლაინ-ბრიფინგზე განაცხადა. „ტარიფი, რომლსაც დღეს სახელმწიფო PCR ტესტირებისთვის უხდის ლაბორატორიებს, გახლავთ 150 ლარი. მოგეხსენებათ დღეს სახელმწიფო პროგრამით ეს ადამიანებისთვის უფასოა, მათ შორის კარანტინში მყოფებისთვის, მძღოლებისთვის, ყველა კონტაქტირებულისთვის, ექიმებისთვის და ყველა იმ ჯგუფისთვის, რომელიც მთავრობის დადგენილებით განისაზღვრება, სახელმწიფოს ტარიფი გახლავთ 150 ლარი, მაგრამ თუ ჩვენ ცენტრალიზებულად ნაყიდ რეაგენტებს ვაწვდით ლაბორატორიას, მაშინ მომსახურების ფასი არის 50 ლარი. ამაში არ შედის ე.წ. ნაცხის აღების ფასი, ასევე თუ სახლში მიდიან და უღებენ. ამიტომ ამ პრივატული ლაბორატორიების ფასი 150დან 250 ლარამდე განისაზღვრება“,- განაცხადა ამირან ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...