ორი უძლური ქალბატონი ორნაირი უმძიმესი პრობლემის წინაშე

მთავარი თემა

ორი უძლური ქალბატონი ორნაირი უმძიმესი პრობლემის წინაშე

23 მარ. 2013, 16:07:33

თუმცა, ორიოდე დღის წინ, ერთ მათგანს, 52 წლის მზია ღონღაძეს სოციალური დახმარებაც მოუხსნეს და თუ აქამდე გამუდმებით შინიდან გამოძევებით ემუქრებოდნენ, ახლა "უჩინარმა" ხელმა, სოციალური დახმარების შეჩერებით, საარსებო ლუკმა მოუსპო.

_ უკიდურეს გაჭირვებულთა შორის ყველაზე უარესი, ლიხაურში თუ ერთი ღატაკი არსებობს, მეორე მზია ღონღაძეა, _ ასე შეაფასა სოციალურმა აგენტმა, როგორც ქალბატონი მზია ამბობს, მისი ოჯახის ყოფა.

_ მე ვარ ქალი ლუკმისა და ჭერის გარეშე, _ გვიყვება მზია ღონღაძე, _ მიზანმიმართულად მიმიყვანეს აღსასრულის კართან.

მთელ ოზურგეთში გახმაურებულია სოფელ ლიხაურში, ყოფილი საყვავილე მეურნეობის ტერიტორიაზე 1955 წლიდან ჩამოსახლებული ოჯახის ისტორია. მიწის ის ნაწილი, რომელზეც მათი პატარა სახლი დგას, ყოველგვარი გაფრთხილებისა და რაიმე პირობის გაუთვალისწინებლად (კომპენსაციაზე ლაპარაკი ზედმეტია), ჰექტრობით მიწის ფართობთან ერთად, მიიზომეს წარსულში ოზურგეთის ყოფილმა გამგებელმა ვასილ ტუღუშმა და ასევე ყოფილმა მაღალჩინოსანმა ავთო ღლონტმა. ღონღაძემ იჩივლა, თუმცა, შვიდჯერ გადადებულ სასამართლოს ამ ოჯახის სასარგებლო განაჩენი მაინც არ გამოუტანია.

_ ქმარი ჩემი სახლიდან გამომსახლებლების ერთ-ერთი მოვარდნის შემდეგ გარდამეცვალა, ახლა კი სოციალური დახმარება მთავრობამ მომიხსნა. არანაირი გზა აღარ დამრჩა, გარდა სიკვდილამდე ამ ორი პრობლემის წინააღმდეგ ბრძოლისა, _ ამბობს მზია ღონღაძე.

მისი საოჯახო გარემო უბადრუკად გამოიყურება _ ჰყავს ერთი პატარა ხბო და ექვსი ქათამი.

_ შეშის ღუმელით ვსარგებლობ, გაზის მილი ჭიშკართან გადის, თუმცა, სასაცილოა შიგ შემოყვანაზე ფიქრი. მარტამდე კი ვიღებდი დახმარებას. თებერვალში მოსულმა აგენტმა, აქ რომ შემოიხედა, თქვა, გაჭირვებულთა შორის უკანასკნელი ხარო. მერე რა დაწერა და საიდან მიიღეს 64 850 ქულა, ჩემთვის გამოცანაა. მოდით, ნახეთ, მირჩიეთ რამე, ვის მივადგე და სად წავიდე? რომ არა ჩვენი მეზობელი ზური კეჭაყმაძე, შიმშილით მკვდარი ვიქნებოდით, _ გვიამბობს ქალბატონი მზია და იხსენებს ერთ ფაქტს, როცა მასთან ოჯახში აგენტი იმყოფებოდა _ თურმე, მათ ეზოსთან, მიმდებარე მინდორზე ნახირი ძოვდა. უკითხავს, ეს ძროხები შენი არ არისო? _ ალბათ, რაღაც ჩაწერა დეკლარაციაშიო, _ ფიქრობს მზია ღონღაძე, რომლის 23 წლის ვაჟი ლერი ღონღაძე არ მუშაობს _ ორჯერ აქვს გადატანილი უმძიმესი ოპერაცია. როგორც ქალბატონი მზია ამბობს, მას კუჭი გაუსკდა.

დედა-შვილი აქამდე 54-ლარიანი სოციალური დახმარების იმედად იყვნენ: _ ჩემი შვილი ჰერკულესის ფაფის მეტს ვერაფერს ჭამს. იმ 54 ლარს, რაღაცნაირად ვკმარობდი პურისა და ფაფის ფულად. ახლა რა ვქნა? _ გაუსაძლისია ამ ქალბატონის მოთქმა, რომელიც ჩვენი ადგილზე მისვლის განმავლობაში ტიროდა და შველას გვთხოვდა. ლერი ღონღაძე, ჯერჯერობით, მწოლიარე მდგომარეობაშია, რადგან ახალნაოპერაციევია. ჩვენი იქ ყოფნისას ზური კეჭაყმაძეს გამოჩნდა და ცელოფანის პარკით სურსათი გადასცა ქალბატონ მზიას.

_ ასე გვიწვდის ხელს, ზეთს, ბურღულს თუ პურს გვჩუქნის, მაგრამ სანამ ვიქნები მის იმედად? ახალ ხელისუფლებას მივაკითხე. ჩვენი რაიონის მაჟორიტარი დეპუტატი ზვიად კვაჭანტირაძე ძალიან გულთბილად შემხვდა, აქამდე რატომ არ გამაგებინე ეს ყველაფერი, აუცილებლად დაგეხმარებიო. იქნებ, შინიდან არ გამომაგდონ. დეპუტატი რომ შეისწავლიდეს ამ საკითხს, ნახავს და გაიგებს ჩვენებური მონათმფლობელობის დაუჯერებელ ამბავს, _ ამბობს მზია ღონღაძე.

კითხვაზე, წაიკითხა თუ არა აგენტის მიერ შევსებული დეკლარაციის ბოლო ფურცელი, რომლის არსებობის შესახებაც სოციალურად დაუცველებმა არაფერი იციან და რომელსაც თვით აგენტი ავსებს, აღმოჩნდა, რომ მზია ღონღაძემაც არაფერი იცის ამის შესახებ.

_ ჩვენ გვეუბნებიან, რომ თქვენი ჩაწერილია შიგ ყველაფერი და კომპიუტერი იმის მიხედვით წერსო. რა დაწერა მაგათ დაუკითხავად მაგ კომპიუტერმა, გამაგებინეთ! _ კვლავ ტირილით ასრულებს ქალბატონი მზია საკუთარ გასაჭირზე თხრობას.

მის გვერდით მცხოვრები ჟენრო ლაცაბიძე პენსიის ამარა ცხოვრობს და ისიც შინიდან გამოსახლების მოლოდინშია.

_ რომელი მოასწრებს ჩემს წაყვანას _ სიკვდილი თუ მაგენი, არ ვიცი, მარა ღმერთი დიდია, ისეთი ცოდვაა ჩვენ წინაშე ჩადენილი, ვერ გაიხარებენ, _ ამბობს მოხუცი.

ჯერჯერობით, ორივე ქალბატონი უმძიმესი პრობლემის წინაშე დგას და ერთმანეთს რის ვაი-ვაგლახით ამაგრებენ.

ოზურგეთის სოციალური მომსახურების სააგენტოში, ჯერ აღნიშნული საკითხის გარკვევას დაგვპირდნენ, მერე ტელეფონი გაგვითიშეს, მოგვიანებით კი კი ასეთი გულგრილი პასუხი გაგვცეს:

_ თქვენ არა, თვითონ შეუძლია მოქალაქეს, რომ მოვიდეს აქ, სააგენტოში და გაარკვიოს, რატომ მოეხსნა დახმარება. მოქალაქეს აქვს უფლება, არათუ აქ, ყველა ზემდგომ ინსტანციას მიმართოს, რამდენად სამართლიანად მოეხსნა დახმარება.

_ თქვენ ვინ ბრძანდებით, სოციალური აგენტი?

_ ირაკლი სირაძე.

_ თქვენ იყავით ლიხაურში, მზია ღონღაძის ოჯახში?

_ არა, ბატონო, ლიხაურში ერთი წელია, არ ვყოფილვარ... კარგად ბრძანდებოდეთ, მეტს ვერაფერს გიპასუხებთ.

მართლაც რომ კომენტარი ზედმეტია. აგენტი, რომელიც ცდილობს, როგორმე თავი აარიდოს ნებისმიერ კითხვას და ყურმილს გითიშავს, არის კი ღირსი, სახელმწიფო სამსახურში იდგეს და სოლიდურ ხელფასს იღებდეს? ეს კითხვა ისევე აქტუალურია დღეს ქვეყანაში, როგორც თვით სოციალურად დაუცველთა პრობლემა.




 ახალი ამბები
  • "წყალმა ფიზიკის კანონები უნდა დაარღვიოს და არხში ისკუპოს? ლანჩხუთში სოფელ  ჩიბათში ბოლო პერიოდში გაკეთებული სანიაღვრე არხების ამსახველ ფოტოებს სოციალურ ქსელში მომხმარებელი მარიამ კოიძე ავრცელებს. "აქ წყალმა ფიზიკის კანონები უნდა დაარღვიოს და არხში ისკუპოს? "- კითხვას სვამს ის. როგორც მისი კომენტარიდან  ირკვევა აღნიშნული სანიაღვრეები ე.წ. რკინიგზის უბანში გაკეთდა და მოსახლეობაც უკმაყოფილოა განხორციელებული სამუშაოებით. "უკმაყოფილო ვართ, მე და ჩემ მხარეს მცხოვრები ყველა მეზობელი. ასევე უკანა მხარეს მცხოვრებნიც. იმიტომ, რომ სანიაღვრეები გააკეთეს არა იმ მხარეს, სადაც დახრა იყო, არამედ საპირისპირო მხარეს, სადაც მიწა მაღალია. რაც იმას ნიშნავს, რომ როგორც კი ღელე ადიდდება, ჩემ ეზოში შემოვა და წაიღებს ყველაფერს. ასევე წაიღებს ჩემს უკან მცხოვრები ადამიანების ეზოებს, რომელსაც სანიაღვრე არხები არ გაუკეთეს (ყოველ შემთხვევაში, ჯერ არა)" - წერს მარიამი. ... ...
  • აგვისტოში კომერციული ბანკების წმინდა მოგება 32 870 მლნ ლარით გაიზარდაეროვნული ბანკის მიერ გამოქვეყნებული სტატისტიკის მიხედვით, კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს, რომელიც,  წინა თვესთან შედარებით 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის სტატისკის მიხედვით, 2020 წლის აგვისტოში კომერციული  ბანკების მიერ ჯარიმა/საურავებიდან მიღებულმა შემოსავალმა 32,843 მლნ ლარი შეადგინა. საკონვერსიო ოპერაციებიდან მიღებულმა წმინდა მოგება/ზარალმა 71,858 მლნ ლარი შეადგინა. როგორც სტატისტიკაშია აღნიშნული, წინა თვეში კომერციულმა ბანკებმა საკომისიოებიდან და გაწეული მომსახურეობებიდან 30,976 მლნ ლარის შემოსავლი მიიღეს. ასევე ეროვნული ბანკის სტატისტიკის მიხედვით, 2020 წლის აგვისტოში სულ ბანკების შემოსავლები  399,955 მლნ ლარი შეადგინა, საიდანაც საპროცენტო შემოსავლები იყო 330,845 ლარი. აგვისტოში კომერციული ბანკების ხარჯებმა კი, 293,344 მლნ ლარი შეადგინა. ცნობისთვის, გასულ წელს კომერციული ბანკების წმინდა მოგება 953,635 მლნ ლარს შეადგენდა, დღეის მდგომარეობით ქართულ ბაზარზე 15 კომერციული ბანკი ... ...
  • საზოგადოებრივი მაუწყებლის დირექტორის ხელფასი 4-დან 10 ათას ლარამდე გაიზარდასაზოგადოებრივი მაუწყებლის სამეურვეო საბჭოს გადაწყვეტილებით, მაუწყებლის გენერალური დირექტორის პოზიციაზე ხელფასი 10 000 ლარი გახდა (საუბარია ხელზე ასაღებ თანხაზე). აქამდე ანაზღაურება 4 000 ლარი იყო.საზოგადოებრივი მაუწყებლის გენერალური დირექტორის პოზიციაზე თანამდებობრივი სარგოს გაზრდის შესახებ გადაწყვეტილება მაუწყებლის სამეურვეო საბჭომ დღეს, 22 სექტემბერს მიიღო.მრჩეველთა საბჭოს თავმჯდომარის ირინა ფუტკარაძის თქმით, დირექტორის ხელფასი ძალიან დაბალი იყო და მისი გაზრდის შესახებ დიდი ხანია მსჯელობენ."კონკურსის გამოცხადებამდე ჩვენ ჩამოყალიბებული ვიყავით, თუმცა, მიზანშეწონილად არ ჩავთვალეთ, რომ ხელფასი ერთგვარი მოტივატორი არ გამხდარიყო. ვიმსჯელეთ საბჭოში და მივიღეთ გადაწყვეტილება, რომ დღევანდელ სხდომაზე გაგვეტანა ეს საკითხი. რაც შეეხება ოდენობას, ვფიქრობთ, რომ ეს არის ძალიან გონივრული თანხა. ჩვენ, უბრალოდ, თავს უფლებას ვერ მივცემდით, რომ უფრო მეტით გაგვეზარდა,   არ ვართ კერძო ტელევიზია და ამიტომ გარკვეულ ჩარჩოებში ვზივართ ხელფასებთან დაკავშირებით", - განუცხადა "მედიაჩეკერს" ირინა ფუტკარაძემ კითხვაზე, ახლა, ახალი დირექტორის არჩევის წინ რატომ გაიზარდა დირექტორის ხელფასი.ჩვენს კითხვაზე, მის უფლებამოსილებებში რაიმე ხომ არ იცვლება ან ემატება, რაც წინა დირექტორს არ ჰქონდა, ფუტკარაძემ გვიპასუხა:  “რჩება იგივე უფლებამოსილება, რაც განსაზღვრული აქვს კანონით, ბუნებრივია.  მაგრამ, მე პირადად, ვთვლიდი, რომ საკმაოდ არაადეკვატური (ანაზღაურება) ჰქონდა წინა დირექტორს და შესაბამისად, იმიტომ გაიზარდა, რომ ვინც იქნება ახალი დირექტორი, მას უკვე ჰქონდეს ღირსეული და ადეკვატური ანაზღაურება".შეგახსენებთ, მიმდინარე კვირაში მრჩეველთა საბჭომ მაუწყებლის ახალი გენერალური დირექტორი უნდა აირჩიოს. კონკურსში სულ 8 განმცხადებელი მონაწილეობდა, თუმცა, დირექტორობისთვის ბრძოლას I ტურის შემდეგ 4 კანდიდატი აგრძელებს. წყარო: ... ...
  • შინაგან საქმეთა მინისტრმა საპარლამენტო არჩევნებთან დაკავშირებით ბრძანება გამოსცაშინაგან საქმეთა მინისტრმა, ვახტანგ გომელაურმა საქართველოს პარლამენტის 2020 წლის 31 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად, ასევე, სამართალდარღვევათა  პრევენციისა და  მათზე  რეაგირების მიზნით, ბრძანება გამოსცა.   ბრძანების თანახმად, საქართველოს რეგიონებში, პოლიციის დეპარტამენტების სამოქმედო ტერიტორიებზე შეიქმნება სამართალდარღვევების პრევენციისა და მათზე რეაგირებისთვის პასუხისმგებელი ჯგუფები.  არჩევნების უსაფრთხო და თავისუფალ გარემოში ჩატარების ხელშეწყობის მიზნით, შესაბამის ჯგუფებს დაევალათ  სამოქმედო ტერიტორიაზე უზრუნველყონ სათანადო ზომების მიღება,  წინასაარჩევნო აგიტაციის მშვიდ და თავისუფალ გარემოში ჩატარება და „პოლიციის შესახებ“ საქართველოს კანონის შესაბამისად პრევენციული საპოლიციო ღონისძიებების განხორციელება. აღნიშნული ბრძანება პოლიციელებს სამსახურებრივი მოვალეობის შესრულებისას პოლიტიკური ნეიტრალიტეტის პრინციპის მკაცრად დაცვას ავალდებულებს. ბრძანების თანახმად, დაუშვებელია, პოლიციელის ქმედება პირდაპირ ან არაპირდაპირ იყოს მიმართული რომელიმე პოლიტიკური პარტიის საწინააღმდეგოდ ან ... ...
  • საქართველში საპარლამენტო არჩევნებს IRI-ის წარმომადგენლები დააკვირდებიანდღეს საერთაშორისო რესპუბლიკურმა ინსტიტუტმა (IRI) გააკეთა განცხადება არჩევნების ტექნიკური შეფასების საერთაშორისო მისიის  ჩამოსვლის შესახებ. მისია შეაფასებს 2020 წლის, 31 ოქტომბრის საპარლამენტო არჩევნებს. შეფასების მისია საქართველოში ჩამოდის ცენტრალური საარჩევნო კომისიის მოწვევის საფუძველზე.  საერთაშორისო რესპუბლიკური ინსტიტუტი (IRI) დაახლოებით 25 წელია საქართველოს პარტნიორია და ბოლო ათწლეულის მანძილზე განახორციელა თითქმის ყველა არჩვნების მონიტორინგი და შეფასება. „ოქტომბერში დაგეგმილი საპარლამენტო არჩევნები წარმოადგენს მნიშვნელოვან ნაბიჯს საქართველოს დემოკრატიული განვითარებისთვის და გამოცდას ქვეყნის ევრო-ატლანტიკური მისწრაფებებისთვის. IRI-ს მისია ყურადღებას გაამახვილებს იმ საკვანძო საკითხებზე, რომლებიც მნიშვნელოვანია საარჩევნო პროცესის სრულყოფისთვის, მათ შორის როგორიცაა საარჩევნო ადმინისტრაცია, მედიის თავისუფლება და გამჭვირვალობა, პოლიტიკური პარტიების კამპანია და დაფინანსება. გარდა ამისა, მისია ყურადღებას გაამახვილებს კორონავირუსის პანდემიის პერიოდში, ამომრჩევლის უსაფრთხოების დასაცავად შემოღებული ზომების შესრულებაზე.“ - განაცხადა საერთაშორისო რესპუბლიკური ინსტიტუტის ევრაზიის დირექტორმა სტივენ ნიქსმა. მისია (TEAM) შედგება მრავალმხრივი გამოცდილების მქონე ხუთი გრძელვადიანი ტექნიკური ანალიტიკოსისგან, რომლებიც დააკვირდებიან და შეაფასებენ საარჩევნო პროცესის ყველა ფაზას. მათ მიგნებებზე დაყრდნობით, IRI გამოაქვეყნებს ანგარიშებს, რომლებიც მომზადდება  მთავრობისა და საარჩევნო ადმინისტრაციის წარმომადგენლებთან, პოლიტიკური პარტიის ლიდერებთან, სამოქალაქო საზოგადოებისა და მედიის წარმომადგენლებთან სიღრმისეული ინტერვიუების საფუძველზე. ტექნიკური შეფასების ჯგუფი იმუშავებს არჩევნების საერთაშორისო სადამკვირვებლო პრინციპების დეკლარაციისა და საერთაშორისო დამკვირვებლების ქცევის კოდექსის მიხედვით. მისიის მიგნებები და რეკომენდაციები დაეფუძნება საქართველოს კანონმდებლობას, საერთაშორისო სტანდარტებსა და პოლიტიკური პარტიების მიერ ქცევის კოდექსის ფარგლებში აღებულ ვალდებულებებს. კორონავირუსი პანდემიასთან დაკავშირებული საფრთხეების გათვალისწინებით, IRI-მ მიიღო უსაფრთხოების ყველა საჭირო ზომა, რომლებიც თანხვედრაშია საქართველოს მთავრობის მიერ დაწესებულ რეგულაციებთან.   ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...