დაუმთავრებელი საკადრო ცვლილებების გაშიფრული სქემა გურიის პოლიციაში

მთავარი თემა

დაუმთავრებელი საკადრო ცვლილებების გაშიფრული სქემა გურიის პოლიციაში

2013 მარ 25 16:09:36

პეტრიაშვილი პოლიტიკურ საქმიანობაში ამხილეს და მისი გათავისუფლების შემდეგ, ამ პოსტზე სხვადასხვა კანდიდატებმა დაიწყეს ბრძოლა. მათ შორის იყო ყოფილი მაღალჩინოსანი პოლიციელი ეროდი გორდელაძეც, მაგრამ როგორც წყარო ამტკიცებს, მისი კანდიდატურა "დაბლოკილია" და  ერთი პროცენტიც კი აღარ აქვს შანსი. მიუხედავად იმისა, რომ ეროდი გორდელაძე პარტია "ქართული ოცნება-დემოკრატიული საქართველოს" ოზურგეთის რაიონული ორგანიზაციის თავმჯდომარის დავით დარჩიას  მიერ დასახელებული კანდიდატურა იყო,   დარჩიამ მიზანს ვერ მიაღწია. თუმცა, სამხარეოს უფროსი პეტრიაშვილი  სწორედ  მისი მიზეზით გაათავისუფლეს.

"გურია ნიუსის" ინფორმაციით, ზაზა პეტრიაშვილი შინაგან საქმეთა მინისტრის ირაკლი ღარიბაშვილის მოადგილის ალექსანდრე ტაბატაძის კადრი იყო და  ასეთი  სკანდალური ინფორმაციის შედეგად მისი გათავისუფლება, ტაბატაძეზე "დარტყმა“ იყო და ამიტომაც, წყაროს თქმით, ტაბატაძემ დაბლოკა ეროდი გორდელაძის კანდიდატურა, რითაც  დავით დარჩიას "სამაგიერო" გადაუხადა.

ზაზა პეტრიაშვილის წასვლის შემდეგ, საკმაოდ  გაიწელა სამხარეო მთავარი სამმართველოს უფროსის  დანიშვნა. როგორც წყარო  "გურია ნიუსთან"  ამტკიცებს, როცა  ეროდი გორდელაძის კანდიდატურა დაიბლოკა, გურიის სამივე მუნიციპალიტეტის  მაჟორიტარი დეპუტატები შინაგან საქმეთა სამინისტროში ჩავიდნენ და  გურიის სამხარეო მთავარი სამმართველოს უფროსის ადგილზე, ჩოხატაურელი გოჩა მეგრელიშვილის კანდიდატურა წარადგინეს და  რეკომენდაცია გაუწიეს.  თუმცა, მათი აზრი, როგორც ჩანს, არ გაუთვალისწინებიათ.

წყაროს ინფორმაციით, სანამ გოჩა ფერსაშვილი დაინიშნებოდა სამხარეო მთავარი სამმართველოს პოსტზე, პარტია "ქართული ოცნება -დემოკრატიული საქართველოს" ოზურგეთის რაიონული ორგანიზაციის თავმჯდომარე დავით დარჩია სამხარეო მთავარი სამმართველოს პოსტზე  თავის კანდიდატურას სთავაზობდა პრემიერ მინისტრის ძმას ადიკო ივანიშვილს.  ეს გახლდათ ოზურგეთის რაიონული სამმართველოს უფროსი ალექსანდრე ჭანუყვაძე.

ჩვენი წყაროს ინფორმაციით, თავდაპირველად  დავით დარჩიასა და ალექსანდრე ჭანუყვაძეს შორის პირადი საუბარი შედგა, რის შემდეგაც ჭანუყვაძემაც თანხმობა განაცხადა.

ამის შემდეგ,  დარჩიას   ჭანუყვაძე ადიკო ივანიშვილთან ჩაჰყავს და სთხოვს, რომ რეკომენდაცია  გაუწიოს. თითქმის გადაწყვეტილი და შეთანხმებული იყო ეს საკითხიც და  დავით დარჩია და ალექსანდრე ჭანუყვაძე უნდა წასულიყვნენ თბილისში. მეორე დღეს კი ვრცელდება ინფორმაცია, რომ სამმართველოს პოსტზე დამტკიცდა გოჩა ფერსაშვილი.  ისე კი,  უკვე ყველამ იცოდა, რომ ჭანუყვაძის დანიშვნა იყო გადაწყვეტილი, ამტკიცებს  "გურია ნიუსთან"  წყარო.

"გურია ნიუსი" ინფორმაციის დასაზუსტებლად პარტია "ქართული ოცნება_ დემოკრატიული საქართველოს“ ოზურგეთის რაიონული ორგანიზაციის თავმჯდომარეს დავით დარჩიას დაუკავშირდა.

_ ბატონო დავით, როგორც გავიგეთ  ეროდი გორდელაძის  კანდიდატურის იგნორირების შემდეგ, თქვენ გურიის სამხარეო მთავარი სამმართველოს პოსტზე  ლობირება გაუწიეთ ოზურგეთის რაიონული სამმართველოს უფროსს ალექსანდრე ჭანუყვაძეს ...

_ არა, არა, თქვენ შემოგევლეთ, რა. ჩემი კადრია რას ნიშნავს?  ვინც უკეთესი იქნებოდა რაიონისთვის, იმას დავუჭერდი მხარს, ჭანუყვაძეს დანიშნავდნენ თუ სხვას, ამას რა მნიშვნელობა აქვს? შეარჩიეს ეს კაცი, იმასაც მივესალმებით, აბა, როგორ ახლა.

_ბატონო დავით, თქვენსა და  ალექსანდრე ჭანუყვაძეს შორის, ამ თემაზე პირადი საუბარი არ გქონიათ?

_ კარგით, რა...

_ თქვენ ალექსანდრე ჭანუყვაძე ადიკო ივანიშვილთან არ ჩაიყვანეთ ურეკში?

_ ჰოო? ვინ გითხრათ?

_ გვითხრეს.

_ არა, არაა სიმართლე. მაგრამ ჯერ ერთი, რომ მივიდეს და ჩავიდეს, რა, დანაშაულია ეგ? დანაშაულია?  დიდი ამბავი, ახლა, რამე პრობლემაა?  მე უბრალოდ, შეწუხებული ვიყავი იმით, რომ ორი თვე გურიის სამხარეო მთავარ სამმართველოს უფროსი არ ჰყავდა და მინდოდა, რაც შეიძლებოდა, მალე დანიშნულიყო ვინმე.  ეს იყო და მეტი არაფერი.

_ ბატონო დავით, იმის შესახებ რას გვეტყვით, რომ თქვენს მიერ ჩატანილმა ამბავმა შეიწირა სამხარეოს ყოფილი უფროსი ზაზა პეტრიაშვილი, რომელიც მინისტრის მოადგილის ალექსანდრე ტაბატაძის კადრი იყო. როგორც ამბობენ, სწორედ ამიტომ  არ გაითვალისწინეს სამინისტროში თქვენი კანდიდატურები და ეროდი გორდელაძე დღემდე  იგნორირებულია?

_ არ ვიცი, ამის შესახებ, არსებობს  უბრალოდ,  ვარაუდები და ვარაუდებზე საუბარი არ შეიძლება.  ღმერთი იყოს ყველას მფარველი და ყველა  მიიღებს იმას, რაც ეკუთვნის, - გვითხრა დარჩიამ.

ჩვენ დავუკავშირდით  ლანჩხუთის მაჟორიტარ დეპუტატს თემურ ჩხაიძეს, რომელმაც კატეგორიულად უარყო იმ ფაქტის შესახებ, რომ სამხარეო მთავარი სამმართველოს  უფროსის პოსტზე, რეკომენდაცია გაუწია ჩოხატაურელ გოჩა მეგრელიშვილს.

_ საერთოდ არ ვიცნობ მაგ პიროვნებას.  ასე რომ,  ვერანაირ რეკომენდაციას ვერ გავუწევდი.  ასე რომ,  ეს ინფორმაცია სიმართლეს არ შეესაბამება, _ გვითხრა თემურ ჩხაიძემ.

"გურია ნიუსი" დაუკავშირდა  ოზურგეთის რაიონული სამმართველოს უფროსს ალექსანდრე ჭანუყვაძეს. მან ინფორმაცია იმის შესახებ, რომ  გოჩა ფერსაშვილის დანიშვნამდე მის კანდიდატურაზე იყო საუბარი,  კატეგორიულად უარყო.

ჩვენ შევეცადეთ კომენტარი მოგვეპოვებინა პრემიერ- მინისტრის ბიძინა ივანიშვილის ძმისგან, ადიკო ივანიშვილთან, რომელმაც განგვიცხადა, რომ საკადრო პოლიტიკაში არ ერევა.

_ ბატონო ადიკო, იყვნენ თუ არა თქვენთან ოზურგეთის რაიონული სამმართველოს უფროსი ალექსანდრე ჭანუყვაძე და ბატონი დავით დარჩია?

_ დავით დარჩიას კი ვიცნობ, მაგარ ჭანუყვაძე არ ვიცი.

_ ბატონო ადიკო, თქვენ დავით დარჩიამ,  სამხარეო მთავარი სამმართველოს უფროსის  პოსტზე, ჭანუყვაძის კანდიდატურისთვის მხარდაჭერა  არ გთხოვათ?

_ არა, ბატონო. მე არ ვერევი ასეთ რამეებში. ძალიან გთხოვთ, ნუ მეკითხებით ასეთ რამეს.  მე ასეთ საქმეებში არ ვერევი და ტყუილად ნუ იყენებენ ჩემს სახელს, რა!  არავის რეკომენდაციას არ ვაძლევ.

_ ბატონო ადიკო, ჩვენ არ ვართ იმ ფაქტების  თვითმხილველი, ვინ დადის თქვენთან სახლში და რა  საქმეები განიხილება, ვის რა რეკომენდაციას აძლევთ და ასე შემდეგ, მაგრამ გეტყვით, რომ ეს ინფორმაციები მოდის ჩვენამდე. ასე, რომ ... ჩვენ ნუ გაგვინაწყენდებით, უბრალოდ, ინფორმაციებს ვამოწმებთ.

_ ძალიან გთხოვთ,  ასეთ საქმეებზე ნუ შემაწუხებთ, მე არ ვერევი არავის საქმეში. რა ჩემი საქმეა ვინმეს დანიშვნა, ვინც უნდათ, ის დანიშნონ, - გვითხრა ადიკო ივანიშვილმა.

ჩვენ დავუკავშირდით გოჩა მეგრელიშვილს ინფორმაციის გადასამოწმებლად.

_ ბატონო გოჩა, როგორც ვიცით, გურიის სამხარეო მთავარი სამმართველოს უფროსის პოსტზე გოჩა ფერსაშვილის დანიშვნამდე, თქვენი კანდდატურაც დასახელდა და რეკომენდაცია ჩოხატაურის მაჟორიტარმა დეპუტატმა თემურ ჭკუასელმა გაგიწიათ. რას გვეტყვით ამასთან დაკავშირებით?.

_ არაფერი არ ვიცი..

_ ბატონო გოჩა, ბატონ თემურ ჭკუასელს თქვენთან ამაზე საუბარი არ ჰქონია?

_ ჰკითხეთ თემურ ჭკუასელს და გეტყვით, მე რა უნდა გითხრათ? მე არავისთან არაფერი  მისაუბრია და არავინ არსად მიმიგზავნია. დაურეკეთ თემურ ჭკუასელს და ის გეტყვით. მან თუ უთხრა ვიღაცას რაღაცა, მან გითხრათ, მე რა კომენტარი გაგიკეთოთ?

_ ბატონო გოჩა, თქვენ თუ იყავით ამასთან დაკავშირებით საქმის კურსში, უბრალოდ, გვაინტერსებს. იცოდით თუ არა, რომ ამ თემაზე მაჟორიტარ დეპუტატებს საუბარი ჰქონდათ სამინისტროში.

_ დიახ, მერე?

_ არაფერი, უბრალოდ, გვაინტერესებს, რა მოხდა. როგორც გავიგეთ, ეს ამბავი  გასაიდუმლოებული იყო.

_ რატომ იყო გასაიდუმლოებული?  რამდენიმე კანდიდატურა განიხილებოდა. მათ შორის, ჩემიც, ეს საიდუმლო რატომ იყო? არ ვიცი, რატომ არ მოხდა, საიდან მეცოდინება? როგორც ჩათვალეს საჭიროდ, გააკეთეს ისე. ალბათ,  უკეთესი კანდიდატი იყო და დანიშნეს ის. რა პრობლემაა ეს? რა კომენტარი უნდა გავაკეთო მე? იყო საუბარი და მითხრეს,  თუ იქნები თანახმაო და დავთანხმდი.  მერე რა მოხდა, არ ვიცი, ვინ ვის შეხვდა და  ვინ რა ილაპარაკა, ეს არ ვიცი და ვინ რაზე დათანხმდა, _ გვითხრა გოჩა მეგრელიშვილმა.

ჩვენ დავუკავშირდით ჩოხატაურის მაჟორიტარ დეპუტატს თემურ ჭკუასელს:

_ ბატონო თემურ, ასეთი ინფორმაცია გვაქვს, რომ სანამ გურიის სამხარეო მთავარი სამმართველოს უფროსად გოჩა ფერსაშვილი დაინიშნებოდა, მანამდე თქვენ დააყენეთ თქვენი კანდიდატურა ამ პოსტზე, სთხოვეთ დანარჩენ მაჟორიტარ დეპუტატებს ასევე, რომ მხარი დაეჭირათ ჩოხატაურელი გოჩა მეგრელიშვილისთვის. ასევე გქონდათ საუბარი სამინისტროში ამის შესახებ.

_ გეტყვით ახლა ერთ რამეს. რახან ეს ინფორმაცია თქვენ გაქვთ, ფლობთ ინფორმაციას, ასეა ჰო, ვიღაცამ გითხრათ ბუნებრივია, მოდით, დაბეჭდეთ ეს ინფორმაცია და მიუთითეთ ის ადამიანი.

_ ბატონო თემურ, ჩვენ წყაროებს არ ვასახელებთ...

_ სხვა შემთხვევაში, ეგაა ჩემი პასუხი. ვინც მოგაწოდათ ინფორმაცია, ის დაბეჭდეთ, ჩემი ინფორმაცია რაღად გინდათ, ეს მაინტერესებს.

_ თქვენგან ამ ინფორმაციის დადასტურება გვინდა, ბატონო თემურ...

_ ზოგადად  ადამიანების პირადი საუბარი იცის ორმა ადამიანმა, ხომ სწორია? როგორც წესი, მე რა ვისაუბრე სანამ ხმამაღლა ვიტყვი, როგორც წესი, უნდა შევათანხმო იმ ადამიანთან, ვთქვა თუ არ ვთქვა. ამიტომ, თუ ინფორმაცია უკვე მოპოვებული გაქვთ, დაბეჭდეთ ეს ინფორმაცია მისი სახელით და გვარით.

_ ბატონო თემურ, თქვენ მხარს არ უჭერდით გოჩა მეგრელიშვილის კანდიდატურას?

_ მხარს კი არ ვუჭერდი, ახლაც ვუჭერ და დავუჭერ მუდამ ნებისმიერ სამსახურში,  იმიტომ რომ გოჩა მეგრელიშვილი არის უაღრესად კეთილშობილი ადამიანი,  უყვარს თავისი კუთხე, ადამიანები,  არის პროფესიონალი, მღერის ძალიან კარგად და აქვს იუმორის გრძნობა. რასაც მე ვთვლი, რომ ეს არის ძალიან დიდი პრივილეგია  ადამიანებში. ეგ არის და ეგ.

_ ბატონო თემურ, იყავით თუ არა სამინისტროში ამ საკითხთან დაკავშირებით?

_ ამას არ გეტყვით, სანამ არ დაბეჭდავთ იმას, ვინ მოგცათ ეს ინფორმაცია, _ გვითხრა ჭკუასელმა.

კანონმდებელს, რომელიც დაჟინებით ითხოვს, საჯარო გავხადოთ წყაროს ვინაობა, შევახსენებთ კანონს "სიტყვისა და გამოხატვის თავისუფლების შესახებ":

"...თავი III. საიდუმლოების დაცვა

მუხლი 11. პროფესიული საიდუმლოებისა და მისი წყაროს დაცვა

1. პროფესიული საიდუმლოების წყარო დაცულია აბსოლუტური პრივილეგიით და არავის არ აქვს უფლება, მოითხოვოს ამ წყაროს გამხელა. სიტყვის თავისუფლების შეზღუდვის შესახებ სასამართლო დავისას მოპასუხეს არ შეიძლება დაეკისროს კონფიდენციალური ინფორმაციის წყაროს გამხელის ვალდებულება.

2. დაუშვებელია კონფიდენციალური ინფორმაციის გამხელა თვით მისი მფლობელის თანხმობის ან კანონით გათვალისწინებულ შემთხვევებში სასამართლოს დასაბუთებული გადაწყვეტილების გარეშე."




 ახალი ამბები
  • კომენდანტის საათის დარღვევა - კახეთში გოგოს ხელის თხოვნა 27 000 ლარი დაჯდაცოტა ხნის წინ,  კომენდანტის  საათის დარღვევისთვის, 9 პირი 3 000-3 000 ლარით დააჯარიმეს თელავში, სოფელ ყარაჯალაში. როგორც "გურია ნიუსს" ერთ-ერთი დაჯარიმებულის ახლობელმა განუცხადა, თანასოფლელი ბიჭი  მის მეგობრებთან ერთად, გოგოს ხელის სათხოვნელად მიდიოდა. აღნიშნული ინფორმაციის გადამოწმებას "გურია ნიუსი" მერის წარმომადგენელთან, შალვა ახმედოვთან შეეცადა, თუმცა, მან ეს ფაქტი არ დაადასტურა. "არ ვიცი,ინფორმაციას არ ვფლობ",_ ამბობს ... ...
  • ჯანდაცვის სამინისტრო 60 წელს გადაცილებულთა პნევმოკოკზე აცრას გეგმავსსახელმწიფო მსჯელობს გეგმაზე, რომლის მიხედვითაც 60 წელს გადაცილებულები და ასევე, ქრონიკული დაავადებების მქონე მოქალაქეები, შესაძლოა, პნევმოკოკის ვაქცინით აიცრან - ამის შესახებ ჯანდაცვის მინისტრმა „რუსთავი-2“-ის ეთერში განაცხადა. ეკატერინე ტიკარაძის განმარტებით, არის ვერსია, რომ ეს აცრა შევიდეს საქართველოში სავალდებულო ვაქცინაციის ჯგუგში და მოხდეს ყოველწლიურად, შესაბამისი მონაკვეთების გავლის შემდეგ ვაქცინის განახლება ამ მოქალაქეებში. „ყოველდღიურად ვუფრთხილდებით იმ მოწყვლად ჯგუფებს, რომლებიც არიან ხანდაზმულები და, რა თქმა უნდა, პარალელურ რეჟიმში არიან მრავლობითი ქრონიკული დაავადების მატარებლები. ჩვენი სპეციალისტების მხრიდან მოხდა გაანალიზება საქართველოში ძირითადი წამყვანი დაავადებების და სიკვდიალინობის გამომწვევი რა მიმართულებებია, სადაც ჩვენ ცალსახად დავინახეთ, რომ სწორედ ამ მოწყვლად ჯგუფებში, მრავლობითად არის განვითარებული პნევმონიები და ჩვენს ევროპელ კოლეგებთან კომუნიკაციის შედეგად, ასევე საუკეთესო ქვეყნების პრაქტიკის გამოყენების მაგალითზე მივიღეთ გარკვეული რეკომენდაციები, რის განხორციელებასაც ვგეგმავთ საქართველოში. ეს კონკრეტულად არის ევროპის ქვეყნებში მიღებული პრაქტიკა, როდესაც ისინი 60 წელზე ზევით მოსახლეობას და მოწყვლად ჯგუფებს ცრიან პნევმოკოკის ვაქცინით. სწორედ ამასთან დაკავშირებით არის ეს ინიციატივა, რასაც ჩვენ დეტალურად ვამუშავებთ“, - განაცხადა ... ...
  • რა ეკონომიკური გამოწვევების წინაშეა ქვეყანა და რაშია გამოსავალიპანდემიასთან ბრძოლამ ადამიანების ნაწილი დროებით უმუშევრად აქცია, ნაწილი კი დისტანციურ რეჟიმში მუშაობს. ჩაკეტილი საზღვრები, დაკეტილი სხვადასხვა ობიექტები, ბლოკპოსტები სხვადასხვა ქალაქში და რიგი სუპერმარკეტებთან, ბანკებთან თუ აფთიაქებთან_ ეს ის სურათია, რაც დღეისთვის საქართველოში პანდემიასთან ბრძოლის გამო, დგას. რა ეკონომიკური გამოწვევების წინაშე დადგა ქვეყანა_ ამ საკითხზე „გურია ნიუსი“ ეკონომისტ აკაკი ცომაიას ესაუბრა. აკაკი ცომაია ჩვენთან საუბარში  აღნიშნავს, რომ რთულია პროგნოზირება, პანდემიის შემდეგ რამდენად გაღარიბდება მსოფლიო, მაგრამ ეკონომიკის რეცესია და უმუშევრობის მატებაა მოსალოდნელი. ეკონომისტი ასევე აღნიშნავს, რომ სახელმწიფოს გაუჭირდება იმ მდგომარეობის დაბრუნება, რაც პანდემიამდე ჰქონდა. „რეალურად პროგნოზირება და თქმა,  რამდენად გაღარიბდება მსოფლიო, ძნელია. რაც უფრო მეტად გრძელდება კარჩაკეტილობა, მით უფრო მეტად ზარალდება ქვეყნების ეკონომიკა და შევა რეცესიაში. უმუშევრობის დონე გაიზრდება მსოფლიოში ამ პანდემიის დასრულების შემდეგ და მათ შორის გაიზრდება საქართველოშიც. რისი პროგნოზირებაც შეგვიძლია არის ის, რომ საქართველოს ეკონომიკა ხანგრძლივი დროის განმავლობაში ვერ დაუბრუნდება საწყის ეტაპს. ტურიზმის სექტორი ვერ დადგება იმ წერტილში რა წერტილშიც იყო პანდემიამდე. რატომ? ამის ბევრი ობიექტური და სუბიექტური მიზეზი არის. მათ შორის ის, რომ საქართველო ვერ მიიღებს ასე სწრაფად ვიზიტორების იმ რაოდენობას, რომელსაც  იღებდა. ადამიანებმა ჯერ კაპიტალი უნდა დააგროვონ, უნდა დაიწყოს შემოსავლების ფორმირების პროცესი.  ეს ხანგრძლივი პროცესია. ტრანსპორტის სფეროს განვითარება ტურიზმზეა დამოკიდებული და  ვითარდებოდა მაშინ როცა ტურიზმი ვითარდებოდა. იგივე ეხება მშენებლობას, კაფე-ბარებს. ეკონომიკის შემოსავლების ზრდის ტემპი ვერ იქნება ისეთი, როგორიც ის იყო პანდემიანდე. ჩვენი შემოსავლები ვერ აღდგება საწყის წერტილში“,_ ამბობს ცომაია. ეკონომისტის თქმით, აღნიშნული საფრთხეების დანახვასთან ერთად ქვეყანამ ის შესაძლებლობა უნდა გამოიყენოს, რომელიც პანდემიის შემდეგ მსოფლიო ბაზარზე თავის დამკვიდრებაში შეუწყობს ხელს. აკაკი ცომაიას თქმით, ეკონომიკის ახალი ძრავის ჩართვა და ქვეყნის ახალ რელსებზე გადაყვანა ანაკლიის პორტს შეუძლია. „გლობალურ საფრთხეებთან ერთად, ასევე, უნდა დავინახოთ შესაძლებლობა და გამოვიყენოთ, რაც უკავშირდება მსოფლიო ბაზრის გადანაწილებას და საერთაშორისო ბაზარზე შევიტანოთ ჩვენი კონკრეტული წვლილი და დავიკავოთ გარკვეული ნიშა. გაცილებით რთული იყო ამის გაკეთება, როცა ეს ყველაფერი იყო გადანაწილებული და განსაკუთრებით შესაძლებლობა ჩნდება ახალი მიმართულებებით. ყველაზე მეტად აქტუალური არის ანაკლიის პორტის საკიხი, რომელსაც ნამდვილად შეუძლია გარკვეული ლოკომოტივის თამაში და ეკონომიკის დაქოქვა ანუ საქართველოს ეკონომიკის ახალი ძრავის ჩართვა და ახალ რელსებზე გადაყვანა“,_ ამბობს ... ...
  • რისი "სიგნალი" გახდა აგრარული ბაზრების დახურვა მსოფლიო პანდემიას ებრძვის. კორონავირუსის გავრცელების თავიდან აცილების მიზნით, დაწესებულ სხვა შეზღუდვებთან ერთად აგრარული ბაზრების დახურვის გადაწყვეტილებაც იქნა მიღებული. როგორც ეკონომისტი აკაკი ცომაია "გურია ნიუსთან" საუბრისას აღნიშნავს, რომ აგრარული ბაზრების დახურვა სუპერმარკეტებისთვის პროდუქციაზე ფასების ზრდის შესახებ გაკეთებული სიგნალია. „აგრარული ბაზრის დაკეტვა მომხმარებლებს დააზარალებს. ეს სუპერმარკეტებისთვის არის სიგნალი, რომ გააძვირონ პროდუქცია. სწორი იყო თუ არა ეს გადაწყვეტილება, ვერ შევაფასებ, იმიტომ, რომ საკმაოდ რთული სიტუაციაა და არ ვიცით, უსაფრთხების რისკის ფაქტორიდან გამომდინარე, რამდენად გაიზარდა ამ გადაწყვეტილებით უსაფრთხოების მასშტაბი. ამის შეფასება მე არ შემიძლია“,_ გვპასუხობს ცომაია. შეკითხვაზე _ მოსალოდნელია თუ არა, რომ ფასის ზრდა მარკეტებში იმ პროდუქტებსაც შეეხოს, რომლის ღირებულების ზრდის რისკის დაზღვევის შესახებაც გარემოს დაცვისა და სოფლის მეურნეობის სამინისტრო საუბრობდა, ეკონომისტი გვპასუხობს, რომ მარკეტინგის პრინციპის გათვალისწინებით, ფასები აღნიშნულ პროდუქტებზე შეიძლება, არ გაიზარდოს გარკვეული დროის განმავლობაში, მაგრამ გაიზრდება სხვა პრუდუქტებზე. „სამინისტრო აწესებს ზედა ზღვარს კონკრეტულ ფასებზე, რაღაცა დროის განმავლობაში, ფასები ამ ტიპის პროდუქტებზე, შეიძლება, არ გაიზარდოს, მაგრამ გაიზრდება სხვა პროდუექტებზე. ეს მარკეტინგის პრინციპია. სუპერმარკეტები ორიენტირებულები იქნებიან, გაყიდონ იმავე რაოდენობის პროდუქცია მაღალ ფასად, რადგან კონკურენტების რაოდენობა მცირდება და ბიზნესი, როგორც წესი, ამ ნაბიჯით პასუხობს“, _ ამბობს აკაკი ... ...
  • ოზურგეთის მერიის განმარტება პრემიების გაცემასთან დაკავშირებითოზურგეთის მერია  პრემიების გაცემასთან დაკავშირებით განცხადებას ავრცელებს. როგორც მერია განმარტავს, დანამატების გაცემისას გათვალისწინებული იქნა - ,,დაავადებათა კონტროლისა და საზოგადოებრივი ჯანდაცვის ეროვნული ცენტრის“ გენერალური დირექტორის ამირან გამყრელიძის 18.03.2020 წლის წერილი, რომლის მიხედვითაც მოგვეცა შემდეგი რეკომენდაცია - ,,გაეზარდოს საზოგადოებრივი ჯანდაცვის სამსახურის ეპიდემიოლოგებსა და პროფილატიკოსების შრომის ანაზღაურება და/ან მინიმუმ გაუთანაბრდეს მუნიციპალიტეტების სხვა სამსახურებში სპეცილისტების შრომის ანაზღაურებას,,. "ოზურგეთის მუნიციპალიტეტის მერიის განმარტება - მასობრივი ინფორმაციის საშუალებების მიერ ოზურგეთის მუნიციპალიტეტის მერიის მიერ გაცემულ სახელფასო დანამატებთან დაკავშირებით მიგვაჩნია, რომ საინფორმაციო საშუალებებით მოსახლეობისათვის მიწოდებული ინფორმაცია ხშირ შემთხვევაში არასრულია, ასევე გაჯერებულია არასწორი შეფასებებით და ინტერპრეტაციით. გაცნობებთ, რომ დანამატები გაცემულია ახალი კორონავირუსის (COVID-19) გავრცელების თავიდან აცილების მიზნით განხორციელებული საქმიანობის გათვალისწინებით ა.(ა).ი.პ. „ოზურგეთის ჯანდაცვის საზოგადოებრივი ცენტრის“ თანამშრომლებზე დადგენილი კანონმდებლობის სრული დაცვით. კორონავირუსის გავრცელების თავიდან აცილების მიზნით განხორციელებული საქმიანობაში ჩართული იყო ოზურგეთის მუნიციპალიტეტის მერიის 3 თანამშრომელი, რომელებიც 24 საათიან რეჟიმში კოორდინაციას უწევდნენ და უწევენ ახალი კორონავირუსის (COVID-19) გავრცელების რისკების შემცირების მიზნით განხორციელებულ სამუშაოებს. დანამატების გაცემისას გათვალისწინებული იქნა - ,,დაავადებათა კონტროლისა და საზოგადოებრივი ჯანდაცვის ეროვნული ცენტრის“ გენერალური დირექტორის ამირან გამყრელიძის 18.03.2020 წლის წერილი, რომლის მიხედვითაც მოგვეცა შემდეგი რეკომენდაცია - ,,გაეზარდოს საზოგადოებრივი ჯანდაცვის სამსახურის ეპიდემიოლოგებსა და პროფილატიკოსების შრომის ანაზღაურება და/ან მინიმუმ გაუთანაბრდეს მუნიციპალიტეტების სხვა სამსახურებში სპეცილისტების შრომის ანაზღაურებას,, (ამონარიდი წერილიდან); ხოლო მერიის თანამშრომელთაგან ორ პირზე დანამატის გაცემის საფუძველი გახლავთ თბილისის მერიის მიერ გადმოცემული ავტობუსებისა და სხვა ტექნიკის ჩამოყვანა და მასთან დაკავშირებული პროცედურები. „TV-პირველზე“ გასულ სიუჟეტში გამოქვეყნებული ორი პირისათვის მერიის მიერ დანამატის ჩარიცხვის საფუძველი წარმოიშვა მიმდინარე წლის თებერვალში ხოლო ჩარიცხვა განხორციელდა მარტის თვის ბოლოს. ხსენებულმა პირებმა უზრუნველყვს თბილისის მერიის მიერ გადმოცემული 4 სატრანსპორტო საშუალების ჩამოყვანა ოზურგეთში, ხოლო გადმოცემული ორი სპეცდანიშნულების ტექნიკა მომზადებული იქნა გადმოსაყვანად, რის გამოც მათზე გაიცა 60%-ი (და არა 80%იანი დანამატი). სულ გაცემულია 12 930 ლარი; „TV-პირველზე“ გასულ სიუჟეტში მითითებულ სხვა პირებზე, კერძოდ, ოზურგეთის მუნიციპალიტეტის მერიის თანამშრომლებზე დანამატები არ გაცემულა ქვეყანაში არსებული სტუაციიდან გამომდინარე და ყველა ინტერპრეტაცია, რომელიც ამ საკითხან გახლავთ დაკავშირებული არის არასწორი; ოზურგეთის მუნიციპალიტეტის ა.(ა).ი.პ. „საზოგადოებრივი ჯანდაცვის ცენტრი“ ახალი კორონავირუსის (COVID-19) გავრცელების თავიდან აცილების მიზნით საქმიანობას ახორციელებს 24 საათიან უწყვეტ რეჟიმში. ოზურგეთის მუნიციპალიტეტის მერიის მიერ ახალი კორონავირუსის (COVID-19) გავრცელების თავიდან აცილების მიზნით განსახორციელებლი საქმიანობის ფარგლებში მოხდა მოსახლეობის საჭიროებების კვლევა და იმ პირების იდენტიფიცირება, რომლებიც საჭიროებს სასურსათო და სხვა სახის დახმარებას. კორონავირუსის (COVID-19) გავრცელების თავიდან აცილების მიზნით ოზურგეთის მერიაში შექმნილი ჯგუფის მიერ ამ დროისათვის:- უკვე 180 ოჯახს დაურიგდა სურსათი.- უახლოეს დღეებში დმატებით 500 ოჯახზე გავცემთ პროდუქტებს. გამომდინარე იქედან, რომ მოცემულ შემთხვევაში დადასტურდა დასაქმებული პირების შესახებ პერსონალური ინფორმაციის (პირის საიდენტიფიკაციო მონაცემების, მათი ანგარიშის ნომრების და მათთვის ჩარიცხული თანხების შესახებ ინფორმაცია) ოზურგეთის მერია ბოდიშს უხდის მათ და აცხადებს, რომ ამ დროისათვის ხდება პერსონალური ინფორმაციის გაცემასთან დაკავშირებული ფაქტებისა და საკითხების სამართლებრივი ანალიზი (ასეთი ქმედება შეიცავს სისხლის სამართლის დანაშაულის ნიშნებს) რის შედეგებზე დაყდრნობითაც განვახორციელებთ შემდგომ სამართლებრივ რეაგირებას. დამატებით ვაცხადებთ, რომ ოზურგეთის მერია უზრუნველყოფს ყველა დაინტერესებული პირისათვის საჯარო ინფორმაციის მიწოდებას და ასევე ითანამშრომლებს ყველა სპეციალური კომპეტენციის ორგანოსთან საკითხის სამართლებრივ ფორმატში გარკვევის ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...