დათა ახალაიას "ნერვების აფეთქებით" გამოწვეული მიმართვა

მთავარი თემა

დათა ახალაიას "ნერვების აფეთქებით" გამოწვეული მიმართვა

2013 აპრ 16 12:31:59

მიმართვაში ნათქვამია, რომ ლაფანყურის სპეცოპერაციისა და პატიმრების წამების კადრების ავტორი პარტია "ნაციონალური მოძრაობის" გენერალური მდივანი ვანო მერაბიშვილია. ასევე, აღნიშნულია, რომ ვანო მერაბიშვილმა დაგეგმა და შალვა ჯანაშვილის ხელით განახორციელა იალღუჯაზე ქართველი ჯარისკაცების მიმართ გახორციელებული ძალადობა და არაადამიანური მოპყრობა, რისთვისაც ახლა ბაჩო ახალაიას ასამართლებენ.

"მე ღრმად მწამს, რომ არა ვანო მერაბიშვილი, ნაციონალური მოძრაობა, მიუხედავად შეცდომებისა, ასე გამანადგურებლად არ დამარცხდებოდა არჩევნებში. სრული პასუხისმგებლობით ვაცხადებ და მე გამაჩნია ამის მტკიცებულებები, რომ ლაფანყურის ავანტიურა ჩემი ძმის – ბაჩო ახალაიას წინააღმდეგ დაგეგმა და გიორგი ლორთქიფანიძის ხელით განახორციელა ვანო მერაბიშვილმა, გაწირა რა სასიკვდილოდ ჩვენი მებრძოლები, უკიდურესად გაგვირთულა ურთიერთობები ჩვენ ქისტ ძმებთან და რეალური საშიშროების წინაშე დააყენა ქვეყნის უსაფრთხოება და საერთაშორისო იმიჯი. აქვე დავძენ, რომ მე არ ვამტკიცებ, თითქოს ვანო მერაბიშვილი გარიგებული იყო მაშინდელ ოპოზიციასთან, მაგრამ ერთი რამ დღესავით ნათელია – საკუთარ ყოვლისშემძლეობაში ბრიყვულად დარწმუნებულმა მერაბიშვილმა ივარაუდა, რომ მხოლოდ ახალაიები დაზარალდებოდნენ მისი დანაშაულებრივი ავანტიურების წყალობით და თვითონ კვლავ ხელისუფლების ოლიმპზე დარჩებოდა, რადგანაც არჩევნებში გამარჯვება გარანტირებული ეგონა," _ ვკითხულობთ მიმართვაში.

საინტერესოა, რამდენად სჯერა ხალხს ამ მიმართვის ნამდვილობა და თუ სჯერათ, რა შეფასებას მისცემენ დათა ახალაიას მიმართვას, რატომ ალაპარაკდა ახალაია ახლა და არა რამდენიმე თვის წინ. სწორედ ამიტომ "გურია ნიუსმა" ამ კითხვებით პოლიტიკოსებს და სხვადასხვა პროფესიის ადამიანებს მიმართა.

ზაზა გაბუნია, თბილისის საკრებულოს ფრაქცია "ქართული ოცნება-დემოკრეტიული საქართველოს" თავმჯდომარე: "რამდენადაც ადვოკატი ამ განცხადებას დათა ახალაიას განცხადებად ადასტურებს, უნდა ვივარაუდოთ, რომ ნამდვილია. ამასთან, ტექსტის შინაარსი ადეკვატურია იმ კულუარული ინფორმაციებისა, რომლებიც ახალაიების ოჯახისა და მერაბიშვილის ირგვლივ ბოლო ხანებში ვრცელდებოდა. ცხადია, ყოფილი სახელისუფლო პარტიის შიგნით იყო ცალკეული დაჯგუფებები და კლანები, ისინი ძალაუფლებისთვის ბრძოლისას სხვადასხვა დროს სხვადასხვა ფორმით მოქმედებდნენ. "ნაციონალური მოძრაობის" ხელისუფლებიდან წასვლის შემდეგ არსად წასულან ეს კლანები, ისევ არსებობენ, უფრო სწორად, შენარჩუნებულია დამოკიდებულება ერთმანეთის მიმართ. დღეს, როცა ნათლად ჩანს, რომ ბაჩანა ახალაია მხოლოდ მის ოჯახსა და თეა თუთბერიძეს ანაღვლებს და რომ თანაგუნდელის გასაჭირი დანარჩენ ნაციონალებს ნაკლებად აინტერესებთ, ჩნდება პროტესტის განცდა და იწყება აქტიური ფაზა წინააღმდეგობისა იმ პერსონის მიმართ, რომელიც ითვლებოდა ახალაიების ჯგუფის ოპონენტად ანუ მერაბიშვილის მიმართ და ეს პროცესი სრულიად ბუნებრივია, როცა, როგორც აღმოჩნდა, არსებობს კონკრეტული მიზეზები ბრალდებისთვის. რატომ ახლა? იმიტომ, რომ ამით მცდელობა აქვს განცხადების ავტორს, რომ "ნაციონალურ მოძრაობას" ანუ იმ ხალხს, ვისგანაც უყურადღებობა იგრძნეს ახალაიებმა, ხელი შეეშალოს პარტიისთვის მნიშვნელოვანი ღონისძიების გამართვაში, რადგან ამ ინფორმაციის შემდეგ, არათუ მოსახლეობის, პარტიის ლიდერების მობილიზებაც გაუჭირდება "ნაცმოძრაობას".

თეო ტლაშაძე: "არ დავიჯერებდი, რომ არ დაედასტურებინა ადვოკატს. დამაჯერებლობას კიდევ უფრო ამყარებს ის გარემოებები, რაც ბაჩო ახალაიას პროცესთან დაკავშირებით დღეს გახდა ცნობილი, სადაც ბრალდების მხარეს ერთ-ერთ მოწმედ ჰყავს ვანო მერაბიშვილის ყოფილი მოადგილე ჯანაშვილი, შესაბამისად, მათი " ნერვების აფეთქება" არ მიკვირს."

ბონდო მძინარაშვილი, ჟურნალისტი: "ახლა ისეთ დროში ვცხოვრობთ, სანამ უშუალოდ დათა ახალაიასგან არ მოვისმენ ამ ინფორმაციას, ვერც დავიჯერებ... რა გახდა ერთი ვიდეომიმართვა? ბოლოს და ბოლოს, სკაიპით ჩაერთოს რომელიმე ტელევიზიას. უარს ეტყვიან თუ რა?! თუმცა, თუ ლოგიკურად მივყვებით, შესაძლოა, მართლაც ახალიას ეკუთვნოდეს ეს მიმართვა. ისტორია სავსეა სასახლის კარის ბრძოლებით და მკვლელობებითაც! ბუნებრივია მათ შორის დაპირისპირებაც და მეტი გავლენის მოპოვებისთვის ბრძოლაც. ბაჩო ახალაია რომ მიატოვეს "ნაციონალური მოძრაობის" ლიდერებმა, ესეც ფაქტია. მოკლედ, ბევრი გარემოებაა, რომელთა ლოგიკური დაკავშირება ადვილია და საზოგადოებაც ადვილად დაიჯერებს წერილის ნამდვილობას."

ნანა ხურითი, მსახიობი: "მჯერა, იმიტომ, რომ მისმა ადვოკატმა დაადასტურა მიმართვის ნამდვილობა, თან სულ იყო საუბარი იმაზე, რომ მათ შორის არის კონფლიქტი. რატომ გაავრცელა მიმართვა ახლა და არა ადრე? ახლა იმიტომ, რომ 19 აპრილს, ფაქტობრივად, აწყობს ვანო მერაბიშვილი და მისი დისკრედიტაცია უნდა მოხდეს. ისინი ერთმანეთს გაწირავენ, ეს არ გაუჭირდებათ. გარდა ამისა, ახალაიას აგრესია გადავიდეს მერაბიშვილზეც, მარტო ახალაიები ხომ არ იყვნენ?! ვანო მერაბიშვილის სამარცხვინო შოუ "იმედზე" _ ხუმრობის საგნად გახადა 7 ნოემბერი. გამოდის, რომ ყველა ანგელოზი იყო და ეს ახალაიები იყვნენ ქვეყნის დამაქცევარნი მარტო. სინამდვილეში ასე არ არის. პასუხისმგებლობა ცოტა თქვენს თავზეც აიღეთო, იფიქრა, ალბათ, დათა ახალაიამ. ახალაიების გარდა, იქ ბევრნი იყვნენ, ვის პასუხისმგებლობასაც ითხოვს ხალხი. მარტო გირგვლიანი ეყოფა ვანოს და სხვებს, მერაბიშვილი კი გამოდის და ოხუნჯობს. ასე რომ, სწორად ჩაარტყეს და ზუსტ დროსაც, სწორედ მაშინ დაარტყეს, როცა გვირგვინი უნდა დაედგა თავზე სამარცხვინო მერაბიშვილს. ასე რომ, 19 აპრილის წინა დღეს, ფაქტობრივად, ჩაძირა.

მე, როგორც მსახიობი, პერსონაჟის შეფასებას ვაკეთებ, როგორც პიესაზე მუშაობის დროს _ ესა თუ ის პერსონაჟი რატომ იქცევა ასე. ასე რომ, მომიტევოს მკითხველმა.

დავით კვაშილავა, ზუგდიდის სპორტის განვითარების ცენტრის დირექტორის მოადგილე: "ჯერ კიდევ არ მჯერა ბოლომდე და თუ სიმართლეა, ადრე უნდა ეთქვა სათქმელი. მთელი ოჯახი დაღუპა მიშამ ახალაიების სახით _ კანიბალებად გახადა სამივე. სიმართლე გითხრათ, არ ვარ ბოლომდე დარწმუნებული, არ მჯერა რაღაც. შეიძლება ვცდები, მაგრამ რაღაც თამაშს ჰგავს, მაგრამ ერთ დროს მაინც დაჭამენ ერთმანეთს. ადრე იმიტომ არ თქვა, რომ მაშინ ისინი ერთ ნავში ისხდნენ, თავზე საყრელად ჰქონდათ ქართველი ხალხის უბედურება და წამება, რითაც იკვებებოდნენ. ახლა ყველაფერი გამოელიათ და ერთმანეთიჭამია ვირთხებად იქცნენ. სანამ სიმართლეს ბოლომდე არ აღიარებენ, მათი არაფერი დაიჯერება.

ზურაბ უგულავა, ინჟინერი: "მიმაჩნია, რომ არ არის გამორიცხული, ეს მიმართვა ნამდვილად ახალაიას ეკუთვნოდეს, მით უმეტეს, რომ მისმა ადვოკატმა საღამოს დაადასტურა მიმართვის ნამდვილობა. რაც შეეხება რატომ ახლა და არა თუნდაც რამდენიმე თვის წინ, შესაძლოა, ამის მიზეზი იყოს ინფორმაცია, რომელიც ახლა გახდა ცნობილი _ იგეგმება მერაბიშვილის დასახელება საპრეზიდენტო კანდიდატად. შესაძლოა, ახალაიებმა ჩათვალეს, რომ მერაბიშვილმა გადაწყვიტა ახალაიების გაწირვა."

შეგახსენებთ, რომ ახალაიას ადვოკატმა ირაკლი ზაქარეიშვილმა დაადასტურა აღნიშნული მიმართვის ნამდვილობა.




 ახალი ამბები
  • მონადირეთა ჯგუფი "ძამა" სოციალურად შეჭირვებული ოჯახების დასახმარებლად აქციებს მართავს სულ ცოტა ხანია, რაც სოციალურ ქსელში მონადირეთა ჯგუფი _ "ძამა" გამოჩნდა. ჯგუფი ლიცენზირებულ მონადირეებს აერთიანებს. ისინი დაკავებული არიან ბუნებიდან იმ მტაცებელი ცხოველების ამოღებით, რომლებიც დიდ ზიანს აყენებენ მოსახლეობას. ჯგუფში გაერთიანებულმა მონადირეებმა მიზნად დაისახეს სოციალურად შეჭირვებული ადამიანების დახმარება. ისინი უკვე დაეხმარნენ ჩოხატაურის მუნიციპალიტეტის სოფელ სამებაში მცხოვრებ ჯიმშერაძეების სამშვილიან ოჯახს. 28 ივლისს მონადირეები სოფელ ერკეთში მცხოვრებ ჯინჭარაძეებს ესტუმრებიან. ჯგუფი ქველმოქმედებას მომდევნო თვეებშიც გააგრძელებს. _ ჩვენი მიზანი, მავნებელი მტაცებლის ბუნებიდან ამოღებასთან ერთად, ქველმოქმედებაცაა. ჯერჯერობით, ამას მხოლოდ ჩვენი მცირერიცხოვანი ჯგუფი აკეთებს, მაგრამ იმედი გვაქვს, რომ საზოგადოება შემოგვიერთდება და ერთად ვაკეთებთ სიკეთეს, _ ამბობენ მონადირეთა ჯგუფის ადმინისტრატორები: ვახო სიხარულიძე და გაგა ყაჭეიშვილი. დაინტერესებული პირები ჯგუფის წევრებს შეუძლია დაუკავშირდნენ ფეისბუქგვერდზე _ მონადირეთა ჯგუფი "ძამა" ან დარეკონ ტელეფონის ნომერზე: (577) 957048.   ... ...
  • ხანძარი ოზურგეთშიოზურგეთში, ჯორჯიაშვილის ქუჩაზე მელუების საცხოვრებელ სახლს ცეცხლი გაუჩნდა. ოჯახის უფროსი ვახტანგ მლუა ამ დროს სახლში არ იმყოფებოდა და სამაშველო ბრიგადა მეგობარმა გამოიძახა. როგორც სამაშველო სამსახურის უფროსმა, პაატა ლომთაძემ "გურია ნიუსთან" განაცხადა, ამ დროისთვის ხანძარი ... ...
  • IRI-ის კვლევების მიხედვით, გამოკითხულთა უმეტესობა საპენსიო რეფორმას მხარს უჭერს"საერთაშორისო რესპუბლიკური ინსტიტუტის" (IRI) კვლევების ცენტრის მიერ გამოქვეყნებული საზოგადოებრივი აზრის გამოკითხვის შედეგების მიხედვით, გამოკითხულთა უმეტესობა საპენსიო რეფორმას მხარს უჭერს. კითხვაზე: როგორ შეაფასებდით პარლამენტის მიერ ინიცირებულ საპენსიო რეფორმას, გამოკითხულთა 36%-მა უპასუხა, რომ უფრო მეტად კეთილგანწყობილია. აღნიშნული რეფორმა ნაწილობრივ მოსწონს 23%-ს, ნაწილობრივ არ მოსწონს 11%-ს. პარლამენტის მიერ ინიცირებული საპენსიო რეფორმის გატარებას არ ეთანხმება გამოკითხულთა 18%, არ იცის ან პასუხი არ აქვს გამოკითხვაში მონაწილე ადამიანების 12%-ს. კვლევა მთელი საქართველოს მასშტაბით 2019 წლის 20 მაისი - 11 ივნისის შუალედში ... ...
  • დაკავებისას ბრალდებულებმა სამართალდამცველებს ცეცხლი გაუხსნესსავაჭრო ცენტრ „ქარვასლასთან“ დაკავების დროს ბრალდებულებმა პოლიციას წინააღმდეგობა გაუწიეს და ცეცხლსასროლი იარაღიდან ესროლეს. ინფორმაციას შინაგან საქმეთა სამინისტრო ავრცელებს. შსს-ს ცნობით, ყაჩაღობის ფაქტზე მიმდინარე გამოძიების ფარგლებში პოლიციამ ორი პირი დააკავა. „მომხდარის დროს არავინ დაშავებულა. ინტენსიურ რეჟიმში გრძელდება საგამოძიებო-ოპერატიული ღონისძიებები. გამოძიება სსკ-ის 179-ე მუხლით მიმდინარეობს“, - აცხადებენ შს ... ...
  • გვარამია: რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხანგრძლივი პერიოდი ვიყავი დირექტორი) არხი ვამუშავე წარმოუდგენელ რეჟიმში, ფაქტიურად, ბოლო ორი წელი, საოცრების ხარჯზე. სრულიად არავის დახმარებით, მტრულ გარემოში, ფინანსრური თავდასხმების და არხის ამჟამინდელი მფლობელის დამანგრეველი ყადაღის მიუხედავად, ყველა ხელფასი ყოველთვის გავეცი, თვითონაც არ ვიცი როგორ. ყველას, ვისაც განსაკუთრებულად უჭირდა, დავეხმარე" _ წერს სოციალურ ქსელში რუსთავი 2_ის ყოფილი გენერალური დირექტორი ნიკა გვარამია. მისივე თქმით, "რ2 გახდა სახელმწიფო სახელმწიფოში - სავსე თავისუფალი, ნიჭიერი, ფერადი ხალხით, ვინც არ გაეკარა ბნელ ქართულ ოცნებას, ვისაც უნდოდა დასავლეთი და თავისუფლება, და ვისი ერთადერთი ნავსაყუდელი რ2 გახდა. იმიტომ მიხაროდა მანდ მოსვლა - ქვეყანაში უანალოგო თავისუფლების კუნძული იყო, ჰაერში ეკიდა თავისულფების სუნი": _ამ არხმა 7 წელიწადში დაანგრია ამ ქვეყნის მთავარი მტერი - რუსული გავლენა. დიახ, დაანგირა და გააშიშვლა ხელისუფლება, რომელიც რუსული აღმოჩნდა თავიდან ბოლომდე. ბოლო კვლევით, რაც ვნახეთ, გავრილოვის ღამემდეც კი, რუსეთი არაა ამ ქვეყნის არჩევანი და ამაში ყველაზე მნიშვნელოვანი დამსახურება რ2ისაა, ღრმად მწამს, და ისიც მწამს, რომ რუსებმაც კარგად იციან ეს. იმიტომაც ყეფენ ხან დუმის ტრიბუნიდან, ხან პუტინის პირით და ხან ლავროვის განცხადებებით. დიახ, რუსეთმა კარგად იცის, ვინ იყო მისი მთავარი მტერი საქართველოში. კარგად იცის და არც მალავს. სამწუხაროა, რომ კვლევით ვინცაა ჩვენი არჩევანი, შვიდი წელი ვისი ფასეულობების დასამკვიდრებლადაც ვიბრძოდით სიკვდილ-სიცოცხლის ფასად, იმისი ხელით დავიხურეთ სწორედ. ირონიაა, მაგრამ ძალიან მწარე. ამაზე მოგვიანებით ვისაუბრებ და აუცილებად შევაფასებ ევროსასამართლოს გადაწყვეტილებას დეტალურად. არაფერი არაა ამ ქვეყნად წმინდა ძროხა, რომლის კრიტიკა არ შეიძლება. მათ შორის, არც ევროსასამართლო. კონსპირაციები განზე დავტოვოთ, საგნობრივი კრიტიკა კი ნამდვილად საჭიროა. მივუბრუნდეთ თემას.  მე რუსთავი2დან გავედი გამარჯვებული. მე მოვუგე ყველა ბრძოლა მტრულად განწყობილ სახელმწიფოს და მის დამნაშავე ბოსს, უზურპატორ ბიძინა ივანიშვილს. მე მოვიგე ყველა ბრძოლა ყველა ეტაპზე საქართველოში, მაგრამ დავმარცხდი იქ, სადაც არ შეიძლებოდა უბრალოდ რომ დავმარცხებულიყავი. ჩვენ ვერ დაგვხურა მთელმა ქრთულმა პოლიტიკურმა მანქანამ, მაგრამ სამწუხაროდ ეს გააკეთა იმან, ვისაც ეს არასგზით არ უნდა გაეკეთებინა.  მე რუსთავი2_დან გავედი გამარჯვებული. თუმცა ამ გამარჯვებას ნამდვილად ჯობდა გაემარჯვა სხვას, ყველაზე მნიშვნელოვანს მთელ ამ ამბავში.  მე რუსთავი2_დან გავედი გამარჯვებული, მაგრამ დამარცხდა ეროსის შექმნილი, ბევრის ღვაწლით განვითარებული, და ბოლოს ჩემი გზარდილი, ათასუბედურება გატარებული, ჩემი და ჩემი გუნდის მიერ მთელ პოსტსაბჭოთა სივრცეში მთავარ და საუკეთესო ტელევიზიად ქცეული რუსთავი 2.  მე რუსთავი2_დან გავედი გამარჯვებული, მაგრამ დამარცცხდა თავად რუსთავი 2. დამარცხდა პირველად 25 წლის მანძილზე. პირველად 25 წლის მანძილზე ქვეყნის მთავარი მცველი რუსეთის გავლენისგან, გახდა რუსული. ჯერ ამას ვერ აცნობიერებენ კარგად, სანამ ჩვენი გუნდი კიდევ იქაა და ფაქტიურად წინააღმდეგობის მოძრაობა აქვს გაჩაღებლი და გმირულად იბრძვის მტრულ გარემოში. მაგრამ ძალიან მალე მოვა გაცნობიერების დრო და მაშინ მიხვდებიან ზუსტად ჩვენი მაყურებლები და არამაყურებლებიც, რა კატასტროფას მოაწერა ხელი შვიდამა ევროპელმა მოსამართლემ.  მე რუსთავი2_დან გავედი გამარჯვებული, მაგრამ დამარცხდა ჩემი ნაზარდი და საყვარელი რუსთავი 2, ქვეყანაში თავისუფლების და დასავლეთის მთავარი და ალბათ ბოლო ბასტიონი. ქვეყანამ დაკარგა მისი დამოუკიდებლობის განმავლობაში შექმნილი და გაძლიერებული ერთერთი უმნიშვნელოვანესი მონაპოვარი, დასავლეთის, ხარისხის და თავისუფლების სიმბოლო. ქვეყანამ დაკარგა მისი დამოუკიდებლობის პერიოდში შექმნილი უმაღლესი კლასის და დასავლური შინაარსის და დონის ტელევიზია. ალბათ საქართველოს დამოუკიდებლობის პერიოდში შექმნილი მთავარი და ყველაზე წარმატებული ბრენდი - რუსთავი 2. ეს ფაქტი შედგა და მხოლოდ ცოტა დრო ჭირდება ამის სრულად გაცნობიერებას. ეს ფაქტი შედგა და არა მგონია, ოდესმე მისი უკან შექცევა მოხდეს. მე მხოლოდ გამიხარდება და წარმატებას ვუსურვებ, ვინც ამ საქმეს მომავალში ხელს მოკიდებს.  მე რუსთავი2_დან გავედი გამარჯვებული, მაგრამ დამარცხდა რუსთავი 2, ხელახლა მოკლეს ეროსი კიწმარიშვილი და დაიხურა ბოლო ფანჯარა დასავლეთში.  რუსთავი 2_დან მე გამოვედი გამარჯვებული, მაგრამ დამარცხდა ჩემი სამშობლო.  რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"_ წერს ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...