აიძულეს თუ არა სალუქვაძეს თანამდებობის დატოვება _ "მაინც არ მასვენებთ"

gurianews.com

მთავარი თემა

აიძულეს თუ არა სალუქვაძეს თანამდებობის დატოვება _ "მაინც არ მასვენებთ"

2017 აგვ 10 09:21:56

გურიის გუბერნატორმა  გია სალუქვაძემ გადადგომის მოთხოვნით პრემიერ-მინისტრს გუშინ მიმართა. ამბობს, რომ ეს გადაწყვეტილება თავად მიიღო და მისთვის წასვლა არავის უთხოვია.

„გურია ნიუსის“ კითხვებმა, რომელიც ჯერ კიდევ მოქმედ გუბერნატორს გუშინ დავუსვით, სალუქვაძე გააღიზიანა _ ზოგი კითხვა უპასუხოდ დატოვა, ზოგზე კი აგრესია გამოხატა.

ჯერ კიდევ საჯარო მოხელესთან, ეს ინტერვიუ, გუშინ, ფეისბუქით ჩაიწერა, რადგან გუბერნატორს, მისივე თქმით, სასაუბროდ არ ეცალა:

_ ბატონო გია, სულ ცოტა ხნის წინ ჩვენთან საუბრისას ამბობდით, რომ არსად  წასვლას არ აპირებდით. ახლა რა შეიცვალა. ვინმემ გაიძულათ?

_ კონცერტზე ვარ, ბლექსიზე.  იძულებას რაც შეეხება, არ მგონია  ასე ფიქრობდეთ.

_ ჩვენ იმ კითხვებს ვსვამთ, რომელიც საზოგადოებას აინტერესებს. შესაბამისად, გეკითხებით, რა მოხდა რამდენიმე დღეში...

_  კითხვები დაუსვით აწი ახალ გუბერნატორს, დროებით.

_ მასაც დავუსვამთ, მაგრამ ახლა თქვენ გეკითხებით. რატომ მიდიხართ, ვინ გთხოვათ?

_  ოჯახმა.

_ ოჯახმა გთხოვათ, თანამდებობა დაგეტოვებინათ? რატომ?

_ მე დავამთავრე თქვენთან საუბარი _ კონცერტით ვტკბები. ხომ არ გეკითხები, ვინ დაგავალათ ასეთი კითხვების დასმა?

_ ჩვენ თქვენთვის შეურაცხყოფა არ მოგვიყენებია, თქვენ კი გვაყენებთ...

_ შეიძლება ოჯახთან კონცერტზე დასვენება თუ არა?  სამჯერ გითხარით და მაინც არ მასვენებთ!

_ ჯერ კიდევ გუბერნატორი ხართ, საჯარო მოხელე და კითხვებზე პასუხიც თქვენი ვალდებულებაა. მით უმეტეს, რომ ინტერესის საგანია ეს თქვენი მოულოდნელი "გადაგდომა"...

_ როცა გაცნობეთ, რომ სამსახურის შემდეგ კონცერტზე ვარ, მაინც მისვამთ კითხვებს, რომელზეც ერთი პასუხია _  მე თვითონ გადავდექი, მაგრამ, ეტყობა, თქვენ არ „გაწყობთ“ ასეთი პასუხი, თუმცა, რამდენჯერაც არ უნდა შემეკითხოთ, პასუხი ერთი და იგივე იქნება. 3 წელი ციხეში,  ორნახევარი გურიაში და ბავშვები უჩემოდ იზრდებიან. ერთ-ერთი მიზეზი ესეც იყო.

_ და ახლა სახლში იქნებით?

_ არა, რატომ? განვიხილავ შემოთავაზებებს. ცოტას დავისვენებ ჩემს შვილებთან და შვილიშვილთან ერთად, რომლებიც გურიაში მყავს ამჟამად.

_ ბატონო გია, თქვენი გადადგომის შესახებ ინფორმაცია „გურია ნიუსმა“ ექსკლუზიურად დილით გაავრცელა და საღამოს უკვე შემოთავაზებები გქონდათ?

_ მე დასამთავრებელი მქონდა „ზარასთან“ საკითხები და დღეიდან მივმართე პრემიერს. და საერთოდ, ნუ ეძებთ შეთქმულებებს. იმას ჰკითხეთ, ვინც  ჩემი გადადგომის შესახებ გითხრათ და მიხვდებით, რომ სიმართლეს გეუბნებით.

_ თქვენი გეგმების შესახებ ჩვენს წყაროს უნდა ვკითხოთ?

_ ბოდიში, მაგრამ უხერხულია, კონცერტზე ვარ. უკვე მოგწერეთ, რომ სად და რას ვაპირებ, ჯერ მე არ გადამიწყვეტია. დღეს მივწერე პრემიერს გადადგომაზე და ველოდები განკარგულებას.

_ მანამდე გქონდათ პრემიერთან საუბარი?

_  რა თქმა უნდა მქონდა. ერთი თვის წინ. რა არის იცით? რაჭის გუბერნატორიც  წავიდა 10 დღის წინ და მისთვის კითხვები არავის დაუსვამს.

_  ვის გულისხმობთ?

_ ჟურნალისტებს.

_ „გურია ნიუსს“ თქვენი გადადგომის შესახებ ექსკლუზიური ინფორმაცია ჰქონდა და რატომ გიკვირთ კითხვები?

ამ შეკითხვაზე გია სალუქვაძემ პასუხი აღარ გაგვცა.

გურიის მოქმედმა გუბერნატორმა არც ის დააკონკრეტა, გახდა თუ არა პოლიტიკური თამაშის მონაწილე და მისი წასვლა უკავშირდება თუ არა მუნიციპალიტეტების გაერთიანებას, რომლის გამოც, ხელისუფლებას ან ქალაქის მერი უნდა „გაეწირა“, ან ოზურგეთის გამგებელი. როგორც ჩვენი წყარო ამბობს, სწორედ ეს გახდა სალუქვაძის „გადადგომის“ მიზეზი.

ჩვენი წყაროს ინფორმაციას ისიც ამყარებს, რომ უკვე დაზუსტებული ინფორმაციით, სალუქვაძეს ოზურგეთის მუნიციპალიტეტის გამგებელი მერაბ ჭანუყვაძე შეცვლის, ხოლო ოზურგეთის მერის პოსტზე „ქართული ოცნებიდან“ კენჭს ბეგლარ სიორიძე იყრის.

ამავე თემაზე: გურიას ახალი გუბერნატორი ეყოლება _ ვინ შეცვლის სალუქვაძეს (ექსკლუზივი)


ნახვა: 1438


 ახალი ამბები
  • ევროპულმა საქართველომ პრეზიდენტობის კანდიდატი დაასახელაევროპულმა საქართველომ პრეზიდენტობის კანდიდატად დავით ბაქრაძე დაასახელა. საპრეზიდენტო კანდიდატი საზოგადოებას პარტიის ერთ-ერთმა ლიდერმა, გიგი უგულავამ, ქუთაისში წარუდგინა. „საზოგადოება არის გახლეჩილი, სამწუხაროდ, საზოგადოება არის დაპირისპირებული. ამიტომ, ყველაზე მეტად ამ ქვეყანას დღეს სჭირდება გამაერთიანებელი პრეზიდენტი, პრეზიდენტი, რომელიც საზოგადოებას დაანახებს პერსპექტივას, პრეზიდენტი, რომელიც საზოგადოებას დაანახებს და დაარწმუნებს, რომ ხვალინდელი დღე არის საიმედო,“ - განაცხადა ... ...
  • ზაზა სარალიძე: პროკურატურა ისევ ცდილობს მკვლელებს ხელი დააფაროს„სამართალდამცავთა რეფორმირების ცენტრის“ ხელმძღვანელმა ზვიად კუპრავამ ზაზა სარალიძესთან ერთად დღეს პრესკონფერენცია გამართა, რომლის ფარლგებშიც ზაზა სარალიძემ მისი შვილის მკვლელობის საქმის მიმდინარეობაზე ისაუბრა. მისი თქმით, ბრძოლაა საჭირო, რათა მომავალმა თაობამ სამართლიან ქვეყანაში იცხოვროს. „მკვლელები ისევ გარეთ დადიან. პირდაპირ შემიძლია ვთქვა, რომ დღევანდელი მონაცემებითაც პროკურატურა ისევ ცდილობს, ჩემი შვილის მკვლელებს ხელი დააფაროს. ჩვენ დიდი ხნის წინ გადავწყვიტეთ, რომ ყველა იმ ადამიანს დავუდგეთ გვერდით, ვინც უსამართლობის შეგრძნებით ცხოვრობს და რომელთა განადგურებასაც სისტემა მაქსიმალურად ეცადა. ყველაფერს გავაკეთებთ იმისთვის, რომ საქართველოში სამართლიანობა აღდგეს. მართალია, ჩემს შვილს ვერ გავაცოცხლებ, ვერც ერთის შვილს ვერ გავაცოცხლებ, მაგრამ მე მეორე შვილიც მყავს, ჩვენ გვყავს მომავალი თაობა, ვის გამოც უნდა ვიბრძოლოთ, რათა სამართლიან ქვეყანაში იცხოვრონ“, - განაცხადა ზაზა სარალიძემ. ხორავას ქუჩაზე მოზარდების მკვლელობის საქმეზე გამოძიებას ხელახლა აწარმოებს შინაგან საქმეთა სამინისტრო.  სასამართლოს პარალელურად, დროებითმა საპარლამენტო საგამოძიებო კომისიამ 17 ივლისს არასრულწლოვანი მოწმე გამოკითხა. მოწმეთა დაკითხვა გრძელდება. 12 ივლისს ცნობილი გახდა, რომ დროებითი საგამოძიებო საპარლამენტო კომისია ხორავას ქუჩის საქმის გამოძიების ფარგლებში გამოკითხვების დასრულებას ივლისის ბოლოს გეგმავს, დასკვნის გამოქვეყნებას კი, აგვისტოს ბოლოს ან სექტემბრის დასაწყისში. ხორავას ქუჩაზე ორი არასრულწლოვანი დავით სარალიძე და ლევან დადუნაშვილი 2017 წლის 1 დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა. მეორე - მრავლობითი დაზიანებებით საავადმყოფოში მოთავსებიდან მეორე დღეს, 2 დეკემბერს გარდაიცვალა. წყარო: ... ...
  • პროკურატურა ეკონომიკის სამინისტროს საქმიანობით ინტერესდება - ახალი დეტალებიცნობილი ხდება ის დოკუმენტაციაც, რომელიც სამინისტროდან საგამოძიებო უწყებამაც გამოითხოვა. ირკვევა, რომ პროკურატურა იმ მასალებით დაინტერესდა, რომელიც ტირპარკების მოწყობას და ტექდათვალიერებას ეხება. ასევე, საგამოძიებო უწყებას აინტერესებს აკრედიტაციის ეროვნული ორგანოს - ერთიანი აკრედიტაციის ცენტრიდან ავტოსატრანსპორტო საშუალებების გზისთვის ვარგისობაზე სავალდებულო პერიოდული ტესტირების სისტემის ამოქმედებასთან, ტესტირების ცენტრების აკრედიტაციის გაცემასთან დაკავშირებული ინტერესთა გამოხატვის გამოცხადებისა და შემაჯამებელი შედეგების ამსახველი სრული დოკუმენტაციაც. ეკონომიკის სამინისტროში განმარტავენ, რომ უწყება მზად არის, ითანამშრომლოს პროკურატურასთან. „საქართველოს მთავარი პროკურატურიდან ეკონომიკისა და მდგრადი განვითარების სამინისტროში წარმოდგენილი მომართვის საფუძველზე სამინისტრო პროკურატურას გადასცემს ე. წ. TIR პარკების მოწყობასთან დაკავშირებულ მის ხელთ არსებულ სრულ დოკუმენტაციას, ასევე ეკონომიკისა და მდგრადი განვითარების სამინისტროს სსიპ აკრედიტაციის ეროვნული ორგანოს - ერთიანი აკრედიტაციის ცენტრიდან  ავტოსატრანსპორტო საშუალებების გზისთვის ვარგისობაზე სავალდებულო პერიოდული ტესტირების სისტემის ამოქმედებასთან, ტესტირების ცენტრების აკრედიტაციის გაცემასთან დაკავშირებული ინტერესთა გამოხატვის გამოცხადებისა და შემაჯამებელი შედეგების ამსახველ სრულ დოკუმენტაციას. ეკონომიკისა და მდგრადი განვითარების სამინისტრო და მისი ყველა ქვემდებარე უწყება მზად არის, ითანამშრომლოს პროკურატურასთან და მიაწოდოს მათ მიერ მოთხოვნილი ყველა საჭირო ინფორმაცია,” - ნათქვამია ეკონომიკის სამინისტროს განცხადებაში. წყარო: ... ...
  • აჭარის უმაღლესმა საბჭომ მთავრობის თავმჯდომარე დაამტკიცა14 მომხრე ერთი წინააღმდეგი - აჭარის მთავრობის თავმჯდომარე დამტკიცებულია. კენჭისყრაში მონაწილეობა არ მიიღო "ნაციონალურმა მოძრაობამ". თორნიკე რიჟვაძეს მხარი "ქართული ოცნების" 14- მა დეპუტატმა დაუჭირა. რიჟვაძის წინააღმდეგ ხმა უმაღლესი საბჭოს მხოლოდ ერთმა დეპუტატმა მისცა, რომელიც "დემოკრატიული მოძრაობის" ... ...
  • მიკროსაფინანსო ორგანიზაციები რეგულაციების გადავადებას ითხოვენმიკროსაფინანსო ორგანიზაციები დაანონსებული რეგულაციების გადავადებას ითხოვენ. კომპანიებში აცხადებენ, რომ სხვა შემთხვევაში მიკროსაფინანსოების ნაწილი ბაზრიდან გავა, დარჩენილები კი გამხსვილდებიან. ინფორმაციას „ბიზნესპრესნიუსი“ ავრცელებს. ეროვნული ბანკის პრეზიდენტის 5 ივლისის ბრძანების თანახმად, მიკროსაფინანსოების საზედამხედველო კაპიტალის მინიმალური ოდენობა 2018 წლის 31 დეკემბრამდე არანაკლებ 500 ათასი ლარი, 2019 წლის 30 ივნისამდე კი არანაკლებ 1 მლნ ლარი უნდა იყოს. მთავრობის მიერ დაანონსებული რეგულაციებით კი სესხის წლიური ეფექტური საპროცენტო განაკვეთის მაქსიმალური ოდენობა, 100%-დან 50%-მდე მცირდება. მიკროსაფინანსო ორგანიზაციების წარმომადგენლების თქმით, ბოლო ორ წელში რეგულატორის მხრიდან საფინანსო სექტორში ძალიან ბევრი რეგულაცია ამოქმედდა. ეს განსაკუთრებით მტკივნეულად არასაბანკო სექტორზე აისახა. ეფექტური საპროცენტო განაკვეთის 100%-იანი ჭერის 50-%-მდე შემცირება და საზედამხედველო კაპიტალის მილიონამდე გაზრდა არასაბანკო საფინანსო სექტორს ძალიან ცუდ ვითარებაში ჩააგდებს. საბოლოოდ კი, ეს ყველაფერი მომხმარებლებზე აისახება. მიკროსაფინანსო ორგანიზაციების ასოციაციის თავმჯდომარის, ბესიკ შენგელია განცხადებით, სექტორში დაგეგმილი რეგულაციები ბევრ საფრთხეს შეიცავს. მისი თქმით, მიკროსაფინანსო ორგანიზაციების მომსახურების თვითღირებულება ბევრად უფრო ძვირია, ვიდრე ბანკების. საბანკო სექტორისგან განსხვავებით იაფი ფულის რესურსთან წვდომა მიკროსაფინანსოებს ნაკლებად აქვთ. მისივე განმარტებით, ასოციაცია დაგეგმილი რეგულაციების გადახედვას და 2019 წლის აპრილამდე გადავადებას ... ...

არქივი

ზაფრანი

ყველაზე მაღალანაზღაურებადი ადამიანი

57 წლის ტიმ კუკი, კორპორაცია...

საინტერესო ცნობები „ქინდერ სიურპრიზის“ შესახებ

„ქინდერ სიურპრიზი“ - ეს საკონდიტრო...

მარსის საიდუმლო

ყველას დაგვბადებია კითხვა ვართ თუ...

გამქრალი ტბა

2007 წლის მაისში, ჩილეში პატაგონიაში,...

ცხოველთა სამყაროც ირჩევს

გასული საუკუნის 30–იან წლებში, როდესაც...
კარმიდამო ჩემი

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...

წიფლის წიწიბო

წიფელი ჩვენს ქვეყანაში ერთ-ერთი მძლავრი...

ჩეხური "კალაჩი"

ჩეხური სამზარეულო ლუდის გემრიელი მენიუსა...

როგორ ვიმკურნალოთ თაფლით

ხალხურ მედიცინაში არ მოიპოვება ისეთი...

პეტუნიას პოპულარობა და თავისებურება

ბოლო წლების განმავლობაში, ჩვენში განსაკუთრებული...

ალოეს სამკურნალო თვისებები

შესაძლოა, ალოეს დადებითი თვისებების შესახებ...

როგორ აღვიდგინოთ მხედველობა ნივრის დახმარებით

დროთა განმავლობაში, ადამიანის ჯანმრთელობის მდგომარეობა...

რატომ არ უნდა აადუღოთ წყალი ხელმეორედ

ფილმის ყურებაში ისე გაერთეთ, რომ...

"უთვალავ საქმეთაგან, სახარების გადაწერაა შვება"

ჩვენი სტატიის გმირი მრავალმხრივი ნიჭით...

როგორ ვებრძოლოთ პირუტყვის კანქვეშა ბორას

ზაფხულის პერიოდში განსაკუთრებით, მსხვილფეხა რქოსანი...

მეფუტკრის კალენდარი _ მაისი და ივნისი

მაისის შუა რიცხვებიდან დგება დიდი...