"არ გვინდა „ნამახვანი 2“ გახდეს სურების ხეობა " - მოსახლეობის პროტესტი ჩოხატაურში

მთავარი თემა

"არ გვინდა „ნამახვანი 2“ გახდეს სურების ხეობა " - მოსახლეობის პროტესტი ჩოხატაურში

2 მარ. 2021, 17:40:02

სურების მოსახლეობა სუფსის ხეობაში ჰესის აშენებას აპროტესტებს.

გარემოს დამცველები, სურების  მაცხოვრებლები და ის ადამიანები, ვისაც სუფსის ხეობაზე გული შეტკივათ, ჩოხატაურის მუნიციპალიტეტის მერიასთან შეიკრიბნენ.

"გურია ნიუსთან" საუბრისას სურების საინიციატივო ჯგუფის დამფუძნებელმა, გიორგი ტრაპაიძემ განაცხადა, რომ  ჰესის აშენება ხეობისთვის დამანგრეველია.

„მავანს სურს, ჩვენი ულამაზესი ბუნება გაანადგუროს. ოცნება, რომელსაც ჩვენ ვატარებდით ჩვენი ბავშვობიდან, ეს იყო ჩვენი სურების ხეობის აყვავება. გვინდოდა, რომ გზა გვქონოდა, ყოფილიყო მაღაზია,  საავადმყოფო, ფოსტა, სხვადასხვა საკომუნიკაციო საშუალება. თუმცა ეს რაც ჩამოვთვალე კომუნისტების დროს უფრო იყო.  ახლა კი არფერი აღარ არსებობს. დაიწყო ძალიან დიდი მიგრაცია. სოფლები დაიცალა. ჩემს ბავშვობაში მოსახლეობა 2 000 კომლს შეადგენდა. მშრომელი ხალხი. მთელ გურიის რეგიონს ამარაგებდა სურსათით და საკვებით. ახლა დარჩნენ მარტო მოხუცები, უძლურები და იმათთვისაც კი შეუძლებელია მისმა ჭირისუფალმა ავიდეს და მიხედოს, რადგან არც გზა გვაქვს და არც შესაძლებლობა  აქვს ახალგაზრდებს ასვლის.

რაც შეეხება ჰესებთან დაკავშირებულ საკითხს. ეს ჰესი არის ხეობისთვის დამანგრეველი. ეს ულამაზესი მდინარე, რომლის ჩხრიალშიც ბავშვობაში ვიძინებდით, უნდათ რომ მილებში მოაქციონ და ამწვანებული ულამაზესი ბუნება სულ გაუდაბნოვდება, გადახმება ყველაფერი. ამას ვეწინააღმდეგებით მე და ჩემი მომხრეები. ჩამოვედით იმისთვის, რომ ჩვენ ჩვენი სიტყვა  ვთქვათ და ვინმემ მოგვისმინოს. თუ ნებით და სურვილით არ გააკეთებენ ამას  სხვა ხერხებიც ვიცით, როგორ მივაღწიოთ მიზანს“,_ გვითხრა ტრაპაიძემ.

შეკითხვაზე,  რა იგულისხმება სხვა სამოქმედო ხერხებში -  ტრაპაიძე განმარტავს, რომ  იარაღით ხელში ვერ გამოვლენ, მაგრამ მასობრივი აქციები გაგრძელდება.

„იარაღს ხელში ვერ დავიჭერთ და წინააღმდეგობის გასაწევად ასე ვერ გამოვალთ. იქნება მასობრივი აქციები, შეკრებები და გამოსვლები.  არ გვინდა „ნამახვანი 2“  გახდეს სურების ხეობა.  იქ ჩვენი მამა-პაპის ძვლებია შენახული“,_ გვითხრა ტრაპაიძემ.

აქციაზე მყოფმა ერთ-ერთმა ქალბატონმა მანანა დიხანორიამ აღნიშნა, რომ სოფელში საცხოვრებლად ქალაქიდან ჩამოვიდა და მაცხოვრებლები ჰესის აშენებას არ დაანებებენ.

„დავტოვე ქალაქი და წამოვედი სოფელში, რომელიც ძალიან მიყვარს და მინდა, რომ ვიცხოვრო აქ. არა მაქვს სურვილი, რომ ჩვენი ლამაზი სურები გაანადგურონ. არ დავანებებთ“,_ თქვა დიხანორიამ.

მერიის წინ შეკრებილი ადამიანები ამბობდნენ, რომ დღეს ერთად უნდა იდგნენ და არ არის იმის გარჩევის დრო, თუ ვინ რომელი პოლიტიკური პარტიის მომხრე ან მოწინააღმდეგეა.

 „დღეს არ არის იმის დრო, ვინ ვისი მომხრეა და ვინ ვისი მოწინააღმდეგე. ყველა ერთმანეთის ნათესავი ვართ  და რაღაც დამოკიდებულებები გვაერთიანებს. ამიტომ ერთად უნდა დავდგეთ და არ უნდა მივცეთ ჩვენი ულამაზესი ბუნების დასახიჩრების საშუალება“,_ამბობდნენ ისინი.

აქციაზე სიტყვით გამოსვლისას ზურაბ დარსალიამ განაცხადა, რომ „სუფსა ენერჯის“ უკან, სავარაუდოდ, თურქები დგანან და თუ კომპანიას ჰესის აშენების უფლება მიეცემა, შემდეგ გაყიდიან.

 „ჩვენმა წინაპრებმა დღემდე მოგვიტანა სურები, სუფსის ხეობა.  როცა ერთად ვიბრძოდით რომ დაეგოთ 11 კმ გზა, ამ დროს თავს მეორე უბედურება დაგვატყდა. თურმე, ჩვენი სურების მიწები 2016 წელს გაუყიდიათ.  კაციშვილს კი არაფერი  არ უთქვამს. თურმე გუბერნიამ გადაუგზავნა მერიას, მერიამ გადაუგზავნა გამგებელს არიქა, თუ ხართ თანახმა რომ ეს მიწები გადავცეთო. ეს თვალში ნაცარის შეყრაა. ჩვენი ხალხი მებრძოლი ხალხი იყო. ახლა დაპირისპირების დრო არაა. ახლა ერთად უნდა დავდგეთ და ერთმანეთი გავიტანოთ.  არ უნდა მივცეთ საშუალება „სუფსა ენერჯის“, რომლის უკანაც, როგორც გავიგე ამოფარებულია თურქები. მერე  გაყიდიან და ჩვენ არაფერი დაგვრჩება. უნდოდათ საინიციატივო ჯგუფთან შეხვედრა, მაგრამ არ შევხვდით, იმიტომ რომ არაფერი გვაქვს გასარკვევი. გვითხრეს, რომ არაფერი არ დაშავდება, მაინც გაკეთდება და ჯობია დაგვეთანხმოთო. ცოცხალი თავით ამას არ ვიზამთ“,_ თქვა ზურაბ დარსალიამ.

აქციაზე აღინიშნა ისიც, რომ მოსახლეობის ის ნაწილი, რომელიც ჰესის აშენებას თანხმდება სუსტი ნებისყოფის აღმოჩნდა და მოისყიდეს.

მერიის წინ შეკრებილი ადამიანები ამბობდნენ, იმასაც რომ მათ მიერ არჩეული ხელისუფლება ახლა უნდა დაუდგეს გვერდით.

„არ უნდა შეგვეშინდეს. რამდენჯერ ვთქვით უარი და კიდევ უნდა ვუთხრათ. ჩვენ არ გვაქვს პრეტენზია მერთან, რადგან შეძლებისდაგვარად გვეხმარება, მაგრამ საწყენია, რომ ამ წუთას ჩვენს გვერდში არ დგას არც მერი და არც დეპუტატი, არც გუბერნატორი. მოვუწოდებთ, ხალხის გვერდში დადგნენ ჩოხატაურის მუნიციპალიტეტის და გურიის ხელმძღვანელები“,_ განაცხადეს აქციაზე.

ცოტა ხანში კი აქციის მონაწილეებთან შესახვედრად ჩოხატაურის მერიის შენობიდან მერი, ირაკლი კუჭავა გამოვიდა.

მერმა მოსახლეობასთან საუბრისას აღნიშნა, რომ არარაციონალურ მიდგომებს ჰესებთან დაკავშირებით არ იზიარებს, მაგრამ ამ შემთხვევაში მოსახლეობის გვერდით დგას.

 „მიუხედავად იმისა, რომ არარაციონალურ მიდგომებს ჰესებთან დაკავშირებით არ ვიზიარებ, ყოველთვის ვიქნები ჩემი თანამოქალაქეების გვერდით. ზუსტად და მკაფიოდ უნდა იყოს გამიჯნული სად შეიძლება აშენდეს ჰესი და სად კატეგორიულად მიუღებელია. დღეს  რომ ენგურჰესი გვქონდეს ასაშენებელი, ამ განწყობით ვერ აშენდებოდა და ჩვენი ენერგოსისტემა იქნებოდა დანგრეული. ერთადერთი სტაბილიზაციის წყარო, იმ ქვეყნისთვის რომელსაც 35-40%-იანი დეფიციტი აქვს, არის ენგური. მიუხედავად იმისა, ვთვლი, რომ ხელისუფლება არ უნდა წავიდეს ხალხის წინააღმდეგ“,_ განაცხადა კუჭავამ და ამის შემდეგ მერიის წინ შეკრებილ ადამიანებს განუმარტა, რომ ადგილობრივი ხელისუფლება მოსახლოების დამაზიანებელ ნაბიჯებს არ დგამს.

კუჭავამ რამდენიმე დღის წინ გამართული კრების და იმ პასუხის შესახებაც ისაუბრა, რაც მერიისგან მიიღო კომპანიამ.

„თქვენი ხელსაყრელი თარიღი შეხვედრისთვის იყო 17 თებერვალი და შეხვედრა ჩაინიშნა მაგ რიცხვში. კრების ჩატარებას წინ უძღოდა გამოგზავნილი წერილი, რის მეშვეობითაც ისმეოდა კითხვა სოფლის ხელმძღვანელობისა და სოფლის კრების საფუძველზე გვითხარით, ხართ თანახმა თუ არა რომ მიწა გადაეცეს საკუთრებაში „სუფსა ენერჯის“.

მერის თქმით, საპასუხო წერილი 19 რიცხვში გაიგზავნა, სადაც მიწის ნაკვეთის 49 წლის ვადით გადაცემაზე „სუფსა ენერჯის“ უარი ეთქვა.

„გამომდინარე იქედან, რომ ვითვალისწინებთ მოსახლეობის მოსაზრებას ზემოაღნიშნულ საკითხთან დაკავშირებით მიზანშეუწონლად მიგვაჩნია „სუფსა ენერჯისათვის“ ჩოხატაურის მუნიციპალიტეტის ზემო სურების მიმდებარედ არსებული  12 ერთეული მიწის ნაკვეთის პირდაპირი ფორმით 49 წლის ვადით აღნაგობის უფლების გადაცემა. ეს არის იმაზე პასუხი, რომ თვითმართველობა დაგიდგათ გვერდში, უფრო სწორად კი კანონს დაუდგა გვერდში. კიდევ ვამბობ, რომ თვითმმართველობას, მერიას და პირადად მერს თქვენს საწინააღმდეგოდ არცერთი ნაბიჯი არ გადაუდგამთ და არც გადადგამენ. მაგრამ მანამდე გადაცემული საკადასტროები, რომლებიც თქვენ გამოაქვეყნეთ, ყველა არ არის გადაცემული, მაგრამ რაღაც ნაწილი გადაცემულია.  მერიას ამასთან კავშირი არ აქვს“,_ განაცხადა მერმა.

კუჭავამ მოსახლეობასთან საუბრისას აღნიშნა, ისიც რომ:

_ ორი წლის წინ ვეუბნებოდი ამ ხალხს, რომ კარგი იდეაც კი თუ არ იქნა სწორად მიწოდებული, გამოიწვევს ვნებათაღელვას და ვთხოვე, რომ შეხვედროდნენ საინიციატივო ჯგუფს. მსგავსი თემები იყო ბახმაროს ჰესთან დაკავშირებით. იქ სკოპინგის შედეგად იმდენი მუხლი  ჩამოუთვალეს და 2 თვიანი ვადა მისცეს, რომ მე მეეჭვება ეს ყველაფერი დააკმაყოფილოს იმ ორგანიზაციამ. თუ თქვენ გაქვთ იმის განცდა, რომ მერი ან მერია ან თვითმმართველობა რაიმე გარიგებაში შევა, ეს იცოდეთ, რომ არის არასწორი.

 ამის მერე კი შეკრებილ ადამიანებს მოუწოდა 10 კაციანი ჯგუფი გამოეყოთ, ვინც მერიის შენობაში მოწყობილ სპეც ოთახში შევიდოდა და ონლაინ სკოპინგში ჩაერთვებოდა.

თავის მხრივ, შეკრებილი ადამიანები ამბობდნენ, რომ სურებში ინტერნეტი არ არის და ონლაინსკოპინგში მონაწილეობას სოფლიდან ვერ მიიღებდნენ.

„ერთხელ უარით გამოვისტუმრეთ სოფლის მეურნეობისა და გარემოს დაცვის სამინისტრო. ახლა ხელი შეუწყო პანდემიამ და გადავიდნენ ონლაინ რეჟიმზე. ხალხს სურებში ინტერნეტი არ აქვს და ვინ ჩაერთვება და ვინ გამოთქვამს თავის აზრს სურებში? ამიტომ მუნიციპალიტეტის ხელმძღვანელობა გავაფრთხილეთ, ჩამოვედით და აქედან  ჩავერთვებით სკოპინგში“,_ გვითხრა სურების საინიციატივო ჯგუფის დამფუძნებელმა.

"ბარამიძე ჰესის"პროექტის ონლაინ სკოპინგის განხილვა კი რამდენიმე საათია გრძელდება.





 ახალი ამბები
  • მიხეილ დაუშვილი: არც ერთი უკანონო ბრძანება 20 ივნისს არ გაცემულა,,არც ერთი უკანონო  ბრძანება 20 ივნისს არ გაცემულა და გადაცდომები, რომელიც არსებობდა, რა თქმა უნდა უნდა მოხდეს და ხდება შესაბამისი რეაგირება“  - ამის შესახებ  გიორგი გახარიას თანაგუნდელმა და მისი მომავალი პარტიის წევრმა მიხეილ დაუშვილმა  ,,მთავარი არხის“ ეთერში განაცხადა. ,,ერთია, ვინ რას ლაპარაკობს და მეორეა, პირდაპირ ეთერში რაც გადაიცემოდა... თუ კარგად გავიხსენებთ, რა მოხდა, 2 საათზე მეტი დროის განმავლობაში, მას შემდეგ, რაც დაიწყო ძალადობრივი შტურმი პარლამენტზე, პოლიცია პარლამენტის შენობას, საკანონმდებლო ორგანოს იცავდა აქტიური სპეციალური საშუალებების გამოყენების გარეშე და მხოლოდ მას შემდეგ, რაც შეუძლებელი გახდა ამ ძალადობრივი შტურმის მოგერიება,  დაიწყო პოლიციამ აქტიური საშუალებების გამოყენება." - განაცხადა დაუშვილმა. დაუშვილის  თქმით,  20 ივნისის ღამეს პოლიციამ თანაზომიერი და ლეგიტიმური ძალა გამოიყენა. ,,იყო გადაცდომები და ამ გადაცდომებზე პასუხისმგებლობა უნდა დადგეს და შესაბამისი საქმეებიც მიმდინარეობს სასამართლოში, მაგრამ საბოლოო ჯამში. ეს პროცესი იყო ლეგიტიმური და გამოყენებული ძალა იყო თანაზომიერი" . - განაცხადა  მიხეილ ... ...
  • “არაფერი მიზეზი აქ არ არის, თითიდან გამოწოვილი ამბავია“მეორე დღეა ნასაკირალის საჯარო სკოლის მოსწავლეებს სასკოლო ტრანსპორტი არ ემსახურებათ. როგორც “გურია ნიუსი“ წერდა, მძღოლები ხელფასების მომატებას ითხოვენ და აქედან გამომდინარე, ისინი უარს ამბობენ დაკისრებული მოვალეობის შესრულებაზე. გაფიცულმა ადამიანებმა „გურია ნიუსთან“ საუბრისას აღნიშნეს, რომ მოითხოვენ ხელშეკრულებაში ცვლილებების შეტანას. “ხელფასები არის მინიმალური და გვინდა, მისი გაზრდა. საშუალო დღიური ანაზღაურება არის 30 ლარი, ამ თანხაში შედის მანქანის მოვლა-პატრონობა.  ყველაფერი გაძვირდა ამ ქვეყანაში და აქედან გამომდინარე, ის თანხა, რაც გვეძლევა ყოველდღიურად და ხელფასად, არის მინიმალური. ვითხოვთ, რომ მოხდეს ხელშეკრულებაში ცვლილებები, ეს იყო და ეს, მეტი არაფერი. მხოლოდ მანქანის ხარჯზე ვმუშაობდით და აღარ გამოდის. კომპანიის წარმომადგენლებს გავესაუბრეთ და მათგან არ მიგვიღია პასუხი, რომ მოხდებოდა ხელფასის ზრდა. არც არავის უკითხავს ამ საუბრის შემდეგ ჩვენი ამბავი. 2013 წლიდან ერთსა და იმავე ხელფასზე ვმუშაობთ. არაერთხელ გვიფიცეთ და გვპირდებოდნენ, რომ ხელფასს გაგვიზრდიდნენ. მანქანის ხარჯის გამო, არ ღირდა მუშაობა. არავინ გვყავს პატრონი და რაც უნდათ იმას აკეთებენ“. ოზურგეთის საგანმანათლებლო რესურსცენტრის უფროსი ლელა იმედაშვილი “გურია ნიუსთან“ საუბრის დროს ამბობს, რომ მძღოლებს ხელშეკრულება საგანმანათლებლო სისტემასთან არ აქვთ. „სამწუხაროდ, პრობლემა, რომელიც ნასაკირალის საჯარო სკოლაშია, სატრანსპორტო კომპანიას და მძღოლებს შორისაა. მძღოლები არ არიან ჩემი თანამშრომლები და აქედან გამომდინარე, მათთან ხელშეკრულება ჩვენს სისტემას არ აქვს. მძღოლების ურთიერთობასა და მათ ანაზღაურებაზე პასუხისმგებელია ის კომპანია, რომელსაც გაფორმებული აქვს ხელშეკრულება მათთან. მეორე დღეა, მძღოლებს ბავშვები ტრანსპორტით არ გადაუყვანიათ, მაგრამ ამას სასწავლო პროცესზე გავლენა არ მოუხდენია. მინდა მადლობა გადავუხადო მშობლებს და ბავშვებს _ მიუხედავად ამ შეფერხებისა, მოახერხეს სკოლაში მისვლა“. კომპანია “თაიმ სერვისის“ დირექტორი სულეიმან ჩიხლაძე გვეუბნება, რომ კომპანია ყველაფერს გააკეთებს იმისთვის, რომ დროულად მოხდეს მოსწავლეების ტრანსპორტით უზრუნველყოფა. “კომპანია მუშაობს, რომ ეს საკითხი უახლოეს დროში მოაგვაროს. მიდის მოლაპარაკებები ახალ მძღოლებთან და ბავშვების გადაყვანა ერთი პუნქტიდან მეორე პუნქტამდე ისევ ტრანსპორტით მოხდება. თქვენს მიერ ნახსენები 30 ლარი არ არის ხელფასი, ეს არის მომსახურების ღირებულება. ეს ადამიანები არიან ინდმეწარმეები, რომლებიც უწევენ მომსახურეობას კომპანიას. შესაბამისად, მომსახურების ტარიფი და ოდენობა მათთან შეთანხმებულია. ყველა დეტალი გავიარეთ, როდესაც ახალი ხელშეკრულებები იდებოდა და ასე ხდებოდა ყოველ წელს. არაფერი მიზეზი აქ არ არის. თითიდან გამოწოვილი ამბავია და მეტი არაფერი. ერთ დილას გაიღვიძა 15 მძღოლმა და გადაწყვიტა გაჩერებულიყვნენ, თავის მოვალეობაზე უარი თქვეს და მოაწყვეს გაფიცვა. ხელშეკრულების დადების დროს რატომ არ გააპროტესტეს? _ აღნიშნა სულეიმან ჩიხლაძემ ჩვენთან საუბრის დროს. დღეს დილით სოციალურ ქსელში  ოზურგეთის მუნიციპალიტეტის საკრებულოს წევრი ბესო ქათამაძემ შემდეგი სახის ინფორმაცია გაავრცელა.  “ქვეყანაში სრული ვაგხანალია და უპატრონობაა. ორი დღეა დაბა ნასაკირალის სკოლაზე მომუშავე 14 მიკროავტობუსის მძღოლი გაფიცულია, პროტესტის ნიშნად არ გადაყავს სკოლაში ხუთასამდე ბავშვი, მომკითხავი კაცი არაა და არც არავის აღელვებს,“ - დაწერა ბესო ქათამაძემ ... ...
  • ვარლამ გოლეთიანი: ვაჩვენოთ ხელისუფლებას ჩვენი ძალა და დავრჩეთ დღევანდელი ღამე აქ,,ვაჩვენოთ ხელისუფლებას ჩვენი ძალა და დავრჩეთ დღევანდელი ღამე აქ“, - ეს მიმართვა  ,,რიონის მცველმა“ ვარლამ გოლეთიანმა ქუთაისში მიმდინარე საპროტესტო აქციაზე გააკეთა. ვარლამ გოლეთიანმა მხარდამჭერებს მოუწოდა, რომ ძალადობა არასდროს არაა გამართლებული და ყველამ გვერდით მდგომს პატივი უნდა სცეს. იგი საზოგადოებას სხვადასხვა ქალაქებში მხარდაჭერისკენ მოუწოდებს. ,,თუ იქნება თქვენი ნება სურვილი, ვაჩვენოთ ხელისუფლებას ჩვენი ძალა და დავრჩეთ დღევანდელი ღამე აქ, გავათიოთ დღევანდელი ღამე აქ, ეს არის ყველაზე მნიშვნელოვანი. მეგობრებო, უკვე ჩვენ შევძლებთ ხვალინდელ დღეს, რომ გამოვაცხადოთ მთელი საქართველოს მასშტაბით გამოსვლა ადამიანების სხვადასხვა ადგილებში და ბლოკირება მთელი ქვეყნის. თუ არ იქნება შესმენილი ჩვენი ნება, ჩვენ არ უნდა გადაგვძლიოს იმან, რომ ახლა დავიძრათ ბარიკადებისკენ და გავაფუჭოთ ყველა ის მიღწევა, რაც სახეზე გვაქვს აქ, ამ მოედანზე. ჩვენ გვაქვს მთელი ბერკეტი, რითაც შეგვიძლია ვიმოქმედოთ მათზე. ჩვენ შეგვიძლია დავკეტოთ ავტობანი, ჩვენ შეგვიძლია დავკეტოთ ყველა ქალაქი, ყველგან გამოვიდეთ“,  – განაცხადა ვარლამ გოლეთიანმა. ... ...
  • მიხეილ დაუშვილი: მე ვთვლი, რომ ბატონი ნიკა მელია არ არის პოლიტიკური პატიმარი"მე ვთვლი, რომ ბატონი ნიკა მელია არ არის პოლიტიკური პატიმარი, იგივეს ვფიქრობ გიორგი რურუაზეც“, _ ამის შესახებ გიორგი გახარიას გუნდის წევრმა, მიხეილ დაუშვილმა "მთავარი არხის" ეთერში  განაცხადა. დაუშვილის თქმით,  ქვეყანას პოლიტპატიმრები არ ჰყავს. "ბატონი ნიკა მელია, თქვენ კარგად იცით, რასთან დაკავშირებით არის ბრალდებული. ეს არის საკანონმდებლო ორგანოზე შტურმის ორგანიზება. მე ვთვლი, რომ ბატონი ნიკა მელია არ არის პოლიტიკური პატიმარი. ანალოგიურად, ბატონი გიორგი რურუას მიმართ არსებობს კონკრეტული საქმე, სასამართლო პროცესი გრძელდება და რაც შეეხება პოლიტპატიმრობას, დიახ, ამ შემთხვევაშიც ვფიქრობ, რომ ბატონი გიორგი რურუა არ არის პოლიტპატიმარი",  - განაცხადა  დაუშვილმა. ცნობისთვის, გიორგი გახარიას გუნდმა "ქართული ოცნება" დატოვა. საგანგებო განცხადება გიორგი ხოჯევანიშვილმა პარლამენტში ... ...
  • გუმათთან მისასვლელი გზები გადაკეტეს - ქუთაისიდან მსვლელობა ვერ შედგაქუთაისის პარლამენტის შენობიდან ავტომსვლელობა დაიწყო, რომელიც გუმათისკენ, რიონის ხეობის მცველების სოლიდარობისთვის, ადგილზე უნდა მისულიყო, თუმცა აქციის მონაწილეები ამჟამად ქუთაისის ცენტრალურ მოედანზე არიან შეკრებილი, რადგან გუმათთან მისასვლელი გზები გადაკეტილია, რომლის გამოც ქუთაისიდან მსვლელობის მონაწილეებს გზის გაგრძელების საშუალება არ მიეცათ. როგორც აქციის მონაწილეები, ქალაქის ცენტრში მიმდინარე აქციის პარალელურად, მოქალაქეთა ნაწილი გუმათისკენ გზას ფეხით განაგრძობს. როგორც აქციის ორგანიზატორები აცხადებენ,  აქცია მას შემდეგ დაიგეგმა, რაც წუხელ, სოფელ გუმათში პოლიციამ ნამხვანჰესის მოწინააღმდეგეები დაარბია და რამდენიმე ადამიანი დააკავა. „წავალთ გუმათისკენ, სადაც პოლიცია ახლაც უკანონოდ იქცევა და იქ შეკრებილ ადამიანებს ზეწოლის ქვეშ ამყოფებს. ჩვენი მთავარი მოწოდებაა, რომ მთელი ქვეყანა გავიდეთ და ვანახოთ, რომ ეს ხალხი არ არის მარტო“ – განაცხადა აქციის ერთი-ერთმა ორგანიზატორმა, დავით კუხიანიძემ. ცნობისთვის, რიონის ხეობის მცხოვრებლები თითქმის ექვსი თვეა უწყვეტ რეჟიმში აპროტესტებენ ნამახვანჰესის პროექტს და ითხოვენ, რომ ხეობა დატოვოს ინესტორმა კომპანიამ „ენკა რინიუებლზმა“. მათი წინააღმდეგობის მიუხედავად, პოლიციის დახმარებით კომპანიამ ჰესის მშენებლოობის მოსამზადებელი სამუშაოები განაახლა. ასევე,  შინაგან საქმეთა სამინისტროს თანამშრომლებმა ხეობიდან გამოაძევეს პროტესტის მონაწილეები, აიღეს მათი კარვები, პროტესტის ადგილი კი გადათხარეს ისე, რომ იქ კარვის გაშლა შეუძლებელია. მოქალაქეები რამდენიმე დღეა, ხეობის შესასვლელში, სოფელ გუმათში მოწყობილ პოლიციის ბლოკპოსტთან დგანან და უშედეგოდ ითხოვენ ნამოხვანისკენ გადაადგილების უფლებას. დღეს პოლიციამ მათ წინ რკინის კედელიც ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...

ბადრიჯნის უხორცო ჩანახი

ერთი კილოგრამი (ან რამდენიც გსურთ)...

უნაბი _ ძვირფასი ხეხილოვანი და სამკურნალო მცენარე

უნაბის ნაყოფი გემოთი და გარეგნობით...

მუშმულა _ საუკეთესო მცენარე, რომელიც უყურადღებოდ არ უნდა დარჩეს

 მუშმულა (იაპონური ზღმარტლი) განთქმულია ნაყოფის...

ჩავატაროთ თხილის "ცისფერი წამლობა"

ჩვენი მკითხველები აქტიურად გვეხმაურებიან და...

გურიაში კივს საშიში დაავადება გაუჩნდა

გურიაში, კერძოდ კი, ოზურგეთში, კივის...