ბახმაროში განუკითხაობის საზღვრები კანონიერი საკუთრების სიღრმეში მიიწევს

მთავარი თემა

ბახმაროში განუკითხაობის საზღვრები კანონიერი საკუთრების სიღრმეში მიიწევს

18 სექ. 2019, 10:30:30

დღეს, გურიაში, ბახმაროსა და გომისმთაზე უკანონო მშენებლობები აღარავის უკვირს. ამ თემაზე გამუდმებულმა საუბარმა საპირისპირო შედეგიც გამოიღო და ყველანაირი ცინიზმის ზღვარიც კი გადალახა _ რაც უფრო მეტად ვწერთ, უფრო მატულობს განუკითხაობის პროცესი. უფრო მეტიც, არის ფაქტები, როცა უკანონო მშენებლობების გარდა, დაკანონებულ, ელექტრონულად რეესტრში დაფიქსირებულ ნაკვეთებშიც იჭრებიან და გაფრთხილების მიუხედავად, აშენებენ სხვადასხვა ტიპის ნაგებობებს.

ფაქტი, რომლის შესახებაც უნდა გიამბოთ, ბახმაროში, გურიის ქუჩაზე, 100 კვმ. მიწის ფართის მფლობელ თეიმურაზ სერგეევის კუთვნილ ნაკვეთზე შეჭრას ეხება.

თეიმურაზ სერგეევმა გურიის ქუჩაზე 100 კვმ. მიწის ფართი 2014 წელს შეიძინა. ადრინდელ მეპატრონეს, ფოთელ მერაბ კორტავას მიწის ნაკვეთი კანონიერ მფლობელობაში ჰქონდა, საჯარო რეესტრში ელექტრონულად გაფორმებული. სერგეევმაც მაშინვე საჯარო რეესტრს მიმართა და თავადაც კანონის სრული დაცვით გაიფორმა. როგორც თვითონ ამბობს, არც არასდროს წარმოედგინა, თუ ვინმე დაუკითხავად, დღისით, მზისით მის საკუთრებაში რაიმეს დადგამდა.

_ მშრომელი ადამიანი ვარ. საკუთარი გარჯით ნაგროვები თანხით შევიძინე ეს ფართი. მინდოდა, შვილებისთვის სამომავლოდ პატარა კოტეჯი დამედგა. აბა, ვისთვის და რისთვის ვწვალობთ ადამიანები, თუ არა შვილების მომავლისა და კეთილდღეობისთვის? ახლახან, 1 სექტემბერს, ჩემმა მეგობარმა, რომელიც ბახმაროში დასასვენებლად იმყოფებოდა, შემატყობინა, რომ ჩემს კუთვნილ ნაკვეთში ორმო ამოიღეს და რაღაცას დგამდნენ. სასწრაფოდ დავურეკე ბახმაროს დირექტორს დავით საჯაიას და ვთხოვე, ეს ფაქტი დაუყოვნებლივ აღეკვეთა. თუმცა, აღკვეთის ნაცვლად, შიგ სასწრაფოდ ჩაუდგამთ მრიცხველი და აი, დღეს აქ ამოვედით, რომ პოლიციას მივმართოთ, _ გვეუბნება საკუთარ მიწის ნაკვეთთან მდგომი თეიმურაზ სერგეევი.

მის საკუთრებაში, კერძო კომპანია "ენერგო-პრო ჯორჯიასთან" შეთანხმებით მომუშავე შპს "აპექსმა", რომელიც გამრიცხველიანებას ახდენს ბახმაროში, მრიცხველი დადგა.

_ ვერ დავიჯერე, სანამ ადგილზე არ მოვედი და ჩემი თვალით არ ვნახე. თან აქეთ მიმტკიცებენ, რომ ჩემი არ არის, მეკითხებიან, მაქვს თუ არა მესაკუთრის დამადასტურებელი სრული და ახალი სტანდარტით გაკეთებული დოკუმენტი. ეს ყველაფერი ხელთ მაქვს.

აქვე შევნიშნავთ, რომ იქ შემთხვევით მოსულმა, მეზობლად მდებარე კოტეჯის მეპატრონემ, ჩოხატაურის მუნიციპალიტეტის საკრებულოს დეპუტატმა ლია ჩიგოგიძემ, რატომღაც მტკიცებით ფორმაში დაუწყო საუბარი სერგეევს, რომ ეს საბუთები ფიქტიურია: "ასეთი ჩემ ქმარსაც აქვს, მაგრამ არ დაუმტკიცეს, ეს ფიქტიურია, ასე ვიცი..." _ ამბობდა ჩიგოგიძე, თუმცა, სერგეევის კუთვნილი, საჯარო რეესტრში დარეგისტრირებული საკუთრების დამადასტურებელი დოკუმენტი ნამდვილია.

თეიმურაზ სერგეევმა ადგილზე საპატრულო პოლიცია გამოიძახა. პოლიციის წარმომადგენლებმა ყურადღებით მოუსმინეს სერგეევს, თავადაც სცადეს საჯაიასთან დაკავშირება და თქვეს, რომ ის ახლა ადგილზე არ იმყოფება.

_ საჯაია არ გვპასუხობს. როცა მრიცხველის დადგმამდე დავუკავშირდი და ვაცნობე ჩემამდე მოსული ინფორმაცია, რომ საკუთრებაში არსებულ მიწის ფართობზე ამოიღეს ორმო და ვითხოვე, არ დაეშვა ეს უკანონობა. თუმცა, საპირისპირო შედეგს აგერ ხედავთ. არც ახლა მპასუხობს, _ გვითხრა თეიმურაზ სერგეევმა, რომელმაც ჩვენ თვალწინ არა ერთხელ დაურეკა კურორტის დირექტორს, თუმცა, საჯაიამ არც მის, შემდეგ არც ჩვენს ზარებს არ უპასუხა.

_ რა დამოკიდებულებაა ეს? ადამიანის გაგიჟება სურს ვინმეს? მეც ხომ შემიძლია ახლა, თუ ვიკადრებ, მოვგლიჯო ამ ცხელ გულზე ეს მრიცხველი და ხრამში გადავუძახო? მაგრამ ადამიანი ვარ და კანონს ვცემ პატივს, წესიერად მინდა, სიმართლე გავარკვიო და ამ სიმართლის გარკვევისას, რიგით მოქალაქეს დირექტორმა არც ერთხელ არ უნდა მიპასუხოს? რატომ ვიწანწალო ახლა სასამართლოებში, როცა ამის არც სურვილი და არც დრო მაქვს?_ ამბობს სერგეევი.

ადგილზე მოსულმა საპატრულო პოლიციის წარმომადგენლებმა თქვეს, რომ მათ იციან გამრიცხველიანების პროცესის შესახებ, თუმცა, კონკრეტული მიწის ეს ფართი თუ სერგეევის საკუთრება იყო, არ იცოდნენ.

პატრულმა პოლიციელმა, ლევან ვარშალომიძემ სერგეევს აუხსნა, რომ მას უნდა დაეწერა განცხადება ჩოხატაურის პოლიციაში, მანამდე კი ადგილზე ახსნა-განმარტება, თუ რა მოხდა.

სერგეევთან ერთად დაკითხეს მისი მეგობარი გოგი გოგუაძე, რომელიც უშუალო თვითმხილველი გახდა, თუ როგორ ამოიღეს ორმო მრიცხველის დასადგმელად სერგეევის ნაკვეთზე:

_ როცა ამ ფაქტს შევესწარი, ყველას ვუთხარი, რომ ეს სხვისი საკუთრება იყო და შეჩერებულიყვნენ. ასევე, შევატყობინე თეიმურაზს. თუმცა, ჩვენი სწრაფი რეაგირების მიუხედავად, მეორე დღესვე ისე ჩადგეს მრიცხველი, თითქოს არც არაფერი გაეგონოთ, _ ამბობს გოგუაძე "გურია ნიუსთან".

თემურ სერგეევი იქვე ტელეფონით ესაუბრა "ენერგო-პრო ჯორჯიას" წარმომადგენლებს. მათ თქვეს, რომ პასუხისმგებლები არ არიან მშენებლობის პროცესზე და ამ დროს წარმოქმნილ გაუგებრობებზე:

_ ჩვენ როცა ჩავიბარებთ ობიექტს, მხოლოდ ამის შემდეგ ვართ მასზე პასუხისმგებელი, _ თქვეს მათ ჩვენთან საუბარშიც.

ამჯერად სატელეფონო ზარზე არც "აპექსის" წარმომადგენლებმა გვიპასუხეს.

"გურია ნიუსი" შპს "კურორტ "ბახმაროს" დირექტორს დავით საჯაიას ესაუბრა, რომელმაც დაადასტურა, რომ აღნიშნული ფაქტის შესახებ იცის.

_ ეს ადამიანი პოლიციაში და სადღაც სირბილს, მოსულიყო, ეთქვა _ ეს საქმე უფრო ადვილად მოგვარდებოდა. კერძო ლიცენზიანტს მისი ინტერესი ხომ არ აქვს? გამიჯნული არ არის დღესაც ეს ნაკვეთი. ქვებით მონიშნული რას ნიშნავს? ბახმაროში უამრავი ქვაა.

_ ბატონო დავით, ისინი ამბობენ, რომ არა ერთხელ დაგირეკეს, გთხოვეს და არ დაეხმარეთ. ჩვენ დღის განმავლობაში სერგეევთან ერთად ვცადეთ დაგკავშირებოდით, მაგრამ სატელეფონო ზარებს არ უპასუხეთ...

_ სულ ჩართულია ჩემი ტელეფონი. შეიძლება, ერთი საათით გასული ვიყავი ისეთ ადგილზე, სადაც არ იჭერს.

_ საღამომდე იქ ვიყავით და გირეკავდით. ზარი გამოდიოდა...

_ მეორე დღეს მოსულიყო. მოვიდეს. ჩემს კომპეტენციაში რაც შედის, ყველანაირად დავეხმარები. მაინცდამაინც პოლიციაში უნდა წავიდეო და... შეიძლება კორექტირება იქ, სამი-ოთხი მეტრით. სხვა შემთხვევებიც იყო ასეთი და გადასწიეს. საქმე იმაშია, რომ კაბელები უკვე ჩაყრილია.

_ სერგეევის მეგობარი გოგი გოგუაძეც ამბობს, რომ მრიცხველის დადგმამდე შეგატყობინათ თქვენც და "აპექსის" ხელმძღვანელებსაც, თუმცა, მრიცხველი მაინც ჩადგეს. ადგილზე პატრული გამოიძახეს და არც მაშინ უპასუხეთ. მეც იქ ვიყავი. სხვა გზა რომ არ დარჩათ, პოლიციას მიმართეს.

_ მოვიდეს ეს ადამიანი, გამიჯნოს ნაკვეთი. შეიძლება კორექტირება. მე დავეხმარები, სანამდეც ჩემი კომპეტენცია მაძლევს უფლებას. მე გუშინაც ვიყავი მაგ ადგილზე და გამიჯნული არ არის.

_ ანუ საქმის კურსში ხართ...

_ ყველაფერი ჩემზე არ არის დამოკიდებული. სხვა გზა რომ აერჩია, უფრო ადვილად მოგვარდებოდა. მე სულ აქ ვარ. ადგილები რომ არ აქვთ გამიჯნული, ამიტომ ზოგჯერ შეიძლება, დაემთხვეს და მოხდება კორექტირება, სამი-ოთხი მეტრის დაშორებით.

მე სამსახურებრივად ეს ნაკლებად მეხება, თუმცა, რაკი მოქალაქის კერძო საკუთრებაა და მისი ინტერესი ილახება, ყველაფერს გავაკეთებ ჩემი კომპეტენციის ფარგლებში. ამოვიდეს ეს ადამიანი, მნახოს და მოვახდინოთ გამიჯვნა. მე სულ აქ ვარ, _ გვითხრა საჯაიამ.

დღეისთვის თეიმურაზ სერგეევს პოლიციაში აქვს განცხადება შეტანილი. "გურია ნიუსი" თვალს მიადევნებს, როგორ დასრულდება აღნიშნული პროცესი.




 ახალი ამბები
  • ლარი ისევ გაუფასურდა - სებ-ის ახალი კურსიეროვნული ვალუტა დღესაც გაუფასურდა. სებ-მა ახალი ოფიციალური კურსი დაადგინა, რომლის მიხედვით, 1 აშშ დოლარი  3.2897 ლარი გახდა. კურსი კი რომელიც დღეს მოქმედებდა 3.2641 ლარი იყო რაც შეეხება ევროს, მისი კურსი 3.8292 ლარია. მაშინ, როცა დღეს მოქმედი კურსი 3.8226 ლარი იყო დღევანდელი ვაჭრობის შედეგად მიღებული კურსები ძალაში ხვალ ... ...
  • აფხაზეთში დაღუპულ მეომართა ხსოვნის ტურნირი''აფხაზეთის თასი 2020'' (R)მიმდინარე წლის 24 სექტემბერს, ვეტერანების საქმეთა სახელმწიფო სამსახურისა და საქართველოს ამპუტანტთა ფეხბურთის ასოციაციის ორგანიზებით, საქართველოს ფეხბურთის ფედერაციის, თავდაცვის სამინისტროსა და აფხაზეთის ა/რ მთავრობის მხარდაჭერით, თბილისში, სპორტულ-გამაჯანსაღებელ პარკ'' მზიურის''საფეხბურთო სტადიონ ''მასტერ კლას-არენაზე'' დაიწყო საქართველოს ტერიტორიული მთლიანობისათვის, აფხაზეთში დაღუპულ მეომართა ხსოვნისადმი მიძღვნილი ტურნირი ამპუტანტ ფეხბურთელთა შორის. აღნიშნულ ტურნირში მონაწილეობას საქართველოს ამპუტანტ ფეხბურთელთა 5 გუნდი მონაწილეობს: თბილისის ''თბილისი'', ზესტაფონის ''მარგვეთი'', ზუგდიდის ''ოდიში'', ბათუმის ''აჭარა'' და გორის ''დილა''. გუნდების შემადგენლობაში, ძირითადად, საქართველოს ტერიტორიული მთლიანობისათვის ბრძოლებსა და საერთაშორისო- სამშვიდობო მისიებში დაჭრილ-დასახიჩრებული ვეტერანები არიან. ტურნირის პირველი შეხვედრა გაიმართა თბილისის''თბილისსა'' და ზესტაფონის ''მარგვეთს'' შორის და იგი მასპინძელთა გამარჯვებით, 7:4 დასრულდა. ტურნირის ფინალური შეხვედრა გაიმართება 26 სექტემბერს, 12:00 საათზე. გამარჯვებულ გუნდს ვეტერანების საქმეთა სახელმწიფო სამსახურის მიერ დაწესებული გარდამავალი თასი გადაეცემა. აფხაზეთში დაღუპულ მეომართა ხსოვნისადმი მიღვნილი ტურნირი 2016 წელს დაარსდა და ყოველწლიურად ტარდება.    ... ...
  • "მეხანძრე მაშველს 10 სექტემბერს შეუსრულდა 55 წელი და 11 სექტემბერს უკვე უმუშევარი იყო" _ ჭიჭინაძე“პოლიციის ზემდეგ, ზაურ გოგიაშვილს 10 სექტემბერს შეუსრულდა 55 წელი  და 11 სექტემბერს უკვე უმუშევარი იყო. მიზეზი: როგორც მეხანძრე- მაშველი, ასაკის გამო ვეღარ აკმაყოფილებს პროფესიის მოთხოვნებს. ეს გასაგებია, მაგრამ ამ ადამიანებს, ვისაც  23-25 წელი აქვთ ნამსახურები მეხანძრე- მაშველად და პენსიამდე კიდევ 10 წელი რჩებათ, დღეს, ახალი სამსახურის დაწყების პერსპექტივის,  ელემენტალური საარსებო მინუმუმის გარეშე და  ბანკების ვალებით  აბსოლუტურად ბედის ანაბარა აღმოჩნდნენ დატოვებული. საქმე კი იმაშია, რომ 2008-2019 წლებში  სამაშველო და სახანძრო სამსახურები გადაცემული იყო ადგილობრივი თვითმმართველობს ორგანოების  დაქვემდებარებაში. 2019 წელს ისევ დაუბრუნდნენ შსს სტრუქტურა, რის გამოც 55 წლის ასაკის ადამიანებს პენსიაში უშვებენ, მაგრამ ძალოვნებისთვის კუთვნილი პენსიის გარეშე!  ანუ,  გამოდის, რომ სახელმწიფო მათ უბრალოდ პარავს საკუთარი ნამოღვაწარის  11 წელს, რადგან ამ ადამიანებს  ეს პერიოდი არ ეთვლებათ,  როგორც გასამხედროებული სამსახური  20 წლის სტაჟის პირობებში. ამ ყველაფერს კი, შესაბამის სტრუქტურებში უბრალოდ არ იმჩნევენ, ან შეგნებულად ხუჭავენ თვალს.“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე. თავად ზაურ გოგიაშვილის განცხადებით კი,  მის უკან ათეულობით ადამიანი დგას, რომელთაგან ზოგი ხმას ვერ იღებს, რადგან ეშინიათ, ზოგის ოჯახის წევრები კი, სხვადასხვა სახელმწიფო სამსახურებში მუშაობენ და მათაც ასევე ეშინიათ, რომ ისინიც უმუშევრები არ დარჩნენ. ამას გარდა, ზაურ გოგიაშვილის განცხადებით, სახანძრო მანქანების დიდი ნაწილი ტექნიკურად გაუმართავია და ხშირად უწევთ შეკეთება, სპეციალური ტანისამოსი ორ წელზე მეტია არ გამოუცვლიათ, საკვებად კი ყოვლედღიურ რაციონში შედის ორი კონსერვი, ჩაი და შაქარი და ეს ყველაფერი პურის გარეშე. ... ...
  • საქართველოს ბანკი ადგილობრივი წარმოების მხარდაჭერას განაგრძობსსაქართველოს ბანკი კვლავ განაგრძობს ადგილობრივი წარმოების მხარდაჭერას. ბანკის ფინანსური ჩართულობით ხის ნაკეთობების ბრენდი „თილისმა“ წარმოებას აფართოვებს. კომპანიამ საქმიანობა 2018 წელს დაიწყო და დღეს ბრენდის ნაკეთობების რეალიზაცია უკვე www.amazon.com-ზე ხორციელდება. წარმოებული პროდუქტის გამრავალფეროვნების მიზნით განხორციელებულმა ინვესტიციამ 58,000 დოლარი შეადგინა. წარმოების პროცესში 13 ადამიანია ჩართული. ბრენდი 5 სხვადასხვა სახეობის პროდუქციას აწარმოებს. ესაა ხელნაკეთი წიგნის დამჭერები. „თილისმა“ ამაზონის გარდა პროდუქციის ადგილობრივ ბაზარზე რეალიზაციასაც გეგმავს. „საქართველოს ბანკი ბიზნესების მხარდაჭერას განაგრძობს. მოხარული ვართ, რომ ჩვენი ჩართულობით ხის ნაკეთობების ბრენდ „თილისმა“ -ს მიეცა შესაძლებლობა, კიდევ უფრო გააფართოვოს წარმოება სხვადასხვა სახეობის ხის ნაკეთობების რეალიზაციით. საქართველოს ბანკი აქტიურად აგრძელებს ბიზნესების წახალისებას, რათა კიდევ უფრო განვითარდნენ ისინი და შეიტანონ საკუთარი წვლილი ქვეყნის ეკონომიკურ გაძლიერებაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • ჭრილობასთან უსათუთესი, თოფთან_ მეომარი _ საქართველოში პირველი ბაზიერი ქალბატონი იუბილარიაოზურგეთელი   ქალბატონი, კლარა  თავართქილაძე სულ მალე 80 წლის ხდება, 57 წელი კი მარტო სამედიცინო სფეროში მუშაობის სტაჟი აქვს. ოზურგეთის  სამედიცინო სასწავლებლის  დამთავრების  შემდეგ, გასული საუკუნის 50-იან წლებში, მუშაობა ოზურგეთის (მაშინდელი მახარაძის) რაიცენტრალურ საავადმყოფოში დაიწყო, ქირურგიულ განყოფილებაში,   შემდეგ  კი ბავშვთა ქირურგიული საავადმყოფოს საოპერაციო ბლოკში გადაინაცვლა და ასე გალია ,თითქმის , 60 წელი მედდად მუშაობაში. როგორც გვიამბობს, მუშაობდა რესპუბლიკაში ცნობილი  ექიმების გვერდით და არცერთი სიკვდილის ფაქტი    საოპერაციო მაგიდაზე  არ მომხდარა. _ ექვსი და-ძმა ვიყავით. მამა ომში დაიღუპა. ერთმანეთი გაზარდეს ჩემმა და-ძმებმა. მე , როგორც ნაბოლარას, დედაც და და-ძმებიც მანებივრებდნენ. ყველაზე დიდი  გატაცება  ჩემი ბაზიერობა იყო, რასაც  13 წლის ასაკიდან ისეთი ლტოლვით ავეკიდე, რომ დღესაც ჟრუანტელი მივლის. დამჭერ მტაცებელ ფრინველზე ნადირობა, გურიაში,  ნებისმიერ   პოპულარულ სპორტზე მეტი ჟინით გამოირჩეობდა.   ჩვენ უამრავი ახალგაზრდა დავიხსენით   ხეტიალისგან თუ ნარკოტიკისგან,  ბაზიერობის დაინტერესებით, _ გვიამბობს ქალბატონი და პირველ ნაბიჯებს იხსენებს, როგორ გაჰყვა 13 წლის ასაკში ძმებს დამჭერ მტაცებელი ფრინველზე სანადიროდ. .. შემდეგ გახდა მაშინდელი მახარაძის მონადირეთა საზოგადოების სექციის წევრი და როგორც ქალი ბაზიერი,   მთელი რესპუბლიკის მასშტაბით, ყურადღების ცენტრში მოექცა. _მე მედდად ვმუშაობდი,   თან ამ უდიდესი საქმის, ბაზიერობის ტრფიალი ვიყავი. როგორც ცნობილია,   ჩვენს ქვეყანაში ცხოვრების   ადათ-წესებთან შესისხლხორცებული იყო ბაზით ნადირობა. თუმცა ქალ ბაზიერს ნაკლებად ნახავდით, _ გვიამბობს კლარა თავართქილაძე და იხსენებს მაკვანეთის ტერიტორიაზე გორმაღალას ფერდობს, სადაც უმეტესად   ხდებოდა მიმინოს  დაჭერა. _ ეეე,  „ნაპერტყულებს“ ვიჭერდით  ჩვენ, ჩოხატაურელებს  და ლანჩხუთელებს რომ გამოექცეოდათ. ისინი აქეთ ნაკლებად გამოუშვებდნენ კარგ მიმინოს და  თუ გამოექცეოდათ, ჩვენც მუდამ იმის ცდაში ვიყავით, როგორმე საუკეთესო მიმინოს დაჭერა მოგვეხერხებინა. მაინც მოხდა ისე, რომ მე მყავდა თეთრზე თეთრი, დედოფალი მიმინო, რითაც 1972 წელს გავხდი საქართველოს ჩემპიონი, 100 ქულა მისცეს მსაჯებმა. მიმინოს   დასაჭერად   ძირითადად  ღაჟოს ვიყენებდით. მას ჯერ გალიაში ვათავსებდით,    თვალებზე ტყავს ვაწებებდით, რომ ცაში გაშვების დროს,   მიმინო ვერ დაენახა.  როცა  გორმაღალას სეზონს ვიწყებდით, აგვისტოს ბოლოს, აი, მაშინ, როცა გადაფრენისთვის ემზადებიან    ფრინველები, მონადირეები და მათთან ერთად  მეც ,  დილაადრიან მივდიოდით.   ვამაგრებდით მუქი ფერის ძაფისგან მოქსოვილ ბადეს, რომლის შუაგულში ღაჟოს   ვათავსებდით.  აი, როცა მიმინო გამოჩნდებოდა და შურდულივით   დაეშვებოდა ღაჟოს მიმართულებით, მონადირის მარიფათზე  და სისწრაფეზე  იყო დამოკიდებული, რა სწრაფად  დაიჭერდა ღაჟოზე დამცხრალ მიმინოს. შემდეგ , სახლში   წამოყვანილი მიმინოს  მოთვინიერების უმთავრესი პროცედურა  იწყებოდა თვალების ამოკემსვით, _ ამბის  თხრობას ისე განაგრძობს ქალბატონი კლარა, კარგ ორატორს შეშურდება.    ალბათ, ბაზიერთა სკოლა რომ არსებობდეს, უკეთეს ლექტორს  ვერც ინატრებდა კაცი. იხსენებს, რომ პირველივე შემთხვევაზე  დაჭერილი მწყრის ტვინს აჭმევდნენ მიმინოს, რომელიც მას ყველაზე  ძალიან მოსწონს.  ისე კი წელიწადში, რვათვიან მიმინოს 17 კილოგრამი ხორცი სჭირდებოდა. _ ქალი ბაზიერი, რაც მე ეს საქმე დავიწყე,  სამი წლის შემდეგ  გამოჩნდა ჩოხატაურიდან,   გიული ბერძენიშვილი.      მასთან ერთად,  1970 წელს თბილისში,   „ლოკომიტივის“ სტადიონზე, დამჭერ ფრინველთა  მეორე რესპუბლიკურ გამოფენა-შეჯიბრში მიიღეს მონაწილეობა.   აქ   გუნდური შეჯიბრი   იყო. 1971  წელს კი ჩოხატაურში გამართულ  დამჭერ ფრინველთა მესამე რესპუბლიკურ გამოფენაზე პირველი ადგილი მოვიპოვე. გუნდურში კი ჩოხატაურელებმა იმარჯვეს. მათ ბადალი ნაკლებად ჰყავთ ამ საქმეში. ძნელია,   გავიხსენო, ყველა გამოფენა თუ შეჯიბრი, რომელშიც ცხოვრების მანძილზე მივიღე  მონაწილეობა და მუდამ მაღალი  შედეგები მქონდა. გორმაღალაზე სიარულს ბოლო ათი წელია, თავი დავანებე, რადგან გულის ოპერაცია გავიკეთე და ახლა უფრო შორიდან ვადევნებ   თვალს ბაზიერთა  საქმიანობას, -სინანულით ამბობს ქალბატონი კლარა და ვერ იხსენებს სიგელების და მედლების რაოდენობას,   რითაც  საუკეთესო ბაზიერობისთვის დააჯილდოეს. თუმცა ის კარგად ახსოვს, რომ ხუთჯერ იყო საქართველოს  დამჭერ   ფრინველთა გამოფენა-შეჯიბრის   ჩემპიონი. კლარა თავართქილაძეს ოჯახი არ შეუქმნია. არც კითხვას გაურბის, თუ რატომ მოხდა ისე, რომ უმშვენიერესი გარეგნობის, განათლებული, სპორტსმენი  ქალბატონი  არ დაოჯახდა. _ ბედის საკითხიაო, რომ იტყვიან, არც მთლად მასეა. რატომღაც, იმდენად ბუნების შვილი ვიყავი, იმდენად კაცურ საქმეში გადართული, განსაკუთრებით ბაზიერობის მხრივ, ადვილად ვერც მელაპარაკებოდნენ ამ საკითხზე. არ ვიცი, რატომ ხდებოდა ასე... თოფს ისე ვისროდი, როგორც კაცი, იარაღთან მეომარი ვიყავი,  თუმცა მგრძნობიარე და  უსათუთესი ჭრილობასთან, არ აქვს მნიშვნელობა, ფრინველი იქნებოდა ეს თუ ადამიანი. აკი, გითხარით, ნახევარ საუკუნეზე მეტი,  ქირურგიულ განყოფილებაში ვიმუშავეთ და ადამიანის, ბავშვის სიკვდილის შემთხვევა არ გვქონია.  ან ის როგორ შეიძლებოდა, ჭრილობა დაჩირქებოდა ვინმეს? ყველაზე მწარედ და გაუნელებელი   ტკივილით  მახსოვს, გასული საუკუნის 80-იან წლებში იყო, თუ არ ვცდები, წვერმაღალასთან   მატარებლები შეეჯახნენ ერთმანეთს. სამგზავრო და  საწვავის  გადამზიდი. აი, მაშინ ვნახე საშინელება, ბევრი გარდაცვლილი, დამწვარი, რომლებსაც ვერ ვუშველეთ. დღესაც მტკივა, მიძნელდება იმ საშინელი სურათის გახსენება, _ ტირილს ვერ იკავებს ქალბატონი. კლარა თავართქილაძე მიიჩნევს, რომ უდიდესი იყო საქმე, რომელსაც საავადმყოფოში ემსახურებოდა -  ავადმყოფობას და სიკვდილს იმდენი ადამიანი გადაარჩინეს მან და მისმა კოლეგებმა, მისივე თქმით, სათვალავი არ აქვს.  ხოლო ბაზიერთა გუნდში ყოფნისას, უფრო მეტი ახალგაზრდა დაიხსნეს უსაქმურად ხეტიალისგან, რასაც, საბოლოოდ, ისინი ციხის კარებთან მიჰყავდა. ქალი მედიკოსი და ქალი ბაზიერი, რომელიც მალე 80 წლის გახდება, სამეზობლოში ახლაც ისე მზადაა  სხვადასხვა მედიკამენტებით სავსე,  საოჯახო თუ საველე აფთიაქით, როგორც ათეული წლების წინ იყო. _ ეს რომ არ გვყავდეს, რა ეშველება ფარნავაზ მეფის ქუჩის სამეზობლოს? ძველებურად მხნე, დაუზარელი,  ენით მოგარჩენს, სხვა რომ არაფერი. შეკრება-საღამოები ხომ მისი მოგონილია. აინტერესებს, რომელ ოჯახში რა უჭირთ, ვინმე ავად ხომ არ არის. 80 წლის ქალბატონს თანაკლასელები, რომლებიც  ცოცხლები არიან,  „სმენაზე ყავს დაყენებული“.   თვე არ გავა, რომ არ შეიკრიბონ ან ერთმანეთს არ შეეხმიანონ. მაგის იმედი ნუ მოგვიშალოს ღმერთმა. 25 წლის ახალგაზრდას გააკვირვებს თავისი ენერგიულობით და შემართებით.  რაღაც მიზიდულობა აქვს. სულ მასთან  მივდივართ.  რომ ვერ ვნახავთ, რაღაც გვაკლია იმ დღეს, - სამეზობლოს სახელით გვესაუბრება პედაგოგი, ნატო ნიკოლაიშვილი. ქალბატონი კლარა კი შენიშვნას აძლევს, რა ამბავია ამდენი ქება, ადამიანი იმიტომ მოდიხარ ქვეყნად, ადამიანი და საქმე გიყვარდეს, საქმეში  კი გული ჩადო და თუ ასე იზამ, სიცოცხლეს და კეთილ საქმეს დასასრული არ  ექნებაო. „გურია ნიუსი“ 80 წლის იუბილეს ულოცავს  კლარა თავართქილაძეს _ მედიკოსს, პირველ ბაზიერ  ქალბატონს და ქვეყნის  ხუთგზის ჩემპიონს ამ საქმეში.  ქალბატონს,  რომელმაც თავისი პროფესიებით,  შეუფასებელი ამაგი  დასდო ადამიანის  განკურნების  და  ახალგაზრდა თაობების  ქუჩის გავლენისგან და დანაშაულში ჩათრევისგან  დახსნის  ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...