ბავშვთა პორნოგრაფიის საქმე _ რა მტკიცებულებები აქვს გამოძიებას დაკავებული მშობლების წინააღმდეგ

მთავარი თემა

ბავშვთა პორნოგრაფიის საქმე _ რა მტკიცებულებები აქვს გამოძიებას დაკავებული მშობლების წინააღმდეგ

2019 სექ 23 11:06:51

19 სექტემბერს მთელი საქართველო შეძრა შინაგან საქმეთა სამინისტროში გამართულმა ბრიფინგმა, სადაც ცნობილი გახდა, რომ შს-ს ცენტრალური კრიმინალური პოლიციის დეპარტამენტის, გენერალური პროკურატურის, ევროპოლის, ამერიკის შეერთებული შტატებისა და ავსტრალიის სამართალდამცავი უწყებების თანამშრომლებმა, ერთობლივად გატარებული ინტენსიური ოპერატიულ-საგამოძიებო ღონისძიებების შედეგად გამოვლინდა ქსელი, რომელიც არასრულწლოვნის ვაჭრობისა და არასრულწლოვნის გამოსახულების შემცველი პორნოგრაფიული ნაწარმოების დამზადება-გასაღებით იყო დაკავებული.

ამ ამბავში ყველაზე შემზარავი ის გახლდათ, რომ დაკავებულთა შორის არიან პორნოგრაფიული ნაწარმოების დამზადებაში ჩაბმული არასრულწლოვანი ბავშვების მშობლები, მათი ნათესავები და ახლობლები,

გამოძიებამ დაადგინა, რომ დაკავებულ აშშ-ის და ავსტრალიის მოქალაქეებს, თბილისში, ნაქირავებ ბინებში კონსპირაციულად მოწყობილი ჰქონდათ ფოტოსალონები და უცხოეთში რეალიზაციის მიზნით არასრულწლოვნების გამოსახულების შემცველ პორნოგრაფიულ ნაწარმოებს ამზადებდნენ, რაშიც მათ ქართველი თანამზრახველები ეხმარებოდნენ. ბრალდებულებს დანაშაულებრივ საქმიანობაში, მშობლების თანხმობით, ჩაბმული ჰყავდათ 8-დან 14 წლამდე ასაკის 10-მდე არასრულწლოვანი გოგონა. დანაშაულებრივი ჯგუფის ორგანიზატორები მოზარდების მშობლებს ფოტოების გადაღების სანაცვლოდ 500-დან 3000 ლარამდე თანხას უხდიდნენ, _ განაცხადა საგანგებო ბრიფინგზე შინაგან საქმეთა მინისტრის მოადგილემ ვლადიმერ ბოცვაძემ.

მისივე ინფორმაციით, ამ ეტაპზე დაკავებულია დანაშაულებრივი ჯგუფის 11 წევრი _ მათგან ორი ცოლ-ქმარია.

დაკავებული ცოლ-ქმრის ოჯახის წევრები ამბობენ, რომ მათ წარმოდგენა არ ჰქონდათ, რა ტიპის გადაღებებზე დაყავდა ბავშვი ქალს:

ვფიქრობდით, რომ ეს ჩვეულებრივი, სამოდელო სტუდიის გადაღება იყო. ფოტოებიც კი მაქვს ნანახი, სადაც არანაირი პორნოგრაფია არ ყოფილა. კარგად ჩაცმული იყო და ლამაზი ფოტოები იყო. სოციალურ ქსელშიც კი ჩავდეთ, თუმცა მერე ჩემმა რძალმა თქვა, რომ ფოტოების ავტორს არ უნდოდა მის მიერ გადაღებული ფოტო სხვას დაედო და წაგვაშლევინა,  _ გვითხრა დაკავებული მამაკაცის დედამ, რომელიც ფიქრობს, რომ მისი რძალი შეცდომაში შეიყვანეს და დარწმუნებულია, რომ მისი შვილი არაფერ შუაშია:

ბავშვის მამამ არაფერი იცოდა. ნამყოფიც კი არ არის იმ ადგილზე, სადაც გადაღებები იყო, _ ამბობს ქალბატონი.

მისივე თქმით, მისი შვილი სამუშაოდ საზღვარგარეთ იმყოფებოდა და საქართველოში 4 თვის დაბრუნებულია:

_ ჩემი შვილი ამბობდა, რომ არ უნდოდა მისი შვილი გადაღებებზე ეტარებინათ. ცეკვიდანაც კი გამოიყვანა, მაგრამ როცა ფოტოები ვნახე, მითხრეს, რომ საზღვარგარეთ საბავშვო ჟურნალებზე და ბანერებზე უნდა განეთავსებინათ, ამაში თანხას აძლევდნენ  და ეს მის მომავალს წაადგებოდა, არაფერი მითქვამს.  ბავშვი შაბათ-კვირას დაჰყავდა თბილისში ჩემს რძალს. მან გზაც კი არ იცოდა წესიერად. დიდუბეში აკითხავდნენ, მიყავდათ და გადაღებების მერე ისევ დიდუბეში ტოვებდნენ. ჩემი შვილი უცხოეთიდან რომ ჩამოვიდა, თქვა  რომ წავიდოდა და ნახავდა რა ტიპის გადაღებებზე დაყავდა დედას შვილი, თუმცა ვერ მოასწრო. მას წარმოდგენაც კი არ ჰქონდა რა ხდებოდა. არც კი იცნობდა იმ ადამიანებს, ვინც გადაღებებს აწარმოებდნენ, _ გვითხრა დაკავებული მამაკაცის მშობელმა.

ის ამბობს, რომ გამოძიებას მისი შვილის წინააღმდეგ მხოლოდ ერთი მტკიცებულება აქვს:

_ როგორც ვიცი სატელეფონო ჩანაწერი აქვთ მხოლოდ, რომელშიც ჩემი შვილი მის მეუღლეს თანხას სთხოვს. რაღაცაზე ფული დაჭირდა, იცოდა რომ მის ცოლს ჰქონდა და მოსთხოვა. რამდენადაც ვიცი, ამის გამო იკამათეს კიდეც, რადგან ჩემს რძალს არ უყვარდა ფულის გაცემა. სულ ესაა რაც გამოძიებას აქვს. დამიჯერეთ, არაფერი იცოდა ჩემმა შვილმა და თუ ჩემმა რძალმა რამე იცოდა, ვერც კი გააცნობიერა რას აკეთებდა, _ გვითხრა დაკავებული მამაკაცის დედამ,  რომელთან საუბარში მისი შვილიშვილიც ჩაგვერთო და გვთხოვა, მისგან გაგვეგო სიმართლე.

ის 12 წლისაა და ჩვენთვის მოცემულ ექსკლუზიურ ინტერვიუში, რომელიც მისი სურვილით და ბებიის თანხმობით ჩაიწერა, ყვება, რომ გადაღებების შინაარსის შესახებ მისმა მამამ არაფერი იცოდა.

ამბობს, რომ უღებდნენ, როგორც ფოტოებს, ასევე, ვიდეოებს _ ხან ჩაცმულს, ხან სრულიად შიშველს და ამ გადაღებებს ხშირად მისი დედაც ესწრებოდა:

დედა მაფრთხილებდა, რომ იმის შესახებ, თუ როგორ მიღებდნენ, არავისთვის მეთქვა, _ ამბობს გოგონა, რომელსაც, ბებიის თქმით, დედის ძალიან ეშინოდა.

გოგონა ამბობს, გადაღებებზე ბევრი არასრულწლოვანი დაჰყავდათ მშობლებს, რომელთა დიდ ნაწილს თავადაც კარგად იცნობდა:

თითქმის ყველა გორიდან იყო და ბევრს ვიცნობდი. ჩემი მეგობრები იყვნენ, _ ამბობს გოგონა.

 როგორც გავარკვიეთ, პოლიციამ, მოსამართლის განჩინების საფუძველზე უკანონო ფოტოსალონებში ჩატარებული ჩხრეკის შედეგად, ნივთმტკიცებად ამოიღო: ძვირადღირებული ფოტოაპარატები, განათების საშუალებები, რეკვიზიტები და კომპიუტერული ტექნიკა. გარდა აღნიშნულისა, ასევე, ამოღებულია კომპიუტერულ ტექნიკაში, დისკებსა და ფოტოაპარატებში მოთავსებულ მეხსიერების ბარათებზე არსებული არასრულწლოვანთა პორნოგრაფიული ფოტო და ვიდეომასალები.

შინაგან საქმეთა სამინისტროს ინფორმაციით, ამ საქმეზე გამოძიება გრძელდება საქართველოს სსკ-ის 255-ე მუხლის მე-3 ნაწილით, 143 პრიმა-2 მუხლის მე-2 ნაწილის „ბ“ ქვეპუნქტით, მე-3 ნაწილის „გ“ ქვეპუნქტით და ამავე მუხლის მე-4 ნაწილის „ა“ ქვეპუნქტით, რაც წინასწარი შეცნობით არასრულწლოვნის გამოსახულების შემცველი პორნოგრაფიული ნაწარმოების დამზადება-გასაღებას, ასევე, ორგანიზებული ჯგუფის მიერ ორი ან მეტი არასრულწლოვნის მიმართ განხორციელებულ ტრეფიკინგს გულისხმობს.

აღნიშნულ საქმესთან დაკავშირებით საკუთარი პოზიცია დააფიქსირა ამერიკის შეერთებულმა შტატებმა. კერძოდ, საქართველოში აშშ-ის საელჩოს ინფორმაციით, საერთაშორისო დონეზე კოორდინირებული, რამდენიმე ქვეყნის ჩართულობით განხორციელებული ეს სამართალდაცვითი ღონისძიება, უნდა იყოს გაფრთხილება ყველასთვის, ვინც ბავშვებს ზიანს აყენებს, რომ სამართალდამცავი ორგანოები, ერთობლივი ძალისხმევით, ყოველთვის შეძლებენ მათ იდენტიფიცირებას, დაკავებას და პასუხისგებაში მიცემას.

ამასთან, ამერიკის საემიგრაციო და საბაჟო უწყების (ICE) შიდა უსაფრთხოების საგამოძიებო სამსახური (HSI) ყოველთვის და ყველგან აღასრულებს თავის ვალდებულებას, რომ დაიცვას ბავშვები მსოფლიოს ნებისმიერ ადგილას იმ ადამიანებისგან, ვინც ბოროტად სარგებლობს არასრულწლოვანთა უმწეობით.




 ახალი ამბები
  • გვახსოვს თავისუფლებისთვის ბრძოლა- ბრიტანეთის ელჩი„დღეს, ვიგონებთ მათ ვინც საქართველოს დამოუკიდებლობისთვის თავი გაწირა. გვახსოვს თავისუფლებისთვის ბრძოლა“,_ ასე ეხმაურება დიდი ბრიტანეთის ელჩი საქართველოში, ჯასტინ მაკენზი სმიტი 9 აპრილის ტრაგეედიდან 31-ე წლისთავს. 1989 წლის 9 აპრილს, საბჭოთა კავშირის შეიარაღებული ძალების ნაწილებმა თბილისში, რუსთაველის გამზირზე, მშვიდობიანი საპროტესტო აქცია დაარბიეს, რასაც 21 ადამიანის სიცოცხლე შეეწირა. ... ...
  • ბიძინა ივანიშვილმა StopCoV ფონდში 100 მილიონი ლარი ჩარიცხაპარტია „ქართული ოცნების“ თავმჯდომარის, ბიძინა ივანიშვილის ოჯახმა StopCoV ფონდში 100 მილიონი ლარი ჩარიცხა. StopCoV ფონდში ჩარიცხული თანხის მაჩვენებელი გუშინ, გვიან ღამით გაიზარდა, რაც საქართველოს მთავრობის სპეციალურ ვებგვერდზეც (https://stopcov.ge/ka/Fund) აისახა. კერძოდ, მონაცემების განახლებამდე არსებული თანხა, დაახლოებით 24 მილიონი ლარი 124 543 899 ლარამდე გაიზარდა. სოციალურ ქსელში ამ ფაქტს გამოხმაურება მოჰყვა და გამოითქვა ვარაუდი, რომ თანხა ფონდში ბიძინა ივანიშვილმა გადარიცხა. საქართველოს პირველი არხი ინფორმაციის გადასამოწმებლად ფონდ „ქართუს“ გამგეობის თავმჯდომარეს, ნიკოლოზ ჩხეტიანს დაუკავშირდა. ბიძინა ივანიშვილის მიერ 100 მილიონი ლარის გადარიცხვა ჩხეტიანმა დაადასტურა და აღნიშნა: „ბიძინა ივანიშვილის ოჯახის დონაცია StopCoV ფონდში შეადგენს 100 მილიონ ლარს. ბატონმა ბიძინამ სპეციალურად StopCoV ფონდისთვის 100 მილიონი ლარი „ქართუ ფონდში“ რამდენიმე დღის წინ ჩარიცხა და ეს თანხა კორონავირუსთან ბრძოლის ფონდის ანგარიშზე უკვე ... ...
  • ვანი საკარანტინო სივრცედ არ გამოცხადდება ვანის საკარანტინო სივრცედ გამოცხადება არ იგეგმება, სწორედ ამიტომ იქნა მიღებული ის პრევენციული ღონისძიებები, რომელიც მეორე დღეა, ვანში ტარდება. ამის შესახებ იმერეთის სახელმწიფო რწმუნებულის ადმინისტრაციაში განაცხადეს. ცნობისთვის, მუნიციპალიტეტში მოსახლეობას პროაქტიული თერმოსკრინინგი უტარდება და მოწყობილია სპეციალური გამშვები პუნქტები. რაც შეეხება სამეციდინო კლინიკას, სადაც ქალბატონი თავისი ინიციატივით მივიდა და რომელსაც კორონავირუსი დაუდასტურდა, კონტაქტები გამოკვლეულია და მოქალაქეები თვითიზოლაციაში ... ...
  • სიცოცხლე გრძელდება! _ ჩოხატაურში დოლიძეების ოჯახს მეორე შვილი შეეძინა„სიცოცხლე გრძელდება! დღეს გურიას და საქართველოს კიდევ ერთი სიცოცხლე შეემატა, მედალფას ჩოხატაურის კლინიკის სამეანო-გინეკოლოგიურ განყოფილებაში დოლიძეების ოჯახს მეორე შვილი შეეძინა. ღმერთმა გაამრავლოს საქართველო და ამ რთულ მდგომარეობაში მრავალი სიხარული და ბედნიერი დღეები შემატებოდეს!”,_ აღნიშნულ ინფორმაციას შპს „მედალფას“ ჩოხატაურის სამედიცინო ცენტრი ... ...
  • "არ ისურვა ვინაობის გამხელა" - მსოფლიო ჩემპიონი ზუგდიდში ათ ოჯახს დაეხმარა(ფოტოები) "არ ისურვა ვინაობის გამხელა" - ერთ-ერთი მსოფლიო ჩემპიონი ზუგდიდში ათ ოჯახს დაეხმარა, _ ამის შესახებ ინფორმაციას სოციალურ ქსელში "წმინდა გაბრიელის საქველმოქმედო ფონდის" ხელმძღვანელი, სალომე ფაცაცია ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...