"ბრალდებული მკვლელობას აღიარებს" _ რა ვიდეოჩანაწერი ნახეს პოლიციაში ფოცხიშვილის დამ და მეუღლემ

მთავარი თემა

"ბრალდებული მკვლელობას აღიარებს" _ რა ვიდეოჩანაწერი ნახეს პოლიციაში ფოცხიშვილის დამ და მეუღლემ

2017 დეკ 14 18:31:15

20 ივლისს, ოზურგეთში,  42 წლის გურამ ფოცხიშვილი და მის დის ქმარი, 33 წლის დიმა ომოლჩენკო ჩაცხრილეს.

მომხდარიდან რამდენიმე თვეში, შსს-მ გაავრცელა ოფიციალური ინფორმაცია, რომ გურიის სამხარეო პოლიციის მთავარმა სამმართველომ მკვლელობის ფაქტი გახსნა: _ გურიის პოლიციის დეპარტამენტის თანამშრომლების მიერ ჩატარებული ოპერატიულ-სამძებრო და საგამოძიებო ღონისძიებების შედეგად, 1969 წელს დაბადებულ, წარსულში ნასამართლევ კახა მეგრელიშვილს, მეტსახელად "ბუძგიას", მოსამართლის განჩინების საფუძველზე, დამამძიმებელ გარემოებაში ჩადენილი განზრახ მკვლელობის ფაქტზე, მიმდინარე წლის 7 დეკემბერს ბრალი დაუსწრებლად წარედგინა და აღკვეთის ღონისძიების სახით პატიმრობა შეეფარდა. ბრალდებულ კ.მ.-ზე, მოსამართლის განჩინების საფუძველზე, ძებნა გამოცხადდა".

შსს მიერ გავრცელებულ ოფიციალურ ინფორმაციას არ ეთანხმებიან გურამ ფოცხიშვილისოჯახის წევრები. დიმა ომოლჩენკოს მეუღლე ლოლა ფოცხიშვილი "გურია ნიუსთან" ექსკლუზიურად ჰყვება, თუ რა ვითარებაში ნახა "ბუძგიას" ვიდეოჩანაწერი, სადაც ბრალდებული პოლიციას სულ სხვა ჩვენებას  აძლევს.

გურამ ფოცხიშვილის და ლოლა ფოცხიშვილი შინაგან საქმეთა მინისტრს მისი ოჯახის უსაფრთხოების მიზნით ყურადღებას სთხოვს:

"მე და გურამის მეუღლეს პოლიციაში ხელი მოგვაწერინეს გაუთქმელობაზე, რომ იმ ვიდეომასალების შესახებ, რომელიც ვნახეთ, არავისთან არაფერი არ უნდა ვთქვათ. თუმცა,  მე ვთქვი, რომ ამას ვერ დავმალავ,-მეთქი.

მე თავს არ ვგრძნობ უსაფრთხოდ და გთხოვთ დაიცვათ ჩვენი უფლებები. გაავრცელეთ ეს ინფორმაცია _ გაიგოს შსს მინისტრმა, რაც ხდება.

ვითხოვ სამართალს, ჩემი უდანაშაულო ქმრის მკვლელის დაჭერას. მივმართავ შსს ახალ მინისტრს, რომ ბოლომდე გამოძიებული იქნას ჩემი ქმრის და ძმის მკვლელობა. მე გამწარებული ადამიანი ვარ, უკან არ დავიხევ და ყველაფერს გავაკეთებ იმისათვის, რომ ხალხმა სიმართლე გაიგოს, ვიბრძოლებ ბოლომდე!" _ ამბობს ლოლა ფოცხიშვილი და დეტალურად ჰყვება იმის შესახებ, რის გაუთქმელობაზე პოლიციაში ხელი მოაწერინეს:

ლოლა ფოცხიშვილი: _ უკვე 5 თვეა გასული  ჩემი ძმის _ გურამიკოსა და მეუღლის _ დიმას გარდაცვალებიდან. ამ ხნის მანძილზე პოლიცია გვეუბნებოდა,  რომ გამოძიება მიმდინარეობდა, ბოლოს კი დადეს ინფორმაცია, რომ თითქოს გახსნეს დანაშაული. 

ეს არ იყო დამადასტურებელი ფაქტი იმისა, რომ მკვლელობა გახსნილია.

მკვლელობის მიზეზად დაასახელეს, რომ თითქოს ჩემი ძმა "ბუძგიას" მეუღლეს სახლში იარაღით მიუვარდა და შეურაცხყოფა მიაყენა _ გურამი  ქალს შეურაცხყოფას არ მიაყენებდა. პოლიციამ იცის, რომ ეს არ იყო მიზეზი იმისა, რომ მას მოეკლა ჩემი ძმა.

ზუსტი ინფორმაცია მაქვს,  მკვლელი თვითონ პოლიციამ გააპარა ქვეყნიდან _ საზღვარზე კოლონებით გააცილეს. მაქ სულ სხვა დონის ხალხია ჩართული, თორემ მარტო "ბუძგია" მაგას ვერ იზამდა.

ჩემი ძმისა და მეუღლის მკვლელები დაიჭირონ, არა მარტო "ბუძგია" და ვინც იყო მასთან ერთად _ ყველა, ვინც შეუკვეთა ეს მკვლელობა.

ანალიზების პასუხიდან ჩანს, რომ მკვლელი  "ბუძგიაა", მაგრამ ჩვენ გვაქვს ინფორმაცია, რომ მას მკვლელობა ვიღაცამ შეუკვეთა.

მე მაქვს ჩანაწერი, რომელსაც თუ დამჭირდება გავასაჯაროვებ.  ჩანაწერში ჩანს, "ბუძგიას" როგორ ესაუბრებიან პოლიციელები და "ბუძგია" აღიარებს, რომ მოკლა ფოცხიშვილი: იმიტომ მოვკალი, რომ ჩემთან მივიდა სახლშიო. თუ შსს-ს ოფიციალური ინფორმაციაში კი არის ნათქვამი, რომ ცოლს მიაყენა შეურაცხყოფაო, მაგრამ "ბუძგია" ჩანაწერში ამბობს, ცოლმა არ მითხრა, რა უთხრა ფოცხიშვილმაო. გურამიკო ცოლთან შეიარაღებული მივარდაო, არ ამბობს! ან რაში "აწყობდა"17 წლის წინანდელი ამბავი გახსენება?!

იგი ჩანაწერში იმასაც ამბობს, რომ მაგის გვერდზე ყველა არაკაცი იყო და არაქურდული ცხოვრებით ცხოვრობდნენ. ბუძგია მე დავუჯდები დათოს, ანუ მამაჩემს  და ავუხსნი რატომ მოვკალი მისი შვილიო.

სად გაკეთდა ეს ჩანაწერი, არ ვიცი. პოლიცია ამბობს, აღიარებითი ჩვენება არ არის მტკიცებულება და ამიტომ არ დავაპატიმრეთო. მაშინ ძებნაზე რატომ აიყვანეს? საზღვარზე გადააპარეს და ახლა ველოდოთ, როდის გამოჩნდება?

ჩანაწერში "ბუძგია" იმასაც ამბობს, რომ მოსამართლესთან დანაშაულს არ ვაღიარებ, რადგან ციხეში რომ ჩამსვან, მოვკვდებიო. პოლიციაში კი აღიარა, მაგრამ ამბობს ბრალს ვერ წამიყენებთო.

როცა პოლიციელებს ვკითხე, ეს რას ნიშნავს,-მეთქი, ჩვენ ჩვენი ხრიკები გვაქვსო, მიპასუხეს.

მკვლელობამდე რამდენიმე თვით ადრე გურამიკო პოლიციაში წაიყვანეს. რომ მივედით, გვითხრეს, ნარკოლოგიურ შემოწმებაზე გადაიყვნესო. შემდეგ გავიგეთ,  რომ პოლიციაში გაესაუბრნენ და გაფრთხილება მისცეს. უნდოდათ გარკვევა,  დადიოდა  თუ არა გურამი იარაღით. არ დადიოდა იარაღით და, რასაკვირველია, არც იმ დღეს ჰქონდა.

რატომ არ გამოაქვეყნა შსს ეს ჩანაწერი? მოვითხოვ გაასაჯაროვონ ეს ვიდეომასალა! _ ამბობს ლოლა ფოცხიშვილი.

 ამ მკვლელობასთან დაკავშირებით შინაგან საქმეთა სამინისტროს მიერ გავრცელებული ოფიციალური ინფორმაცია "ბრალდებულმა, ანგარიშსწორების მიზნით, ფოცხიშვილის მოკვლა განიზრახა.

"ამისთვის მან სპეციალურად, ფარულად შეიძინა ავტომანქანა და ცეცხლსასროლი იარაღი. გამოძიების ინფორმაციით, მიმდინარე წლის 20 ივლისს, მეგრელიშვილი და მისი თანამზრახველი ავტომობილით აედევნენ მსხვერპლს _ გ.ფ-ს, რომელიც  ოზურგეთში, ნათესავთან დ.მ-სთან სთან ერთად ავტომანქანით გადაადგილდებოდა, ავტომატური ცეცხლსასროლი იარაღიდან და მაკაროვის სისტემის პისტოლეტიდან რამდენიმე გასროლით სასიკვდილოდ დაჭრეს ისინი და შემთხვევის ადგილიდან მიიმალნენ".

უწყების ინფორმაციით, "გამოძიებით ასევე დადგინდა, რომ შემთხვევის ადგილიდან მიმალულმა ბრალდებულმა და მისმა თანამზრახველმა ავტომანქანა ოზურგეთის რაიონის სოფელ მელექედურის ტერიტორიაზე დაწვეს და მიატოვეს.

გამოძიება ორი ან მეტი პირის მიერ დამამძიმებელ გარემოებაში ჩადენილი განზრახ მკვლელობის ფაქტზე მიმდინარეობს, საქართველოს სსკ-ს 109-ე მუხლის მე-3 ნაწილის "ა" ქვეპუნქტით, რაც თექვსმეტიდან ოც წლამდე ვადით ან უვადო თავისუფლების აღკვეთას ითვალისწინებს. გამოძიებას შინაგან საქმეთა სამინისტროს გურიის პოლიციის დეპარტამენტი აწარმოებს.გამოძიებამ დაადგინა, რომ მეგრელიშვილი  განაწყენებული იყო ნაცნობზე ფოცხიშვილზე, რომელმაც წარსულში, შეიარაღებულმა სახლში მიაკითხა და მის მეუღლეს ფიზიკური შეურაცხყოფა მიაყენა".

ჩვენ ველოდებით ლოლა ფოცხიშვილის მიერ "გურია ნიუსისთვის" მიცემულ ინფორმაციაზე შსს-ს კომენტარს, რომელსაც მიღებისთანავე შემოგთავაზებთ.

ამავე თემაზე:

ექსკლუზივი: პოლიციამ გურამ ფოცხიშვილის და დიმა ომოლჩენკოს მკვლელობის საქმე გახსნა

ორმაგი მკვლელობის ახალი დეტალები _ რა განიხილეს აფხაზეთში გამართულ "სხადნიაკზე"

სასტიკი მკვლელობის ახალი დეტალები _ რა იპოვა პოლიციამ დამწვარ მანქანასთან

30 გასროლა ორი სხვადასხვა იარაღიდან _ სასტიკი მკვლელობის ვერსია და დეტალები




 ახალი ამბები
  • რუსთავი-თბილისის გზაზე ავარიას 6 თვის ბავშვი ემსხვერპლარუსთავი-თბილისის გზაზე ერთმანეთს "ტოიოტასა" და "კიას" მარკის ავტომობილები შეეჯახა. ავტოსაგზაო შემთხვევის შედეგად 6 თვის ბავშვი დაიღუპა. როგორც „ინფო რუსთავი“ იუწყება, მცირეწლოვანი ბავშვი მშობლებთან ერთად სწორედ "ტოიოტას" მარკის ავტომობილში იმყოფებოდა. დაშავებული ბავშვი სასწრაფო-სამედიცინო დახმარების ჯგუფმა კლინიკა ნიუ-ჰოსპიტალსში გადაიყვანა, თუმცა, მისი გადარჩენა ვერ მოხერხდა. შემთხვევის ადგილზე მობილიზებული იყო საპატრულო პოლიციისა და სასწრაფო დახმარების ... ...
  • მეკვერნიე „ჩაქირა“: უნიკალური ჯიშის ძაღლი გურიაში, სავარაუდოდ, მხოლოდ ერთ კაცს ჰყავსმეკვერნიე ჯიშის ძაღლი „ჩაქირა“ ძველად  გურიაში საკმაოდ გავრცელებული ყოფილა და მას კვერნაზე სანადიროდ იყენებდნენ. შემდეგ კი გადაშენებულა და ახლა მხოლოდ მაკვანეთელ ილია თოიძეს ჰყავს. _ის თავს ევლება მეკვერნიე „ჩაქირას“, საოცარ ამბებს გიამბობთ, უვლის, ცდილობს გამრავლდეს და ყველას ჰყავდეს.  ეს ძაღლი  საუცხოო მონადირეა. გადაშენების პირას მყოფი, _ გვატყობინებს სოფელ ლიხაურის საჯარო სკოლის პედაგოგი, ირმა გორდელაძე. „გურია ნიუსი“ მალე  ილია თოიძესთან საინტერსო ინტერვიუს ... ...
  • საიდან მოდის და რას უკავშირდება ნოტების სახელები7 მუსიკალური ნოტი დო-რე-მი-ფა-სოლ-ლა-სი ყველასთვის კარგად არის ცნობილი, მაგრამ ცოტამ თუ იცის, რატომ ჰქვიათ ამ ნოტებს ასეთი სახელები და რას ნიშნავს თითოეული მათგანი. ნოტების სახელწოდების წარმოშობა დაკავშირებულია ნაწარმოებთან “Uტ ქუეანტ ლახის”, რომელიც კათოლიკური ჰიმნია და იოანე ნათლისმცემელს ეძღვნება. დო-რე-მი-ფა-სოლ-ლა-სი იოანე ნათლისმცემლისადმი მიძღვნილი ჰიმნის ლათინური ლოცვის პირველი მარცვლებია, თუმცა თავდაპირველად იყო ასე – უტ-რე-მი-ფა-სოლ-ლა-ჰექსაქორდი. სი მოგვიანებით გაჩნდა. უტ კი დო-თი მოგვიანებით მუსიკისმცოდნე დონმა შეცვალა თავისი გვარის პირველი მარცვლით. შვიდივე მუსიკალურ ნოტს თავისი სახელწოდება აქვს: დო – DOMINUS – ღმერთი,  რე – RERUM – მატერია, მი – MIRACULUM – სასწაული,   ფა – FAMILIAS PLANETARIUM – პლანეტების ოჯახი, ანუ მზის სისტემა,    სოლ – SOLIS – მზე,  ლა – LACTEA VIA – ირმის ნახტომი,  სი – SIDERAE – ზეცა.  წყარო : ... ...
  • $7 000 000 - აშშ, საქართველოში ახალ საგანმანათლებლო პროგრამას განახორციელებსაშშ-საქართველოს სტრატეგიული პარტნიორობის ფარგლებში, ვაშინგტონში მორიგი შეხვედრა გაიმართა. კულტურული გაცვლებისა და ხალხთაშორისი ურთიერთობების სამუშაო ჯგუფის შეხვედრაზე, საქართველოს საგარეო საქმეთა და განათლების მინისტრების მოადგილეები წარდგნენ. სახელმწიფო დეპარტამენტში გამართულ შეხვედრაზე განათლების, კულტურისა და სტრატეგიული კომუნიკაციების შესახებ იმსჯელეს. განათლების მინისტრის მოადგილის განცხადებით, შეხვედრაზე საუბარი შეეხო ოკუპირებული ტერიტორიებსა და საოკუპაციო ხაზის გასწვრივ არსბულ ვითარებას. ირინე აბულაძის თქმით, ქართულმა მხარემ, ამერიკელ პარტნიორებს სრული ინფორმაცია მიაწოდა გამოწვევების შესახებ, რაც ოკუპირებულ რეგიონებში, განათლების უფლების მხრივ დგას. მისი თქმით, შეხვედრაზე ასევე საუბარი შეეხო საქართველოს მთავრობის სამშვიდობო ინიციატივებს განათლების ხელმისაწვდომობის კონტექსტში. „ამერიკა რჩება საქართველოსთვის ძირითად სტრატეგიულ პარტნიორად, როგორც ქვეყნის სუვერენობის, ასევე განათლების ხარისხის განვითარების მიმართულებით.“_ განაცხადა აბულაძემ. აბულაძის თქმით, შეხვედრაზე საუბარი შეეხო პროფესიული განათლების ხელშეწყობის მიზნით, გაცვლითი პროგრამების წამოწყების იდეას. დღესვე ცნობილი გახდა, რომ ამერიკული მხარე, საქართველოში, $7 000 000 აშშ დოლარის ღირებულების საგანმანათლებლო პროგრამას განახორციელებს. „USAID” – ის დაფინანსებული პროექტი, ქართული საჯარო სკოლების დაწყებითი საფეხურის მასწავლებელთა გადამზადებას ითვალისწინებს. ამასთან, ამერიკული მხარის ინიციატივით, საქართველოში, „Fulbright“-ის პროგრამის გაფართოვება იგეგმება. „ფულბრაითის“ პროგრამის ფარგლებში, წელს უკვე 11 ქართველი სტუდენტი მიიღებს ამერიკაში განათლებას. 2020 წლის გაზაფხულიდან კი, როცა შეთანხმებას მოეწერება ხელი, საქართველოს, ამერიკიდან „ფულბრაითის“ 10-მდე სტიპენდიანტი ეწვევა, რომლებიც საქართველოს უნივერსიტეტში ინგლისურ ენას ასწავლიან. წყარო : ამერიკის ... ...
  • ქარი, თოვლი და ყინვა _ ტემპერატურა -20 გრადუსამდე დაეცემასინოპტიკოსთა ცნობით, საქართველოს მთელ ტერიტორიაზე დღეიდან ტემპერატურა მკვეთრად დაეცემა. დღეს საქართველოს ზოგიერთ რაიონში ითოვებს. 25-27 იანვარს, ღამით გაძლიერდება ქარი და ყინვა. ჰაერის ტემპერატურა ღამის საათებში დასავლეთ საქართველოს დაბლობ რაიონებში -4, -6, აღმოსავლეთ საქართველოს ბარში ზოგან -8, მთაში -15, მაღალმთაში -20 გრადუსამდე დაიკლებს. 25 იანვარს, დღისით დაბლობსა და ბარში +1, +6 გრადუსი იქნება, ხოლო 26-27 იანვარს +7, +12 გრადუსამდე მოიმატებს. თბილისში ჰაერის ტემპერატურა 25-27 იანვარს ღამის საათებში -1, -3 გრადუსამდე დაიკლებს, დღისით კი +8, +10 გრადუსამდე ... ...

არქივი

ზაფრანი

მეცნიერები ვარაუდობენ, რომ კიბო, შესაძლოა, გადამდები იყოს

ვებგვერდ wize.life-ზე გამოქვეყნებული ინფორმაციის მიხედვით...

მიწაზე მიყინული კნუტები კაცმა ყავით გადაარჩინა

BBC-ის ინფორმაციით, მიწაზე მიყინული კნუტები...

სასარგებლო რჩევები ცნობილი ქალებისგან

ანჯელინა ჯოლი ზოგჯერ, როცა თავის...

ბიონსეს სილამაზის საიდუმლო

მართალია მომღერალი ვეგეტარიანელი არაა, მაგრამ...

ცნობილი ვარსკვლავების ყოველდღიური დილის რეჟიმი

ჯენიფერ ენისტონი ჯენიფერ ენისტონის დილა...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...