“ბულინგი სკოლაში“ _ სამეზობლო დავა და 8 წლის ბავშვებზე გადასული აგრესია (რედაქტირებული)

მთავარი თემა

“ბულინგი სკოლაში“ _ სამეზობლო დავა და 8 წლის ბავშვებზე გადასული აგრესია (რედაქტირებული)

2017 დეკ 18 17:19:35

ქალაქ ოზურგეთში, ანასეულის #5 საჯარო სკოლაში ინციდენტი მოხდა. მეორე კლასის მოსწავლის გ.კ-ს ბებიამ, რომელიც ამავე სკოლაში პედაგოგიც არის და მეშვიდე კლასის დამრიგებელია, სიტყვიერი შეურაცხყოფა მიაყენა თავისი შვილიშვილის კლასის მოსწავლეებს _  ლ.ა და გ.ა. ბიშაშვილებს. 

"მამათქვენები ნაციხვრები არიან და თქვენ,  მათი შვილები საიდან იქნებით ნორმალურები? ჩემი ოჯახი სამაგალითოა და ასეთს არ იკადრებს, რასაც თქვენ კადრულობთ. დედაშენი თურქეთშია და ყურადღებას ვერ გაქცევს, მიგატოვა", _ აღნიშნული სიტყვებით პედაგოგმა ირინა მგელაძე-მუხაშავრიამ მეორე კლასის მოსწავლეებს, მშობლებთან, დამრიგებელთან და მოსწავლეებთან ერთად საკლასო ოთახში მიმართა. აღნიშნული ფაქტი "გურია ნიუსთან" მეორე კლასის მოსწავლეების მშობლებმა და დამრიგებელმა დაადასტურეს. აღნიშნულ ფაქტთან დაკავშირებით ლ.ა. მშობელმა ნათია კაჭარავამ სკოლის დირექტორის სახელზე განცხადება დაწერეს, რასაც ხელს რამდენიმე მშობელიც აწერს.

ანასეულის #5 საჯარო სკოლაში 14 დეკემბერს მომხდარ ინციდენტს, წინ მოსწავლეებს შორის სხვადასხვა სახის შეურაცხყოფის ფაქტები უძღვის, რაც მშობლების ჩარევის შემდეგ კიდევ უფრო მწვავდება.

მეორე სკოლის მოსწავლეები გ.კ. და ბიძაშვილები  ლ.ა. და გ.ა. ანასეულში მრავალბინიან კორპუსებში ცხოვრებენ, სადაც ეზო არის საერთო. მათ ოჯახებს შორის სამეზობლო დავა და კოფლიქტი წლებია მიდის. ოჯახის უფროსების ერთმანეთის მიმართ შეურაცხყოფა და აგრესია ბავშვებზე გადადის, რისი დამადასტურებელი ფაქტიც სკოლაში, მშობელთა კრების დროს მოხდა.

"გურია ნიუსი" შეეცადა ყველა მხარის კომენტარები მოესმინა. ჩვენ ჩავწერეთ ლ.ა-ს მშობელი, პედაგოგი და გ.კ-ს ბებია, კლასის დამრიგებელი, სკოლის დირექტორი, სოციალური მომსახურების სააგენტოს წარმომადგენლები:

ნათია კაჭარავა, ლ.ა-ს დედა:  "ჩემი შვილი და მაზლისშვილი არიან ერთ კლასში, მათ მუდმივად აქვთ კონფლიქტი ამავე კლასელთან გ. კ-სთან. კონფლიქტი კი ეზოდან მოდის. ბავშვებს აქვთ დაპირისპირება, რასაც უფრო ამწვავებს გ.კ-ს ბებიის უხეში ჩარევა. ბავშვებს შეიძლება თამაშის დროს კამათი მოუვიდეთ უბრალოდ, ის კი თავის შვილიშვილს აგრესიისკენ უბიძგებს. ეს ხდება სკოლაშიც. ეს ქალი, რომელიც პედაგოგიცაა,  ბავშვებს სიტყვიერ შეურაცხყოფას აყენებს. რამდენიმე დღის წინ მოუკიდია ჩემი ბავშვისთვის ხელი და უფროსკლასელებთან შეუგდია. თანაკლასელების თვალწინ აყენებს შეურაცხყოფას და უძახის ბავშვებს, რომ მამა პატიმარი გყავდათ და თქვენ, მათი შვილები ნორმალურები საიდან იქნებით, თქვენ ნაციხრების შვილებო, თქვენ კარგი რა უნდა ისწავლოთო. მეორეს ეუბნება, რომ დედამ მიგატოვა და თურქეთშიაო. ვცდილობდი, მაქსიმალურად ვიკავებდი თავს, მხოლოდ 14 დეკემბერს შეუძლებელი  იყო გავჩერებულიყავი. კრებაზე ვიყავით მშობლები. გ.კ. უთქვამს, ცუდი სიტყვა ჩემი შვილისთვის. ბავშვი მისულა დამრიგებელთან და უთქვამს გ-მ ასე მითხრაო, ეს ბავშვი კი გაიქცა და ბებიას უთხრა. ამის შემდეგ წამოვიდა შეურაცხყოფით ეს მასწავლებელი, მეც მომაყენა შეურაცხყოფა  და ბავშვებს რა არ უძახა, იმის გამეორება არ შემიძლია".

პედაგოგი და ამავე დროს გ.კ-ს ბებია, ირინა მგელაძე-მუხაშავრია "გურია ნიუსთან" ამბობს, რომ მისი შვილიშვილი გ.კ. ბულინგისა და ძალადობის მსხვერპლი თავად არის აღნიშნული ოჯახის მიერ, რასაც არ ეთანხმება კლასის დამრიგებელი.

 "მაინც,  როგორ ძალადობაზეა საუბარი? როგორ გეკადრებათ! მე იცით ვინ ვარ? _ მე ის პედაგოგი ვარ, რომელმაც ორი ბავშვი , რომლებსაც სახლში ცუდი მდგომარეობა ჰქონდათ, შევიფარე და ოთხი თვე გაჭირვების დროს გამოვკვებე. მე ის ქალი ვარ, რომელმაც  მეორე ოჯახიდან, სადაც ძალადობა მძვინვარებდა, ბავშვები სახლში წამოვიყვანე  და 6 თვის განმავლობაში დედასთან ერთად შევიფარე.

მე ვარ ის პედაგოგი, რომელიც 24 საათის განმავლობაში ამ ბავშვების შერიგებაზე ზრუნავს და ვერ მოვახერხე. ჩემი ბავშვი არის ძალადობის და ბულინგის მსხვერპლი _ პირიქითაა. ჩვენ ერთ ეზოში ვცხოვრობთ და აგრესია მოდის უკვე კარგა ხანია. ეს ოჯახი მრავალსულიანია, დაახლოებით, 15 სული ცხოვრობს. აგრესიის სათავეს თავიანთი მშობლებიდან და ოჯახებიდან იღებენ ეს ბავშვები. ოჯახური პრობლემა და დაპირისპირებაა ჩვენთან", _ ამბობს პედაგოგი ირინა მგელაძე- მუხაშავრია და ბავშვებს შორის დაძაბულ ურთიერთობებზე და შეურაცხმყოფელ ფაქტებზე საუბრობს:

_ იყო რამდენიმე ფაქტი ეზოში ჩემი ოჯახის მიმართ მათი დაპირისპირებისა და შეურაცხყოფის მოყენებისა. ამას დაადასტურებენ მეზობლები. იყო შემთხევვა, სასწრაფოც გამოვიძახეთ. ამის შემდეგ მძაფრდებოდა სიტუაცია. თქვენი თვალთახედვიდან ვგავარ მე ისეთ პედაგოგს გავაღვივო და გადავიტანო მათი ოჯახის აგრესია ბავშვებზე?  რამდენჯერ ჩემი შვილიშვილი გ.კ. ცეკვიდან მოდიოდა და სადღაც ჩაკეტეს. ისეთი შეშინებული მოვიდა ბავშვი, ცუდად გახდა. იყო ფაქტი 7 ბავშვმა ცემა ჩემი შვილიშვილი. შევედი და იმ ბავშვს ხელი მოვკიდე, ეს არ იყო ძალადობა? იყო შემთხვევა ქუჩაში ბავშვს ფულს ძალავდნენ!

მე არ მითქვამს მამაშენი ნაციხარიაო! შეიძლება კონკრეტულ შემთხევასთან და ფაქტთან დაკავშირებით ემოციურობა მეც გამოვხატე. მაგრამ გეუბნებით, ამას წინ უძღვის სხვადასხვა ფაქტი. მე დამრიგებელსაც ვესაუბრე რამდენჯერმე.  იმ დღეს კი, შევდივარ საკლასო ოთახში და ვხედავ, ჩემი შვილიშვილი ზის უკანა მერხზე და ტირის, სლუკუნებს. აქეთ მასწაველებლი და მშობლები იყვნენ და არავინ დაინტერესდა, რატომ ტიროდა ბავშვი. გეუბნებით, ჩემი შვილიშვილია ბულინგის მსხვერპლი და თუ არ არის, რატომ არ ჩადის ბავშვი ეზოში? ყოველ ჩასვლაზე ბავშვს აყენებენ შეურაცხყოფას.

არ მითქვამს არცერთი მსგავსი, არც დედაზე, არც მამაზე. ახლა დარიგებულმა ბავშვებმა შეიძლება რაიმე თქვან.  ჩემი ბავშვი დამრიგებელმა დაადანაშაულა. მე ვუთხარი დამრიგებელს და ვკითხე,  რომ რატომ ტირის ჩემი შვილიშვილი, რატომ არ გაარკვიე-მეთქი. ამ დროს მშობელი ერევა და უცენზურო სიტყვებით მომმართავს. მე ვუთხარი რატომ გგონია, რომ ჩემი შვილიშვილი უცენზურო სიტყვებს იტყვის, ჩემს ოჯახში ეს არ ესმის-მეთქი. შემდეგ მოვუყევი, რას ამბობდნენ მის ოჯახზე, დედამთილზე და ასე შემდეგ, არ შეიძლება თქვენს ოჯახში გაიზარდოს საუკეთესო-მეთქი. იმ მშობლების თანდასწრებით, პირიქით, ჩემი ოჯახი გამოვიდა ცუდი. რა, არ უნდა მეთქვა? ისიც დამაბრალეს, რომ თითქოს მე ვუთხარი ბავშვს, რომ დაიჩოქე და ბოდიში მოუხადე-მეთქი. საერთოდ მაგ ოჯახიდან ბოღმა ყოველთვის მოდიოდა.  მე, პირიქით, საჩივარი მინდა შევიტანო იმ მშობლების მიმართ, რომლებიც განცხადებას  აწერენ ხელს და  თხზავენ რაღაცეებს", _ ამბობს ირინა მუხაშავრია.

ნატალია გობრონიძე, მეორე კლასის დამრიგებელი: "კონკრეტულ ფაქტთან დაკავშირებით, როგორც ვიცი,  ეს არის სამეზობლო დავიდან დაწყებული ამ ორ გვარს შორის. ეს ჩემი საქმე არაა, მე ბავშვებს შორის კონფლიქტს მშვენივრად მოვაგვარებდი, რომ არა ბებიის უხეშად ჩარევა. ბებიის უხეშად ჩარევის შემდეგ მოხდა დაძაბულობა. მე მეტს ვერაფერს ვიტყვი. იყო პატარა ინციდენტი, რომლის მშვიდობიანად მოგვარება შეიძლებოდა. ეს იყო და ეს. მე თითოეულ  მათგანს, ჩემს მოსწავლეს  დადებითად დავასახელებ. კონფლიქტური არცერთი მათგანი არ არის. კარგი ბავშვები არიან".

ქეთევან ქადიეშვილი სკოლის დირექტორი: "ვადასტურებ, რომ მშობლებმა შემოიტანეს განცხადება. ეს ერთი მხარეა. დაწყებული მაქვს მოკვლევა,  მჭირდება ახსნა-განმარტებები. როცა მექნება ორივე მხარე,  შემდეგ დისციპლინარულ კომიტეტს გადაეცემა და ვიმსჯელებთ ერთად. ეს ამბავი ძალიან დიდი ხანია მიდის სამეზობლოში და სკოლაში გრძელდება და მინდა, რომ მოგვარდეს".

მშობლები: "არ დაგვინახავს ჩვენ, რომ გ.კ. ტიროდა. არაფერი მომხდარა. უბრალოდ, არ არის ლამაზი და სასურველი, ოჯახური დაძაბულობა სკოლაში მოიტანო და ბავშვების წინაშე  დაამცირო ბავშვი.  ჩვენ რომ ჩვენმა შვილებმა დაგვისვას შეკითხვები _ რატომ არის ლ-ს და გ-ს მამა ნაციხარი, ან რატომ არის გ.ა-ს დედა უცხოეთში, ჩვენ  რა პასუხი უნდა გავცეთ? ასეთი წამოძახილები ბავშვების თანდასწრებით პედაგოგმა გააკეთოს,  შეიძლება? ჩემს შვილს რა პასუხი გავცე? ქალი ბოლო ხმაზე კიოდა _ თქვენი მამები იყვნენ ციხეში და ჩემი შვილები არასდროს დაესხმებიან არავის თავს. ნაციხრების შვილები ხართო, _ ასე მიმართავდა. ეს მშობელი კი მაქსიმალურად იკავებდა თავს, _ აღნიშნავენ მშობლები, რომლებიც ამბობენ, რომ ბულინგის ფაქტს და ასევე, ძალადობას ბავშვების მხრიდან ბავშვების მიმართ არ აქვს ადგილი:

"არ აქვს ბულიგნს ამ სკოლაში ადგილი, მით უმეტეს, ამ კლასში. დამრიგებელი გადაყოლილია ბავშვებზე. არ გვინდა, მსგავს რაღაცეებს ჩვენი შვილები ისმენდეს. ყველა ოჯახს აქვს პლიუსი და მინუსი, მაგრამ ეს პატარა ბავშვები მსხვერპლი არ უნდა გახდეს. ხომ შეიძლება ბავშვებმა რაც გაიგონეს და კიდე წაძახონ., _ამბობენ მეორე კლასისი მშობლები "გურია ნიუსთან"

სოციალური მომსახურების სააგენტოს წარმომადგენელები ვანო გოგოლაშვილი, მაია ჯაში და ია მგელაძე აღნიშნულ ფაქტთან დაკავშირებით სკოლაში მივიდნენ და მეორე კლასის დამრიგებელთან, ასევე, მშობლებთან და პედაგოგთან შეხვედრა მოაწყვეს:

_ მოვედით, რომ მორიგების გზით რაიმე დავარეგულიროთ.  რამდენად შესაძლებელია არსში გარკვევა და მოხმარება?

ნატალია გობრონიძე, დამრიგებელი: _ ბულინგი არის ძალადობა და ჩაგვრა ხომ? სად არის ასეთი ფაქტი? მე არა ვადასტურებ!

ირინა მუხაშავრია, პედაგოგი: _ მე რამდენჯერმე მოგთხოვე შენ ყურადღება. მე მაქვს ჩანაწერი, სადაც შენ ამბობ, რომ ეს ირინა მასწავლებელი აბუნტებს ყველაფერს, ეს მე მოვიყვან ბავშვებს, როგორც სთხოვდნენ ფულს ჩემს შვილიშვილს!

ნატალია გობრონიძე დამრიგებელი: _ უკარცავად, ქალბატონო ირინა, მაგრამ უკვე ორი წელია თქვენგან მარტო ა-ების  გვარის ხსენება  მესმის, დადიხართ და ბავშვებზე ვარსკვლავების რაოდენობას ამოწმებთ. არ არის ეს ოჯახური და სამეზობლო კონფლქტები ჩემი საქმე. მე ამ კონფლიქტს მოვაგვარებდი მშვიდობაინად, თქვენ რომ არ ჩარეულიყავით. თქვენ დამაბრალეთ ის, რომ ბავშვი დავსაჯე, დასჯა სიტყვიერ შენიშვნას არ ნიშნავს.

ლ.ა. მშობელი _ ბავშვებს ნაციხვრებს რომ უძახი და გენეტიკას ეხები, ეს შეიძლება?

ლელა იმედაშვილი, ოზურგეთის რესურსცენტრის ხელმძღვანელი: _ რა თქმა უნდა, ინფორმირებული ვარ აღნიშნულ ფაქტთან დაკავშირებით. სკოლის დირექციას დაწყებული აქვს საკითხის მოკვლევა, რის შემდეგაც საკითხი განსახილველად  გადაეცემა სკოლის დისციპლინური კომიტეტს.

ცვლილება სტატიაში: მოგვიანებით, "გურია ნიუსს" დაუკავშირდა მეორეკლასელი გ.კ.-ს დეიდა, რომელიც პროფესიით ფსიქოლოგია. მიუხედავად იმისა, რომ სტატიის დიდი ნაწილი მეორეკლასელი გ.კ.-ს ბებიას და ამასთან, პედაგოგის ქალბატონი ირინას კომენტარს უჭირავს, ნონა მუხაშავრია თვლის, რომ "მხარე არაა წარმოდგენილი ბავშვის, მისი მშობლების, დეიდას სახით და არ ჩანს ნათლად, რომ ბულინგის მსხვერპლი სწორედ მისი დისშვილია".

აქვე გთავაზობთ ნონა მუხაშავრიას პოზიციას უცვლელად: "მინდა გამოვეხმაურო "გურია ნიუსში" 18 დეკემბერს  გამოქვეყნებულ სტატიას  ,,ბულინგი სკოლაში" (ავტორი ჟანა მეგრელიშვილი).

მე ვარ ნონა მუხაშავრია, დაზარალებული ბავშვის დეიდა. საკითხთან დაკავშირებით მოვლენების განვითარებას მივყვები ქრონოლოგიურად: 14 დეკემბერს გახორციელდა ფსიქოლოგიური ძალადობა ჩემი დისშვილის მიმართ პედაგოგისგან, რაც ითვალისწინებდა არჩადენილი დანაშაულის აღიარებას საჯაროდ, სკოლაში, მშობელთა კრებაზე, სადაც ბავშვს მოუწია თავის მართლება. ამ ინციდენტის შემდეგ, ბავშვი  მალევე ვნახე ატირებული და აკანკალებული, რომელსაც უჭირდა მეტყველება. შეხვედრისთანავე მარცვალ-მარცვალ მითხრა, რომ მას არ შეუგინებია.

მე ადრეც მქონდა ინფორმაცია ბავშვებს შორის წარმოქმნილი კონფლიქტის შესახებ, რის გამოც არაერთხელ მივმართე კლასის ხელმძღვანელს თხოვნით, დამხმარებოდა პრობლემის მოგვარებაში.

ზემოაღნიშნულ სტატიაში არ ჩანს პრობლემის მთავარი არსი _ ბულინგი სკოლაში, რადგან მასში არ არის ნახსენები ბავშვის ფსიქოლოგიური მდგომარეობა, რომელიც  თანატოლებისა და მოზარდებისგან განიცდიდა სხვადასხვა ტიპის ძალადობას. ჟურნალისტი არ დაინტერესებულა არც დაზარალებული ბავშვის, არც მისი  მშობლის პოზიციით. ასევე სტატიაში არ არის აღნიშნული, თუ რატომ არ აქვს ბავშვს სურვილი მივიდეს სკოლაში _ იგი აცდენს გაკვეთილებს, კლასის ხელმძღვანელი კი არ ინტერესდება ამით.

შესაბამისად, მე მაქვს უპასუხოდ დარჩენილი კითხვები: რა ინტერესს ემსახურება  სტატია, როგორ შეიძლება დაუბრუნდეს ბავშვი სასწავლო პროცესს, ვინ ინტერესდება ბავშვის ამჟამინდელი მდგომარეობით და რამდენად მართებული იქნება ბავშვის სხვა სკოლაში გადაყვანა, პრობლემის მოგვარების მიზნით?!"

"გურია ნიუსი" მოუწოდებს სკოლის ადმინისტრაციას, ოზურგეთის რესურსცენტრის ხელმძღვანელობას, განათლების სამინისტოს შესაბამისი სამსახურის წარმომადგენლებს, სასწრაფოდ შეისწავლონ საკითხი და მიიღონ შესაბამისის ზომები კონფლიქტებისგან და სტრესული მდგომარეობიდან ბავშვების დაცვის მიზნით; ასევე, მოვუწოდებთ მშობლებს, ნათესავებს არ გააღმავონ დაპირისპირება და პირველ რიგში, მცირეწლოვანი ბავშვების სულიერ სიმშვიდეზე, სტრესისგან დაცვაზე იზრუნონ _ მხოლოდ ესაა "გურია ნიუსის"  ინტერესი ამ სტატიის გამოქვეყნებისას.




 ახალი ამბები
  • გიორგი მარგველაშვილი: „იმედია, როდესაც ეს რაღაც ციებ-ცხელება დამთავრდება, გაიაზრებენ“საქართველოს პრეზიდენტი, გიორგი მარგველაშვილი, კავკასიის უნივერსიტეტის მედიასკოლის სტუდენტებს შეხვდა და მიმდინარე პოლიტიკური პროცესების შესახებ ახალგაზრდების შეკითხვებს უპასუხა. შეხვედრაზე სტუდენტები დაინტერესდნენ: როგორც შეაფასებდა საქართველოს პრეზიდენტი საპრეზიდენტო არჩევნებზე გამოვლენილ დარღვევებს და ამ დარღვევებიდან გამომდინარე სალომე ზურაბიშვილის ლეგიტიმაციის საკითხს, პოლიტიკურ პროცესებში მესამე ძალის გაჩენის შესაძლებლობას, „ნაციონალური მოძრაობის“ ხელისუფლებაში მოსვლის შესაძლებლობას, ბიძინა ივანიშვილის პრემიერად დაბრუნების შესაძლო საკითხებსა და საზოგადოების ორად გაყოფისა და პოლარიზაციის შედეგებს. „ცოტა ხანში საქართველოს ეყოლება მე -5 პრეზიდენტი და მე, ქალბატონ სალომეს ვუსურვებ გამარჯვებებს ჩვენი ქვეყნის საკეთილდღეოდ. ძალიან ნათელია, რომ არჩევნები ჩატარდა ცუდად. არჩევნები ჩატარდა სერიოზული დარღვევებით, ამ დარღვევების მენიუში ჩვენ გვაქვს ყველა ის უარყოფითი გამოცდილება, რომელიც თაობების განმავლობაში საქართველოში ხორციელდებოდა. ეს არის საქართველოში არჩევნების დარღვევების სრული კრებული. მაგრამ ამავე დროს ფაქტია, რომ ასე ჩატარებული არჩევნების შედეგად, ჩვენ გვყავს 20 % -ით უფრო მეტი ხმით არჩეული პრეზიდენტი, რომლის ლეგიტიმაციასთან დაკავშირებით ფაქტიურად კითხვები არ ისმება. თუმცა, კითხვა ისმება იმასთან დაკავშირებით, როგორ გავაგრძელებთ ჩვენ ცხოვრებას ხვალ და ზეგ- როგორც ქვეყანაში დემოკრატიის განვითარების თვალსაზრისით, ასევე იმის შესახებ, როგორი იქნება ზოგადად, საქართველოს როლი: -ის პრიორიტეტი, რითიც ჩვენ ჩვენს დღის წესრიგს ვქმნიდით ევროკავშირში, ნატოში, ჩვენს საერთაშორისო პარტნიორებთან; ამ როლის მიმართ დაისვა სერიოზული კითხვის ნიშნები. კითხვის ნიშნები დაისვა არა აბსტრაქტულად, არამედ რეგიონალურად“,_განაცხადა მარგველაშვილმა. პრეზიდენტის განცხადებით, ახლა მივედით ამ წერტილამდე, ჩვენ უნდა გავიაზროთ ამ წერტილის შედეგები ამ რეალობაში და ვიყოთ ადეკვატურები, რადგან ჩვენი პრიორიტეტი - დემოკრატიაა - რითიც ჩვენ ჩვენ თავს ვაწონებდით ჩვენი მხარდამჭერების გასამრავლებლად. „სამწუხაროდ, იმ შეცდომებს რაც დავუშვით, ვეღარ გამოვასწორებთ, მაგრამ შეგვიძლია დიალოგში შესვლა და მე საქართველოში ისეთ საარჩევნო სისტემას შევქმნი, რომელიც ცოტა მაინც დამაბრუნებს დემოკრატიული სტანდარტების ლიდერის რანგში. სამწუხაროდ, მე ამ ტენდენციას ვერ ვხედავ. სამწუხაროა, რადგან ეს არის სრული გაუაზრებლობა იმისა, რა პოლიტიკურ ვითარებაში ვართ და საქართველოში როგორ იქმნება პოლიტიკური პროცესი და როგორ იქმნება პოლიტიკური დინამიკა. შესაბამისად, ჩემი დამოკიდებულება საპრეზიდენტო არჩევნების მიმართ არის შემდეგი. პრეზიდენტი ლეგიტიმურია, მე პირველივე დღეებში გამოვხატე ჩემი პოზიცია ახლადარჩეული პრეზიდენტის მიმართ და ვთქვი,  რომ მზად ვარ დავიწყო ცივილიზებულად უფლებამოსილების გადაბარების პროცესი, მაგრამ თუ იმ პოლიტიკურმა ძალამ, რომელმაც ამდენი დარღვევა მოუტანა ქართულ საზოგადოებას, არა „ნაციონალურ მოძრაობას“, პორტირებულებს ან ექპორტირებულებს, არამედ ქართულ საზოგადოებას, რადგან ეს ჩვენი პრობლემაა, ჩვენ ვართ იმ სახელმწიფოს მოქალაქეები, ვისაც ამ სტანდარტით აფასებენ. იმედია, როდესაც ინაუგურაცია ჩატარდება და ეს რაღაც ციებ -ცხელება დამთავრდება, გაიაზრებენ, რა ქვეყანაში, საზოგადოებაში და რეგიონში ცხოვრობენ, რა გამოწვევები აქვს ამ სახელმწიფოს და რომ ნაბიჯებია გადასადგმელი“,_განაცხადა ... ...
  • ხელფასის სახით 506 778 ლარი_ დეპუტატი 69 პლენარული სხდომიდან 62-ს არ დასწრებიამე-9 საქართველოს პარლამენტის დეპუტატი, ფრაქცია „ნაციონალური მოძრაობის“ წევრი კობა ნაყოფია  პარლამენტის პლენარულ სხდომათა გამცდენ დეპუტატებს შორის, მოწინავე ადგილს იკავებს. დეპუტატის დისციპლინური მოსწრების შესახებ ინფორმაცია „ფლანგვის დეტექტორმა“ შეისწავლა და დაადგინა, რომ ნაყოფია 2017 წელს 69 პლენარული სხდომიდან 62-ს არ დასწრებია. ამ დროის განმავლობაში, დეპუტატი არც 73 საკომიტეტო სხდომაზე იმყოფებოდა. „ფლანგვის დეტექტორის“ ინფორმაციით, რომელმაც დეპუტატის სახელფასო შემოსავლებიც დააჯამა, 2008 წლიდან 2017 წლის ჩათვლით, ხალხმა ნაყოფიას, ჯამში, 506 778 ლარი ... ...
  • „დეპუტატები საპარლამენტო საქმიანობისთვის ჯერ კიდევ არ არიან მზად” _ ცისკარიშვილი„საკანონმდებლო ორგანოში პარლამენტართა შორის მომხდარი გაწევ-გამოწევა სამარცხვინო სანახავი იყო. როგორც ჩანს, დეპუტატები საპარლამენტო საქმიანობისთვის ჯერ კიდევ არ არიან მზარდ, ვერ მომწიფდნენ. ჩვენს კანონმდებლებს არ აქვთ ამბიციური ქვეყნისთვის დამახასიათებელი დეპუტატების კულტურა, რაც სამწუხაროა“,_ აღნიშნა „გურია ნიუსთან“ პოლიტიკის ექსპერტმა სოსო ცისკარიშვილმა, რომელიც საკანონმდებლო ორგანოში დეპუტატებს შორის მომხდარ სიტყვიერ და ფიზიკურ დაპირისპირებას გამოეხმაურა. ცისკარიშვილი „ქართული ოცნება_დემოკრატიული საქართველოს“ თავმჯდომარის ბიძინა ივანიშვილის არაფორმალურ მმართველობაზე ამახვილებს ყურადღებას და აღნიშნავს, რომ დღეს სახელმწიფო სტრუქტურების დამოუკიდებლობა ნულოვანია, რაც ქვეყნის განვითარებას აფერხებს. „დღეს მთავრობა და პარლამენტი ბიძინა ივანიშვილის მიერ არის პრივატიზებული. სახელმწიფო სტრუქტურების დამოუკიდებლობა ნულოვანია. დღემდე არაერთი მაგალითი გვახსოვს იმისა, რომ გუნდმა, რომელიც ყოფილმა პრემიერმა ივანიშვილმა შექმნა, საზოგადოებისთვის დადებითი შედეგი ვერ მოიტანა“, _  აღნიშნა ... ...
  • „ივანიშვილმა რეორგანიზაცია საკუთარი თავით უნდა დაიწყოს“ _ ვახტანგ ძაბირაძე„ათეული წლების განმავლობაში, ყველა ხელისუფალი ერთსა და იმავეს აკეთებდა, კადრებს ცვლიდა, რაც ქვეყანაში შექმნილი ვითარების გამოსწორებაზე პოზიტიურ გავლენას არ ახდენდა და თუ ასე გაგრძელდება, არც მომავალში შეიცვლება მდგომარეობა“, _ აღნიშნა „გურია ნიუსთან“ პოლიტიკის ექსპერტმა ვახტანგ ძაბირაძემ. ძაბირაძეს მიაჩნია, რომ ხელისუფლების სტრუქტურული რეორგანიზაცია აუცილებელია. „მხოლოდ საკადრო ცვლილებების გახორციელებით არაფერი გამოვა, თუ ხელისუფლების სტრუქტურული რეორგანიზაცია არ გახორციელდა და კომპლექტური სამოქმედო გეგმა არ ჩამოყალიბდა. დღეს მმართველობით სისტემაში რეფორმების გახორციელება კრიტიკულად აუცილებელია. მხოლოდ ერთ სამინისტროში გახორციელებული რეფორმა ვერ იმუშავებს“, _ განაცხადა ძაბირაძემ. ექსპერტი „ქართული ოცნება _ დემოკრატიული საქართველოს“ თავმჯდომარის, ბიძინა ივანიშვილის არაფორმალურ მმართველობაზე ამახვილებს ყურადღებას და აცხადებს, რომ დღეს ქვეყანა კონსტიტუციის მიხედვით არ იმართება. ექსპერტი ივანიშვილს მოუწოდებს, როგორც ქვეყნის პირველმა პირმა, პრემიერ-მინისტრის თანამდებობა დაიკავოს. „ბიძინა ივანიშვილმა რეორგანიზაცია საკუთარი თავით უნდა დაიწყოს. საქართველოს კონსტიტუცია იმისთვის არსებობს, რომ  მისი ძალით იმართებოდეს ქვეყანა. ქვეყანაში ნომერ პირველი პირი არის პრემიერ-მინისტრი, რომელიც ივანიშვილმა, როცა მოუნდება მაშინ კი არ უნდა დანიშნოს, არამედ, როგორც ქვეყნის პირველმა პირმა, თავად უნდა დაიკავოს აღნიშნული თანამდებობა. თანამდებობა, რომელსაც ბიძინა ივანიშვილი დღეს იკავებს, კონსტიტუციურად, ფაქტობრივად, არაფერს ნიშნავს, ამიტომ ან საერთოდ წავიდეს პოლიტიკიდან ან მისთვის შესაფერისი ადგილი დაიკავოს“, _ აღნიშნა ... ...
  • „რატომ მაიძულებთ „ნაციონალების“ დღის წესრიგით ვიცხოვრო?!“_ ინაშვილი ჟურნალისტებს„რატომ მაიძულებთ, რომ „ნაციონალური მოძრაობის“ დღის წესრიგით ვიცხოვრო?!  არ მაინტერესებს“, _ განაცხადა „პატრიოტთა ალიანსის“ წარმომადგენელმა ირმა ინაშვილმა  დასმული კითხვის საპასუხოდ, რომელიც ოპოზიციის მიერ თელავში დაანონსებულ აქციას ეხებოდა. ინაშვილი ამბობს, რომ სალომე ზურაბიშვილის ლეგიტიმურობაში ეჭვი არ ეპარება.   „სალომე ზურაბიშვილი არის ლეგიტიმური პრეზიდენტი. ვერავინ იტყვის, რომ ზურაბიშვილს არ აქვს ლეგიტიმაცია. ის მეორე ტურში ნამდვილად გახდა პრეზიდენტი და მოითხოვა ქართველი ხალხის მხარდაჭერა. მივმართავ საგამოძიებო ორგანოებს დაიწყოს გამოძიება 780 ათასი ხმის შესახებ, რომლებიც „ნაციონალებმა“ არჩევნებში მიიღეს, რამდენად რეალურია. პარალელურად, ჩვენ ვაწარმოებთ გამოძიების, რომელიც ფაქტებს დადებს. არავითარი 700 ათასზე მეტი ხმა „ნაციონალებს არ მიუღიათ, რასაც დავამტკიცებ“, _ აღნიშნა ... ...

არქივი

ზაფრანი

ანტარქტიდაზე ოდესღაც პალმები და ბაობაბებიც ხარობდნენ

ანტარქტიდაზე ოდესღაც პალმები და ბაობაბებიც...

სკოლაში მალე რობოტებიც ივლიან

ავსტრალიაში სკოლის მოსწავლეებს გაკვეთილებზე მალე...

ნივთიერებები, რომლებიც ოქროზე ძვირი ღირს

ალბათ  ვერ დაასახელებთ მეტალ კალიფორნიუმ-252-ის...

სასიყვარულო წერილები ზოდიაქოს ნიშნებისგან

ვერძი _  "მე ძალიან ვეჭვიანობ და...

ადამიანის გატაცება და ასტროლოგია

ვერძი. მთელი ცხოვრების მანძილზე ვერძი...
კარმიდამო ჩემი

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...

მოახლოებული ზამთარი და პირუტყვის მოვლა-დაბინავება

ზამთრის მოახლოებისას, შინაურ მსხვილფეხა თუ...

როგორ მოვსპოთ ზამთრის განმავლობაში ნიადაგში მავნებლები

დეკემბრიდან, ჩვენს ბაღ-ბოსტნებში, როცა უკვე...

ბროწეული _ გახდომის საუკეთესო საშუალება

ბროწეული, არა მარტო დეპრესიისა და...

შეიძლება თუ არა ცხოველის წლოვანების ზუსტად დადგენა

იშვიათია, ალბათ, ადამიანი, რომელიც ვერ...

მანჭკვალას გამოყენება ძველებური და განახლებული მეთოდით

როგორც ვიცით, სოკოები უმდაბლესი უქლოროფილო...

როგორ დავამზადოთ კივისა და ფეიჰოას ჩირი შინაურ პირობებში

ზოგადად, ჩირის დამზადება ჩვენში ხალხური...

ნიადაგში სასუქების შეტანის სამი წესით უნდა ვიმოქმედოთ

სხვადასხვა აგრარული კულტურების მოსავლიანობა საგრძნობლად...

დეკორატიული მანდარინი _ ოფისებისა და საოჯახო სივრცეების სეზონური მშვენება

დეკორატიულ ციტრუსოვნებშიც არსებობს სხვადასხვა ფორმისა...

მოვამზადოთ "ნარჩენების ჭრელი მჟავე"

უამრავი სახეობის მჟავეულებთან შედარებით, ჩვენ...

მექსიკური ტორტილია და ბურიტო

მექსიკური სამზარეულოს ძირითადი ელემენტები _...

ფრანგული სალათა

საჭირო მასალა: ორი ცალი მოხარშული...