დაგეგმილი პროვოკაცია, რომელშიც "გურია ნიუსის" გამოყენება სურდათ _ მედიასახლი შსს-ს მიმართავს

მთავარი თემა

დაგეგმილი პროვოკაცია, რომელშიც "გურია ნიუსის" გამოყენება სურდათ _ მედიასახლი შსს-ს მიმართავს

2018 ივნ 21 11:14:12

„ქართული ოცნება“ გურულების და აჭარლების დაპირისპირებას ცდილობს, რაც დაუშვებელია. ახლახან დამიკავშირდა ადამიანი, რომლის ინფორმაციით, მასთან მივიდნენ „ოცნების“ წევრები და უთხრეს, რომ აწყობენ ნაციონალური მოძრაობის“ საწინააღმდეგო აქციას, რისთვისაც სჭირდებოდათ აჭარული მოსახლეობა, რომელსაც წინა ხაზზე დააყენებდნენ“, _ ეს ინფორმაცია „ნაციონალური მოძრაობის“ წევრმა ბესო ქათამაძემ „გურია ნიუსს“ კვირას, 17 ივნისს მიაწოდა.

ათამაძემ ის პირიც დაგვისახელა, რომელმაც მას ამ ფაქტის შესახებ უამბო და მისი ტელეფონის ნომერიც მოგვაწოდა. გვითხრა, რომ პიროვნება, რომელიც მას დაუკავშირდა, ვინმე დავით შავაძე იყო.

„გურია ნიუსმა“ იმ დღეს შავაძესთან დაკავშირება ვერ მოახერხა.

მეორე დღეს, 18 ივნისს, ეს ინფორმაცია ოზურგეთის ადმინისტრაციული შენობის წინ მიმდებარე აქციაზეც გაჟღერდა. „ნაციონალური მოძრაობის“ წარმომადგენლებმა არა ერთხელ თქვეს, რომ მმართველი გუნდი აჭარლების და გურულების დაპირისპირებას ცდილობს.

ამის შემდეგ „გურია ნიუსი“ დეტალები გადამოწმებას ცდილობს, მით უმეტეს, რომ მსგავსი შეტყობინება გუშინაც მივიღეთ.

გუშინ ჩვენ ასევე მოვახერხეთ დავკავშირებოდით ვინმე დავით შავაძეს, რომელის ტელეფონის ნომერიც, როგორც აღვნიშნეთ ბესო ქათამაძემ მოგვაწოდა.

თავიდან ამ პიროვნებამ ჩვენ ზარებს არ უპასუხა, მოგვიანებით კი სხვა ნომრიდან დაგვირეკა და საკმაოდ ვრცელი ინტერვიუ მოგვცა.

მოგვიყვა, რომ 2012 წლიდან „ქართული ოცნების“ მხარდამჭერია, დააკონკრეტა, რომ ცხოვრობს ოზურგეთის მუნიციპალიტეტის სოფელ კონჭკათში და რომ ნამდვილად დავით შავაძეა.

 "რამდენიმე დღის წინ ჩემთან მოვიდა "ქართული ოცნების" კოორდინატორი, რომელმაც მთხოვა, რომ შემეკრიბა აჭარული მოსახლეობა და გამეყვანა "ნაციონალური მოძრაობის" საწინააღმდეგო აქციაზე, რომელსაც "ოცნება" აწყობდა“, _ ყვება რესპოდენტი, მისი მტკიცებით, დავით შავაძე და აგრძელებს:

2012 წელს, მაშინ, როცა "ქართული ოცნება" ოპოზიციაში იყო და ბევრს ეშინოდა მათ გვერდით დადგომის, მე საკუთარი მანქანით დამყავდა ხალხი აქციებზე. მაშინ მეუბნებოდნენ, მოვა ახალი ხელისუფლება და ყველაფერი შეიცვლებაო. იმასაც მპირდებოდნენ, რომ ხელფასს მომცემდნენ _ ახლა ივანიშვილს ანგარიშები აქვს გაყინული და მერე აგინაზღაურდებაო.

ხელისუფლებაც შეიცვალა და ივანიშვილის ანგარიშებიც მუშაობს, თუმცა, ჩემთვის არაფერი შეცვლილა. მიუხედავად ამისა, მაინც ვიდექი "ქართული ოცნების" გვერდით. ასე იყო წინა არჩევნებზეც _ ტარიელ აროშიძეს, რაც შემეძლო, ისე დავეხმარე. ამას იმიტომ გიყვებით, რომ არ იფიქროთ "ნაციონალური მოძრაობის" წევრი ვარ.

უკვე, არც ერთი პარტიის მხარდამჭერიც კი არ ვარ. უბრალოდ, ვწუხვარ იმაზე, რომ რთულად ვითარდება პროცესები. ვიღაცას ძალიან უნდა ხალხი რელიგიურ და ეთნიკურ ნიადაგზე დააპირისპიროს და ამაში მეც გამომიყენონ“, _ ამბობს ის.

რესპოდენტმა ასევე დააკონკრეტა, რომ   სწორედ ამ მიზნით მივიდნენ მასთან "ოცნების" კოორდინატორი და ბესო ქათამაძის ცემაში ბრალდებული ტარიელ აროშიძის ახლობლები:

თქვეს, რომ აქციას აწყობდნენ, რომელზეც უნდა გამომეყვანა აჭარული მოსახლეობა. საუბარი იყო იმ დღეზე, როცა მელია ჩამოდიოდა. მე უარი ვუთხარი და გარკვევით ავუხსენი, რომ ამ პროცესებში არ ჩავერთვებოდი. თავს არავის გამოვაყენებინებ. მე არ ვარ პოლიტიკოსი და არც თანამდებობის პირი.

მე ჩვეულებრივი ადამიანი ვარ, რომელსაც მშვიდად ცხოვრება უნდა და რომელიც ბოლო დროს გრძნობს, რომ რელიგიური და კუთხური ნიშნით განსხვავებული მიდგომებია.

ვჭირდებოდი და გამომიყენეს. მე რომ რაღაც დამჭირდა და მივედი, არაფერი გააკეთეს. ახლა, ისევ მოვიდნენ და მთხოვეს, გვერდში დავდგომოდი, მაგრამ ცუდი რამ მითხრეს, რაზეც, როგორც გითხარით, არ დავთანხმდი”.

ამ საუბრიდან რამდენიმე წუთში, მას ჩვენ ხელახლა დავრეკეთ იმ ტელეფონის ნომერზე, რომელიც ბესო ქათამაძემ მოგვაწოდა და ვთხოვეთ იმ ადამიანის სახელი და გვარი ეთქვა, რომელიც მასთან მივიდა და აქციაზე აჭარული მოსახლეობის გამოყვანა სთხოვა.

მან „ოცნების“ კოორდინატორის ვინაობა იმ მოტივით არ დაასახელა, რომ ამ სოფელში უნდა იცხოვროს და დაძაბულობის შექმნა არ სურდა.

უფრო მეტი დეტალის გასარკვევად „გურია ნიუსი“ სოფელ კონჭკათში რამდენიმე პიროვნებას დაუკავშირდა. მათ შორის, „ქართული ოცნების“ წარმომადგენლებს, რომლებმაც გვითხრეს, რომ ადამიანი, სახელი და გვარით დავით შავაძე ამ სოფელში არ ცხოვრობს.

ჩვენ, ქათამაძის მიერ მოწოდებული ტელეფონის ნომერი ასევე სატელეფონო ბაზაშიც გადავამოწმეთ, სადაც აღნიშნული ნომერი ვინმე როინ ძირკვაძეზეა გაფორმებული.

ამის შემდეგ, სხვა ტელეფონის ნომრიდან იმ ნომრებზე დავრეკეთ, რომლებიდანაც ე. წ. „დავით შავაძე“ გვეკონტაქტებოდა და როინ ძირკვაძე ვიკითხეთ.

ტელეფონზე ქალბატონმა გვიპასუხა და გვითხრა, რომ როინი გასული იყო.

მეორე ნომერზეც, რომლიდანაც თავად დაგვიკავშირდა რესპოდენტი, ისევ ქალბატონმა გვიპასუხა და  აღნიშნა, რომ როინი დაკავებული იყო და ცოტა ხანში დავკავშირებოდით.

მოგვიანებით, არც ერთ ნომერზე არ გვიპასუხეს. რამდენიმე საათის გასვლის შემდეგ ჩვენ ისევ დავრეკეთ „გურია ნიუსის“ ნომრიდან ტელეფონზე, რომლიდანაც  ვინმე შავაძე დაგვიკავშირდა. ტელეფონზე ქალბატონმა გვიპასუხა. როდესაც ვუთხარით, რომ როინთან გვსურდა საუბარი, გაიკვირვა და აღნიშნა, რომ ასეთ არავის იცნობდა. შემდეგ დავუკონკრეტეთ, რომ ამ ნომრიდან დაგვიკავშირდნენ დავით შავაძის სახელით და ვთხოვეთ ტელეფონი მისთვის გადაეცა:

„არ ვიცი, საერთოდ ვინაა“, _ გვითხრა ქალბატონმა და ტელეფონი გაგვითიშა.

მას შემდეგ არც ერთ ნომერზე არ გვპასუხობენ.

ამ საუბრების შემდეგ, ჩვენ ბესო ქათამაძესაც დავუკავშირდით და სიტუაციაში გარკვევა მოვთხოვეთ.

ქათამაძემ გვითხრა, რომ პიროვნებას ისიც დავით შავაძედ იცნობდა:

_ მისი მეუღლის, ლიას ფეიბსუქით მეკონტაქტებოდა. თავად დამიკავშირდა და ის ინფორმაცია მომაწოდა, რომელიც მე თქვენ მოგაწოდეთ. მე სოციალური ქსელით ვეკონტაქტები და ასე გავიგე მისი ნომერიც, _ აღნიშნა ქათამაძემ.

ბესო ქათამაძეს ჩვენ მისი სიტყვების მტკიცებულებაც ვთხოვეთ. ის დაგვპირდა, რომ შესაბამის სკრინებს გამოგვიგზავნიდა. რამდენიმე შეხსენების შემდეგ ქათამაძემ სკრინები მოგვაწოდა. როგორც ის ამბობს, ეს მიმოწერა გახორციელებულია ე. წ. დავით შავაძის მეუღლის ფეისბუქგვერდიდან და ქათამაძის თქმით, ეს ქალბატონი ფეისბუქში დარეგისტრირებულია, როგორც ლია შავაძე.

ქათამაძის მიერ მოწოდებულ სკრინებში ჩანს, როგორ წერს ქათამაძეს ჩვენთვის უცნობი პიროვნება, რომ „ტელეფონის ნომერი დავით შავაძის სახელით მიაწოდე. შევცვალე, როგორც ვთქვით, ძმა!“ ქათამაძე მას ჟურნალისტის ტელეფონს აწვდის და ეუბნება, რომ ჟურნალისტი ამ ნომრიდან დაურეკავს.

ქათამაძის თქმით ახლა, ფეისბუქის ეს გვერდი გაუქმებულია.

 ჩვენ დღესაც ვცადეთ, ამ პიროვნებასთან დაკავშირება, თუმცა, უშედეგოდ. პარალელურად კი გავარკვიეთ, რომ ვინმე როინ ძირკვაძე ნამდვილად ცხოვრობს ოზურგეთის მუნიციპალიტეტის სოფელ კონჭკათში და ის, 2012 წელს „ქართული ოცნების“ აქტივისტი იყო.

ამ ყველაფრის გათვალისწინებით, „გურია ნიუსი“ მოუწოდებს შინაგან საქმეთა სამინისტროს, დაუყონებლივ დაიწყოს მოკვლევა ამ კონკრეტულ საქმეზე, დაადგინონ ვინ და რა მიზნით დაიგეგმა ეს პროვოკაცია, რატომ სურდათ ამ ყველაფერში „გურია ნიუსის“ გამოყენება და ასევე იპოვონ ის ადამიანი, რომელიც ჟურნალისტურ საქმიანობაში ხელის შეშლას ცდილობდა.

ჩვენ მზად ვართ საგამოძიებო უწყებას ყველა შესაბამისი ჩანაწერი, რომელიც ამ ამბების მოკვლევის დროს გაკეთდა, დაუყონებლივ გადავცეთ.




 ახალი ამბები
  • ერქომაიშვილის, შარაშენიძის და გოგიბერიძის პრესკონფერენცია, რომელსაც "ქართული ოცნება" ემიჯნებადღეს, ოზურგეთის დემოკრატიული ჩართულობის ცენტრში, სოსო ერქომაიშვილმა, კონსტანტინე შარაშენიძემ და შოთა გოგიბერიძემ, ადამიანებმა, რომელიც საკუთარ თავს, როგორც „2012-იანელები“, ისე მოიხსენიებენ, პრესკონფერენცია გამართეს. თუმცა, პრესკონფერენციაზე, რომელიც საკუთარი არსით, მედიის დასწრებას და მათი მოსაზრებების გაშუქებას მოიაზრებს, მხოლოდ ერთი მედიასაშუალება _ „გურიის მოამბე“ მიიწვიეს. როგორც გამოცემა წერს, „შეხვედრაზე საუბარი სალომე ზურაბიშვილის მხარდაჭერასა და მათივე განცხადებებიდან გამომდინარე, საქართველოს გადარჩენაზე იყო.  იყვნენ მკვეთრად კრიტიკულებიც, რომლებიც ამ "ბრძოლაში" ჩართვას სწორედ იმის გამო არ აპირებენ, რომ პარტიის შტაბს მათთვის მიუღებელი პირები _ მერაბ ჭანუყვაძე და კობა დუნდუა ხელმძღვანელობენ.  „რა გააკეთა პარტიამ ამ წლების განმავლობაში? ვინ დაიყენა გვერდით? რას მიხსნით აქ? შტაბს რომ მერაბ ჭანუყვაძე და მართლა მთელი ცხოვრება "ნაციონალების" მხარდამჭერი, კობა დუნდუა უდგანან სათავეში, იმათ დავუდგე გვერდით?“ _ დამსწრეთაგან იმათი განცხადებების საპასუხოდ კი, ვინც 'ოცნებას" წინა ხელისუფლების იმ პირებთან გარიგებაში ადანაშაულებენ, ვინც დამნაშავეები იყვნენ, ერქომაიშვილმა და შარაშენიძემ შემდეგი განცხადებები გააკეთეს:  კოტე შარაშენიძე: "ვიცი, რასაც შენ განიცდი, ისე განვიცდით ჩვენც, მაგრამ რაღაც რაღაცეების გამო შეზღუდულები ვართ. დავუჭიროთ მხარი ბიძინა ივანიშვილს, ისე კი არა, ზოგიერთი რომ იძახის ტყუილად ჰაერზე. ის საქმე უნდა გავაკეთოთ, რასაც დღევანდელი რეალობა ქვია. ბეწვის ხიდზე გავდივართ ახლა".  სოსო ერქომაიშვილი: "თუ იმაზე ვსაუბრობთ ახლა, საქართველო თუ სხვა რამე, ეს არაა სწორი. მე საქართველოს გვერდით ვდგები ახლა და დავამთავროთ. ამაზე ახლა მოვრჩეთ ლაპარაკს, ვსო. დროის ამბავი რა არის, ამას მე გეტყვით არჩევნების მეორე დღეს”, _ აღნიშნულია „გურიის მოამბის“ მიერ გამოქვეყნებულ სტატიაში. „გურია ნიუსი“ რამდენიმე საათია, ცდილობს, გაარკვიოს, რატომ არ მიიწვიეს პრესკონფერენციაზე სხვა მედიასაშუალებები და რატომ გაკეთდა სალომე ზურაბიშვილის მხარდასაჭერი პრესკონფერენცია მხოლოდ ერთი მედიისთვის. როგორც პარტიის ადგილობრივ ორგანიზაციაში გვითხრეს, აღნიშნული პრესკონფერენციის შესახებ მათ ინფორმაცია არ ჰქონდათ, და ეს იმ ფონზე, როცა სოსო ერქომაიშვილი „ქართული ოცნების“ ოზურგეთის საოლქო ორგანიზაციის ბიუროს წევრია. ბიუროს წევრის მიერ გამართული პრესკონფერენციის შესახებ საქმის კურსში არ იყო არც პარტიის პოლიტსაბჭოს წევრი, რეგიონებთან ურთიერთობის სამსახურის უფროსი დიტო სამხარაძეც. პარტიის პრესსამსახურის ხელმძღვანელის, ლელა გაბეჩავას თქმით, პრესკონფერენცია „ქართული ოცნების“ მიერ ორგანიზებული არ ყოფილა, ამის შესახებ ინფორმაციაც არ ჰქონდათ და მისთვის უცნობია, რა უნდოდა პრესკონფერენციაზე ბიუროს წევრს და რატომ იყო მიწვეული მხოლოდ ერთი მედიასაშუალება. კითხვაზე, რას გვეტყვიან პრესკონფერენციაზე გაჟღერებულ ბრალდებებზე, რომ „ოცნების“ შტაბში „ნაციონალები“ არიან, მით უმეტეს, რომ ამ ბრალდებებზე მმართველი პარტიის ოზურგეთის საოლქო ორგანიზაციის ბიუროს წევრს და პრესკონფერენციის ორგანიზატორს პასუხი არ გაუცია და ამაზე საუბარი სამომავლოდ გადადო, პარტიაში აღნიშნეს, რომ ვერაფერს: _ ერქომაიშვილს ვერ ვუკავშირდებით და ამ დროისთვის რაც შემიძლია გითხრათ ისაა, რომ, სავარაუდოდ, ეს ერქომაიშვილის დამოუკიდებელი გადაწყვეტილება იყო. ამ პრესკონფერენციასა და იქ მყოფ ადამიანებთან პარტიას შეხება არ ჰქონია და არანაირი პრესკონფერენცია ჩვენთან შეთანხმებული არ ყოფილა, _ გვითხრა გაბეჩავამ. ჩვენ შევეცადეთ კომენტარები პრესკონფერენციაზე მყოფი ადამიანებისგანაც მიგვეღო. შარაშენიძემ, როგორც ყოველთვის „გურია ნიუსის“ სატელეფონო ზარებს არ უპასუხა. მისგან მაგალითი აიღო სოსო ერქომაიშვილმა და კონტაქტზე არ გამოვიდა. ერთადერთი, ვინც კომენტარი გააკეთა, შოთა გოგიბერიძე იყო, რომლის განმარტებით, დღეს პრესკონფერენცია არ ჩატარებულა: _ ეს იყო „2012-იანელების“ სამუშაო შეხვედრა და არა პრესკონფერენცია. არავინ მიგვიწვევია. ჩემთვისაც მოულოდნელი იყო, როცა ერთ-ერთ მედიასაშუალებაში ამ შეხვედრის შესახებ სტატია წავიკითხე. ვერ გეტყვით, ვინ იყო. 50 კაცი იყო იქ და ყველას არ ვიცნობდი, _ აღნიშნა გოგიბერიძემ.   ... ...
  • ზურაბიშვილი: საარჩევნო კამპანიაში ჩართული არიან სხვადასხვა ქვეყნის, მაგრამ არა რუსი პიარსპეციალისტები (R)საარჩევნო კამპანიაში ჩართული არიან სხვადასხვა ქვეყნის პიარსპეციალისტები, მაგრამ არა რუსი პიარსპეციალისტები, – ამის შესახებ პრეზიდენტობის დამოუკიდებელმა კანდიდატმა, სალომე ზურაბიშვილმა განაცხადა. ჟურნალისტებმა ქალთა ორგანიზაციის წევრებთან შეხვედრის შემდეგ სალომე ზურაბიშვილს ჰკითხეს, არიან თუ მის საარჩევნო კამპანიაში ჩართული პიარკონსულტანტები ისრაელიდან, რაზეც სალომე ზურაბიშვილმა უპასუხა: „კამპანიაში ჩართული არიან სხვადასხვა ქვეყნის პიარსპეციალისტები, მაგრამ არ არიან ჩართული რუსი პიარსპეციალისტები". პრეზიდენტობის დამოუკიდებელი კანდიდატი დღეს ორგანიზაცია „ქალები სამართლიანობისთვის" წევრებს შეხვდა, სადაც ქვეყნის პოლიტიკურ ცხოვრებაში ქალთა ჩართულობის მნიშვნელობაზე ... ...
  • "მერი გვეკაიფება" _ რატომ დაუპირისპირდნენ დაბა ლაითურის მაცხოვრებლები ოზურგეთის მერსოზურგეთის მუნიციპალიტეტის დაბა ლაითურის #2 საბავშვო ბაღში ახალის ნაცვლად ძველი საბავშვო ატრაქციონები მიიტანეს - ამის შესახებ დაბის მცხოვრებლებმა “გურია ნიუსს“ დაუკავშირდა. “კარგად დააკვირდით ამ სურათს და არ გაგიკვირდეთ _ ეს ის დაპირებაა, რომელიც რამდენიმე დღის უკან ბატონმა მერმა კონსტანტინე შარაშენიძემ ლაითურს მე-9 რაიონის მოსახლეობას მისცა და  რომელსაც დიდი სიხარულით ელოდნენ. თქვენთვის მომინდია, დაარქვით სახელი _  ეს შეურაცხყოფაა, დაცინვაა თუ სხვა რამ მსგავსი, რადგან ასეთი და ცოტა უკეთესი უკვე ლაითურის #2 საბავშვო ბაღში დგას 50 წელია. რატომ ჩათვალა მერმა, რომ ჩვენ ამითაც კმაყოფილი ვიქნებოდით, მაშინ როცა თავისი სახლის წინ ეზოში აშენებს ახალ პარკს.  ეჭვი გვაქვს ეს სწორედ იმ პარკიდან ამოიღო და გამოგვიგზავნა იმ ადამიანებს, რომლებმაც მას მხარი დაუჭირეს და მუნიციპალიტეტის მერად აირჩიეს  _ ვინ გაგვცემს ამაზე პასუხს?“ - ეს წერილი ფოტოებთან ერთად „გურია ნიუსს“ ოზურგეთის მუნიციპალიტეტის დაბა ლაითურიდან გამოუგზავნეს. ფოტოებზე კარგად ჩანს, რომ საბავშვო ბაღში მიტანილი ატრაქციონები დაზიანებული _ ერთ-ერთი კი დაჟანგულია. დაბაში არ მალავენ, რომ შარაშენიძის საქციელით შეურაცხყოფილები არიან: _ მერი გვეკაიფება _ სხვა არ ვიცით რა ვიფიქროთ. ასეთი აგდება და შეურაცხყოფა გინახავთ სადმე? ხელისუფლების კანდიდატისთვის ხმა კი უნდათ და დაპირების შესრულება არა! ნურავის გონია, რომ ასე ადვილად მოტყუვდება ხალხი. თუ დაგვცინიან არც ჩვენ დავრჩებით ვალში და არჩევნებზე გავცემთ საკადრის პასუხს, _ აღნიშნავენ დაბაში. ოზურგეთის მუნიციპალიტეტის მერის წარმომადგენელის თანაშემწის რეზო მესხიძის თქმით, ატრაქციონები ლაითურში გვიან ღამით მიიტანეს: _ კომუნისტების დროინდელი ატრაქციონებია, მაგრამ ვინ მოიტანა არ ვიცით. ჩვენთვის არავის არაფერი არ უთქვამს. მუნიციპალიტეტის მერიისგან იყო დაპირება, რომ საბავშვო ატრაქციონებს მოიტანდნენ _ ხალხიც ელოდებოდა და მოიტანეს ძველი ატრაქციონები. მოსახლეობა ვარაუდობს, რომ ესენი სხვაგან იდგა და ჩვენთან გადმოისროლეს. არადა, მასეთი ატრაქციონები დგას დაბაში _  უბრალოდ, ერთს ცალი ფეხი არ აქვს და მეორე კიდევ გაფუჭებულია, _  გვითხრა რეზო მესხიძემ. ვინ და საიდან მიიტანა ძველი ატრაქციონები დაბაში უცნობია ოზურგეთის მუნიციპალიტეტის საკრებულოს წევრის, დაბა ლაითურის მაჟორიტარი დეპუტატის გია ჩაგანავასთვისაც. „გურია ნიუსმა“ კი გაარკვია, რომ ატრაქციონები, ოზურგეთის მერის სახლთან მდებარე პარკიდან წაიღეს, რომლის ნაცვლად შარაშენიძის მეზობლად არსებულ სკვერში ახალი იდგმება. ის, რომ ატრაქციონები ნამდვილად ოზურგეთიდანაა წაღებული „გურია ნიუსთან“ საუბრისას დაადასტურა ოზურგეთის მუნიციპალიტეტის  სკოლამდელი აღზრდის ცენტრის ხელმძღვანელმა მაკა ჭყონიამ: „ეს საბავშვო ატრაქციონები ჭავჭავაძის ქუჩაზე მდებარე პარკიდან, სადაც ააჯამად სარეაბილიტაციო სამუშაოები მიმდინარეობს გუშინ, მერიის გადაწყვეტილებით წაიღეს. როგორც მერისგან გავიგე,  ადგილზევე მოხდება ატრაქციონის დამონტაჟება, რესტავრაცია, შეღებვა და განახლება,“  _ აღნიშნა ჩვენთან საუბრისას ... ...
  • სალომე ზურაბიშვილი: ამ ბრძოლაში ქალები იქნებიან მთავარი ძალა (R)პრეზიდენტობის დამოუკიდებელი კანდიდატი სალომე ზურაბიშვილი მიიჩნევს, რომ ქვეყნის პოლიტიკური და სოციალურ ცხოვრებაში ქალთა ჩართულობა აუცილებელია. აღნიშნულ საკითხზე ზურაბიშვილმა ქალთა ორგანიზაცია „ქალები სამართლიანობისთვის“ წევრებთან შეხვედრაზე ისაუბრა. მისი თქმით, ქალები საქართველოში ამომრჩეველთა 53 პროცენტს წარმოადგენენ, მაგრამ პოლიტიკაში სათანადო ადგილი არ აქვთ. „ქალების ჩართულობა აუცილებელია. ქალები წარმოადგენენ ამ ქვეყნის ამომრჩევლების 53 პროცენტს, მაგრამ არ აქვთ სათანადო ადგილი პოლიტიკაში. ამ დროს ქვეყნის ყველა სხვა დარგში, პრაქტიკულად, ქალები არიან წარმოდგენილი. ისინი არიან ძალიან ძლიერები, ზოგჯერ, ძალიან წარმატებულიც, მაგრამ არა პოლიტიკაში, არც ადგილობრივ დონეზე და არც პარლამენტში. მაგალითი, რაც მე მინდა, შემოვიტანო ქართულ პოლიტიკაში, რომ როგორც სხვა მოწინავე ქვეყნებში, საქართველოსაც ეყოლება ქალი პრეზიდენტი, ეს არის მაგალითისა და შემდეგი ბრძოლისთვის, რაც უნდა გავიაროთ, რომ საზოგადოება თანამედროვეობისკენ შეიცვალოს და ამავდროულად, შეინარჩუნოს ყველაზე ღირებული ტრადიციები. ამ ბრძოლაში ქალები იქნებიან მთავარი ძალა. ეს არის ამ ქვეყნისთვისაც და ჩემთვისაც მთავარი ძალა“, – განაცხადა სალომე ზურაბიშვილმა შეხვედრაზე. პრეზიდენტობის კანდიდატმა მოძრაობის წევრებს მხარდაჭერისთვის მადლობა ... ...
  • სალომე ზურაბიშვილი მისი ფოტოს შეცვლის შესახებ: მე ეს სტილი ბევრად უფრო მომწონსსაქართველოს პრეზიდენტობის კანდიდატი, სალომე ზურაბიშვილი, საპრეზიდენტო არჩევნების მეორე ტურისთვის ბილბორდებიდან მისი ფოტოების ნაცვლად ოცნების  ლიდერების გამოსახულებით ჩანაცვლებას ეხმაურება. სალომე ზურაბიშვილი ამბობს, რომ ძალიან ბედნიერია ბანერების შეცვლით და განმარტავს, რომ პირველი ტურისთვის გადაღებული ფოტო მას არ მოსწონდა. „განცდა იყო, რომ ვარ ძალიან ბედნიერი იმიტომ, რომ ის პირველი სურათი ნაკლებად მომწონდა. მე არ ვიცი, თქვენი მოსაზრება როგორი არის, მე ძალიან მომწონს ახალი სურათი და პირველი ტურის დროს, მე სულ ვამბობდი, რომ მე მეგონა, რომ ჩემი სურათი ცოტა ძალიან ბევრი იყო და ძალიან დიდი იმიტომ, რომ ეს არ არის ის ევროპული სტილი, რომელიც მომწონს და მე ეს სტილი ბევრად უფრო მომწონს, იმედი მაქვს, თქვენც,“  - განაცხადა სალომე ზურაბიშვილმა. ოცნების მიერ მხარდაჭერილმა საპრეზიდენტო კანდიდატმა ორგანიზაცია ქალები სამართლიანობისთვის წარმომადგენლებთან შეხვედრისას განაცხადა, რომ „ეს საზოგადოება უნდა შევცვალოთ და ნამდვილად ავაშენოთ თანამედროვე, ქართული საზოგადოება, არა რომელიმე სხვა ქვეყნის „კოპიო“, არამედ თანამედროვე და ქართული“. ზოგიერთ ბილბორდზე პრეზიდენტობის კანდიდატის მხოლოდ სახელი და გვარი წერია, თუმცა, ბანერზე მხოლოდ ქართული ოცნების დამფუძნებლის ან პარლამენტის თავმჯდომარის ფოტოებია განთავსებული.  ... ...

არქივი

ზაფრანი

უცნობი ფაქტები მამაკაცის სხეულის შესახებ

დიდი ტვინი საშუალოდ, ტვინის მოცულობა...

სიყვარულის ფერების თეორია

ჯონ ალან ლი კანადელი მეცნიერია,...

ყველაზე არაპროგნოზირებადი და სახიფათო ცხოველები

თაფლიჭამია თაფლიჭამია, იგივე რეიტელი, მართალია,...

როგორ არ უნდა დალიოთ ღვინო

ღვინისათვის “სუნთქვის" საშუალების არ მიცემა...

7 თვისება, რომლითაც მაღალი ინტელექტის მქონე ადამიანს ამოიცნობთ

ინტელექტი ადამიანის თვისებაა, რომელიც აზროვნების...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნების მეორე ტურში?