"დაგვებედა დასალპობად განწირული მანდარინით სავსე სახლი"


მთავარი თემა

"დაგვებედა დასალპობად განწირული მანდარინით სავსე სახლი"

24 დეკ. 2020, 11:34:35

გურიაში წელს ციტრუსოვანთა უხვი და ხარისხიანი მოსავალია.

"გურია ნიუსი" ხშირად აშუქებს გურულ მეციტრუსეთა გასაჭირის შესახებ, რომელთაც ახლახან ყუთების პრობლემა ჰქონდათ ყველაზე მეტად, მალე კი მყიდველთა ნაკადიც შეწყდა, რადგან, ცნობილი მოვლენების გამო, პანდემიის პირობებში, მიმოსვლა აკრძალული და შეფერხებულია.

ოზურგეთის მუნიციპალიტეტის სოფლებში, სადაც კი ციტრუსოვანთა პლანტაციები აქვს მოსახლეობას, რეალიზაციის უმწვავესი პრობლემა დგას.

17 დეკემბერს, ბარბარობის დღესასწაულზე, "გურია ნიუსმა" ასეთი წერილი მიიღო სოფელ მერიის და კონჭკათის მკვიდრთაგან:

"გილოცავთ დღევანდელ დღეს, დღეს ხომ ბედობის დღეა, ჩვენ კი დაგვებედა დასალპობად მოქცეული მანდარინით სავსე სახლი. ზოგი _ ყუთში, ზოგი კი იატაკზე დაყრილი ფუჭდება. რამდენიმე დღის წინ რომ გვესტუმრეთ, მაშინ გახარებული მაინც ვიყავით, ყუთები არ ჰქონდა ხალხს, მაგრამ "კლიენტი" ბევრი დადიოდა. თუმცა, მას შემდეგ შეწყდა _ გზა ჩაიკეტაო და არავინ მოდის. გავყიდეთ იმდენი, რითაც გავისტუმრეთ მუშებისთვის გადასახდელი თანხა.

ამ საახალწლოდ კი ვართ "მდიდარი" მანდარინით ავსებული სახლით... მანდარინით, რომელიც უნდა დალპეს. ყურძნის და ვაშლის მოსავალს კი ჰყავს პატრონი, მაგრამ გურიას არასდროს ჰყოლია და არ ჰყავს ასეთი პატრონი, იქნებ, თქვენებურად იაქტიუროთ _ ვინმეს მიაწვდინოს ხმა "გურია ნიუსმა", _ გვწერს მერიისა და კონჭკათის მოსახლეობა.

როგორც გავარკვიეთ, სურათი არ შეცვლილა _ მომხმარებელთა ნაკადმა იკლო, ციტრუსოვნები კი მოსახლეობას ან მოკრეფილი აქვს ან არ ჩქარობს მოკრეფას, რადგან, ვარაუდობენ, თუ თოვლი არ მოვიდა, ნაყოფის ცოტა ხანს ხეზე დატოვება უფრო საიმედოა.

დეკემბრის მიწურულია, თუმცა, მოსახლეობა მანდარინს მაინც არ კრეფს

_ ხავსს ვეჭიდებით _ ხეზე ცოტა ხნით მაინც შეინახავს თავს ნაყოფი, _ გვეუბნებიან აქაურები.

როგორც ისინი ამბობენ, მათთვის უცნაურია ის გარემოებაც, რომ ტელევიზიით ერთხელაც არავის დაცდენია სიტყვა ციტრუსოვანთა სეზონზე, რა უჭირთ, რა ულხინთ მეციტრუსეებს, მოახერხეს თუ არა მოსავლის რეალიზება.

სოფელ მერიის მკვიდრთ, ძირითადად, მანდარინი მოკრეფილი აქვთ, თუმცა, მოსავლის ნაწილი მაინც ხეზეა დატოვებული:

_ ოთხი ტონა ხარისხიანი მანდარინი მაქვს მოკრეფილი, რომელიც პირდაპირ იატაკზე მიყრია. კლიენტი უფრო სეზონის დასაწყისში მოდიოდა, ნახევრად რომ იყო ნაყოფი ყვითელი. ნეტავ, ყველა გამეყიდა მაშინ. მერე ცოტ-ცოტა კი გავყიდეთ, მაგრამ ახლა, პანდემიის პირობებში, ამბობენ, რომ უცხოეთში ვერ გააქვთ და აღარავინ მოდის საყიდლად. თუ მოვლენ, წერტილიც არ უნდა აჩნდეს, ისეთი კარგი უნდა იყოს. შარშან არ იყვნენ ასე პრეტენზიულები _ ნორმალურ მანდარინში გვაძლევდნენ ნორმალურ ფასს. 1200 კილოგრამი ჩავაბარე "ენესი", კილოგრამი 10 თეთრად. ქობულეთში წაიღეს. იცით, რატომ? ხევში გადაყრა რომ არ დამჭირვებოდა და ხეც ხომ უნდა გათავისუფლებულიყო?! თორემ იანგარიშეთ, მუშისთვის მისაცემი ფული, თავიდან შეწამვლა. მერე, წვრილი მანდარინის მოკრეფა უფრო ძნელია _ წაგებაზე ხარ. ოღონდ ესაა, რომ როგორც გითხარით, გადასაყრელი იქნებოდა და ამისთვისაც დამხმარე მუშის ძებნა დამჭირდებოდა. ეს საქმეა? ტელევიზორში ერთი კაცი არ მინახავს მთავრობიდან, რომ კრინტი დაეძრას ციტრუსის სეზონის შესახებ. არავის გავხსენებივართ. პანდემია კი არის, მაგრამ ასე შეიძლება? _ გვეუბნება კონჭკათის მკვიდრი დიანა ბაჯელიძე.

ადგილობრივები ამბობენ, რომ აგვისტომდე ანუ თხილის სეზონის დაწყებამდე, ამ ციტრუსოვანთა რეალიზაციით აღებული ფულის იმედად იყვნენ. ახლა კი, დიდი ალბათობით, მანდარინის გადაყრა მოუწევთ.

_ მოკრეფილი ტონობით მანდარინი, როგორც ჩანს, გადასაყრელი გაგვიხდება. ნახევარი თუ გაასაღა ხალხმა. ზოგს თავისი ტრანსპორტი ჰყავს და დააქვს გასაყიდად. ასე წვალობენ. 70 წელს გადავაბიჯე, შრომის მეტი რა ვიცი?

ვინ მოგხედავს?! სოფლის გამგებელს სიტყვას ვერ შეუბრუნებ. მერი მელაპარაკა ამას წინ, შარაშენიძე. რაღაცას მოგიხერხებთ, გიშველითო, _ მითხრა. ტყვილა რომ მითხრას, მაინც მიხარია. აბა, ესენი ვინ არიან _ სოფლის გამგებელი რომ გეტყვის, დავამთავრე ლაპარაკი, ვერ გიპასუხებო, უნდა იყოს მაგ ადგილზე?

_ მერი ნიშნავს ადმინისტრაციული ერთეულის წარმომადგენელს...

_ ხო, რა ვიცი, უქნარა სახლშიც გამოერევა. მაღაზიაში, მანდარინის შესაწამლი პესტიციდისთვის მიხვალ და სიტყვას ვერ შეუბრუნებ, კითხვას ვერ დაუსვამ. არადა, არ ვარგა ეს წამალი, არა! ოთხჯერ შევწამლეთ და მანდარინს მაინც სიშავე და ხორკლი აქვს! თქვენ შეგიძლიათ მთავრობას მართალი ხმა მიაწვდინოთ ჩვენი გასაჭირის შესახებ, თორემ, მოსული "კლიენტიც" და მერის წარმომადგენელიც ისე იყურებიან ზევიდან, როგორც მთავრობა.

გვიშველეთ რამე! გაზაფხულიც მალე მოვა და ეს ვადაგასული წამლები მაინც მოაშორონ და ხარისხიანი შემოგვთავაზოს ვინმემ. მთავრობამ უნდა მოაგვაროს ეს საქმე, _ გვეუბნება მერიის მკვიდრი ავთანდილ ბაჯელიძე.

_ ორ ტონამდე მოუკრეფავი მანდარინი მაქვს დატოვებული ხეზე. რად მინდა რომ მოვკრიფო?! სამი ტონა მოკრეფილი სახლში მიყრია, ვერ გავყიდე. ახლაც იქნება შიგ დამპალი და გამოსარჩევი, მიუხედავად იმისა, რომ "ენესი" გამოვარჩიე და ჩავაბარე, თუ მაგას ჩაბარება ჰქვია. გუშინ აზერბაიჯანელები გვესტუმრნენ, არჩიეს სათითაოდ და ცოტა წაიღეს. ეს გვშველის?

"რა ვუყოთ ამ სიმწრით მოწეულ-მოკრეფილ მანდარინს?!"

ნატანების ქარხანა დაკეტილია, მერიის პავილიონშიც აღარ იღებენ. მხოლოდ ქობულეთშია მიღება და იქაც "ენესი" მიაქვთ. როგორი გამწარებული ვართ, ვინმეს შეუძლია გაიგოს? _ გვეუბნება მერიის მცხოვრები მზევინარ ღლონტი.

ჯერჯერობით, პასუხი კითხვაზე, რა ეშველება მოსახლეობის ამ პრობლემას, პასუხი არავის აქვს.

"გურია ნიუსთან" საუბრისას მერიისა და კონჭკათის მცხოვრებლები ამბობენ, რომ ხელისუფლებამ უნდა მოხედოს მათ:

_ ყველაზე მეტი ხმა "ქართულმა ოცნებამ" გურიიდან მიიღო. გამოჩნდნენ ახლა და დაგვეხმარნონ. ადგილზე მოვიდნენ. დაგვენახონ, გამოგვაძებნინონ გზები, რომ წლის მოსავალი არ გვეზარალოს, _ ამბობენ ისინი.

"გურია ნიუსთან" საუბრისას ადგილობრივი ხელისუფლების წარმომადგენლები განმარტავენ, რომ პანდემიის პირობებში ყველაფერი შეფერხებულია:

_ ძალიან ვწუხვართ. ვიცით ამ პრობლემის შესახებ, მაგრამ, ჯერჯერობით, მდგომარეობა უცვლელია. პანდემიის პირობებში შეფერხდა მოძრაობა, მოქმედებს რეგულაციები, _ ამბობენ ოზურგეთის მერიასა და საკრებულოში.




 ახალი ამბები
  • შსს-მ თბილისში ორი კოვიდინფიცირებული ტაქსის მძღოლი დააჯარიმაშინაგან საქმეთა სამინისტრომ კოვიდ-19-ის გავრცელების წინააღმდეგ მოქმედი რეგულაციის დარღვევისთვის თბილისში 2 კოვიდინფიცირებული ტაქსის მძღოლი დააჯარიმა. როგორც შსს-ს მიერ გავრცელებულ განცხადებაშია ნათქვამი, ცენტრალური კრიმინალური პოლიციის დეპარტამენტის თანამშრომლებმა 2 კოვიდინფიცირებული ტაქსის მძღოლი - 1988 წელს დაბადებული გ.ფ. და 1975 წელს დაბადებული ზ.ს. თბილისში იზოლაციისა და კარანტინის წესების დარღვევისთვის დააჯარიმეს. გ.ფ. კოვიდაღრიცხვაზე 2021 წლის 5 იანვრიდან იმყოფება, ზ.ს. კი – 13 იანვრიდან. ორივე მათგანზე სპეციალისტებმა თვითიზოლაციის რეკომენდაცია გასცეს. მიუხედავად ამისა, აღნიშნულმა კოვიდინფიცირებულმა პირებმა თვითნებურად დატოვეს იზოლაციის ადგილი. სამართალდამცველებმა კორონავირუსით დაინფიცირებული გ.ფ. იმ დროს დააჯარიმეს, როდესაც იგი თბილისში, წერონისის ქუჩაზე, ავტომობილით გადაადგილდებოდა. რაც შეეხება კოვიდაღრიცხვაზე მყოფ ზ.ს.-ს, იგი სავაჭრო ცენტრი „ქარვასლას“ მიმდებარე ტერიტორიაზე, ტაქსის ტრაფარეტიანი ავტომობილით გადაადგილებისას დაჯარიმდა. პოლიციამ ორივე კოვიდინფიცირებული ტაქსის მძღოლი ადმინისტრაციულ სამართალდარღვევათა კოდექსის 42-ე პრიმა-10 მუხლით გათვალისწინებული ქმედების ჩადენისთვის, 2000-2000 ლარით დააჯარიმა. ისინი დაჯარიმების შემდეგ კოვიდსასტუმროში გადაიყვანეს. შინაგან საქმეთა სამინისტრო კვლავ მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა, დაიცვან კანონი და დაემორჩილონ დაწესებულ ... ...
  • ზუგდიდში, 22 წლის ბიჭმა 42 წლის მამაკაცი მოკლა, კვალის დაფარვა კი ხანძრის გაჩენით სცადა42 წლის მამაკაცი, რომლის ცხედარიც გუშინ, გვიან ღამით, დამწვარ ბინაში იპოვეს, მოკლულია, ხანძარი კი კვალის დაფარვის მიზნითაა გაჩენილი. გარდაცვლილს ჭრილობები ზურგსა და გულმკერდში, სავარაუდოდ, ცივი იარაღით აქვს მიყენებული. ცხედარი ექსპერტიზაზე გადაასვენეს. გუშინ გავრცელებულ ინფორმაციაში მამაკაცის გარდაცვალების მიზეზად ელექტროგამათბობელი და დაუდევრობით დაჩენილი ხანძარი სახელდებოდა, თუმცა, ექსპერტ-კრიმინალისტებმა, რომლებიც ადგილზე მთელი ღამის განმავლობაში მუშაობდნენ, მკვლელობის კვალი აღმოაჩინეს. შსს-მ ცხელ კვალზე 22 წლის მამაკაცი დააკავა, რომელიც, "მთავარის" ინფორმაციით, გარდაცვლილთან ანგარიშსწორების მიზნით სოხუმიდან შემოვიდა ზუგდიდში, მკვლელობის შემდეგ კი ისევ ოკუპირებულ ტერიტორიაზე აპირებდა მიმალვას. დაკავებული ბრალს აღიარებს და მკვლელობის მოტივად ეჭვიანობის ნიადაგზე შურისძიებას ასახელებს.  წყარო: ... ...
  • როგორი ამინდია მოსალოდნელი დღეს საქართველოშიგარემოს ეროვნული სააგენტო დღეს მოსალოდნელი ამინდის შესახებ ინფორმაციას აქვეყნებს. სინოპტიკოსები 17 იანვარს ქუთაისში წვიმას პროგნოზირებენ. დღისით +9 გრადუსია ნავარაუდები, ღამით კი +5 გრადუსი იქნება. ოზურგეთშიც წვიმიანი ამინდია მოსალოდნელი, დღისით აქაც +9 გრადუსია მოსალოდნელი, ღამით კი +5. ღრუბლიანი დღეა მოსალოდნელი ბათუმში. დღისით სინოპტიკოსები +11 გრადუსს პროგნოზირებენ, ღამით კი +5 გრადუსი დაფიქსირდება. ღრუბელია ნავარაუდები ფოთში, სადაც ჰაერის ტემპერატურა დღის განმავლობაში +10 გრადუსს მიაღწევს, ღამით კი +7 გრადუსია მოსალოდნელი. ღრუბლიანი დღეა მოსალოდნელი ზუგდიდშიც. ჰაერის ტემპერატურა +11 გრადუსს მიაღწევს, ღამით კი +9 იქნება. ღრუბლიანი ამინდი იქნება სოხუმში, ჰაერის ტემპერატურა +9 გრადუსს მიაღწევს დღისით, ღამით კი +6 გრადუსი დაფიქსირდება. მესტიაში დღე უნალექოდ ჩაივლის. დღისით ტემპერატურა -2 გრადუსი იქნება, ღამით -3 გრადუსი დაფიქსირდება. ამბროლაურში ღრუბელი და +3 გრადუსია მოსალოდნელი, ღამით ტემპერატურა -1 გრადუსამდე დაიწევს. ღრუბელია მოსალოდნელი ჭიათურაშიც, სადაც +6 გრადუსი იქნება დღის განმავლობაში ჰაერის ტემპერატურა, ღამით კი -2 გრადუსი დაფიქსირდება. ახალციხეში +3 გრადუსი და ნალექია მოსალოდნელი, ხოლო ღამის განმავლობაში ჰაერის ტემპერატურა 0 გრადუსამდე დაიწევს. უნალექო დღეა მოსალოდნელი ბორჯომში, სადაც +4 გრადუსი იქნება, ღამის განმავლობაში +1 გრადუსი დაფიქსირდება. ბაკურიანშიც უნალექო დღეა მოსალოდნელი, -2 გრადუსი დაფიქსირდება დღისით, ღამით კი -5 გრადუსი იქნება. გორში დღისით წვიმა და +5 გრადუსია მოსალოდნელი, ღამის განმავლობაში +2 გრადუსი დაფიქსირდება. ღრუბლიანი ამინდია ცხინვალში, სადაც დღისით ჰაერი +3 გრადუსამდე გათბება, ღამით კი 0 გრადუსი დაფიქსირდება. გუდაურში ღრუბლიანი დღე და 0 გრადუსია ნავარაუდევი დღისით, ღამით კი ჰაერის ტემპერატურა -2 გრადუსი იქნება. ღრუბლიანი დღე იქნება ომალოშიც, ჰაერის ტემპერატურა +1 გრადუსი იქნება, ღამე კი -2 გრადუსამდე დაიწევს. ლაგოდეხში ნალექია მოსალოდნელი, ჰაერის ტემპერატურა დღის განმავლობაში +4 გრადუსს მიაღწევს, ღამით კი 0 გრადუსი დაფიქსირდება. ასევე წვიმა ნალექია მოსალოდნელი თელავში. აქ დღის განმავლობაში +11 გრადუსი დაფიქსირდება, ღამით კი +4 გრადუსია მოსალოდნელი. იწვიმებს გურჯაანში, სადაც დღისით ჰაერი +8 გრადუსამდე გათბება, ღამით კი +2 გრადუსი დაფიქსირდება. +4 გრადუსი და წვიმიანი ამინდია მოსალოდნელი სიღნაღში, ღამით კი +2 გრადუსი იქნება. რუსთავში დღისით ჰაერის ტემპერატურა +11 გრადუსი და წვიმაა მოსალოდნელი, ღამით კი +4 გრადუსი დაფიქსირდება. ღრუბლიანი ამინდია მოსალოდნელი თბილისში. ჰაერის ტემპერატურა +5 გრადუსი იქნება, ღამით კი +2 გრადუსი ... ...
  • რატომ ეშინიათ ძაღლებს საახალწლო ფეიერვერკების?ძაღლებს გაცილებით უკეთ აქვთ განვითარებული სმენითი ორგანოები, ვიდრე ადამიანებს. აქედან გამომდინარე, ხმამაღალი ხმა მათში სტრესs, შიშს და დისკომფორტს იწვევს. ხშირად შეგვხვედრია ხმაურისაგან შეშინებული ძაღლები, განსაკუთრებით, ახალ წელს. რის ეშინიათ ძაღლებს, რაც მათი პანიკის საფუძველი ხდება და ზოგ შემთხვევაში, ეს შიში სიკვდილის მიზეზი ხდება? ამ თემაზე საქართველოში პირველი ვეტერინარული პორტალის Vetnet.ge-ს ერთ-ერთ დამფუძნებელს ივანე ზაქარეიშვილს ვესაუბრეთ: „ძაღლი თუ ლეკვობიდან არ არის მიჩვეული ხმაურს, როცა გაიზრდება ხმამაღალი მუსიკისაც შეეშინდება. ამიტომ, აუცილებელია, ლეკვობიდან მოხდეს ცხოველის სოციალიზაცია, რაც გულისხმობს ხალხმრავალ ადგილებს და ხმაურთან შეგუებას. ხმაურში იგულისხმება ქუჩის ხმაური, ხმამაღალი მუსიკა, ხალხის ლაპარაკი და ა.შ. მონადირე ძაღლი ლეკვობიდან უნდა მიეჩვიოს თოფის ხმას. ძაღლებში შიშით გამოწვეული პანიკა შეიძლება სიკვდილით დასრულდეს. განსაკუთრებით მძიმეა ძაღლებისთვის ახალი წლის ღამე, როცა უამრავი რამ ერთდროულად ფეთქდება და ამ დროს ძაღლი ვერ ახერხებს თავშესაფრის ... ...
  • “მთავარია, გვწამდეს!“ _ მართლმადიდებელი მასწავლებლის და მუსლიმი მოსწავლის გულწრფელი ცრემლებიჩოხატაურის მუნიციპალიტეტის სოფელ ბუკნარში ბოლო დროს განვითარებული მოვლენები მუსლიმი და მართლმადიდებელი მრევლს შორის შერიგებით დასრულდა. 15 იანვარს, ბუკნარის მოვლენების არა ერთი კადრი გავრცელდა, მათ შორის იყო პედაგოგის და ყოფილი მოსწავლის ფოტოები. მასწავლებელი ბუკნარის საჯარო სკოლის პედაგოგი მარიკა ხელაძეა, ყოფილი მოსწავლე _ თემურ ირემაძე. მარიკა მართლმადიდებელია, თემური _ მუსლიმი. მასწავლებლის და მოსწავლის ურთიერთობა დღემდე გრძელდება. მარიკა ხელაძე: „1988 წლიდან ვასწავლი სოფელ ბუკნარში. სოფელში არის სიმშვიდე და სხვა ვითარება არც უნდა იყოს აქ. მუსლიმ და მართლმადიდებელ მრევლს შორის ერთი დაპირისპირებაც არ ყოფილა ამ ხნის მანძილზე. არ მომწონს ფრაზა „შერიგება“ _ ჩვენ ერთმანეთის გვერდით ვცხოვრობთ, ერთმანეთს ყველაზე კარგად ვიცნობთ, ერთმანეთის სიხარული გვახარებს და მწუხრს ვიზიარებთ. მე თავიდან მივმართე ჩემს მოსწავლეებს, რომ არ პროვოკაციებს არ ავყოლოდით. მაგრამ, იმდენად კარგად შეფუთული იყო ეს პროვოკაცია, ვერ ავცდით განვითარებულ მოვლენებს. მე გაზრდილი ვარ იმ უბანში, სადაც მუსლიმები ცხოვრობენ. ჯერ კიდევ ბავშვობაში ჩადრიანი ქალების მუხლებზე გამიტარებია დიდი დრო. ლექსებს ვამბობდი და ეს ძალიან მოსწონდა ყველას. ამ ურთიერთობას ვერავინ გაანადგურებს, რადგან ერთმანეთის მიმართ  გვაქვს სიყვარული და პატივისცემა. თემურ ირემაძე იყო ჩემი მოსწავლე. ჩვენ ძალიან კარგი ურთიერთობა გვქონდა და გვაქვს. თემური, როდესაც სტუდენტი იყო, არდადეგების დროს, სოფელში დაბრუნებისას, ავტობუსს გააჩერებდა და პირველ რიგში, ჩემთან მოვიდოდა. მოვიკითხავდით ერთმანეთს და შემდეგ ფეხით მიდიოდა სახლში. ერთად სწავლობდნენ და ახლაც სწავლობს მართლმადიდებელი და მუსლიმი აღმსარებლობის ბავშვები. მათ აქვთ არაჩვეულებრივი ურთიერთობა და ამ ურთიერთობას შეწყვეტა არ უწერია“. თემურ ირემაძე: „გუშინ ყველამ ერთად დავინახეთ, რომ ყველაფერი კარგად დასრულდა. მე ახლა ქალაქ ბათუმში ვიმყოფები, მაგრამ მაქვს კონტაქტი სოფელთან და ვიცი, რომ იქ მშვიდი ვითარებაა. რაღაც ბზარი კი გაჩნდა, მაგრამ დროთა განმავლობაში ყველაფერი მოგვარდება. პირველ რიგში, ერთმანეთის პატივისცემამ გაიმარჯვა, გაიმარჯვა იმ დამოკიდებულებამ, რომელიც გვქონდა ამ წლების განმავლობაში და გაიმარჯვა ღმრთის სიყვარულმა. მთავარია, გვწამდეს, ვილოცოთ და ვიკითხოთ იქ, სადაც ჩვენი სალოცავია“. “გურია ნიუსმა“ თემურ ირემაძეს ჰკითხა, რომ გაეხსენებინა ისეთი ამბავი, რომელიც მართლმადიდებელი და მუსლიმი მრევლის მეგობრობას ასახავდა: “როდესაც, სოფელ ბუკნარის ცენტრში ეკლესია შენდებოდა, ჩემი ოჯახიდან მამაჩემმა თბილისიდან რამდენჯერ ჩამოიტანა სამშენებლო მასალა ამ ეკლესიისთვის. იმიტომ, რომ ჩვენს მეგობრებს სალოცავი ჰქონოდათ. ამით ის მინდა ვთქვა, რომ სოფელში ყველას კარგი და თბილი ურთიერთობა გვაქვს. ყოველთვის მეგობრულად ცხოვრობდა მუსლიმი და მართლმადიდებელი მრევლი. არ ყოფილა არანაირი დაპირისპირება და კონფლიქტი“, _ გვითხრა თემურ ირემაძემ. მან სკოლაში სწავლის პერიოდზეც ისაუბრა: “33 ბავშვი ვიყავით ერთ კლასში და დღემდე გვაქვს საოცარი, სამაგალითო, მეგობრული ურთიერთობა. მუსლიმ და მართმადიდებელ ბავშვებს საოცარი დამოკიდებულება გვქონდა. ეს დამოკიდებულება, ეს მოგონებები, ბავშვობის წლები როგორ დამავიწყდება?! მასწავლებლებთან მეგობრული დამოკიდებულება გვქონდა და დღესაც გვაქვს“. იამზე ვაჩეიშვილის ... ...

არქივი

ტესტები

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....